رواية انتقام خاطئ الفصل الخامس 5 - بقلم نيفين بكر
ا
الفصل الخامس من انتقام خاطئ
بقلمي نيفين بكر
في بيت ام سارة
سارة احكيلي احكيلي ها واي كمان
ملك ..هي حدوته ي بنتي ماانا حكيتلك 10مرات هعيد تاني
ثم قالت وهي تتثاوب ....
سيبيني ااقوم انام عشان ااقوم بدري مش عوزة اتاخر ولا يمسك عليا غلطة دا باين عليه صعب اووووي
سارة..طيب هو شكله اي
ملك..شكله. شكله ي ستي راجل هيكون شكله اي
سارة..ي هبلة انا ااقصد طويل قصير تخين رفيع كبير في السن صغير حلو وحش كدا يعني
ملك..ي ختي وانا مالي بشكله وهو انا هتجوزوو
سارة...ي بنتي انا بسمع ان رجال الاعمال دول بيكونوا مهتمين بمظهرهم بلياقتهم محافظين عل رشاقتهم..شكلهم حلو زي الممثلين كدا...
ملك ...هقولك مستر شريف ممكن نقول في اواخر العشرينات شاب طويل وابيض تحسي كدا مستحمي باللبن
ههههههه
ضحكت سارة وقالت ..... اخرب عقلك طب والتاني ال دخلتي فيه شمال
ملك .وهي تضحك ايضا.....والله ي بنتي انا كنت بكلم واحد عل انه صاحب الشركة والتاني مااخدتش بالي منه غير لما اتكلم
وانا اصلا كنت عل اعصابي و عوزة اقنعه باي طريقة يشغلني لقيت ال فارض نفسه وبيتكلم اعمل اي اسكت...
سارة .. ههههه لاء ودي تيجي
ملك..سيبيني بقي بجد انا هلكانه عوزة ااقوم فايقة ونبقي نتكلم بعدين
سارة ..ماشي سلام ي موزتي😘
ملك ...سلام ي قلبي 😘😘
.................................................
في سيارة فهد
روجيدة ...حبيبي مامي جابت التحاليل وهوديها بكرة للدكتور
فهد بضيق لم يظهره......اوك
فتابعت روجيدة بدلال...... . بيبي كنت عوزة مبلغ لاني بعد الدكتور هنزل اشوف فستان عشان الحفله باقي عليها كام يوم..
فهد ..ليه هي Credit Card مفيش فيها فلوس؟
روجيدة بدلال.... ..لا ي روحي انا كنت اشتريت شوية حاجات كنت محتاجها
ثم تصنعت الزعل وقالت ....
اي ي قلبي هتحاسبني
فهد. وهو يتابع الطريق.......لا مش القصد انا ااقصد ان كان فيها مبلغ كبير مفيش أسبوع
روجيدة ..بحزن مصتنع
خلاص بقي هاخد من بابي فلوس عشان فهود حبيبي بيحسب عليا
هدر بها قائلا.......روجيييييدة اتعدلي من امتي ابوكي بيصرف عليكي
روجيدة.. مهو انت ي حبيبي ال بتتكلم اانا روجيدة مرات فهد سليم المهدي لازم ابقي اشيك وحدة
واجيب اغلي حاجة لازم اكون very special
فهد .......اوك ي روجيدة ..انا مش بحسب عليكي حاجة دا كان مجرد سؤال وعل العموم ي ستي بكرة هحطلك مبلغ محترم يكون تحت تصرفك مبسوطة كداا...
روجيدة بسعاده وهي تقترب منه وتحتضن ذراعه ...جدا جدا ي قلبي امووووه ....
ثم بعدها ابتعدت عندما لاقت حركتها البرود منه وامسكت هاتفها وبدات تتصفح فيه..
ليكمل طريق العودة في صمت تام ...
..................................................
في اسوان
في المكتب..
مصطفي صديق عمر
مصطفي جتلنا اشارة باقتحام مخزن مصنع الاسمنت
حمزة مخبي المخدرات فيه ،مصادرنا اكدت داا...
عمر ربنا يسهل ونقدر نمسكه بالمخدرات متلبس
مصطفي ان شاء الله ي بطل
عمر.. انا هاخد القوة وهنتحرك حالا
اوك يلا بينا عربيه الاسلكي هناك ومتابعينهم خطوة بخطوة ما تقلقش كله خير ان شاء الله
لا اله الا الله
محمد رسول الله
مصطفي الحبشي .. صديق عمر المقرب 31سنه متزوج من بنت عمه ولديه ولد،
............................................
في فيلا الجد سليم المهدي
في المكتب يجلس سليم المهدي
جني ..جدوو حبيبي انا زعلانه منك انت ما بقتش تحبني
سليم ..انا ليه ي حبيبتي دا انتي الغاليه بنت الغالي
جني بدلال ورقها........مابقتش تقعد معايا زي الاول ولا تتكلم معايا
الجد سليم المهدي. وهو يتصنع........انتي ال خلاص نستيني كل ما صحباتك يجولك ي تقعدي في اوضتك ي تروحي معاهم النادي وخلاص استغنيتي عني .....
قالت جني وهي تقبله علي وجنته ....لا ي جدو والله مااقدر استغني عنك ابدا
رن هاتف الجد....فكان عمر اجاب بترحاب قائلا
سليم...الووو عمر ازيك ي حبيبي
عمر ..... الله يسلمك ي جدي كله تمام عندك
الجد ايوة كلنا تمام اوعي تتاخر عل الحفله انت لازم تكون موجود
عمر ...... باذن الله ي جدي
ان شاء الله ي حبيبي
عمر ....... فهد رجع من الشركة
الجد ..لا فهد لسة مارجعش
عمر........جني موجودة
الجد ....ايوة معايا اهي تحب تكلمها
عمر .......... ايوة ي جدي هاتها ...
خدي ي جني كلمي عمر
ومد لها الهاتف ....
اخذت الهاتف بضربات قلب عاليه واخذنفس عميق ثم اجابت برقه
... الو عمر ازيك عامل ايه
اجلي صوته وقال بصوت اجش ........بخير الحمد لله وانتي
ابتسمت هي وقالت ..انا كمان الحمد لله
عمر........اوعي تتاخري برة البيت ي جني زي ما قولتلك
فقالت جني بطاعه ...حاضر والله انا مابتاخرش حتي اسال جدوو
عمر ...... هتنزلي تشتري الفستان ...
جني.... ايوة بكرة نازلة لسة هشتري
عمر.مؤكدا..........جني اهم حاجة الفستان يكون حشمه ومش قصير ولا عريان ماشي ي جني ...
اومات هي كانه يراها.......حاضر هشتري مش قصير ومقفول والله
عمر .....اوكي ماتنزليش لوحدك خدي حد معاكي
اوك مش هروح لوحدي الاء وهايدي هيكونوا معايا
عمر .. خلي بالك علي نفسك
وانت كمان خلي بالك عل نفسك
عمر ... لا اله إلا الله
جني ....محمد رسول الله
واغلقت معه وهي تحتضن الهاتف غافله عن نظرات جدها الذي يبتسم عليها بلؤم وتسليه
جني مالك ي حبيبتي
فأجابت هي بوجة يكسوه حمرة الخجل
لا مفيش ي جدو انا انا هروح انام
تصبح علي خير
تصبحي علي الف خير ي روح جدو قالها سليم وهو مبتسم فهو يشعر بالرضا فامنيته ابنه الراحل باتت ان تتحقق .....
..........................
عند عمر
بعدما انهي المهاتفه وضع الهاتف بجيبه وأخذ نفس عميق ثم هاتف بالرجاله...
وحوش الدخليه هنبداء الهجوم بالسلاح الابيض وبالايد مش عاوز ضرب نار في الاول انا عاوز حمزة حي
جاته الاجابه جماعيه....... تمام ي فندم ....
عمر... في اتنين فوق سطح المخزن واتنين من الجانب
وف ٣ عند باب المخزن
تقريبا في جوة نفس العدد
انا عوزكم تغطوني وانا هلف من الباب الخلفي للمخزن
وهاخد معايا عيد وزاهر وصلاح
كل اتنين منكم هيستلموا اتنين واول ما تخلصوو تدخلوا عل طول عشان تدعموني
تمام ي فندم....
عمر......بالتوفيق ي وحوش..
عمر ل مصطفي عبر اللاسيكي
كله تمام عندك
مصطفي كله تمام ابداء بالتوفيق ان شاء الله
عمر ان شاء الله........
...............................................
في بيت ملك
في غرفة والدتها تقف امام صورتها
ماما حبيبتي كان نفسي تكوني معايا تدعميني وتدعيلي
قد ايه وحشتيني اووي انتي وبابا ربنا يرحمكم يارب
واخذت من خزانتها قميص لوالدتها واحتضنته وذهبت لتنام وهي تحتضنه ف هذه كانت عادتها عندما تشتاق لها
فتمددت ملك علي الفراش وهي تدعوا الله
يارب وفقني ومتحوجنيش لمخلوق
منك لله ي مجدي زي ماحوجتني
لتتذكر ملك كلامها مع والدتها
ام ملك...ملك حبيبتي قومي ي قلبي كفايه كدا عينك هتوجعك .....
ملك.....شويه بس ي ماما وهقوم انا داخلة تحدي انا وصحباتي عل مين هيجيب اعلي درجة وبنتك لازم هي ال تكسب التحدي
ام ملك ...ي حبيبتي انتي بقالك 7ساعات قاعدة القعدة دي كتير كدا عليكي ..طيب كلي السندوتشات دي وارجعي تاني
ملك ....ي مامتي ي حبيبتي بنتك هتبقي دكتورة قد الدنيا ولازم تذاكر كتير اوووي عشان تجيب مجموع يدخلها طب
ام ملك ...ياارب ياارب يا حبيبتي اشوفك اجمل دكتورة
ملك....يارب يااامامتي ياارب وتقبل يد والدتها
لتمسح ملك دموعها بعد ان عادت لواقعها
حبيبتي الله يرحمك انتي وبابا
ثم ذهبت ملك في نوم عميق ......
.................... ...................،..........
في فيلا فايز الجيار
فتحي...انا جبتلك طلبك ي باشا
فايز.......تمام ي فتحي شكلك بتفهم
فتحي.. بابتسامه سمجة ....احنا خدامين معاليك
فتحي السروجي 47سنه محاسب في شركة فهد
زير نساء غير امين خائن للامانه يعشق المال
فهو عبد له.......
قولتيلي اسمك اي قالها فايز
عبير بميوعه.. عبير عبير ي باشا
فايز وهو ينظر لها نظرة شهوانيه ....اسمك حلو
فقالت بضحكة خليعة ..اسمي بس ي باشا
فايز ...اشوف واحكم
عبير ...شوف ي باشا دا انا من ايدك دي لايدك دي
فايز ....لا دا الليله شكلها هتحلو
ثم قال وهو لم يبعد عيناه التي تأكلها عنها
روح انت ي فتحي
فتحي بضحكة سمجة... اوامر معاليك يا باشا
عبير ....طب وانا
لا انتي لاء احنا لسة بينا كلام لسة هيبتدي
استاذن فتحي وذهب وتركهم مع شيطانهم ......
..... ....................... .............
عند عمر
فقد تعاملت القوة معهم بمهارة فائقة
وتم القبض عليهم جميعا
عمر ل حمزة ...والله وقعت ي حمزة
حمزة ... بنظرة كلها غل ما يجع الا الشاطر يا سعات البييه
عمر للقوة ..خدوهم يلا
حمزة رجل في ال 45 من عمره من اكبر تجار المخدرات
يكره عمر جدا فهو عدوه اللدود احبط له الكثير من العمليات وقبض عل معظم رجاله
عمر ل مصطفي كله تمام...
مصطفي ...تمام ي بطل
شدد الحراسة عليه ي مصطفي دا مش سهل
مصطفي ....ما تقلقش ي عمر مش هيقدر يهرب المرة دي
عمر..... يلا بينا انا هلكان
مصطفي ..ماتيجي معايا الادارة ونروح مع بعض
عمر .....اوك يلا
ليرحلا بعد يوم شاق ....
🌷🌷🌷🌷🌷🌷🌷🌷
- يتبع الفصل التالي اضغط على (رواية انتقام خاطئ) اسم الرواية