رواية خائن الوعد الفصل الثالث 3 - بقلم ياسمين سالم
اول ما سمعوا صراخ سيلان كلهم اتفزعوا
سيف ونسر في دفعه واحده بدوأ يكسروا الباب.
واتفجأوا لما شافوا.
سيلان نائمه علي السرير وليلي معاها مخده وكاتمه بيها نفس سيلان الي كانت بتحاول تبعدها عندها وليلي كانت ببدوس بالمخده اكتر عليها
نسر شدها من عليها وهي كانت بتزقه عشان عايزه تخلص منها
نسر ضربها بالكف ووقعت في الأرض وانهارت ساعتها لما شافت الكل بيتفرج عليها
امها قربت منها وحضنتها
سهير ام ليلي : ايه يا نسر دا انت اتجننت ازاي تمد ايدك عليها كدا وكمان قدامنا
نسر ماردش عليها وراح علي سيلان الي كانت بتحضن نفسها وهي بتعيط
جه علي الصوت دا سليم ابو سيلان
هو في ايه هنا واتفاجأ لما شاف سيلان وحالتها دي كمان
سليم : سيلان. انتي جبتي امتي يا حبيبتي وانتي بتعيطي ليه و مشا الكرسي المتحرك عندها
وقال بنبره أمر : في ايه وايه سبب حالتها دي. وليه ماحدش قالي انها جت
وبعدها اتذكر فرح نسر وفهم وقال : الكل يطلع ويسيبني معاها
و صالح راح عنده : سليم يا بني اهدي بس مافيش حاجه دي مفزوعه بس كانت بتحلم وشافت كابوس صح يا سيلا يا حبيبتي
سيلان هزت رأسها وراحت حضنه ابوها وقالتله : ماتقلقش يا بابا انا انا كويسه والله
سيلم حضنها وهو فاهم انها بتكذب
والكل طلع وسهير قالت : من ساعه ما جيتي و انتي نكدي غلي بنتي ربنا ينتقم منك
سيف شد أمه ل برا وقالها بعصبيه انتي مش شايفه حالتها عامله ازاي و كمان عمي سليم ازاي تقولي قدامه
وقرب ناحيه ليلي. وكان هيضربها لكن أمه خبتها ورا ظهرها
ووقفت في وشه : ايه كمان انت يا ابني بطني هتجري وراه
تاني ماقالتلك بحبكش لسا عايزها تقولها تاني. ماشي وراها.
زي الحمار.
سيف قالها ببرود : ماما انا ماطلبتش نصيحتك ثم إنه خلاص هي رفضتني عشان نسر و هو دلوقتي متجوز من اختي المصون و ياريت تبعدي جوزك عن سيلان عشان ماتبقيش ارمله في عز شبابك
وسابهم ومشي
سهير .: منك الله سيلان منك لله
تعالي يا حبيبتي واخدتها علي غرفتها
عند سليم و سيلان
سليم : مش هتحكيلي يا سيلان الحقيقه انا برضو تخبئ عني
سيلان بصتله وقالت بانهيار : بابا انا تعبانه اوووي 😭 😭
انا انا قلبي بيوجعني مش قادره اعيش مش هقدر اشوفه معاها
سليم : يا حبيبتي انا عارف احساسك دا كويس و عارف انك موجوعه بس هيعدي كله هيعدي. تعالي ومدلها أيده
وهي اترمت في حضنه وفضلت تعيط
في المساء
الكل كان علي السفره ماعدا سيلان
صالح كان قاعد مترأس السفره وندا علي الخادمه
صالح : ابعتي ل سيلا خليها تيجي عشان تأكل وقولي لها جدك عايزك ومافيش نقاش في الموضوع
في الوقت دا كانت سيلا نازله من علي السلم
وكانت رابطه شعرها بفوضيه وكان مديها مظهر طفولي وملابسه شورت قصير وبدي كت يعرض جسدها بسخاء
سيلا بتحدي : انا هنا يا جدي دا بيتي و اكيد مش هستخبي
ولا هفضل حبيسه غرفتي. ونزلت قعد علي الكرسي الي جمب
سيف
سيف بحب : سيلا عامله ايه دلوقتي اتحسنتي
سيلا مسكت أيده : شكراً يا سيف انك كنت واقف جامبي
نسر كان متعصب وغيران ل أبعد الحدود
و خبط المعلقه علي السفره وكان لسا هتطلع تمشي
لكن وقف علي صوت سيلا وهي بتقول بفرحه عز
وجريت عليها وحضنته
وهو بادالها الحضن وهو بيضحك
كان سهير بتقول بخبث : شوف شوف لابسه ايه و كمان راحه تحضنه و لا كأننا قاعدين
نسر اتعصب وراح عندها وشدها من حضنه
وقال بغضب : ايه المسخرة دي. انتي الظاهر اتجننتي خالص
سيلا زقت أيده الي كان ماسكها بيها وقالت بقرف
انتي ازاي تمسك أيدي كدا وبأي حق تتدخل
نسر : بصفتي ابن عمك يا محترمه أما كدا وبتعملي قدامنا امال يا عالم من ورانا بتعملي ايه اكيد مقضياها
سيلا نزلت علي وشه بالكف : انت انسان مش محترم و وس’خ وتفكيرك شبهك
صالح : انت اواي تتكلم مع بنت عمك كدا يا نسر.
وانتي ازاي تحضني شخص اجنبي عنك قدامنا و من غير اي احترام لينا
سيلا قالت بدموع : جدو انا اسفه انا فرحت لما شوفت عز
و
عز : انا مش اجنبي عنها يا حاج صالح. انا جاي اطلب أيدها منك لأني بحبها
سيف : انت بتقول ايه لأ طبعاً سيلا مش هتوافق مش كدا يا سيلا قالها سيف علي امل أنها اتأكد كلامه
سيلا بصت في عيون نسر الي كانت بطلع شرار
سيلا : انا اكتشفت اني بحب عز مش زي اخويا و زي ما كنت متوقعه أن اكتشفت اني بحبه زي ما هو بيحبني و بعد ما في شخص خزلني قررت اديله فرصه كل شخص فينا يستحق فرصه وعز فعلا يستحق أننا ندي لبعض فرصه
سيف بزعيق : طيب و انا ماستحقش فرصه من الاستاذه سيلا هو انا مش حاسه بيا الاول كان نسر و بعد عنكم وقولت أنهم بيحبوا بعض و الحب تضحيه و انا لازم أضحي عشان اتنين بيحبوا بعض وقررت أدفن حبك في قلبي
و لما نسر سابك و اتجوز ليلي قولت انك كدا خلاص ليا
وأنه اتخلي عنك دلوقتي قررتي انك لازم تدي عز فرصه طيب و انا
صالح : بس انا مش عايز صوت. في ايه مافيش اي احترام لوقفتي بينكم.
سيف سابهم وطلع علي غرفته و حجز تذكره برا البلد
نسر : جدو اكيد مش هتوافق علي الكلام دا
سليم : وليه ما يوافقش يا نسر
نسر بسخريه : هتوافق أنها تتجوز ابن جوز مراتك الي هي ام بنتك
سليم : والله دا شئ ما يخصكش يا نسر اطلع يا ابني شوف مراتك بدل ما انت سايبها و لا كأنك. اتجوزتها
صالح قطع الكلام : نسر مراتك انت مش ساعه ما اتجوزتها
و انا مش شايفك قاعد معاها ولا دقيقه
سيلا سابهتم وهي راحه المطبخ : يمكن العريس زهق من العروسه
ليلي دخلت وراها براحه
ليلي من ورا سيلا : انتي عايزه ايه يا سيلا
انتي بتخططي ليه اي عشان يعني نسر يغير و كدا لا يا حبيبتي فوقي نسر كان بيتسلي بيكي و لما جه يتجوز نقي الإنسان النظيفه الي تستحق تشيل اسمه
سيلا بسخرية : واضح انك نظيفه بأماره ما سابك و ماقعدش معاكي ساعه علي بعضها يا حبيبتي
و نسر الي انتي اخديه انا هرجع ليا تاني. فاهمه
نسر بابتسامه كان سامعهم وشاف ليلي وهي طالعه استخبي ورا الباب
وطلع لما هي مشيت
نسر من وراها : ودي بقي خططك انك ترجعيني ليكي تجيبي عز يمثل أنه هيتجوزك
سيلا بخضه : انت بتقول ايه شكلها هبت منك انا قولتلها كدا عشان بس اضايقك ل تكون مفكر نفسك محور الكون و انا هجري وراك
نسر قرب منها وقال : طيب عيني في عينك كدا
وقرب منها اوووي وفجأة ضربه جت في وشه و
- يتبع الفصل التالي اضغط على (رواية خائن الوعد) اسم الرواية