رواية في قلبي زهره الفصل العاشر 10 - بقلم سيمو
ممكن اعرف فيه ايه مالك متغيره من ناحيتي ليه أكده برن عليكي معترديش علي ولما باجي اهنه عامر ولدك يقول انك مش قاعده مالك يا زهرتي ايه الي حوصل مني عشان القسوه والمعاملة الناشفه ديه
عامر قال كده وهو باصص في عينيها ومستني منها الاجابه
زهره بتوتر
مفيش حاجه يا حضره العمده اني بس كنت مشغوله شوي ومش بمسك التلفون كتير وحضرتك عارف اني معايا العيال مطلعين عيني
عامر استغرب كلامها وطريقتها الجافه
حضره العمده الظاهر أن احساسي صوح وفيه حاجه وحاجه كبيره كمان قرب منها ورفع وشها ليه وقال
بصي لي يا زهرتي اني عامر الي بيحبك وبيعد الليالي عشان تكوني جاروا ليه أكده بتعملي في اني ايه الي حوصل مني
زهره وهي بتحاول متضعفش
ولا حاجه اني بس عاوزاك تهملني لحالي وتخليك في حالك اني مش ناقصه وجع قلب
عامر بحب
اهملك لحالك كيف وانتي بقيتي حالي ومحتالي وامنيتي الي بترجاها من ربنا اني مش رايد غيرك من الدنيا يا زهره قلبي الي معرفش ولا داق العشق وعذابه غير علي يدك وبيدك ترحمي قلبي التعبان وتفرحيه لما توافقي انك تبقي مرتي قدام الخلق كلاتهم
زهره
هو بتضحك عليا ولا علي نفسك كيف عتحبني ورايد تتجوزني وانت فرحك علي بنت عمك كمان يومين وجاي فاكرني هوافق لا اني صوح عيالي اتعلقوا بيك وقلبي العبيط صدق كلامك وكدب كل الي سمعوا عنك بس خلاص يا بيه معادش فيه كلام تاني يتقال روح الله يخليك وهملني اربي عيالي كافيه خيري شري
عامر
خلصتي أكده ولا فيه خربطه تاني عاوزه تخربطيها هو انتي عقلك صغير قوي أكده من ميته واني الي قلت انك كبيره وعاقله الظاهر أن عقولةالحريم كلاتهم كد غلايه القمح دا لو فيكي عقل اصلا طلعتي عبيطه وهبله هتصدقي اي حاجه وخلاص
زهره بعبوث
متحسن الفاظك امال مين دي الي هبله وعقله صغير دا اني حتي مفيش اعقل مني اني عارفه كل حاجه
عامر
مهو باين يا اختي العقل وقرب منها مسك أيدها وقال بجديه
يا بت افهمي اني عمال اقولك انتي حب عمري واني رايدك في الحلال وربنا يشهد وقلت أكده بدل المره الف وقصاد الخلق كلاتهم صوح ولا لا
زهره بكسوف
صوح
عامر
طب كويس طالما صوح يبقي كيف عقلك الصغير ديه يصدق الي اتقال يعني اي حد يكدبلك كدبه تروحي تصدقيه امال فين الثقه هااا انتي مش مصدقاني دا انا من يوم ما وعيت عليكي وانا واقع فيكي يا بت الناس وقلتهالك انا مش رايد غيرك بس انتي الي غاويه وجع قلب وعلي العموم اني جيت لاني كنت متاكد ان الحديت الي داير في البلد هيوصلك وعلي كد ما كنت حاسس انك هتصدقي الكدبه الي دايره في البلد عن جوازي ببنت عمي لكن بالرغم من أكده قلبي كان عنده امل انك تكوني واثقه في حبي ليكي مكنتش اعرف اني. ولا حاجه عندك وسهل تتخلي عني وتصدقي قبل حتي ما تتحدتي معاي وتساليني
عامر قال كده بحزن وقام عشان يمشي بس اتفاجي بزهره الي مسكت أيده وقالت بدموع
حقك عليا اني مش عارفه اقولك ايه بس والله غصب عني مكنتش اقصد خليك مطرحي اني معرفش العشق غير علي يدك وقلبي مدقش يوم غير ليك برغم اني كنت متجوزه قبل أكده بس كان جوازنا من غير حب ولا الكلام ديه يدوب اهلي قالوا اتجوزي محمد اتجوزته لا أعرف احب ولا سألته هو حبني ولا لا لكن انت معرفش ليه لما بشوفك قلبي بحس انوا هيطلع من كتر دقاته وبحس معاك بأمان ودفي بحس لما اشوفك أن مفيش غيري في الدنيا من نظره عنيك انا اول مره اقولك الكلام ديه
عامر بحب
ومش هيكون اخر مره اني مليش غيرك في الدنيا كلاتها ماصدقيش الي بيتقال انا عارف ايه الغرض منه ومين الي مطلعه عشان أكده جيتلك النهارده عشان اعرف ردك وبعديها اقدر اتصرف قوليها يا زهره قلبي ونور ايامي هااا موافقه تكملي حياتك معاي وتنوري داري
زهره بحب
موافقه يانور عين زهره وفرحه أيامها
عامر بفرحه
يا فرج الله اوعدك مش هتندمي لانك مش هتلاقي حد بحبك كد العبد لله حضري نفسك أكده عشان انا ناوي اعملك احلي فرح اتعمل في البلد واي حاجه نفسك فيها اشري بس واني ومالي تحت امرك
زهره
اني مش عاوزه حاجه غيرك انت يا عامر
عامر
يا بووووي الله علي حلاوه اسمي من شفايفك يا بركه دعاكي يامه دا احنا شكلنا داخلين علي ايام عسل والله
زهره اتكسفت عامر كان فرحان جدا بموافقتها قام عشان يمشي بس زهره وقفته
رايح فين اقعد اتغدي معانا زمان حسان علي وصول هو وعامر الصغير عشان ناكل سوا
عامر استغرب
حسان ودا ايه الي جايبه اهنه
زهره بخوف من رده فعله
مهو مهو يعني اصل بص حسان مبقاش زي الاول ديه ربنا تاب عليه علي اخر وبق انسان تاني وطيب علي الاخر من ساعه الي حصل لعياله وبيته وهو محدهوش حد مبيقدرش يروح ناحيه بيته من ساعه الحريقه الله يكون بعونه
عامر
ربنا يصبر قلبه اني عرفت بالي حصله وعلي كد ما كنت كارهه وكنت مستني بس فرصه واخلص عليه بس بعد الي حصل لبيته. عياله عرفت أن ربنا ليخلص حق المظلوم من الظالم أكده عيني عينك قصاد الخلق هو ظلمك كتير وربنا نصرك عليه
زهره
اني مش شمتانه فيه ولا كنت اتمني ليه الذي برغم كل الي عملوا فيا لكني بردوا مهانش عليا اشوفه بيرمي نفسه في النار واقعد اتفرج عليه
عامر بحب
اصيله يا زهرتي والله علي العموم اني همشي دلوقتي عشان اشوف الي ورايا وانتي كمان جهزي حالك اني هحيب المأذون عشان يكتب كتابنا لحسن ترجعي في رايك
ولسه هيطلع لقي حسان في وشه وسلم عليه
حسان
كيفك يا جناب العمده اني سالت ٧ليك من شويه عشان كنت عاوزك في موضوع مهم
عامر
خير يا حسان فيه حاجه ضروري. لا ايه
حسان
لا متقلقش مش وقته دلوق خليها بعد الغدا
عامر
لا اعفيني اني من الغدا روح انت اني لسا حداي كام
كانوا بيتكلموا وغفلنين عن الي بيراقبهم ومستني اشاره
المجهول
ايوه يا جناب البيه اهوم قصاده الحرمه الي اسمها زهره وجناب العمده والي اسمه حسان واقف معاهم
منصور بغل
الكلب تلقيه عاوز يخبر عامر بس علي مين نفذ انت ولو قدرت تخلصني منها و من الي اسمه حسان كمان معاها هيبقي ليك الحلاوه خليني افضها السيره المقندله ديه
المجهول
اوامر جنابك
قفل منه ومسك البندقيه وبقي ينشن علي حسان وهيضرب
كانوا واقفين قصاد البيت زهره وحسان بيحاولوا يقنعوا عامر يتغدي معاهم
عامر
والله ما هقدر خليها مره تانيه اني ورايا مشوار مهظ عاوز اخلص منيه عشان احضر للفرح
حسان
اتغدي معانا وبعدين يحلها الحلال
زهره
زي ما قال حسان يلا تعالوا ادخلوا اني عملت لكم واكل من الي هيعجبكم
ولسه هيدخلوا سمعوا صوت رصاصه وفجاه وقع سايح في دمه ......
ياترا مين..........
وحشتوني وبحبكم جدا جدا 🥰🥰
•تابع الفصل التالي "رواية في قلبي زهره" اضغط على اسم الرواية