رواية شظايا العشق الفصل السادس و العشرون 26 - بقلم ميفو السلطان
كان رائف يجلس يشعر بالحزن ويفكر بحبيبته هل تركته ام ماذا وجد الباب يدق ليقوم مندفعا لعلها هيا فتح الباب ليجد امامه رجلا عجوزا ليبتسم الرجل ويقول مبتسما ….. رائف بيه حمدالله عالسلامة يا بيه انت قمت بالسلامه.
بهت رائف وقال.. انت مين انت تعرفني.
ليقول الرجل…. ايوه يا بيه انا عم شكري اللي كنت بخدمكو هنا انت والست ديمه.
خفق قلب رائف بعنف وتراجع للخلف يشعر بأن هناك مصيبه ستحط عليه …هتف برهبه ….انت بتقول ايه يا جدع انت بتخدم مين وامتي.
ابتسم الرحل وقال …طب هنفضل عالباب كده ابتعد رائف ودخل الرجل العجوز نظر في المكان وابتسم.. ياااه وحشني المكان والله.
قال رائف ملهوفا … هو فيه ايه ماتنطق..
جلس الرجل … اقعد يا بيه وانا اقولك هيا الست ديمه فين.
قال رائف ….قول كل حاجه وانت تعرفها منين.
ليقول.. الست ديمه دي لحم اكتافي من خيرها ست طيبه وحنينه وغلبانه. انا يا بيه كنت معاها من زمان من ساعه مانت جيت مع الست سميه والأستاذ علي .وبعدين اختفو مانعرف جرالهم ايه .اتقطعت عننا الاخبار وخلصت فلوس الست ديمه ..نزلت اشتغلت ماهو هنصرف منين راجل عايز علاج وعيل وهيا وانا .كانت بتصرف علي كوم ناس . كانت بتراعيك وانا معاها ..كلنا تعبت والله بس كانت راضيه وسعيده سنين .كنتو عيله حلوه ترجع من الشغل تناديلي تطمن انك كويس ونضيف وبتاخد ادويتك كانت بتحافظ عليك بعنيها لحد اليوم الاسود يا بيه.
سكت الرجل وانفاس رائف تعلو المكان يقبض علي يديه وكلمات الرجل كخناجر تنغز بداخله وبدا صدره يضيق وانفاسه تتقطع شعر كان ضهره انقسم واحس بضئالته غباؤه الشديد …
اكمل الرجل حديثه واكمل عليه ايضا ….خرجت اجيب حاجه رجعت لقيت فيه رجاله كتير قدام البيت ولمحتهم واخدينك وبعدين خدو الست ديمه وكانو هياخدوني لولا اني قولتلهم انا راجل علي بابا الله ومن ساعتها كل شويه اجي اطمن لعلي اشوفها واطمن عليها .
وحشتني والله ووحشني قعدتها ..كانت بتحكيلي ازاي عايشه مرعوبه من عمك وازاي كان عايز يتخلص منهم كانت عايشه مستخبيه ورعبها عليك وعلي سليم كبير . ماكنتش بتفكر في نفسها ابدا يا بيه والله . قولتلها روحي ارجعي واقفي لعمك وخدي فلوسكو .قالت انها ماتقدرش تعرضك للخطر عشان شويه فلوس. انا يا بيه ماشفتش ست زي الست ديمه ملاك نازل من السما حارسك الأمين اللي كان سهران علي راحتك.. كانت تقولي نفسي يا عم شكري يصحي ويخلي باله مني يحبني ويراعيني عشان تعبت .كانت تقولي انا واثقه انه اول مايصحي هيعوضني عن كل حاجه. يا ريت يا بيه تكون سعدتها لأنها تستحق تنسعد.
كان رائف محني الراس ودموعه تسيل بقوه …كيف عانت من أجله كيف تعذبت لتحافظ عليه كيف سهرت وتعبت كيف اهانها ونعتها بابشع الألفاظ وكيف انتهك أنوثتها كيف تبجح عليها وتعالي واتي بالنهايه ليقول لها انه سيسامحها ويعطيها ماتريد كأنها كلبه تسعي للمال وهيا التي حافظت علي ماله وروحه لتتعالي شهقاته وشرع يبكي بحرقه ويمسك قلبه الذي تمزق اشلاء .
بهت الرجل.. ليه يا بيه مالك.
لم ينطق ماذا يقول ليس هناك كلام يوصفه …ربت عليه الرجل ..فيه ايه مالك بس .
رفع رائف عيونه ودموعه تشق وجهه …. مالي مالي راح وحالي بعد عني وروحي انسحبت.. مالي.. قرف قرف انا قرف ماستحقش ضفرها واحده تراعيني وتسهر عليا وتحافظ عليا وانا انجبي واتجبر عليها بتعاملي كأنها حشره ترضي وتسكت.. واحد جاحد معندوش عقل مابيعرفش يحس ولا يعرف يحب.. كنت فاكر اني حبيتها وعرفتها بس انا مابعرفش. اللي يحب يصدق حبيبه ويعرفه انا حاسس بقرف هيموتني والله حاسس بطني قلبت ايه قرفي ده …. حبيبتي اتعذبت قام مهتاجا ..ليه ليه يتعمل فيها كده ليه وبدا يكسر كل شيء من وجعه ..وجعي مش متحمله امال وجعها شكله ايه ..مستنياني اصحي ..بخت كان ربنا خدني وارتاحت مني ايه القرف ده ..صرخ وخبط علي راسه …
كان عقلي فين حاسسها وحاسس جسمها وصوتها جوايا اسيبها تتعذب كده تعاني كده انا اصلا ماستحقهاش وليها حق تقرف مني قالتي انا مش عايزه دنيتك مش شايفاك راجل مانا فعلا باللي عملته مش راجل.
هتف الرجل.. يعني ايه يا بيه هيا سابتك.
صرخ رائف بحرقه … ماعرفش الجواب بيقول انها مشت وسألتني وسابت سليم ماعرفش مع اني كنت معاها ولانت بين ايديا وقولتلها كل حاجه هتبقي كويسه.
قال الرجل ….يا بيه الست ديمه لو روحها طلعت ماهتسيب سليم ابنها دول كانو هيموتوها بس هيا وقفت وحاربت عشانه فيه حاجه غلط يا بيه.
سكن رائف لبرهه وعقله يستعيد كل شيء … ليهتف الرجل.. عمك اكيد ليه يد في القصه ماهو محراب شر.
هب رائف وتوحشت عيناه….. عمي.. عمي اللي ضحك عليا وموت عمتي ..ماهو ديمه قالتهالي وانا ماصدقت كنت اهبل وشرابه خرج..بقي التعبان ده يلف عليا ويغرز غرزته وانا زي الاهبل ابو رياله امشي وراه وهو نجس …وقف بغضب وملامحه تحولت الي ملامح شيطانيه … طب يا شوكت يا صباغ انا هعرفك رائف الصباغ هيعمل ايه. ليقوم ويأخذ الرجل ويذهب الي الفيلا .
دخل الرجل ليندفع سليم عمو شكري عمو شكري وحشتني.. لتدمع عين رائف فكان من البساطه ان يصدق ابنه ويساله ليعرف ماذا عاشو وماذا مرو به .
استدار و صرخ في الحرس لياتو فقال… اسمعو بقه… مين فيكو علي صله بحرس شوكت الصباغ.
اطرق الرجال خوفا ..فصرخ .. اللي هيجيب قرارهم هديله مليون جنيه..
اندفع احد الحرس… انا يا بيه اعرف جمال الدراع اليمين لسيد الحارس الرئيسي لشوكت بيه ..
قال رائف بمكر …حلو ده .. تلاغيه دلوقتي وتقوله هديك مليون انت كمان بس تجبلي ارار شوكت ولابد فين وودو مراتي فين ..قوله الست ديمه في خطر هاه عايز اعرف في ظرف نص ساعه مكانها .
تحرك الرجل مسرعا لان المال كثير ليتصل بالاخر الذي اخبره علي الفور مكانهم .
مر الوقت كجحيم علي رائف يشعر ان زوجته في قبضه ذلك الجاحد ..ما ان عرفا مكان المخزن الذي فيه ديمه ليأخذ رائف الحرس وفوقهم دفعه من حرس الشركات ذو تدريب عالي فرائف يمتلك شركه من الأمن علي اعلي مستوي ليذهب الي المخزن الذي به ديمه .
كانت ديمه تجلس بعد ان اشبعها ممدوح ضربا من أجل أن تمضي علي آلورق وما ان انتهت من الامضاء حتي مسكها من شعرها وصرخ بشيطانيه … ودلوقتي بقه نخلص من القصه دي دلوقتي بقه نكمل وتروحي في نصيبه تاخدك كان يوم اسود تحصلي سميه اللي بلتنا بيكي .
اقترب من احد الحراس مسك مسدسه وهم ان يضرب ديمه لتاتيه رصاصه في يده .
صرخ عاليا وسقط المسدس منه …في تلك اللحظه هجم الحرس علي المخزن وكانو عدد كبير لم يستطع حرس شوكت صده ليصرخ شوكت والدم ينزف من يده بقوه .
دخل رائف واندفع يأخذ ديمه في احضانه ويفتش فيها من رعبه ويعود ويحتضنها وهيا تبكي بحرقه ..
وقف شوكت .. فيه ايه انا كنت بربيها كانت هتطفش بالفلوس..
ابعدها رائف وهجم عليه وانهال عليه ضربا وصرخ… انت ايه شر مفيش منك رجا خالص ابليس متنكر يا اخي ايه ده انت معمولي عمل تفضل تقهر فيا سنين يا جاحد سنين تطفش امي وتخرب بيت ابويا وتكمل عليا تعملي حادثه تخلص عليا ..تقتل اختك يا واطي واخرتها تلبسني العمه اصلي برياله تيجي تكدب عليا وتقهر مراتي . سنين معيشها في رعب ومهدد ابني لا وجاي تضحك عليا وتلبسين بنتك العقربه ايه القرف ده . انا هطلع روحك واخلص عليك
كان يصرخ و يضربه الي ان تهالك شوكت ووقع ارضا بلا نفس .
لفظه رائف بقدمه واندفع لديمه يعتصرها بحرقه ..نظر اليه بقهر ليهتف انا اسف اسف..
كانت دموعها تسيل وحالتها بائسه.،…مسكك وجهها وسالت دموعه بقهر ..اسف والله اسف مش لاقي كلام اقوله .
ابتسمت بسخريه ووجع …. اخيرا صدقت بعد ايه بعد ايه ابعد عني ابعد عني خلاص دنيتنا خلصت ارتاح بقه انت هسيبلك الدنيا وامشي..
شدها الي احضانه.. انا اسف يا عمري والله كنت حيوان انا اسف .
لتدفعه وتصرخ …… ابعد عني انا بكرهك كنت هموت واسيب ابني بسببك .انا خلاص مش عايزاك لتتحامل علي نفسها وتدفعه ..اوعي قامت تترنح ..فشدها اليه ..طب اهدي اهدي ..
صرخت وهيا تبكي …ماتقوليش اهدي ماتقولش عايزه اموتك انت ايه انت ايه كان لازم مصيبه تحصل عشان تصدق .جاي ليه كنت سيبني اعيش لابني .
شدد عليها وهيا تصرخ وتضربه بقوه …كنت هتصدق امتي لما اموت ابقي جثه وتدفني ..هاه فاكر اني باقيه عليك انت ماحبتنيش ماتقولش حب اللي بيحب بيصدق ..كت شايلاك في نن عيوني مستنياك تصحي تشيل عني صحيت غرزت وجبت الناس تغرز مره ابنك يروح ومره انا اروح ليه ليه يا اخي .
كانت دموعه تسيل ..مش لاقي حاجه اقولها بس والله بحبك .
فصرخت اخرس اخرس .
قال بحرقه لا بحبك وهعيش عمري كله اكفر عن غلطي انا اسف والله اسف .
ليسمعا صوتا ساخرا …علي اخر الزمن رائف الصباغ يترجي الجربوعه. لا ناخد روحها احسن.
بهت راىف واستدار وجد شوكت يمسك المسدس …فوضع ديمه خلفه التي تشبثت به برعب خوفا من نظرات شوكت المرعبه …
صرخ رائف …عارف لو بس فكرت تهوب ناحيتها ..هطلع روحك من قلبك.
ضحك شوكت ساعتها اكون حرقت قلبك وبس واستدار وصوب ناحيه ديمه واطلق الرصاص..هنا استدار رائف مسعا واخذها في احضانه يتلقي مكانها الرصاص ..لتصرخ بقوه …راااائف .
مسكته بقوه ..بدات قواه تخور ..رائف حبيبي رائف .
همس بعشق …اموت ولا ان حاجه تمسك ..انا ببك انا اسف سامحيني عايز اموت وانت مسمحاني ..انا اسف ..بعشقك والله وسقط فصخت بقوه
هنا اسرع الحرس فكان شوكت وقف سيطلق الرصاص مره اخري علي ديمه فرشقوه بوابل من الرصاص ليسقط صريعا تحت قدميهم .
واسرعو لرائف فقد غاب عن الوعي وديمه تصرخ وتحتضنه … …
. لا رائف لا لا حبيبي ماتسيبنيش لا والله انا كفايه عليا عذاب كده لا يا رائف اصحي يا روح ديمه انا اهوه اصحي والنبي ماتسيبنيش لتصرخ هتسيلني لمين انا مسمحاك قوم يا حبيبي ماتموتنيش مش ناقصه والله كفايه عليا كده تعبت انا تعبت بدا تصرخ بجنون وتكلبش فيه والحرس يحاولون ان يبعدوها لتصاب بالجنون وتظل تصرخ وتصرخ حتي وقعت مغشيا عليها.
مر الوقت لتستيقظ ديمه من سباتها بعد يومين فقد اعطوها مهديء .. لتنتفض وتهب صارخه … جوزي فين… رائف فين.. مات جوزي مات ..
اقتربت الممرضه اهدي هو عايش ..
فصرخت ..ودوني ليه واندفعت معها .
كان رائف في احد الحجرات دخلت مسرعه رغما عن الكل لتجده نائما لتندفع اليه …. رائف حبيبي رائف اصحي انا ديمه حبيبتك.
رائف انت كويس رائف كلمني كانت دموعها تسيل
فتح عينه .. ديمه انت كويسه..
قالت بلهفه …انت كويس طيب انت بيك ايه قولي انت كويس.
دخل الطبيب.. مدام ديمه.. براحه عليه هو لسه جرحه ضعيف وخطر.
لتبهت….. ايه خطر… خطر ازاي انت بتقول ايه.
نظر اليها رائف بحزن… ممكن مش هعرف امشي..
لتندفع وتحتضنه… متقولش كده ماتقولش لا هتعرف وهتبقى احسن حال وهتقوم.
قال الطبيب باسي … هو عايز مراعيه جامده وحد مرافقه زى ضله ..وأهم حاجه الحاله النفسيه ممكن تأخر الشفا.ماحدش لا يزعله ولايسيبه ..
قالت بحنان …لا يا دكتور كلنا جنبه.
خرج لتندفع وتمسك … يده حاسس بايه والنبي قول..
ابتسم علي طيبتها.. حاسس اني طولت الجنه وحبيبي رجعلي مش رجعلي برضه.
احنت راسها ليتاوه مره واحده لتندفع وتقول… ايه ايه مالك..
همس … مش عارف حاسس بنغزه في قلبي..
مسدت عليه وهمست…. من ايه.
خايف… لتبعدي عني عشان عشان ممكن ماتحركش وأفضل عاجز طول عمري .
لتندفع وتحتضنه.. بطل تقول كده عاجز ايه انا شيلتك وانت نايم سنين واشيلك جوا عيوني وانت كده بس انت هتقوم وتبقي كويس والله هتبقي كويس .
قال بحنان …. يعني مش هتسيبيني وانا بحالتي دي انا استحق اتساب خدت جزاتي واتشليت .
لتمسك يده.. اسيبك ازاي وانت بحالتك دي ماقدرش .
ليبتسم ويهتف.. نفسي أفضل كده طول عمري ولا اقمش من مكاني بس تفضلي جنبي.
لتطرق بوجهها ولا تنطق مسك يدها… انا عارف ان ماعنديش عذر بس والله بحبك لترفع وجهها بدموع …ليكمل… لا بعشقك والله يا عمري بعشقك وبحبك وماقدر ابعد عنك ..انا اسف اسف لو قعدت عمري كله اتأسف واهو ربنا اداني وهفضل كده عمري كله.
لتهمس… بطل بقه تقول كده انت هتبقي كويس والله هتبقي كويس.
تنهد ….وانت ذنبك ايه تعيشي مع واحد عاجز.
نظرت اليه بعشق ….. ذنبي اني كمان بحبك يا رائف واماقدر ابعد انا فضلت جنبك سنين وانت مش بس عاجز انت كنت مش موجود بالدنيا قعدت جنبك وحبيت قربك.. رائف انت كل حياتي يا قلبي والله عاجز ايه بطل تقول علي نفسك كده .
تنهد بسعاده …… ممكن تيجي جنبي .
قالت بخوف … اجي فين انت بتقول ايه انت تعبان .
قال مبتسما….. لا مانا بقيت كويس لينزاح قليلا لتستعجب فالطبيب يقول انه في حالة خطره ولا يتحرك ..
قالت مسرعه … براحة انت حالتك مش كويسه
قال ومد يده اليها …. بس تبقي جنبي وانا هبقي كويس .
همست بخجل …مانا جنبك اهوه ليفتح ذراعيه لتندس في احضانه وتهمس …هضايقك كده.
شدد عليها وقال… طول مانت في حضني مش عايز حاجه يا قلب رائف لتبتسم وتداعب وجهه فقربه يهلك قلبها لتتنهد فهيا تعبت كثيرا منه
همس وهو يداعب وجهها … بحبك
تنهدت وهمست… انت تعبتني قوي وعارف لو ماكتش تعبان كنت سيبتك .
اندفع وقال …. لا دانا تعبان والله عالاخر ومشلول وغلبان هتسيبيني هو خقك بس لو سيبيني اموت .
تنهدت …. اقولك ايه بس .
همس بعشق ….. والله تعبان وممكن اموت والله ماتسيبنيش انت سمعتي الدكتور مش كده واللا عايزه تسيبيني مش همسكك واجبرك.سيبي رائف المشلول هتعملي بيه ليه وعيشي وافرحي وانا اتمني الموت .
لتحتضنه بطل ….تقول كده ايه هتقوم والله هتقوم. مشلول ايه دانا اشيلك بعيوني واسيب ايه واعيش ايه افرح ازاي وانت كده …انا عمري ماهسيبك وانت كده .
قبل يديها…. وهتفضلي جنبي لما اقوم .
لتهمس …وجعتني قوي تعبت قوي سنين لوحدي وكنت مستنياك تقوم تطبطب عليا
هتف بوجع ….. حمار والله طور مابيحس تربيه هم وعيشه سوده . عيشتي سنين شارد من غير مشاعر والكل عايز يطعني خلاني حد شكاك ..والله غصب عني . انا فتحت عيني حسيت ان حاجه نقصاني يا قلب رائف والله ولما شفتك كنت هتجنن واقرب منك كنت حاسس انك جوايا .
كان فيه غشاوه علي عيني انا اتربيت غلط وكنت لوحدي قاسي وجاحد وثقتي بالستات صفر لحد بيجي ناحيتي ولا بقرب لحد .بس لما شفتك حسيت اني هتجنن لو ماقربتش منك.. لما اتجوزنا حسيت اني ملكت السما .
لما شوكت جالي وقالي انك ضحكتي عليا قلبي حرقني مش عشان ضحكتي عليا والفلوس لا عشان حرقه قلبي مش متخيل انك مابتحبنيش والله يا ديمه تنحرق الفلوس كنت بهلفط بالكلام.. قبل يدها… اسف يا قلب رائف والله اسف .
لتتنهد وتهمس حاولت كتير اقولك انت ماحسيتش بيا خالص .
اقترب من وجهها …لا حسيت بيكي جوايا بس كنت غبي .
لتهمس بلين …كنت وحش قوي.
قبل وجهها …وهعوض حبيبي عن كل اللي عملته لتتنهد وتطرق براسها قبل راسها ورفع وجهها …خليكي بس بصالي احس اني عايش وبتنفس.
نظرت اليه بعشق اقترب يقربها لتتوه معه شدها اليه بقوه ولم يفلتها لتتململ بين يديه وتحاول ان تبعده وتهمس… بطل انت تعبان عيب كده .
تنهد واخذها في احضانه .. وجعي بيروح وانت جنبي.. لتبتسم وتداعب صدره وتهتف.. عارف لما تخف هموتك .
ابتسم…. اعملي مابالك بس ماتسيبنيش.وبتمني ماخفش عمري كله .
ماتقولش كده وتوجعلي قلبي .
رفع وجهها ولمسها بحنان ..قلبك ده نفسي املس عليه ..نفسي اقوله اني بحبه وبعشقه ..اه غلطت بس والله غصب عني .
شدد عليها ونامت علي صدره وظل يداعبها مدت يدها تكتب علي صدره بحالميه ..كانت تداعبه وتكتب بكلمات الحب وهو سعادته لا توصف حتي نامت في احضانه ليقبل راسها. يا رب اهديكي ويخليكي ليا ويعدي الايام الجايه علي خير اعمل ايه بس . انا اموت ولا تسيبيني.. قبل راسها ونام هنيئا في احضانه .
في الصباح استيقظت ديمه واستودعت الطبيب لتندهش ان الطبيب صرح بخروج رائف وكانت ملك قد أتت ملهوفه ومعها سليم قفز علي ابيه ويقبله …بابا مالك فيك اايه..
قالت ديمه …براحه علي بابا بابا تعبان ايه ده يا سولي ليحتضنه رائف سيبيه انا هتحمل سيبيه في حضني.
نظر سليم الي امه.. سمعتي بابا اهوه مش هيسيبني خالص لتبتسم فقال… ماما عم شكري بالبيت.
تنهدت ونظرت الي رائف بحزن لتهتف.. عرفت حبيبي انه جه.
قال سليم… يعني عادي وخلاص بابا عرف وافتكر كل حاجه وهيحبنا..
شعر رائف بالالم لتشيح بوجهها قال رائف.. هتفضلو طول عمركو في نن عيني من جوا…
دخل عليهم الطبيب وهتفت ديمه.. ايه يا دكتور هنعمل ايه هنبتدي علاج والا ايه انا قلبي واكلني وحالته هنتابعها امتي وهنكشف تاني عنها امتي ..وهو لازم نقعد هنا اكتر من شهر يعني عشان الخطر والخوف إزاي نمشي علي طول وهو في خطر لتنصدم عندنا قال ………
- يتبع الفصل التالي اضغط على (رواية شظايا العشق) اسم الرواية