رواية صدفة غير متوقعه الفصل السادس عشر 16 - بقلم نور محمد
روايه_صدفه_غير_متوقعه
الفصل السادس عشر
استعادت وعيها ببطء، وكأنها تصعد من قاع بحر عميق. شعرت بثقل شديد في رأسها، وألم ينبض عند جانبها كما لو أن شيئًا صلبًا قد ارتطم بها. حاولت تحريك يديها، لكن معصميها كانا مقيدين بإحكام، والحبال تلتف حولهما بقوة تجعل أي محاولة للتحرر بلا جدوى.
فتحت عينيها، لكن الظلام كان دامسًا، يحيط بها من كل جانب. حاولت الإنصات إلى ما حولها، فكل ما سمعته كان صوت أنفاسها المضطربة وضربات قلبها المتسارعة. لا تعرف أين هي، ولا كيف وصلت إلى هذا المكان.
اخترق السكون صوت منخفض، خشن، لكنه واضح:
كيفن بابتسامة: " اوه نور هانم موجودة عندنا....حصلنا الشرف اتمني تكوني مبسوطه معانا هنا
نور بقرف: " هو انت
كيفن: " مفاجاه صح
نور: " يعم ولا مفاجاه ولا حاجه..كنت حاسه انا انت اصل الحركات دي متطلعش غير من واحد عبيط
كيفن بغضب: " هتندمي علي القلم وعلي كل كلمه قولتيها
نور بسخرية وتتصنع الخوف: " اوه عزيزي لقد خفت كثيرا....روح العب يابابا بعيد عن هنا لحسن متتعورش
كيفن بغضب وهو يقترب منها: " انتي اللي جبتيه لنفسك ...قال ذلك واندفع إليها ونزل بقلم قوي علي وشها ولسه هيكمل بس وقف بصدمه لما لاقها بتضحك
نور بضحك: " وقفت ليه كمل
كيفن بدهشه: " انتي بتضحكي عل ايه ..انتي اتجننتي
نور بضحك: " لا انا متجننتش انا طول عمري كده
كيفن بزهول: " هما ازي بيشغلوكي معاهم
نور ببساطه: " ليه شايفني مجنونه مثلا
كيفن: " شكلنا هنتبسط مع بعد
نور: " انتم اصلا خايفين مني
كيفن بسخرية : " والله
نور: " اممم لانكم رابطني فخيفين علي نفسكم مني
كملت بغضب... وحق القلم اللي ادتهولي هتدفع تمنه غالي اوي بس فكني بدل ما انت رابطني علشان خايف لاضربك
كيفن بدهشه: " خايف لاتضربيني! ... انا قلت محتاجه تروحي مستشفى للامراض العقليه ..كمل باستفزاز شوفتي القلم حلو ازي حبيت اوريكي حاجه بسيطه من اللي هيتعمل فيكي
نور: " طب فكني وهنشوف الموضوع ده
كيفن: " انتي عبيطه ياماما
نور: " الله يسامحك... كملت باستفزاز قول متتكسفش قول انك خايف مني علشان كده رابطني
كيفن: " بس ياماما واحسنلك مسمعش صوتك لان لو سمعتو متلوميش غير نفسك
نور: " انت فاكرني خايفه منك روح يابابا شوف حد كبير يمكن احس بالرعب شويه ههههه
كيفن بصلها بغيظ وخرج
-----------
ريان وهو قاعد بيفتكر اللي حصل
فلاش
ريان بقلق: " هي تاخرت كده لي
نداء علي بنت شغاله هناك
لو سمحتي البنت اللي سالتك من شويه عن مكان الحمام هي خرجت
البنت: " لا اخر مره شفتها وهي داخله
ريان: " طب ممكن تدخلي جوه تشوفيها
البنت: " حاضر
ذهبت البنت ودخلت الحمام ملقتش حد
البنت: " مفيش حد جوه
ريان بخوف: " متاكده
البنت: " اه دورت عليها في كل مكان مش موجوده
ريان والخوف ينهش في قلبه: " عايز اشوف الكاميرات اللي هنا
البنت: " اتفضل
ذهب ريان مع البنت وتفقد الكاميرات بس مكنش ظاهر حاجه
ريان بغضب: " ازي الكاميرات كانت متوقفة في الساعة دي وانتم قاعدين هنا بهايم مش واخدين بالكم
الراجل بخوف: " والله يافندم كنا قاعدين قدام الكاميرات ومكنش في اي حاجه وفجاه حصل تعطل للكاميرات وكنا لسه هنجيب فني يشوفها
ريان بنرفزه: " مخدوش بالكم إن الكاميرات كلها تتعطل مره واحده مجاش في بالكم إن حد هو اللي عطلها
الراجل: " احنا بنعتزر يافندم و..
ريان بمقاطعة: " اخلص هنشوف الموضوع ده مع اللي مشغلكم
ذهب ريان وركب عربيته وساقها بسرعه كبيره وكذا مره كان هيعمل حادثة
بعد وقت قليل وصل قدام الفندق ونزل من عربيته ودخل الفندق بسرعه وراح لي فهد في غرفته
فهد: " براحه يلي بتخبط في ايه
فتح الباب شاف ريان وهو بينهج من الجري
فهد: " مالك في ايه
ريان وهو يدخل: " انت عامل لي نور جهاز تتبع صح
فهد باستغراب وبعد الخوف: " اه... هي نور فين
ريان بتنهيده صعبه: " خطفوها
فهد وهو ينظر إليه بدهشة: " مين اللي خطفوها
ريان: " معرفش ممكن يكون مايكل لانه كان شاكك فينا
فهد بغضب وعيون حمره: " انا عارف مين
ريان: " مين
فهد كان لسه هيتكلم بس قاطعه خبت علي الباب
فهد راح علشان يفتح و خلفوا ريان فتح الباب واتفجاه من الشخص الوقف امامه
مراد بمرح: " ازيكم يا شباب ..قولت اعملهلكم مفاجاه واجي قبل الميعاد بيومين ... مفاجاه حلوه صح
كانوا ينظرون إليه ومش عارفين يقولوا ايه
مراد باستغراب: " مالكم يا شباب انتم مش مبسوطين اني جيت ولا ايه وكمان فين البت نور وحشتني والله الشقيه دي
ريان وهو يجاهل كلام مراد وبيكلم فهد: " مين يافهد اللي خطفها
مراد باستغراب: " خطف مين انا مش فاهم حاجه
ريان بنفاذ صبر: " نور..نور اتخطفت يا مراد
مراد نظر إليه بصدمه ومش مستوعب اللي بيقولو
مراد: "انت بتقول ايه ومين اللي خطفها
ريان بعصبية: " ماتخلص يا فهد قول مين اللي خطفها وشوف الجهاز علشان نعرف مكانها فين ..ايه البرود ده
فهد: " كنت عملها جهاز تتبع في موبايلها بس ممكن يرموا في اي حته هما مش اغبيه للدرجادي
ريان: " مش انت قولت عارف مين اللي خطفها
فهد: " هتاكد وهقولك
قال ذلك وخرج برا الاوضه
مراد وهو ينظر لى ريان: " واضح إني وشي حلو عليكم
ريان بصلو بحده فسكت
----------
نور: " استغفر الله العظيم يارب... شكلي كده هخرج من هنا وانا معايا سيئاتهم كلهم من كتر الشتايم
مايكل وهو يدخل: " كيفك عزيزتي
نور بقرف: " زي الزفت ...مش عايزين تجيبولي اكل في حد يعمل في الناس اللي خطفهم كده
هاتوا حتي كيس شيبسي اسلي فيه نفسي بدل ما انا قاعده كده
مايكل بسخرية: " اوه عزيزتي لا احد طعمك حتي الآن كيف ذلك
نور وهي تمثل العياط: " اه والله ياعم المانكي محدش عايز يجب اي حاجه اطفحها
مايكل بعصبيه: " اصمتي ...شاف كيفن وهو يدخل
كيفن بسخرية: " مالك متعصب ليه مش كنت بتتريق عليا وانا خارج من عندها
مايكل بغضب: " مش كده يا كيفن انا خارج مش هقدر استحمل اكتر من كده
كيفن: " قعدت معاها دقيقتين كنت هتشد في شعرك
اومال انا بقي اعمل ايه قال ذلك ونظر لي نور
نور ببراءة: " هو انا عملت حاجه
كيفن: "لا معملتيش انا اللي عملت
نور: " ايوه مانت اللي خاطفني
بقولك ايه ياض
كيفن بصدمه: " ياض
نور: " عايزه اخش الحمام
كيفن: " انتي هبله عايزه تهربي صح بس ده في احلامك فكراني اهبل علشان اسيبك تروحي وتهربي
نور: " ليه انتم مش واثقين في نفسكم ولا ايه ...ولا عارفين ان انتم اغبيه وانا ههرب منك بسهولة
وبعدين متخفش مش جايلي مزاج اهرب انا عجبني الخطف بس حساه بقي ممل اوي خليك قاعد بقي معايا اصل مفيش تسليا هنا ومبعرفش اقعد كتير ساكته فخليك نقعد نحاكي مع بعدينا لحد ما الخطف ده يخلص مع اني مش عايزاه يخلص بصراحه
كيفن بصدمه منها: " ايه كل ده اسكتي شويه ايه بلاعه و تفحط وكمان احنا وثقين من نفسنا انتي اصلا متعرفيش تتحركي برا الاوضه دي ...بعدين لو عجبك المكان هنا كده وعايزه تقعدي اكثر فانا للاسف مقدرش احققلك طلبك لان ثانيه كمان وهفجر المسدس ده كله في نفوخك
نور بزعل: " واهون عليك يا كيفو ..اخص عليك انا بجد زعلانه منك
كيفن بصدمه: " كيفو!
نور: " اخلص بقي عايزه اروح الحمام انا من ساعه لما خطفتوني في الحمام وانا عايزه اعمل بيبي
كيفن بشلل: " بيبي
نور: " اخلص بقي مش قادره
كيفن: " متعملي حد مسكك
نور: " اه انتم مكتفني اروح الحمام ازاي وبعدين اصلا الحمام فين
كيفن: " اعمليها علي نفسك مفيش حمام وكلمه كمان اقرائي علي نفسك الفتحه
نور بقرف: " علي نفسي يا معفن ..هقول ايه ما انت قذر
كيفن وهو يوجه السلاح علي دماغها
نور بخوف: " خلاص خلاص راحت مش عايزه اروح
خلاص
كيفن بشلل: " معرفش مستحملينك ازاي
نور: " دول ميقدروش يعيشوا من غيري زمنهم هيموتوا من الخوف عليا دلوقتي
كيفن: " اشك في ذلك
نور: " بس بقي صدعتني انت رغاي اوي
كيفن بصدمه: " انا
نور: " اومال.. تعالي بقي احكيلك اول مره عملت فيها اكل عملت ايه
كيفن وهو يفتح فمه ويضع السلاح فيه
نور: " يخربيتك انت بتعمل ايه.
كيفن: " هارتح منك
نور: " خلاص ياعم مش هتكلم تاني بس روح هات اكل علشان طول ما انا جعانه هقعد اتكلم
كيفن وهو يذهب من امامها: " مش عارف ريان مستحملك ازي ده اكبر عقاب ليه ..ده الموت بنسبالو راحه منك
نور: " زي ما انت مستحملني كده ...بس بذمتك مش قمر
كيفن: " مين اللي قمر ريان ؟
نور: " ريان مين ده .. انا بتكلم عليا مع اني مبحبش اتكلم عن نفسي كتير
كيفن: " صبرني يارب
نور: " دي كلمه ريان دي ...هي الكلمه دي مشهوره في عيلتكم علشان كلكم بتقولوها
كيفن بصدمه: " قصدك ايه
----------
فهد بغضب جحيمي: " انا حزرتك انك تاذي حد فيهم بس شكلك عايز نهايتك تقرب
مايكل بسخرية: " مالك بس زعلان ليه مش قولنالك اختار حد فيهم وانت بقي اللي مخترتش فاختارنا احنا ليه بقي زعلان دلوقتي وانت اصلا عارف
فهد بعصبيه: " اخر انذار ليكم لو حد مس شعره منها هتتمنوا الموت ومتطلوش .. انا كنت معاكم وبعمل اللي تقولوا عليه علشان ننهي ريان لكن تيجوا عند اختي فالا... اختي برقبتكم
مايكل: " وانت عايزنا نثق فيك بعد لما خنت صاحبك.. الخاين هيفضل طول عمره خاين زي ماخنت صاحبك خونتنا واحنا مبنتعاملش مع الخاينين
قال ذلك وقفل السكه في وجهه
فهد بغضب جحيمي: " نهايتك قربت اوي انت والك...لب التاني
التفت علشان يمشي بس وقف بصدمه لما شافها وعرف انها سمعت كل حاجه
بانه بصدمه ودموع: " ليه
يتبع...
بقلم نور محمد
لو لقيت تفاعل كبير هنزل فصل كمان بكرا ❤️
•تابع الفصل التالي "رواية صدفة غير متوقعه" اضغط على اسم الرواية