رواية زهرة لا تدبل الفصل الرابع 4 - بقلم اماني سيد
فى منزل حسن ظلت زهره جالسه منتظره اخيها لتتحدث معه وصل اخيها وفتح الباب وعندما سمعت زهره صوت المفتاح ذهبت إليه مسرعه
ـ حسن
نظر لها حسن بضيق
ـ انتى لسه هنا
ـ يعنى وفاء مقالتلكش
ـ انتى عايزة ايه
ـ عايزاك تسامحنى كان على عينى اللى عملته زمان لما اختارت رأفت وفضلته عليك كنت فاكره انى بكده بحافظ على بيتى وجوزى ومبتقلش عليك قولت لنفسى يمكن لما اشتريه يشترينى ويتقى ربنا فيا وبعدها ارجع اصالحك انا وهو
ـ واشتراكى يا زهره ، بلاش طيب رجعتيلى طيبتى خاطرى
صمتت زهره فعندما تخلت عن اخيها انتهز رأفت تلك الفرصة وأصبحت لعبه فى يده
ـ انا اسفه مكنش ليه عين اجيلك بعد ما ضيعت كل حاجه حتى كرامتي ، بس ملاقتش غيرك بعد ربنا الجأله شوف يرضيك إيه وانا هعمله أى حاجة تقولها هنفذها بس ترضى عنى
ـ ترجعى حقك ولواحدك وترجعى زهره القديمه وقتها بس هسامحك واخدك فى حضنى غير كده تنسى إن ليكى اخ واه استنى ليكى كام حاجه عندى خديها عشان مايبقاش ليكى عندى حاجه تانيه
دخل حسن غرفته وعاد منها واعطى زهره ظرف به بعض الأوراق
ـ ايه ده
ـ القايمه بتاعتك وشهاداتك وشويه ورق يخصك
نظرت زهره لتلك الاواق بدهشة
هل مازال اخيها محتفظ بتلك الاوراق ؟! فهى ظنت أن تلك الأوراق قد ضاعت هل يمكن الآن ان تسترد حقوقها
نظرت لتلك القايمه التى مضى عليها رأفت فيما سبق وتأكدت من امضاءه على الورق الذى يثبت حقها
وتذكرت يوم عقد قرانها واصرار اخيها وابيها على أن يمضي رأفت على ذلك الورق ومعارضته امه فى البداية وعندما كاد الزفاف أن يتدمر وافق رأفت على امضائها على مضدد
نظرت مره اخرى لاخيها نظرات امتنان ممزوجه بأسف وشكر لا تعلم هل هو يحاول مساعدتها دون أن تشعر أم فعل ذلك دون قصد وكيف يفعل ذلك دون قصد وهو محتفظ بتلك الاوراق التى تضمن حقها كل هذه الفترة
فى اليوم التالى بدأت تشعر بتحسن فالاول مره تنام بعمق دون تعب نفسى وبدنى
فى اليوم التالى ذهبت زهره للمدرسة وشرعت في عملها كما تفعل
وبعدها لتلك الأسرة التى اعطتها حنان رقمهم
استقبلتها مدام غزل وبدأت تتعرف عليها
ـ ازيك يا ميس عامله ايه
ـ الحمد لله ازي حضرتك
ـ بخير الحمدلله ، بصى يا ميس انا حبيت الأول اتكلم معاكى عن اولادى إحنا كنا بنسافر كتير باباهم دكتور تجميل اشتغل فى كذا دولة والحمد لله أخيرا استقرينا فى بلدنا بس للاسف الاولاد مستواهم فى العربى سئ جدا وده سببه إن اوقات كنا بنسافر دول مابتتكلمش عربى اصلا الكبير فى تالته ابتدائي والصغير ١
ـ ماتقلقيش انا هعملهم الاول تقييم مستوى عشان اعرف ابدأ معاهم منين وبإذن الله خير
ـ طيب انا هكون محتاجه منك تجيلى اكتر من يوم فى الأسبوع لانك هتديهم الدرس وتراجعى معاهم الواجبات والتقييمات ، أنا للأسف بشتغل ومش بقعد معاهم كتير عشان كده معرفش مستواهم ، والمرتب اللى تحدديه اعتبريه جاهز
ـ مش مساله فلوس خالص ، بصى طول فترة الاجازة مافيش مشكله لانى الطلبة بتوعى بيكونوا أجازه انما وقت المدارس ممكن اظبط معاكى ايام معينه نتفق عليها وماتقلقيش خالص على مستواهم انا هتابعهم بإذن الله ولو واجهت صعوبات معاهم هبلغك نحلها سوا إزاى
ـ تمام يبقى كده اتفقنا انا نسيت اعرفك على نفسى انا غزل عزيز محاميه
ـ أهلا بحضرتك يا استاذه غزل ممكن تبعتى الاولاد عشان اتعرف عليهم ونبدأ
بالفعل قابلت زهره الاولاد
فى البداية لم يتقبلها الاولاد وبعد مرور بضع من الوقت بدؤا يتفاعلوا معاها
وفى غرفة اخرى كانت غزل تراقبها وتتابع تقبل أولادها لها وكيف استطاعت زهره بسهولة جذب انتباه اولادها لها
ظلت معهم زهره بضع ساعات وخلال ذلك الوقت كانت غزل تراقبها بين الحين والآخر
انتهى الدرس وقابلت زهره غزل مره اخرى
وظلت تشرح لها ما اخذه الاولاد والواجبات التى اعطتها لابنائها
ـ تمام يا ميس متشكره جداً لحضرتك
ـ استاذه غزل ممكن أسأل حضرتك على حاجه
ـ اتفضلى
ـ انا جوزى طلقنى والمفروض إنه هيبعتلى ورقه طلاقى على المدرسة ، بس مش هنا المشكلة المشكلة أنه طردنى من البيت واخد كل حاجتى ورث بابا اخده وصرفه والدهب بتاعى باعه وفى الاخر طردنى عشان يتجوز فى الشقه واخد حضانه الولد عشان مبقاش حاضنه وتكون الشقه من حقى
ـ طيب معاكى القايمه بتاعتك ومكتوب فيها الدهب اللى دخلتى بيه كان كام جرام
ـ مكتوب كل حاجه
ـ طيب انتى دلوقتي عايزه تعملى ايه
ـ عايزه اخد حقى منه انا قاعده عند اخويا مؤقتاً وهجيب شقه قريب عايزه بقى فرش الشقه بتاعى
ـ انتى بقالك كام سنه متجوزه
ـ بقالى ١٥ سنه
طيب يبقى اول حاجه كده نرفع عليه قضيه نفقه متعه ب وبتكون ٢٥٠٠ ج تقريباً تمام
ـ تمام
ـ ثانياً العفش هو ملزم يجبهولك ولو مش موجوده او غيره هنرفع قضيه تانيه خالص بتبديد العفش ويا إما يوفره او يتحبس مده تصل لثلاث سنوات
ـ تمام
ـ ثالثاً قيمه الدهب اللى فى القايمه بتشوفى مكتوب كام جرام وهو ملزم يجبهملك بنفس الجرامات اللى مكتوبه او يديكى قيمته فلوس مع الحفاظ على المصنعيه والضريبه وكل ده
ـ يعنى انتى شايفه أنى اقدر اخد حقى
ـ طبعاً
ـ طيب انا عايزه ارفع دعوى ابدأ من امته وايه والورق المطلوب منى والاتعاب بتاعت حضرتك
ـ أولا تعمليلى توكيل قضايا ووثيقة الزواج و الطلاق ده فى الشرعى والقائمة فى دعوى التبديد
ـ تمام هجهز الورق وانتظر ورقه الطلاق واجهزهم فى ملف وابعتهم لحضرتك
ممكن اعرف اتعاب حضرتك اد ايه
ـ جهزى بس الحاجه ومش هنختلف اهم حاجه حقك يرجعلك
ـ معلش حابه اعرف من دلوقتي
ـ بصى يا زهره انا باخد نسبه من كل قضيه يعنى لما اكسبها وانتى تاخدى حقك باخد ٢٥٪
ـ تمام يا استاذه اتفقنا
*******&********&*********
مر شهر و بدأت سعاد تجهز حالها الانتقال فى منزل رأفت
وعندما يطلب احمد فلوس من ابيه يرفض بحجه تجهيز البيت للزواج
ـ يا بابا انا بقالى شهر موقف الدروس
ـ أتصل اطلب من امك
ـ مش بترد عليه اعمل ايه انا عمال أتأخر جامد فى المنهج ومش عارف اعمل ايه ادينى على الأقل تمن الحصه
ـ تمن الحصه ولا تمن لعبك فى البلايستيشن
ـ لا تمن الحصه
ـ مش معايا فلوس انت شايف انا بجهز ومسحول إزاى ، المفروض أنى مخلف راجل
يساعدنى مش اصرف عليه
ـ يعنى مطلوب منى اعمل ايه
ـ أنزل اشتغل انت كبرت واصرف على نفسك وانا لما أخلص تجهيز ابقى اديك فلوس تانى مش كفايه عليا بجيب اكل وشرب فى البيت
ـ بابا احنا من ساعه ماما ما مشيت بتاكلنى فول وطعميه يا كشرى
ـ منا قولتلك استحمل لما سعاد تيجى تطبخ المحمر والمشمر بقى عشان كده مشى الدنيا معايا
صمت احمد بقله حيله فهو منتظر أن يفى أبيه بوعده معه
حاول الإتصال على زهره لكن وجدها قد وضعته فى قائمة الحظر فقرر ان يعمل مؤقتا
وبالفعل تواصل مع صاحب البلايستيشن وطلب أن يعمل معه ووافق صاحب المكان مقابل اعطاءه مبلغ قليل من المال واصبح بعدها احمد يقضى معظم وقته في ذلك المكان ويذهب منزله للنوم فقط
تم الانتهاء من الامتحانات وقامت زهره بتجهيز الاوراق وتسليمها إلى غزل وقامت غزل برفع دعوى ضد رأفت
وقامت زهره بتأجير منزل ورفضت مساعده اى شخص فى مساعدتها مادياً أو بالتبرع لها بأثاث وقررت أن تحافظ على حقوقها
كان حسن يتعامل معها فى أضيق الحدود لكن علاقتها تحسنت كثيراً بوفاء مره أخرى ورفض اخيها وزوجته ان تساعدهم زهره مادياً واكتفت فقط بالتدريس لأبناء اخيها حتى تخف عليه حمل مصاريف الدوس
واستطاعت زهره أن تنظم وقتها ويصبح لديها وقت فراغ كبير فقررت ان تهتم بنفسها وبشرتها وكانت غزل من وقت لاخر تعطيها نصايح عن البشره وتعطيها بعض المنتجات المجانيه كدعايه لبعض الشركات الجديدة
وبعد استقرارها حدثتها مديره المدرسه بقرار الاستغناء عنها خلال فتره الاجازه لم تهتم زهره كثيراً لهذا القرار لأن ما تكسبه من الدورس يكفى ويفيض بل أصبح لديها وقت اكثر للاعتناء بنفسها
بعد مرور أسبوع اخر وصلت اول دعوى وكانت النفقه وصلت لرأفت الذى انصدم كثيراً فى البداية وقام بإرسال رسائل تهديد واهانه لزهره وكان محتواها
" هو انتى فاكره لما تعملى كده ممكن ارجعك لعصمتى تبقى بتحلمى يا زهره بلاش تقى من كرامتك وتجرى ورايا انا معايا ست ستك ورميتك من حياتى وعمرى ما بوطى اجيب حاجه رمتها خلى عندك كرامه والغى الدعوه انتى مش قد إنك توقفى قصادى "
نظرت زهره للرسائل وتجاهلتها
ـ ياترى هيعمل ايه لما يشوف باقى القضايا ؟
ـ هل احمد هيفضل كده ولا هيفوق ويحاول يتواصل مع زهره ؟؟
حابه اشكر المحاميه ا/ منى على النصائح الكتيره اللى اخدتها منها وساعدتنى كتير جدا. Āđąm Hőbý Âņã
•تابع الفصل التالي "رواية زهرة لا تدبل" اضغط على اسم الرواية