رواية شمس تتحدي الغيوم الفصل السادس عشر 16 - بقلم عبير سليم
الفصل السادس عشر من رواية شمس تتحدى الغيوم
بقلمي :عبير سليم
💖💖💖💖💖💖💖💖
فى داخل إحدى المستشفيات الخاصه
تضع مروة رأسها على كتف عاليه وهى منهارة من البكاء
بينما كان على يكاد عقله ان يجن من تلك المخاوف التى تأتى بعقله لا يستطع الجلوس او الوقوف وإنما كان يجوب الطرقه ذهابا وايابا ولا ينطق سوى بكلمة يارب يارب
ولم يقل خوف يزيد و عمر وعهد عن خوفهما فالخوف والرعب والفزع يتملك الجميع
يعلن هاتف يزيد عن اتصال من هاله
يزيد:لسه ياامى فى اوضة العمليات ادعيله ربنا ينجيه
هاله:ان شاء الله ربنا حينجيه ان شاء الله ربنا مش حيوجع قلبنا عليه
يزيد:عشق فين ياامى
هاله:فى حضن جدها مموته نفسها من العياط
يزيد:وبابا عامل إيه
هاله:مبيتكلمش يايزيد أول مرة من يوم مااتجوزت ابوك اشوفه فى الحاله دى وكل مااحاول اكلمه مبيقولش غير
اللهم انى لا أسألك رد القضاء ولكنى أسألك اللطف فيه
يزيد:معلش ياامى انا حقفل دلوقتى واول مايظهر اخبار حكلمك على طول
هاله:ربنا يطمنا يارب
عاليه وهى تمسح دموعها:اهدي يامروة اهدى ياحبيبتى ان شاء الله خير وحيخرجلنا بألف سلامه
مروة:يارب ياعاليه يارب لو انس حصله حاجه انا حموت مش حقدر استحمل
عاليه:حرام عليكى استبشري خير إن شاء الله حيخرج بألف سلامه
عمر وهو يربت على كتف على: اجمد ياعلى ان شاء الله خير
على:ابنى ياعمر ابنى اول فرحتى يروح منى فغمضة عين كده ده انا بايسه الصبح قبل ماانزل وماكد عليه يخللى باله من نفسه يقوم يعمل فى نفسه وفينا كده
طب لو جراله حاجه اعمل ايه انا دلوقتى اعيش ازاى من غير وجود انس فى الدنيا
كان يزيد لا يشاركهم الحوار وانما كان يتمتم بأيات من الذكر الحكيم
فجأة يجدون ممرضه تخرج وهى تهرول سريعا
مروة ببكاء مرتفع:ابنى ابنى جراله حاجه ابنى مات
على وهو يحتضنها:لاء لاء، مش حيسيبنا أنس مش حيسيبنا يامروة
تجرى الممرضه سريعا فيستوقفها يزيد:طمنيني الله يخليكى
الممرضه:الوضع صعب ادعوله ربنا ينجيه
فيزداد نحيب على ومروة وعاليه وعهد
بينما هم فى هذه الحاله يجدون سيف مقبلا عليهم:طمنونى ياجماعه ايه الاخبار
عمر:لسه ياسيف فى العمليات ربنا يستر ووضعه صعب أوى
تخرج احدى الممرضات :مين هنا فصيلة دمه O
على و مروة:احنا فصيلتنا A
الممرضه :محتاجين دم فورا الطفل نزف كتير ولازم حد يتبرع حالا الفصيله دى نادرة عندنا فى المستشفى
سيف:انا فصيلة دمى O
الممرضه :اتفضل معايا مفيش وقت
عمر:غريبه انا كنت فاكر ان فصيلة دمه حتكون زى فصيلة دمكم هو انتم مش ابوه وامه
على:لا ياعمر انا ومروة فصيلتنا A أنس فصيلة دمه O زى والدتى الله يرحمها
يزيد:يارب يارب اللهم انا لانسالك رد القضاء ولكن نسألك اللطف فيه
يارب اشفيه واعفى عنه يارب
يخرج عمر سريعا لإحضار بعض العصائر لصديقه وبالفعل يخرج سيف بعد مده لا يستطيع الوقوف على قدمه من كثرة ماتبرع به من دمه
يساعده يزيد وعمر فى الجلوس ويقدم عمر له العصير
على:سيف هو ابنى لسه عايش
سيف:عايش وان شاء الله حيخرج بألف سلامه
بعد مده يخرج الطبيب وينزل تلك الكمامه من على فمه
يجرى الجميع عليه
الدكتور:اطمنوا الحمد الله الولد بخير وان شاء الله حيعيش وطبعا الفضل لربنا سبحانه وتعالى ثم الاستاذ اللى اتبرعله بالدم
يحتضن على سيف :انا مش عارف اشكرك ازاى انت رجعتلى روحى تانى انا حفضل مديونلك طول العمر
سيف:ايه اللى انت بتقوله ده ياعلى ربنا يكمل شفاه على خير يا رب أنس ده عريسنا الصغير
بينما كانت عاليه تحتضن مروة من الفرحه
يزيد:يعنى الوضع عامل ازاى دلوقتى يعنى ايه اللى تاعبه حصلله ايه فهمنا بالراحه
الدكتور :دلوقتى احنا الحمد لله قدرنا نوقف النزيف لكن طبعا لازم يفضل فى العنايه المركزة لمدة ٤٨ساعه لحد مانطمن ان مرحلة الخطر زالت
يزيد:مش حضرتك قلت انه كويس
الدكتور:الحمد لله لكن هو حصلله ارتجاج فى المخ ولازم نطمن
وللأسف طبعا اتعرض لكسر شديد فى رجله فركبنا له مسامير وشرايح وحيفضل فى الجبس فترة
مروة:ياحبيبي يابنى كان مستخبيلك ده كله فين ياضنايا
على:الحمد لله الحمد لله يامروة احنا نحمد ربنا وندعيه ان يكملنا شفاه على خير وقضا اخف من قضا يامروة
مروة:الحمد لله ألف حمد وشكر ليك يارب بس هو رجله حتتاثر يادكتور
الدكتور :ان شاء الله لاء الولد صغير وده حيساعد عضمه يلتئم
يزيد:وبالنسبه لضهره وعموده الفقري
الدكتور :زى الف مفيهومش اى اصابه الحمد لله ياجماعه ابنكم ربنا نجاه واضح انكم ناس طيبين وربنا بيحبكم وممكن دى تكون نتيجة دعوات ناس ليكم
أى حد مكانه وحصلله اللى حصل ده كان زمانه دلوقتى فى مكان تانى بس الحمدلله ربنا نجاه
يحتضن الجميع بعضهم البعض حمدا لله على سلامة انس😥😥😥😥😥😥😥
فى المنزل
هاله :ان شاء الله خير ياحبيبي
شاكر انا اول مرة اشوفك فى الحاله دى اهدى ياحبيبي والله حيبقى بخير
كانت الدموع تنساب على وجهه بينما تلك العاشقه تنام فى حضنه لاتكف عن البكاء.
تيته هو انس حيموت ويروح عند ربنا
شاكر:لا لا متقوليش كده ان شاء الله انس حيخف
عشق:انامش عاوزاه يمشي ويسيبنى ياجدو انا بحب اسمع كلامه وبحب اعمل اى حاجه يقولهالى
شاكر:وهو روحه فيكى ياحبيبتى وعمره ماحيسيبك ابدا
يعلن هاتف هاله عن اتصال من يزيد
فيدق قلبها سريعا:ايوة يابنى
يزيد:اطمنى ياامى الحمد لله انس بخير
هاله وهى تبكى وتضحك فى ان واحد:بجد بجد يايزيد يعنى هو بخير
يزيد :ايوة والله هو خرج من العمليات بس دخل العنايه المركزة وبعد كده حيبقى كويس ان شاء الله
طمني بابا ياامى وقولى لعشق تدعيله انه يرجعلها وانا حخليه يلعب معاها على طول وميسيبهاش ابدا
شاكر:يامانت كريم يارب أحمدك يارب واشكر فضلك شوفتى ياعشق مش قلتلك انس مش حيسيبك
فتقوم عشق وتظل تقفز فوق السرير وهى تضحك :هيييه هييبه انس مش حيسيبنى انس مش حيسيبنى
💖💖💖💖💖💖💖
يمر يومان ولكنهما فى الحقيقه عامان كل لحظه بعمر كامل يالها من أوقات عصيبه نشعر فيها بالرهبه والخوف من فقدان الأحباب
القلوب لاتهدا والعقول لا تنام ولاتلهو عن التفكير فى اى شئ
الجميع لايهنا له بال وكيف سيهنئون و هناك قطعه من قلوبهم قد يفقدونها فى لحظه
أحاسيس مريرة تفقدنا شهية الحياة يومان كما قال الطبيب للاطمئنان على زوال الخطر وعودة الحياة لجسد عاشق يملأ العشق قلبه وأودى به دون قصد إلى الهلاك
كانت القلوب تتمزق عند رؤية الصغير وهو مربوط الرأس والكدمات تملأ وجهه
ومنظر قدمه الموضوعه فى الجبس يدمى القلوب ويشعرها بالحسرة
يعلن تليفون يزيد عن اتصال
ايوة ياشمس معاكى
شمس :طمنى يابشمهمدس إيه الأخبار وأنس عامل إيه
يزيد:الحمد لله ياشمس المفروض ال٤٨ ساعه مروا ومستنيين راى الدكتور
شمس:إن شاء الله حيقوم بألف سلامه
يزيد:دعواتك معانا ياشمس احنا مستنيين رحمة ربنا بينا
شمس:والله الشركه كلها بتدعيله يقوم بالف سلامه حضرتك عارف غلاوتكم عندنا اد ايه
يزيد:ربنا يبارك فيكم يارب معلش ياشمس انا عارف انى كلفتك بحاجات كتير اليومين دول وجيت عليكى
شمس:حضرتك بتقول ايه بس تكليف ايه وتعب ايه ده انا اللى مضايقه والله انى مجتش المستشفى بس والله مافى وقت لكن ان شاء الله اول مايخرج بالسلامه حاجى ازوره بامر الله
يزيد:ان شاء الله ياشمس تنورينا
شمس معلش حسيبك مروة بتنادى علية
يغلق معها الهاتف وبتجه لمروة
ايوة يامروة
مروة:الدكتور فى العنايه وانا خايفه اوى
يزيد:ان شاء الله خير ياحبيبتى
يخرج الطبيب ويطمئنهم باستقرار الحاله وتحويله لغرفه عاديه
يدخل إليه الجميع للاطمئنان عليه بعدما افاق وبدأ فى التحدث حيث انه لم يتحدث طوال هذين اليومين
يتم وضعه فى جناح خاص ويوجد معه الآن على وعمر ومروة ويزيد بينما كانت عاليه فى المنزل تتناول علاجها وتطمئن على ابنتها
بينما هاله جالسه بجوار شاكر الذى أصابه الوهن والضعف وعدم القدرة على الحركه منذ هذا الحادث
و كانت عهد تهتم بالصغيره مليكه وسيف يعمل فى الشركه ويتجه إليهم للاطمئنان على سلامته
نائم على الفراش من هذا هل ذلك النائم هو أنس الذي يرهق الجميع بحبه لعشق ويكلفهم مشقة حبه هل هو الآن فى هذه الحاله من التعب لاحول له ولا قوة
يتحدث بصوت ضعيف يكاد لايسمعه أحد :عشق عشق
مروة وهى تقبل يديه :حبيبي نور عينيه ألف حمد الله على سلامتك ياقلب ماما
أنس :عشق عاوز عشق
عمر:هههههههههه معلش ياجماعه والله بس الواد ده ملوش حل مفيش حاجه فى دماغه غير عشق ده احنا حنجيبهالك حالا يابطل
على:حبيبي فى حاجه وجعاك
أنس :راسي بتوجعنى يابابا
على:معلش حتخف ياحبيبي كده بردو ياانس تعمل فينا كده
أنس :انا معملتش حاجه
يدخل عليهم الدكتور:البطل بتاعنا أخباره إيه
أنس :أنا كويس
الدكتور :من فضلكم ياجماعه بلاش ترهقوه بالكلام الولد تعبان ومحتاج يستريح
يزيد :حاضر يادكتور
يتصل يزيد على البيت ليطمئن الجميع بانتقال أنس الى غرفه عاديه
بعد مرور ساعتين
يحضر جميع أفراد العائله لزيارته
شاكر:ياااه أحمدك يارب الف سلامه عليك ياانوس
أنس :الله يسلمك ياجدو
هاله:ياحبيبي ياانس سلامتك ياقلبي
أنس :الله يسلمك ياتيته
كانت عشق جالسه لاتتحدث فقط تنظر اليه بعيون دامعه
انس:متعيطيش ياعشق انا مش حموت
عاليه:ألف بعد الشر عنك ياحبيبي
أنس :بابا بعد اذنك عاوز عشق تقعد جمبي
على:تعالي ياعشق اقعدى جمبه
عشق :يعنى خلاص مش حتروح عند ربنا ياانس
أنس :لاء ياعشق ان شاء الله حفضل معاكى ونرجع نلعب تانى
عشق:بس بلاش نلعب بالطيارة تانى ياانس عشان متقعش تانى انا خلاص مش عاوزة العب بيها اللعبه دى وحشه انا مش عاوزاها تانى خدتك منى وطارت بيك بعيد
يزيد:هو انت وقعت ازاى ياانس ايه اللى حصل بالظبط
عشق :انا حقولك يا بابى انا شفت الولاد فى الفيلم بيلعبوا بالطيارة الورق وانا قلت لانس نفسي العب بيها واعمل زى الولاد فى الفيلم
على:وجبتها منين الطياره دى ياانس
انس:اشتريتها وانا رايح يابابا كنت متفق مع واحد صاحبي يعملهالي واديه تمنها واخدتها ورحت عند عشق عشان نطيرها سوا
شاكر:بس انتوا كنتوا بتلعبوا فى الجنينه ايه اللى طلعكم فوق بس ياحبيبي
عشق :مكنتش راضيه تطلع لفوق ياجدو وانا كان نفسي اشوفها طايرة فوق بعيد زى الطيارة
عمر:واديك انت اللي طيرت يافالح
يزيد:وهو احنا مش منبهين محدش يطلع فوق عشان السور واطى وانتوا عمركم ماطلعتم
كده ياانس هو ده يابابا اللى حضرتك بتقول عليد ذكى وعقله اكبر من سنه اهو طلع فوق ووقع وهو بيطيرالطيارة
أنس :أنا آسف ياخالو انا والله مش عارف وقعت ازاى
عاليه :خلاص ياحبيبي اللى حصل حصل خلاص المهم انك كويس
💖💖💖💖💖💖💖💖💖
يقترب سيف من دخول المستشفى فيتفاجا بوجود عهد بالخارج
سيف :عهد إيه الأخبار
عهد وهى تضحك ضحكه تخطف قلبه:ههههههه انس خرج من العنايه ياسيف
سيف :بجد ألف حمد الله على سلامته طب وانتى واقفه كده ليه فى حاجه
عهد :لا ابدا كنت عاوزة شيكولاته قلت اخرج اجيب
سيف :طب ثانيه واحده يدخل سيف السوبر ماركت ويخرج و معه كمية من الشيكولاتات
اتفضلي ياعهد
عهد:ايه ده ياسيف
سيف :جبتلك شيكولاته
عهد:مانا كنت حدخل واشتري
سيف :وانا جيبتلك ايه المشكله
عهد :أصلي متعودتش اخد حاجه من حد
سيف :وهو انا حد ياعهد قصدى يعنى هو انا مش زى عمر
عهد ببنها وبين نفسها :مفيش حد زى عمر
سيف :عهد سرحتى فى إيه
عهد:ايه لا مفيش ماشي حاخدهم بس دى اخر مرة
سيف :طب ياللا ندخل عشان محدش يقلق عليكى
يمر اليوم وقد تحول الجو من القلق والخوف الشديد الى الهدوء والاطمئنان
أخيراً يعود يزيد الى بيته فلقد حرص على التواجد بالمستشفى خلال تلك الفترة لم يترك أخته لحظه واحده حقا نعم الاخ المحب لأخته الحنون عليها
يزيد وهو يخرج من الحمام وينشف شعره بالمنشفه:ياااه متعرفيش كنت محتاج الدش ده ازاى
عاليه:الحمد لله انها عدت على خير بس مروة قلقانه من موضوع الكسر ده
بزيد وهو يرتدى ملابسه :الدكتور طمنى وقاللى انه حيبقى زى الفل
عاليه :يارب ياحبيبي يكمل شفاه على خير انا كل ماافتكر اللى حصل ابقى حتجنن
يزيد:صحيح مقلتليش انتى كنتى فين لما حصل اللى حصل
عاليه: لما جه أنس ومعاه الطيارة الورق وعرفت ان بنتك هى اللى طلبتها منه قلتلهم يلعبوا بيها فى الجنينه وقالوا ماشي عمى وماما طلعوا الأوضة عشان تديله علاجه ويريح شويه وانا دخلت اخد دش وخرجت وواقفه ادام البلكونه
شفته شفته يايزيد شفته بيقع ادام عينيه من فوق انا كنت حسه انى بحلم وسمعت صوت عشق وهى بتصرخ باسمه
حسيت انى مشلوله أعصابي كلها كانت بتترعش عقلي مش مستوعب اللى ببخصل ده
مبقتش عارفه اعمل ايه نزلت جرى لقيته ياحبيبي مرمى على الأرض والدم مغرق المكان كنت عامله زى المجنونه صوت الوقعه كان جامد قوى خلت الكل يحس
عمى لقيته مش قادر يتكلم ولقيت ماما هاله اللى طالع عليها:كلمى يزيد كلمى يزيد بسرعه
انا كنت مرعوبه خفت يكون الولد راح مننا خلاص ده وقع من فوق الدور التالت بس الحمد لله والشكر لله
نظرت بجانبها فوجدت يزيد قد غط فى نوم عميق فدثرته بالغطاء واطفئت عليه النور ليأخذ قسطا من الراحه
💖💖💖💖💖💖💖💖💖
فى شقة عصام
هاجر:عصام انا زهقانه ماتيجى نخرج شويه
عصام :بس انا راجع من الشغل تعبان وعاوز انام و استريح
هاجر:فى إيه ياعصام هو اناكل مااقولك نخرج تقوللى تعبان تعبان ايه الارف ده
عصام :ارف لما يقرفك دلوقتى بقيت قرف هو مش القرف ده اللى كنتى حتموتى عليه ودلوقتى بقيت ارف خلاص بصي يابت الناس يااما تتعدلى وتعرفى ازاى تتكلمى مع جوزك وتحترمينى يااما حيبقى فيها كلام تانى
وبعدين ده انتى خريجة جامعه سيبتى ايه للجهله
و ياستى لو انا بقيت قرف سيبينى ياهاجر وامشي
هاجر :انا اسفه والله مقصدش حقك علية هو انا اقدر استغنى عنك ياحبيبي انا بس بقول كده من خنقتى طول اليوم قاعده مابين أربع حيطان زهقت اتخنقت نفسي اخرج اتفسح اشوف الدنيا
عصام :ده على اساس انى مبخرجكيش ده مبيعديش أسبوع من غير مانخرح وبجيبلك كل اللى انتى عاوزاه
هاجر:تجيبلى اللى انا عاوزاه وده بأمارة ايه ان شاء الله دى السلسله اللى قلتلك نفسى فيها استخسرتها فية
عصام :لا حول ولا قوة الا بالله هو انابستخسر فيكى ياهاجر ده انتى حبيبة قلبي بس انا عاوزك تفهى وتقدرى الوضع اللى انا فيه
ياهاجر انا موظف محيلتيش غير مرتبي اللى بقبضه كل شهر واللى بصرف نصه على الفسح والخروجات واللى باقى يادوب على اد الاكل والشرب وبقية المصاريف
هاجر :ييه بقى يعنى انت حتحرمنى من كل حاجه نفسي فيها
طب خلاص اشتغل شغلانه تانيه مافى ناس كتير بيشتغلوا شغلانتين
عصام :ولما اشتغل شغلانه تانيه حخرجك وافسحك امتى ان شاء الله
هاجر :تبقى تدينى الفلوس وانا اخرج مع نفسي واشتري اللى انا عاوزاه
عصام :يعنى انا اخرج اتمرمط فى شغلانه تانيه عشان اديكى فلوس تتفسحى بيها وتشتري اللى انتى عاوزاه وانا ارجع متكسح ولا اعرف ارتاح ولا اعيش زى بقية الناس هو ده قصدك يعنى
هاجر :لا ياحبيبي انا مقصدش انا بس قصدى
عصام:لا قصدى ولاقصدك بصي يابت الناس دى امكانياتى وظروفى وانتى عارفه كل حاجه وكنتى طايرة من الفرحه متجيش دلوقتى وتغيري كلامك والا تبقى انتى اللى بتدورى عالهم والمشاكل
هاجر:اهئ اهئ بقى انا بردو اللى بدور عالهم ده انا مبتمناش حاجه فى الدنيا غير انى اسعدك وافرحك
عصام :عاوزة تسعدينى وتفرحينى يبقى تسمعى كلامى وتقدرى ظروفى
هاجر:حاضر ياسيدي بس تخرجنى
عصام :حاضر حخرجك بكرة خلاص
هاجر وهى تحتضنه:حبيب قلبي بموت فيك
عصام :وانا بموت فيكى ياقلب عصام
💖💖💖💖💖💖💖💖💖
فى داخل النادى الرياضي
كمال:انتى جايه لوحدك ليه ياحنين امال فين عهد
حنين:ابن اخوها عمل حادثه وتعبان أوى فى المستشفى
كمال:ايه ده معقوله لا حول ولا قوة الا بالله طب وعامل ايه دلوقتي
حنين :الحمد لله بقى احسن وكلها يومين وحيخرج ان شاء الله
كمال:هى حادثة عربيه يعنى
حنين:لاء حادثة طيارة
كمال:حادثة طيارة بس انا مسمعتش ان فى طيارة وقعت
حنين:لا ماهى اصلها طيارة ورق
كمال:طيارة ورق حنين فى ايه يابنتى انتى بتهزرى
حنين :هههههه لا وربنا مابهزر هو كان بيطير طيارة ورق ووقع من فوق الدور التالت
كمال:طب وحصلله ايه ده اكيد حصلتله كسور جامده
حنين:رجليه اتجبست لكن الحمد لله عدى منها
كمال:طب سلميلي عليها
حنين :يوصل ان شاء الله
كمال:طب ياللا اتفضلي عالتدريب
حنين:ماشي ياكابتن
تدخل حنين لبداية التدريب وهى تحاول فتح اى موضوع معه ولكنه كان مشغولا فى عهد
معتز:مالك ياكمال فى حاجه
كمال:ابن اخو عهد عمل حادثه وفى المستشفى
معتز:طيب ياعم اهى فرصتك جت اهيه
كمال:فرصتى جت ازاى يعنى
معتز:تتصل بيها تطمن على الولد وتتكلم معاها شويه بعيد عن جو الجيم ده
كمال :تفتكر كده
معتز:اكيد طبعا
كمال:بس انا عمرى ماكلمتها قبل كده
معتز:كمال انت بتحبها واللا لاء
كمال:بحبها بس ده انا مبتمناش حاجه فى الدنيا غيرها
معتز:يبقى لازم تاخد خطوة ايجابيه لازم تتحرك ناحيتها البنت حلوة واخلاقها عاليه واللى زى دى مبتستناش ياصاحبي
💖💖💖💖💖💖💖💖💖💖💖
بعد مرور يومين
يدخل على الفيلا وهو حامل انس على يديه ويقوم بوضعه على الكنبه
والتف حوله الجميع والكل سعيد بعودته بالسلامه
على :مش كنا روحنا بيتنا ياعمى
شاكر:تروحو فين ياعل وانا بقى ابقى قاعد هنا مش عارف الولد فيه ايه
مفيش رجوع لبيتكم غير لما اشوفه بيجرى قدام عينيه
مروة :ياحبيبي يابابا ربنا يخليك لينا يارب
شاكر :ويخليكم لية ياحبايبي
كانت عهد شديدة الفرحه بأنها ستقيم مع عمر فى نفس المكان فربما تكون تلك فرصه لها لتحاول التقرب منه
شاكر:يزيد
يزيد:نعم يابابا
شاكر:تدبح عجلين وتوزعهم عالغلابه عشان ربنا يكمل شفاه على خير
يزيد:حاضر يا بابا
عمر:حمد الله على سلامتك ياتاعبنا
أنس :الله يسلمك ياخالو
يزيد:امال فين سيف ياعمر مش كان معانا واحنا فى المستشفى اختفى فجاة يعنى
عمر:روح يرتاح شويه عشان كان مجهد
يزيد :تعرف ياعمر سبحان الله برغم ان طول عمرك عمايلك سوده وعمرك ماعرفت حد عدل ابدا لكن سيف ده حاجه تانيه خالص راجل بمعنى الكلمه
شال الشغل فى الشركه اليومين اللى فاتوا واتبرع لانس بدمه ومسابناش نهائى بجد هو ده الصاحب اللي بجد
عمر:بقى انا طول عمرى عمايلي سوده وعمرى ماعرفت حد عدل اشكرك على ثقتك فية
شاكر :ربنا يجازيه كل خير ان شاء الله
كان الجميع يتحدث وغير منتبهين لهذين العاشقين الصغيرين
عشق :رجلك بتوجعك ياانس
أنس :الحمد لله ياعشق
عشق:الحمد لله يعنى بتوجعك واللا خفت
أنس :هى بتوجعنى بس احنا لازم نقول الحمد لله حتى لو تعبانين
عشق :اهئ اهئ
عهد:بتعيطى ليه ياحبيبتى
عشق :انس رجليه بتوجعه ياعهد
عهد :معلش ياحبيبتى حيخف ان شاء الله
💖💖💖💖💖💖💖💖💖
فى منزل وليد
تجلس أمل بجوار زوجها الجالس على الكرسي المتحرك يشاهدان التليفزيون ويجلس الصغير على قدم أبيه
وليد :انا اتخنقت اوى من قعدة البيت ياامل
امل:معلش ياحبيبي هانت ان شاء الله
البشمهندسه كلمتنى الصبح وطمنتنى ان الدكتور حيحدد معاد العمليه
وليد:بس انا خايف اوى ياامل خايف العمليه متنجحش
أمل :استبشر خير ياحبيبي وان شاء الله حترجع تقف على رجليك تانى وتبقى زى الفل
وليد:امل انا عاوز ادخل ارتاح شويه ضهري وجعنى عاوز افرده شويه
تساعده أمل فى الوصول الى الفراش وضع عليه الغطاء
ثم تسمع طرقا على الباب فتذهب لرؤية الطارق
تفتح الباب فتجد فتحى جارهم أمامها
امل:ابوجنى اهلا وسهلا يااخويا اتفضل
يدخل ابوجنى ويضع بعض الحلويات على الكرسي
أمل :وتاعب نفسك ليه بس
ابوجنى:تعبك راحه دى شوية حاجات حلوة لزياد
أمل :تعيش يااخويا اتفضل وليد جوة مريح شويه
وليد:أهلا يافتحى
فتحى:عامل ايه ياوليد طمنى عليك
وليد :الحمد لله على كل حال
فتحى:مفيش أخبار عن العمليه لسه
وليد:ان شاء الله قريب بامر الله
فتحى:والله طب كويس
تدخل عليهم امل بالشاي وتقدمه لهم
اتفضل ياابوجنى الشاى
ابوجنى وعينيه مسلطه عليها:من يد مانعدمها
أمل :عن اذنكم
تخرج امل بينما أعين فتحى جارهم لم تنزل من عليها حتى غادرت الغرفه
💖💖💖💖💖💖💖💖💖💖💖💖💖
•تابع الفصل التالي "رواية شمس تتحدي الغيوم" اضغط على اسم الرواية