رواية انتقام خاطئ الفصل الرابع عشر 14 - بقلم نيفين بكر
💢💢💢💢💢💢💢💢💢
عند فايز
كانت تجلس معه روجيدة
روجيدة...البنت اتعينت خلاص
فايز...ايوة انا عرفت
روجيدة....طيب الخطوة الجايه ايه
الخطوة الجايه ي ستي المناقصة وبعدها نشوف انتي عوزة ايه ونعمله
انا عوزة ادمره هو وعيلته جده واخته وابن عمه
فايز..بصي ي مدام روجيدة ال انتي عوزاه انا كمان عوزه فهد عدوي.. اللدود وماتعرفيش حجم كرهي ليه قد اييه ...
روجيدة....ليه طيب. انا غدر بيا وطلقني لكن انت عملك اييه
عملي اييه ..هقولك مفيش مناقصة الا لما اخدها ودمر اسمي في السوق داا غير.....
غير ايه ...
فايز..لا مفيش
روجيدة..بقولك اييه انا قولتلك وصارحتك هتلف وتدور يبقي انا هكون مع نفسي ثم قامت من مجلسها...
فايز..اقعدي بس ما تتعصبيش، بصي ي ستي
انا كنت وداا كان زمان بشتغل في المخدرات وهو عرف
وبلغ عني وابن عمي وقتها كان هو ال بيسلم اتصاب ابن عمي ا بعد مقاومة من البوليس
روجيدة....وانت ما اتسجنتش
فايز...مهو ابن عمي ال لبسها ولسه مطارد لحد الوقت
روجيدة....اها قولتلي ولسة بتشتغل
فايز....لا دا كان زمان
روجيدة...فايز بييه احنا في مركب واحدة يعني ندي الامان لبعض ...
المهم اننا نبقي ايد واحدة عشان نعرف ندمر العيله دي قولت ايه ؟؟
فايز...طبعا موافق من غير اي كلام ثم تابع..
عبير عرفت انه مسافر المانيا واخد معاه البنت السكرتيره
روجيدة...اييه اخدها لييه
فايز...مش عارف بس اكيد شغل
روجيدة....طيب خليها تبلغني كل حاجة بتحصل اول باول
وانا همشي دلوقت عشان مااتخرش
فايز...ماتقعدي شويه معايا
روجيدة بارتباك من نظراته ..لا انا اتاخرت اوي ولو ف جديد عرفني سلام
فايز ....سلام ..سلام ي جميل
💢💢💢💢😱💢😱💢💢💢💢💢
في الفيلا
وصل عمر ودخل ل جده المكتب
القي عليه التحيه وبادله اياها
سليم حمدلله عل السلامة ي بطل
عمر وهو يقبل يده..... الله يسلمك يا جدي
فهد لسة مسافر
سليم..ايوة ي حبيبي هيرجع بكرة باذن الله
عمر....باذن الله
طيب عن اذنك ان هطلع اوضتي
سليم...عمر انت لسة زعلان مع جني
عمر... لا خلاص ي جدي ال هي عوزاة تعمله
موضوعنا مش هينفع يكمل
سليم. بعصبيه.....اييه ال انت بتقولوا دااا ازاي تقول حاجة زي كدا
عمر..جدي من فضلك هي نهت الموضوع
سليم...ازاي نهت هو لعب عيال
بص ي عمر انتوا هتتجوزو ولو مش برضاكوو هيبقوا غصب عنكو دي وصيه عمك الله يرحمه
عمر.....ي جدي ....
سليم....،مفيش جدي ال قولت عليه تسمعه ولما يرجع فهد هتفق معاه عل كل حاجة
عمر بعصبيه ي جدي دي مابتسمعش الكلام
ي ابني جني لسة صغيرة وبتحبك انت بقي ال بايدك تغير منها لو فيها حاجة مش عجباك
عمر.....ي جدي....
سليم وهو يربت عل كتفه......اطلع دلوقت ي حبيبي اوضتك ارتاح وبعدين نبقي نتكلم...
عمر......حاضر ي جدي بعد اذنك
وصعد عمر اما الجد فدعي له بالهدايه
💢💢💢💢💢💢💢💢💢
عند فهد وملك
خلاص ي فندم انا حضرت الشنط
فهد....اوك يلا عشان نلحق الطيارة
وكما في الذهاب كان في العودة
كانت خائفه وهي جالسة بجانبه
فهد ....لسة خايف
ملك وهي مرعوبه.. لا مش خايفة انا هموت من الخوف
ضحك فهد عليها
فنظرت له ملك نظرة مطوله
فهد اييه بتبصي كداا ليه
ملك بخجل .... اصل يعني اول مرة اشوف حضرتك بتضحك
لم يتكلم فهد. ولكنه وجه وجه الي الناحيه الاخري ..
ملك.... انا اسفة بجد
فهد وهو عل وضعه .....لا ماتتأسفيش
عم السكوت المكان فلم يتكلما حتي هبطت بهم الطائرة
حمداا عل السلامة ي فندم قالتها ملك ...
فهد.....الله يسلمك
وغادر المطار
كانت ملك تنتظر اي سيارة
اما فهد فكان السائق بانتظاره
فهد.....ملك تعالي عشان اوصلك
ملك...لا حضرتك شكرا انا هاخد تاكس مش عوزة اتعب حضرتك
نظر لها ولم يتكلم
حا حاضر
وركبت اسيارة وهي بجواره
فهد....بكرة تبقي في المكتب من بدري في اجتماع مهم
ملك ...حاضر ي فندم
وصلا امام بيتها ..
فهد... حسين طلع للانسه ملك الشنط
السائق..حاضر ي باشا
شكرا ل حضرتك ..
ماتتاخريش زي ما قولتلك
حاضر ي فندم
صعدت الي بيتها سمعت سارة صوت الباب فتحت لها
حمدلله عل السلامة
الله يسلمك
سارة تعالي اقعدي معايا
ملك...لا انا هلكانه هغير وانااااام
سارة....ماشي بس عل بالليل نتكلم
ملك....اوك يلا باي
باي ي حبيبتي.....
دخلت ملك بيتها واخذت الشنط عل غرفتها وجدت شنطةغريبه
ملك ياا نهار دي اكيد جت غلط اعمل ايه
لما الحق اتصل بيه عشان مايقلقش لا يفكر انها ضاعت
اتصلت ملك
الوو
عند فهدالووو
ملك..بقول ل حضرتك في شنطة جت معايا بالغلط
انا بقولك عشان ماتفكرش انها ضاعت
فهد..لا الشنطة دي بتاعتك
ازاي ي فندم دي مش
لا بتاعتك انا جبتهالك ويارب الحاجة تعجبك
وقفل الخط دون رد منها
فتحت ملك الشنط ووجدت انواع كثيرة من البرفيوم والنظارات والساعات ووجدت عروسه لعبه
تركت ملك جميع الاشياء وامسكت تلك اللعبه واحتضنتها بفرح شديد
سرحت ملك في ذالك الفهد الذي سرق عقلها
تذكرت كلماته ضحكاته عصبيته واهتمام لعائلته
وكانه شخص يتلبسه الكثير من الشخصيات....
💢💢💢💢💢💢💢💢
عند مي وشريف
كانت تجلس عل مكتبها وتقراء بعض الاوراق
دخل عليها شريف
شريف مساء الخير
مي بابتسامه رقيقة....مساء الخير ي شريف
شريف.....انا خلصت شغل قولت اعدي عليكي نتغدي مع بعض
اوك ماشي
يلا بينا وخرجا سويا
وتوجهوا للمطعم
طلبوا الطعام
وبداوا في تناوله
شريف.... انا هسافر معاكي امريكا
مي ..طيب حددت معاد السفر
شريف ..لا لسة بكرة هتكلم مع فهد
هو رجع النهاردة الضهر
وبكرة في اجتماع وانتي اكيد فيه
مي ...اجتماع اي
شريف.....ال هيتحدد فيه كل حاجة بخصوص المصنع الجديد دي اول شراكة بينا من النوع دااا
مي...طيب تمام
انتهوا من الطعام
امسك شريف ب يد مي
شريف.. مي انتي مشدودة ليا زي ما انا مشدود ليكي
مي بخجل ..ا نا مش هنكر ا اناا فعلا حاسه باحساس اول مرة احسه
شريف حاسة ب اييه قوليلي
مي..يعني مشدودة ليك
شريف ..اها وبوحشك ومش بيجيلك نوم من كتر التفكير فيا
صح
مي ههههههه حيلك حيلك كل داا ليه ثم تابعت بخجل
انا مش عارفة ال ااقدر اقوله ان انت بقيت حاجة مهمه في حياتي
شريف بهيام وهو يقبل اطراف اصابعها برقة
كملي
شريف ازايك واحشتني فينك ي ابني انا روحتلك الشقه كذا مرةهو انت غيرت عنوانك ولا ايه
كان هذا صوت فتاه جاءت عليهم من الخلف
شريف وقد تلون وجهه
ازيك انا انا احم انا لا اها
ايوة انا غيرت عنواني
الفتاه ...طيب ي قلبي ابقي كلمني عرفني العنوان وماتتاخرش عليا الا انت بتوحشي اوووي
وانتهت كلامها بغمزه
بااي ي بيبي وبعثت له قبله عل الهواء
نهضت مي بعصبيه اخذت مفاتيحها وفونها
شريف.... مي استني رايحة فين انا ...
مي بغضب وصوت يشوبه البكاء ....انت تسكت خالص وياريت مااشوفش وشك تاني انت فاهم
شريف ..مي ..يا مي وتركته ورحلت باكيه
شريف وهو يلعن تلك التي ظهرت من الخفاء
الله يخربيتك انا كنت ناقصك انتي كمان .....
💢💢💢💢💢💢💢💢💢💢
- يتبع الفصل التالي اضغط على (رواية انتقام خاطئ) اسم الرواية