رواية حلم الليالي الفصل التاسع 9 - بقلم هاجر عبد الحليم
رواية حلم الليالي الحلقة ٩
ف منزل عبدالهادي
ف الصالة
اميرة..يابت بطلي عياط حصل اي يعني راح قرد ييجي مكانه غزال انا مكنتش موافقة ع الجوازة دي من الأول واهو جت من عند ربنا اومي بقا اغسلي وشك وانسيه خالص وليكي عليا هجوزك سيد سيده وهخليه يبكي عليكي عمره كله وف الاخر مش هيطولك
شهد بعياط...بس انا عايزاه هو ياماما
اميرة بغضب..الكلام دا لا هيقدم ولا هيأخر وملهوش لازمة اي هتموتي من بعده يعني ولا اي بلاش توهمي نفسك انتي زي القمر واللي يتمنوكي كتير معرفش انتي بتحبيه ع اي الواد دا تصدقي بالله انا مش مرتاحاله ولو ختيه م هتعرفي تسعدي معاه ابدا اسمعي كلامي وكلميه وانهي معاه الموضوع دا خليني اعرف انام
شهد بعياط...دي حياتي وهعيشها بأختياري واوعي بقا انا غلطانة اني حكيتلك اصلا
اميرة..لا بقا م انا مش هسيبك بتضيعي نفسك واسكت
شهد....لا اسكتي ومتتكلميش معايا انا صدعت من كلامك دا وريحي نفسك بقا وفوكك مني خالص عشان لو ركزتي معايا هتعبك بجد
اميرة بغضب...انا بقا هروح اكلم عبدالله واقولو ينساكي خالص ولو جدعة وقفيني
شهد بصريخ..اياكي يامامااااا والللله هرمي نفسي من البلكونة وهجيبلكم مصيبة
اميرة...لاا دي حكاية وميتسكتش عليها ابدا انا هكلم ابوكي بتصرف معاكي
شهد بأصرار...والله لو عملته اي هي كدا خلصت وبعد اذنك سيبني واطفي النور دا
اميرة بحزن..ربنا يهديكي يابنتي والله غلبت معاكي
ف منزل عبدالله
ف غرفة النوم
مروة...بقيت احسن
عبدالله..ملكيش دعوة
مروة..انت بتحاسبني ع حاجة مليش يد فيها دا ظلم ها
عبدالله..امشي يامروة من وشي بجد هزعلك والله
مروة..هتعمل اي يعني؟
عبدالله..هو جر شكل صح
مروة..دا ع اساس اني هموت واتكلم معاك مثلا وهو في حد بيحب الخناق؟
عبدالله..مروة انا جوايا نار لو طالتك مش هتعرفي تصفيلي تاني
مروة..عبدالله انت غيرت عليا من زياد؟
عبدالله...مش مسالة غيرة انا مرتحتش لشخصه وحاسس تستاهلي واحد احسن منا هتجوز وعايز ابقى مطمن عليكي مع راجل يصونك
مروة..دي مجرد اشعارات كدابة ثم انت حد قالك عليا عيلة بضفاير ويضحك عليا نظرتك غلط يااستاذ زياد بيحبني ويتمنالي الرضا انت بس مستحملتش حد يهتم بيا قدامك انت اناني اوي عايز كل حاجة من غير اي مقابل وانا خلاص جيبت نهاية صبري معاك من حقي اختار وزياد اكتر شخص هيسعدني وميهمنيش نظرتك دي انا ليا دعوة ب احساسي وهمشي ورا قلبي وبس مش وراك انت
عبدالله..دي اخرتها يامروة بتقفي قصادي؟
مروة..ايوة عشان تفوق بقا هتظلمني لي وهضحي عشان مين عشان واحد مش بيفكر غير ف روحه وبس واللي حواليه مهما يحصل مش هيبصلهم ولا يحس بيهم
عبدالله..انا ليه شامم ريحة غدر؟
مروة..ايوة ياعبدالله في وهتشوف
هرولت من امامه فتحت الدرج وتنفست بهدوء واتت بأوراق مجهولة لا احد يعرف مصدرها
رفع حاجبه بتسأءل
مروة..انهردة مفيش هروب زي كل م متعود تعمل هتطلقني ياعبدالله والا
عبدالله بغضب..والا اي يامروة؟
مروة..والا هتصل بحماك وهعملك فضيحة وهصغرك قدامه ومش هتعرف ترفع راسك من كتر الذل اللي هعمله فيك طلقني وخليك راجل بقا
عبدالله بكل غضب رفع كفه لتهبط ع وجه مروة بصفعه مدوية جعلتها تسقط ع الارض من قوتها نظرت له بصدمة وهو بندم قرا ف عنيها تصميم غريب حيرة سيطرت عليه ولكن كلامها كان صعب عليه تحمله واخيرا نطق
انتي طالق يامروة
ف غرفة عبدالله
اروي..كفايا عياط يامروة انتي اللي غلطانة مفيش راجل يستحمل الكلام دا هو معذور بردو
مروة..كله بيقدملو مبررات بس ماشي براحتكم لكن انا مش ندمانة وكويس انه طلقني كدا احسن كفايا عذاب بقا مش هقدر اعيش مع راجل مش فاهم نفسه وعمال يدوس ع اللي حواليه بكل قسوة وحجود حياته هو حر فيها بس مينفعش يدخلنا معاه ف دوامة ملهاش نهاية واخرتها وجع انا اكتفيت
اروي..مش ندمانة؟ انتي متاكدة يامروة دا روحك فيه؟
مروة بحزن..كنت لكن دلوقت خرج من قلبي اول م طلقني خرج من البيت وانا متاكدة انه راحلها نهايته يلا اومي معايا
اروي..ع فين؟
مروة...لازم امشي من هنا انهردة ومش هعرف اجهز حاجتي لوحدي محتاجة مساعدتك هتساعديني ولا لا؟
اروي..اومي يلا انتي عبيطة هو اي اللي لا منا جاية عشانك وهنعدي المحنة دي سوا زي م متعودين بس يعني يامروة هتقدري تشوفيه مع شهد؟
مروة..انا مش هكون معاه عشان هشوف من انهردة هو من طريق وانا من طريق كرهته يااروي كرهته بجد
اروي..انا بس مستغربة ازاي جالك قلب تكلمي المحامي وتطلبي منه ورقة الطلاق لا وبكل جبروت منك تمضي عليها عملتيها ازاي دي دا لو حد قالي مكنتش صدقت
مروة..الطريق اللي نهايته معروف المماطلة فيه كأن في ديمل بتدوسي عليه انما الحل تقطعي عرق وتسيحي دم وقوع البلا ارحم من انتظاره هو هيبجي هيمضي ع الورق وبكدا خلصت الحكاية انا بس خايفة ع خالتي
اثناء حديثهم سمعو صوت ارتطام قوي نظرو الي بعضهم برهبة وهرولوا سارعين فتحو الباب وجده سعاد مرمية ع الارض
مروة بصريخ..خااااالتيييييي
نزلت اروي وحاولت افاقتها
اروي...خالتي خالتي فوقي يالهوووي!!
مروة...في اي؟
اروي بعياط..دي قاطعة النفس خالص يامروة انا خايفة تكون ماتت
مروة بصدمة..ماتت!!
ف منزل شهد
طرقات ع الباب متواصلة فتحت شهد الباب واتصدمت ب
شهد..عبدالله!!
ف منزل عبدالله
مروة..مش بيرد
اروي..وبعدين هنعمل اي؟
مروة..مفيش قدامي غير زياد
ف منزل شهد
عبدالهادي..طلقتها؟
عبدالله..مش دا اللي انتو عايزينه دلوقت انا عايز اكتب ع شهد
عبدالهادي..براحة عليا يبني الموضوع مش بيتاخد كدا
شهد..بس يابابا
عبدالهادي بعصبية..اسكتي انتي؟
عبدالله..ياعمي في اي انا ابتديت احس انك مش عايزني وكل دا تلاكيك اهي بنتك بقيت ليها لوحدها ومروة هتمشي وهتتجوز
عبدالهادي..زياد مش كدا؟
متستغربش دي الحاجة اللي قالتلي انت عارف بقا شهد مش بتخبي ع والدتها حاجة
عبدالله..ياعمي لو مش عايزني سكة ودوغري قولي بدل اللف والدوران دا
عبدالهادي..يبني انا مليش غيرها ومن حقي افرح بيها وانا شعري شاب وافهمها وهي من بعيد وانا اهو بقولك انت بتحب مروة
واللي يقول غير كدا كداب
عبدالله بصدمة..بحب مروة!!!
قطع حديثهم رن متواصل
عبدالله بعصبية..اي يامروة اي
مروة بعياط...الحقني ياعبدالله الحق خالتي سعااااد مااااتتتتتت
•تابع الفصل التالي "رواية حلم الليالي" اضغط على اسم الرواية