رواية شمس تتحدي الغيوم الفصل الثالث عشر 13 - بقلم عبير سليم
الفصل الثالث عشر من رواية شمس تتحدى الغيوم
بقلمي :عبير سليم
💖💖💖💖💖💖💖💖
تعمل بجد ونشاط لتنهى عملها سريعا حتى لا تترك صديقتها فى مثل هذا اليوم
تاخذ التصميمات التى قامت بتنفيذهاوتتجه سريعا الى مكتب يزيد فتجد على أمامها
على:مالك ياشمس بتجرى كده ليه على مهلك
شمس:معلش اصلي عاوزة استئذن من البشمهندس
على:طبعا عشان تروحى للعروسه عقبالك ياشمس ان شاء الله
شمس:ربنا يخليك يا رب يا بشمهندس
على :سلميلي عليها وقوليلها على بيقولك متنسيش الجاتوه والشيكولاته وانتى جايه
شمس :ياخبر يابشمهندس احلى جاتوه وشيكولاته يكونوا موجودين ان شاء الله
هو احنا عندنا اغلى من حضرتك ومن البشمهندس يزيد
على :ربنا يعلم غلاوتكم عندنا انتوا الاتنين إيه احنا بنعتبركم اخواتنا ياشمس مش ناس شغاله معانا
شمس :ربنا يخليك يا رب والله دى شهاده نعتز بيها
على:التصميمات اللى فى ايدك دى
شمس :ايوة كنت جايباها للبشمهندس عشان ألحق اديهاله بسرعه قبل ماامشي
على:كان بودى اقولك هاتيها ادخلها وامشي انتى بس انتى عارفه هو ببحب كل واحد يقدم شغله بنفسه عشان لو فى اى حاجه
شمس :لا يابشمهندس مفيش مشكله أصلا لسه معايا وقت بس حضرتك عارف ايمان كل شويه تقوللى جايه امتى
على:عارفها زنانه بتفكرنى بالواد انس بالظبط لما يفضل يزن على ودانى بس تصدقى بحب زنها ده
شمس :ايمان دى عسل بموت فيها
على:يابنتى دى الشركه كلها بقت ملزقه من كتر العسل بتاعها هههههههههه ربنا يخليكم لبعض
ياللا بقى ندخل عشان الوقت بيجرى
يدخل على بينما تتحدث شمس الى منى السكرتيرة
منى :شمس هى الخطوبه الساعه كام ان شاء الله
شمس :عالساعه سبعه كده وبعدين يامنون انتى تيجى فى اى وقت احنا فى البيت يعنى عادى مترتبطيش بمعاد معين
منى:ربنا يتمم لها على خير يارب وعقبال مانفرح بيكى ياقلبي ويعوضك خير ان شاء الله
شمس :ان شاء الله يا قلبي
بينما فى الداخل كان على يتحدث إليهم :منورين الشركه ياشباب عاوزين بقى نشوف الهمه ونشوف الشغل
سيف :ان شاء الله يابشمهندس على ده احنا حنبهرك
على:هنا مفيش بشمهندس غير يزيد بس لكن انا تقوللى على عادى انت زيك زى عمر بالظبط
سيف :ربنا يخليك ياعلى
على:امال الأستاذ بتاعنا سرحان فى ايه مش سامع صوتك يعنى فيجدون من يطرق على الباب ويفتحه
على:تعالى ياشمس ادخلى
فتشعر شمس بالاحراج لوجود أشخاص لا تعرفهم
يزيد :تعالى واقفه ليه كانت اعين سيف عليها بينما عمر لم يلتفت لمن يحدثها يزيد
شمس:اتفضل حضرتك يابشمهندس التصميمات اللى حضرتك طلبتها منى
فيقوم يزيد بفتحها امام عمر وسيف :هاه ياشباب قولولي بقى رايكم ايه فى الشغل ده
سيف:تصميمات فى منتهى الدقه والزوايا متحدده بشكل صحيح جدا
يزيد:وانت ياباشا إيه رأيك فى شغل شمس
عمر وهو يلتفت لصاحبة هذا الاسم ونطر إليها :اه كويسه مش بطاله
كانت شمس واقفه لم تنظر لاحد منهم بل كانت تنظر للارض
يزيد :تمام ياشمس الله ينور
شمس سريعا :بشمهندس بعد اذن حضرتك ممكن استئذن وامشي
يزيد :طبعا ده اكيد وتسلميلي عليها وقوليلها الف مبروك
شمس :الله يبارك فى حضرتك عقبال ماتفرح بعشق ان شاء الله
على:اسمها عقبال ماتفرح بانس وعشق واللا انتى عاوزة انس يزعل منك
شمس:ههههههه لا طبعا وانا اقدر ده حبيب قلبي عن اذنكم
فينتبه عمر الى صوتها وض*حكتها ويتتبعها بعينه وهى تنسحب من المكان
تخرج شمس بينما يتحدث عمر اليهم
عمر:انا حاسس انى ش*فتها قبل كده وشها وصوتها مش غريب علية واسم شمس ده كمان متهيألي سمعته قبل كده
على:ايه ده معقوله مش فاكر شمس
عمر:ليه يعنى افتكرها هو انا شفتها فعلا قبل كده
يزيد:ده انت شفتها وكمان اتخا*نقت معاها ياباشا
سيف:ايه ده مع ان شكلها كيوت اوى دى شبه البسكوته
على:سيف
سيف :مقصدش والله انا بس مستغرب ان حضرتك يابشمهندس بتقول اتخا*نقت وهى شكلها هادى كده
على:اولا قلتلك مااسميش حضرتك وبشمهندس اسمى على متز*علنيش منك
وثانيا هى اتخا*نقت مع الاستاذ اه بس بادب واحترام ماهى شمس مش زى نوعية البنات اللى هو ميعرفش غيرهم
شمس دى نموذج للبنت المؤدبه المحترمه
عمر:استنى استنى انا افتكرت مش هى دى البنت اللى كانت فى حفله عيد ميلاد عشق صح ايوة هى بس كان شكلها صغير اصغر من كده
يزيد:طبعا كان شكلها أصغر من كده مش من خمس سنين وقتها كان عشق عندها سنتين
عمر:بس ياعم دى ادتنى كلام زى السم وكنت ماسك نفسي عنها بالعافيه عشان الحفله متبوظش
سيف :لاء احكولى بقى انا اتشوقت اعرف الموضوع
عمر:خبطت فية وهى ماشيه وليه وليه وقعت عليها العصير شرشحتلى وفضلت تعك بكلام كتير مفمهتش منه حاجه لولا تدخل يزيد وعرفنا على بعض وهى خدت بعضها وجريت ومشيت من الحفله صح يايزيد مش ده اللى حصل
يزيد:هههههههههه يانصاب هو فعلا ده الموقف اللى حصل لكن السيناريو مختلف تماما
سيف :مانا عارف صاحبي هههههههه ده اكيد هو اللى هز*اها وقاللها انها اللى وقعت العصير مش هو.
على:فعلا ده اللى حصل شمس كانت لسه يادوب داخله الحفله وبتسلم علينا والاستاذ ده مدينا ضهره وفجأه التفت لينا وراح قالب العصير كله على فستانها
سيف:اوبه يامعلم فاضحنا كده فى كل حته وتلاقيك طبعا قلتلها تعالى اقل*عى الفستان واغسلهولك راحت ضر*باك قلم على وشك
يزيد:وانا اللى بقول عليك عاقل اقسم بالله انتوا الاتنين اهبل من بعض
قوموا شوفولكم اى مكتب اقعدوا غنوا فيه وردوا على بعض لحد مااشوفلكم شغلانه تشتغلوها.
سيف :ههههههههه اسف والله مقصدش بس انا أصلي عارف صاحبي كويس ونفسي اعرف الانسه عملت إيه لما وقع عليها العصير اكيد طبعا غلطت فيه ومسحت بيه الأرض
على:شمس استحاله طبعا يابنى شمس دى مفيش حد فى ادبها ولا اخلاقها وبتتكسف من خيالها بس المتخلف ده بدل مايعتذر هز&اها وقاللها انتى عاميه مبتشوفيش
وهى ردت عليه بمنتهى الادب والاحترام انا طبعا مش فاكر نص الحوار دى حاجه من سنين بس اللى فاكره ان لولا تدخل يزيد ومحاولته لفض الاشتباك كانت الحفله باظت وهى طبعا اخدت بعضها ومشيت على طول
ومن وقتها محضرتش اى مناسبه لينا وكل مانعزمها تعتذر
سيف :ياعينى دى اتعقدت بقى
بس غريبه دخلت دلوقتى ومبانش عليها انها فكراه
يزيد:شمس مااخدتش بالها منه اصلا لأنها مبترفعش عينها فى راجل وانا بصراحه مرضتش أعرفها بيكم دلوقتى وهى مستعجله قلت خليها وقت تانى
سيف :معقوله لسه فى بنات مؤدبه كده
عمر:يابنى دى تلاقيها بس بترسم الدور
على:لا طبعا ترسم ايه وتشخبط إيه شمس دى مثال للأدب والأخلاق
وياللا اتفضلوا قدامى عشان اعرفكم باللى فى الشركه واشوفلكم اى مكان تقعدوا فيه
عمر:انا متهيألي اننا بنتهزا واللا انت ايه رايك
سيف :ايه لا نتهزا ايه بس ياعم ده احنا بنطرد بس
💖💖💖💖💖💖💖💖💖💖
بعد خروج عصام من العمل يصطحب زوجته الى بيت ابيه كما اتفقا
يدق جرس الباب فتذهب نيرة لفتحه
نيرة:عصام ازيك ياحبيبي وحشتنى أوى
فيحت&ضنها عصام ويق*بلها :انتى وحشتينى اكتر يانونه تعالى ياهاجر ادخلى
نيرةمش حتسلمى على هاجر
نيرة وهى تمد إليها يدها:أهلا ياهاجر اتفضلوا واقفين ليه انا حدخل انده بابا حالا
بابا يابابا
والدها:خير يانونه مين اللى كان بيخبط
نيرة:ده عصام ومراته يابابا
والدها:عصام ومراته وإيه اللى جابهم
نيرة:جايين أكيد عشان يزورونا يابابا ربنا يخليك يارب بلاش تكسفهم دول فى بيتنا وميفعش نهي*نهم
والدها:طب اطلعى ليهم وانا جاى وراكى
نيرة:بابا جاى حالا وحشتنى اوى ياعصام ازيك وعامل ايه
عصام :انتى وحشتينى اكتر يانونه ثم يمسك بيد هاجر :وانا مبسوط اوى عقبالك ياحبيبتى
يخرج والدهم:سلام عليكم
عصام:وعليكم السلام ورحمة الله وبركاته ازيك يابابا عامل إيه وصحتك أخبارها إيه
والده:الحمد لله بخير
هاجر :ازى حضرتك ياعمى
والدها:الحمد لله نشكر ربنا على كل حال
عصام :بابا انا جايب هاجر عشان تسلم عليك وبصراحه كده وحشنى اوى اكلكم وقلت نتغدى كلنا سوا
والده :اهلا بيكم البيت بيتكم قومى يانيرة حضري الغدا ياحبيبتى
نيرة :بقولك إيه ياهاجر ماتيجى تقفى معايا في المطبخ
هاجر:اه مفيش مشكله
تدخل هاجر المطبخ مع نيرة لتحضير الغداء بينما كان عصام يحاول التحدث الى ابيه فى الخارج
عصام :بابا الله يخليك انا مش حقدر اشوف حضرتك زع*لان منى كده علطول انا سعيد ومبسوط اوى يابابا ونفسي تبقى راضي عنى
والده:كل واحد بيعمل اللى يريحه واللى بيشيل قربه مخرومه بتخر على راسه وبعدين انت مش صغير انت راجل وكبير ومسئول عن قراراتك يابنى
عصام :طب عشان خاطرى اديها فرصه تقرب منكم والله حتحبوها اوى دى بتحبكم اوى
والده :ربنا يعمل اللى فيه الخير
بدأت نيرة تضع الطعام على السفرة بمساعدة هاجر وجلسوا جميعا لتناول الغداء
نيرة:كنت واحشنى اوى ياعصام
عصام :انتي اكتر ياحبيبتى عامله ايه طمنينى عليكى واخبار الدراسه ايه
نيرة:كله تمام اختك شاطرة انت عارف
عصام :طبعا ده اكيد طالعه لاخوكى
نيرة:مفيش حاجه حلوة كده جايه في السكه
عصام :هههههه حبيبتى هو احنا لحقنا لسه شويه
والده:الا قوليلي صحيح يابنتى هو انتى عندك ولاد من جوزك الاولاني
هاجر وقد تفاجئت من السؤال :ولاد لاء معنديش منه ولاد
والده:ايوة بس انتوا كنتوا متجوزين فترة طويله ازاى معندكمش ولاد يبقى اكيد كان فى سبب من عندك او من عنده واللا ايه
عصام :بابا إيه الكلام اللى حضرتك بتقوله ده
والده:وهو إيه اللى انا قلته هو مش انا من حقى يبقى عندى حفيد واللا انا غلطان
عصام :ايوة يابابا بس الكلام. ده سابق لاوانه احنا لسه عرسان
والده:لو انت كنت اول بختها كان حيبقى معاك حق وكان حيبقى عيب علية لو فتحت سيرة الموضوع من اساسه لكن ولا مؤاخذه ياهاجر انتى كنتى متجوزه قبل كده ومش شهر واللا سنه لا دى سنين وسنين ومفيش راجل وست بيكونوا متجوزين فترة من غير مايفكروا فى الخلفه حتى لو كانوا مبيط*يقوش بعض فلما يقعدوا سنين وميكنش معاهم ولاد يبقى اكيد فى سبب واللا انا غلطان ياابنى
يسكت عصام ولا يستطيع الرد فهو لم يسأل هاجر فى هذا الموضوع من قبل
فينظر لهاجر وينتظر منها الاجابه على ابيه
هاجر وهى رافعه راسها للاعلى :ومين قال لحضرتك انى مخلفتش
والده:لا اله الا الله هو انا مش لسه سائلك وقلتى معندكيش ولاد
هاجر:أيوة انا قلت معنديش ولاد حاليا لكن انا فعلا خلفت ياعمى
عصام باستغراب:خلفتى بس انتى مقلتليش حاجه زى دى قبل كده
هاجر وهى تب*كى:عشان انا مبحبش اتكلم فى الموضوع ده ومبحبش افتكر اللى حصل انا كنت مخلفه ياعمى وولد كمان لكن للاسف ما*ت وهو عمره اربع سنين اهئ اهئ
وانا نفسيتى مبتستحملش انى اجيب سيرة الموضوع ده او افتكره
عصام وهو ينظر لوالده نظرة عتاب :حقك علية ياحبيبتى هو دلوقتي فى الجنه وان شاء الله ربنا حيكرمنا ويعوضنا
والده:حقك علية ياهاجر انا مقصدش طبعا افكرك بحاجه زى دى انا كنت عاوز استفسر بس
هاجر :لا اطمن ياعمى انا سليمه مفييش حاجه وانا مخلفه قبل كده يعنى اقدر اخلف تانى وتالت ورابع
ويارب تكون حضرتك ارتحت عصام معلش انا تعبانه وعاوزة اروح
عصام :ماشي ياهاجر
يستئذن والده ويسلم عليهم ويأخذ هاجر ويمشي
نيرة:انا اسفه يابابا بس حضرتك ليه عملت كده حضرتك احرجتها وهى فى بيتنا
والدها:انتى حتعومى على عومهم انتى كمان هو انتى فاكرة ابوكى اهبل يعنى ومش عارف بيقول ايه واللا إيه
يابنتى انا عارف كل حاجه من قبل مااسالها.
نيرة:مش فاهمه يابابا يعنى حضرتك كنت عارف انها خلفت قبل كده وابنها ما*ت
والدها:طبعا سألت وعرفت واللا تكونى فكرانى مراية الحب عميانى عن كل حاجه زى اخوكى صحيح انا مش راضي عن اللى عمله بس انا بردو سألت الناس اللى يعرفوا كل حاجه عنهم وعرفت انها خلفت بس بنتها اللى ما*تت مش ابنها زى مابتقول
نيرة:يعنى بنتها ما*تت وابنها عايش انا مش فاهمه حاجه
والدها:لا يابنتى هى مخلفتش غير بنت بس وماتت وبعديها علطول اتطلقت ورجعت
نيرة:طب ليه هى بتقول ولد مش بنت
والدها:ههههههه خبث ولؤم ياحبيبتى عشان يعنى تفرحنى انها بتخلف صببان فانا بقى افرح وانسى انها خلفت قبل ماتتجوز ابنى وماقالتش.
نيرة:طب معلش يابابا لما حضرتك عارف كنت بتسالها ليه
عصام :لانى كنت متاكد انها ماقالتش لاخوكى حاجه عن بتها اللى خلفتها وما*تت فكنت عاوزه يسمع بودانه وكمان كان لية غرض تانى بس محصلش وانا محبتش ازود فى الكلام اكتر من كده وسيبتهم على راحتهم
نيرة :كنت عاوز تعرف ايه يابابا تانى
والدها:يعنى واحده بتها تمو*ت وبعدها تطلق وترجع بلدها
يبقى ده معناه إيه
نيرة:معناه ان ممكن تكون معرفتش تخلف غيرها وجوزها مثلا كان عاوز يتجوز فطلبت الطلا*ق
والدها:وجايز تكون هى السبب فى مو*ت بتها عشان كده اطل*قت وان بعض الظن اثم
نيرة:معقوله دى طب لما حضرتك عرفت كل ده مقلتش ليه لعصام يابابا
والده:أولا يابنتى انا عرفت الكلام ده قريب ده بعد ماحاولت كتير اوصل لحد يعرفهم ماهى تقريبا ملهاش حد وبعدين عصام اخوكى يابنتى طول عمره صوته من دماغه مبيسمعش لحد والصوت الواحد غلطاته كتيرة وهو للأسف حبه ليها عميه عن اى شئ ولو كنت قلته مكنش حيتغير الموقف فى حاجه انا بس كنت عاوز اكشفها ادامه بس هى عملت الشويتين دول عشان اطلع انا اللى وحش ويبقى ليها حق انها متجيش تانى
نيرة:بابا هو حضرتك بتعرف كل ده ازاى
والدها:هههههههههه وهى الشيبه دى عالفاضي ياحبيبتى ده عمر وسنين وياما شفت يابنتى والدنيا ياما بتعلم
واخوكى لسه ياما حيشوف ويتعلم وعلى راى المثل اللى معلمهوش اهله بكرة تعلمه الايام والليالي💖💖💖💖💖
تدخل الشقه وهى تب*كى:شفت باباك عمل فية ايه وبهدلنى ازاى انا الحق علية انى سمعت كلامك ورحت معاك
عصام :حبيبتى حقك علية متزعليش منه اكيد هو مكنش يقصد الكلام هو اللى جاب بعضه
هاجر:اهئ اهئ انا مش بحب افتكر الموضوع ده اعصابي بتتعب
عصام :خلاص ياحبيبتى اهدى محصلش حاجه وان شاء الله ربنا حيعوضك وتمليلنا البيت ده عيال
هاجر:ان شاء الله يا حبيبي
💖💖💖💖💖💖💖💖💖💖
فى منزل إيمان
تعلو اغانى الأفراح والزغاريد فى جميع انحاء البيت تعم الفرحه على أهلها كانت ايمان شديدة الفرحه بهذا اليوم الذى طالما تمنت ان ياتى وها هو اليوم تتم خطبتها على ذلك الانسان الذى هواه قلبها
إيمان :حلو الفستان علية ياشمس
شمس :حلو بس قولى تحفه يجنن طبعا مش زوقى يابنتى
إيمان :ربنا يخليكى لية ياقلبي تعرفى ياشمس انا مش مصدقه نفسي خا*يفه اكون بحلم معقوله النهارده خطوبتي مش مصدقة اخيرا اخيرا ياناس حفرح زى كل البنات
شمس :حبيبتى انتى ست البنات كلهم خللى عندك ثقه فنفسك
إيمان :حبيبة قلبي يا شموستى
شمس :ربنا يهنيكى يارب ياحبيبتى
يدخل والدها وياخذها لأهل خطيبها وتجلس بجوار خطيبها
حسن :بسم الله ماشاء الله إيه الجمال ده كله
إيمان :ربنا يخليك
كانت شمس تساعد والدة إيمان فى تقديم الحلويات للضيوف
والدة شمس:منحرمش منك يا شموسه عقبال ماافرح بيكى ياحبيبتى يارب
شمس:ربنا يخليكي يا رب ياطنط
تبدا فى تقديم الحلوى للضيوف فتسمع احداهن وهى تتحدث للاخرى
يااختى جايه الخطوبه ولابسه ومتشيكه ولا كان فى حاجه حصلت
الأخرى :بنات اليومين دول مافيش فى عينهم حيا ولا ادب
فترد عليها:الله أعلم بقى خطيبها سابها قبل الفرح ليه دول مخطوبين بقالهم سنين كانت الشقه جاهزة من كله
وانوا عازمين الناس ياترى حصل ايه يخليه يسيبها ده اكيد حاجه كبيرة.
الأخرى :الله اعلم يااختى ده انا بنتى اللى كانت مخطوبه معاهم اتجوزت وخلفت ودول كانوا رايحين جايين مع بعض وبيشتغلوا مع بعض كمان
فترد عليها:وهو فى حد زي بنتك اسم النبي حارسها وصاينها من المدرسه على بيت عدلها على طول لا لفت ولا دارت مش كل يوم والتانى راجعه فى نصاص الليالى
الاخرى:ربنا يستر على وليانا ملناش دعوة ربنا يسهل لعبيده
تسمع شمس هذا الكلام والد*موع تجرى على خديها فبرغم صوت الموسيقى الا ان صوتهم كان يرن فى اذنها
لم تحتمل اكثر من ذلك وكانت الخطبه على وشك النهايه فقررت الانسحاب سريعا قبل ان تراها ايمان وتعكر صفوها فى هذه الليله
تعود المنزل وتدخل وتغلق خلفها الباب
سناء:حمد الله على السلامة يا شمس متاخرتيش يعنى ده انا قلت مش بعيد تباتى عندها
شمس:لا ياخالتو مانتى عارفه الخطوبات العائليه بتخلص بسرعه
سناء :مالك يابنتى فى حاجه
شمس :حاجه حاجة ايه ياخالتو لا مفيش حاجه
سناؤ:علية انا الكلام ده مالك ياقلبي حد ضا*يقك بكلمه واللا حصل حاجه
فترتمى شمس فى اح*ضان خالتها وهى ت*بكى بمرارة:اااه تعبت ياخالتو خلاص انا تعبت بقى ربنا يا*خدنى عشان استريح
سناء:لا حول ولا قوة الا بالله مالك يابنتى استغفرى ربك كده واحكيلي قوليلى فهمينى ايه بس اللي حصل.
شمس :كل ما بحاول انسى اللى حصل واقول خلاص عاوزه اعيش حياتى زى اى واحده واقنع نفسي ان ده نصيب وانا مش أول ولا آخر واحده يحصل معاها اللى حصللى لازم حد يفكرنى والجر*ح يتفتح من الأول تانى هى لعنته دى مش حتخرج من حياتى حتفضل لعنته مطاردانى كده علطول انا تعبت والله تعبت خلاص
سناء:طب فهمينى ايه اللى حصل
شمس:الناس بتتكلم ياخالتو سمعتهم بودانى بيتكلموا وبيشككوا فى اخلاقى وبيقولوا ياترى سابها ليه بعد السنين دى كلها
سناء :قطع لسان اللى يجيب سيرتك بكلمه منك لله ياعصام منك للت خليت سيرتنا على كل لسان ربنا ينتقم منك
ثم تحت*ضنها:مت*عيطيش ياحبيبتى ربنا مش حيسيبك وحينصرك ان شاء الله وحيجيبلك حقك
💖💖💖💖💖💖💖💖💖💖
فى اليوم التالي فى داخل الشركه
يبدأ عمر وسيف بالتجول فى الشركه والتعرف على الموظفين وتحديد مهامهم التى سيقومون بها داخل الشركه
مياده وهى تتحدث لاحدى الموظفات :واو مين دول يااختى
حبيبه :اللى على اليمين ده اسمه عمر اخو البشمهندس يزيد
اما اللى جانبه اسمه سيف بيقولوا صاحبه
والاتنين حيشتغلوا معانا فى الشركه
مياده:امال كانوا مستخبيين فين قبل كده ده انااول مرة اشوفهم
حبيبة:عشان انتى جديده هنا لكن فى ناس كتيرة هنا عارفه البشمهندس عمر بس هو أصله كان مسافر برة وبيقولوا انه رجع وحيستقر خلاص
يلاحظهم عمر وسيف فيتجهان نحوهم
عمر:انتوا واقفين كده ليه مش المفروض كل واحده فيكم تبقى فى مكتبها
مياده وهى تنظر له بجر*اة:ده وقت الراحه حضرتك يعنى من حقى اعمل اللى انا عاوزاه
عمر:اه قلتيلي بقى وانتى اسمك ايه
مياده:مياده اسمى مياده
عمر:اسمك حلو اوى
مياده :اسمى بس اللى حلو
عمر:هههههههه لا وانتى كمان حلوة اوى
سيف : اللهم صلى على النبي دى القعده هنا شكلها حتبقى حلوة اوى
فياتى عليهم على:شكلكم اخدتم عالناس اللى شغاله معانا اهوه
تتحرك حبيبة سريعا من مكانها استحياء من على بينما تظل مياده واقفه مكانها لم تتحرك بعد
على:تعالوا قدامى مكتبكم جهز ياللا عشان تشوفوا حتعملوا ايه
عمر:ماشي ثم يتوجه بالحديث لمياده:حنكمل كلامنا بعدين ياعسل
فتنظر له مياده بجر*اة وتتحرك من امامه فينظر عمر لاثرها
سيف:عينك يخرببيتك لو على كان لسه كان هزاك
عمر:بزمتك مش حلوة
سيف :هى حلوة الصراحه بس نظراتها جر*يئه شويه
على بصوت عالى من بعيد:ماتخلصوا بقى يخرببيت معرفتكم السوده
سيف وعمر:ههههههههه
يتجهون للمكتب ويجلس معهم على لتوضيح طبيعة عملهم
فى موقع العمل
شمس وهى تتحدث الى أحد المهندسين بالموقع :الشغل ماله بطئ كده ليه يابشمهندس
المهندس :ليه بس يابشمهندسه ماالناس شغاله اهيه
شمس :لا يابشمهندس الشغل بطئ المفروض النهارده كنا خلصنا اكترنص الشغل
يابشمهندس مينفعش كده بصراحه الوضع ده مينفعش لو البشمهندس يزيد لو جه مش حيحصل كويس
البشمهندس :خلاص والله يابشمهندسه انا حشد على العمال شويه
وفجاة يسمعون صر*اخ شديد وارتطام على الأرض تفز*ع شمس من المشهد :أحد العمال يسقط من احد الطوابق العاليه على الارض
حاله شديده من الهلع بين العمال
شمس:اطلبوا الإسعاف بسرعه مفيش وقت
تأتي الاسعاف بسرعه وتركب معه شمس السيارة هى واحد المهندسين وتتجه سيارة الاسعاف إلى احدى المستشفيات الخاصه المتعاقدين معها لرعاية العاملين بالشركه
يدخل العامل سريعا الى غرفة العمليات بينما كانت شمس منها*ره على ذلك العامل
يزيد فى المكتب يباشر عمله فيجد اتصالا من شمس
يزيد:ايوة ياشمس
شمس وهى تبكى:بشمهندس ممكن حضرتك تيجى على المستشفى بسرعه
يزيد :خير ياشمس إيه اللى حصل
شمس:واحد من العمال وقع من دور عالى وهو دلوقتى فى العمليات
يزيد :انا جاى حالا
فيجرى سريعا لاخبار على فذهب معه على وسيف وعمر لمعرفة ماحدث
يذهبون سريعا يدخلون المستشفى ويتجهون حيث جلوس شمس
فيجدها الجميع فى حالة انه*يار شديد
يزيد:شمس
شمس وهى منها*ره:الحقنى يابشمهندس انا خا*يفه اوى
على:اهدى ياشمس الله يخليكى ان شاء الله خير
شمس :خا*يفه عليه اوى خا*يفه يحصلله حاجه
سيف:طب متعمليش فى نفسك كده ياانسه ان شاء الله تعدى على خير
يزيد:انا عاوز اعرف ده حصل ازاى ده اهمال المفروض اننا مامنبن كويس عشان محدش من العمال يحصلله حاجه
ازاى الكلام ده حصل
على وهو يوجه كلامه للمهندس المصاحب لشمس
ممكن تفهمنى ازاى اللى حصل ده حصل اصلا انت فين ودورك ايه عشان عامل يتعرض للسقوط وانت موجود
المهندس:والله مااعرف انا كنت واقف بتكلم مع البشمهندسه واتفاجئنا باللى حصل
يزيد:تعدى بس على خير ونطمن على الراجل الغلبان ده وبعدين نشوف اللى حيحصل واللى غلط ياخد جزاؤه
كان عمر ينظر لشمس دون التفوه بكلمه فقط كان متعجبا من حالة الحزن والانهيار التى هى فيه وكأن من بالداخل شخص يهمها امره او عزيزا عليها وليس مجرد عامل بالشركه
يخرج الطبيب من غرفة العمليات ويظهر على وجهه الحز*ن الشديد.
💖💖💖💖💖💖💖💖💖💖💖💖
•تابع الفصل التالي "رواية شمس تتحدي الغيوم" اضغط على اسم الرواية