رواية ليست ذنبي الفصل التاسع 9 - بقلم عائشة الكيلاني

 رواية ليست ذنبي الفصل التاسع 9 - بقلم عائشة الكيلاني 

ريان بصلها بصدمة:ـ بنتك .. بنتك ازاي عمتي انتي بنتك ماتت من زمان 

نرمين هزت راسها بالنفي و دموع:ـ بنتي عايشة بنتي هى نور مراتك.. امجد ضحك عليا كان معرفني انها ماتت بس انا السبب ا انا الى وصلت بنتي لكدا انا الى اتنزلت عنها كنت في اللفة روحت رميتها له علشان اخلص منه و من قذ..رته علشان اطلاق روحت بعدها اترجيته و ذليت نفسي له علشان اشوفها لكن قالي انه ماتت ودني قبرها بس انا قلبي كان حاسس انه بيكدب بعدين اهلك ماتوا اخدك و سافرنا قولت انك عوضي عن كل الى شوفته مني.. مرضتش اقولك لاني خوفت يا ريان خوفت 

ريان بصلها بصدمة و خذلان:ـ خوفتي مني انا يا عمتي 

نرمين:ـ امجد كان قذر اوى خاني كتيير ابشع الخيانات و لم اتكلم يضربني طبعا كان لازم اسكوت و اخرس علشان بنتي لكن مقدرتش استحمل تعبت يا ريان تعبت بس نور كبرت معايا اه والله كنت بحلم بيها كل يوم حتي في شهر كنت بحلم بنفس الكابوس 

ريان:ـ كابوس اي 

نرمين:ـ هه كابوس كنت بشوف كل يوم كنت بشوفها لبسه فستان احمر طويل كانت زى القمر بتضحك و فرحانة و مكنتش واخدة بالها ان في عقربة على الفستان مسكة فيه و انا عمل اقولها حاسبي خدي بالك الفستان طويل هيوقعك لكن صوتي متحاش و مكنتش سامعني اختفت فجأة سمعتها بتصرخ اكنها بتستغيث كل يوم احلم نفس الحلم.. و حلمت انى بتخنق معاها بسبب الفستان دا بس مكنتش اعرف انها هتدفع ذنب ابوها مكنتش اعرف انها الى هتحاسب على كل افعالو زمان حمزة ان..تقم من الشخص الغلط ا انا شكيت في بنتي شك.يت انها بتمثل و انها كدابة انا مش قادرة ارفع عيني فيها مش قادرة احضنها ولا اقرب منها بنتي حته من قلبي شكيت فيها انااا مش ام مستحقش اكون ام انا جيت عليها ظلمتها 

نرمين مسكت ايده برجاء:ـ ابوس ايدك بلاش تتخلي عنها ابوس ايدك بلاش تخدها بذنب أمجد هى ملهاش غيرك بعد ربنا علشان خاطري متجيش عليها ا امجد ماذش حد من العيلة والله ما عمل لاهلك حاجة بلاش تنتقم منه علشان خاطري يبني بلاش نور هى بتحبك والله العظيم بتحبك بلاش تكمل عليها 

ريان بصلها بهدوء منفي العصبية الى جواه لانها ش.كت في حبه لنور و ان ممكن يخدها بذنب حاجة ملهاش يد فيها سابها و خرج نرمين قعدت تعيط بقهرة و انهيار 

عدا اسبوع نور كانت في اوضتها معظم الوقت مكنتش بتخرج الخوف دائما جواها ريان طبعا سافر علشان شغله نداء خرجت من الحبس طبعا بكفالة 

بالليل في البار 

نداء:ـ حمزة مبقش مهتم بيا ههه نور معاه دائما حتي لم اتجوز انا اخد حقي بفضلك 

نداء هانم انتى مش في واعيك فوقي 

نداء لفت وشها و كانت هتمشي كانت على وشك الوقوع هيثم حاوط خصرها:ـ حاسبي 

نداء:ـ انا مش قادرة امشي ولا اسوق ممكن توصلني 

هيثم اتردد شوية لكن وافق بعد وقت في بيت نداء 

نداء:ـ تعال مفيش حد غيرنا متخافش 

هيثم دخل البيت و قفل الباب . 

في القصر في اوضة ريان 

نور شافته عربيته:ـ جاه اخيرا 

نور فتحت الباب بلهفة و جريت على تحت ريان دخل و قفل الباب نور جريت عليه و حضنته بفرح ريان حط ايده على خصرها و قعد يدوخ بيها بحب نرمين كانت بتبصلهم من بعيد و هى بتدعي ان ريان ميتغيرش أو يبقا زى أمجد فيم بعد 

نور بهمس:ـ اتاخرت اوى يا ريان كل دا تأخير 

ريان :ـ غصب عني يا حبيبتي و من هنا و رايح مش هروح مكان من غيرك 

نور بعدت عنه بتوتر:ـ انا مش بحب الخروجات ولا السفر صدقني كدا احسن 

ريان شالها و قال بهمس:ـ مش بمزاجك يا حبيبتي 

نور حطت راسها على كتفه 

في اوضة ريان 

ريان بهدوء:ـ انا مبسوط انكى بداتي تتحسني و تبقي هادية 

نور بصتله و قالت:ـ بتحبني يا ريان 

ريان:ـ اي السؤال دا اكيد بحبك.. نور انا و اوى كمان 

ريان نزلها قعد جانبها و ضمها له اكتر:ـ انا عمري ما حبيت على فكرة انتي الوحيدة الى قدرتي تدخلي قلبي و تقفلي الباب عليه انا عمري ما حبيت ولا هحب غيرك مفيش داعي تشكيك في حبي ليكى 

نور ابتسمت بفرح و وجع يمكن لان الانسان الصح جالها في الوقت الغلط و ظروف زفت غريبة أو خايفه ان مع الوقت يزهق و يتغير معاها دفنت نفسها بحضنه اكتر:ـ انا بحبك اوى يا ريان بحبك اكتر من اى حاجة ياريتك كنت ظهرت في حياتي بدري يمكن كان فرق في حاجات كتير 

ريان بهدوء و حب:ـ كل حاجة بتجي في وقتها و بعدين انا اهم حاجة عندي انكي بخير و معايا 

نور كانت بتسمع كلامه بحب و وجع خايفه و حقها هى لسه عرفه من كام شهر 

بعد وقت في بيت نداء في اوضتها 

نداء فتحت عيونها ببطء:ـ ااه يا راسي.  نهار اسود 

في القصر في اوضة ريان و نور 

ريان صحي على صوت الفون بتاعه بص ليها كانت نور نايمة بعد شعرها عن وشها بصلها بحب و بعدين مسك الفون و فتح الرسالة بعدا نور عنه و اتسعت عينيه بصدمة و غضب و ... 

يتبع 

يا تري ريان شاف اي و خوف نور صح ولا غلط و نرمين اتصرفت صح لم قالت له و لا 

الحلقه ـ9

ليست ذنبي 

عائشة الكيلاني

ريان اتسعت عينيه بصدمة نعم انها نور و حمزة في الصور و حديثة يعينه بقت على الصور و على نور الى نايمة بعمق ذات غضبه اكتر لم سمع رسالة حمزة له كان بعت كل دا من رقم مجهول 

حمزة بغرور و ابتسامة سخرية و شماتة:ـ ساكت يعني اي معاك حق انا مصدوم زايى زايك بالظبط الهانم الى حرق دم.ك علشانها واحدة مخدع..ة خيان..ة بتحب تستغل كل الى حواليها علشان مصلحتها انا سبتها لم اكتشفت حقيقيتها تعيش و تخد غيرها اه بالحق الصور دى كانت من يومين تانى مرة مدتيش الامان لوحدة زى دى 

ريان قفل الفون بغضب و رماه على الارض و طبعا ريان عكس ناس كتير يعني مش يخليها تصحي و يتخانق معاها لااا راح التواليت اتوضا و راح يصلي خلص صلاة و قرأت القرآن الكريم و قعد يستغفر و بعدين راح ينام و هو كله هدوء و مسح الصور و قرر ميجيبش سيرة لنور:ـ براحتك خالص يا حمزة عايزك تجيب اخرك على الاخر و يانا يانت 

تانى يوم 

ريان بيتكلم في الفون:ـ عايزك تجبلي كل المعلومات عن حمزة و اخته و هيثم اوع يغيبو عن عينيك تمام 

نور من وراء:ـ صباح الخير يا حبيبي 

ريان:ـ صباح النور يا حبيبتي 

نور قعدت:ـ كنت بتكلم مين على الصبح كدا 

ريان بهدوء:ـ مفيش دى مكالمة شغل.. عايزك تجهزي نفسك هعدي عليكى بالليل نتفسح 

نور بصتله:ـ حقيقي كان نفسي بس تعبانة جدا مش هقدر اخرج و كمان البنات هيجو يقعدوا معايا يعني مينفعش اخرج ممكن ناجلها لوقت تانى 

ريان بصلها بهدوء و بعض الحادة:ـ هو انتي مش ملاحظة انكي بتتهربي مني كل ما اجيب سيرة الخروج لحد امتي هنفضل على الحال دا و بعدين الحبسة مش حلوة مش صح انكي تنعزلي عن الناس و الدنيا حتي اصحابك مش بتشوفيهم انتي عايزة توصلي لاي بالظبط مستخبيه من مين الناس يتحرقو الناس الى يخلو الواحد بالشكل دا و بعدين الناس الى خايفة منهم دول مش ملايكة لو فضلتي تعملي حساب للناس و لكلامهم يبقا بتموتي نفسك بالبطي هخلص شغل و هعدي عليكى بالليل هنخرج مع بعض مش باخد رايك تمام ارجعي القيكي جاهزة 

نور بتوتر و خوف:ـ انا سبق و سمعت كلامك و شوفت حصل اي.. فكرك انى مش عايزة ارجع زى ما كنت ولا اعيش زى الناس عايزة بس مش هينفع لانى مش 

ريان قام مسك ايديها:ـ مسبتيش ليا حل غير كدا 

نور:ـ انت هتعمل. ريان مش وقت تهور 

ريان ساب ايديها و شالها:ـ انا هوريكي التهور الى على حق 

نور بخجل:ـ ريان خلاص كنت بهزر خلاص نزلي و هنخرج نزلي بقا شكلي هيبقا زفت لو عمتك شافتنا و بعدين الشغالين يقولوا اي نزلي و اوعدك اني هسمع كلامك 

ريان:ـ تو فات الاوان يا نور حياتي 

نور:ـ دا انت هتغني بقا من امتي يا حبيبي الرومانسية دى 

ريان بصلها بحب:ـ انا معاكي بعمل حاجات مكنتش اتوقعه مني 

ريان خرج بيها برا القصر ركبوا العربية بعد وقت ريان نزل من العربية و فتح الباب ليها:ـ انزلي 

نور نزلت بصت لليخت :ـ انت عايز تخلص مني يخت اي و بعدين انا مش بحب البحر و دا من زمان ولا بحب اليخوت 

ريان طالع اليخت:ـ متخفيش انا معاكي 

كمل بابتسامة:ـ وعد انى مش هسيبك ولا هسمح لحد ياذيكي هاتي ايدك متخفيش 

نور بصتله بتوتر و تفكير حطت ايديها في ايديه و طالعت اليخت كانت هتقع لكن ريان حاوط خصرها بحماية و هنا تلتقي النظرات بصتله بحب حطت راسها على كتفه قالت بهمس:ـ انا مستحيل اخوف و انا معاك يا حبيبي 

ريان قبل راسها و طالعوا باليخت 

في بيت نداء حطت ايديها على راسها:ـ يا نهار اسود .. 

نداء غمضت عيونها افتكرت بالليل و أنها كترت في الش.رب فتحت عيونها بسرعة و رهب:ـ يا نهار اسود 

فتحت فونها فجأة لقت صورها على كل المواقع و فيديوهات ليها ايديها بتترعش من الصدمة و الخوف الفون وقع منها و بقت بتض..رب نفسها بانهيار و بكاء و عدم تصديق:ـ لا لا انا بحلم فوقي يا نداء مفيش حاجه حصلت دا كابوس و هتفوقي منه اعمل فوقي يا نداء لازم تفوقي.. عملتي ليه كدا ليه كدا ليه كدا.. اعمل اي لا لا هيثم مستحيل يعمل فيا كدا مستحيل يغدر بيا و يصورني اكيد في غلط في الموضوع دا كان خايف عليا دا بيخاف عليا اكتر ما بخاف على نفسي 

نداء مسكت الفون و اتصلت بهيثم 

هيثم ببرود و سخرية:ـ نعم يا حب 

نداء بدموع متحجرة:ـ هيثم احنا في مصيبة ف

هيثم ببرود:ـ انتي الى في مصيبة انتي الى غدرتي بصاحبتك و سلمتي..ها ليا و انتي برضو الى عملتي في نفسك كدا محدش قالك اشر .بي انا بريئ منكم و انا الى نزلت الصور و الفيديوهات على المواقع و الصراحة جايبة ايرداد عالية سلام يا نونو 

نداء نزلت دموعها في صمت مش عارفه تعمل اي على الاقل نور تقدر تواجه الناس و المجتمع لانها مظلومة عكس نداء الى كان كل حاجة بإرادتها مسحت دموعها و قامت دخلت المطبخ فتحت الغا.ز و مسكت السك.ينة و طالع.ت نفسها 

حمزة كان مش مستوعب الى عيونه بتشوفو معقول نداء تعمل كدا تفض.حهم قعد على الكرسي:ـ لا دى فيديوهات متفبركة اكيد نور الى عملت كدا اتفض..حنا اعمل اي ابص في وش الناس ازاي 

حمزة قام بغضب و خرج من الشركة جري ركب عربيته و راح لى بيت نداء كسر الباب 

حمزة بغضب و صوت مخيف:ـ نداااء انا عارف انكي هنااا اطلعي انا هوريكي نداااء نداااء 

حمزة بقا يدور عليها زى المجنون لكن مفيش اى صوت دخل المطبخ و اتصدم لم شاف اخته واقعة على الأرض و سا..يحة في د..مها جري عليها بخوف:ـ نداء نداء حبيبتي ردى عليا نداء قومي علشان خاطري 

نداء فتحت عيونها ببطء بصتله بدموع:ـ كويس انى شوفتك سامحني يا حمزة سامحني و خلي نور تسامحني.  انا اذيتها و حصلي زيها شوفت الدنيا دواره ازاى كما تدين تدان يا حمزة ربنا اخد حق نور سامحني 

نداء غمضت عيونها بعد ما قالت اخر كلامها حمزة بصلها برعب شالها زى المجنون و راح المستشفى بعد وقت 

الدكتورة :ـ احنا عملنا الى علينا لكن دى اعمار البقاء لله يا استاذ حمزة 

حمزة بصلها بصدمة و..   

يتبع 

كما تدين تدان معروفة رايكم في حلقة النهاردة و هل حمزة اتهد ولا لا و رايكم في تصرف ريان 

ليست ذنبي 

عائشة الكيلاني

 •تابع الفصل التالي "رواية ليست ذنبي" اضغط على اسم الرواية