رواية الخادمة التي الفصل السادس و العشرون 26 - بقلم اسماعيل موسى
الخادمه_التى
٢٥
سقط شيء وعندما فتحت بتول الباب وجدت جسد رجل يسقط امام قدمها
والشاب الذى تعرفه بتول يقف على الباب يلهث، افسحت بتول الطريق امامه واندهشت كونها لم تنصدم لرؤية جسد شخص مغرق بالدماء متمدد أمامها، فعندما يتكرر الأمر أكثر من مره تخفت وقعته وتأثيرة مثل الأخطاء التى نفعلها كل يوم
يوسف انت لازم تمشى من هنا حالا !! همس الشاب بنبره متوترة
حاول يوسف ان يرفع جسمه لكن مقدرش
فيه ايه يا حسام؟
همس حسام بتوتر... فيه اشخاص عارفين مكانك وهيوصلو يتخلصو منك، الشخص دا إلى انا ضربته كان الدليل بتاعهم
انا سمعته بيتكلم فى التليفون قبل ما اضربة
هروح فين؟ انا مليش مكان غير هنا يا حسام!!، رد يوسف بقلق
انت اسمك يوسف؟ قالت بتول التى تدخلت فى الحوار بلا مبلاه وبنبره مبتسمه مستفزه
احنا فى ايه ولا ايه يا بتول مش شايفه المصيبه إلى احنا فيها؟
انا مش هقدر اقاوم وحسام كفايه عليه لحد كده اعتقد انتم الاتنين لازم تمشو من هنا
حسام افتح الدرج وناولنى المسدس إلى هناك !!
بتول انت ناوى تعمل ايه؟
يوسف... انا الوحيد إلى ايده تلطخت بالدم، انتى وحسام لازم تفضلو بعيد عن كل ده
حسام؟ هخد بتول بعيد عن هنا، ارجوك حافظ عليها، بتول بنت طيبه وتستحق تعيش عيشه كويسه
وانت؟ صرخت بتول برعب
همس يوسف،.... انا هتصرف، لازم تختفى من هنا قبل ما اى حاجه تحصل
قالت بتول بنبرة مشرقه مش همشى من هنا، مش انا شخص تانى يحدد مصيرى
بنبرة مستأة قال يوسف.... مش وقت فلسفة يا بتول، انا بتكلم بالعافيه، وحسام ملوش فى كل الحوارات دى حسام طيب ونضيف
رفعت بتول ايدها... انت فهمتنى غلط على فكرة انا مش بهزر، انا هفضل هنا لأن كل دا بسببى من اول لحظه
، انا تعبت من الهرب يا يوسف، انا طوى عمرى هاربه من نفسى ومن الناس ومن الحياه، اكتفيت من كل دة
ثم انت بتقول مش قادر تتكلم، اى عقل يقول اسيبك تحارب وحدك وانت مش قادر تحرك ايدك؟
انا مدينة ليك بحياتى يا يوسف ودا الوقت المناسب عشان ارد دينى
انت كنت ممكن تختار نفسك وتاخد قرشين حلوين وتقتلنى بسهولة وتنفذ الأوامر لكنك اخترت انك تحمينى
وجودك مش هيفرق يا بتول ليه يموتو اتنين طالما ممكن واحد بس يموت
انا مش ناويه اموت يا يوسف، معاك حق تظن انى بنت ضعيفه او ممكن طفله لكن مشفتش وشى التانى
انا اسف انى بقطع كلامكم، صرخ حسام، لكن انتو ليه مش مقدرين الوضع الى احنا فيه؟
فيه ناس قتله جاين بأسلحتهم علينا ممكن نأجل النقاش الهادف ده لوقت تانى؟
همس يوسف عندك اى أفكار يا حسام؟
حسام... ممكن اخدك البيت عندى!!
لا... مستحيل، انا مش هحط رجلى فى بيتك واعرض والدتك للخطر
شردت بتول للحظه، انا عندى فكره هى خطيره بس ممكن تنجح
همس حسام بنبره قلقه غيره واثقه، فكرة ايه يا انسه بتول؟؟؟
بصت بتول على يوسف احنا هنروح القصر عند تيمور
رفع يوسف دماغه :
انتى بتهزرى صح؟
بتول : لا، مش بهزر انا بتكلم بجد
يوسف : مش دا الشخص نفسه إلى اتخلى عنك
بتول : ايوه هو
يوسف :وتفتكرى واحد زيه ممكن يقبل يساعدنا؟
بتول : مش هيكون عنده اختيار يلا بينا انا هتصرف
وضع يوسف فى المقعد الخلفى وانطلقت السياره نحو قصر
تيمور، أوقف الحارس بتول بأبتسامه ولم يبدو متذمر او غاضب، عاش من شافك يا انسه بتول؟
ازيك يا عم تيحا؟
بخير يابنتى ثم ضيق عينيه خير يا انسه بتول
بتول :انا لازم اقابل تيمور بيه ضرورى
لكن يا بنتى اخر أوامر ختها من تيمور بيه ممنوع تدخلى القصر!؟
لازم ادخل يا عم تيحا
فكر الرجل المسن الذى كان يعتبر بتول مثل ابنته، طيب انا مش هقدر اسمح ليكى تدخلى من غير اعتراض لكن!!
فهمت بتول ما يقصد عن تيحا
ترجلت من السياره وأخرجت مسدس ودسته فى معدت تيحا
اسفه يا عم تيحا امشى قدامى
مشى الحارس قدام بتول وقاد حسام السياره نحو القصر
وكان يوسف ينظر إلى بتول بزهول ويهمس فى سره مجنونه
دلفت بتول داخل القصر ونقلت يوسف إلى غرفتها تحت نظرات وصرخات عنايات والخدم
ثم لوحت بمسدسها الذى سرقته من يوسف وصرخت فى عنايات فين تيمور
ارتعش جسد عنايات، كانت تكره بتول والان خائفه من غضبها
تيمور بيه فى غرفته!!
همست بتول أجرى اندهيه
ركضت عنايات نحو غرفة تميور فى الطابق العلوى
كان تيمور نايم لما اقتحمت عنايات الغرفه
الحق يا تيمور بيه بتول تحت ومعاها مسدس
همس تيمور :بتول هنا؟
عنايات : ايوه هنا وباين عليها اتجننت خالص انا رأى نبلغ الشرطه؟
لا : همس تيمور بصوت خافت انا نازل اقابلها
نزل تيمور درج السلم برداء النوم كانت بتول واقفه وسط الرواق فى يدها المسدس
ازيك يا بتول، عامله ايه؟
بخير الحمد لله
تيمور ::انا مبسوط انى شفتك
بتول : أطلقت ابتسامه ساخره، على ما اتذكر اخر مره أمرت الحارس يرمينى فى الشارع؟
الأمور اتغيرت يا بتول انا كنت فاكرك موتى؟
اسمع يا تيمور انا هقعد فى القصر هنا كان يوم سواء بارادتك او غصب عنك ووصوبت المسدس تجاه تيمور
صرخ تيمور ابعدى المسدس يا مجنونه كل إلى انتى عايزاه هنفذه مفيش داعى للعنف، انا كنت بدور عليكى أصلا
حيث كده خلى عنايات تعملى قهوه وتعالى معايا غرفتى
فيه حجات لازم تعرفها
•تابع الفصل التالي "رواية الخادمة التي" اضغط على اسم الرواية