رواية صدفة غير متوقعه الفصل الثاني عشر 12 - بقلم نور محمد
رواية صدفه غير متوقعه
الفصل الثاني عشر
في العربيه
فهد: " انتي جيتي امتي
بانه: " انهارده
فهد: " مانا عارف بامراه بيبيعوا اكل هنا
انا قصدي جيتي علي الساعه كام
بانه: " علي الساعه تمانيه تقريبا
بتسأل ليه
فهد: " لا عادي كنت عايز اعرف بس
بانه: " ا...
بانه كانت لسه هنتكلم بس وقفت فاجأه لما سمعت صوت ضرب نار
بانه بخوف:" ايه دي في ايه
فهد بصوت عالي:" انزلي تحت بسرعه
بانه بخوف وتوتر:" هما مين دول ولي بيضربوا علينا نار
فهد بغضب : " قولتلك انزلييي تحت
بانه بخوف نزلت
فهد زود السرعه واخد المسدس بتاعه وبيحاول يضرب نار عليهم
وراح ضارب في كوتش العربيه واتقلبت
بانه قاعدة تحت وبتصوت
فهد: " بتعرفي تسوقي
بانه بقلق: " يعني
فهد بغضب: " يعني ايه يعني دي قولي بتعرفي تسوقي يا اه يا لا
بانه بخوف: " اه
فهد: " تعالي مكاني
بانه: " ازاي
فهد: " تعالي بس امسكي المقود
بانه قامت و مسكت المقود وفهد نط بسرعه للخلف
وبانه قعدت مكانه وبدات تسوق وهي متوترة
كانت مركزه وقلبها كل بيضق جامد من الخوف.
لكن شجعت نفسها و الذكريات القديمه التي تعلمتها عن القياده بدات تظهر
فهد بصراخ: " يلا بسرعه.. خلي بالك من اللي وراكي
بانه حاولت تلاقي اي فرصه للهرب .ركزت في المرايا الجانبيه .وكان صوت الطلقات بيزيد
فهد وهو يضبط مسدسه : " زودي السرعه وحاولي تلاقي اي طريق جابني خشي فيه
بانه: " مفيش اي طريق جانبي
فهد: " طب زودي السرعه
بانه عملت حركة سريعه. انحرفت بالسيارة لتفادي السياره الي جت قدمهم مره واحده
فهد: " مسك المسدس تاني وبدا يضرب بسرعه
انفجرت عجله عربيه منهم وانقلبت لكن لسه كان في عربيه تانيه
فهد بصراخ:" ما تضيعيش وقتك بسرعه
بيشيل المسدس بسرعه وبدا يطلق النار علي السياره الاخيره
لحد ما حصل انفجار كبير
بانه قالت والدموع في عينها من شدت التوتر:" هننجح.
قدرت تسيطر علي السياره وتزيد السرعه
لحد ما بعده خالص عن الانفجار
فهد قال وهو بيمسح العرق عن جبينه وكان واضح من نبرته إنه مش مطمئن لسه :"
مش دي النهايه .لكن علي الاقل دلوقتي احنا في امان
----------
تقى: " هي البت دي اتاخرت كده لي
كل ده بتجيب اكل ده لو كانت بتجيبوا من المريخ كان زمنها وصلت
طب اعمل ايه دلوقتي دي داخله في تلات ساعات
اعمل ايه .. اعمل ايه يارب
فكري يا تقي
بصي انتي مقدمكيش حل غير إنك تنزلي تدوري عليها بس ادور عليها ازي في ساعه زي دي
يلا ربنا يستر
لبست بسرعه ونزلت
وهي نازله شافت......
تقى بصدمه:" انت بتعمل ايه هنا
---------
عند ريان صحي من النوم وهو قلبه مقبوض
ومعرفش ينام
بص جامبه شاف نور نايمه
اخد الموبيل من جنبه وعمل مكالمه
ريان: " الو يا ماما
فيفيان بنعاس: " الو يا حبيبي في حاجه ولا ايه
ريان: " لا بطمن عليكم بس
كلكم كويسين
فيفيان: " الحمدلله ياحبيبي
احنا كويسين طول مانت كويس
ريان: " الحمدلله بقولك اتي اكلم البت بانه لحسن وحشتني اوي
فيفيان بتوتر: " هاا مش هينفع ياحبيبتي أصلها نايمه علشان عندها جامعه الصبح مش عايزه اقلقها من نومها
ريان : " ماشي ياحبيبتي لما تصحي خليها تكلمني
وسلميلي علي بابا
يلا عايزه حاجه
فيفيان: "حاضر يا حبيبي يوصل ,
سلامتك
في رعايه وحفظ الله
ريان قفل مع مامته واتنهد تنهيده صعبه
ولسه قلبه مقبوض حاسس ان في حاجه هتحصل
---------
عند فهد
يلا انزلي من العربيه
بانه: " لي
فهد: " لي ايه انزلي علشان اقعد مكانك اسوق
وانتي تعالي مكاني
بانه: " لا انا عايزه أسوق
فهد:" تسوقي ايه ياماها دلوقتي احنا كنا هنموت من شويه وانتي كل الي يهمك انك تسوقي ايه عجبتك السواقه الي كانت هتموتنا دلوقتي دي
بانه: " علي فكره لولايه كنا ميتين دلوقتي
انا بس اللي عرفت اهرب من الانفجار ده
وانت كنت عمال تصرخ وخلاص
فهد بسخرية و تريقه: " والله
تصدقي عندك حق انتي الي موتيهم وقعدتي تضربي عليهم نار وكنتي بتسوقي باحترافيه وعرفتي تبعدي عن الانفجار وانا كنت قاعد بصوت واعيط صح
بانه: " انت بتتريق
فهد بصوت عالي: " انزلي من الزفت العربيه خليني اتزفت اروحك
بانه كانت لسه هتتكلم قاطعهم
موبيل فهد وهو بيرن
فهد يصلها بخبث وهو بيرد: " الو يا ريان
بانه اول ما سمعت اسمه اتوترت
ريان: " انت فين
فهد: " برا بتسأل لي
ريان: " بتعمل ايه برا في وقت زي ده
فهد وهو بيبص علي بانه: " هبقي اقولك بعدين
المهم في حاجه حصلت هبقى اقولهالك لما ارجع
ريان بقلق: " حاجه ايه
فهد: " لما ارجع بقي هبقي اقولك
ريان: " ماشي
هترجع امتي
فهد: " لا ما انا اول ما هرجع هروح أنام لأن انا تعبان موت
ريان: " ماشي علي الصبح نبقي نتقابل وتحكيلي
فهد: " اشطا سلام
ريان: " سلام
قفل مع ريان وبص علي بانه الي كانت متوترة
فهد بسخرية: " هاا هتنزلي ولا لا
بانه بخوف: " اكيد طبعاً أنا اصلا كنت بهزر معاك
انت بتاخد الهزر جد ولا ايه
فهد بسخرية: " قلبتي فار كده لي
بانه: " فار ايه انا تعبانه وعايزه اروح يلا سوق بسرعه لان زمان تقي قلقانه عليا
فهد: " صبرني يارب
يارب عدي الايام دي علي خير من غير ما اموت حد
بانه: " نينينيني
--------
تقى بصدمه: " انت بتعمل ايه هنا
زين بذهول: " انا اللي بعمل ايه هنا.... انتي ايه اللي جابك
تقى: " جابني الي جابك
زين: " مش ناقص استظراف
تقى: " عموماً اللواء هو الي جابني هنا
زين: " مين ياختي
تقى: " اللواء
زين: " انتي بتستعبطي
ولا بتتكلمي جد
تقى: " استغفر الله العظيم يارب
يابني هو بعتني انا وبانه هنا علي شان المهمه
ارتحت كده
زين: " ومقاليش لي
تقى: " وهي يقولك بتاع ايه
زين: " انتي بتكلميني كده لي
متنسيش اني القائد بتاعك
تقى: " لا حوله ولا قوه الا بالله
يابني انت الي سالت
وبعدين القائد بتاعي في مصر لما كنا في مقر التدريب لكن هنا انا ولا اعرفك ولا تعرفني
زين: " لا يا ماما طول ما احنا في المهمه اللي مش عايزه تخلص دي فانا القائد بتاعك ،
كمل بصوت عالي سااامعه
تقى بخوف: " سامعه
زين: " ايوه كده شطوره
تقى: " ينفع بقى تبعد عن طريقي علشان عايزه امشي
زين: " انتي رايحه فين في ساعه زي دي
تقى: " لا قلت القائد بتاعي واسمع كلامك
ماشي
لكن تتحكم فيا فالامواخذه يعني انت مين علشان تتحكم فيا لا كنت خطيبي ولا جوزي
ولا حتي أبويا
زين: " ايه بلعه راديو
وعلي فكرة انا مش بتحكم فيكي انا بسالك علشان مسئول عليكي لحد مترجعي مصر
ولو خرجتي في ساعه زي دي الله واعلم ايه اللي ممكن يحصل
وكمان في بنت محترمه تخرج في ساعه زي دي
ايه مصدقتي انك مش في مصر علشان تخرجي برحتك احب اقولك أن هنا انيل لو خرجتي دلوقتي ممكن مترجعيش تاني
تقى: " انا برضوا الي بلعه راديو
وبعدين ايه الي هيحصلي
زين: " اخرجي وشوفي ايه الي هيحصلك
انا غلطان اصلا اني بنصحك
تقى بخوف: " ما انا لازم اروح ادور علي بانه هي ممكن تكون حصلها حاجه
زين: " هي بانه كمان معاكي ... وكمان ايه الي نزلها في وقت زي ده
انتم بجد عقلين
تقى: " لا مهي منزلتش متأخر هي نزلت علي الساعه ٩ كده علشان تجيب اكل ولحد دلوقتي لسه مجتش دي داخله في اربع ساعات
زين: " وليه مقلتيش لحد
تقى: " اقول لي مين انا لسه عارفه انك موجود هنا دلوقتي
زين: " قصدي علي ريان أو فهد
تقى: " لا ماهما ميعرفوش اصلا ان احنا جينا
بانه خايفه اخوها يعرف
زين: " ايه الهبل دا ما هو طبيعي هيعرف
انتم متخ..لفين
تقى: " لو سمحت متغلطش
احنا كنا هنعرفوا الصبح
زين بسخرية: " هي هتفرق بكرا من انهارده
تقى: " مش وقته الكلام ده خلينا نروح ندور عليها
زين: " يلا
حرام عليكم بجد انتم جاين تدلعوا
وشكلها كده المهمه دي مش هتعدي علي خير وهنتكشف كلنا
تقى كانت لسه هنتكلم بس شافت بانه داخله ومعاها فهد
تقى بفرحه: " اهي
التف زين وشافها داخله هي وفهد
تقى جريت عليها وحضنتها ... انتي كنتي فين قلقتيني عليكي
بانه: " هبقى احكيلك كل حاجه بس ارتاح الاول بس
زين لي فهد: " هو ايه الي حصل
فهد: " الصبح هحكيلك مع ريان
علشان انا بجد مش قادر وعايز ارتاح
زين: " انت عرفت منين أن هما موجدين
فهد: " يابني هحكيلك الصبح مستعجل علي ايه
زين: " ماشي تصبح علي خير
فهد: " وانت من اهله
ذهب فهد الي اوضته
تقى: " انتي مجبتيش اكل
بانه: " انتي كنتي عايزه !مش قولتي انك عايزه تنامي
تقى: " اه دي كان من أربع ساعات
انا بقالي يجي أكثر من عشر ساعات ماكلتش
ده انا لو كنت صايمه كنت زماني فطرت
بانه: " خلاص يا تقى هجبلك أكل دلوقتي منين
بكرا أن شاء الله نبقى ننزل نفطر
تقى: " انتي أكلتي
بانه: " ايوه
تقى: " ماطببعي تقولي كده ومفكرتيش حتي تجبيلي حاجه اكلها
بانه: " انتي طلبتي
تقى: " والله هو لازم اطلب يعني اتفضلي اتصرفيلي دلوقتي علشان انا جعانه ومش هعرف انام غير لما اكل
بانه: " بقولك ايه انا مصدعه ومش قادره وسعي كده هاروح انام انا وانتي خليكي بقي تندبي في حظك
تقى: " طول عمرك نادله
ومبتفكريش غير في نفسك وبس
بانه: " ماشي انا مبحبش غير نفسي وبس
وسعي كده بقي
زقتها ومشيت من جنبها
تقى: " ماشي يا بانه
ماشي انا غلطانه اصلا اني قولتلك علي فكرتي أننا نيجي هنا لولايه مكنتيش زمانك هنا
زين: " ايه اتجنينتي خلاص
تقى وهي هتعيط: " اسكت انت دلوقتي مش ناقصاك هي
زين: " في ايه بس مالك
تقى: " يرضيك افضل طول اليوم من غير اكل
زين: " اه عادي
تقى: " امشي من وشي
زين: " خلاص انتي هتعيطي ولا ايه
لا خليكي جامد كده انتي هتعيطي من اولها ولا ايه ياوحش
تقى: " انا مبعيطش انا اصلا واقفه معاك ليه أنا ماشيه احسن
زين: " خدي طيب مش عايزه تأكلي
تقى وقفت وبصتلوا بنصف عين
ايه هتاكلني
زين: " اهو ناخد صواب
تقى: " هتجيب منين اكل وبانه قالتلي مش هنلاقي دلوقتي
زين: " تعالي نروح لي اي سوبر ماركت
في سوبر ماركت قريب من هنا وبيبقي فاتح ٢٤ ساعه لان ده فندق سياحي وطبيعي بيكون اي مطاعم أو سوبر ماركت بيبقي مفتوح ٢٤ ساعه
تقى: " مالك واثق كده لي وكمان انت عايزني اخرج معاك لوحدنا في ساعه زي دي
زين: " باماره كنتي عايزه تدوري علي صحبتك في وقت زي ده
عموماً لو مش عايزه برحتك
كان هيمشي
تقى بسرعه: " استني ده انا بهزر
زين : " والله
تقى: " المهم دلوقتي تعالي يلا علشان نلحق نروح نشتري واكل علشان الحق انام لان انا من ساعه السفر منمتش
زين: " يلا ياختي قدامي
ذهبت تقى مع زين وقعدو يدورو علي سوبر ماركت مفتوح
تقى وهي بتتريق: " طبيعي يبقي سوبر ماركت مفتوح ٢٤ ساعه
زين: " انتي بتتريقي الحق عليا اني سايب نومي وجاي مع حضرتك ندور علي سوبر ماركت
تقى: " هو حد اجبرك انت الي قولت
زين: " انا غلطان فعلاً اني كنت عايز اعمل صواب في واحده متستهالش
تقى: " احترم نفسك ياجدع انت
زين كان لسه هيرد بس لمح ماركت مفتوح
زين: " بصي كده
تقى بصت علي مكان الي بيشاور عليه
تقى بفرحه: " ههههه اخيرا لاقينا حاجه مفتوحة
كانت لسه هتنزل من العربيه بس زين قفل المسوجر من عنده
تقى: " انت قافل العربيه لي افتح يلا خلينا نخلص
زين: " اعتذري
تقى: " اعتذر علي ايه إن شاء الله
زين: " علي قله ادبك الي كانت من شويه دي
تقى: " انت قصدك اني قليله الادب
زين: " شوفي انتي بقي
تقى: " انت اللي قليل الادب مش انا
زين: " صح عندك حق
شغل العربية
تقى: " انت رايح فين
زين: " هنروح
تقى: " بعد اللف والدوران ده كله وفي الاخر تقولي نروح بعد لما لاقينا حاجه مفتوحه
انت بتهزر
زين بصوت عالي: " لا مبهزرش
وياريت متنسيش اني القائد بتاعك و بكلمه مني ممكن ارجعك مصر تاني
انتي مش محترماني خالص ولا كاني شغال عندك
تقى بخوف من صوته العالي: " انا اسفه حلو كده
زين بتنهيده صعبه وهو بيسند دماغه علي الكرسي: " انزلي يا تقى شوفي هتجيبي ايه وخلصي
تقى باسف: " انا بجد اسفه
انا عارفه اني اتعملت معاك باسلوب مش كويس من اول ماشفوتك بس انا كنت خايفه علي بانه وانت بتسالني انتي بتعملي ايه هنا
وكمان لما جت مكنتش عايزه تقول ايه اللي حصل وسابتني ومشيت فطلعتوا كله عليك
زين: " مش مبرر يا تقى
عموماً حصل خير تعالي يلا ننزل علشان نلحق نروح علشان الوقت اتاخر اوي
تقى: " مش زعلان مني
زين بابتسامة: " لا مش زعلان
مانا متعود عليكي لما كنت بدربك علشان كده قولتلك مش مبرر لان دي اسلوبك وشخصيتك
تقى: " مخلاص بقي انت هتسوق فيها
زين بزهول: " من تحولها المفاجئ
انتي ملبوسه
تقى: " لا واخلص بقي
زين: " مش قولتلك إن ده اسلوبك
يلا ياختي قدامي
نزلوا من العربيه واشتروا حاجات من السوبر ماركت و روحوا
تاني يوم الصبح
صحيت نور شافت ريان قاعد سرحان مش واخد باله اصلا انها صحيت
نور: " ريان
ريان:" ...
نور: " ريااان
ريان بانتبه: " هااا .. صباح الخير
نور: " صباح النور... مالك
ريان: " مالي
نور: " قاعد سرحان لي عماله انده من الصبح وانت في عالم تاني
ريان بتنهيده صعبه: " مفيش بس كنت قلقان طول الليل حاسس ان في حاجه حصلت او هتحصل
نور بمزاح بتحاول تخفيف من قلقه شويه: "
اكيد طبعاً لازم تكون قلقان انت كنت هتخسر امبارح اهم شخص في حياتك مش هتقدر تعيش من غيره
ريان برفع حاجب: " ياراجل
نور: " اممم... بزمتك كنت هتقدر تعيش من غيري
ريان بضحك: " لا طبعاً ده انا كنت هموت بعديكي
نور بهزار: " ايوه اكيد ...لو كنت وقعت كنت هاخدك معايا علشان مش انت وحدك اللي تنجح في المهمه دي وانا اللي في الاخر خسرت حياتي
ريان: " يااا للدرجه دي شريره
نور بضحكه شريره: " واكتر
ريان طب يلا يا شريره ننزل نفطر
نور: " يلا
خدو شاور ولبسوا ونزلوا تحت علشان يفطروا
---------------
تقى: " يلا يا بانه هنتاخر علي الفطار
مش كفايه امبارح مكلتش
بانه: " يا كذابه اومال مين اللي فضل طول الليل ياكل في الشبسي و الكاندي ده انتي كنتي امبارح جايبه نصف الماركت
تقى: " انتي بصالي في شويه Snaks
كملت بغمزه اومال مين الي امبارح راح مع فهد المطعم
بانه باحراج: " هو اللي قال إنه يعرف مطعم قريب من هنا انا اول مره اجي هنا فمعرفش اي حاجه
وبعدين ما هو اليوم خلص بضرب نار
ده حتي الواحد ملحقش يهدم الاكل
تقى: " مهو ده الي شفعلك عندي لاني انا كنت مش طيقاكي من امبارح وكنت حالفه مكلمكيش
لكن بعد لما حكتيلي بصراحه صعبتي عليا
بانه: " ميصعبش عليكي غالي ياختي
يلا بقي ننزل نفطر
تقى: " يلا
عند ريان
ريان: " انا هشوف فهد يجي يفطر معانا وكمان يحكيلي ايه اللي حصل امبارح
نور: " هو في حاجه حصلت ولا ايه
ريان: " معرفش هو قالي إن في حاجه حصلت وهيبقي يحكهالي لما يشوفني
نور: " تمام
ريان كلم فهد وقالوا إنهم هيستنوا في المطعم
بتاع الفندق
تقى: " هو مطعم الفندق فين
بانه: " مش عارفه تعالي نسال كده
نور: " يلا يا ريان انا جعانه
ريان: " مش نستني اخوكي الاول
نور: " وانا مالي حد قالوا يصحي متاخر
يلا بقي
ريان: " تعالي يا اخره صبري
مسك نور من ايدها وراحوا علشان يقعدوا علي ترابيزه وهما ماشيين خبط في حد
ريان: " انا اس..اتصدم لما شافها قداموا
ريان بصدمه: " انتي بتعملي ايه هنا
بانه بصتلوا بخوف
يتبع.....
بقلم نور محمد
انا كتبت الفصل ده لان انا مش هنزل لغايه لما اخلص الإمتحانات فانا بعتذر لان مش هعرف انزل الفتره اقلي جايه انا اصلا مكنتش هكتب وكنت موقفه الروايه بس كتبت الفصل ده لاني بقالي فتره منزلتش بس بجد الفتره اللي فاتت كان عندي امتحانات والفتره اللي جايه برضو عندي
عايزه اعرف رايكم في الروايه لاني بجد بفكر اوقفها خالص لان محدش بيعلق و عدد التعليقات قلت بس بجد عايزه اعرف رايكم ❤️
•تابع الفصل التالي "رواية صدفة غير متوقعه" اضغط على اسم الرواية