رواية انتقام خاطئ الفصل الحادي و العشرون 21 - بقلم نيفين بكر
الفصل الواحد و العشرون
...........
يوم الفرح
كانت الفيلا مزينه بالكثير من الاضاءة والكثير الكثير من الزهور
في غرفه جني كانت تتزين ولكن كان الحزن ياكل قلبها بصمت
دخل جدها ووجدها في غايه الجمال
فدمعت عيناه من الفرحة وقال
حبيبة جدوو اخير ي قلبي شوفتك عروسه
اجهشت جني في البكاء وارتمي عل صدره
سليم....ايه دا ليه كل داا ي حبيبتي انا لو مش عارف انك بتحبي عمر قد اييه كنت قولت انك مغصوبه عليه
اضحكي ي قلبي وما تبكيش الليله ليله العمر
اومأت جني وهي تمسح دموعها. ...حاضر ي جدوو
سليم...حبيبه جدو انتي كفايه وامسحي دموعك عشان المكياب كدا هيبوظ ويقولوا عليكي العروسة وحشة ينفع
ابتسمت جني عل كلام جدهااا
فدخلت نعمات قائله
يا باشا فهد بيه بيقولك المأذون وصل
قبلها عل جبينها وقالها اخلص كتب الكتاب واجيلك عشان اوصلك ل عريسك
هزت راسها
وكفكفت دموعها
...........
بالاسفل عند فهد وعمر كانوا يلتفون حول المائده ويجلس فهد وعمر والجد والمأذون امامهم
فقال المأذون..... من وكيل العروس
فهد..... جدي سليم باشا طبعا
سليم..... حبيبي انت اخوها الكبير خليك انت وكيلها
فهد. مفيش كبير هنا غيرك و.لا عاش ولا كان وانت موجود ي جدي
عمر..بمحبه هو الاخر .حضرتك الخير والبركة
سعد الجد من تقدير وحب احفاده له
طلب المأذون بطايق الشهود فكان فهد وشريف شاهدان
تم كتب الكتاب
وذهب الجد لاحضار جني من غرفتها
كان عمر ينتظر بالاسفل حتي ظهرت فتعلقت عيناه بها
كان ينظر لها نظره عاشق فهي عشق طفولته وحلم صباه كان يرسمها بعيناه
فكانت مثل الاميرات بفستانها الابيض
نزلت جني درجات السلم مع جدها واخذها منه فهد وسلمها اليه
فهد قائلا... ...عمر دي نور عيني خلي بالك منها
فقال صادقا. وهو ناظر لها.... في عنيا ي فهد
اخذها من يده وقبلها عل جبينها فاغمضت هي عيناها وهي تستشعر قبلته الحانيه التي ارتعشت لها
هو حبيبها وكل حياتها عشقها الابدي
سحبها هو من يدها وتوجهوا للمكان المخصص للرقص
وضع يديه حول خصرها اما هي فواضعة يدها عل كتفه
لم تحد عيناه عنها اما هي فكانت تتهرب من نظراته
عمر بنبرة حاده ...مالك ....
جني بتوتر ...مفيش....
عمر ... ماتقلقيش مفيش داعي للخجل دا كلو انا مش هقرب منك ي عروسه
اخفضت راسها ولم تتكلم معه حتي انتهت الرقصه
توجهوا للمكان المخصص لهم
وتوافد عليهم المعازيم للتهنئة
وبعد مده وبعد التهنئه من جميع الحضور
اقبل عليهم الجد...
وقال.... يلا ي حبيبي اطلعوا اوضتكم انتوا تعبتوا
جني..... لا ي جدي هنقعد شويه
نهض عمر من مكانه وامسك بيدها
كلام جدي صح يلا انا تعبت من الوقفة
نهضت هي الاخري بقله حيله وهم في طريقهم للصعود لغرفتهم
وقفت جني متسمرة وعيناها تملاها الدموع
فقد جاءت كلا من هايدي والاء لرؤيتها
نظرت جني ل عمر ب نظرة مترجيه
اومأ لها راسه قأئلا ...روحي سلمي عليهم
اسرعت جني عليهم وهم ايضا ،، واحتضنوها وسط بكاءهم وظلت معهم فترة
ذهب الجد اليهم .....ها ي بنات سيبوا العروسه تروح ل عريسها دا مستني من بدري
احتضنتهم جني وذهبت ل عمر
الذي سحبها برفق من يدها وما ان هم بالصعود حتي هتف الشباب
شيلها شيلها
انحني عمر وحملها حتي صعد بها الي داخل غرفتهم
انزلها وهي كانت مرتبكة
قال بحزم....... ادخلي غيري في الحمام وانا هغير هنا
وتعالي عشان ف كلمتين عاوز ااقولهملك
اومأت له وذهبت في طاعه
بعد مده خرجت له ولكنها لم تبدل الفستان
فنظر لها بجهل فقالت بخجل
مش عارفه افتح السوسته
اقتترب منها ثم مد يده المرتعشه وهو يدعوا الله بالثبات الا يضعف
خلاص اتفضلها
قالها ثم اولاها ظهره وذهب الي الشرفه ليتفس باريحة
...............
بالاسفل
كان شريف يقف مع فهد
فهد...انت رايح فين
شريف...انا رايح بيتي ليه
فهد....مفيش كنت بقول تعالي نسهر
شريف مازحا...... نسهر انت فهد ولا مين
فهد بغيظ منه.... ايه ي بني اادم هو لازم نسهر يعني نهلس
تعالي نسهر شويه
شريف...تعالي ي سيدي
..........
في بيت سارة
ملك مالك يا حبيبتي انتي كويسة...
اومات لها ولكن مازالت ملامحها حزينه وقالت
...الحمد لله
سارة... امال ساكته ليه فين ملك ال ماكانتش بتبطل ضحك
ملك....مفيش ي سارة صدقيني لو فيه كنت حكيتلك
انا هقوم انام جسمي مكسر...
سارة....طيب ي حبيبتي تصبحي علي خير
وذهبت ملك لبيتها ودخلت غرفتها وفتحت دولابها ومدت يدها لتأخذ قميص بيتي
فوجدت العروسه التي اهداها لها فهد
بكت وهي ممسكة بها ثم ضمتها تعتصرها
واعادتها مرة اخري وابدلت ملابسها
وذهبت لفراشها وهي تبكي
.............
خرجت جني من الحمام كانت ترتدي بيجامه حريريه
اقبلت عليه باستحياء
فقال وهو يجاهد نفسه ويرتسم الصرامه
اقعدي...
جلست مثلما قال
فتابع بحده....... الكلام دا مش هعيدة تاني
انا وانتي قدام الناس هنكون اسعد زوجين
لكن بيني وبينك هنا ف الاوضة انتي وانا هنكون اخوات
وبعد فترة مش ااقل من سنه هنعمل اي مشكله ونقول ماقدرناش نعيش مع بعض
وعادي لو جبتيها مني
ثانيا هطلع اي ماموريه في اي وقت ودا هيبقي احسن ليكي وليا
ثالثا ..مفيش خروج الا باذني ورجلي عل رجلك
رابعا..
فقالت بغضب
هو لسه فيها رابعا ما تحط قفل عل الباب وحرس احسن
نهض من مكانه وقال لها بحدة
انتي ليكي عين تتكلمي
جني ببكاء وهي ترفع عيناها له.......قولتلك غلط فعلا واسفة
عمر ساخرا ....غلطي حلوة غلطه دي الغلطة دي كان هيبقي تمنها شرفك وسمعتك اللي العيله كانت هتتاثر بيهم
انتي طبعا مش مقدرة دا لانك مستهترة
فهدرت جني ولكن بخوف لم تظهره
....انا مااسمحلكش تتكلم معايا كدا وكفايه بقي كفايا حرام عليك انا مابقتش مسستحمله ووضعت كفيها عل وجهها وانهارت في البكاء
نهض عمر وقال بمرارة ...انتي ال عملتي في نفسك كداا
كل ال قولتوا يتنفذ بالحرف ومش هرجع فيه
ثم ذهب صوب الفراش وتمدد عليه
ثم قال ....اتفضلي ااقفلي النور وتعالي نامي
نهضت جني وجففت دموعها وذهبت الي الفراش وتناولت غطاء ووسادة
فقال لها ..انتي رايحة فين ؟؟
جني بصوت مبحوح ..... هروح اناام
عمر وهو يجز.......قولت تعالي نامي هنا وماتخافيش انا اصلا قرفان منك واستحاله المسك ...
فقالت......وهو انا ال قاتله نفسي عليك
نهض بغضب وقبض علي كتفيها . قسما بالله لو عليتي صوتك ي جني تاني لاكون كاسر رقابتك ثم دفعها عل الفراش قائلا
اتنيلي اتخمدي انا تعبان وعاوز انام
التفت جني بالجانب الاخر للفراش وهي تبكي
واعطته ظهرها ..
ظلت طول الليل تبكي حتي غفت عينيها
إما هو فلم يزوره النوم الا سويعات قليلة
فقد اعتصر قلبه عليها ولكن كرامته ابت ان يضعف
..............
في الصباح
في مكتب فهد كانت تنظم بعض الاوراق
جاءت مي.... ملك ممكن ااقابل مستر فهد
ملك ...لسة ما وصلش مستر شريف هو ال موجود
مي .. لا انا عوزة مستر فهد
ملك...طيب اتفضلي عل ما يوصل
دخل عليهم شريف .
مل.... ...
مي ازيك انتي هنا من امتي
مي بارتباك.... انا كنت عوزة ااقابل مستر فهد في حاجة في المشروع مش فهماها
طيب تعالي معايا عل المكتب
نهضت وذهبت معه
اما ملك فتمتمت...... شكلهم كداا في حاجة
بعد لحظات وصل فهد ودخل مكتبه
..............
فايز ..
طيب وانا اعملك اييه
......
خلاص انا هشوفلك مكان غيره
........
روجيدة مين ي فايز
دا ابن عمي حمزة
الهربان من عمر
ايوة ي ستي هو عاوزني اشوفله مكان يستخبي فيه
وهتعمل اييع
اكيد لازم اشوف مكان ليه داا اللي هيخلصنا من سي عمر ثم ضحك
..............
في فيلا سليم
صباح الخير ي نعمات
صباح الخير يا باشا
حضرتي فطور العرسان
نعمات..... من النجمة وانا بجهزه ي باشا
سليم..... يلا روحي هاتيه وتعالي ورايا
حاضر يافندم
احضرت نعمات بصنيه الفطور
صعدت خلف الجد سليم
وخبط عل غرفة جني وعمر
تململ عمر ونهض
جني جني قومي
جني. سيبني ي دادة شويه
عمر .... انا عمر مش دادا قومي جدك عل الباب
انا هقوم افتح وانتي البسي روب وحصليني
قام وفتح لهم الباب
سليم ...هاي يابني عملت اييه
تمام ي جدي
تمام ولا كسفتنا
عمر.....عيب ي جدي دا انا حفيد سليم المهدي
سليم.. بسعاده......الف مبروك ي حبيبي واخذه بالاحضان
عمر بحزن لم يظهره ...الله يبارك فيك ي جدي
ادخلت نعمات صنيه الطعام وخرجت
دخلت جني عليهم
سليم عندما رأها..،...حبيبة قلب جدووو انتي تعالي ي بنت الغالي تعالي
واحتضنها جلسوا يتكلمون ويضحكون
وكان عمر جالس بجانبها وهو واضع ذراعه عل كتفيها
سليم ...طيب ي ولاد ااقوم انزل انا
جني..... خليك ي جدو معانا
سليم بابتسامه ود......لا بقي كفايه عليكوا كدا انتو لسة عرسان ي حبيبتي
وقبلها وخرج
اما عمر فابتعد عنها وجلس عل الاريكة ومسك الريموت وتظاهر بانشغاله بالبحث عن القنوات
ولم يتكلم معها
غيرت ملابسها وتوجهت تفتح باب الغرفها للخروج انتبه عليها عمر فقال بحده
انتي رايحة فين
نازله تحت بدال الجو الخنيق داا
عمر . ....مفيش نزول خالص وعدي يومك احسنلك.
قالها بتوعد....
دخلت واغلقت الباب ودخلت الي غرفة النوم
💢💢💢💢💢💢💢💢💢
ظل الحال عل ابطالنا شهر...
فهد كما هو يتعامل برسميه معها
وهي ايضاا
مي وشريف كما هما
وعمر يتجاهل جني اما جني فقد نفذ صبرها من تحكماته ومعاملته الجافة لها
...........
كانت ملك تشعر ببعض الارهاق والتعب
فهي طول الوقت تشعر باضطراب بمعددتها
سارة ...مالك ي حبيبتي انتي مفيش لقمه بتركز في معدتك انتي اخدتي برد ولا اييه
ملك. بتعب .... الظاهر كداا
سارة.....طيب ي حبيبتي انا هعملك كوباية نعناع دافيه تدفي معدتك
ملك . لا مفيش داعي انا هروح انام
لا مش هسيبك في الحاله دي
وتتركها وذهبت لاعداد لها مشروب دافئ
..........
في فيلا فايز كانت روجيدة وعبير وفتحي
هااا البنت لسة زي ماهي محصلهاش حاجة يعني
فقال فايز بشر...... انا عندي فكرة حلوة ودي بقي هتبقي القاضية بالنسبه لها
روجيده..... قول ي فايز
فايز...... عبير هي ال هتنفذ
اامرني ي باشا
انتي هتعملي ... ...
فهمتي
ايوة فهمت ي باشا
طيب التنفيذ في ااقرب وقت
علم وينفذ يا باشا
.................
عند عمر
كانت القوة تستعد للهجوم عل المنطقة التي يوجد بها حمزة
بعد دراسة المنطقه ونقاط الضعف والقوة
وضع لهم عمر خطة
عمر تمام ي رجاله
ررجال الشرطة ..تمام ي فندم
طيب انا ههجم الاول من هنا وانت تقابلني من الجانب التاني وامن لي كل المداخل والمخارج مش عاوز ناموسة تخروج
تمام ي عمر
لا اله الا الله
سيدنا محمد رسول الله
بعد معركة ضاريه قبض عل الكثير من رجال حمزة
ولكن لم يتم القبض عليه فقد فر هاربا الي فيلا ابن عمه
.......
خلص البارت حبايبي رايكم يهمني
- يتبع الفصل التالي اضغط على (رواية انتقام خاطئ) اسم الرواية