رواية ليست ذنبي الفصل السادس 6 - بقلم عائشة الكيلاني

 رواية ليست ذنبي الفصل السادس 6 - بقلم عائشة الكيلاني 

نور و ريان لفو لمصدر الصوت 

حمزة بصلها بصدمة من قربها من ريان و بعدين بص لايديها الى فيها خاتم زواجها أما نور حست بالخوف لاول مرة تحس بالخوف من ناحيته و هنا تقابلت النظرات نور بصتله بكره و غضب حمزة بصلها بصدمة و حزن 

نور مسكت ايد ريان و ضغطت عليها بتوتر و خوف 

ريان لحظ خوفها قربها منه اكتر :ـ يلا نمشي 

نور:ـ ياريت 

ريان مسك ايديها و لسه هيمشو وقفوا على صوت حمزة 

حمزة بحزن :ـ انا صحيح اخد حقي و حق اهلي بس غصب عني مقدرتش انساكي ولا قادر اعيش حياتي طبيعي من بعدك حتي بعد ما اتجوزت انا مكنتش اعرف ان هيحصلك كل دا ولا ان نداء تغدر بيكي بالطريقة دى انا كنت متفق معاها ان تصوير بس .. عرفت متاخر ان اتفقت مع نفس الشخص ان يع.تدي عليكي انتي مش فاكرة علشان كنتي متخدرة ف مكنتش فاكرة أو صاحية اصلا 

نور اتسعت عينها بصدمة ريان ساب ايديها و رجع لحمزة 

ريان بهدوء تقدم منه بهدوء و ضر..به حمزة مسح الد..م من انفه و ردله الضرب..ة و مسكو في بعض ريان بقا يضرب حمزة بجنون و هو مش قادر ينسا حالة نور ولا قادر ينسا خوفها صرخها كل يوم مش شايف قدامه غير صورتها محدش كان قادر يحوشه عن حمزة أما نور ف كانت برضو في دنيا تانية وقعت على الأرض اغمو عليها ريان بصلها ساب حمزة و جري عليها بلهفة شالها و جرى بيها على العربية 

بعد وقت قصير في القصر 

نرمين جريت بخوف:ـ اي الى حصلها يا ريان نور مالها 

ريان طالع اوضته و مكنش شايف قدامه حطها على السرير :ـ مفيش حاجة يا عمتي نور بس تعبت شوية خليكى جانبها و انا هتصل بالدكتور 

بعد شوية جاه الدكتور 

الدكتور:ـ صدمة شديدة هى الى عملت كدا واضح انها اتعرضت لصدمة و ضغط نفسي .. بس ياريت بلاش مهدئات لانها خطرة عليها هى ضعيفة و مش مستحملة المهدئات 

الدكتور خرج و ريان وراه 

ريان:ـ مهدئات اي يا دكتور انا مش فاهم حاجة 

الدكتور:ـ لم المريض يكون مضغوط بيلجا المهدئات و دا طبعا خطر جدا ممكن يحصل لمريض حالة ادمن أو اكتئاب و واضح ان المدام مش بتفوت ثانية الا لم تخده 

ريان حاسبه و الدكتور مشي 

نرمين خرجت و طبطبت على كتفها بحزن و حنان:ـ هتعدي والله هتعدي يا حبيبي انت قدها و نور كمان .. اه لو اعرف اي الى فيها أو اي الى وصلها لحالة دى 

ريان كان سرحان:ـ مفيش حاجة يا عمتي.. نور كويسة تصبحي على خير 

ريان دخل اوضته رما الجاكيت على الكنبه بصلها بحزن و بعدين دخل التواليت و خرج قعد جانبها و حرك ايده على شعرها بحنان:ـ و بعدين يا نور.. اخرت الى بتعمله في نفسك دا انا كدا عرفت كل حاجة والله ما هسيب حقك حقك عليا يا حبيبتي 

بعد ساعتين فاقت نور بصت لمكان بتراقب و ملامحها انكمشت بخوف و في بالها كلام حمزة يوم الفرح و عرض صورها قدام الناس وقعت ابوها طردها من بيتها نداء و غدرتها بيها رفعت عينيها :ـ ريان .. انت هنا 

ريان بصلها بهدوء و حب:ـ انا معاكي و مش هسيبك 

نور قامت قعدت بصتله بوجع و دموع متحجرة:ـ انا .. الى سمعته في المطعم دا صح .. ق الى عيشته كان كابوس صح كابوس.. قول انه مش حقيقي قول انى محصليش كدا قول انه مش حقيقي 

نور بصتله بوجع و دموعها بتنزل على وجتنها و فجأة صراخها ملئ المكان رجعت لنقطة الصفر بس بصدمة اكبر مش قادرة تتخيل ان حصلها كدا أو انغدر بيها من اعز الناس 

نرمين مقدرتش تستحمل و جريت على اوضة ريان و نور فتحت الباب بصتلهم كان ريان حضنها و هى مذل بتبكي و تصرخ 

نور و مذل بتبكي بقهرة:ـ غدور بيا. فض..حوني من غير ما اذيهم انا اتف..ضحت حياتي ادمرت يا ريان 

نرمين حطت ايديها على بؤها بصدمة و دموعها بتنزل بقهرة على حال بنتها 

ريان:ـ والله ما هسيبهم.. لا لا نور اهدى بلاش كدا ارجوكي 

نور كانت بت..ضرب على وشها و بتق.طع في شعرها كانت في حالة لا محدش يتمنها لعدوه 

نرمين لاول مرة تحس انها ضعيفة أو عاجزة لدرجة انها مش قادرة تجري تحضنها أو تطمنها هى نفسها خايفة أو زى نور لكن مش قادرة تفق قدامها 

نرمين خرجت و قفلت الباب بحزن مكنتش قادرة تمشي من الصدمة دخلت اوضتها سندت ضهرها على الباب 

نرمين بحزن:ـ ارتحت يا امجد بنتي ادمرت بسببك 

نزلت دموعها:ـ كنت حامل في نور و بموت و انت بتخ..وني كل يوم مع واحدة شكل حتي لم اتولدت خونت..ني مع منى و في اوضي ههه كان لازم اسكوت علشان بنتي و استحمل بس مقدرتش والله العظيم ما قدرت استحمل ارفه و حقرته 

فلاش 

نرمين بصدمة:ـ انت بتقول اي انت اتجننت عايزني ارمي بنتي يا حيوان 

امجد ببرود و ابتسامه:ـ هى مع حد غريب هى هتكون مع ابوها ما بصي يا روحي عايزة تطلاقي تتنزلي عن نور و تنسي ان عندك بت 

نرمين:ـ موافقة 

امجد قام بصدمة و حزن:ـ بتتكلمي بجد 

نرمين:ـ طلاقني يا حمزة و خد بنتك لانى مش عايزة اى حاجة تفكرني بيك 

امجد بصلها بحزن:ـ امرك يا هانم نرمين هانم بنت مختار باشا انتي طالق بالتلاتة انتي طالق يا بت الشاذلي 

مشهد تانى 

نرمين بدموع:ـ لا لا انت بتكدب 

نرمين لاول مرة تتخلي عن كبرياها نزلت عند رجل امجد بدموع و رجاءا:ـ ارجوك يا امجد متعملش كدا قول انها عايشة بنتي مش ما.تت ابوس رجل..ك رجعلي بنتي هعيش خدامة بس أشوفها 

امجد بصلها بصدمة و سخرية:ـ مش خايفه لابوكي ولا اخوكي يشوفوكي مذل ولة ليا كدا و كمان بتتوسلي ليا تو تو انتى عايزة سمعت عيلتك تبوظ اخص عليكى ملكيش بنات عندي بنتك ماتت و اهو شوفتي قبرها و العزاء يعني هكدب و هفول على بنتي يلا من هنا و مشوفش وشك تاني و الا هزعلك 

باك 

نرمين حطت ايديها على راسها و بتقول بانهيار:ـ بسس بسسس اسكوتي اسكوتي اااسكوتي اسكوتييي ااااه ااااه 

نرمين وقعت على الأرض بضعف و قالت بعلو صوتها:ـ يا اااالله يااارب يااااارب حسبي الله ونعم الوكيل فيك يا حمزة انت واختك حسبي الله ونعم الوكيل فيكي يا نداء اذوو بنتي ياارب اذو بنتي يارب 

كملت بدموع و شهقات:ـ اذوها و هى ملهاش ذنب بنتي مش ماذيتش حد حسبي الله ونعم الوكيل فيكم 

نرمين نزلت دموعها 

و عد اليوم بحزن على عيلة الشاذلي نور تنام شوية و تصح تصرخ من الذكريات و الكوابيس 

تانى يوم في الصالون 

وقعت واقفة 

طول عمرها بتقع واقفة البت دى 

نرمين سمعتهم و دخلت:ـ اهلا وسهلا مين انتوا 

احنا اصحاب نور 

بس مش بنشوف بعض كتير احنا كونا مسافرين من سنة و لسه راجعين من يومين سالنا عليها في بيتها القديم قالوا انها اتجوزت ف روحنا بيتها هى و ح ااع 

روحنا لدادة بتاعتها ف قالت انها اتجوزت و عايشة هنا انا فرح و دى نغم نور موجودة ولا عزلت ولا اي 

نرمين:ـ موجودة ثانيه واحدة اتفضلو هروح انادي ليها 

نرمين طالعت و نزلت بعد شوية نور نزلت و هى مسكة ايده نغم و فرح قاموا بصدمة و حسو بالحزن تجاها ريان خرج نور تنهدت و اتسعت عينها لم شافتهم 

فرح و نغم جريو عليها حضنوها 

فرح:ـ يااه اخيرا دا احنا طالع عينا علشان نعرف عنوانك الف مبروك يا نور 

نغم:ـ هو مبروك و كل حاجة بس اي الى حصل مش المفروض تكوني مع حمزة 

نور اتجهت لى الصالون:ـ انا مش عايزة اسمع اسم الزفت دا اوكي 

فرح:ـ انا قولت انه واطي معرفش اصلا كنتي هتكملي مع واحد كداب ازاي بس اي الى حصل برضو و وقعتي على المز دا ازاي 

نور بصتلها و وشها بقا ألوان:ـ ما تحترمي نفسك 

نغم:ـ اي دا لا بجد نور بتغير لا والله مش مصدقة انتي بتغيرى بجد عجبت لك يا ززمان 

نور:ـ اعملوا اي حاجة الا دا ريان الحاجة الحلوة الى في حياتي 

فرح بهدوء و جدية:ـ مالك يا نور شكلك مش عجبني لا شكلك ولا كلامكم اكنك واحدة تانية غيرة الى اعرافها مطفية ساكتة حاسه انى شايفة حد تاني مش نور الى نعرفها 

نغم:ـ مالك يا حبيبتي 

نور بحزن و ابتسامة:ـ انا كويسة اهو انتوا عايزين تجننوني و خلاص انا بس مصدعة شوية و بالنسبة لي الزفت ف محصلش نصيب انا هروح اعمل كيكه الشوكولاته زى ما بنحبها تعالوا معايا ساعدوني بدل ما انتوا قعدين كدا 

نغم و فرح بصو لبعض و راحوا معاها المطبخ نرمين كانت بترقبهم نور كانت بتلهى نفسها و مش عطيهم فرصة يسالوا لان الإجابة صعبة هتقولهم اي ولا اي و قعدت تتكلم مع صحابها و ينكشو فيها 

نور:ـ لمو الى على الارض دا اه و اغسلي يا نغم المواعين الى استخدمناها 

نغم:ـ ااه يا مفتريه عطسيي 

نور خرجت و هما وراها 

فرح:ـ تعالي بقا شوفي جبنا اي من انجلترا 

نغم بغرور:ـ و اختراعاتي التقليدية 

نور:ـ مم عارفه انا 

فرح و نغم طالعوا الحاجة 

فرح مسكت ازازة:ـ الله حلو اوي البيرفام دا 

نور مسكته:ـ فعلا شكله لطيف 

نغم بسرعة:ـ لالا اوعو تحطو على انفاكم ولا ترشو منه 

نور بعدم فهم:ـ ليه يا بنتي البيرفام شكله حلو 

فرح:ـ اه في اي يا نغم 

نغم:ـ في ان 

نور بصدمة:ـ .... 

يتبع 

الحلقه ـ

يا تري نور اتصدمت ليه و نغم خفت يقربو البيرفام منهم ليه  رايكم في حلقة النهاردة رايكم في حمزة يا تري ناوي على خير ولا اي حكايته 

ليست ذنبي 

عائشة الكيلاني 

ممكن انزل حلقتين في اليوم

 •تابع الفصل التالي "رواية ليست ذنبي" اضغط على اسم الرواية