رواية في قلبي زهره الفصل الثامن 8 - بقلم سيمو
انتي زعلانه ليه دلوق يا زهره خايفه يكون كلام حنان حقيقي صوح
زهره بستغراب
انت مين وتعرفني كيف
ابتسم بود
ياااه لحقتي تنسيني معلهش بس اني مش زعلان انتي معذوره بردك
زهره وهي بتستوعب
وه محمد ااانت جيت دول قالوا إنك انك يعني
محمد بنفس الابتسامه
اني مت مش أكده يا زهره
زهره بحزن
ايوه انت ليه رحت وسبتني أكده الكل عم يطمع في ومحدش سايبني في حالي حتي اخوك حسان يرضيك الي عمله في يا محمد
محمد
اني مليش دخل بديه كلوا اني سالتك سؤال وعاوزه إجابته انتي زعلانه عشان الكلام الي قالته حنان صوح
زهره بتوتر
هو انت عرفت منين
محمد
اني صوح ميت لكني حاسس بيكي انا جايلك دلوقت عشان اقولك حاجه يمكن منتقابلش تاني ومقدرش اجيلك
زهره
حاجه ايه
محمد وهو بيشاور علي شي
شايفه التعبان والحيه دول الي لفين علي بعض وعملين يبخوا سمهم حوليهم
زهره اول ما شفتهم خافت جدا وقالت
ايوه شيفاهم دول شكلهم يخوف قوي
محمد
من حقك تخافي بس الأولي من أكده انك تحرصي منيهم اهم كانوا جنبك بس انتي مش وشيفاهم زين لازمن تحرصي يا زهره مش كل الي يتقال يتصدق استفتي قلبك واستخيري ربك وهتلاقي الثواب
زهره بصت حوليها ملقيتهوش بقت تنده عليه وفجاه قامت من النوم بتنهج
اللهم اجعله خير يارب اختار لي ومتخيرنيش اني مش عارفه اعمل ايه وأصدق مين بس يارب قويني يارب
الفجر أذن وقامت عشان تصلي وبقت تدعي ربنا ينور بصيرتها ويطمن قلبها خلصت صلي ولقيت نفسها مخنوقه قامت عشان تفتح الشباك وتشم شويه هوا لكنها اتفاجئ ...
........عند عامر
فضل باحترام
جناب منصور بيه جيه وقالي انوا عاوز سعادتك ضروري
عامر
قوله اني نازله
فصل بطاعه
اوامر جنابك
فضل مشي وعامر كان قلقان علي زهره بقاله يومين يرن عليها وهي مش بترد عليه غمض عنيه بحزن
مش خابر مالك بس يازهرتي ليه تاعبه قلبي معاكي ومخليه يتخلع عليكي من كتر الخوف عملتي ايه ليا يا بت الناس عشان اتعلق بيكي كيف العيل الصغير الي متعلق بأمه لا اني قادر انام ولا اكل ولا اشرب ولا حتي عارف اعيش من غير عيني متتكحل بشوفتك ياترا بتفكير في أكده زي ما عم افكر فيكي ولا اني مش علي بالك نهائي
عامر نزل لمنصور الي كان باين عليه الهدوء وقال
ازيك يا عمي مش عادتك تعوق عندينا في البلد أكده لتكون ناوي تقعد وتهمل القاهره
منصور بسخرية
ايه لحقت زهت مني يا ولد اخوي
عامر
حاشه لله مين قال أكده اني بس كان قصدي انك معتحبش تتاخر علي مشاغلك في القاهره وعشان أكده اختارت تخليني اهنه للعموديه عشان انت تفضي للشغل الي هناك ولا اني غلطان
منصور
لا مش غلطان نهايته اني كنت عاوزك في موضوع أكده
عامر
خير يا عمي امرك
منصور
الأمر لله اني بس قلت طالما عقدتك انحلت ونويت تتجوز يبقي خلاص علي خيره الله
عامر بفرحه
صوح يا عمي يعني انت رضيت بالجوازه اني كنت متاكد اني مههونش عليك
منصور
اكيد يا ولد اخوي دا انت ولد الغالي
عامر
ربنا يخليك يا عمي اني أكده تبقي فرحتي فرحتين بسبب رضاك عني يبقي اني أكده أن شاء الله احدد معاد الفرح مع العروسه
منصور بخبث
مش لما تعرف العروسه تبقي مين
عامر باستغراب
وه يا عمي باعني هتكون مين ما انت شوفتها زهره
منصور بستهزاء
ومين قالك اني هي دي العروسه
عامر بتساءل
امال يعني هتكون مين
منصور بخبث
اني هجوزك لمروه بنتي اني خلاص قررت وقلتلها وهي موافقه وهتاجي النهارده بالليل ويوم الخميس هتكتبوا الكتاب
عامر......
عند زهره دخلت عليها حنان وهي بتلوي في بوقها
سمعتي الي بيتقال في البلد يا بت يا زهره
زهره
وايه الي بيتقال في البلد أن شاء الله
حنان بخبث وهي بتلعب في خصله من شعرها
بيقولوا أن العمده هيتجوز بنت عمه المصراويه وهيعملها اكبر فرح اتعمل في الجيهه كلاتها
زهره وهي بتداري زعلاها
واني مالي بالي يتجوز والي ميتجوزش
حنان
وه كيف يعني مش هو ديه العمده الي قلتي انوا عاوز يتجوزك ولا اني كان بيتهايلي
زهره وهي بتخيط
بلا قال بلا عادي همليني اخلص الفستان ديه لجميله لحسن تزعل مني واني مبحبهاش تزعل
حنان وهي هتموت من الغيظ من تجاهل زهره ليه
جرا ايه يا زهره مالك قالبه خلقتك علي أكده ليه هو اني عملتلك حاجه عفشه اياك
زهره بانفعال
ولا عملتيلي ولا عملتلك خليكي في حالك وهمليني في حالي الله يخليك
حنان بغضب
بق اكده ماشي يا زهره اني همشي ومش هخطي عتبه بيتك مهما كان
حنان طلعت من عند زهره وهي هتموت من الغيظ من كلام زهره ورد فعلها لما عرفت أن العمده هيجوز بقت تكلم نفسها
ماشي يا زهره مصدرالي الطرشه ومش رايده تتحدتي معايا بس ياترا ايه الي جرا وخلاكي أكده
طلعت التلفون وطلبت رقم واول ما جالها الرد قالت
الحكايه شكلها مش هتنفع
....
مين قالك انتي روحتيلها وبلغتيها الي قلتلك عليه
..حنان
ايوه بس هي معبرتنيش وكمان مصدرالي الوش الخشب دي حتي مزعلتش ولا فرق معاها لما قلتلها أن العمده هيتجوز
..يعني ايه انتي مش قلتي انها بتحبه كيف ما بيحبها
حنان
ايوه حديتها كان معناه انها بتحبه لا دي كمان بتعشقه
....امال ايه الي حصل
حنان بحيره
معرفش معرفش
.....علي العموم اني كل الي كنت عاوزه انها تبعد عن طريقه ولو علي كلامك ديه يبقي احسن انها جات منها فاضل بس تكه واحده
حنان
ايه تاني اني عملت الي قولتلي عليه بالحرف
....اني عارف وحلاوتك محفوظه بس فاضل انك تروحي لعامر وتنفذي الي هقولك عليه بالحرف مفهوم
حنان بخبث
مفهوم يا منصور بيه....
بخخخخخ🫣😁
❤️وحشتوني قد البحر وسمكاته🥰
بالذمه مين كان متوقع انوا منصور 😉
الي كان متوقع انوا حسان يقول أنا😂
يا ترا زهره شافت ايه ....
وعامر هيقول ايه لعمه
سيمووو❤️❤️
متابعه لصفحة هالة القمر وتفاعل ليصلكم الجديد
•تابع الفصل التالي "رواية في قلبي زهره" اضغط على اسم الرواية