رواية راما الفصل الثامن 8 - بقلم اسماعيل موسى
راما
٨
اطلقت دكتوره راما ابتسامه ساخرة وهى تتأمل ملامح ادم، غريب أمر الرجال تكاد تشعر ان لديه أكثر من قلب فى جوفه
وكانت تعرف انها جميلة
فعندما تقف راما امام المرأه ولأنها انثى تعرف انها بكل المقايس الرجاليه جميله وجذابه
تقدر تقولى يا استاذ ادم، ايه إلى يجبرنى اتجوز شخص بيحب مراته؟
انت عارف انى دكتوره ولى مكانتى ووضعى ولست اقل جمال من جين مراتك
ليه اقبل اتجوزك وانت بتحبها وانا عارفه انك مش بتحبنى ولا يمكن تحبنى
وقبل ما ادم يفتح بقه همست راما وياريت متقولش الحب بيجى بعد الجواز والكلام ده
اما عايزاك تقنعنى الان واحنا قاعدين ليه انا ممكن اقبل كده
ليه بتقولى انى مش هحبك؟
راما... لانك بتحب مراتك ولا يمكن تتخلى عنها
ادم.. رفع وجه قلق، انا ممكن اعترفلك بحاجه لكن متسألنيش عن اسباب؟
راما.. ممكن... لكن لو اقتنعت
ادم.... انا فعلآ ميال ليكى يا دكتوره من اول ما شفتك ارجوكى متسأليش ازاى دا ممكن يحصل
وازاى ممكن احب شخصين فى وقت واحد
راما... اه، دا الموضوع كبير بقا وانا معرفش؟
يعنى انت مثلا بتحبنى من اول ما شوفتى؟
ادم، فعلا، انا معجب بيكى واتمنى اتجوزك ولو وافقتى تتجوزينى هتعرفى قد ايه انا ميال ليكى جدا
راما.. بتقول ميال؟ يعنى حتى مش قادر تقول بحبك؟
ادم...... متعدوتش اكدب او اقول كلام لا اعنيه
انا مش بتاع لف ودوران يا دكتوره راما !! ولو حتى هخسرك لا يمكن اكدب عليكى، مش ممكن أعلى مصالحى الخاصه فوق مصلحتك
انا واضح جدا، صفحه بيضاء، اضع نفسى أمامك فوق الطاوله عارى من الزيف والقرار قرارك
كلام جميل وضحت راما وهى بتبتسم، لكن مفيهوش ضمانات يا استاذ ادم
ادم بعيون كسله، الضمان الوحيد يا دكتوره انى هقدرك واعرف مكانتك، عمرى ما ازعلك ثم بهمس وقلبى يكون ليكى
ارتعش جسد راما، ارتج قلبها الصلب، انه قلبه سيكون ملكها
ادم....؟ سألت راما، هو فيه حاجه بينك وبين جين لازم اعرفها؟
ادم...... بص فى عيون راما الواسعه ورأى فيها نفسه
رأى فيها أيامه القادمه ومستقبله
قولى موافقه وانا هقلك على كل حاجه
ممم... دا لوى دراع يعنى يا ادم ولا ايه؟ انت قولت انك صريح ومش بتاع لف ودوران
ليه بتحاول دلوقتى انك تكون حويط؟
وبعدين يا اخى ان طلبت اقعد معاك يعنى من غير فزلكه معناه انى مهتمه بالموضوع
ادم بنبره ضعيفه هو انا ممكن اثق بيكى؟
راما. طبعا ممكن تقف بيا
ادم حتى لو مكنش لينا نصيب مع بعض؟
راما.. بنبره صارمه اكيد يا ادم
تنهد ادم، شرد للحظه، اخرج سيجاره، تأمل وجه راما وهيئتها
كانت جميله لدرجه لا تحتمل
تستحق بعض التنازلات لانه يريدها له، انا وجين حاجه غريبه
انا اتجوزت جين عن حب ولسه بحبها وهفضل احبها
لكن علاقتنا الخاصه معقده شويه
راما يعنى ايه؟
ادم يعنى يا دكتوره انا بحب جين، لكن مقدرش أقرب منها
راما.. بغموض وشك، ازاى يعنى؟
ادم وكانت نبرته واضحه لا تحتمل الشك ولا المواربه
بعد الجواز جين اصيبت بمرض، وقعدنا شهور نجرى على الدكاتره والمستشفيات لحد ما ربنا كتبلها الشفا، انا طبعا مش بتذمر ولا اى حاجه وعمرى ما اشتكيت ولا هشتكى لان جين حته منى زى ما أنتى هتكونى حته منى، لكن جين قلبها ضعيف وطبيا منعآ لأى تدهور حتى لو كان مجرد شك
انا مقدرش أقرب من جين، ومكنش عندى اى مشكله فى ده ومرت سنين لكن جين بدأت تلح عليه انها مش مرتاحه كده
وانا مصلحتها مش ممكن تكون اهم من مصلحتى وحصل بينا مشاكل كتير بسبب ده وكنت برفض كل محاوله منها لارتباطى بغيرها
لحد ما شوفتك فى الفرح وحركتى حاجه جوايا، حاجه مليش يد فيها
راما.. يعنى انت بقالك سنين مش بتقرب من جين؟
ادم بثبات ايوه
راما.... بتردد وجين هتعيش معانا لو وافقت؟
ادم، طبعآ الا لو كان ليكى رأى تانى
راما..... صمتت للحظه، بالعكس جين لازم تكون موجوده
ادم يعنى انتى موافقه؟
راما بشرود، ادينى وقت افكر، استنى منى تليفون
ادم حاضر، خدى وقتك، هنتظر قرارك
خلصت القعده وكل واحد راح على بيته وكانت راما أكثر تشتت وارتباك، سألت عن ادم وشركته وعرفت ان مكانته الاجتماعيه كويسه، وعرفت كمان ان ملوش علاقات نسائيه
كان شخص مميز وغامض
سألت جين ادم عشرين مره عن إلى حصل معاه هو وراما
وكان ادم يحكى لها إلى حصل مع اقتطاع نقطة اعترافه لراما
لان جين كان أملها ان راما توافق من غير ما تعرف حاجه عن إلى بينها وبين ادم
- يتبع الفصل التالي اضغط على ( رواية راما) اسم الرواية