رواية اوقعتني في حبها الفصل الحادي و الاربعون 41 - بقلم اسراء محمود

 رواية اوقعتني في حبها الفصل الحادي و الاربعون 41 - بقلم اسراء محمود 

الفصل 41

وقفنا الفصل إللى فات لما عشق خدت قرارها وهو البعد عن مراد

عشق خدت شنتطها وقربت من مراد براحه وباسته ..هتوحشنى اووى يا مراد

عشق قامت من جمبه ومشيت وهى حاسه انها خدت القرار الصح هى لازم تمشي لازم تصلح إللى هو كسرة لازم تبقا قويه لازم ترجع عشق بتاعت زمان إللى عمر ما حد قدر يكسرها

عشق ركبت تاكسي ومع كل ما العربيه تقرب من المطار دموعه تزيد

عند مراد بدأ يفوق من نومته الطويله لما حس ببرودة جمبه بعد ما كان حاسس بالدفء ل اول مرة

مراد فتح عنيه وبص جمبه على عشق بس ملقهاش ولقا منها ورقه كبيرة مراد قرب بسرعه وفتح الورقه وهو متوتر وقلقان واتصدم من إللى قراه

"مراد حبيبي ....ايوة انت لسه حبيبي..لسه قلبي المغفل بيدقلك ..لسه بحارب فى علشان يبطل يحبك...انا اسفه يا مراد على القرار إللى خدته بس انا اكسرت واتجرحت وحسيت قد ايه انا رخيصه بنسبالك ...ايوة رخيصه يا مراد...لما انت متوثقش فيا ابقا رخيصه ..لما تجيب واحده تانيه وتقولى ان ديه خطيبتك ابقا رخيصه ...لما تخونى ابقا رخيصه ..انا قررت اسافر قررت ابعد عنك ..وعن حياتك إللى مليانه انتقام وشر وانانيه ...قررت انسي كل الحاجات إللى حصلتلى فى حياتى وابدأ من جديد حياة تانيه نضيفه ومستقره..قررت ارجع عشق القديمه إللى معندهاش اغلى من أهلها...ياريت يا مراد تنسانى وتبعد عنى واول حاجه لازم تعملها تطلقنى يا مراد ...طلقنى وريحينى وخلينى اشوف حد تانى يحبنى فعلا....مع سلامه يا مراد "

مراد مع كل كلمه كان بيقراها كان دموعه بتنزل عشق حبيبته قررت تبعد عنه قررت تهجره لا والف لا لازم يوقفها عن إللى بتعمله لازم يرجعها لحضنه وينسيها كل العذاب إللى شافته لازم يحارب علشان يرجعها ليه تانى

مراد قام بسرعه واتصل على المطار وعرف ان طيارة عشق لسه قدامها ساعه قام بسرعه لبس وركب عربيته وساقها بأقصى سرعه ومع كل خطوه العربيه بتخطيها كانت دمعه من عيون مراد بتنزل من كتر الخوف انها تبعد عنه

مراد وصل اخيرا المطار ونزل يجرى ويدور على عشق فى وست الناس الكتير إللى فى المطار كان مراد بيدور بجنون عاشق عايز يوصل لمعشقوته فى اقرب وقت وبسرعه

شافها من بعيد وهى بتستلم ورقها من الظابط إللى واقف وخلاص هتدخل على الطيارة مراد جري عليها

مراد ..عششششق

عشق اتصدمت انه جه ولفت بسرعه لقته جى بيجري عليها وقف قدامها

مراد بدموع محبوسه ..متسبنيش يا عشق ارجعى معايا وانا اوعدك انى عمرى ما ازعلك تانى وهعوضك على كل إللى شوفتيه معايا بس ارجعيلى تانى ادينى فرصه اخيره وحياة اغلى حاجه عندك يا عشق سامحينى واوعى تسبينى وتتخلى عنى

عشق كان نفسها تقوله انت إغلى حاجه عندى انت إللى مقدرش ابعد عنك بس افتكرت كل إللى حصلها على ايديه وكلمه بقوة ..لا يا مراد مش هسامحك ومش هقدر ارجعلك انت ايه يا اخى انت مش بنى ادم زينا مش بترحم ولا بتسيب رحمه ربنا تنزل علينا قولتلك ابعد عنى قولتلك مش قادرة اكمل معاك قولتلك طلقنى وسبنى اعيش حياتى فى آمن واستقرار بعيد عن القرف إللى انت عايش فى ليه مصمم تجرحنى وتصعبها عليا

مراد هنا مقدرش يتحكم فى دموعه ودموعه نزلت جامد ..ل اول مرة اترجاء حد بعد امى انه ميسبنيش متسبنيش يا عشق ارجوكى متسبنيش انتى امى إللى اتحرمت منها انتى بنتى انتى مراتى وحياتى كلها صدقينى انا مخونتكيش والله كانت لعبه علشان اكمل الانتقام صدقينى انا كنت عارف انك عمرك متخونينى بس إللى شوفته بعينى خلانى احكم كدا احنا بشر يا عشق وبنغلط وربنا بيسامح احنا كمان مش هنسامح

عشق ضحك بسخريه ..اديك قولت ربنا بس طالما انت عارف ربنا كدا كويس مكونتش عارف انك باللى انت بتعمله فيا دا ربنا هيغضب عليك مكونتش عارف انك كدا بتغضب ربنا انا اتعذبت كتير وقولتلك مش هقدر اسامح وزى ما انت انتقمت منى على حاجه معملتهاش لنا كمان بنتقم منك على كل إللى عملته فيا

مراد كان هيكلم بس سمع الصوت إللى بيعلن على أن الطيارة على وشك القلاع

عشق خدت شنتطها بسرعه وبصتله آخر بصه..تطلقنى يا مراد ورقتى توصلنى سلام

ومشيت عشق وسابت وراها انسان اكسر انسان بقا معدوم الحياة

مراد بصريخ ..عشق متسبنيش متتخليش عنى خليكى جمبي

عشق دموعها كانت نزله على خدها وهى سامعه لكلامه ..اوعى تضعفى يا عشق اوعى تبصي وراكى اوعى يا عشق لازم تكملى طريقك لحد الاخر

مراد بدموع ..عشق ارجوكى خليكى جمبي

عشق وصلت خلاص عند الطيارة وبصت لمراد آخر بصه وكانت بصه الوداع وركبت عشق بعد كدا الطيارة

مراد اتحرك وخرج برا المطار وكان حاسس ان خلاص روحه راحت وان حياته انتهت وانه خسر كل حاجه بسبب غباءه وتهوره

عشق ركبت الطيارة وحست ان خلاص كل الوجع انتهى بس برغم انها فرحانه انها رجعت قويه تانى برغم انها نفسها تنزل وتاخده فى حضنها وتقوله هفضل معاك وجمبك

عشق بدمعه نزلت على خدها ..لازم تتوجع يا مراد علشان تعرف انت عملت فى ايه وجعتنى ازاى بس مش هقدر ابعد كتير عنك يا حبيبي وهرجعلك قريب تكون كل جروحى خفت

بدأت طيارة عشق بالقلاع

عند مراد ركب عربيته واتصل بادهم وهو فى الطريق

مراد بوجع ..الو يا صاحبى

ادهم بحزن ..ياااه لسه فاكر ان ليك صاحب

مراد بوجع..غصب عنى يا صاحبي كونت اعمى كونت اناني خسرت كل حاجه كل حاجه يا ادهم خسرتها

ادهم ..انت إللى عملت كدا فى نفسك يا مراد انت إللى وجعت نفسك ووجعتنا كلنا معاك

مراد بوجع..غصب عنى يا ادهم الماضي لسه مأثر فيا وسايب علمات فى قلبي

ادهم ..وانا حذرتك يا مراد قولتلك هتندم بس فى الوقت إللى ماينفعش فى الندم

مراد بوجع ورجاء ..ادهم ممكن تجيلى البيت ولا انت كمان قررت تبعد عنى

ادهم ..عمرى يا صاحبي ما هبعد عنك انت اخويا يا مراد بس قولى مالك

مراد ببتسامه وجع ..لما تيجي يا صاحبي هحكيلك انا مستنيك فى الفيلا

ادهم ..ماشي يا مراد

ادهم قفل مع مراد وبص على منه إللى كانت بدأت تخمن إللى بيحصل

ادهم ..حبيبتى انا هروح اشوف مراد وارجعلك تانى

منه بقلق وخوف لتكون عشق نفذت إللى فى دماغها فعلا..هو في ايه يا ادهم

ادهم ..لسه مش عارف هو قالى اروحله على الفيلا لما اعرف هقولك اطمنى انتى بس وارتاحى

منه ببتسامه ..ماشي يا حبيبي اوعى تتاخر

ادهم بغمزة..ايه بوحشك

منه اكسفت وبصت فى الارض

ادهم بغمزة تانيه ..ايوة انا عارف انى بوحشك قوليها عادى دا انا زى جوزك بردو

منه بكسوف..بارد

ادهم ..ميرسي يا حبيبتى يلا انا ماشي

منه بحب ..فى رعايه الله يا ادهومى

ادهم ابتسم على جمالها وكسوفها وجمال دعائها..بطلى تقولى ادهومى ديه انا رجال بردو وبضعف

منه ..امشي بقا يا غلس

ادهم..استنى بس لما ارجعلك وانا اقصلك لسانك دا بس بطريقه هتعجبنا احنا الاتنين

منه شهقة ..وقح وسافل وقليل الادب

ادهم ..عارف يا حبيبتى

ادهم سابها ونزل ومنه رجعت تانى تفكر عشق ممكن تكون عملت ايه وفى الوقت دا وصلها رساله فى تليفونها

منه مسكت التليفون ولقت رساله من عشق

"منه حبيبتى انا خلاص ركبت الطيارة هتوحشينى اووى سلميلى على ماما وادهم وقوليلهم يسامحونى انى معرفتهمش هتوحشونى جدا "

منه دمعه منها نزلت ..عملتيها يا عشق وسافرتى

احمد وسهام كانوا فى الوقت دا داخلين الاوضه وسمعه جمله منه

احمد بعدم فهم..يعنى ايه عملتيها وسافرتى يا عشق عشق راحت فين يا منه

منه بقلق وتوتر..عشق سافرت تركيا

سهام بشهقه..انتى بتقولى ايه بنتى ايه إللى سفرها جدا من غير ما تقولنا

منه..ماما افهمى عشق حصلها مصايب كتير وهى تعبت ولازم تغير جو وتنسا إللى حصلها

احمد خبط ايديه فى الحيطه ..هى ايه شيفانى عاجز ولا مش راجل علشان اقدر احميها من الكلب مراد

منه ..لا طبعا يا احمد بس عشق كانت لازم تبعد قبل ما يكون علشان مراد كان لازم تبعد علشان نفسها

احمد بغضب ..هى سافرت امتى

منه ..من شويه كانت بتقولى انها ركبت الطيارة

احمد ..ااااة منك يا عشق

منه ..ممكن تهدأ وتفكر كويس وهتعرف انها كانت لازم تعمل كدا

احمد بغضب ..انتى تسكتى خالص علشان انتى كونتى عارفة وساكته عمرى ما هسامحك يا منه على إللى عملتيه دا

وخرج احمد ورزع الباب وراه

سهام بصت لبنتها بعتاب

منه بدموع ..بلاش يا ماما تبصيلي كدا والله انا مليش ذنب عشق إللى طلبت انه يفضل سر

سهام بدموع ..كان لازم تقوليلى انا عمرى ما كونت مش هوافق بس على الاقل مكانتش سافرت بالطريقه ديه

منه ..كدا احسنلها سيبها ترتاح شويه وهى هتنزل لوحدها

سهام ..ربنا يريحك قلبك يا بنتى

منه ..يارب

ادهم فى الوقت دا وصل عند مراد الفيلا ونزل ولقا باب الفيلا مفتوح ادهم استغرب ودخل بسرعه الفيلا لقا كلها حاجه مكسره وصور عشق ومراد بتاعت الفرح مكسره ومرميه على الأرض

ادهم طلع يجري على اوضه مراد بسرعه لقا مراد بيعيط وحاضن فستان بتاع عشق

ادهم بقلق ..فى ايه يا مراد ايه إللى حصل وايه إللى كسر الصور ديه كلها

مراد بدموع وحزن ..سابتنى يا ادهم سابتنى ومشيت الكل بيسبنى ويمشي لدرجاتى انا وحش

ادهم بحزن على الحاله إللى صاحبه فيها ..عشق راحت فين

مراد بدموع ووجع ..قالتلى اسفه يا مراد مش هقدر اكمل مع واحد انانى ومش بيهمه حد بيكسر كل إللى يقرب منه وخدت شنتطها وسافرت

وكمل بدموع وندم ..قولتلها متسبنيش يا ادهم قولتلها خليكى جمبي وانا هعوضك عن كل إللى فات قولتلها تسامحنى بس هى رفضت يا ادهم

ادهم حضن مراد..انا واثق انك انت هتقدر ترجع عشق تانى ليك واثق اكتر ان عشق لسه بتحبك رغم كل إللى حصل بنكم دا بس هى مكسورة

مراد بحزن ..يعنى فى امل ترجعلى انا مقدرش اعيش من غيرها يا ادهم

ادهم ..فى امل يا مراد بس سيبها تاخد واقتها هى لسه مجروحه والجرح كان كبير اووى عليها وعلشان يخف محتاج وقت كل حاجه وليها وقتها

مراد بضعف..ادهم خليك جمبي مش عايز اقعد لوحدى

ادهم بحزن ..حاضر يا مراد

مراد فرد جسمه على السرير وفضل يفكر فى عشق وكل إللى عمله فيها وكل كلمه قالها ليها وكل مرة ضربها فيها وكل مرة كسرها فيها وكل مره قالها انه بيكرها

مراد لعن نفسه انه عمل فيها كدا ..ليكى حق يا عشق تبعدى عنى انا شخص انانى انتى تستاهلى حد تانى احسن منى لازم اسيبك تعيشي حياتك بعيد عنى يا عشق

ومن كتر التفكير مراد نام

ادهم قام وراح يكلم منه ويطمن عليها

منه بصوت حزين..الو يا ادهم

ادهم باستغراب ..مالك يا قلب ادهم

منه بدموع..عشق سافرت يا ادهم واحمد زعلان منى علشان كنت عارفة ومقولتش وماما بتبصلي بعتاب كانى انا عايزة عشق تسافر ديه اختى وامى التانيه يا ادهم

ادهم ..طيب اهدى يا حبيبتى حتى مراد منهار هنا وحالته صعبه اووى من غير عشق

منه بدموع .. انا محتاجالك اووى يا ادهم

ادهم بحيره ..هحاول اجيلك يا منه بس مراد تعبان اووى هطمن عليه وهجيلك

منه بدموع..طيب بس متتاخرش عليا

ادهم ..مقدرش اتاخر عليكى

منه قفلت مع ادهم

ادهم لسه كان هيلف لقا مراد وراه

مراد ..روحلها يا ادهم انا بقيت احسن من الاول

ادهم ..لا يا مراد انا هروحلها ساعه وهجيلك

مراد ببتسامه..لا روحلها هى محتجالك اكتر منى يلا يا ادهم روح وبطل رخامه

ادهم بحيرة..يعنى انت متاكد انك مش محتاجنى

مراد بمرح مصتنع ..ايوة يا عم هو لازم اطردك يعنى علشان تحس انى مش عايزك

ادهم..طيب يا مراد همشي وهبقا اكلمك اطمن عليك

مراد ..ماشي

ادهم خد حاجته ومشي

ومراد اتنهد بحزن ودخل اوضة عشق ونام علي سريرها وحضن مخددتها لحد ما نام

عند عشق

وصلة الطيارة إللى مطار اسطنبول

عشق نزلت من الطيارة وخدت شنتطها وخرجت

عشق كانت حاسه انها تايهه بتبص دايما حواليها بتحاول تشوف آدم لحد ما شافته جى ناحيتها

آدم..ازيك يا عشق

عشق ..الحمد لله يا آدم

آدم..هو ايه إللى حصل يا عشق علشان يخليكى تيجي هنا

عشق بحزن..هحكي كل حاجه بس لما نروح عند رحمه

آدم قرب وشال شنطه عشق ..طيب يلا

خرجت عشق وادم من المطار وركبه العربيه

عشق كانت بتبص من الشباك وبتفتكر لما كانت بتقول لمراد انها نفسها تسافر هى وهو شهر عسل فى تركيا ودمعه نزلت منها من غير ما تحس

آدم خد باله من دموعها وزعل عليها هو كان عارف ان مراد هيجرحها بس كان نفسه يخيب ظنه

وصلت العربيه عند بيت رحمه

آدم ..اطلعى انتى يا عشق وانا هجيب الشنط وهطلع وراكى

عشق ..ماشي يا آدم

عشق نزلت وطلعت عند رحمه

رحمه سمعت صوت جرس الباب بيرن جريت تفتح بسرعه وهى مش مصدقه من الصبح ان عشق جت تركيا

رحمه اول ما فتحت الباب عشق اترمت فى حضنها وعيطت

رحمه حضنتها جامد ..اهدى يا حبيبتى اهدى بس وفهمينى ايه إللى حصل

عشق بدموع ..هحكيلك يا رحمه بس ندخل جوا

رحمه..طيب تعالى يا حبيبتى

عشق دخلت مع رحمه

عند آدم تحت اتصل على مراد

مراد بلهفه ..الو يا آدم

آدم ..الو يا مراد ازيك

مراد بحزن ..اهو عايش

آدم ..انا حبيت اطمنك على عشق هى خلاص وصلت عند رحمه متخافش عليها

مراد..شكرا جدا يا آدم انا فعلا كنت قلقان عليها جدا

آدم..مفيش شكر بنا يا مراد

مراد برجاء ..خلى بالك منها يا آدم

آدم..حاضر يا مراد بس انت قولى ايه إللى حصل بنكم

مراد بحزن..موضوع طويل اووى

آدم ..طيب احكى لو عايز

مراد بدأ يحكى ل آدم كل إللى حصل

آدم على قد ما زعل من مراد واللى عمله فى عشق على قد ما هو فهم إللى عمله مراد اى راجل مكانه كان هيعمل كدا طالما بيحب بجنون

مراد ..ديه كل الحكايه وهى بعد كدا قررت تبعد عنى يا آدم

آدم..كل حاجه هتتحل ان شاء الله وانا هكلم معاها وارد عليك

مراد ..ماشي يا آدم

آدم..طيب سلام يا مراد

مراد ..سلام

عند عشق ورحمه

عشق بانهيار ..بس يا رحمه هو دا كل إللى حصل مقدرتش يا رحمه اسامحه حسيت ان الهروب هو الحل الصح

رحمه ..ياااه يا عشق استحملتى كل دا

عشق بدموع ..واكتر من كدا يا رحمه

رحمه ..طيب اهدى يا حبيبتى وكل حاجه هتتحل ان شاء الله

عشق ..خلاص يا رحمه كل إللى بينى وبين مراد انتها

رحمه ..حبكم هو إللى هيتغلب في النهايه

عشق بحزن..تتوقعى كدا

رحمه ..ايوة طبعا يلا ادخلى ارتاحى جوا شويه

عشق ..ماشي

دخلت عشق الاوضه وفضلت تفكر فى مراد كتير

آدم طلع عند رحمه

آدم..ايه يا رحمه عشق فين

رحمه بحزن ..قولتلها تدخل ترتاح من السفر

آدم..طيب هى عامله ايه

رحمه ..منهارة من العياط

آدم ..وانا بردو كلمه مراد وحاله وحشه اووى

رحمه..بس مراد كسرها جامد

آدم..متنسيش يا رحمه هو عمل كدا ليه اى حد مكانه مش هيستحمل يشوف حبيبته ومراته فى حضن راجل تانى

رحمه ..صح بس المفروض كان يفكر قبل ما يحكم عليها

آدم ..فى ديه عندك حق

رحمه .. هتروح بكرا المستشفي

آدم ..اة اكيد

رحمه ..طيب ممكن تعملى اجازة يومين لحد ما اشوف عشق هتعمل ايه

آدم قرب منها بخبث ..ممكن طبعا بس بشرط

رحمه بعدم فهم ..ايه هو الشرط

آدم قرب من ودانها ..بوسه صغيرة

رحمه شهقت بصدمه.. يا وقح

آدم..عارف يا قلبي انا وقح معاكى انتى وبس

رحمه ..امشي يا آدم مش هديك إللى فى دماغك خالص

آدم دخل الشقه وقفل الباب وفضل يقرب منها وهى ترجع لورا لحد ما خبطت فى الحيطه

آدم حصرها من الناحيتين وقرب رأسه من راسها ..بتحبينى

رحمه بدون وعي..بموت فيك

وقبل اى محاولة منها من الإفلات منه مال نحو شفتيها

وهو يلتقطهم برغبه فى الغزو الى كيانها كما غزت هى كيانه

قطع عليهم هذة القبله صوت والد رحمه

والد رحمه ..المسخره ديه بتحصل فى بيتى انا

آدم بعد عن رحمه بالعافيه وكان بيلعن حظه الأسود

والد رحمه.. انت يا ولد احنا اتفقنا على قلة الأدب ديه

آدم..ديه مراتى يا عمى

والد رحمه ..وديه بنتى

وكمل والد رحمه وهو بيبص لرحمه ..وانتى سكتاله كدا

رحمه بكسوف..مليش دعوه يا بابا انا اقعدت اقوله عيب بس هو ما بيسمعش الكلام

آدم بصدمه ..بعتينى من اول قلم

رحمه ..طبعا يعنى انقذك انت ولا أنقذ نفسي

آدم..ماشي يا رحمه نبقا بس لوحدنا

والد رحمه ..انت بتقول لبنتى ايه ياض

آدم ..مابقولش حاجه

والد رحمه ..طيب ادخلى يا رحمه انتى جوا وانت يا بيه يلا اجرى شاف شغلك بدل قله الادب والمسخره ديه

آدم ..ماشي يا عم

نزل آدم من بيت رحمه ورحمه دخلت وهى مكسوفه اوضتها بس كانت طايرة من الفرحه

عند ادهم كان وصل المستشفي ونزل من عربيته وطلع عند منه

منه كانت بتعيط فى الوقت دا وكانت حاسه بالذنب انها مقالتش ل اهلها ان عشق مسافرة قطع تفكيرها صوت خبط على الباب ودخول ادهم

ادهم.. الجميل ماله بقا

منه اترمت فى حضنه ..كلهم زعلانين منى يا ادهم

ادهم حضنها ليه اكتر ..لما يهدوا ويفهمه انتى عملتى كدا ليه كلهم هيجوا يعتذروا منك

منه بدموع..بس انت مشوفتش نظرة احمد ليا

ادهم..انت عارفة يا مجنونتى احمد بيتعصب بسرعه وكمان عارفة هو بيحبك انتى وعشق قد ايه ومش حابب يشوف حد فيكم زعلان

منه..وانا بحبه اووى يا ادهم ومش عايزاة يزعل منى

سمعت صوت حد من وراها ..وانا بحبك انتى يا مجنونه هانم واسف لو زعلتك

منه لفت بسرعه ل احمد ..احمد انت بجد سامحتنى

قرب منها ومسح دموعها ..ايوة مسامحك انتى إللى سامحينى علشان اتعصبت عليكى

منه بطفولة ..ايوة انت اتعصبت عليا جامد وانا لسه زعلانه

احمد ..اممم طيب نصالح منه هانم ازاى نصالحك ازاى 

منه ..اخلص

احمد ..بعد اخلص ديه مفيش الشوكلاته إللى انا جيبهالك

منه باست احمد ..بجد انت جيبيلى شوكلاته فين

احمد طلع شوكلاته كبيره ..اهى يا ستى احلى شوكلاته ل احلى مجنونه فى الدنيا

منه ..انت إللى احلى مودى فى الدنيا ديه كلها

ادهم ..نعم يا اختى هو علشان انا ساكتلك من الصبح هتقعدى تحبي في وانا ايه

منه ..انت جبتلى شوكلاته

ادهم ..لا نسيت

منه ..خلاص يبقا متكلمش هات شوكلاته وانا هحب فيك 

ادهم..ماديه حقيره

منه ..طبعا يا بيبي

احبك

كلمه مكونه من اربع أحرف كلمه تود المراهقات سماعها دوما من شخص ساحر خارق للطبيعيه

كلمه احبك سهله على اللسان ولكن قليل من يحب بصدق والكثير يقولها كألعلكه التى فى أفواههم

كان ينظر ليها وشعرها يتطاير من الهواء وابتسامة جميله مرسومه على وجهه

مراد قرب من عشق بفرحه..كنت عارف انك هتسامحينى وهترجعى تانى ليا

عشق ببتسامه ..انت عارف انا بحبك قد ايه و مقدرش ابعد عنك قرار البعد دا كان غلط من الاول

مراد قرب منها اكتر وبصلها بحب ..يعنى هتفضلى معايا دايما هتفضلى على طول فى حضنى

عشق ابتسمت ..ايوة هفضل دايما جمبك وفى حضنك لأنك النفس إللى انا بتنفسه

مراد قرب منها وقبلها بحب وشوق ولهفه وخوف من البعد

عشق لفت ايديها حاولين رقبة مراد وتجاوبت معاه

عشق بعد مدة بعدت ..بحبك

مراد..وانا كمان

هنا فاق مراد من نومه على صوت تليفونه إللى كان بيرن

مراد صحى من النوم وكان نفسه يكون دا كله حقيقه مش حلم مراد رد على التليفون

مراد..الو

مفيش رد

مراد ..الو

مفيش رد صوت بكاء مكتوم وبس

مراد .. عشق ارجعيلى يا عشق

مفيش رد

مراد نادم وحزين ..انا مش قادر اعيش من غيرك انا حاسس انى هموت من غيرك يا عشق ارجعيلى وكفايه عذاب لحد كدا

وهنا التليفون التقفل

عند رحمه

رحمه ..هاا ارتاحتى لما سمعتى صوته عرفتى انه فعلا حالته صعبه

عشق ..بكرا ينسا

رحمه ..مفتكرش

عشق ..لازم ينسا زى ما انا هنسا

رحمه ..طيب انا جازة معاكى بكرا وهنقضي اليوم كله مع بعض

عشق..جازة ايه لا بكرا هنروح انا وانتى المستشفي علشان انا هبدا شغل معاكى

رحمه ..ما كونتى يا عشق استنيتى شويه

عشق ..لا انا هنزل اشتغل معاكى وهعيش حياتى انا لازم اتغير وارجع عشق بتاعت زمان

رحمه..ومراد

عشق بقوة..مش عايزاة خلاص انا ثابته عند قرارى

رحمه ..طيب يلا ننام علشان نروح بكرا المستشفي

عشق ..ماشي

استوب انتهى البارت

توقعتكم بقا عشق هتعمل ايه ؟؟

مراد كدا هيستسلم ويسيب عشق لوحدها ؟؟

ايه إللى هيحصل مع الابطال ؟؟

الخاتمه

"وما أسوأ الندم على أشياء لما نفعلها وكلمات لما نقولها

لاحباب فرقتنا عنهم الحياة او الموت "

 •تابع الفصل التالي "رواية اوقعتني في حبها" اضغط على اسم الرواية