رواية في قلبي زهره الفصل الحادي عشر 11 - بقلم سيمو
وقع بين أيديهم سايح في دمه بعد ما فداها بروحه حاول يتكلم بالعافيه وقال
سامحيني علي الي حوصل والي عملته فيكي اني مستهلش دموعك دي يا خيتي أني مرعيتش ربنا فيكي وفي عيال اخوي محفظتش علي الامانه الي سبهالي لا وكمان طمعت فيكي وفي مالها حقك علي اني كنت عميان ومكنتش اعرف ان التمن هيكون عيالي حقك علي يا زهره بالله عليكي تسامحيني عشان اقابل اخوي وانا مش شايل ذنبك اني خايف من مقابلته
زهره بدموع
حقك انت علي يا خيي انت فديتني بروحك كيف مسامحكش بعد الي عملته اني الي محقوقه لك. ومديونالك بروحي انت هتعيش وسطينا متخافش قول يا رب خليك قوي عشان خاطر عامر وجميله
حسان وهو بيبتسم بوجع ودموع
اني مش خايف لا اني فرحان ومبسوط خلاص آن الأوان اروح لعيالي اصلهم وحشوني قوي أن اتمنيتها من ربنا وهو ناولهالي اني رايح عند مصطفي وأنور وفاطمه هم. مستنيني هناك واني مش عاوز اتاخر عليهم اني وعدتهم اني اروح لهم بس لازمن أكفر عن الي عملته في حقك انتي وعيالك وعامر كمان عشان اموت واني مرتاح
زهره بقت تصرخ
لا متقولش أكده انت هتعيش يا حسان وفقت في الشارع وفضلت تصرخ يا ناس حد يلحقنا حد يجيب إسعاف حسان هيروح منينا يا ناس حد يلحقني
ورجعتله وقالت
هتروح المستشفي وهتروق وترجع تاني زي الاول واحسن عشان عيال اخوك عامر وجميله بقوا بيحبوك كيف ابوهم واكتر اني مسمحاك وخلاص نسيت الي راح كلاته بس انت اقوي عشان ترجع لعيال اخوك
حسان وهو بياخد نفسه وخلاص بيفارق الحياه
زهره اني كنت عاوز اقولك خلي بالك من نفسك ومن العيال وعلي فكره عامر بيحبك قوي وكل الي عم بيدور في البلد كلاته كدب هو مش عاوز غيرك وكمان قوليلوا يحرص من عمه منصور هو السبب في حصل والي بيحصل وهو الي زق عليكي حنان عشان تكرهك في عامر هو كان متفق معاي بس اني رفضت وقلتله اني خلاص مهقدرش ااذيكي تاني اني تبت وعاوزك تسامحيني عشان اموت مرتاح وابتسم وهو باصص قدامه وقال
مصطفي ازيك ياقلب ابوك اني خلاص معدتش عاوز ابقي لوحدي خد يدي عشان اروح معاك ومد أيده وفجاءه وقعت علي الارض وتوفي
زهره بقت تهزه وهي مش مصدقه
حسان قوم يا حسان يلا يا اخوي قوم عشان العيال متتخلعش عليك قوم كلم عامر عاوز يروح معاك الجامع وكملت بدموع ورجاء
ليه أكده حتي انت هملتنا ومشيت ارتاح يا اخوي اني مسمحاك قلبي مسامح وربنا يشهد أنك من ساعه ما تاب عليك وانت كنت كيف اخوي واكتر ربنا يرحمك يا خيي وخدها مني وعد مرا لكون اني الي واخده بتارك من الي غدر بيك وكان عاوز يقتلني وانت فديتني تارك في رقبتي
أما عن عامر اول ما شاف حسان وهو بينضرب بالنا،ر راح يجري وراي الي قتله لكنه مقدرش يوصلوا رجع تاني واتفاجئ بزهره وهي بتبكي وحسان م،يت
عامر قرب من زهره واتكلم بحزن
شد حيلك يا زهره هو في مكان احسن بكتير ربنا يرحمه ويغفر له
زهره بدموع ووجع
ما،ت بدالي راح عشان يفديني بحياته اداني عمره وراح شيلني ذنبه وسابني
عامر باستغراب
انتي بتقولي ايه قصدك ايه بالكلام الي عتقوليه ديه كيف يعني فداكي
زهره بقهر
قصدي ان اني الي كنت مقصوده يا جناب العمده
عامر فجاءه جيه في باله لحظه ما حسان زق زهره واخد الرصاصه بدالها وعامر ساعتها ماخدش باله وراح يجري وراي الي ضر،ب النار لكنه هرب منه
عامر
يا بوي كيف ما اخدتش بالي لما زقك هو كان شايف الي هضرب عليكي عشان أكده اخد الطلقه بدالك طيب مين الي اتجرا وعملها وليه ردي علي هيكون مين يعني
زهره كانت ساكته ومش راضيه ترد عليه عشان خايفه ميصدقهاش
عامر بتساءل
زهره انتي تعرفي مين الي عاوز يقتلك ها ردي علي متسبنيش أكده قوليلي هو مين واني وعهد الله لكون جايبه تحت رجليكي وواخدلك حقك وحق حسان من حباب اعنيه الاتنين قول يا زهره وريحيني
زهره بدموع
انت.الي تريحني وتهملني لحالي يا جناب العمده اني مش ناقصه كفايه الي حوصل لحد أكده مبقاش ليه لازمه الحديت حسان راح دمه لساه علي يدي وذنبه انكتب علي مبقاش ينفع اقول ولا اعيد هملنا وروح لحال سبيلك وانهارت في البكي
عامر محبش يضغط عليها سابها وراح طلب الإسعاف الي جات ونقلت جثه حسان وبعدها تم الدفن والعزا
بعد كام يوم
عند عامر كان قاعد حزن بيفكر في زهره الي تقريبا منعاه من انوا يشوفها رغم محاولاته
ياااه ليه القسوه ديه يا زهره ليه غاويه تتعبي قلبي معاكي معرفش ليه الدنيا معاكسه معانا وكل ما اقول فرجت وخلاص هانت وهتبقي ليا وفي حضني فجاءه تطلع حاجه من تحت الارض وتخربط كل الي كنت عم اخططله اه يا مرك الطافح ياعامر
قطع تفكيره.صوت دوشه وتكسير جاي من اوضه عمه راح وفتح الباب واتفاجئ بعمه مربوط وفيه واحد مغطي وشه وماسك مسدس وحاطه علي راس منصور
عامر بغضب
ايه الي بيحصل ديه انت مين يا ولد المركوب ومين دخلك اهنه وه وه وكيف تمد يدك علي عمي أكده وفي بيتي كمان كنك ااتخبلت في مخك
.......ا متخبلتش بس عمك هو الي بدأ والبادية اظلم اني بيني وبينه دم وحساب لازمن يتصفي الليله يا عمده وفجاءه كشف عن وشه
عامر بدهشه
..بما أن فاضل بارت ونخلص الروايه حابه اعرف رايكم فيها وفيا وفي الشخصيات
بحبكم كتييييييييييرررر. 🥰🥰🥰🥰
متنسوش متابعه لصفحة هالة القمر ليصلكم الجديد
•تابع الفصل التالي "رواية في قلبي زهره" اضغط على اسم الرواية