رواية حب المشاغبين الفصل الثلاثون 30 - بقلم حنين هاني
رواية_حب_المشاغبين
بارت30
مراد. معلش بقا ياشباب انا هاخد حبيبتي واعد لوحدنا
احمد. تروح على فين ياحبيبي مفيش منو الكلام ده
مراد. لا بقولك ايه يابو حميد مشي الدنيا نص ساعه بس وحيات امك وانا هاجي اطلبها منك بكره لو عايز
بصلو احمد وحط رجل على رجل. ابقي خد مني معاد وانا هبقا اشوف اذا كنت هرد عليك ولا لا
مراد. علي فكره فاشل في التمثيل وبصلها يلا يابليلتي وخدها واعدو علي طربيزه لوحدهم
مراد. انا اسعد واحد دلوقتي بجد
بيلا.بس عشان انتا طلعت مجنون بجد
مراد. مجنون بحبك انتي
بيلا. امممم
مراد. لا بقولك ايه شغل الكسوف ده مفيش منو وعشان نتكلم جد بقا
بيلا. اتكلم جد
مراد. بصي انا وقعت في غرامك من بدري بس بصراحه الي كان منعني اني اعرفك هو الدراسه كنت خايف ترفضي بسبب كده كنت خايف عليكي من كلام اي حد لو عرف عشان مقدرش استحمل حد يقول عليكي كلمه خدت عهد بين نفسي ان اول مانجح علي طول هتعرفلك بحبي بس مقدرتش الموقف الي حصل في الرحله خلاني اعيد تفكيري تاني ولما اعدو فضلو يتكلمو قررت اني مش هستنا تضيعي من ايدي انا بحبك وعاوزك انتي الي تكون شريكه حياتي عايز اقولك ان كل موقف كان بيحصل وبتقفي معايا كنتي بتكبري في نظري وكنت بصمم علي رأيي ان انتي هي الي هكمل معاها حياتي و بحبك وربنا يخليكي وبس كده اتكلمي انتي بقا
بيلا. مش عاوزه اقول حاجه غير ان عاوزك تفضل سندي وتفضل معايا دايما انا بطمن بوجودك معايا مش عاوزك تبعد عني خالص
مراد. وانا عمري ماهبعد عنك
بيلا. ده اللي انا عاوزه
مراد. وبعدين ده انا هعد علي قلبك وربع كمان وبعدين انا عارف انك بتحبيني اوي بس كنتي مكثوفه تقولي
بيلا. ياشيخ والثقه دي منين
مراد. اقولك انا اول حاجه شوفتك وانتي بترسمي صوره لينا وكاتبه عليها الكلام وتاني حاجه لما تعبت وتطلعتي انتي ومريم وانا طالع لقيت البنت الي بتنضف بتقولي حبيبتك بتحبك اوي كانت خايفه عليه اوي قولتلها حصل اي قالتلي جت قالتلي حبيبي جوه وتعبان اوي وكنت هتموت عليك بجد خلي بالك منها عشان هي بتحبك بجد ها شوفتي بقا
اتكسفت بيلا
مراد. ياخرابي علي الفراوله اي الحلاوه دي
بيلا. بس بقا
مراد. خلاص هسكت المره دي عشان خاطر الفراوله دي المهم بقا انا عاوزك في حاجه
بيلا. اتفضل
مراد. المشروع الي تكلمنا عنو انا لقيت مكان كويس جدا في مول القاهره واجرت المكان وبدأت اعمل فيه تقسيمات عشان طبعا كل حاجه تبقا ليها مكان مخصص وكمان اسبوع المكان هيكون جاهز علي الحاجات بس وبصراحه كانت مفجاءه وبردو كنت هتقدملك فيها بصراحه بس يلا مش مهم المهم انك معايا
بيلا. انا بجد مبسوطه انا افتكرتك نسيت
مراد. انا اشتغلت علي الموضوع ساعت لما اتكلمنا فيه وانا عمري منسا حاجه تخصك
بيلا. مش عارفه اوصفلك الي جوايا بس انا مبسوطه اوي بجد شكرا ربنا يخليك ليا وتفضل دايما معايا بالطريقة دي
مراد. لا ده بدايات بس ياحبيبتي لازم ادلعك فيها وبعد كده خلاص بقا
بيلا. بتهزر يعني انتا بعد فتره هتتغير ومش هتحبني
مراد. لا هفضل احبك علي طول طبعا بس قصدي ان احنا في فتره بدايات وكده بس اول مابتخلص بنقا خدنا علي بعض انتي فاهمه بقا
بيلا. اه لا كده وصلت المعلومه يعني انتا ماشي بمبدأ البديات وبعد كده نبتدي في الخناقات
مراد. بالظبط كده انتي كده فهيمه
بيلا. يعني انتا نكدي
مراد. لا ماهو النكد مش بيجي مني انا
بيلا. يعني انتا كمان عايز انتا الي تنكد مفيش منو الكلام ده طبعا انا انكد وانتا تصالح
مراد. احيه هو احنا لحقنا
بيلا. ايوه عشان تبقا عارف
مراد. موافق ياقادر المهم بقا فاتحي مامتك في الموضوع وانا هاخد معاد مع اخوكي عشان اجيلك ونقرا فاتحه ونلبس شبكه وبعد سنه بقا نتجوز اي رأيك
بيلا. موافقه مفيش مشكله
مراد. تحبي انتي تنقي الشبكه ولو اخليها علي ذوقي
بيلا. انا واثقه في ذوقك
مراد. خلاص هجبها علي ذوقي وبعد العشا قام الكل عشان يروحو
مراد. شوف معاد ينسابكو وبغلني واحنا هنجيلكو الغردقة
احمد. خلاص تمام على مكالمه يامراد ومشيو كلهم عشان يروح كل واحد علي بيتو
روح مراد معاه اخواتو ومراتتهم
لقا عبدالله وفريده اعدين
مراد. انا قولت لبيلا اني بحبها وكان قدام اخوها وهو وافق وقولتلو عشان اخد معاد واول مايكلمني هنسافر كلنا نقرا فاتحه ونلبسها الشبكه
عبدالله. كل ده حصل وبعدين مالك عامل زي الراديو كده ليه اي انتا حافظ مش فاهم
فريده. مش مهم المهم اني خلاص هشوفو عريس الف مبروك ياحبيبي والله زين ماخترت اول ميكلمك نسافر طبعا كلنا معاك ده يوم السعد اني اشوفك عريس ياقلب امك
عبدالله. يادي النيله عليا اخلص من الواد تتطلع امو ضحكو كلهم ينفع تحكي كل الي حصل بالتفصيل وبدأ مراد يحكيلو الي حصل وبس ده الي حصل
عبدالله. خلاص علي خيرة الله اول مايكلمك هنجز نفسنا ونسافر
يتبع
بقلمي_حنين_هاني
- يتبع الفصل التالي اضغط على (رواية حب المشاغبين) اسم الرواية