رواية حب المشاغبين الفصل الخامس و العشرون 25 - بقلم حنين هاني
اعدو يتمشو وبعدين طلع كل واحد اوضتو عشان ينزلو بليل
عدا النهار وجيه بليل نزلو كلهم اعدو علي الشط
مازن. ياشباب عايزكو كلو تفضلو هنا احنا هنعد نلعب كلنا سوا فا ياريت مفيش حد يمشي
واحد من شباب. طيب يادكتور هنلعب اي
مازن. هنعد نسلي نفسنا ونلعب كلنا
واحده. طيب دكتوره بيلا مش اعده
مازن. هرن عليها تنزل ونبقا كلنا اتجمعنا وحد ينادي الي علي الشط. دول
كان علي الشط واقف مراد مع مريم
مراد. مبروك علي الخطوبه فرحتلك بجد
مريم. انا مش عارفه بصراحه ده حصل ازاي انا مره واحده لقيت واحد كنت متخنقه معاه جاي البيت ومره واحده قرا فاتحه وبعدها يجي ويلبس دبل الموضوع حساه غلط في غلط
مراد. طيب ليه متقوليش ان ده خير ليكي مش يمكن تحبيه
مريم. احبو مش عارفه بس انا بضايق لما بكلمو وحش انا مش عارفه بص هو انا حساه كويس بس مش. يمكن عشان الموضوع كلو جيه فجاءه
مريم. يمكن
مراد. سيبي قلبك يحب عشان تعرفي تشوفيه انو كويس
مريم. تفتكر
مراد. افتكر اوي كمان
نزلت بيلا وشافتهم واقفين مع بعض واضايقت وقالت هتروح تشوف في اي راحت لقتهم واقفين بيتكلمو
بيلا. مريم حبيبتي احمد كلمني وبيسال عليكي انتي مكلمتتوش ولا اي
مريم. اه الفون كان فاصل شحن هروح اكلمو ومشيت
مراد. اول مره اعرف انك بتكدبي
بيلا. انا بكدب
مراد. ايوه كدبتي عشان احمد مسالش عليها اصلا
بيلا. لا طبعا يابني
مراد. عنيكي فضحاكي
بيلا. انا قولت كده بس عشان هي مخطوبه ومينفعش تقف معاك كده
مراد. شوفتي بقا انك كدبتي
بيلا. مش عارفه
مراد. بس تعرفي انتي مش رايق عليكي انك تبقي كدابه انتي الصراحه بتبقا حلوه منك
بيلا. انا قولت كده بردو انا اصلا مش بعرف اكدب
مراد. منا عارف وبعدين من امتا وانتي بتحطي ميكب علي فكره شكلك مش. حلو بيه
بيلا.قصدك اي يعني
مراد. قصدي انك احلا بكتير من غير. حاجه وبعدين انتي بتحطي الحاجه دى عشان تحليكي يعني انتي متعرفيش انك انتي الي بتحليها
بيلا. مش عارفه اقولك ايه علي الكلام الحلو ده
مراد. بصلها وابتسم دي حقيقه
جت واحده نادت عليهم عشان يعدو يلعبو راحو وكلهم اعدو واعد مراد بعيد عنها
مازن. اي رايك نلعب صراحه يلا والي هيجي يسال الي قدامو
واحده. حلوه اللعبه دي اوي يادكتور مازن
مراد في نفسو. ياربي علي ده محن صبرني ياربي عشان مرتكبش جريمه
بتبصلو بيلا ومسكه نفسها من الضحك بالعافيه علي مراد
فضلو يلعبو لغايت ماجيه واحد يسال بيلا
بيلا. اتفضل اسال
جمال. حضرتك بتحبي حد
بيلا. اي ده فين الخصوصيه
ركز مراد اوي معاها لما سمع السؤال
جمال. لا لازم تجوبي بصراحه وتقولي مين كمان
بيلا. لا طبعا
جمال. طيب حضرتك كده باين انك بتحبي حد وعيونك فضحاكي
بيلا. يعني نوعا ما حاجه زي كده
جمال. طيب اسمو اي بقا
بيلا. لا مينفعش طبعا
جمال. لا لازم تقولي
منه. ايوه يادكتوره قولي كلنا بنفضفض كلنا سوا
بيلا. لا طبعا مش هينفع
جمال. طيب خلاص قولي اول حرف منو
بيلا. طيب ماشي كده مقبوله اول حرف منو M
جمال. اكيد محمد
بيلا. لا انا مش هقول انتا قولت اول حرف بس
منه. خلاص ياجماعه كلنا حرفنا ان الكراش بتاع الدكتوره بيبدأ ب M
مازن في نفسو كنت حاسس انها بتحبني طلعت هي معجبه بيا
يبقا انا هنفذ الي كنت بفكر فيه
مراد فون رن وقام عشان يرد
بيلا. معلش بقا كملو انتي وانا هطلع وطلعت
مازن. بصو ياشباب عايز اقولكو علي حاجه
انا بعتبركو زي خواتي وعايزكو تسعدوني
انا بحب الدكتوره بيلا وكنت محتاج اتاكد ودلوقتي انا اتاكدت وعايز اتقدمها بطريقه رومانسيه وانتو تسعدوني
منه. ايوه بقا هو ده الكلام احنا نعمل جو رومانسي علي البحر
مازن. طيب بكره هنعمل كده عايزكو كلو تسعدوني اتقدم بافضل طريقه اعدو يتكلمو شويه عن الي هيعملوه وبعدين رجع مراد ملقهاش راح طلع ورن عليها
مراد. طلعتي ليه
بيلا. مفيش حسيت بس بتعب شويه فعشان كده طلعت
مراد. طيب انتي كويسه خدتي علاجك
بيلا. اه خدتو هرتاح شويه وهبقا كويسه
مراد. خلاص ماشي لو عوزتي. حاجه كلميني
بيلا. ماشي وقفلت ونامت وصحيت تاني يوم المغرب
بيلا. ياربي انا نمت كل ده بصت لقت مراد رن عليها كتيرر
مراد. انتي فين كل ده انا قلقت عليكي اوي اعدت اخبط عليكي مبترديش ارن مش بتردي انا خوفت عليكي اوي انتي كويسه افتكرت جرالك حاجه
بيلا. انا كنت نايمه معلش يامراد حقك عليا من التعب محستش بالوقت خالص
مراد. خلاص اهم حاجه انك كويسه طيب يلا عشان تكلي انتي مكلتش من امبارح
بيلا. حاضر هغير وانزلك تحت نتغدا سوا
مراد. خلاص اشطا وبعد شويه ولسه بيلا هتروح لمراد جم البنات وشدوها
بيلا. اي يابنات في اي
هما. عاملين ليكي مفجاءه حلوه اوي
بيلا. مفجاءه اي بس وسعو انا هقع
هما. يلا بس وانتي هتشوفي
مشيو وخدها وغمضو عنيها وبعد شويه وقفو في مكان فتحت بيلا عنيها لقت المكان متزين بطريقه جميله اوي وفي تورته اسمها وبحبك وفضلت تبص مستنيه مراد يظهر بسقبلت وشها لما لقت مازن واقف وراها ومعاه ورد وخاتم واعد علي ركبتو
مازن. بيلا من اول مره شوفتك فيها وانا قلبي اتسرق مني مش عارف عملتي فيا اي بس كلو الي عاوز اقولو ان بحبك واني عايز اكمل معاكي حياتي تقبلي تتجوزيني انا اتاكدت امبارح من مشاعرك لما اعدنا كلنا وانا هشيلك في عيني عشان انتي جوهره
بيلا. بس انا مش بحبك
- يتبع الفصل التالي اضغط على (رواية حب المشاغبين) اسم الرواية