رواية في قلبي زهره الفصل الرابع 4 - بقلم سيمو
عامر بلع ريقه بتوتر وسألها
هو انتي رافضاني يا ست الستات عشان اني العمده يعني ولا عشان الكلام الي اتقال ولا تكوني خايفه من حسان ولا فيه شي تاني ريحيني الله ليسيقك
زهره استغرب سؤاله
لا يا بيه اني بس مش حابه اتجوز بعد المرحوم واجيب لعيال راجل غريب
عامر بأمل
يعني افهم من أكده أنه مفيش سبب تاني ..وكمل برجاء استغربته
صدقيني يا زهره مش هتلاقي حد يحبهم زيي اني من يوم موت ابوي واني مفكرتش في الجواز ولا حتي الخلفه خليني اعمل معاكي بيت وعيال واحقق الحلم الي اتمنيته
زهره استغربت
حلم ايه الي بتقوله انت ساعات بتقول كلام مبفهموش يابيه
عامر
بعدين يا ست الستات مش وقته دلوقتي الحديت ديه اني همشي دلوقتي وياريت اعرف ردك. خدي راحتك واني مش هضغط عليكي بردك بس رايد اخد رقم تليفونك عشان اطمن عليكي
زهره كانت متردد بس في الاخر ادتهوله
مرت الايام وزهره لسه بتفكر في موضوع جوازها من عامر وكانت متردده توافق ولا لا وبرضوا كانت خايفه من حسان قطع تفكيرها رنه التلفون
زهره السلام عليكم
عامر بفرحه
وعليكم السلام ورحمه الله وبركاته
زهره مين معاي
عامر
اني عامر يا ست الستات اوعي تكوني نسيتيني
زهره اتوترت
ها ايوه يا بيه معلش اصلي معرفش رقمك
عامر
اولا ياريت متقوليش يا بيه ديه تاني اني اسمي عامر وبس زي ما اني هقولك زهره وبس تمام أكده ولا اقول تاني
زهره كانت هترد لكن الباب خبط ومجرد ما سمعت صوت الي برا حطت أيدها علي قلبها بخوف
عامر باستغراب
مالك يا زهره سكتي ليه ليكون كلامي معجبكيش
زهره بخوف
لا مش أكده لكن مهو اصلو
عامر حس بخوفها
مالك يا زهره صوتك مش زي الاول لتكوني فيكي شي
زهره بخوف حقيقي
اصل الباب بيخبط ورحت اشوف لقيته حسان وشكله سكران واني لوحدي وخايفه منه شكله مش هيجيبها لبر وخايفه ليأذيني اني ولا العيال
عامر بقلق عليها
طب اقفلي الباب زين عليكي واطمن أن العيال يكونوا نايمين واقفلي عليهم عشان ميتفزعوش واني مسافه السكه وجايلك متخافيش مش هيقدر يعملك حاجه طول ما اني عايش اطمني انا جايلك
زهره
لا لا ماتجيش هو اكيد هيمشي لما مش هفتحلوا ايوة هو هيمشي بس انت خليك سايق عليك النبي اني مش عاوزه مشاكل كفاياي فضايح اني خلاص مبقتش ناقصه
عامر كان هيتكلم بس سكت لما زهره صرخت باسمه والخط قطع
عامر رمي التلفون من أيده وخرج جري علي بيت زهره
عند زهره كانت بتترعش من الخوف لما شافت حسان قصادها بعدما كسر الباب ودخل لها
حسان بسكر
وه يا زهره كنتي فاكره انك هتهربي من اياك متعرفيش اني خلاص بقيت مستبيع. وقرب منها واتكلم بوقاحه
مكانش ينفع اسيب الجمال دا كله العمده لحاله ومدقهوش لو حتي ليله أن شاء الله يكون فيها موتي ميهمش بس اكسر عينك وبعديها اموت مش فارقه
زهره برعب
حسان ابعد عني احسن لك اني مش هخليك تلمس شعره مني ولو فيها موتي وموتك زي ما بتقول امشي احسن ما اصوت والم عليك البلد كلاتها وميحصلكش طيب
حسان ضحك بخبث
متستعجليش علي الصويت هنحتاجه بعدين مهو كده كده هتصرخي يا حلوه بس وانتي في حضني ومن ناحيه الناس متشغليش بالك بيهم هم كده كده عارفين انك بتاعت رجاله والدليل علي أكده العمده الي عم بياجيلك اهنه ولا انتي فاكره اني نايم علي وداني
زهره وهي تبعد
حسان حرام عليك اتق ربنا وابعد عني الله ليسيقك انت عارف اني مظلومه واني مليش دخل بالعمده يا اخي اتقي ربنا وراعي اني مرات المرحوم اخوك وام عياله انت ايه شيطان
حسان وشيطانه عماه
قرب منها انتي الي قلتي اهيكي انتي مرات اخوي يعني بعد موته تبقي انتي من حقي وانا جبتهالك بالمعروف بس انتي رفضتي يبقي تتحملي وفجاه هجم عليها وقطع هدومها وهي عماله تدافع عن نفسها وتصرخ
زهره بدموع
ابعد عني يا خسيس يا كلب انت شيطان ابعد عني حرام عليك يا ناس حد يلحقني
حسان بغل ضربها بقلم
اصرخي كتير محدش هيرحمك من تحت يدي قلتها قبل أكده لو مش برضاكي هيكون عافيه يا زهره عافيه
ولسه هيكمل اتفاجي بعامر الي فضل يضرب فيه بغل وقال
اه يا خسيس يانج،س عاوز تن،هش لحم اخوك بالحرام يا كلب والله لموت،ك اني حزرتك وانت كانك عاوز تم،وت علي يدي وفضل يضرب فيه لدرجه انوا نزف من كل حته في جسمه
زهره قربت بخوف ودموع
سيبه الله يخليك يا بيه متوديش نفسك في داهيه عشانه.
عامر بغضب
اوعي يا زهره من وشي خليني اربيه الكل،ب ديه ولا تكوني خايفه عليه بعد الي عمله
زهره بدموع.
لا لا اني بس خايفه عليك انت متوديش نفسك في داهيه عشانه الله يخليك
عامر قلبه دق قرب منها بحب
صوح يا زهره انتي خايفه علي
زهره بخجل
اني بس مش عوزاك تتاذي بسببي يا بيه
عامر بحب وهو بيبص في عينيها
مقلنا بلاش بيه دي قولي يا عامر علي طول احنا مهما كان في حكم المخطوبين ولا انتي ايه رايك ها وافقي بقي وبلي ريقي بكلمه زينه الله يخليلك عيالك يا شيخه
زهره ابتسمت بخجل ولكنها صرخت باسمه
عامر حاااااسب
.............معلش والله انا كتبته عشان خاطركم وخاطر الي بعتولي بس غصب عني عارفه انو صغير بس الظروف مسمحتش
......ياريت اعرف رايكم🥰🥰
•تابع الفصل التالي "رواية في قلبي زهره" اضغط على اسم الرواية