رواية ابيض و اسود (2) الفصل الرابع عشر والاخير 14 - بقلم منى محمود
ابيض واسود
الجزء الثاني
مني محمود بركات
===========
الفصل الاخير
************************
صبرك ويأسك بين أيديك وأنت حر ,,
تيأس ما تيأس راح تمر
أنا دقت من دة ودة
وعجبي
لقيت الصبر مر واليأس بردو مر ,,,,,
((( صلاح جاهين )))
--------------------------------------
وقفنا لما تلفون بهاء رن برقم ابوة ولما فتح اتفاجأ بصوت مهاب اللي كان بيطلب منه يرجع فورا وانه مستنيه
نكمل ...
بكر بترقب
- في حاجة يا بهاء ؟
بسمة بخوف
- بابا كويس مش كدة ؟
بهاء كشر
- في اي ادوني فرصة ارد حتي بابا كويس بس لازم نروح حالا مهاب في البيت وهو اللي رد عليا
بكر وهو بيوقفهم
- ثانية بس هو اية اللي نروح حالا ثانية واحدة بس انت نسيت ان مهاب شغال مع نصر؟ مش يمكن دا كمين ؟ زهقو من اللعب وحبو يخلصو مننا مرة واحدة مثلا ؟
بهاء باستنكار
- وتفتكر حتي لو كمين هفضل واقف هنا افكر واسيب بابا هناك لوحده ؟ يلا بكر يلا خلينا نخلص من الحوار دا انهاردة يا صابت يا خابت
خرجو الاربعه بسرعه علي عربيه بهاء كان بيسوق وهو متوتر خايف علي عز خايف علي ما يوصل يشوف منظر يفضل يوجعه العمر كله وهو خلاص تعب من الوجع ومبقاش فيه مكان لوجع جديد
بكر كان قلقان مش مطمن ومن غير تفكير كتير بعت رسالة علي الواتساب لمؤمن انه يحصلهم علي بيت بهاء لان مهاب هناك وهو مش مطمن
مؤمن رد عليه في لحظتها انه هيتحرك حالا بس بكر قالة ف الرسالة اللي بعدها
( متطلعش تعالي بعربيتك ورنلي هتاخد بدور وبسمة وتاليا وعمي علي بيتك لحد ما نخلص الحوار دا انا مش هطمن لو كانو في نفس المكان )
( بس انا مش هقدر اسيبكم لوحدكم يا بكر )
( مؤمن انجز احنا قربنا نوصل يلا مفيش وقت الله يخليك )
اتحرك مؤمن بسرعه رهيبة لدرجة انه خد كزا مخالفة وهو سايق بسرعه كل اللي شغله انه يوصلهم بسرعه قبل ما اي حاجة تحصل
------------------------------------------------
وصلو قدام البيت وقبل ما حد منهم ينزل اتكلم بكر بجدية واصرار
- انتم مش هتطلعو معانا هتفضلو في العربيه وهنزلكم عمي مؤمن قدامة خمس دقايق ويوصل هتروحو معاه علي البيت لحد ما الحوار دا يخلص اظن كلامي مفهوم
كانو هيعترضو بس هو زعق بصرامة
- مش عايز اسمع غير كلمة واحدة مفهوووووم ؟
بدور وبسمة بصو لبعض لكن من شكل بكر مقدروش يردو او يعارضو وهزو راسهم بموافقه علي كلامة
اتحرك بهاء وبكر علي فوق وسابو البنات فعلا في العربية
اول ما وصلو قدام باب الشقة كان بهاء هيفتح ب المفتاح ال معاه لكن بكر مسكة بهدوء من دراعه وزقه براحة لورا خطوة وهو بيطلع سلاحة الميري وبياخد وضع الاستعداد وبعدها رن الجرس
ومفيش ثواني وفتح مهاب الباب
رغم انها مش اول مرة يتقابلو بس مهاب كان حاسس انة لاول مرة بيشوف بهاء قدامة عيونة كانت مليانة دموع نظراتة كلها ندم ووجع وقهره
اما بهاء كان باصصلة بخوف حزن كان متوقع منة اي رد فعل الا ان مهاب يرمي نفسة في حضنة ويفضل يبكي بصوت عالي جدا
في اللحظة دي اتجمد بهاء مكانة ومكنش عارف يعمل اي لكن بكر كان سريع ودخل بسرعه يشوف عز وتاليا
كان عز قاعد علي الكرسي وموطي راسه ومحاوطها بدراعته الاتنين وباين من حركة جسمة اللي بيتهز انة بيعيط ساله بصوت خايف
- تعالي معايا يا عمي ؟
رفع عز راسة واتكلم بصوت مخنوق
- مش هتحرك من هنا
- طب عشان خاطري تعالي معايا هنزلك تحت لحد ما نخلص الحوار دا وجودكم هنا خطر عليكم يلا
- خد تاليا وبدور وخلي بسمة معاهم لكن انا هفضل هنا لازم افهم في اي بيدور حواليا لازم اعرف ولادي حصلهم اي واي اللي وصلنا لكدة انا مش هتحرك من هنا يا بكر ريح نفسك يا بني واكسب وقت ونزل البت ل امها
في الوقت دا تلفون بكر رن برقم مؤمن كنسل عليه وهو محتار مش عارف يعمل اية قطع حيرته دي صوت مهاب
- يا بكر نصر ممكن يوصل ف اى وقت الله اعلم هو عارف انا هنا ولا لا بس طالما فيها مخاطرة خلي البنات بعيد ارجوك وصدقني انا حاولت كتير مع بابا لكنة رفض تماما انه يتحرك من هنا ف بلاش نضيع وقت اكتر من كدة لو سمحت
بص بكر ل بهاء باستفسار هز بهاء راسه بموافقه انه يسمع كلامهم وفعلا نزل بكر وبلغ مؤمن يتحرك بالبنات وطلع جري علي فوق كان بهاء بيسال مهاب
- ظهرت تاني لية ؟ تمثيليه جديدة عملنها عليا انت ونصر ؟ ولا زهقتو من اللعب وجايين تخلصو مرة واحدة علينا وتخلصو من الزن دا ؟
مهاب بحزن
- انا جاي عشان اطلب منك تسامحني يا بهاء .. صدقني نصر فهمني كل الحكاية غلط ومعرفتش الحقيقة الا من يومين ولانه عرف اني كشفته خوفت اجي علي هنا علي طول واداريت اليومين دول لحد ما حسيت ان الجو هادي جيتلك علي طول
بكر بسخرية
- ومفروض اننا بعد كل اللي حصل منك دا نديك الامان ونصدقك بقا صح ؟
مهاب بصوت مخنوق
- اانا فوقت لاقيت نفسي في مستشفي كان بيجيلي وجع في دماغي وجسمي اقسم بالله ما حد يتحملة ... كنت بفضل بالساعات اصرخ وبالساعات اانام مكنش حاسس باي حاجة بتحصل حواليا مش فاكر غير لقطات بسيطة من انهياري وضحك نيرة ودموع بابا ويادوب بدات اتحسن شوية والجوع بدء يقل لاقيتني في مكان تاني وواحد غريب قدامي بيقولي كلام اغرب وجبلي ناس تشهد علي صدق كلامه مبقتش عارف حاجة كنت تايهه و
قاطعه بهاء
- قالك اي نصر حولك كدة ؟
بصله بعيون بتلمع بالدموع
- قالي ان نيرة خدت كل فلوسنا وهربت وقبل ما تهرب قابلت بهاء واتكلمت معاه وساومته لو سابها تسافر بهدوء من غير شوشرة مش هتنزل الفيديو اللي معاها وانا منهار وبكسر في الاوضة ولا هتفضحنا قدام الناس الفيديو كان ظاهر فيه نيرة وبهاء بيتكلمو فعلا لكن من غير صوت هو االلي حكالي الحوار وقالي انة مقدرش يجيب الفيديو بالصوت وانكم رومتوني في مصحة اي كلام عشان خوفتو من الفضحية وان التمرجي اللي كان مسؤل عن حالتي اتواصل معاكم اكتر من مرة وقالكم اني باخد علاج غلط وحالتي هناك مش هتتحسن واني محتاج مكان احسن من دا لكن انتم رفضتم تسمعوه وطردتوه كمان قالي انك بسبب هوسك ب شغلك اتسببت في ضياع عيلتة كلها وانة كان ناوي ينتقم منه فيا انا ويبقي اخ قصاد اخ بس بالصدفة قابل التمرجي اللي قالي الوضع بتاعي وفجأة صعبت عليه وقرر يساعدني وينقلني من المكان دا ويعالجني عشان ف الاخر يكون هدفنا واحد الانتقام منكم علي اللي حصل فيا
بهاء ابتسم
- وطبعا التمرجي قالك نفس الكلام وانت كان السهل عليك انك تصدق الكلام دا مش كدة ؟
مهاب
- اعمل اي انا مكنتش قادر افكر والله ما كنت قادر كنت هكدبة فعلا لولا كلام التمرجي ليا خلاني بدات اصدق بدء يقنعني انة هيعمل تمثلية وفاتي واني هشوف بنفسي انكم هتكملو حياتكم من بعدي عادي جدا مش هتقفو وان دا تحدي لو كملتو حياتكم كاني مكنتش موجود يبقي هو صح وكلامه كله صح لو شوفت اى تغير حصل ف حياة حد فيكم لو شوفت الحزن بياكل فيكم يبقي هو كداب ومصدقوش ومن حقي وقتها اعمل اللي يعجبني ووافقت كنت مشوش وتفكيري مش صح أنا عارف كان مفروض اتكلم معاكم اواجهكم بس انا والله كنت لسه تعبان وهو هو سيطر علي عقلي خلاني مصدق كل حرف بيقوله وماشي وراه وانا مغمض ولاقتيني مش بفكر في حاجة غير الانتقام منكم ومن نيره ولازم يبقي معايا فلوس كتير فلوس تخليكم تندموا انكم اتخليتم عني في يوم فلوس تخليني اقدر اوصل للي هربت برة البلد ومحدش عارف ليها طريق
بكر
ــ وعشان كدة اشتغلت معاه ؟
مهاب
ــ أيوة عشان دي كانت اسرع طريقه اجيب بيها فلوس
اخيرا عز صوته طلع
ــ قتلت عمتك ليه ؟
مهاب دموعه نزلت بس مقدرش يرد مكنش عنده تفسير ف سكت
بهاء بصوت مخنوق
ــ معندكش تفسير مش كدة ؟ عارف يا مهاب انت اي مشكلتك الحقيقيه ؟
مهاب بصله باستفسار وهو كمل
ــ انك ديما لازم تكون تابع ... ديما مسلم دماغك لحد يفكر ويقرر بالنيابة عنك .. قرارك مش من دماغك ومتعرفش اصلا تاخد قرار لوحدك لازم حد يوجهك ويقولك تعمل ايه ومتعملش اي والا مش هتعرف تعيش ... الاول سلمت دماغك ل نيره تقولك يمين يبقي يمين تقولك شمال يبقي شمال ولما نيره اختفت من الصورة دماغك مقدرتش تتعب شويه وتفكر صح واستسهلت وما صدقت لاقيت نصر قدامك يعيد نفس الموضوع يقولك يمين وشمال وانت تقول وراه امين مش كدة ؟
عز بحسره
ــ يا خسارة يا مهاب يا خسارة يا ابني .. كنت فاكر أن بموتك ضهري اتكسر لكن انهاردة بس انكسرت بجد دا اكيد ذنب اللي عملته ... يارب يارب قلبي وجعني مش قادر اتحمل الوجع دا يارب خدني عندك وريحني بقا أنا تعبت
مهاب يادوب قرب خطوة من ابوه وقبل ما يقرب التانيه كان بكر واقف قدامة
ــ خلصت مبرراتك اللي ملهاش تلاتين لازمة ؟ قولنا بقا نصر بيعمل كل دا ليه وكنتم متفقين علي ايه ؟ وواجهتو ازاي وامتي ؟
بهاء كشر
ــ هتفرق يا بكر ولا هو لازم يعني اسمع اخويا وهو بيحكي بالتفاصيل ازاي كان هيقتلني بالاتفاق مع عدوي هه
مهاب خد نفس طويل واتكلم
ــ نصر كان عايز ينتقم من بهاء عايزة يخسر بالبطيء وكل اللي حواليه يتدمر بالبطيء زي ما حصل في حياته وزي ما كانت اخر حاجة باظت في حياه نصر شغله كان مرتب ل بهاء فضيحة في شغله وقبل ما يطلع منها كان مرتب حاجة تخص بسمة بس مقدرتش اعرف ايه هي للاسف ( بص ل اخوه وهي بيتكلم بالعافيه وسط دموعه ) عارف الفضيحة دي كانت ايه ؟ ... كان مخطط هو نيرة اه نيره متستغربش وما هما علي تواصل سوا اتفق معاها تيجي وتحضر لحظة قتلي الحقيقيه ومجهز ورق مضروب أن انت اللي زورت موضوع موتي لما عرفت ب شغلي الشمال خفت علي شغلك وشكلك ف عملت كدة لكن أنا قال ايه كملت في الطريق دا لحد ما اتقتلت بجد وتبقي فضحية ل الظابط المعروف ب نزاهته وإخلاصه أنه مزور وبيتستر علي اخوة بدل ما يطبق عليه القانون
بكر بتوجس
ــ ولما واجهته اي اللي حصل بالظبط ؟ ونيرة فين ؟
مهاب بغضب
ــ هرب الجبان ملحقتش اقتله لكن هي ... ( ضحك بصوت عالي) قتلتها كسرت رقبتها في حركة واحدة ( ضحك تاني ودموعه نازله ) كانت جايه تحضر لحظة موتي ماتت هي بأيديا دول هههههههههههه
بكر بتجاهل ل حالته
ــ انت لازم تسلم نفسك وتقول كل اللي قولته دا للشرطة وفي اسرع وقت كمان
عز قام من مكانه بلهفه
ــ لا لا هيشنقوه هيقتلوه بجد المرة دي ... لا ارجوكم بلاش الحل دا خلوه زي ما هو في النظر الكل ميت ويبعد عن كل دا ( بص ل مهاب ) سافر بعيد عن هنا سامع سافر وابدء من جديد في بلد تانيه مع ناس تانيه اوعي تسلم نفسك اوعي المرة دي هموت بجد يا مهاب علي قد ما زعلان منك يا بني علي قد ما هموت المرة دي بجد وانا بحضر ل حظة موتك يا بني متعملش فيا كدة يا ابني
وقبل ما حد فيهم يعترض أو يقول رأيه المكان بقا يترج بيهم من شدة ضرب النار اللي بقا شغال من كل ناحيه
ــــــــــــــــــــــــــــــــــــــــــــــــــــــــــــــــــــــــــــــ
في بيت مؤمن وقبل ما يرجع ومعاه بدور وبسمه كانت نجاة بتتحرك في المطبخ بكل خفه والضحكه علي وشها بتظهر قد ايه هي مبسوطة
علا دخلت تنيم نيجار وقبل ما تخرج حماتها خبطت خطبه خفيفه ودخلت
ــ تعالي يا ماما اتفضلي
ــ أنا بس عايزة أقولك حاجة قبل ما نخرج ل ماماتك بره
ــ حاجة اي ؟ خير يا رب
ــ متقلقيش يا حبيبتي هي يعني بصي تقدري تقولي أنها نصيحة مني عشان العلاقه تفضل مستقره بينك وبين ماماتك
ــ اتفضلي حبيبتي
ــ طول ما تكوني مع ماماتك بلاش تشكري فيا أو توضحي أن علاقتنا كويسه اوي بصي لا تكدبي ولا تقولي الحقيقه كامله بصي اي وقت تسالك عامله اي مع حماتك تقولي اهو ماشيه الحمد لله بس مش بنتكلم كتير مش لازم تعرف اني هنا بشكل دايم ولما نكون قدامها امدحيها طول الوقت هو في زي أكلك يا ماما وحشني حضنك يا ماما كدة يعني
ــ ليه كل دا ؟ احنا
قاطعتها ميادة
ــ امك بتغير عليكي مني يا علا وكل ما بتحس أن علاقتك بيا بتقوي كل ما الغيره دي بتزيد جواها دا غير أنها اصلا بتعبر عن حبها بطريقه غلط ف دا بيزود الطين بله زي ما بيقولوا فهماني
ابتسمت علا
ــ فهمت يا ماما ... حاضر .. علي فكرة أنا بحبك اوي اوي
ميادة وهي بتحضنها
ــ وانا بموت فيكي يا بنوتي الحلوة ... ( طلعتها من حضنها ) يلا نخرج ل ماماتك بسرعه قبل ما تحس ب غيابنا ومتنسيش تفذي اللي اتفقنا عليه
علا بسعادة
ــ حاضر يا ماما حاضر يلا بينا
دخلو المطبخ كانت نجاة مندمجة في اللي بتعمله وهي مبسوطة أنها بتحضرلهم الاكل بنفسها بعد ما طلبوا واصرو علي كدة
وبعد ساعه كمان وصل مؤمن ومعاه بدور وبسمة اللي كانو محرجين جدا خصوصا لما لاقو أن مؤمن عنده ناس فضلو واقفين جمب الباب وهي نده علي علا
خرجت من المطبخ وهي بتنشف ايديها
ــ أيوة يا مؤمن بتزعق ليه ...
مؤمن
ــ تعالي يا ستي اعرفك علي اخت بهاء واخت بكر اللي حكتلك عليهم
علا قربت وسلمت عليهم ورحبت بيهم جدا وميادة ونجاة كمان رحبو بيهم وفضلو البنات قاعدين بيردو علي قد الكلام قلقانين محروجين مش عارفين يعملو ايه
مؤمن حاول يطمنهم رغم الخوف اللي جواه
ــ ايه يا جماعه مالكم أن شاء الله هيتكلمو بس ومفيش اي حاجة هتحصل
بدور
ــ ولو حد جالهم ؟ لو
قاطعتها علا اللي مؤمن حكالها ملخص سريع للي بيحصل
ــ تفائلو بالخير تجدوه يا بدور ... قولو يارب سلم وان شاء الله خير
بدور وبسمه رددو وراها
ــ يارب سلم
علا ابتسمت
ــ هاتي القمر اللي نامت دي احطها جمب نيجار بنتي هي كمان نايمة بدل ما انتي شايلاها كدة من وقت ما دخلتو
بدور ادتها تاليا وحاولوا كلهم يلهوهم بالكلام عن والتفكير اللي مسيطر عليهم بس مفتش وقت كتير وتلفون مؤمن رن برقم بكر
اول ما تلفون مؤمن رن الكل بصله وبسمة تلقائي مسكت ايد بدور وضغطت عليها وهي قلبها مقبوض
مؤمن فتح وكان بيدعي من جواه أن بكر يقوله هات البنات وتعالي لكن للأسف قاله أنهم في المستشفى ويجيلو علي هناك ضروري لانه مش عارف يتصرف لوحده
حاول يفهم منه هو هناك ليه وفين بهاء لكن بكر قاله عنوان المستشفى وقفل من غير ما يفهمه علي اي حاجة
بدور وبسمة اصرو يروحو معاه ومع إصرارهم دا وافق بس بشرط تاليا تفضل مع علا في البيت وافقت بدور واتحركو بسرعه علي عنوان المستشفى
لما وصلو اتصل علي بكر اللي قاله يطلع علي طول من باب الطوارئ علي الدور التاني هيلاقيه مستنيه
كل دا وبسمة قبضه قلبها بتزيد ... جسمها متلج و وشها شاحب من الخوف وبدور بتحاول تطمنها رغم القلق اللي ماليها هي كمان
وصلو الدور التاني واتفاجاو ببكر واقف قدام اوضه العمليات وواضح انه اخد طلقه في دراعه باين عليه من قميصه المقطوع ودراعه اللي كله دم وملفوف بالشاش جريو كلهم عليه وبسمة في اللحظة دي مقدرتش تتكلم لسانها تقل ودموعها نزلت وفضلت ساكته
بكر اتهرب من أنه يبصلها واتصدم اصلا من وجودها متخيلش أن مؤمن يكون بالغباء دا ويجيبهم معاه لحد هنا
مؤمن بلهفه وخوف
ــ بهاء فين ؟ ايه اللي حصل ؟ وانت انت حصلك ايه بالظبط ؟ انطق يا بكر
بكر كشر بغيظ
ــ انطق !!؟ انت بجد جبتهم معاك ؟ يعني الموضوع كان بديهي أن طالما فيها مستشفى مينفعش يجو كان لازم اقولها صريحة يا مؤمن
مؤمن
ــ بقولك انتم هنا ليه فين بهاء ؟ اخلص أنا اعصابي باظت خلاص
بكر بصوت مخنوق
ــ بهاء في اوضه العمليات واخد تلت رصاصات وحالته حرجة شويه اخر ممرضه خرجت قالتلي أن العمليه هتطول شويه ربنا معاه ادعيلو
بدور حطت ايديها علي بؤها من الصدمة ودموعها نزلت وبسمة حاولت تتكلم كزا مرة لحد ما اخيرا نطقت بصوت ضعيف مهزوز
ــ ب ب بابا فين ؟ و ومهاب فين ؟
بكر بصلها بحزن وسكت بس هي قربت منه ومسكت دراعته الاتنين وهي بتبصله برجاء
ــ ارجوك يا بكر قولي بابا ومهاب فين ؟
مؤمن هنا بس فهم ليه بكر اضايق أنهم جم معاه والتأكد أن اكيد حد منهم توفي عشان كدة هو مش عارف يقول اي
ــ قول يا بكر كدة أو كدة هتعرف دا مش سر دا ابوها أو اخوها مين فيهم اللي توفي ؟ خلينا نلحق نتصرف
بكر بصصلها بأسف ونطق وهو ماسك دموعه بالعافيه
ــ البقاء لله يا بسمه عمي ومهاب اتوفو
وقبل اي رد فعل من حد منهم وقعت بسمة علي الارض فاقدة الوعي
بكر حاول يشيلها مقدرش عشان دراعه مؤمن جاب ترولي بسرعه من اوضه الطوارئ وحطها عليه والدكاتره خدوها معاهم ومعاهم بكر وبدور أما مؤمن فضل واقف قدام اوضه العمليات يدعي من قلبه ربنا
ــ يارب ما توجع قلبي عليه يارب ... يارب دا غلبان واطيب خلق الله والله رده سالم عشان خاطر أخته اللي خسرت كل حاجة دي يارب يا غفور يا رحيم يشيفك يا بهاء عاجلا غير اجلا يارب
ــــــــــــــــــــــــــــــــــــــــــــــــــــــــــــــــــــــــــــ
بكر اطمن أن بسمة خدت مهدي ونايمة وساب معاها بدور ورجع تاني ل مؤمن
ــ ايه اللي حصل يا بكر ؟
حكاله بكر اللي حصل واللي قاله بهاء لحد ضرب النار اللي حواطهم من كل ناحيه لحد ما وقعو كلهم علي الارض
ــ ونصر فين ؟
ــ مش عارف مشفتوش اللي دخلو كانو ملثمين ومعاهم رشاشات عارفين هدفهم كويس اوي يدخلون يخلصو ويخرجو علي طول الحمد لله أن ربنا نجانا منهم
ــ الحمد لله ... ان شاء الله خير ... يارب نخلص من الكابوس دا بقا .... يارب
بعد ساعه كمان اخيرا خرج الدكتور وطمنهم أن الحاله استقرت عن الاول كتير بس ميقدرش يطمنهم الا بعد مرور ٤٨ ساعه علي بهاء وهو تحت الملاحظة وأنهم يدعوله كتير عشان ربنا يستجيب ويقوم بالسلامة
ــــــــــــــــــــــــــــــــــــــــــــــــــــــــــــــــ
علي طريق اسكندريه الصحراوي كانت عربيه نصر مقبوله والناس ملمومين حواليها بيحاولو يطلعوه رأسه كانت سانده علي الدريكسون بس اول ما رفعوله رأسه بعدو كلهم ب قلق لما اكتشفوا أنه واخد طلقه في نص رأسه واتصلوا بالشرطة وهو خايفين يقربو من العربيه
***************************************
بعد مرور سنه كامله ....
حياتهم كلها كانت اتغيرت
الرضا والسعادة اللي بقو حاسين بيهم دلوقتي جايين بعد وجع وفراق وحزن قعد مرافقهم سنين كتير
الضحكة المرسومة علي الوش دلوقتي جت بعد توهه سنين
كل واحد فيهم مش بس كان بيحارب في الفساد اللي حواليه لا
كل واحد فيهم وقت ما كان بيحارب الفساد كان بيحارب الجانب الاسود اللي جواه
كل واحد فيهم الضلمة جواه كانت بتعافر عشان تسيطر لكنه قاوم ومستسلمش ابدا
ودلوقتي اللي يبص علي الصورة من بعيد هيشوف عيله شكلها جميل ناجحين متماسكين الحب واضح بينهم لكن عمره ما هيشوف الثمن اللي دفعوه قصاد الصورة دي
ــ مش كفايه كتابه بقا ؟ أنا بجد بدأت اغير من حوار الكتابه دا خلي بالك يعني
ــ حبيبي انت بتغير من اي حاجة وكل حاجة مش الكتابه بس
ــ طب اعمل اي بحبك ومش مصدق انك معايا وان اخيرا اتجوزنا عايز اخبيكي من كل الناس وعينيك متشوفش غيري انا وبس
ــ ايه الكلام الحلو دا كله علي الصبح لا بقولك اي أنا مليش دعوة تطلع من الرجاله اللي في شهر العسل بتقول كلام حلو وبعد كدة تيجي من الشغل تاكل وتنام وربنا يا بكر انكد عليك
ــ تنكدي عليا ! ايه يا بسمة دا اللي يشوف شكلك ونبرة صوتك يقول الرقه كلها فيكي لكن اول ما بتفتحي بؤك وتتكلمي
ــ أيوة ايه بقا بيحصل ؟ سمعني سمعني بس هقولك اي أنا اللي غلطانه اني مسمعتش كلام بدور قالتلي يا بت طولي فترة الخطوبه سنتين تلاته كمان وخليه متشحطف عليكي قولتلها لا كيكو دا حبيبي ميهنش عليا و
قاطعها
ــ لا ثواني عشان الجمله دي كلها أخطاء معلش سنتين تلاته اي اللي كنتي عايزاهم انتي و الزفته التانيه هه دا أنا لما صدقت اخوكي الرخم وافق بعد عذاب ولولا ساومته علي جوازه من بدور لولا حن عليا ووافق كاني هخطفك واجري مثلا ثانيا معلش هو ايه كيكو دي ؟
ــ كيكو دا أنت يا حبيبي
ــ يا سلام ؟
ــ اووومال بدلعك يا روحي ❤️ مش احنا في اسبوع العسل لازم ندلع بعض ونحب بعض خصوصا واحنا قدام البحر كدة والجو جميل ومبهج
ــ لا حول ولا قوه الا بالله العلي العظيم ما أنا كنت بدلعك من شويه يا ست انتي وماسورة نكد وفتحت في وشي
ــ بحبك يا بكر بحبك يا اجمل حاجة حصلت لي في حياتي
ــ وانا بموت فيكي يا مجنونتي وبنتي وصحبتي وعوضي الجميل من الدنيا بعد التعب والشقا السنين اللي فاتت
تلفون بسمة رن وهي أول ما شافت الاسم ردت علي طول وفتحت الاسبيكر
ــ يا نوووجا وحشتيني اوي اوي
نجاة
ــ وانتي كمان وحشتيني اوي عامله اي يا حبيبتي طمنيني عليكي ؟ اوعي يكون الواد بكر مزعلك اضربهولك والله
بكر كشر
ــ طب انا عملت اي يا نوجا دلوقتي وبعدين عيب علي الشنب دا لما تقوليلي اضربك الهيبه هتروح كدة
نجاة
ــ وحشتني يا حبيبي عامل ايه ؟
بكر ابتسم
ــ الحمد لله يا حبيبتي احنا كويسين وكله تمام طمنيني عليكم انتم عاملين اي ؟
نجاة
ــ متقلقش كله تحت السيطرة ميادة معاها نيجار وانا وصبري معانا تاليا وبنخليهم يشوفو بعض كل يوم في النادي العيال اصلا ماشاء الله من كتر ما هي مبسوطة مش بيسألو عليكم خالص
ضحكو كلهم وبكر كمل
ــ ربنا يخليكم لينا يا حبيبتي ومنتحرمش منكم ابدا
نجاة
ــ اللهم امين... يلا هسيبكم أنا بقا وأكمل لفتي لسه هتصل ب علا وبدور اطمن عليهم هما كمان
بسمة
ــ كلمني تاني علي طول علي طول
نجاة
ــ حاضر يا نور عيني يلا حبايبي اسيبكم في رعايه الله سلام
بكر وبسمه
ــ مع السلامة
ـــــــــــــــــــــــــــــــــــــــــــــــــــــــــــــ
ــ يا بهاء اصحي بقا ايه النوم دا كله انت جايبني هنا عشان تسيبني وتنام ؟ والله هزعل منك اي دا
رد عليها وهو بيحاول يفتح عينيه
ــ صباح الخير
ــ قول مساء الخير
ــ الساعه كام ؟
ــ الساعه ٣ العصر حضرتك ف هتقوم ولا اسيبك نايم براحتك وانزل أنا اتفسح لوحدي ؟
بصلها برفعه حاجب
ــ لوحدك ازاي معلش ؟
ــ طيب اعملك اي انت بجد يا بهاء بتنام كتير اوي وانا بزهق من القاعدة لوحدي
ــ والله انتي نصابه يا بنتي احنا نايمين سته الصبح اصلا انتي اللي مش بتنامي كويس يا بدور مش أنا اللي بنام كتير
كشرت وعيونها لمعت بالدموع
ــ اعمل اي تاليا واحشاني ومضايقة اني سيباها مع نوجا وبعيد عنها
قام وخدها في حضنه
ــ تحبي نرجع انهاردة ؟ ( بصتله بدهشه ) صدقيني مش هزعل مقدر جدا اللي انتي حاسه بيه دلوقتي يا حبيبتي كفايه اوي انك اخيرا بقيتي مراتي وكل يوم اخدك في حضني وانام صدقيني الراحة اللي بقيت احس بيها معاكي مخلايني اسعد انسان في الدنيا كلها بدور أنا كنت طول الوقت بحلم بكوابيس ديما مش مرتاح من اول ما حبيتك والراحة بدأت تدخل ل قلبي بالتدريج لحد ما اتجوزنا حسيت احساس مش قادر اوصفه حسيت كاني كنت بجري بقالي سنين واخيرا وصلت ل مكاني وخدت مكفأتي اللي استحقها من الدنيا ف صدقني وجودك جنبي اهم من اي حاجة تانيه
وقبل ما ترد عليه تلفونها رن برقم نجاه وعملت زي بسمه ردت وفتحت الاسبيكر
ــ نوجا حبيبتي
نجاة
ــ صباح الخير يا روحي عاملين ايه طمنيني عليكم ؟
بهاء
ــ صباح الخير يا ست الكل
نجاة
ــ صباح الخير علي احلي ظابط فيكي يا جمهوريه
بدور
ــ الله الله وصله العشق هتبدء اهو أنا نفسي اعرف اشمعني بهاء اللي واخد الدلع كله دا حتي علا بدأت تغير منه خلي بالك
بهاء ضحك
ــ ناس حقودة يا نوجا ملناش دعوة بيهم
نجاة
ــ أيوة صح احنا بعد كدة نتكلم بعيد عنهم لاحسن عينهم مدورة ومقورة هيحسدونا
بدور
ــ أنا يا نوجا ؟ طب والله لاقول ل عمي صبري و علا بس هه
بهاء
ــ قولي براحتك احنا مبنخافش
نجاة
ــ ربنا يسعدكم يا حبايبي ❤️ لما سمعت صوتكم اطمنت عليكم
بدور بتأثر
ــ تاليا عامله ايه ؟ اكيد مغلباكي وبتعيط كدة
نجاة ضحكت كتير وهما استغربو
ــ أنا عايزة اقولك أنها مبتسالش عليكي الا بالليل وقت النوم بس طول اليوم بتبقي مشغوله يا بتلعب مع صبري يا في النادي مع نيجار خليكي في نفسك يا ختي ركزي مع جوزك يا حبيبتي هه متخلينش اقلب عليكي وابقي حما من اولها
بدور ضحكت
ــ انتي حما اصلا يا نوجا مش لسه هتبقي
بهاء
ــ احنا ممكن نرجع انهاردة أو بكرة أن شاء الله
نجاة
ــ يوة ليه كدا دا انتم يا دوب كملتم يومين وأنها ردة التالت في ايه والله يا بهاء لو قلت شغل لهزعل منك حرام عليك يا بني انت ومراتك ليكم حق تفرحو وتفصلو شويه مش كدة
بدور
ــ لا حرام معندوش شغل بس انا مش مرتاحة وتاليا بعيد عني يا نوجا غصب عني والله
نجاة
ــ يختي ما علا سابت نيجار وسافرت مع مؤمن هي كمان اهي في اي انتي سيباها في الشارع يا بدور ولا مش واثقه اني هاخد بالي منها ؟
بدور
ــ ابدا والله انا بس اللي مش قادرة اقعد بعيد عنها اتعودت علي وجودها وحضنها
نجاة بسخريه
ــ يختي وهو حضن جوزك قصر معاكي في حاجة ولا يا بهاء انت هتقصر رقبتنا ولا ايه بتقولك حضن البت وحشها
بدور اتكسفت وخبت وشها في حضن بهاء اللي فضل يضحك هو ونجاة عليها وبعد جدال كتير اخيرا وافقت بدور يتسنو الاسبوع اللي متفقين عليه
ـــــــــــــــــــــــــــــــــــــــــــــــــــــــــــــــــــــــــــــــ
بدور ضحكت
ــ انتي حما اصلا يا نوجا مش لسه هتبقي
بهاء
ــ احنا ممكن نرجع انهاردة أو بكرة أن شاء الله
نجاة
ــ يوة ليه كدا دا انتم يا دوب كملتم يومين وأنها ردة التالت في ايه والله يا بهاء لو قلت شغل لهزعل منك حرام عليك يا بني انت ومراتك ليكم حق تفرحو وتفصلو شويه مش كدة
بدور
ــ لا حرام معندوش شغل بس انا مش مرتاحة وتاليا بعيد عني يا نوجا غصب عني والله
نجاة
ــ يختي ما علا سابت نيجار وسافرت مع مؤمن هي كمان اهي في اي انتي سيباها في الشارع يا بدور ولا مش واثقه اني هاخد بالي منها ؟
بدور
ــ ابدا والله انا بس اللي مش قادرة اقعد بعيد عنها اتعودت علي وجودها وحضنها
نجاة بسخريه
ــ يختي وهو حضن جوزك قصر معاكي في حاجة ولا يا بهاء انت هتقصر رقبتنا ولا ايه بتقولك حضن البت وحشها
بدور اتكسفت وخبت وشها في حضن بهاء اللي فضل يضحك هو ونجاة عليها وبعد جدال كتير اخيرا وافقت بدور يتسنو الاسبوع اللي متفقين عليه
ــــــــــــــــــــــــــــــــــــــــــــــــــــــــــــــــــــــــــــــــ
نجاة قفلت مع بدور وحطت التلفون وكانت هتقوم تكمل شغل البيت وقفها صبري وهو مستغرب
ــ الله انتي كلمتي بسمه وبدور ومش هتكلمي علا ؟
ــ انت عارف ان بسمة وبدور مفتقدين الاحساس دا بس
قاطعها
ــ مبسش يا نجاة علا لو عرفت منهم انك كلمتيهم وهي لا هتزعل انتي لسه زعلانه منها ولا ايه ؟
ــ لا لا والله ابدا دا هي وميادة اتغيرو خالص معايا ويعلم ربنا أن السنه اللي فاتت دي خلتني قربت منهم كلهم وقلبي مفهوش الا الحب وبس الحمد لله أنه نور بصيرتي قبل ما كنت اخسر بنتي للابد
صبري ابتسم
ــ وجود بهاء وبكر وبسمة وبدور واحساسنا أن عيلتنا كبرت وقرب علا مننا غير حاجات كتير اوي في حياتنا يا نجاة
ــ فعلا الحمد لله اننا قدرنا نصلح كل حاجة يا صبري
ــ يبقي تتصلي علي علا زي ما اتصلتي علي بدور وبسمة يلا
هزت رأسها ورجعت مسكت تلفونها واتصلت علي علا واستنت الرد وثواني وسمعت صوت علا وهي بتعيط
ــ أيوة يا ماما
ــ في اي يا علا ؟ انتي بتعيطي ليه ؟ يا بت انطقي بقا
ــ أنا حامل يا ماما
فضلت تعيط ونجاة سكتت دقيقه وبعدين اتكلمت
ــ انتي عبيطة يا علا ؟
كشرت
ــ ليه يعني
ــ بتعيطي ليه يا هبله
ــ اتفاجات بالحمل أنا مكنتش اعرف والله وبعدين مش يمكن مؤمن مش عايز اطفال تاني دلوقتي مثلا وبعدين نيجار لسه صغيره وأنا حاسه اني مش هقدر ع اتنين دلوقتي و
قاطعتها نجاة
ــ علا علا اهدي يا حبيبتي اهدي كدة وصلي علي النبي عليه الصلاة والسلام
ــ عليه الصلاة والسلام
ــ الاول هو مؤمن فين ؟؟
ــ خرج يجيب حاجات للشاليه
ــ طيب يا قلبي واحدة واحدة كدة اولا جوزك هيفرح ويطير من الفرحة كمان جوزك بيحبك يا علا ايه اللي هيخليه مش عايز عيال تانيه منك ؟ ونيجار مش صغيره يا حبيبتي نيجار علي ولادتك هتكون تمت خمس سنين وبعدين انتي مش لوحدك أنا وميادة معاكي انتي عندك بدل الام امين ف متقوليش مش هقدر دي
ــ لا أنا عندي ام واحدة وبقي يقاسمني فيها ناس كتير كمان
ــ هههههههههههه انتي نور عيني يا علا شقا عمري وهديه ربنا ليا متقلقيش يا حبيبتي افرحي وفرحي جوزك قومي يلا استقبليه بابتسامه حلوة كدة وانتي بتقولي له الخبر دا ومتخافيش انتي مش لوحدك ابدا
ــ ربنا يخليكي ليا يا ماما متحرمش منك ابدا
ــ ولا منك يا حبيبتي يلا هكلمك تاني عشان ابارك ل مؤمن كمان
ــ ماشي يا حبيبتي مع السلامة
ــ مع السلامة
ــــــــــــــــــــــــــــــــــــــــــــــــــــــــــــــــــــــ
كل واحد فينا جواه ضلمة ...
ضلمة محدش يعرف عنها حاجة ..
ساعات بيكون انسان قوي وبيقدر يواجه الضلمة دي
وساعات بيكون انسان ضعيف وبيسيب نفسه للضلمة تسيطر عليه
يبان أن الكل مطحون في دوامة الحياه ... مشغول في أن ازاي يومه يخلص علي خير عشان يبدء في دائره يوم جديد
لكن الحقيقه ان الكل بيحارب الضلمة دي يوميا في عارف أنه بيحارب وفي ميعرفش أو الأسوء منهم اللي بينكر أن جواه ضلمة
الانكار دا زي الكبت بالظبط بيجيلو وقت ويحصل بعده انفجار يا انفجار في محله يا انفجار في أشخاص ملهاش اي ذنب
واجه نفسك واعرف اي الضلمة اللي جواك
حاربها بكل قوتك
اوعي تستسلم وتخليها تسيطر علي حياتك
انت اقوي والنور اللي جوه قلبك اقوي من اي ضلمة
تمت ....
حبايبي ❤️ يارب تكون الروايه عجبتكم
هستني رايكم في ابيض واسود
شكرا حبايبي ❤️
يتبع الفصل كاملا اضغط هنا ملحوظه اكتب في جوجل "رواية ابيض و اسود الجزء الثاني دليل الروايات " لكي تظهر لك كاملة
•تابع الفصل التالي "رواية ابيض و اسود (2)" اضغط على اسم الرواية