رواية عصيان انثى الفصل الثامن والعشرون 28 - بقلم حنان ماهر
البارت الثامن والعشرين
روايه عصيان أنثي
( ضي وياسين )
بقلم حنان أحمد
بدأت ضي تفتح عنيها لقت ياسين قاعد قدمها أقمت اتنفضت
من السرير وتكلمت بغضب . انا إيه اللى جبنى هنا
ياسين كان مراعى وضعها وتكلم بهدوء . لو سمحتى أهدى
ياحبيبتي انتى لسه تعبانه وانتى هنا فى بيتك طبيعى
تكونى هنا
بدأت ضي تدبدب برجليها بعصبية شديدة . متقولش بيتى
انا مليش مكان هنا أنا همش وانت ملكش علاقة بيه نهائي
سامع وكملت اخر كلامها بصراخ
وكانت بتتحرك اتجاه الباب ولسه هتفتحه على شان تمشى
مسكها ياسين من درعها ولفها ليه وحاول يتحكم فى غضبه
. ضي انا مقدر اللى انتى فيه وموت عم محمد بس متنسيش
إن أنا جوزك ولازم تحترمينى
ضي وبدأت الدموع تلقلق فى عنيها. وانت نسيت ليه انى
مراتك وواجب عليك تحترمنى نسيت كام مره قللت منى
نسيت كام مره اهنتنى اشمعنا دلوقت عايزنى اعتبارك
جوزى طيب ازاى وانت السبب انت والهانم اللى متجوزها
فى موت أبويه ونزلت على ركبتها وبدأت تنهار
نزل ياسين بمستواها ورفع وشها وبدأ يمسحلها دموعها.
وحيات الدموع اللى نزله على قلبى بتغلى لهدفعهم التمن
غالى صدقيني ياضي يمكن كلامى ده متاخر بس أنا ماعرفتش يعنى ايه الحب غير معاكى انتى أنا بعشقك
ياضي ومقدرش أعيش من غيرك
نزلت الكلمات على ضي بصدمه هو بيعترفلها بحبه معقول
حولت تعصى قلبها عليه وحولت تقنع نفسها أنه بيحاول
يستغلها على شان ماتخدش بالسائر من المزعومه مراته
الاوله زقته بعزم ما فيها وقامت وقفت وبتسمت وسط
دموعها ابتسامة استهزاء . وانت فكرنى هصدق كلامك
الخايب ده وكملت بحده أنا عارفه انت بتعمل كده
ليه انا بكرهك ياياسين سمع بكرهك
حس يأسين بكسره بقلبه بسبب رفضها ليه وقام وقف
قدمها . وانتى شيفه أنا بعمل كده ليه ممكن تفهمني
ضي بغضب . اكيد بسبب السنيورة بتاعتك عايز تحميها
منى على شان ماذيهاش وبلغ عنها انها خطفتنى وكانت
السبب فى موت بابا
ياسين بحزن . لدرجه دى مش وثقه فيه وشيفانى وحش
ضي بحزن مماثل . وانت عملتلى إيه يخلينى أثق فيك
يا ياسين ياسيوفى
ياسين . عندك حق انا فعلا ماكنتش مصدر الامان ليكى وقرب منها وبص فى عينها برجاء طيب ممكن تقوليلي اعمل ايه على شان اخليكى تثقى فيه ياضي
ضي وحبت تأكد لنفسها وليه إنه كداب وبيمثل عليها اتكلمت
بغضب وكأنها متأكدة من رده . طلق سيلا
ياسين بعد عنها وتصدم من طلبها
ضي ابتسمت ابتسامه حزن كسره وديته ضهرها
راح ياسين على الباب الاوضه ونده بعلو صوته على سيلا
التفتت ضي باستغراب
أما سيلا فقلبها انتفض من مكانه لما سمعت صوت ياسين
وتاكدت أن ضي حكتله أنها السبب فى خطفها بس حولت تدارى خوفها وقالت لنفسها أنه بيحبها ومستحيل يأذيها
راحت على غرفة ضي ودخلت ووقفت قدام ياسين
وقربت منه بدلع . أيوة ياحبيبى أمرنى بعتينى ليه
بعد عنها ياسين وسط أنظار ضي المنتظرة انتهاء هذه
المسرحيه
ياسين بجمود . سيلا انتى طالق... طالق ...طالق
نزلت الكلمات على سيلا زى الصاعقه مش قادره تصدق أنه
طلقها بالسهولة دى
سيلا بصدمه . انت بتقول إيه
ضي بفرحه وشماته قربت منها . بيقولك انت طالق ..طالق ياحبيبتى💃
وبتزقها تطلعها بره الاوضه ياله لمى حاجتك ومشفكيش
هنا تانى فى ستين داهيه وزهتها وقعت على الأرض
سيلا بغضب وصراخ . بطلقنى انا يا ياسين أنا هدفعك تمن
ده غالى وهعرف اخد حقى منك كويس اوي وهنتقم منك
يا ياسين سامع هنتقم منك
دخلت ضي الاوضة وقفلت الباب فى وش سيلا قرب منها
ياسين ومسك اديها. ها صدقتينى دلوقتي انى بحبك
انا طلقتها قدامك بالتلاته على شان تتاكدى أن مستحيل
ارجعلها وإن القلب انتى الوحيده اللى ملكيته
ضي بارتباك من قربه بس كان جواها لسه مش قادره تصدقه
رغم انه نفذ طلبها وخرج سيلا من حياته . عايزنى أثق فيك
يا ياسين
هز ياسين رأسه بنعم كملت ضي كلامها لما تاخد حق بابا منهم ويتعدمه
أكد ياسين كلامها وبص فى عيونها . صدقيني حقك وحق
عم محمد أنا هاخده حتى لو مطلبتيش منى ده انا مستحيل
أتنازل عنه
وعند سيلا دخلت لمت هدمها بكل غل وقهر وخرجت من فيلا السيوفى
وتصلت برامى . انت فين تمام أنا جيالك
وصلت سيلا بعد فترة وفتح ليها رامى ولقاها داخله وماسكه فى اديها شنطه هدومها سألها باستغراب . انتى جيه بشنطه
هدومك ليه فى حاجة جديدة حصلت
سيلا بغل وغضب . ياسين طلقنى علشان الزبالة اللى متجوزها
ضحك رامى وقاعد قصادها وحط رجل على رجل . وانتى
زعلانه أنه طلقك
اتجهت سيلا عند البار الموجود فى الشقة ومسكت زجاجه الخمر وصبت ليها فى كأس وشربته فى بق واحد وتكلمت بغل . انت مشفتش هو إهانى ازى وكانى واحده من الشارع
ورمت الكأس على الأرض اتكسر ميت حته وكملت بغضب
انا عايزه ادفعهم تمن إهانتى غالى
قرب منها رامى ومسكها من كتفها. أهدى ياحبيبتي
خلاص النهايه قربت وكويس انك جيتى احنا لازم
نسافر الاسكندريه على شان نستلم البضاعة من الشاحنه
السيوفى
وكمل بحده وبعدها إسم ياسين هيختفى من الدنيا وللابد
وعند فيلا ياسين فتحت الخدامة الباب . اهلا ريم هانم
اتفضلي
ريم . بلغى ضي انى وصلت
طلعت الخدامه بلغت ضي ونزلت جرى وحضنت ريم وهى
منهاره وبتعيط
ريم طبتبط عليها وحولت تهديها. أهدى ياحبيبتي ربنا يرحمه
هو فى مكان احسن من هنا صدقينى
ضي بانهيار . مش قادره ياريم خلاص كده بابا مبقاش موجود مش قادره استحمل وجع قلبى ياريم
ريم بحزن على صاحبتها. ميتعزش على اللى خلقه ياضي
وبعدين كل واحد فينا ليه معاد وده معاده ياحبيبتي
استهدى بالله ودعيله ربنا يرحمه لازم تكونى قويه
على شان خالتى روقيه ومحمود
ضي بتحاول تستجمع قوتها . انا هطلع اغير واروح على بيت
بابا على شان العزى
ريم . ماشى ياحبيبتي مستنياكى
وسألتها بستفسار ؟ امال ياسين وسيلا فين
ضي . ياسين طلع على الشركه على شان محتاجين امضاته
على أوراق ضرورى وكان المفروض يعدى عليا ونطلع على العزى بس انا هتصل بيه وهقوله انى هروح معاكى
قربت ريم منه وتكلمت بهمس . طيب الكائن اللى اسمه سيلا
ضي . لا دى بقى بح
ريم باستغراب . بح ازى يعنى ماتت وخلصنا منها
ضي . لا عيشا بس برده خلاصنا منها ياسين طلقها
ريم بحماس قامت وقفت . قولى والله لا بجد أخيراً
هزت ضي رأسها بنعم وشدت ريم تقعد جمبها
كملت ريم. لوله اللى احنا فيه كنت زغرط الحمد لله كانت
تقيله تقل على قلبى ياشيخة
لا بس انتى تحكيلى طلقها ازاى أنا مش هتحرك من هنا غير لما اعرف
خبتطها ضي على كتفها وبدأت تحكلها كل حاجه من ساعة
ما فاقت ولقت ياسين جنبها
ريم بحماس . بصراحه بقى أنا استجادعت ياسين اوى ووضح
جدا أنه بيحبك اوى انتى ماشفتيش حالته لما عرف انك
مخطوفه كان زى المجنون ولما وصلنا للمخزن اللى كنتى
مخطوفه فيه جرى ودخل ينقذك ومستناش الشرطه
تهجم الاول ومهتمش ممكن ايه يحصله وهو لوحده
ضي حسه بتخبط فى مشاعرها . مش عارفه ياريم
خايفه أصدقه يخزلنى ويكون كل ده كدب
ريم حولت تطمنها . أدى نفسك فرصة ياضي انتى من حقك
تفرحى شويه كفاية اللى عشتيه
وكملت بضحك بس كان نفسي اشوف شكل سيلا وياسين
بيقولها وبتحاول تقلد ياسين طالق طالق طالق
اكيد البت جلها كساح عطيفى 😂
هزت ضي رأسها بياس . ماشى ياريم أنا هطلع اتصل بياسين وهغير هدومى
ونمشى على شان منتاخرش عن كده
وفقتها ريم وطلعت ضي أتصلت بياسين وبلغته أنها هتروح
مع ريم على بيت أهلها
ياسين . ماشى ياحبيبتي خلى بالك على نفسك وانا هحصلك
على هناك
قفل مع ضى ولقى تليفونه بيرن برقم فهد
فهد بستياء . ينفع اللى عملته ده يا ياسين مش قلنا تصبر
شويه
اتنهد ياسين وتكلم بلا مبالاة. عملت ايه يافهد
فهد بضيق . استعجلت وطلقت سيلا مش احنا اتفقنا انك
تخليها تحت عينك
ياسين بغضب . مقدرتش استحمل انى اخليها على عصمتنى
يوم واحد بعد ما خطفت مراتى وكانت السبب فى موت
حمايه كويس انها جت على قد الطلاق ومخلصتش عليه
بايدى بعد اللى عرفته عنها انها مهربه مخدرات وانى كنت مخدوع فيها وتجوزتنى على شان تستغل أسمى وشركتى
حاول فهد يهديه . انا مقدر الوضع اللى انت فيه صدقنى
خلاص هانت وهتاخد حقك وتخلص منها النهارده هنتحرك
على الاسكندريه على شان هيستلمو البضاعة من الشحنه
بتاعت شركتك واول ما نطمن أنهم حطوا البضاعة فى
المخزن هنهجم عليهم
هدى ياسين شويه . انا مسافر معاكم يافهد عايز اكون
موجود وهى بيتقبض عليها
فهد . خليك أنت يا ياسين وجودك فيه خطر عليك
ياسين . ريحانى يافهد أنا لازم اشوفها بعينى وهى بيتقبض
عليها
فهد . خلاص ماشي يا ياسين بس بلاش اى حركه متهوره
منك على شان متبوظ كل اللى كنا بنسعى له الشهور
اللى فاتت
وعند ضي وصلت هى وريم عند بيت اهلها وشافت فايز وكريم وأخوها واقفين بياخدو عزى ابوها فى الشارع جريت على
محمود وحضنته وفضلت تعيط
محمود اخدها فى حضنه جامد وهو بيعيط . خلاص بابا
مبقاش موجود ياضي انا حاسس ان ضهرى انكسر
بعدت ضي عن حضنه ومسحت دموعه. اوعى تقول كده
يامحمود أنا وماما ملناش غيرك فى الدنيا بعد بابا
اوى تكون ضعيف خلينا بنستقوى بيك يا محمود سمعنى
هز محمود رأسه
قرب منها فايز . البقاء لله يابنتى ربنا يصبر قلبكم يارب
ضى بحزن . الدوام لله ياعمى الحمد لله على كل حال وسبتهم ضي وطلعت عند ولدتها وجريت عليها
وفضلت تعيط فى حضنها وفضلت روقيه تهدى فيها
جت عمتها توسيها. ياحبيبتي يابنتى ابوكى وابنك فى يوم
واحد ربنا يصبر قلبك
انتفضت ضى من حضن ولدتها وفى نفس الوقت كان داخل
ياسين وسمع كلام عمت ضي
ضي بصت لامها مستنايها توضحلها اللى هى سمعته نزلت
روقيه عنيها وبصت فى الارض قالت ضي بالم . هى اللى
انا سمعته صح أنا كنت ومقدرتش تكمل وجريت على غرفتها
جرى وراها ياسين بقلق
قامت روقيه تدخل وارى ضي وقفتها ريم . خليكى انتى ياخالتى ياسين معاها
دخل ياسين غرفة ضي بحزن عليها
بصتله ضي بالم ودموع . انا كنت حامل يا ياسين
انا كنت حامل وابنى مات وكملت بزعيق رد عليه
قرب منها ياسين وخدها فى حضنه . أهدى ياحبيبتي ملناش
نصيب فيه إن شاء الله ربنا هيعوضنا
ضي بحزن . انا ليه بيحصل معايا كل ده هو انا وحشه اوى كده ربنا زعلان منى طيب انا عملت إيه
ياسين ضمها جامد . انتى ما فيش اطيب منك ياقلب ياسين مش انتى اللى وحشه هما اللى وحشين صدقينى حقك هاخده وهنتقملك منهم
ومسك وشها باديه الاتنين وباس رأسها
ضي حبيبتي انا لازم أسافر اسكندريه دلوقتي صدقينى
غصب عنى خليكى هنا مع ماما روقيه وماما ناديه جيه
فى الطريق وهتفضل معاكم لحد ما رجع
حست ضى بقلق من كلامه. مسكت ايديه بلاش تسافر
ياسين
ياسين مسك اديها وبسهم وبص فى عنيها. انا بحبك ياضي لازم تتأكدى من حبى ليكى ومعرفتش الحب غير معاكى
ولو رجعت هتفهمى وهتتاكدى من حبى ليكى
ضي قلبها وجعها من كلمت لو رجعت بس ماقدرتش تمنعه
وعند رامى وسيلا وصلو المينا وقبلوا صبرى الراجل بتاعم
رامى . ها كله تمام يا صبرى
صبرى . اطمئن يا رامى باشا ظبطنا الراجل اللى مسؤال
عن الجمارك واخد الميت ألف اللى اتفاقنا عليهم وحملنا البضاعة وجهزه نطلع بيها على المخزن
رامى بفرحه. برافو عليك ياصبرى عمرك ما خيبت ظنى
فيك
صبرى . انا تحت أمرك يا رامى باشا
سيلا أدخلت . طب ايه مستنين ايه يلا بينا علي مخزن
راحوا علي المخزن وكان الشرطة مراقباهم فهد قال للقوه بتاعته. يلا بينا نتحرك وبص علي ياسين. مش عايز اي تهور منك يا ياسين فاهم
ياسين . متقلقش يا فهد مش هتهور
رامي وسيلا والرجاله بتوعوا وصلوا المخزن وبدؤا فى تنزيل البضاعة في المخزن
فهد والقوه ومعاهم ياسين كانوا مراقبين كل تحاركتهم ومستنين اللحظة المناسبة علشان يهجموا عليهم وبعد ما خلاص دخلوا البضاعة كلها وهيحتفلوا علي نصرهم ده القوه أدخلت وبدأت بالهجوم سيلا حاولت تهرب ياسين شافها وراح مسكها وهي اتصدمت
ياسين بابتسامة شر. واخيرا مسكتك انتي مفكره ايه هتعملي عمايلك وانا نايم علي وداني لا فوقي يا ماما لو كان الموضوع يخصني أنا بس كنت اتنزلت عن حقي واقول عشره لكن انت اذيتي عيلتي وخطفتى مراتي وكنتى السبب
فى موت ابنى وانا مش هتنازل عن الحقوق دي ابدا
سيلا بصدمه . انت كنت عارف
ياسين بستهزاء . وانتى كنتى مفكره هفضل مغفل على طول
لا يا هانم أنا عرفت كل مخططاتك انت والحيوان اللي معاكي بسبب الصوره اللي وقعتكم فى شر اعملكم لي اللي كانت فيها ضي مع الحيوان اللي بتخنينى معاه فضلت ادور ورا الصوره واراقبه واكتشفت ان انت بتقابليه وانك اللي زقيتيه على ضي لا وكمان بالتاجروا في المخدرات واتفقتوا مع بعض انكم هتنقلوا البضاعه بتاعتكم في الشحنه بتاعتي
انا ما كنتش متخيل انك زباله بالشكل ده انا مش عارف ازاي دخلتك حياتي
قربوا منها العساكر حطوا الكلبشات في ايديها وسيلا بتعيط وبتقول. ياسين سامحني صدقني اللي حصل غصب عني هددوني صدقني يا ياسين انا بحبك انت
ياسين بغل . وانا بكرهك وبكره اليوم اللي شوفتك فيه
سيلا قريت منه راح هو زقها رامي مستحملش الاهانه ولا أنه يشوف سيلا بتعترف بحبها لراجل تاني الغل خده وفى لحظه مسك المسدس من العسكرى اللى واقف جمبه وصوبه نحيه ياسين وفجأة انطلقت طلقه في الهوا نزل ياسين علي الارض بألم عند ضي كانت قاعده حست أن قلبها اتقبض حتط اديها فوق قلبها وهمست . ياسين
و............ للحكايه بقيه بقلم حنان احمد ماهر
•تابع الفصل التالي "رواية عصيان انثى" اضغط على اسم الرواية