رواية ازيز الماضي الفصل الرابع عشر 14 - بقلم اسماعيل موسى
..ازيز_الماضى
لبنى انتى مصدقه الكلام إلى انتى بتقوليه ده؟ وكان قريب منها للدرجه التى يسمع فيها أنفاسها بوضوح، انه متيقن ان امرأه تحسن الكذب لا يمكن أن تكون زوجه له..
انت ليه مش عايز تصدقنى؟ لو كانت نيتك انك متصدقنيش من الأساس ليه منحتنى الاختيار؟
افتكر انك قلت انك قد كلمتك يا سامح
انا قد كلمتى يا لبنى، اذا كنتى بتقولى الحقيقه او عايزه تقولى الحقيقه هتفضلى مراتى
يوة، صرخت لبنى انا قولتلك الحقيقه كلها، متفقتش معاه
حسيت انى بحبك انت اكتر، وانى مش عايزه غيرك انت
جلس سامح مره اخرى، صالب قدميه كان نفسى تقولى الحقيقه يا لبنى
اديتك اكتر من فرصه وانتى مصره تكدبى
انت بتكدبنى بالعافيه يا سامح؟
قولتلك على إلى حصل كله مش مصدق براحتك
انا هرجع عند والدى والى انت عايز تعمله اعمله
بس افتكر انك مكنتش راجل معايا
لأنك انسانه كدابة، همس سامح ببرود، مش قادره تقولى الحقيقه
سامح انا عند والدى ومش هرجع غير لما تعرف نفسك عايز ايه
مش هترجعى تانى يا لبنى، انتى ملتزمنيش
انت ازاى بتقول كده؟ انت انسان جبان وكداب
وانا مش هسيب حقى يا سامح، وهعملك زى ما عملتنى
لانك خاين يا سامح، خاين ومش راجل والمحكمه هتفصل ما بينا
هديكى كل حقوقك من غير محكمه با لبنى، خلينا نخرج بالمعروف وبلاش مشاكل
لا، وحياة امى لجرجرك فى المحاكم، انتى بتتهمنى بهتان وزور
بتطعن فى شرفى ولازم تدفع التمن
بلاش يا لبنى همس سامح وهى تجر حقيبتها نحو الباب
متكلمنيش مش عايزه اسمع صوتك تانى
_________
رفعت لبنى قضية على سامح فى المحكمه وبعد شهر كان موعد الجلسه
طلبت لبنى كل مستحقاتها ونفقه للضرر وفشل محامى سامح فى إيجاد حل وسط
بعد أن اطلع القاضى على أوراق القضيه وقبل ان ينطق الحكم
طلب سامح ان يجلس مع زوجته على انفراد مدة خمس دقائق
وكان سامح هاديء مثل عادته
لو عايز نتصالح مش هنتصالح انا هخد كل حقوقى غصب عنك يا سامح
انا مش قاعد معاكى علشان نتصالح يا لبنى، انتى هتتنازلى عن القضيه وعن كل مستحقاتك ومش هتاخدى منى مليم واحد
ودا ليه أن شاء الله؟ صرخت لبنى بغضب
علشان تحافظى على سمعتك وعلشان مفتحش بقى بسرك
سر ايه يا ابو سر؟
اخرج سامح هاتفه، بصى كويس يا لبنى
كانت لبنى جالسه على طرف السرير مع عماد لا يفصل بينهم سوى شبر واحد، قبل أن يتعانقا
ها تحبى اكمل؟ القاضى هينطق الحكم دلوقتى تحبى نكمل؟
غادر سامح الغرفه والمحكمه بعد أن القى على لبنى يمين الطلاق
وأمام القاضى تنازلت لبنى عن كل طلباتها ومستحقاتها
انتهت
يتبع الفصل كاملا اضغط هنا ملحوظه اكتب في جوجل "رواية ازيز الماضي دليل الروايات" لكي تظهر لك كاملة
•تابع الفصل التالي "رواية ازيز الماضي" اضغط على اسم الرواية