رواية عاق الوالدين الفصل التاسع 9 - بقلم أيات عبدالرحمن

  

 رواية عاق الوالدين الفصل التاسع 9 - بقلم أيات عبدالرحمن

الدكتور : للاسف المدام عندها كانسر في الد.م في المرحله الاخيره ومش هتعيش اكتر من شهر او اقل كمان

راشد وهو الرؤيه عنده بدأت تتلاشي وانفاسه بدأت تضيق واتكلم بصعوبة وقال : انت بتقول اي يا دكتور فريده لا لا مستحيل هي اللي قالت ليك تقولي كدا عشان اتخض عليها

صح فريده مستحيل لا فريده اقوي من كدا

الدكتور كان مشفق عليه جدا حالته كانت صعبة اوي

الدكتور: لا حول ولا قوة الا بالله ادعي ليها علي ادد ما تقدر وربنا يتقبل منك الحالات اللي زي دي بتحتاج لمعجزه وربنا متطلع وان شاء الله هيستجاب بعد اذنك

راشد كان واقف تايه مصدوم حزين عاجز مش عارف يتصرف ازاي او يعمل اي مش مصدق ولا كلمه من اللي الدكتور قالها ايوه هو كان بيحب فريده بس ما كانش يتوقع ان هو بيحبها بالطريقه دي

من غير حتي ما يدخل ليها سأل ممرض عن مكان الصلاه وجري وهو تايه كان بيصلي ويدعي كان بيبكي زي الطفل

المؤلم في الحكايه ان هو ما زعلش لما افتكر ان ابوه اتوفي ادد ما زعل لما عرف بتعب زوجته يا ريت لو كانت زوجة صالحه وما فرقتش الاب وابنه عن بعض

خلص صلاه ودخل ليها كان بيضمها بحزن وخوف وبكاء شديد الكل كان سامع صوت بكاؤه مش هسيبك يا فريده مش هقدر من غيرك

مرت ايام بلياليها ايام كإنها سنين راشد كان اتجاهل زيزي تماما مش عايز اي حاجه تبعده عن فريده او تشغله عنها كان طول الوقت مع فريده بيشاركها الوجع والألم كل ما يطلبوا ليها د.م هو اللي يبادر بيه لحد ما بقاش قادر يمشي

اولاده اتذلوا ودا يضربهم ودا يإذيهم وبيته اتدمر هي مهما كانت قاسيه بس كانت مراعيه البيت والاولاد وكمان الطفل الرضيع دا ربنا يتولاه برحمته

…………

صالح: لا حول ولا قوة الا بالله يمهل ولا يهمل

سعاد : صعبان عليا اوي العيال ياابا هيتشردوا من بعد امهم

صالح : لن يصيبنا إلا ما كتب الله لنا ربنا معاهم يا بنتي انا بفكر اجيبهم هنا معايا لحد ما ربنا يشفي امهم وتقوم ليهم بالسلامه

معاذ : يشفي امهم اي بس يا حاج دا الدكتور بيقول عدوا ليها

صالح : يحي العظام وهي رميم يا عالم خد يا ابني اخوك وروحوا اقفوا جنب اخوكوا وايديكم بإيديه

وهاتوا عياله هنا مرات خالهم مش هتتحملهم

خالد: حاضر يا حاج اللي تشوفه يلا يا معاذ

………..

زيزي كانت واقفه في البلكونه ومنتظره رجوع راشد اللي اول ما لمحته جاي من بعيد نزلت جري عشان تكلمه

اي يا راشد بقالك كام يوم قافل تليفونك ومش عارفه اقابلك ولا اتكلم معاك

راشد بتعب : ولا هتعرفي يابنت الناس اللي بيني وبينك خلاص انتهي وربنا يبعتلك الاحسن انا مش عايز حد غير مراتي

زيزي: يا سلام بالسهوله دي توعدني الاول وتروح تتجوزها وبعدين ترجعلي ودلوقتي مش عايز غيرها انا نفسي اعرف هي سحرالك بإي عشان متمسك بيها كدا والله قليل عليها اوي اللي هي فيه دا ولسه يا راشد هتتعذب علي الدنيا

وهتتمني المو.ت ومش هتطوله وبصراحه كلنا فرحانين فيها اوي

راشد تلقائي كدا رفع ايديه وضر.بها بالقلم الناس اتجمعوا

اقسم بالله لولا اني تعبان ومش قادر دلوقتي لكنت خليتك عبره للجميع دلوقتي

انت بتضر،بني عشان واحده حقي.ره قسيتك علي ابوك وبسببها طردته

راشد : واكسر . دماغك لو اتكلمتي عنها تاني كلمه واحده قدامي غورررري من وشييييي

والدة زيزي : اطلعي معايا بكفايانا فضا.ئح الله يسامحك اطلعي سمعتي الناس بينا اطلعي

…………

ماما

انتي نازله يا رغده ولا اي

ايوه يا ماما هروح اشتري كام حاجه كدا محتاجاهم وراجعه علي طول

طب ما تتأخريش يا حبيبتي عشان هنروح نزور خالك

لا يا ماما روحي انتي انتي عارفه ان مش بحب مرات راشد

واحنا اي بس اللي هيخلينا نروح عند مرات راشد

خالك يا حبيبتي اولاده اشتروا ليه فيلا وعايش فيها ( هي فاهمه كدا بس عشان الاسئله )

رغده : اه ربنا يذيده

طب روحي بقي وماتتأخريش عشان ها تيجي معايا

بردوا يا ماما قولت ليكي مش عايزه انتي عارفه

عارفه من غير ما تقولي بس مرات راشد في المستشفى بين الحياه و المو.ت

رغده : يا ساتر يارب ليه

الله اكبر تعبانه وفي المرحلة الأخيرة

رغده : لا حول ولا قوة الا بالله ربنا يشفيها يارب طب وعيالها

دول بقي ربنا معاهم

خلصي بقي وما تتأخريش عشان نلحق نخلص البيت تنظيف احنا راجعين من السفر بقالنا يومين ولسه ما خلصناش البيت تنظيف

رغده : حاضر يا ماما مش هتأخر

………….

راشد دخل بيته بتعب ومش قادر كانت زوجة اخو فريده في البيت هي واختها خلصوا شغل البيت وانتظروا راشد يرجع

كان تعبان اوي ومرهق ف انشغلت زوجة اخو فريده في تجهيز الاكل ليه كان مغمض عيونه وساند رأسه بإيديه فتحهم مره واحده لما حس بإيد صغيره بتلمس ايديه

كان ابنه

انا جيبت ليك اكل يا بابا هي ماما هترجع امتي عمتو مرات خالي ضر.بتي وقالت مفيش لعب ولا اكل خالص غير بالليل وقالت لاخويا وهو بيعيط نام اياك تنام وما.تقوم وسابته عيط كتير اوي

وكمان مسكتني من شعري وقالت لو قولت لبابا حاجه هحر.قك بالنا.ر

راشد ضم ابنه ليه ما دا الطبيعي مفيش حد بيتحمل حد وهو متأكد ان هيرجع يلاقي عياله فيهم حاجه

دخل جوا واعتذر منها وقال : إن هو هيعمل كل حاجه لعياله وشكرها

بس انا عادي انت بتروح المستشفي وبترجع تعبان ف

راشد : لا عادي انا كويس فريده عايزه تشوف عيالها وهاخدهم ليها والف شكر ليكي مره تانيه

لا ولا شكر ولا حاجه تحت امرك في اي وقت ولو احتاجت حاجه كلمني

حاضر

ومشيت وراشد ضم عياله وفضل يبكي بصوت عالي وبعد وقت هدي وقام يجهز ليهم الاكل الكبير هيااكل والصغير هيجهز ليه الرضعه

وكمان محتاج تغيير لملابسه كان محتار هو عمره مااكل طفل فمش عارف هيعمل اي ليتفاجئ ب إبنه شايل الطبق الخشب وفيه نوع واحد من الطعام الارز بنفس الطريقة اللي كانت فريده بتحط الاكل لوالد راشد بيها

الطفل دا منفذها وحط الطبق الخشب والمعلقه الخشب قدام راشد وقال : كل يا بابا في طبق جدي انا مش عارف اجيب غيره افتكر لما صمم علي

صنع الطبق دا لوالده وكان بيسيب فريده تحرمه من كل حاجه حلوه فدموعه نزلت ونزل لمستوي ابنه وضمه وقال بوجع : حقك عليا يا ابا ماكنتش اعرف ان العقاب قاسي كدا ولا انك كنت بتتوجع كدا

دا طفل ووجعني كدا فمبالي بيك انت وانهار

…………….

سهام اخت صالح : واحشني اوي يا صالح اوي

صالح بفرحه : والله زمان يا سهام انا كنت فاكر ان همو.ت ومش هشوفك تاني

سهام : الف بعيد الشر عليك يا اخويا ماتقولش كدا ربنا يطول في عمرك يا رب

……….

سعاد : عارفه يا بت يا رغده لو فريده ما.تت وانتي اتجوزتي راشد ونتلم كلنا هنا ياااااه ع السعاده اللي هنبقي فيها

رغده : لا يا سعاد ربنا يخليها لعيالها محدش هيتعب غيرهم

يابت مالكيش دعوه انتي وانا هربيهم معاكي وضحكت بميوله علي كتف رغده

…………

راشد هدي وبعد عن اولاده لما سمع صوت رنين التليفون واتخض لما شاف اسم المتصل المستشفي

فتح وهو ايديه بتترعش ورد بصوت مليان بالتعب : الو

المتصل : استاذ راشد لو سمحت تعالي بسرعه المدام بتلفظ انفاسها الأخيره ووووووو

 

• يتبع الفصل التالي اضغط على (رواية عاق الوالدين) اسم الرواية