رواية ازيز الماضي الفصل العاشر 10 - بقلم اسماعيل موسى
10
فى بلاد بعيده يقولون العاشره تابته
أوقف حارس البنايه عماد على الباب
رايح فين يا بيه؟ كان تحذيرى لازال يلمع فى عقله
_طالع عند ناس قرايبى
فى شقه كام يا اوستاذ؟
شقه.. سته ضرب عماد اول رقم دار فى باله
لكن شقه سته فاضيه يا اوستاذ
الظاهر نسيت يبقى شقه خمسه، وبعدين انا واقف فى كمين شرطه ولا ايه؟
لا يا بيه لكن انا هنا الأمن والأمان
_طيب ابعد من طريقى ، هطلع معاك يا اوستاذ لازم اتأكد بنفسى
صعد عماد درج السلم اختفى عن الطريق والحارس خلفه
ثم وقف فجأه
تاخد كام وتقفل بقك
انتفض الحارس، تقصد ايه رشوة!؟ أعوذ بالله، امشى من هنا قبل ما اطلبلك الشرطه
اخرج عماد رزمة نقود، انا مش جاى اسرق حاجه، لكن الراجل ده معاه مستند مهم، ماسك حاجه على بنت عمتى صورها كده استغفر الله العظيم فى وضع مخل وبيبتذها وانت ميرضكش بنات الناس تتبهدل صح؟
اعتبرها بنتك يا اخى!؟
وبعدين هى دقيقه واحده وهنرجع كل حاجه مكانها؟
ولتسريع القصه ساختصر بعض الجمل والمواقف
فتش عماد الشقه مع الحارس وأعاد كل شيء مكانه لم يجد اى شيء وغادر العماره
وحصل الحارس على عشرة الاف جنيه نظير خيانته
.........
طرقت باب شقة حماى، عندما انفتح الباب همس والله زمان يا سامح يا ابنى
معلهش يا عمى مشاغل بقا
أمال فين لبنى؟ لسه زعلانه؟
اكيد زعلانه، دانت نسيتها يا اخى كأنها مش متجوزه
قافل على نفسها الاوضه ومش بتخرج منها
لبنى؟ ممكن تفتحى عايز اتكلم معاكى؟
سمعت ضربه مكتومه فى السرير وبقايا نحيب
مش هتكلم معاك غير لما تنسى كل إلى فى دماغك ده
اطلقت ابتسامه ساخره، بقى دلوقتى بتتفواضى؟
زمامها بتفكر التسجيل وصلها من تليفون مين؟
واذا كنت انا هذا الشخص ام عماد ام غيرى
الشاى يا سامح يا ابنى
شكرا يا حماتى ربما يرزقك حجه ان شاء الله
متزعلش لبنى يا سامح لبنى غلبانه وطيبه وعلى نياتها
حاضر يا حماتى
مش كفايه بقا ونرجع شقتنا يا لبنى؟ قلت لما رأيت سحنة زوجتى اللعينه
ارجع ازاى وانت بتشك فيا؟
على فكره يا لبنى انا كل إلى طلبته منك تردى على تساؤلاتى
انت إلى كبرتى الموضوع وسيبتى البيت
وفى النهايه ايه إلى حصل؟ ولا حاجه
المفروض بين اتنين متجوزين يتنيلو يقعدو مع بعض ويحلو مشاكلهم مع بعضهم
لكن حضرتك، قولتى لوالدك ووالدتك ويمكن الجيران وكل العيله
لكن انا مش هعمل كده يا لبنى لانى غيرك لانى مختلف
تقصد ايه؟ همست لبنى بغضب
نتكلم فى بيتنا احسن يا لبنى؟
لا هنتكلم هنا يا سامح
كان يمكننى مسامحتها، ان اغفر لها اخفاء سر ضخم عنى
لكن عنادها استمراها فى تحدى سلطتى عكر مزاجيتى قتل كل المشاعر الرحيمة تجاهها
انجرح كبريائى وبأت محاولاتى لاكون هادئا إلى بركة مجارى
قذره
ها قول تقصد ايه؟
انا الى بعت ليكى التسجيل يا لبنى مش شخص غريب
تسجيل ايه؟
انتى هتستهبلى؟ قلت بغضب وانا أقرب وجهى منها
الوقت ليس وقت سهوكة يا حبيبه
تحبى اسمع والدك ووالدتك التسجيل ويحكمو ان كان لى حق ازعل ولا لا
زى ما أنتى عملتى بالضبط؟
شعرت بالخوف يغمر قسماتها التى لم يكن لى نفس انظر إليها
انت قابلت هند فين وازاى وصلت ليها
يعنى عرفتى صوت صاحبتك؟
الحمد لله دلوقتى متقدريش تنكري حاجه
انت انسان مريض، مريض والله مريض ___
ابتعلت صرخه تلالأت على شفتى، اعمليلى شاى وتعالى نكمل
ماما عملتلك شاى!
لا انتى شاى والدتك مش بيعجبنى
وهنكمل كلامنا فى شقتنا ، عندك اعتراض؟
انت ليه بتعمل كده؟
اخلصى بالشاى وكفايه مناهده لأنها مش فى مصلحتك وانا صبرى قليل وانتى عارفه
بعد أن صنعت لبنى الشاى تركته على الطاوله دون أن المسه
لمى شنطتك يلا هنرجع الشقه دلوقتى
جلست جوار السائق وتركت لبنى فى المقعد الخلفى
وعندما وصلت العماره رمقنى الحارس بأستنكار
لكنى لم اتحدث اليه وصعدت مع لبنى إلى الشقه
كان كل شيء فى مكانه لكن الأشياء التى حرصت على وضعها بدقه كانت متغيره، عماد زار الشقه
ادينا جينا الشقه، اتفضل قول عايز ايه وتقصد ايه؟
مش عايز حاجه، انا كنت عايز اثبتلك ان شكوكى كانت فى محلها وان ثورتك غضبك كان غلط وانى لما فتشت اكتشفت سر من اسرارك مكنش له لازمه اصلا
الصراحه حلوة يا لبنى وانا مش طالب منك غير الصراحه
•تابع الفصل التالي "رواية ازيز الماضي" اضغط على اسم الرواية