رواية عشق الصعايده الفصل العاشر 10 - بقلم أميرة محمد
الفصل العاشر🦋
بعد يومين من الخطوبه كانت الحاجه نجاه والحاجه انتصار بالاسفل مع تاجر الثياب فقد ارسل له الحاج نعمان ليأتي للبيت من اجل شراء ثياب العرائس.
اخذو الكثير من عبايات المنزل والخروج وملايات السرير وفوط الاستحمام وقمصان النوم في جو من السعاده والسرور
ولم تأخذ رأي بناتها فيما اشترته كاالعاده فهي من تنتقي ثيابهم دائماً نظرا لوجود التاجر بينهم وبعدها قالت لزهره ان تنقل كل ما اشتروه للاعلي لغرفه ليلي وهدي.
ثم قالت للحاجه انتصار
« اكده ياام سالم مفيش حاجه نجصاني من ناحيه جهاز بناتي واصل كل حاجه خلصتها ف الوجت الجصير دياا» فضحكت الحاجه انتصار وقالت
« ايوه مجاعدشي غير الفرح ربنا يتتمو علي خير ان شاء الله»
فقالت لها الحاجه نجاه
« ان شاء الله يا ام سالم ان شاء الله»
اما بالاعلي فكانت زهره تدخل عليهم بالأشياء وهي تغني اغنيه مشهوره لدي اهل الصعيد
« سلم ابوها سلم جاب العفش وتمم»
وبعدها قامت بالزغاريط وليلي تضحك عليها بشده فقالت لهاا
« اجفو اكده عندينا فرح كومان كام يوم يابت منك ليها»
اما هدي فقالت لها
«خبر اي بالعه راديو مهتصدعيشي»
فمصمصت زهره شفايفها كنوع من عدم القبول
فنظرت ليلي لها وقالت
« خلصو اكده ولا امي ناويه تجيب الدنيا كلاتها»
فضحكت زهره وقالت
« لاه ستي نجاه خلصت وجالتلي اطلع الحاجه فوج»
كان سالم ف الأراضي يشرف علي العمل والعمال فجاء جاسر وقال له
« سلام عليكو ياخوي»
فقال له
« وعليكم السلام ورحمة الله وبركاته ياجاسر»
فقال له جاسر
« عايزين نطبعو الكروت ياخوي عشان هنزحمو بعد اكده مهنعرفشي نعدل رجبتنا واصل»
فقال له اخيه
« لاه متجلجش اني جولت للواد مسعود يروح يطبعها»
فقال له
« خير ما عملت ياخوي هتكون الحنه الاربع والدخله الخميس ان شاء الله اكده»
فقال له
«ان شاء الله روح المصنع استلم حج الطلبيه عشان معايا شويه شغل كومان اهنا»
فقال له
«امرك ياخوي تعوز حاجه»
قال له «سلامتك واكمل عمله»
...........................................
قبل الحنه بيومين بعد صلاه الفجر دخلت الحاجه نجاه غرفه بناتها وايقظتهم صلو الفجر وقالت لهم
«اجفو اعملو حلاوه اكده ونضفو جسمكو لاجل ما تحطو الحنه بكره اني جولت للبت زهره هتيجي تعمل معايا متوروشي عورتكو لحد واصل ادخلو اكده اعملو مكانها وغطو نفسكو لاجل مااعملكو باجي جسمكو»
دخلت ليلي أولا وطلعت وهي تكاد تموت من الخجل من امها فهي ترا ان زهره بها الهون عن امهاا كانت تعمل لها امها بدون رحمه ولا شفقه فكانت ليلي تتألم وهي تكتم في نفسها خوفا من امهاا وزهره تنظر لها باستعطاف
خرجت بعدها هدي فكانت كلما تضغط امها تصرخ بصوتها العالي فقالت لها امهاا
«اكتمي اول واحده تعملي ياك متفضحيناش اختك عملت مسمعتش حسها واصل»
فقالت لها
«ما انتي براحه ياامه مش اكده»
فكانت تنصحهم وهي تعمل لهم
« بعد اكده كل خمستاشر يوم تعملو متسيبوش حاجه ف جسمكو واصل لاجل ماجوزك يعرفك نضيفه الواحده تنضف نفسها اكده وتخلي ريحتها كيف المسك علطول جوزك يجول انك نضيفه دايما»
فكانت تسمع ليلي لامها باهتمام اما هدي بلامبالاه انتهت امهم وذهبت وتنفست هدي براحه وقالت
« يجول كانت ماسكه غريبه ف يدها مش بتها»
فضحكت ليلي وزهره عليها
..
اما قبل الحنه بيوم فكانت بما يسمي بالحنه الكدابه وهو يوم تضع العروس الحنه علي جسمها ويديها ورجليها ف جو من الاغاني الصعيديه وكعاده عندهم عدم رؤيه العريس لعروسته اسبوع الفرح فهو يعد كما يقولو فال سيء رسمت رسامه الحنه علي يد ليلي ورجلها واخذتها للاعلي لوضع الرسومات علي جسمها فوضعت رسمه علي اعلي نهدها وواحده علي ظهرها وواحده علي اردافها ولم تضع اكثر من هذا خجلا من كشف اماكن اخري بجسدها
اما هدي فوضعت علي مناطق جسدها وقالت في نفسها «اكده اكده مهيشفهمشي واصل ولا هيجرب مني لغايه ماسالم يبجي جوزي»
............. 🦋🦋🦋🦋
- يتبع الفصل التالي اضغط على (رواية عشق الصعايده) اسم الرواية