رواية عيشه تانيه الفصل الحادي والثلاثون 31 - بقلم خديجه احمد
عيشه_تانيه
البارت الواحد وتلاتين 31
علي بحزن: بقالك اكتر من شهرين مجتش تشوفني
مؤمن: م انت عارف ي علي اني مشغول
علي بسخريه: مشغول مع عيلتك الجديده مش كدا
مؤمن: قريب هاجي اعدي عليك
علي: الربع ساعه اللي بتقعدهم ومش بتكملهم حتى
مؤمن: طب انا مشغول دلوقتي هكلمك بعدين
وقفل
علي ف نفسه: وطبعا مفيش بعدين
على عدى على السوبر ماركت واشتري شويه حلويات
رجع البيت وكان بيحاول يرسم الضحكه على وشه
علي: امال فين البت داليدا
نبيله: في اوضتها
علي: بتت ي ديدااا
داليدا: ايواااا
علي: بصي جبتلك ايه
داليدا بفرحه: الله الاخ الحنين نعمه والله
علي بخبث: مفيش حلويات غيرر لماا تقولي ممكن يا استاذ علي الحلويات
بصلته ببرائه كدا وراحت خاطفه الكيس من ايده وجريت على نبيله
داليدا: مااامي الحقينييي
علي: وحيااتك م هسيبك هااتي الكييس
نبيله بشده: ولاا سيب الكيس ليها خلاص
علي: بقى كدا يا نيبو مااشي
نبيله: تعالي يا حبيبت ماما متخفيش،ميقدرش يعملك حاجه وانا موجوده
علي بغيره: والله
وراح قعد جمبهم
فجأه لقى الباب بيخبط
علي: وه الزوز
وسلم عليه
نبيله اول م شافته بصت الناحيه التانيه
حذيفه: مش هتسلمي عليا ي خالتي
نبيله: خالتي ايه بقى شكلك نسيتنا خلاص
حذيفه وهو بيوطي يبوس ايدها: والله غصب عني كانت في حاجات شاغله بالي بقالها يومين ف مقدرتش اجي
نبيله: مالك يا حذيفه انا حاسه انك متغير
حذيفه بص ل علي و بعد كدا ل داليدا وسكت
نبيله: طب علي خد داليدا وادخلوا جوا
نبيله: ها بقى في ايه ي حبيبي
حذيفه: انا حبيت يا خالتي
نبيله بابتسامه: والله وكبرت يا حذيفه طب دا شئ جميل المهم البنت محترمه ومن عيله كويسه؟
حذيفه بحزن: اه بس...
نبيله: بس ايه يا حبيبي
حذيفه وعينه بتدمع غصب عنه: طلعت بتحب حد غيري يا خالتي
نبيله بهدوء: بص يا بني نت ابني اللي مخلفتوش والام لازم تنصح ابنها ونصيحتي ليك ي نور عيني انك متعلقش قلبك بيها طلاما هي مش رايداك وبتحب حد تاني ولو هي من نصيبك هتجيلك سواء دلوقت او بعدين المهم انك تركز ف مستقبلك عشان لما تلاقي البنت اللي تحبك بجد تروح كدا لأهلها وانت مالي مركزك تطلب ايدها
حذيفه: حاضر يا خالتي
نبيله بحب: ربنا ينور طريقك يا بني
ف الوقت دا خرج احمد
احمد: منور يا حذيفه
حذيفه قام سلم عليه بحب
حذيفه: بنورك يسطا
احمد كان عارف انه بيعمل كدا عشان نبيله متحسش بحاجه وانهم متخانقين
نبيله: هروح اعملكوا حاجه تشربوها
•تابع الفصل التالي "رواية عيشه تانيه" اضغط على اسم الرواية