رواية غصون الورد الفصل السادس عشر 16 - بقلم يارا احمد
Part16
تالين بعصبيه
-مؤيد اختفي من قدامي احسن لاني مش طايقاك..وعلى فكره انا مش عايزه اشوفك تاني حتى لو شفنا بعض في الكليه هعمل نفسي مش شايفاك انت زودتها اوي النهارده يمؤيد لدرجه سبتني اندم اني عرفتك يوم راحت غرفتها و قفلت الباب بقوه وحسن بص على مؤيد المصدوم وقرب منه
-اسف يحبيبي هي مرات بتجنن
ساره جابت منشفه وحطتها قدامه
-خد دي علشان متخدش برد علشان انت بتخده بسرعه
غصون بصت عليه بضيق
-والله تستاهل تكسر الكاس على دماغك راحت لغرفه تالين حسن بص على غصون بياس
-سيبك منهم..نشف شعر مؤيد ومؤيد بص عليه بحزن
-هي معاها حق يعمي مكنش للازم ادخل في حياتها انا نسيت نفسي اعتذر منها نيابه عني..قام وراح ساره نفخت بضيق
-اهو مصيبه جديده
غصون دقت على الباب وقالت بحزن
-تالين
تالين بضيق
-عايزه اكون لوحدي يغصون روحي البيت
غصون بتردد
-بس..
تالين بنبره غير قابله لنقاش
-غصون روحي انا كويسه
غصون راحت وهي فاهمه تالين زعلانه قد ايـــــــه هي بتحبه وهو جايبلها عريس ده زي كانه بذبح قلبها بسكينه راحت البيت وراحت غرفتها وغيرت لبسها بلعت ادويتها ونامت بسمله بقلق
-مصطفى اخوك فين يابني؟
مصطفى باستغراب
-مش في غرفته؟؟هو قالي انو صاحبه جاي يتقدم لتالين و طلب منه يروح معهم فقمت طردته من غرفتي
بسمله باستغراب
-وطردته ليـه؟
مصطفى بغيظ
-لاني بكرهه الناس الهبله
بسمله قعدت جنبه
-قصدك ايـــــــه؟
مصطفى بضحك
-مش ملاحظه حاجه لما تشوفيهم مع بعض يماما؟
بسمله بدهشه
-مين؟مؤيد وتالين؟عادي يعني هو بتجنبها زي اي بنت
مصطفى باعتراض
-غلط يماما انتِ مش شفتي عيونه ازي لما عملت العمليه
بسمله بصت عليه برفعه حاجب
-كان زعلان؟؟ما طبيعي يزعل
مصطفى بهدؤ
-لا يماما مش طبيعي
بسمله بصت عليه
-لا طبيعي اصلا مؤيد بحب يحس بكل الناس
مصطفى بضيق
-لا يقلبي مؤيد الشيخ ده مش كده خالص حتى لو كده مش مع تالين هو كان خايف اوي يماما..اتمدد على السرير وبص على السقف وقال بهدؤ..بالمختصر يست الكل هو بحبها بس بدبح نفسه بايده
بسمله بحزن
-والله مش عارفه يابني بس هي بتغير من نفسها وتستاهل منه فرصه
مصطفى ضحك
-هيكونو مع بعض يحجه انا متاكد..يبقا كده جهزي نفسك لدور الحمايا الشريره يماما
ضحكت وقرصته على خده
-لا انا مش كده..بس لو فرضنا انك صح ومؤيد اتجوزها انت هتكون فين من قصه الجواز دي!
رد بمرح
-اخو العريس
بصت عليه بضيق
-عارف بحكي عن ايـــــــه انت كبرت
-بس مش عجزت
-مصطفى انا عايزه افرح فيك بقا
-قومي نامي يماما ربنا يهديك زمانه حبيب قلبك اخد بهدله من زوجته المستقبليه
اتغطى بسرعه
بسمله بياس
-نفسي يوم تبطل تغير الموضوع كل ما اكلمك عن الجواز
مصطفى بهدؤ
-انا قلبي حجر اعملك ايـــــــه مش بحب ومش هحب
قامت
-تصبح على خير
-وانتِ من اهلو يحبيبتي..راحت وبعد الغطا عنه..اوففف منك يمؤيد
بعد ساعتين مؤيد دخل البيت وشاف امه وابوه منتظرينه
-ماما بابا انتو فايقين لسه ليـه؟
عبد الرحمن بص عليه
-بنتظر حضرتك تشرف
مؤيد بحزن
-انت زعلان مني في حاجه؟!
بسمله بضيق
-يحبيبي العملته بحق البنت ده غلط ومش عايزنه يتكرر هي مش اتكلمت معانا ولا حد اشتكى منهم بس نحن سالنا عنك وعمك حسن كان قلقان عليك فاتحيلنا عليه علشان يحكيلنا بس هو محطش اللؤم عليك وكان زعلان انك مرجعتش البيت
#بقلمي_يارا_احمد
مؤيد بص على الأرض بحزن
-مكنتش عايز اعمل كده من غير اذنها بس منير فضل يتحايل عليا فعطيتهولي بس نيتي كانت خير كنت عايزها تلقا حد بحبها وبخاف عليها ويسندها
عبد الرحمن بحده
-وحد قالك انو هي صغيره ومش بتعرف تختار اسمعني يمؤيد لو هي مش سامحتك انا مش هسامحك والكلام انتهى راح غرفته
مؤيد بص على اثره بصدمه بسمله بصت عليه بحزن
-انت غلطت اوي يمؤيد..راحت ورا عبد الرحمن وقفلت الباب وقوف يستوعب كلام ابوه راح غرفته وقفل الباب وراح البلكونه وقعد يبص على السماء وقال بوجع
-بابا لاول مره في حياته يزعل مني لاول مره يقولي كده هينام من غير ما يرضى عني هينام غضبان مني..قرب من حافه البلكونه ودموعه نزلو..ا..انا مش عايزهم يزعلو مني يربي اعمل ايـــــــه؟!
تالين بصت عليه بصدمه
-مؤيد انت بتعيط!!
بص عليها بدموع و قال بوجع ورجا
-تالين انا اسف سامحيني بابا زعلان وقال مش هيرضى عني الا لما تسامحيني ارجوك سامحيني انا مش عايز ينام وهو زعلان مني يتالين
تالين اتوجعت على منظره وقالت بحزن
-مسامحاك يمؤيد وعارفه انك مكنتش بتقصد ونيتك صافيه انا اسفه اني عصبت عليك
مسح دموعها وقال بفرحه
-بجد بجد سامحتيني!؟
إبتسمت على فرحته
-بجد سامحتك يلا روح قول لعمو اني سامحتك علشان ما ينمش زعلان منك
جرا زي الاطفال وهي إبتسمت على تصرفاته بحب
-هو ده بر الوالدين بس الحمدلله اني كنت شبهك في دي يمؤيد وكنت بحطهم جوه عيوني..كملت بوجع..كنت قبل ما يموتوا
مؤيد راح وقال لعبد الرحمن بسماح تالين وباسه ايده وطلب منه السماح وعبد الرحمن سامحه واتكلم معاه شويه ومؤيد رجع غرفته وكان رايح يقفل البلكونه بس شاف تالين لسه بتبص على القمر
-هتخدي برد..بصت عليه فسكت بعدها قال..اسف مليش حق
تالين بشرود
-مؤيد انا بفكر اللبس النقاب
مؤيد عيونه لمعو وقلبه دق جامد وبص عليها
-قولتي ايـــــــه!!
وهي باصه على القمر قالت بهدؤ
-بفكر اللبس النقاب..كملت بسخريه..علشان حضرتك متجبش عرسان تاني..ضحك..خير!!
مؤيد وهو بضحك
-لو كده متقلقيش مش هيجي حد غير واحد
تالين بدهشه
-ايـــــــه مين ده؟
مؤيد بابتسامه
-البرد ادخلي
تالين بتذمر
-داخله ده لسه الساعه 12بس
مؤيد بهدؤ
-للازم ترتاحي علشان دراعك يخف
تالين بضيق وغيره خفيه
-انت بتحب تهتم بكل حد كده؟!
جواب بهدؤ وابتسامه وهو ببص على القمر
-لا..تصبحي على رؤيه الرسول صلى الله عليه وسلم في المنام..دخل وقفل باب البلكونه وهي إبتسمت
-هو كلامه كله جميل كده..يبخت الهتكون من نصيبك يشيخ مؤيد..راحت ونامت
الصباح عبد الرحمن بص على غصون الخارجه مع اخوانها
-يزيد قالي انه هيجي المساء ومعاه اهله علشان الخطوبه وهو قال انه اخد برايك وقولتي عايزه خطوبه عاديه تكون تجمع وتتعرفي على عيلته وهنقرر كتب الكتاب ساعتها
بلعت ريقها بتوتر
-ا..اه شايفه انه مستعجل فحبيت اطمئنه بس لو عندك مانع ناجل
عبد الرحمن ضحك
-لا وهيكون عندي مانع ليـه لو قال بكره الفرح مش هيكون عندي مانع
غصون بدراما
-اهو ظهر الحق انت مبتحبنيش يبابا شفتي يماما ده طلع عايز يتخلص مني..دقيقه عزومه يعني في فراخ؟
بسمله بياس
-انما انا لو قالي بدل الخطوبه فرح هقوله خدها جزاك الله خيرا..كلهم ضحكوا
غصون بصت عليهم بغيظ وقال بغيظ
-والله لو مش طايقني كده قولوله انا مش هزعل..خرجت ولقت تالين في وشها..اهو جات الناقصه
تالين بضيق
-انتِ مالك بتشوقي اقتلك كده..انا منتظره ساره
غصون بغيظ
-هو انا سالتك انتِ بتعملي ايـــــــه هنا
تالين بضيق
-يا ربي..غصون غوري من وشي مش ناقصاك خالص
خرجوا ورا غصون بيسان جرت وحضنت تالين
-صباح الخير
تالين بحب
-صباح الورد يحبيبتي
مصطفى بابتسامه
-عامله ايـــــــه يتالين؟!
-الحمد لله..بصت على مؤيد..انا هروح الكليه
مؤيد بابتسامه وهو ببص على الأرض
-وانا مش هدخل بس متضغطيش على نفسك
تالين بصت على دراعها
-هحاول..بصت على غصون السالتهم باستغراب
-امتى اتصالحتو!!
تالين ضربت صباعها على جبهه غصون
-ملكيش دعوه انتِ مش بنتي الضايعه
ضحكوا عليهم غصون بغيظ
-اوففف انا من العيله دي هقول لدكتور يزيد يستعجل وخلاص..كملت بغرور..مع اني عارفه انكم هتموتوا بدوني
تالين ضحكت
-هي البنت دي بتجيب ثقتها منين يجماعه
روحي وانا هخد مكانك واروح كل يوم اللعب مع بيسو واهتم فيها
غصون برفعه حاجب
-هي بيسو قالتلك ناقصني اهتمام
بيسان بصت عليهم
-لا انا ناقصني شوكولاته وبس
تالين ضحكت
-هجبلك كل يوم كرتونه
بيسان بصت على اخوانها
-هو انا بعرف حد فيكم؟!
ضحكوا
-البنت دي بياعه بشكل
ساره خرجت وهي مضايقه مصطفى بص عليها
-مالك؟
ساره هزت راسها بلا
-مفيش يلا يتالين
مؤيد بهدؤ
-يلا نروح
تالين
-ماشي يلا
ساره بصت عليهم
-امتى لحقو يتصالحو؟!
غصون بضحك
-والله معرفش بس يلا
ساره برفض
-لا انا هروح لوحدي انتو وصلو تالين
مصطفى بص عليها وقال بنبره امر
-قدامي على العربيه
بصت عليه بياس عارفه انه عنيد فراحت وهما راحو وراها غصون وتالين حاولو يعرفو مالها بس صدتهم وصلو بيسان لمدرستها بعدها غصون و مؤيد و تالين ومصطفى و قف العربيه برا كليه ساره
-مالك؟
ساره بحزن
-بهاء
بص عليها بجديه
-ماله؟!هو زعلك في حاجه
ساره بحزن
-عايزني اخرج واتفسح معاه وانا قولتله انه مش هينفع فقالي لو هتعملي كده هنبقا انتهينا
مصطفى بسخريه
-شايف نوقف على كلمه انتهينا دي وننهي المهزله فعلا
اتكلمت بوجع
-بس انا بحبه
مصطفى بجديه
-بس هو مش بستاهل ده..بصي اوعا ترجعي خطوه لورا علشانه يساره انا بحذرك لمره التانيه وانتِ عارفه انو ده مخالف لعادتي بس انتِ لو مكنتيش غاليه عندي زي غصون مكنتش قولت حاجه ولا نصحتك اصلا لاني مش زي مؤيد وانتِ عارفه اني بنصح الناس نادرا و بعدين يستي هو اخر واحد في العالم يعني لو هو مش راح خطوه لقدام ولحقك اوعا تبوصيله لورا فاهمه انتي قربتي من ربنا تاني وهداكي تاني دي نعمه كبيره
ساره بابتسامه
-شكرا يمصطفى
مصطفى ضحك
-عفوا يسوسو يلا غوري يختي انا مش فاضيلك
ساره بغيظ
-نفسي يوم حد يضربك
مصطفى بغرور
-لا معليش احلمي احلام على قدك مصطفى عبد الرحمن محدش بقدر يلمس شعره منه
ضحكت ونزلت وهي بتقوله
-ربنا يزيدك تواضع
ضحك واتحرك رغد بصت على غصون
-انا مش مصدقه
غصون باستغراب
-مش مصدقه ايـــــــه؟
رغد بعدم تصديق
-انك هتبقي مرات يزيد مش مصدقه اصلا انو اليوم خطوبتكم
-هاه
-هاه؟؟ده العندك
-هقول ايـــــــه؟
-غصون انتِ بتحبيه؟
-استغفرالله نحن اشرف من الشرف
ضحكت
-اومال وافقتي ليـه؟
-معرفش ارتحتله مش اكثر مش احسن من بدر و طارق المقرفني..غمضت عيونها..ياه اتخيلي حياتي بدون بدر راحه والله راحه مينفعش نتجوز النهارده
يزيد من وراها
-ينفع طبعا لو انتِ عايزه كده
غصون قامت بفزع وبصت عليه ولقته مبتسم في وشها وبصت على رغد الكاتمه ضحكتها يزيد قرب منهم وقال باستغراب
-هو مين بدر ده؟
رغد رفعت ايدينها
-ابن خالتها المجننها وعايز يتجوزها
هز راسه
-طب وطارق؟
-ده معرفوش
غصون بغيظ
-ابن عمي المتجوز
رفع عيونه وبص على عيونها
-وهو ببص عليك ليـه
•تابع الفصل التالي "رواية غصون الورد" اضغط على اسم الرواية