رواية شمس تتحدي الغيوم الفصل الخامس عشر 15 - بقلم عبير سليم
الفصل الخامس عشر من رواية شمس تتحدى الغيوم
بقلمي :عبير سليم
💖💖💖💖💖💖💖💖
يعود يزيد الى المنزل وبصحبته عمر وسيف الذى رغم انتقاله الى شقته الا ان يزيد يصر عليه بين الحين والآخر أن يأتى معهم إلى المنزل لتناول وجبة الغداء
يدخلون المنزل فيجدون هاله وشاكر وعهد وعاليه وعشق جالسين فى انتظارهم يتحدثون
يزيد:السلام عليكم ورحمة الله وبركاته
فيرد:وعليكم السلام ورحمة الله وبركاته
شاكر:حمد الله على السلامة يا ولاد
يزيد:حمد الله على سلامتك انت ياحاج ثم يقبل على يديه ليقبلها:والله وجودك وسطنا وقعدتك بيننا أحلى حاجه فى الدنيا كلها
شاكر :ربنا يخليك ياحبيبي وميحرمنيش من وجودكم حوالية
ثم يتقدم يزيد نحو حبيبته ويسلم عليها كالعاده
بينما يجلس سيف وعمر حيث كان كاشر عبوس الوجه لا يتحدث إلى أحد فى حين كانت عهد تنظر إليه بين الحين والحين كان سيف أيضا ينظر إليها بين الحين والآخر
قام الجميع للتجمع حول المائده بينما أجلس يزيد عشق على قدمه ليؤكلها فى فمها
وكان أيضا لايتغافل عن محبوبته التى كان يحرص على وضع الطعام فى فمها
عاليه :حبيبي كل انت انا باكل والله انت جاى تعبان ومحتاج تاكل كويس ومتتعبش نفسك عشان ترتاح
يزيد:حبيبتى انا لما بشوف بابا صحته كويسه وماما مهتميه بيه وواخده بالها منه فينظر إليه عمر نظرة تنم على غضبه من هذه الكلمه ولكنه يكتم غيظه
ثم يستكمل يزيد كلامه ولما الاقيكى انتى وعشق كويسين انا كده حرتاح وحكون بخير
عاليه:ربنا يريح قلبك ياحبيبي يارب
شاكر:مالك ياعمر من ساعة مادخلت وانت لا ويلنا بوزك ومنطقتش بكلمه هو حصل حاجه فى الشركه
عمر:اسأل البيه ابنك اللى نزلنى وجابنى بالاجبار عشان يقرطسنى ويخلينى مرمطون
شاكر:ايه الكلام ده ياعمر فى ايه يايزيد عمر زعلان ليه وايه معنى الكلام اللي بيقوله ده
يزيد وهو يضع الطعام فى فم عشق :بابا حضرتك بتثق فية واللا لاء
شاكر :أكيد طبعاً بس ايه علاقة ثقتى فيك بالكلام اللي عمر بيقوله ده يعنى هو ملوش لزمه واللا إيه لازم تدى لأخوك وضعه يابنى
عمر:قلله يابابا ده مخلينى تحت امر حتة بت لا راحت ولاجت متعقده من عيشتها بتتحكم فية وبتعرفنى الصح من الغلط باينلهاعاوزة تطلع عقدها علية
يزيد وهو ينزل عشق من على قدمه:عمر اتكلم بأدب شمس من اكفا المهندسين عندنا وشغاله معانا من سنين وفاهمه هى بتعمل إيه كويس
عاليه:فعلا ياعمر انا اعرف شمس كويس دى ماشاء الله عليها فى الشغل وطول عمر يزيد بيثق فيها جدا
عهد:ايوة بس عمر ليه شخصيته ومينفعش حد يتنطط عليه
عاليه:عهد اسكتى انتى ملكيش دعوة ومتدخليش فى اللى ملكيش فيه
فتشعر عهد بالاحراج
عمر:هو حرام يعنى ان حد يدافع عنى واللا ايه انا مش فاهم الصراحه انا حاسس ان كل اللى فى البيت هنا ضدى
كانت هاله لا تشاركهم الحوار على الإطلاق لأنها تعلم جيدا موقف عمر منها ولاتدرى بماذا سيتفوه لسانه اذا نطقت بحرف ولذلك فهى تفضل السكوت دائما أثناء تجمعهم وتشغل نفسها بأى شئ عدا مشاركتهم فى الحديث
شاكر:سيف ممكن انت تفهمتى حقيقة الموضوع
سيف: عمر مصر اننا نشتغل مع شركة......... للمقاولات وعشان يثبتلهم اننا حنكون محل ثقه منهم حدد معاد قريب لتسليم الشغل وشمس من رأيها ان ده غلط وحيكلف الشركه مبالغ كتيرة خصوصا وان على كلامها ان الشركه دى معندهاش هزار وان فى حالة تأخير الاستلام يوم واحد بتطبق الشرط الجزائي
ولما قاللها عمر انه حيخللى العمال يشتغلوا ساعات اضافيه طبعا رفضت وحصل بينهم مشاده لولا تدخل على
شاكر:وانت ايه رأيك فى الكلام ده يايزيد
يزيد:رأيي طبعا ان شمس معاها حق فى كل كلمه قالتها انا لما طلبت من البيه انه يشتغل معاها مكنتش بلعب ولا مسلمه لواحده تلعب بيه زى مابيقول انا خليته مع شمس اللى فاهمه الشغل كويس وكانت حتساعده وتلفت نظره لحاجات هو بحكم بعده عن مصر فترة ميعرفهاش
شركتنا الحمد لله سمعتها زى الطبل بس كلمة شرط جزائي تخسف بيها الأرض وتخللى كل الشركات تنعدم ثقتها فينا
وفى شركات كتير منافسه لينا فى السوق نفسها تسحب البساط من تحت رجلينا
نيجى احنا بقى بدل مانعقل ونفكر ونتخذ قرارات تكون فى صالح الشركه لاء ده احنا عشان كبرياءنا وكرامتنا متتهزش قدام حد لازم نكابر ونعند ونرمى تهم على الناس بالباطل
واللا ايه رأى حضرتك يابابا
شاكر:عمر يابنى اسمع كلام اخوك الله يخليك افهم الشغل كويس وبعدين اتصرف زى ماتحب
دى بيوت مفتوحه يابنى الشركه مليانه عمال وموظفين بيوتهم مفتوحه من الشركه
السوق ملوش كبير وياما ناس كانت فاكرة ان محدش يقدر يهزها دلوقتى ولا حد فاكرها اصلا يبقى نبطل مكابرة ونعقل الأمور
عمر وهو يخبط بيديه على السفرة :يعنى خلاص حكمتوا علية انى فاشل ولازم واحده هى اللى تمشينى
وبقى عمر دلوقتى هو اللى حيهد الشركه ويشرد العمال والموظفين وحيخربها
بقيت انا الغلط والكل صح خلاص تمام انا بقى مش قاعدلكم فيها
شاكر بغضب :انت بتعلى صوتك علية ياعمر هى دى اخر تربيتى ليك هو ده جزائى انى سيتك تعمل اللى انت عاوزه ومضغطش عليك فى حاجه
ثم يمسك قلبه بيديه:اااه مش قادر
يجرى عليه الجميع:بابا اهدى عشان خاطرنا احنا محتاجينك اوى
شاكر بصوت ضعيف:هاله طلعينى فوق انا تعبان مش قادر اقعد هنا
عمر وهو يقبل يديه :بابا الله يخليك متزعلش منى انا اسف خلاص والله حعملكم اللى انتوا عاوزينه بس متزعلش منى ارجوك بابا انا مقدرش اعيش من غيرك
شاكر:ساعديني ياهاله فتمسك هاله بيديه والدموع تغرق وجهها ولما لا وهو زوجها وحبيبها وكل مالها فى الدنيا
يدخلان غرفتهما فيلتفت شاكر لها :هاله انتى بتعيطى ليه ياحبيبتى
هاله :خايفه عليك ياحبيبي خايفه عليك اوى
شاكر :ليه بس مانا زى الفل اهوه
هاله:زى الفل ازاى وانت لسه كنت تعبان تحت
شاكر:اطمنى انا كويس انا مش تعبان ولا حاجه بس كان لازم اعمل كده عشان انهى الموقف مكنش ينفع استنى لحد ماولادى يمسكوا فبعض
هاله :يعنى انت كنت بتمثل علينا
شاكر:اه صحيح مانتى متعرفيش اصلي انا ياستى وانا صغير كان عندى موهبة التمثيل وكان نفسي اوى ابقى ممثل لكن طبعا لو كنت قلت كده قدام ابويا الله يرحمه كان طخنى عيار وقاللى انت عاوز تطلع مشخصاتى وتجبلنا العار ياولد
بس فضلت الموهبه جوايا وبتطلع وقت اللزوم
هاله :حرام عليك ياشاكر وقعت قلبي كنت حسه ان قلبي حيقف
شاكر :سلامة قلبك ياقلب شاكر
هاله :هههههههههه حبيب قلبي ياناس
شاكر:لاء بصي صوتك واطى لسه تحت مسمعوش عاوزك تضحكي كمان عشان الجيران والمناطق المجاورة تسمع بالمرة ويعرفوا انى كنت بمثل
هاله :انا بحبك اوى ياشاكر انت اجمل راجل فى الدنيا
شاكر:حبيبة قلبي ربنا يخليكى لية ياست الكل
هاله:اتاري الواد أنس مش جايبه من برة اتاريه طالع حبيب لجده
شاكر:طبعا مش بيقولوا العرق يمد لسابع جد
هاله :هههههههه
شاكر:تانى بردو يادى النيله علية
هاله:مش قادرة وربنا ماقادرة حتجننى ياقلبي
شاكر:طب اتجننى بس من غير صوت
بينما فى الأسفل كان يزيد يتحدث إلى عمر:عاجبك كده
كان حيبقى إيه الحل دلوقتى لوبابا حصلله حاجه
عمر:بعد الشر عنه ده انا افديه بعمرى
خلاص يايزيد اعمل اللى انت شايفه صح وانا ححاول اتأقلم مع الوضع بس اقسم بالله لو البت دى مااحترمتش نفسها ولزمت حدودها معايا لحكون طابق فى زمارة رقبتها
يزيد:طب اهدى بس على نفسك وبعدين يااهبل ده انت اخويا اللى عاوزه يبقى احسن الناس ثق فية ياعمر وصدقنى مش حتندم
عمر:ماشي يا يزيد ثم يحدث نفسه :اندم ده إيه ده انا اللى حندمها عاليوم اللى اشتغلت فيه فى الشركه وحنشوف انا واللا هى
سيف:انت رحت فين يابنى
عمر:هاه لا ماابدا معاكم
عهد :طيب انا بعد اذنكم حستئذن
يزيد:لسه بدرى ياعهد ماتقعدى ياحبيبتى وانا ابقى اوصلك
عهد:لا ياابيه انا لازم اروح عندى مذاكرة كتير
سيف:طب انا ماشي ممكن اوصلك فى طريقى ده بعد اذنكم طبعا
يزيد:مفيش مشكله ياسيف بس توصلها لحد باب البيت
سيف بفرحه:ده اكيد طبعا
حزنت عهد بينها وبين نفسها وتمنت لو ان عمر عرض عليها هذا الامر
استجابت لرغبة سيف وخرجت معه لركوب سيارته
سيف وهو يفتح لها باب السيارة:اتفضلي ياعهد
عهد:شكرا يا بشمهندس سيف
سيف :عهد بلاش بشمهندس دى قوليلي سيف بس ممكن
عهد:ايوة طبعا ممكن اوى
يركب وهو فى منتهى السعاده فلاول مرة ستأتي له الفرصه ليتحدث معها بحريته اخذ يحاول فتح عدة موضوعات معها وهى كانت تتجاوب معه فى الحديث كانت تتكلم بشكل عفوى بدون تكليف مما زاد اعجابه بها وتاكده من براءتها وحسن أخلاقها ولكن اكثر مالفت نظره هو تعمدها ذكر اسم
عمر بن الحين والآخر
وقفت السيارة فى احدى إشارات المرور وهما يتحدثان وبتبادلان الضحكات
بينما وقفت بجوارهم سيارة يعرف من بداخلها هذه الفتاه
نعم انه الكابتن كمال كان ينظر بجانبه فلمح عهد من داخل الزجاج وقبل ان يلتفت اعاد النظر سريعا فتأكد من شخصيتها جيدا
كمال:مش معقول عهد ايوة هى عهد بس مين اللى هى راكبه معاه ده انا عمرى ماشفتها مع حد غير اخوها انا عارفه كويس لكن ده مين
فتحت اشارة المرور وقد قرر كمال ان يتبعهم ليعرف الى اين تذهب معه
استكمل سيف حديثه إليها حتى وصلا امام الفيلا
عهد:مش حتنزل تسلم على ابيه على
سيف :لا والنبي كفايه علينا السلامات اللى فى الشركه
عهد :ميرسي أوى على التوصيله دى
سيف :انا اللى لازم اشكرك على الوقت الجميل اللى قضيته فى الكلام معاكى بجد انا مبسوط اوى
عهد :ميرسي ياسيف
تنزل من السيارة وتشاور له مع السلامه ثم تنطلق للدخول للفيلا
بينما يظل كمال واقفا امام الفيلا يحدث نفسه:ياترى مين ده ياعهد لا مش ممكن عهد محترمه لايمكن يكون حاجه من اللى فدماغى بس حيكون مين طيب ماهو لو كان قريبها كان دخل معاها لكن ده مشى على طول
ظل يحدث نفسه كالمجنون حتى قرر أن ينطلق بالسيارة
💖💖💖💖💖💖💖💖💖💖
فى احدى المناطق الشعبيه التى تدل طابعها على بساطة من يقطنون بها نجدها تجلس بجوار زوجها على الفراش حيث كان طريحا عليه يقاوم تلك الآلام التى تؤلمه فى ظهره تقوى من عزيمته وتؤنسه وتشد من ازره:نورت بيتك ياحبيبي ألف حمد الله على سلامتك ياابو زياد
وليد :الله يسلمك يا امل ربنا يخليكي لينا يا رب
امل:ويخليك لينا ياقلب أمل
وليد:حتقل عليكى ياامل حقك علية
أمل وهى تقبل يديه:تتقل علية طب انا عاوزاك تتقل عالاخر وادلع زى ماتحب ياسيد الناس
وليد:سيد الناس فين بقى وانا خلاص بقيت زى خيال المئاته وانتى لسه صغيرة ومستحرم أظلمك معايا واحكم عليكى تعيشي مع واحد عاجز
أمل والدموع تجرى فى عينيها:وليد انت جوزى وحبيبي ونور عينيه انا عشت معاك احلى ايام حياتى انت اول فرحتى قلبي عمره ماعرف طعم الحب غير معاك انت فى عينيه ياحبيبي انا لو مشالتكش الارض اشيلك بين رموشي انا نفسي اخدك فى حضنى واخبيك من الدنيا كلها
اطمن ياابو زياد ياغالي انت مقامك عندى عالى اوى انا لو حلف اشحت فى الشوارع وامد ايدي للناس حعملها لكن مشوفش دمعه واحده من عنيك انت سيدى وتاج راسي وحتفضل كده لاخر يوم فى عمرى
ثم يسمعون دقا على الباب فتقوم أمل بوضع حجابها على راسها والذهاب لفتح الباب
أمل :بشمهندسه شمس اهلا بحضرتك نورتينا والله
اتفضلي يابشمهندسه
شمس:سلام عليكم ياامل عاملين ايه
أمل :بخير فى نعمه الحكد لله ياخبر ايه اللى حضرتك شايلاه ده كله ده كتير اوى
شمس:بلاش غلبه وشيلي عنى وخدى بالك فى حاجات عاوزة تدخل التلاجه
أمل :يالهوى ده حضرتك مكلفه نفسك اوى ده كتير اوى والله مش كفايه اللى حضرتك عملتيه معانا واحنا فى المستشفى
شمس :متقوليش كده ياامل الناس لبعضيها
أمل :طب اتفضلي يابشمهندسه وليد جوة اتفضلي
يحاول وليد ان يعتدل فى جلسته عند سماع صوتها فيتعبه ظهره
شمس :خليك زى مانت متتعبش نفسك الله يخليك
وليد:خطوة عزيزة والله بس حضرتك تعبتى نفسك ليه بس
شمس :فى ايه ياجماعه هو انتوا مش عاوزنى اجى واللا ايه
امل:يالهوى ده البيت نور وربنا بس يعنى ولامؤاخذه مش قد المقام
شمس :عيب عليكى والله عامل ايه ياوليد طمنى عليك
وليد :الحمد لله والله
شمس:اطمن باوليد البشمهندس متابع مع الدكتور واول مايقرر عمل العمليه حنعملهالك على طول
بس لحد ماده يحصل الدكتور قال مينفعش تنام كده لازم نتحرك على كرسي وبكرة ان شاء الله حيجيلك الكرسي
وليد:كرسي بتاع العجزة يعنى انا خلاص بقيت مشلول وحتحرك على كرسي ياريتنى كنت مت قبل ما كان جه اليوم ده
أمل :الف بعد الشر عنك وتسيبنا لمين ياوليد تسيبنى انا وابنك لمين ياحبيبي ده احنا غلابه ملناش حد غيرك
شمس :وليد انا مقدرة الحاله النفسيه اللى انت فيها بس انت مؤمن بربنا وعارف ان المؤمن مصاب وربنا دايما بيحطنا فى ابتلاءات عشان عاوز يشوفنا حنصبر ولا حنكفر ونياس من رحمته ونسلم نفسنا للشيطان
وانا عاوزاك تبقى قوى واتاكد ان ربنا حيقف جمبك وان شاء الله حتعمل العمليه وتخف
وليد :يارب يارب
شمس :الله امال فين القمر بتاعنا عاوزة اشوفه وحشنى اوى
تذهب امل لاحضاره بينما تعطى شمس مظروفا لوليد
وليد:ايه ده يابشمهندسه
شمس:ده مرتب الشهر بتاعك باعتهولك البشمهندس
وليد:انهو شهر مانت قبضت مرتبي خلاص
شمس:اعتبره اى شهر ياسيدى واعمل حسابك كل شهر حجيلك ان شاء الله بمرتب شهرك لحد ماتقف على رجلك وترجع شغلك تانى دى أوامر البشمهندس
وليد:بس ده كتير اوى يعنى تعالجونى وتصرفوا علية كمان لا الله يخليكى انا مش حاخد الفلوس دى ويعطيها لها
شمس:وليد انا مليش فيه انا مجرد مندوب من الشركه مش اكتر انا عبد المامور ثم تضع المظروف تحت المخده
أمل :معلش اتاخرت عليكى تم تضع امامها العصير وتحمل الصغير على كتفها
شمس :ايه اللى انتى جايباه ده هو انا غريبه
امل :ماغريب الا الشيطان وبعدين هو احنا جالنا ايه من الغرب
شمس وهى تحمل عنها الصغير :بسم الله ماشاء الله ربنا يبارك فيك ويحميك يارب سبحان الله ياوليد نسخه منك
أمل :ماهو من كتر حبى فيه طلع شبهه مش الناس بتقول كده
فتتذكر شمس سريعا بعض مواقفها مع عصام
عصام:اعملى حسابك انا نفسي فى ولاد كتير عاوز البيت يتملى ولاد
شمس :ههههههههه بس على شرط يبقوا كلهم شبهك
عصام :والله لو بتحبينى اكيد حيبقوا شبهى
شمس :اشمعنى يعنى
عصام :عشان انا بسمع ان اللى تحب جوزها الولاد يطلعوا شبهه
شمس :ده لو على كده بقى دول كلهم حيبقوا نسخه منك
عصام :بتحبينى للدرجه دى ياشموستى
شمس :بحبك ده ايه قول بعشقك بموت فيك عصام انت الهوا اللى انا بتنفسه
عصام وهو يقبل يديها :ربنا يقدرنى واسعدك ياحبيبتى
تفيق على صوت أمل :هاه حضرتك قلتى إيه
شمس :ايه كنت بتقولى حاجه
امل:اللى واخد عقلك يتهنى به
شمس :معلش انا حستئذن خدى بالك من جوزك ياامل ولو احتاجتى اى حاجه كلمينى
أمل :فى عينيه من جوة ثم تقبل الصغير وتعطيه لأمه
تغلق خلفها الباب وتتجه لزوجها
وليد:خدى ياامل
أمل :ايه ده يااخويا
وليد:فلوس باعتها البشمهندس
أمل :ربنا يعللى مراتبه كمان وكمان ويديه مايحرمه
يالهوى ده انا نسيت ثم تجرى على الخارج
فيضحك وليد عليها:ربنا يكرمك يابشمهندسه يارب ويديكى على اد نيتك الطيبه
تدخل عليه امل بالاكياس:شفت والنبي جابت معاها ايه
تفتح الاكياس فتجد حلويات وبسكوتات للصغير وفواكه ولحوم ودواجن واسماك وزيت وارز ومكرونه ودقيق
أمل :دى جايبه المحل كله وجايه دى حاجات تكفينا اكتر من شهر ربنا يكرمك يا، ب ياشمس يابت حوا وادم
💖💖💖💖💖💖💖💖💖💖
يحل الليل على الجميع ويسدل ستائره بالاهات وعذاب البعد والحنين للبعض وينعم على البعض الاخر بالسعاده والهناء تنطفئ الانوار ويكسو الهدوء، الشوارع والبيوت
ولكن هناك من قلوبهم هائجه لا تنام ولا تغفل لها عين يؤرقها انين الحب ولوعته تحاول المجاهده ولكن أين المفر والبعض الاخر هائما فى حبه الذى يجعله مغيب فى عالم اخر لايشعر بمن حوله ولا يرى سوى احباؤه
يمر على البعض بطيئا كمر السنين وعلى البعض يكون مثل الحلم الذى يستغرق ثوانى ويبدأ النهار ينشق من ظلمته رويدا رويدا ليعلن عن ظهوره واحتلاله للكون حتى تمتلئ الارض بنور ربها وتعلن الشمس عن ميلاد يوم جديد
نشغل فيه انفسنا بالعمل حتى نهرب مما حولنا
فى مكتب يزيد
على:انا مش مرتاح للى فدماغك يايزيد انت عارف عمر كويس مش عمر اللى حيسمح لواحده انها تمشي كلامها عليه
يزيد:بشروا ولا تنفروا ياعلى
على:يارب ياسيدي والله انا نفسي فى اللى فدماغك وده شئ يسعدنا كلنا بس ياترى حيسعده هو
يزيد:سيبها على الله وقول يارب
على:يارب
تطرق منى الباب عليهم وتدخل وهى تضحك
على:مالك يامنى هو فى حد بيزغزغك
منى:ههههههه هههههه اسفه والله بس مش قادرة حموت
فيضحك على ويزيد على ضحكها
يزيد:ربنا يفرحك ياستى بس انطقى وقولى فى ايه
تمسح منى دموعها من كثرة الضحك:اصل اصل ههههههههه
على:يادى النيله وربنا احنا مشغلين معانا شوية مجانين احنا فشركه واللا فكباريه ماتتكلمى الله يخرببيتك
منى:حاضر حاضر اصلى كنت رايحه ادى لشمس الورق اللى حضرتك قلتلي عليه لقيت ايمان بتتخانق مع البشمهندس عمر جاي يخرج راح داخل فى عامل البوفيه والشاي اتكب عليه وهو عمال يصرخ ومنظره صعب أوى ههههههه
يزيد وهو ينتفض :يانهارك اسود وعماله تضحكى من الصبح الله يخرببيت سنينك
يجرى عمر وعلى فيتفاجان من ايمان تتحدث اليه طب اقلعه وانا اغسلهولك
عمر:اقلعه مين يامتخلفه انتى كمان
على:فى ايه ياعمر فيرى على المنظر فيضحك هو الآخر :ههههههههههه ايه ده هو انت منشن انت كمان
العامل:والله مااخدت بالى يابيه انا لسه داخل بالشاي لقيت البشمهندس فى وشي والصينيه وقعت عليه
عمر:كله من المتخلفه دى انا مش عارف بتجيبوا البهايم دى منين
إيمان وهى تتحدث ليزيد :بص يابشمهندس انا مردتش اعمل عقلي بعقله عشان خاطر حضرتك اه لكن يهيننى وربنا ماحسكت ان شالله حتى اترفد اه كله الا كرامتى
عمر:جتك اوى لما يأويكى منك لله ياشيخه ودينى مانا سايبك
يجرى سريعا للخارج ويدخل مكتب على ويغلق الباب ويخلع البنطال سريعا
فيدخل على وراءه :ههههههههه اهم حاجه طمنى على مستقبلك حصلك حاجه
عمر:اتشويت ياعلى اتشويت اقسم بالله لجيبها من شعرها الجذمه دى
على:ايمان انت وقعت تحت ايدها يابنى دى عسل كريم كراميل سكر
عمر:والله انا ماعارف شركه دى واللا حديقة حيوان عمالين تدلعوا فى الناس اللى شغالين كأنهم هما صحاب الشركه دول ليهم اهميه فى الشركه اكتر مننا
والبت دى حتترفد يعنى حتترفد ويانا ياهيا فى الشركه
على:طب اقعد على مانتصرفلك فى حاجه تروح بيها واحكيلي بالراحه حصل ايه
والله العظيم ماحصل حاجه يابشمهندس هو اللى داخل علينا بظرابينه وبيقول ياشر اشتر
هو حضرتك مش ده مكتبي وحضرتك مقعدنى هنا مع شمس
يزيد:ايوة طبعا
إيمان :طب هو ليه فيه انه يحكم علية امشي من هنا
يزيد:لاء طبعا بس هو مش حيعمل كده من نفسه انتى اكيد عملتى حاجه ضايقته
إيمان :ابدا مانت عارفنى طيله وغلبانه ومبفتحش بؤي بكلمه
يزيد:ايمان الكلمتين دول تقوليهم لحد غيري مش لية اللى ربى خير من اللى اشترى احكى ياايمان وانا حصدقك انا عمرى ماكدبتك
إيمان :أصيل وربنا يابشمهمدس
ماشي دلوقتى شمس قالتلي انها رايحه الموقع تمام وبلغتنى ان الاوراق اللى فى الدرج محدش يفتحها ولا ييجى جمبها وقالتلي كمان ان منى حتجيب اوراق احطها فى الدرج واقفله كويس لحد ماتخلص فى الموقع وترجع عالساعه اتنين وتخلص شغلها
دخل البشمهندس عمر على المكتب علطول ولقيته عمال يخبط ويرزع
عملت نفسي مش واخده بالي لقيته بيوجهلى الكلام وبيطلب منى افتح الدرج قلتله لاء مينفعش شمس امنتنى على الدرج بتاعها
هو بقى مسكتش فضل يشتم فى شمس ويقول المعقده اللى عاوزة تعقد الشركه كلها والاوراق دى متخصهاش ده شغلنا كلنا وانا صاحب الشركه دى ومن حقى افتح اى مكتب واى درج
واتهجم علية يابشمهندس وكان عاوز اهئ اهئ مش قادرة اتكلم مش قادرة
يزيد:يانهارك اسود كان عاوز ايه
إيمان :لا متخليش عقلك يروح بعيد حضرتك هو بس كان عاوز يضربنى ويفتح ادراجى بالعافيه ويدور عالمفتاح طب بزمتك يرضيك الكلام ده مش دى يبقى اسمها خيانه للأمانه
يزيد:تصدقى بالله ياايمان انا ماعارف انا ساكت عليكى ليه
ايمان :عشان انت أصيل
يزيد:طب قليلي بامانه وانا والله ماحفتن عليكى هى شمس قالتلك متديش الاوراق لعمر بالتحديد
إيمان :لا وربنا يابشمهندس هى كانت بتتكلم بصفه عامه
يزيد:سيف مجاش هنا
إيمان لا ماشفتوش النهارده شكله مجاش
عمر:طب انا لية طلب عندك ممكن بعد اذنك تنفذيهولى
إيمان :يالهوى ده حضرتك تؤمرنى ياباشا احنا لينا بركة غير حضرتك
يزيد :عاوزك تلطفى الجو شويه بين عمر وشمس ممكن
إيمان :ياااه بس كده من عينيه
يزيد:ايمان انا مش بهزر وانا عارف انك جدعه
إيمان :ماشي بس لية عندك طلب
يزيد:عاوزة ايه يازفته
إيمان :عاوزة اخرج بكرة بدري شويه من الشغل
يزيد:ليه ان شاء الله
إيمان :حسن مسافر بكرة وعاوزة اروح أوصله
حسن :هو انتى لحقتى تطفشيه من البلد
إيمان :ههههههههههه عسل وربنا هو بيشتغل فى شرم الشيخ وبييجى فى الاجازة
يزيد :ماشي حاضر اى خدمه تانى
إيمان :تشكر ياباشا روح بس الحق اخوك زمانه ياعينى بيعيط وربنا يستر عليه بقى
يزيد:انتى بتقولي ايه ياتحفه انتى
إيمان :لا وربنا مقولت حاجه
بينما فى مكتب على يتصل عمر على سيف فيجد هاتفه انتظار
عمر:ياترى انت فين انت كمان وبتكلم مين عالصبح كده انا مش عارف مجاش ليه ده كمان
عشان عشان
عهد:عشان عشان ايه مالك ياسيف فى حاجه
سبف:لا ابدا والله انا كنت رايح الشركه بس حسيت مليش نفس اروح النهارده عشان كده مرحتش
عهد :طب انت بتتصل علية خير
سيف :لا ابدا والله انا بس قلت اطمن عليكى وخفت اكون قلت كلمه كده واللا كده ضايقتك منى واللا حاجه فقلت اشوف يعنى
عهد :لا ابدا والله بالعكس انت لذيذ اوى ولو انا كنت اتضايقت منك فى حاجه مكنتش اديتك رقم تليفونى
سيف :انتى نازله الكليه
عهد :ايوة كمان ساعتين كده
سيف :طب تحبي اعدى عليكى اوصلك
عهد :شكرا ربنا يخليك حنين صاحبتى بتعدى علية بنروح سوا
سيف :طيب ماشي ويغلق معها الهاتف
سيف لنفسه:انت اتهبلت فى ايه مالك لما تشتكيك دلوقتى لعلى واللا لعمر يبقى شكلى ايه انا دلوقتى
سيف احترم نفسك واعقل كده
بس اعقل ازاى وانا من يوم ماشفتها خطفت قلبي بس ياترى هى ممكن تحس بية وبمشاعري ناحيتها
💖💖💖💖💖💖💖💖💖
تأتي الساعه الثانيه ظهرا وتدخل شمس الشركه وتتجه نحو مكتبها فيستوقفها صوته الجهورى
هو محدش مالى عينك فى الشركه دى واللا إيه
شمس:نعم حضرتك بتكلمنى أنا
عمر:امال حكون بكلم مين بكلم نفسي
شمس:يمكن مااحنا احيانا كتير بنكلم نفسنا
عمر:ده بالنسبه للمرضى النفسيين اللى زيك لكن الناس الطبيعيه حتكلم نفسها ليه
شمس :ومين قال لحضرتك انى مريضه نفسيه
عمر:ده انتى مريضه ومعقده وعاوزة تطلعى عقدك علينا بس العيب مش عليكى العيب على اللى سايبينك تعملى اللى انتى عاوزاه كانها العزبه اللى ورثتيها عن باباه الباشا
شمس بهدوء:والله اللى بلغ حضرتك انى معقده ومريضه نفسيه هما اللى مرضى نفسيين كانت تتحدث وهى ترمى بعينيها حيث تقف مياده تتنصت عليهم وتريد التشفى فى شمس
وبعدين ياريت كان عندى عزبه وانا كنت قعدت معززة مكرمه ولميت الايجار كل شهر وادى اوامر وانا حاطه رجل على رجل مش اروح بنفسي واقف فى وسط العمال عشان اطمن عالشغل بنفسب وابقى اد الثقه اللى ايدهالى ولى نعمتى وبالمرة احلل لقمة عيشي
وبعدين الناس المتحضرة ياتربية البلاد الاوروبيه وتعليم الخواجات لما تتكلم تتكلم بصوت واطى
لكن الصوت العالي ده سيبه لتربية المدارس الحكوميه اللى زينا ولو انها خرجت اعظم الناس فى كل المجالات واللا عندك اعتراض
عمر:انتى عاوزة ايه
شمس:اتفضل معايا المكتب نتكلم واوريك الشغل اللى عملته واشوف رايك فيه ايه
عمر:موافق بس بشرط
شمس :شرط ايه حضرتك احنا حنهزر
عمر:البنى ادمه اللى جوة المكتب دى تطلع برة انا مش طايق اشوفها ادامى
شمس :لاء بص بقى عشان فى حاجه لازم حضرتك تكون عارفها كويس ايمان دى مش مجرد زميله لا دى صاحبتى واختى وحبيبتي وكل دنيتى واللى يجيب سيرتها بكلمه متعجبنيش أقسم بالله انهش لحمه بسنانى
عمر:ايه ده مانتى كنت لسه بتتكلمى بالراحه وبادب مالك اتحولتى كده ليه اعوذ بالله منك لله يايزيد
خلاص تجيبي اوراقك ونقعد فى مكتبي
واللا عند سيادتك اعتراض
شمس:ماشي اتفضل حضرتك وانا جايه
💖💖💖💖💖💖💖💖
يدخل على مكتب يزيد وهو يضحك
يزيد:وهو يرمى القلم :لاء كده كتير اقسم بالله العطيم هو النهارده يوم الضحك العالمى وبعدين انت مبتقعدش تشوف شغلك ليه انت حتشلنى حرام عليك انت بتيجى الشركه ترفه عن نفسك طب ماتخليك قاعد جمب مروة احسن
على:ياريت والله
يزيد:على اخلص انا مش فاضيلك انت كمان انا شكلى كده حقلب الشركه سيرك
على: أصلك ماشفتش اللى شفته دلوقتى شكل كده خطتك حتنجح يامعلم
فجاة يعلن هاتف يزيد عن اتصال من عاليه
يزيد:ايوة ياقلبي
عاليه وهى تبكى:الحقنى يايزيد
💖💖💖💖💖💖💖💖💖💖💖💖💖💖
•تابع الفصل التالي "رواية شمس تتحدي الغيوم" اضغط على اسم الرواية