رواية في قلبي زهره الفصل السابع 7 - بقلم سيمو

 رواية في قلبي زهره الفصل السابع 7 - بقلم سيمو

اني مرديتش اعلي صوتي عليكي قصاد العيال ولحد دلوق مش عارف اني جايب الصبر وطول البال ديه منين 

زهره بخوف من نظرته

ههو اني عملت ايه يعني دا جزاتي اني.  لكنها مكملتش لما اتعصب وقال

كمان لساكي بتقاوحي وعاوزه تعرفي عملتي ايه اقولك اني عملتي ايه كنت عاوزه تحبي علي يد عمي الي هو أصلن كان عمال يجيب في سيرتك بالعفش  واني قدامك مسكتلوش وردتلك اعتبارك وطبعا انتي مش هتغلطي نفسك صوح ها. ردي علي صوح

زهره بدموع

اني بس مكنتش عاوزاك تتاذي بسببي انت من ساعه ما عرفتني وانت واقف قبال الخلق عشان تحامي علي وعلي ولادي مكنتش عاوزاك تخسر عمك وكمان باين عليه انو شراني ومش هيهملك في حالك

عامر قرب منها واتكلم بحب 

يا ستي اني كل ديه ميهمنيش قصاد نظره الخوف الي بشوفها في عنيكي علي اني قتيل النظره دي الي بتخلي قلبي بيرفرف في ضلوعي 

مسك أيدها بحب وقال

ورحمه ابوي يا زهرتي أني مستعد اوقف قصاد الدنيا بحالها مش عمي وبس المهم اني محدش يستجري يرفع عينه فيكي أو يجيب سيرتك بحاجه عفشه اين كان 

زهره ابتسمت بكسوف 

بس انت كده بتاذي نفسك واني ميرضنيش انك تتاذي بسببي يا عامر

عامر بحب

اهو عشان عامر الي طالعه منك كيف الشهد دي اني اروح جهنم علي قلبي كيف العسل بس انتي ترضي وتحني ونتلم بقه وتتحني بالحنه يا قلب عامر

زهره سكتت وهي مكسوفه منه

عند منصور عم عامر

قولت ايه يا ولد المركوب انت اني مش عاوز حد يعرف بالي بيناتنا مهما كان ولو حصل وفتحت خشمك اعرف ان رقبتك في يدي قبل ما هتكون في يد عامر

....متقلقش يا بيه انت نجدتني منيه وطالباتك أوامر واني مش هخيب ظنك وبكره تسمع الي يفرحك

منصور بحقد 

أكده تبقي تمام وحلاوتك عندي بس تنفذ المطلوب

من غير شوشره 

....تحت امر جنابك بس انت عارف اني مش رايد فلوس 

منصور

امال عاوز ايه لتكون طمعان في العموديه يا واكل ناسك

.....رد بخبث 

لا اني رايد زهره 

منصور

ههههه قول أكده ع العموم متغلاش عليك بس تنفذ قوام عشان نخلص منيه الموال الماسخ ديه 

...أوامرك

عند زهره كانت بتحكي لحنان صحبيتها وجارتها عن عامر وعن جوازه منها

حنان

وانتوا اتفقتوا خلاص علي الجواز انتي وهو علي أكده

زهره بفرحه

ايوه هو قالي انوا خلاص معادش قادر يصبر وكمان العيال اتعلقوا بيه ومش راضيين يسبوه

حنان

العيال بردك علي ورده الكلام ديه انتي مش واعيه لنفسك اياك

زهره بتردد

وه مالي ما اني زينه اهوو

حنان بخبث

زينه خالص بالذات لما تاجي سيره سي عامر بتبقي عنيكي بتبرق وتلمع كيف الضي لتكوني عشقتيه يا زهوره

زهره بكسوف

معرفش والله يا حنان بس اني بكون فرحانه ومطمنه وهو جاري بحس اني مش عوزاه يهملني ويمشي بحس انوا كيف ابوي في خوفه علي بحس في نظرته ليا  انوا مش شايف غيري بحس اني كيف الملكه بحس اني لسه بنت صغيره بضفاير كاني مدخلتش دنيا قبل أكده  اني صوح كنت مجوزه محمد الله يرحمه بس مكنتش بحس معاه الي بحسه مع عامر 

محمد كان صحيح بيراعي ربنا في بس الي كان جمعنا سوا هو العشره مكنتش اعرف كيف يعني القلب لما يدق ولا لما تحسي انك مش عاوزه من الدنيا غير حبيبيك

حنان  بغيره

وانتي ايه عرفك انوا بيحبك هو قالك أكده

زهره 

هو مقالش بس باين عليه اني حاسه انوا بيحبي صدقيني أني صوح مسمعتهاش من لسانه بس العشق باين قوي في عنيه لما يكون معاي اني بحس بيه وبشوفها في عنيه

حنان ابتسمت بخبث وهي بتحاول تشككها 

عشان انتي عبيطه وحماره متعرفيش لعب وكهن الرجاله اساليني اني ياما شوفت منيهم عشان أكده لازمن أحذرك الي كيف العمده ديه ملوش امان لانوا بيبقي متاكد انوا بفلوسه يشتري الي عاوزه حتي لو كان الي عاوزه ديه مرا  يشتريها بفلوس ويتمتع بيها ولاسم جواز بس المهم ياخد الي عاوزه وبعدين يرميها كيف ما بيرمي الحاجه القديمه 

زهره هزت دماغها برعب وهي مش مصدقه

لا انتي بتقولي ايه اكيد عامر مش أكده هو قالي انوا هيتجوزني دا وقفت قصاد الناس وقصاد عمه عشان يردلي حقي وينصفني وعشان محدش يجيب سيرتي

حنان ابتسمت بخبث

وهو عمل اكديه ليه يا فالحه ها اقولك اني هو عمل أكده لما لقي أن الناس بتجيب في سيره هو كمان يعني هيتفضح قصاد الناس وعمه هيعرف وزي ما قولتي لي أن عمه ديه واصل يعني خاف علي نفسه من الفضيحه وكل ديه عشان خايف ليسحبوا منوا العموديه عشان أكده قال يبعد عن نفسه الفضيحه ويقول انوا هيجوزك  منيها  يكسب العموميه ومنيها يتسلي معاكي يومين

زهره كانت عامله زي التايهه من كلام حنان الي قدرت تسيطر عليها بكدبها بقت تبكي بصمت وهي مش عاوزه تصدق ولا عارفه تعمل ايه

حنان بمسكنه

اني مبقولش اكده عشان تزعلي وتبكي يا خيتي أني بس رايده انك تتنصحي وتعرفي الدنيا ماشيه كيف ويمكن اكون غلطانه ويكون صوح هيحبك

زهره وهي بتمسح دموعها

لا يا خيتي انتي صوح اني المفروض اشكرك انك فتحتي عنيا علي حاجات اني مكنتش اعرفها اني الي غلطانه مش انتي لاني وهمت نفسي وعميت عن الحقيقيه انتي صوح يعني واحد كيف العمده هيعوز يجوز واحده زيي ليه يبقي اكيد عشان يتسلي واني مقبلهاش علي نفسي 

حنان بمسكنه

اني بس كنت حابه اانورك انتي عارفه غلاوتك عندي كيف من يوم المرحوم 

زهره 

ربنا يخليكي يا خيتي 

زهره طلعت من عند حنان وهي مش شايفه من كتر الدموع وقلبها وجعها لمجرد فكره انوا كان بيتسلي بيها 

زهره بوجع 

يارب ريح قلبي يا رب 

عند حنان بخبث

ها ايه رايك في الي سمعته

رد بخبث

هههه دا انتي شيطانه دا اني صدقتك يا شيخه 

حنان  

امال انت فاكر ايه دا اني حنان الي تجبلك الجنان 

رد بوقاحه 

لا من ناحيه الجنان فانتي عليكي عود يودي اليونان متاجي نتفق علي سعر لعودك الملبن ديه

حنان بمياعه 

ههههه يلا 

ياترا مين دا وعاوز ايه 

...؟....

متابعه لصفحة هالة القمر  ليصلكم الجديد

 •تابع الفصل التالي "رواية في قلبي زهره" اضغط على اسم الرواية