رواية شمس تتحدي الغيوم الفصل العاشر 10 - بقلم عبير سليم
الفصل العاشر من رواية شمس تتحدى الغيوم
بقلمي :عبير سليم
💖💖💖💖💖💖💖💖
تقترب من الشركه تقدم قدما وتؤخر الأخرى تحاول ان تظهر عكس ماتخفى تظهر قوتها وتخفى ضعفها تظهر تماسكها وتخفى انهيارها تظهر ابتسامتها وتخفى الامها و حزنها. خائفه بشده مما ينتظرها فى هذا اليوم تدعو الله أن يثبتها ويقويها ويبعد عنها شر الالسنه زنظرات الشامتين.
والآن هى على باب الشركه التى دخلتها مرفوعة الرأس وستظل هكذا فهى لم تفعل جرما ولم ترتكب ذنبا يجعلها تخفض رأسها او تهاب من رؤية اى شخص
وقفت شمس وتنفست نفسا عميقا واخذت تحدث نفسها:شمس اثبتى وارفعى راسك لفوق انتى اسمك شمس يعنى لازم تكونى عاليه وقويه اوعى حد يشوف ضعفك ابدا.
تبدا فى إلقاء التحيه على من تجده فى طريقها كان بعضهم يسلم عليها بحرارة وحب والبعض يشعر تجاهها بالعطف والشفقه على حالها. وترى نظرات البعض والتى تنم على مابداخلها من شماته وحقد وكراهيه لها بل وسمعت بعض الهمهمات ولكنها قررت أن تصم اذنها عن اى شئ.
شمس:صباح الخير يا منى
منى:صباح الفل والياسمين ياشموسه نورتي الشركه ياقلبي
شمس:ربنا يخليكي يا منى ممكن ادخل للبشمهندس
منى:خبطى وادخلى هو معندوش حد
طرقت شمس الباب ودخلت:صباح الخير يا بشمهندس
قام يزيد من على مكتبه ووقف ليستقبلها بنفسه: صباح النور يا شموسه وانا بقول إيه النور اللى نور الشركه مرة واحده.
انا مبسوط اوى انك رجعتى شغلك ياشمس
ايوة كده انتى شمس اللى أعرفها.
شمس:ربنا يخليك يا رب يا بشمهندس
يزيد:تعالي اقعدي ياشمس
شمس:انا مش عارفه اشكر حضرتك ازاى على كل اللى عملته عشانى
يزيد::انا معملتش حاجه ياشمس ده حقك انتى لازم تكونى مرتاحه نفسيا فى المكان اللى شغاله فيه ودى اقل حاجه ممكن اقدمهالك.
شمس :كفايه ان حضرتك نقلت ايمان معايا دى لوحدها كفايه اوى علية
يزيد :بصي يا شمس انا بقدر الصداقة جدا والمواقف كلها اثبتتلي من يوم مااشتغلتم فى الشركه انكم أصدقاء بمعنى الكلمه وكل يوم بيمر بتأكد فيه من حب إيمان ليكى وهى بجد مخلصه ليكى فوق ماتتخيللى. عشان كده حبيت اجمعكم وربنا يديم بينكم المحبه يارب.
وعاوز بقى اشوف شغل شمس وايمان لما يتحدوا ويكونوا فى مكان واحد.
شمس :ان شاء الله نكون عند حسن ظن حضرتك
بعد اذنك ادخل ارتب شغلى واشوف حعمل إيه
يزيد:تمام اتفضلي وبالتوفيق ان شاء الله
تفتح شمس باب المكتب وتدعو الله ان يقدرها ويقويها على ثقة رب العمل بها
تبدأ فى ترتيب أوراقها وتنطيم عملها بالمكتب وتسمع من يدق على الباب وتدخل وهى تغنى :
عالباب انا عالباب افتحلى يابواب قلبي فهواكم داب عالباب انا عالباب عالباب عالباب انا عالباب.
شمس:هههههه حتفضلي مجنونه كده على طول
فتحتضنها إيمان :شموستى حبيبتي ياااه اخيرا بقينا مع بعض ياحبي ومش حستنى وقت الراحه عشان نشوف بعض.
شمس:ايوة يامونتى بس خدى بالك احنا حنبقى مع بعض فى مكان واحد لكن بردو مش حنتكلم ولا ناكل غير وقت الراحه بس غير كده شغل
إيمان :ده أكيد طبعا والا البشمهندس يزيد حيقلب علية هههههه
شمس :لا والله ده البشمهندس بيعزك أوى
إيمان :طبعا يابنتى ده اكيد ثم تحدث نفسها:وهو لو مكنش بيعزنى كان عدالى موضوع المخفيه دى على خير .
شمس :مالك يابنتى انتى بتكلمى نفسك
إيمان :لا ياحبي ده انا بس بحمد ربنا انى سيبت القسم بتاعى وحرتاح من وش استاذ عبد الخالق
شمس:ليه بس ده حتى راجل طيب اوى
إيمان :ايوة طيب بس حاشر مناخيره فى كل حاجه وكل يوم يقوللى مش حنفرح بيكى بقى
لما بحس انى عاوزة اطلع زمارته فى ايديه.
شمس :هههههههههه ربنا يسعدك يامونتى ويفرح قلبك يارب.
بقولك ايه ياللا بينا بقى نظبط الشغل عالكمبيوتر
إيمان :بصي انا حاخد عالمكتب ده ماشي
شمس:اللى انتى عاوزاه ياقلبي بس اشمعنى المكتب ده
ايمان:اولا تحت الشباك عشان اقعد تحته والهوا يطس فى جفايا هههههههههه.
وثانيا عشان ابقى فى وش الباب يمكن الاقى الباب يتفتح فجأة والحظ بدخللى.
فيجدون الباب يفتح :صباح الخير يا بنات
شمس:صباح النور يابشمهندس
على:إيمان بقولك ايه اعملى حسابك النهارده حتطولى شويه محتاجينك انا ويزيد معانا
إيمان :اه وماله يابشمهندس حضرتك تؤمر ياباشا
على:مش عارف حاسك بتتريقى او كلامى مش عاجبك ياهانم
إيمان :لا وانا اقدر بردو على راسي ياباشا
على:هههههه هههههه شمس انا عاوز اعرف انتى مصاحباها ازاى المجنونه دى
إيمان :انا مجنونه اه مانا عارفه.
شمس:هى مجنونه فعلا ودى احلى حاجه فيها.
على:طبعا وهو فى حد يقدر يقول غير كده دى فاكهتناالحلوة.
إيمان :ايوة ايوة اضحك علية بكلمتين عشان اقعد ومااتكلمش
على:مانتى حتاخدى اوفر تايم
إيمان بقمصه :بقى كده بابشمهندس انت تعرف عنى كده بردو
بس مقلتليش حتحسبولى الساعه بكام
على وهو يلتفت للخروج :ههههههههه.
شمس:كنتى عاوزة الحظ يجيلك اهو جالك اهوه
إيمان :ياللا مش مهم حكلم حسن اخليه يعدي علية يروحنى
شمس :متاكده من حبه ليكى ياايمان
ايمان:شمس والله حسن غير عصام خالص وعلى فكرة هو قطع علاقته بيه
شمس:ايمان الله يخليكى ماتنطقيش اسمه ادامى
وبعدين انا كل اللى يهمنى اشوفك سعيده ومتهنيه ياحبيبتى
وياللا بينا بقى حنتاخر كده
تبدأ شمس فى ممارسة عملها وكلما شرد عقلها فى الذكريات حاولت ان تفيق نفسها سريعا.
بدأت فى استعادة نشاطها وحيويتها فى العمل حتى تستعيد ثقتها فى نفسها وتثبت لنفسها وللجميع ان ماحدث لم يؤثر فى ادائها.
💖💖💖💖💖💖💖💖
بعد مرور يومين
يخرج عصام من غرفته الخاصه به ليتحدث لوالده فالغد هو يوم زواجه
يجد والده جالسا يتناول وجبة العشاء
عصام :بابا انا فرحى بكرة مش حتقوللى مبروك
والده وهو يأخذ الأرز بالملعقة دون النظر إليه :مبروك
عصام :ياااه يابابا للدرجه دي مش هاين عليك حتى تبصلى وانا بكلمك مش عاوز تشوف ابنك اللى فرحه بكرة مش هاين عليك حتى تقوللى مبروك من قلبك.
والده وهو يترك مابيده وينظر اليه :انت عاوز إيه انت مش عملت ونفذت اللى فدماغك عاوز منى إيه دلوقتي .
عصام :عاوزك تبقى معايا في أجمل يوم فى حياتى مش ده اليوم اللى كنت بتتمناه يابابا
والده:أيوة كنت بتمناه وياما حلمت بيوم فرحك وانى أكون ابو العريس والناس كلها بتهنينى وتقولى الف مبروك وعقبال ماتشوف ولاده
حلمت وانا برقص معاك. اخدك فى حضنى واباركلك من قلبى.
عصام :وهو جه اليوم اهوه وحبقى عريس بكرة يبقى ليه اللى بيحصل ده رافض تحضر فرحى ورافض كمان نيرة تيجى معايا وسايبينى لوحدى حتى حسن صاحبي لما كلمته عشان اعزمه قفل فى وشي السكه ليه ليه كل ده.
والده:أيوة جه اليوم اللى حتبقى فيه عريس بس مش هو ده اليوم اللى انا كنت مستنيه وزعلان اننا مش حنحضر وكمان ليك عين تسأل ليه يعنى كل ده وبتسال ليه تبنى سعادتك على حساب بنت غلبانه كل ذنبها انها وثقت فيك وحبتك وتقول ليه.
عصام :هو احنا حنفضل نتكلم فى الموضوع ده لحد امتى هو انا عملت ايه مش من حقى اختار اللى انا عاوز اكمل معاها حياتى واللا يمكن يكون اعتراض حضرتك عليها عشان هى مطلقه
والده:لا حول ولا قوة الا بالله انت عاوز تركبنى الغلط يابنى انا عمرى قلتلك حاجه زى دى والله العظيم لو حتى معاها عيال فى ايدها وانت عاوزها بس من غير ماتدوس على حد ولا تجرح حد كنت أنا اللى رحت خطبتها لك بنفسي فمتضحكش على نفسك بكلام فارغ على أساس انك متعرفش ابوك.
وبعدين مادمت جبت السيره دى ممكن تقوللى هى ليه أصلا اتطلقت
عصام :عشان بتحبنى ومقدرتش تبعد عنى اكتر من كده
والده:هههههه لاء وانت الصادق ده عشان انت اهبل
عصام :ليه كده بس يابابا اهبل ليه
والده:عشان لو الكلام ده حقيقي كانت عملت كده بعد شهر واللا اتنين واللا حتى سنه مش بعد السنين دى كلها وبعدين هى كانت تعرف منين انك لسه مستنيها واللا حتوافق اصلا انك ترجعلها واللا انت كنت بتكلمها يابنى وهى متحوزه ومتفقين مع بعض وهى على ذمة واحد تانى.
عصام :لا وربنا يابابا انا مكنتش اعرف عنها اى حاجه طول فترة جوازها واتفاجئت بطلاقها أصلا
والده:طلاقها اللى انت متعرفش ايه سببه اصلا
عصام :ماقلتلك السبب يابابا
والده:يابنى انت للدرجه دى اهبل ده لو عيل بيلعب فى الشارع الكلام ده ميدخلش دماغه أصلا
عالعموم ريح نفسك لاانا ولااختك حنشارك فى حاجه زى دى انا مقدرتش ابعدك فيبقى أضعف الإيمان انى مشاركش فيه.
عصام :عالعموم انا حثبتلك وحثبت للكل انى كنت صح فى قرارى.وحتشوفنى وانا سعيد باختياري
يترك والده الطعام ويخبط على كتفه:هو مش انا زعلان منك بس اتمنى انى اشوفك سعيد فعلا ولازم تعرف ان اللى بيشيل قربه مخرومه بتخر على راسه.
وكل واحد بيشيل شيلته ياحبيبي واذا كنت سعيد واللا حزين فده ليك مش لينا.
ثم يتركه ويدخل غرفته فتدخل له ابنته نيرة :بابا
والدها:تعالي يانيرة ياحبيبتى
نيرة:بابا هو انا مش حلبس الفستان اللى اشتريته لفرح عصام
والدها:لا ياحبيبتى مش حتلبسيه لأن خلاص مفيش فرح
نيرة:بس عصام حيتجوز بكرة يابابا
والدها:انتي عاوزة إيه يانيرة لو عاوزة تروحى الفرح اتفضلي روحى انا مش مانعك انا خلاص زهقت من الكلام معاكم فى الموضوع ده واعملوا اللى انتوا عاوزينه بس بعيد عنى.
نيرة:بابا حضرتك متعصب ليه انا بتكلم معاك بالراحه انا والله مش عاجبنى اللى عصام عمله مع شمس وحضرتك عارف انا بحبها ازاى وربنا يعلم انى بعتبرها اختى كفايه ان عمرها مافوتت عيد ميلاد لية الا وكانت تفتكرنى بهديه ووقفتها معايا فى وفاة ماما الله يرحمها وكمان كانت كتير بتخلينى اتفسح معاها هى وعصام وكانت بتجيبلى اللى نفسي فيه
بس حنعمل ايه النصيب كده بس مينفعش يابابا نسيبه لوحده فى يوم زى ده حتى لو غلط بردو مينفعش يكون لوحده.
عشان خاطرى يابابا احنا نروح معاه وبعدين مش يمكن تطلع هاجر كويسه وزى مابيقولوا اللى تخاف منه ميجيش احسن منه وهاجر بتحبه واكيد ربنا جمع بينهم عشان حكمه عنده
والدها:لو كان فيه الخير ماكان رماه الطير
بس تصدقى يابنتى ان انتى عندك حق فعلا
نيرة:الحمد لله انك اقتنعت بكلامي وعرفت انى عندى حق فى اننا لازم نكون معاه يوم فرحه
والدها :ههههههههه لا ياحبيبتى انا مقصدش اللى جه فى بالك انا مفيش قوة فى الدنيا حتخلينى ارجع فى كلامى
نيرة:امال حضرتك تقصد عندى حق فى إيه
والدها:مش انتى قلتى ان ربنا اكيد عمل كده لحكمه عنده
فعلا يابنتى ربنا علمه واسع ويعلم مالانعلم وهو اكيد عالم انى ابنى من جواه مش سليم عشان كده حيبتليه بواحده زى هاجر دى اما شمس فاكيد شايللها حاجه تستاهلها وتستحقها
لأنها بنت أصول ومحترمه وطيبه وجدعه وبجد خسارة فى ابنى هو مايستاهلهاش هو اخره اللى اسمها هاجر دى.
نيرة:خلاص يابابا اللى حضرتك تشوفه
والدها:ترضيها على نفسك يانيرة ترضي ان خطيبك يعمل فيكى اللى اخوكى عمله فشمس
نيرة:.........................
والدها:سكتى يعنى مرديتيش
نيرة :اكيد لاء طبعا يابابا
والدها:طب ومش عارفه ان الساكت عن الحق شيطان اخرس
طب مابالك بقى باللى يشارك فيه.
نيرة وهى ترتمى فى حضن أبيها :حضرتك معاك حق يابابا وانا كمان مش حشارك فى الظلم ده. انا قلبي واجعنى عليها اوى انا كنت بحبها اوى والله وكنت بحسها اختى.
والدها وهو يقبل رأسها :ربنا يبعد عنك اى حاجه وحشه
ثم يدعو الله:يارب يارب انت عالم انى مش راضي عن اللى بيحصل ده يارب متاخدش بنتى بذنب اخوها يارب
يارب بحق قولك ولا تزر وازرة وزر اخرى يارب اكفى بنتى شر اى حاجه وحشه.
نيرة وهى تبكى فى حضنه :انا بحبك اوى يابابا وفخورة بيك اوى حضرتك اعظم اب في الدنيا كلها ربنا يخليك لية يارب
والدها:ويخليكى لية ياعروستى الحلوة.
💖💖💖💖💖💖💖💖💖💖💖
فى الصباح بأحد النوادى الرياضيه
كمال:برافو ياعهد ايوة كده
عهد:تمام كده ياكابتن
كمال:أيوة انتى النهارده تمام يارب تفضلي كده على طول
عهد :ان شاء الله يا كابتن والله معلش بقى الفترة اللى فاتت مكونتش فى المود.
حنين:طب وانا ياكابتن ايه رأيك فية
كمال:تمام يابطله ماشاء الله عليكى ياحنين انتى شطورة
حنين:انا والله طول مانا فى البيت بردو شغاله تمارين
كمال وهو يتجه بنظره ناحية عهد:اه ماشي ياحنين
حنبن:حضرتك انا بتكلم على فكرة
كمال:ايه بتقولي حاجه ياحنين
حنين :سلامتك ياكابتن عن اذنك
تخرج عهد وحنين من الجيم ويمشون كالعاده
عهد:اللى واخد عقلك يانونه
حنين:اللى واخد عقلي مش معايا خالص
عهد:امال مع مين يابطتى
حنين:مش مهم مع مين المهم انه اكيد مش معايا
عهد:مش فاهمه ياحنين انتى بتتكلمى عن مين
حنين:كمال ياعهد بتكلم عن كابتن كمال عرفتى.
عهد : كابتن كمال ماله ياحنين ايه ده انتى بتحبيه مش معقوله
حنين:وليه مش معقول كتير علية ياعهد انى أحبه
عهد:إيه ياعبيطه إيه اللى انتى بتقوليه ده لاء طبعا انا مقصدش كده خالص بالعكس انتى اى حد يتمناكى بس مستغربه مش اكتر
حنين:وإيه وجه الاستغراب فى كده
عهد :مش عارفه بس كابتن كمال بالنسبه لنا او بالنسبه لى انا على الاقل انه زى ايتاذى بالظبط مينفعش نبصله بصه تانيه
حنين:اشمعنى انتى بصيتى لعمر
عهد:عمر ياااه هو فى حد زى عمر اسكتى مقلتلكيش مش خلاص حينزل مصر قريب
حنين:طب وايه المشكله مش انتى بتقولى انه كل فترة بيتزل ويرجع يسافر تانى
عهد:لا المره دى حينزل بشكل نهائى ومش حيسافر تانى خلاص
حنين:بس ياعهد انتى متعرفيش حاجه عن حياته الشحصيه وومكن يكون مرتبط فعلا
عهد:لا ان شاء الله مش حيكون مرتبط وانا حعرف ازاى اقرب منه والفت نظره لية
حنين:عهد انت من امتى بقيتى جريئه كده انتى طول عمرك قطه مغمضه
عهد:خايفه ياحنين خايفه اوى يروح من أيدي انا ممكن يحصللى حاجه لو عمر مبقاش لية
حنين:عهد انا بجد بدأت اخاف عليكى من نفسك اهدى ياحبيبتى مش كده
عهد:المهم دلوقتي انه خلاص قرب ينزل خلاص ياحنين
💖💖💖💖💖💖💖💖💖
يحل المساء ويدخل عصام شقته وهو حامل هاجر على ذراعه ثم يقوم بتنزيلها ويغلق الباب
عصام وهو يقبلها من جبهتها:ألف مبروك ياحبيبتى نورتى مملكتك
هاجر:الله يبارك فيك ياحبيبي مبسوط
عصام :اكيد طبعا مبسوط مش معايا حبيبة قلبي اللى مااتمنتش غيرها فى حياتى كلها
هاجر:ياحبيبي ياعصام ربنا يقدرنى واسعدك وان شاء الله حنبقى أسعد زوحين فى الدنيا كلها
عصام :ان شاء الله ياحبيبتى بس اعملي حسابك انا عاوز من دلوقتى تسع شهور وتكونى جايبالى ولى العهد
هاجر :هههههه بسرعه كده طب مش لما نشبع من بعض شويه عصام :انا عمرى مااشبع منك ابدا ياهجورتى بس نفسي اوى ابقى اب
هاجر:حتبقى احلى اب فى الدنيا كلهت ياحبيبي
عصام :لا انا مش حقدر على كده ثم يحملها الى غرفة نومهم ليبدان حياتهما الزوجيه.
يمر عليهم الليل وهم يعيشان معا تلك اللحظات السعيده التى بنوها على انقاض الاخرين
نسى فى تلك اللحظات من كسر بقلبها وكأنها لم تكن موجوده من الأساس.
كبف له ان يهنأ وهو ينام الآن ويتمتع على ذلك الفراش الذى اختارته هى بنفسها لتكون شريكته فيه ولكنها اختارته لغيرها وهى لا تعلم.
عصام :انا مش مصدق انك بين ايديه معقوله دى انا خايف اكون بحلم
هاجر:لا ياحبيبي اطمن احنا مع بعض وحنفضل مع بعض طول العمر
بينما على الجانب الآخر كانت تلك المسكينه تقضي ليلها فى البكاء على ماوصلت إليه
نعم فبرغم ضحكتها التى تحاول رسمها على وجهها لتخفى حقيقة ماتشعر به من أحزان الا ان جرحها ينزف بشده بل بغزارة على مااصاب قلبها.
تدفن وجهها فى وسادتها وهى منهارة من البكاء.
تفتح عليها خالتها الغرفه فترفع وجهها بيديها تلك الأيدي التى غمرتها بالحب والحنان
فترفع شعرها الذى بللته تلك الدموع من على وجهها
شمس احنا قلنا إيه ياحبيبتى مش قلنا خلاص ووعدتينى انك حتبقى كويسه
شمس:اتجوز النهارده ياخالتو فرحه كان النهارده وزمانه دلوقتى معاها ياخالتو معاها هى
خالتها وهى تحتضنها:خليهم يشبعوا ببعض وان شاء الله ربنا حيعوضك كل خير ياحبيبتى
بس عشان خاطرى متعيطيش ياحبيبتى خسارة فيه دموعك دى متوجعيش قلبي عليكى يانور عينيه.
والله ده ملوش فى الطيب نصيب وان شاء الله ربنا حيوقعه فى شر أعماله.
شمس :غصب عني والله ياخالتو والله غصب عنى
انا حبقى كويسه والله حبقى كويسه حبقى كويسه
ولكنها تنهار من شدة البكاء:بس مش قادرة مش قادرة ياخالتو حموت حسه انى حموت ياخالتو مش قادرة اتنفس حسه انى مخنوقه وروحى بتطلع منى انا مقهورة اوى
هو المفروض كان يبقى معايا انا دلوقتى مش معاها هى
يعنى انا كنت بعمل كل ده عشانهم هما عشان هما يتهنوا ببعض وانا ابقى لوحدى وحيده كده.
يعنى انا كنت بختار الوان الشقه عشانهم كنت بختار الموبيليا عشانهم كنت بقف مع العمال فى الشقه واجى اعملهم غدا واروح اوديهولهم واقولهم لاء اللون ده مش حلو غيروه كل ده كان عشانهم هما ياخالتو عشانهم هما مش عشانى انا
اوضة النوم اللى انا اختارتها بنفسي زمانهم دلوقتى نايمين فيها
والانتريه اللى اتخانقت مع الراجل عشان درجة لونه مكنتش عجبانى حيقعدوا ويتدلعوا مع بعض عليه.
بعنى خلاص كل حاجه بقت ليها هى خلاص
سناء :هونى على نفسك يا حبيبتي فوضى أمرك لله يابنتى
شمس:حسبي الله ونعم الوكيل فيه
انا نفسي اشوف فيه يوم ياخالتو نفسي اوى ربنا ينتقملى منه
حشمت فيه ايوة حشمت فيه غصب عنى بحق اللى عمله فية حشمت فيه بحق ماهو فرحان دلوقتى وانا مقهوره حشمت فيه. منه لله منه لله.
سناء:ياحبيبتى يابنت اختى كان مستخبيلك ده كله فين بس ياربي
اهدي ياضنايا اهدى ياحبيبتى
اخذت تهدئ من غضبها حتى غفت عينها من شدة البكاء
ولكن خالتها لم تقم من جانبها بل ظلت بجوارها حتى الصباح تدعو لها الله ان يزيح الغمه ويخلف عليها خيرا
😥😥😥😥😥😥😥😥😥😥😥😥😥😥😥
فى اليوم التالي
يدخل عصام غرفة النوم وهو حامل الفطار الى تلك التى مازالت نائمه
عصام وهو يقبلها:هجورة قومى بقى بقينا العصر ياحبيبتى
هاجر:يييه سيبنى انام بقى عاوز منى ايه
عصام :حبيبة قلبي انا حضرت الفطار ياللا بقى عشان نفطر سوا انا جعان أوى
هاجر:افطر انت انا عاوزة انام سببنى بقى
عصام:افطر لوحدى ازاى يعنى هو فى عريس بيفطر لوحده بردو يعنى مش كفايا انى انا اللى حضرت الفطار بنفسي افطر لوحدي كمان ده انا مكنتش بفطر لوحدى قبل مااتجوز افطر لوحدى بعد مااتجوزت.
هاجر انتى ياهانم قومى قلتلك انا مش حاكل لوحدى
هاجر:يادى الصباح اللى زى الزفت ايه الارف اللى عالصبح ده عاوز تطفح ماتطفح حد ماسكك.
عصام:ايه الكلام اللى قلتيه ده انتى مدركه انتى قلتى إيه.
هاجر :حبيبي انا اسفه والله مقصدش انت بس فاجئتنى وانا اصلي متعوده اصحى براحتى ومبحبش حد يزعجنى ويصحينى من النوم غصب عنى انا اسفه حبيبي
عصام:هاجر احنا النهارده صباحيتنا وكنت متوقع انك انتى اللى حتقومى من النوم قبلي وتحضرى الفطار وتجيبيهولى لحد السرير ومع ذلك مرضتش اقلقك وقمت انا حضرته بنفسي وجايلك لحد عندك وبعد ده كله تقوليلي اطفح
هاجر:حبيبي متعملش حكايه من مفيش بقى غلطة لسان مش حكايه يعنى وبعدين واضح انك بتشوف أفلام عربي كتير ياعصام.
عصام :لا مش افلام عربي ولاحاجه هو ده اللي المفروض يحصل و شمس كانت قايلالى انها حتعمل كده يوم صباحيتنا.
هاجر:شمس شمس هو كل شويه تقوللى شمس اهى كانت قدامك متجوزتهاش ليه
عصام :عشانك متجوزتهاش عشانك سيبتها عشانك
يبقى ده جزائي انى فضلتك عليها وبعتها عشان اشتريكى
هاجر:عصام حبيبي انت مالك كبرت الموضوع كده ليه كل ده عشان الفطار خلاص ياحبيبي ياللا نفطر سوا.
عصام :لاء خلاص مش عاوز اطفح زى ماقلتى انا نفسي اتسدت ثم يتركها ويغادر الغرفه
تخرج هاجر وراءه سريعا لتدرك ما فعلته ثم تحضنه من الخلف:حبيبي انا اسفه حقك علية انا بحبك أوى
عصام وهو يلتفت لها:وانا كمان بحبك أوى ياهاجر ومش بس كده ده انا بعت الدنيا كلها عشانك اهلى وخطيبتى واقرب صاحب لية.
هاجر:انا حكونلك امك واختك وابوك وصاحبتك وعيلتك وكل دنيتك
عصام :نفسي ياهاجر نفسي تعوضينى عن كل اللى اتخللوا عنى عاوز اثبت للكل انى كان عندى حق فى اختياري.
هاجر بدلع حعوضك ياحبيبي اضحك بقى متبقاش غلس
ياللا بقى تعالى ناكل الفطار اللى حضرته اما اشوف عمايلك ياروحى
عصام:ماشي ياست هاجر ياللا بينا
هاجر وهى تضع الطعام فى فمه:خد ياحبيبي دى من ايدي
عصام:حبيبتى ربنا يخليكى لية
هاجر:ويخليك لية ياحبيب قلبي
😥😥😥😥😥😥😥😥😥😥😥😥😥😥
•تابع الفصل التالي "رواية شمس تتحدي الغيوم" اضغط على اسم الرواية