رواية صدفة غير متوقعه الفصل الثامن عشر 18 - بقلم نور محمد
روايه_صدفه_غير_متوقعه
الفصل التامن عشر
اللهم صلي وسلم وبارك على سيدنا محمد ❤️
نور بصدمه: " ايه فيلم الهندي ده ... بس ريان ملوش دعوه بالي حصل هو ابوك اللي ساعتها كان جبان ومدافعش عن علته...انت بجد مريض بقي عامل كل ده وعايز تموت اخوك لان ابوك اختار ريان ورماك
انت ...انت اللي حتي قايل إن ريان مع الممرضه يعني مكنش في غيرك انت ده كان نصيبك والمفروض تاخد حقق من الراجل اللي خطفك مش من عيلتك
كيفن: " لا المفروض كان يدور عليا بس هو محاولش
نور: " اش عارفك ميا يمكن دور بس معرفش مكانك فين .. وبرضو ايه دخل ريان هو ملوش دعوة
كيفن: " لا ليه عايش حياته وطول عمره هو الافضل في كل حاجه عنده عيله وبقي اشطر ظابط وعنده شركه ابوه اللي هو ابويا كتبها باسمو وانا بقي عندي ايه وطلعت ايه طلعت زي ابويا مجرم معنديش عيله
السويفي: " ومين قالك انك معندكش عيله
التفت كيفن بسرعه واتصدم لما شاف ابوه وريان واقفين عند الباب
كيفن (بصوت مليان غل وعيونه بتلمع من الغضب)
انت ..ايه اللي جابك هنا ؟ جاي تتفرج علي ابنك الفاشل اللي رميته ؟ ولا جاي تشوف النهايه اللي انت صنعتها بايدك؟
ابوه واقف ساكت عينه تلمع بالدموع .
بس كيفن ما كانش شايف غير الخيانه في نظره
كيفن بضحكه مليانه سخريه ووجع: " طول عمرك جبان .سبتني اضيع ما دورتش عليا ما حولتش حتي! بس طبعاً لي عندك ابنك المثالي ...ريان البطل اللي فخور بي وانا ولا حاجه بالنسبالك
نور بتوتر: " كيفن كفايه هو هنا علشانك مهما حصل ده ابوك
كيفن صرخ وهو بيشاور علي ابوه: " ده؟ ده مش ابويا ..ابويا مات يوم ما قرر ينساني ..يوم ما اختار ريان وباعني
ريان كان واقف ساكت عينه فيها حزن بس صوته طلع هادي وواثق
انا ما خدتش مكانك .... اللي حصل مش ذنبي ولا ذنب نور ولا ذنب اي حد غير اللي خطفك وخلاك الشخص
اللي واقف قدامي دلوقتي
كيفن اتنفس بسرعه وعينه بقت مليانه دموع بس لسه الغضب مسيطر عليه: " كلكم كذابين .. انا بكرهكم كلكم وانت اكتر واحد بكرهك قال ذلك وهو بيشاور علي ريان
ريان بدموع: " انا مليش د....
كيفن وهو يقاطعه ويصوب المسدس عليه: " هششششش مش عايز اسمع صوتك انا هخلص منك دلوقتي انت اللي المفروض كنت روحت مكاني مش انا
نور بغضب وخوف علي ريان من جنون كيفن: " ما تخلص بقي ... هو مالوا هو ....هو كان ممكن يروح مكانك بس ربنا ماردش وكان ساعتها مع الممرضه يعني ربنا كتبلك ده
كيفن بصراخ: " انتي تسكوتي خالص متدخليش لحسن اموتك معاه
السيوفي بدموع والم: "انا دورت عليك كتير بس مكنش ليك اثر بس انا منسيتاكش زي ما بتقول انا فضلت ادور عليك لحد ماعرفت انك هنا فضلت السنين دي كلها ادور عليك وكنت بسيب ريان واختك
كيفن بانهيار: " انت كذاااب بتقول كده علشان اشفعلك
السيوفي بالم: " انا مش بكذب هي دي الحقيقي
ريان بدموع: " بابا اصلا طول عمره بيبقي مسافر وقليل جدا لما بيبقي قاعد معانا
كيفن بنفي: " كذااابين هو باعني مكنش فارق معاه غير ابنوه ومراته
نور بغضب: " ما تحترم نفسك بقي عمال تغلط في والدك ..ما الراجل قالك كان بيدور عليك ومسبكش وبعدين انت اهبل ايه باعك دي انت الي اتخطفت او بمعني اصح اخدك تحت التهديد وعلي فكره لو اخوك كان معاك كان برضوا هيتاخد معاك ابوك ساعتها مكنش عارف يعمل ايه علشان يحميكم ومتقولش اختاره هو وسابك انت لان التاني ياغبي كان مع الممرضه مكنش في الغرفه يعني الراجل اللي خطفك مكنش يعرف ساعتها إن ابوك جاب والدين ........
روح انتقم من اللي اخدك مش من ابوك الحقيقي يا اهبل
كيفن كان بيبصلهم بالم ودموع ومكنش قادر يرد عليها
السيوفي: " والله يابني مسبتش مكان مدورتش في حتي امك لما فاقت وعرفت بالي حصل كانت هتتجنن
كيفن بالم: " وليه معرفتش لي اخواتي إن ليهم اخ
السيوفي: " ريان كان عارف بانه هي اللي مقولتلهاش
نور بصدمه وهي بتبص لي ريان: " يا كذااب وانا لما سالتك عندك اخ قولتلي لا
ريان: " مكنش لازم تعرفي ....انا استغربت لما سائلتيني السؤال ده ساعتها انا شكيت في كيفن لان في شبه كبير من بابا يمكن اكتر مني كمان
ساعتها بقي دورت ورا وعرفت كل حاجه عنه ساعتها عرفت انه يبقي اخويا اللي ابويا طول عمره بيدور عليه وقتها انا اتصلت بي بابا وقولتلوا كل حاجه انا في الاول كنت فرحان إن اخيرا لكيت اخويا بس زعلت لما عرفت ان انت شغال تبع المافيا وعامل ده كله علشان تنتقم مني ومن ابويا بس انت لحد دلوقتي معملتش جرايم يعني ممكن تخرج منها بسهوله يعني لو مصدقنا ان احنا ملناش دعوه بالي حصلك وبقيت معانا ساعتها هنقدر نقضي علي مايكل لان مايكل لما يخلص منينا مش بعيد يخلص عليك
هاا قولت ايه يا اخي
كيفن كان عمال يبكي بس
نور: " هو موافق بس مكسوف يقول ومسمحكم كمان
كيفن ضحك وقالها بغيظ: " انتي بتتكلمي عني ليه معنديش بوق
نور: ' الله مانت اللي مش بترد
ريان بابتسامة: " تعالي في حضن اخوك
كيفن جري وحضن ريان بقوة وقعد يبكي : " انا اسف
كنت عايز انتقم منك لانك اتربيت في عيله كويسه مكنتش بتتعذب زي كنت بحقد عليك
ريان بدموع: " هشششش خلاص اهدي المهم ان احنا مع بعض
نور بدموع: " خلاص يا جدعان هعيط وانا مبحبش اعيط اتفضلوا فكوني بقي علشان هموت واخش الحمام عماله اقول لي اخوك العبيط ده من الصبح وهو معندوش دم وبيقولي اعمليها علي نفسك
كيفن بضحك: " ابوس ايدك خدها من هنا ....مش قادر استحمل اكتر من كده لو كنت اتاخرت ثانيه كمار كان زماني مخلص عليها دلوقتي وريحت البشريه منها
ريان بضحك: " حد قالك تخطفها بس مش هكذب عليك بصراحه ارتحت شويه منها
نور بغيظ: " ده كذاب علي فكره تلاقي كان بيعيط
مراد وهو يدخل ويقول بتريقه: " ده كان منهار ومكنش علي لسانه غير انا عايز نور هاتولي نور
نور بفرحه: " مراددد حبيب اختك جيت امتي
مراد بضحكه: " امبارح
نور: " ومجتش كل ده تسلم عليا اخص عليك
كيفن بتشنج: " يجي يسلم فين انتي مخطوفه حضرتك لو ناسيه افكرك
نور: " ياعم اتنيل ده كان خطف ده مشفتش اي إدا للتعزيب يعني ولا شوفت اشكال استغفر الله العظيم
ياعم ده حتي محدش كهربني ... علي فكره يا كيفن مش لايق عليك انك من المافيا خالص تحس نفسك كده اهبل يعني اخرك تكون مدرس العاب
كيفن بصدمه: " مدرس العاب! ..... وكمان احنا اسفين لسيتك إن محدش عذبك ولا كهربك .... بس احنا فيها ابعت اجيب حد يجي يعذبك احنا منقدرش نرفض لي نور هانم اي طلب
نور بتزمر: " لا خلاص يا خويه معنديش مزاج
ريان: " والله حلال فيكي اللي حصلك
نور: " ايه اللي حصلي
ريان: " انك لحد دلوقتي مكلتيش حاجه ولا حتي عارفه تخشي الحمام ده غير الحبل الي مكتفك ده
نور وهي تتذكر: " اه صح محدش لحد دلوقتي جبلي اكل يرضيك يا رينو مراتك اللي مشرفاك وعمرها ما عملتلك حاجه اخوك لما يخطفها مياكلهاش حاجه لحد دلوقتي .... مانا اتعذبت اهو يا سي كيفن في تعذيب اكتر من كده
كيفن وهو يبص لي ريان ويضحك: " يرضيك يا رينو
ريان بغيظ: " اخرصي يا زفته فضحتينا
نور: " اومال فين الواد فهد
مراد بغمزه: " قاعد مع بانه برا
ريان بغضب: " قاعد بيعمل معاها ايه
مراد: " هو قال هيقولها عن موضوع اخوها بيحاول يمهدلها الموضوع
ريان برفع حاجب: " والله
نور بصراخ فيهم: " مش وقتك يابا انت وهو حد يتنيل يجي يفكني
مراد: " كمان بتشتمي طب مش فكك
نور: " انا شتمت دلوقتي..تظ فيكي بصت لي ريان
وكملت كلمها رينو حبيب قلبي يرضيك تسيب مراتك حبيبتك كل ده مربوطه
ريان: " اه يرضيني عادي انا لو عليا اسيبك كده علي طول
نور كانت لسه هتصرخ فيهم بس مراد قاطعها وهو يكتم بوقها
مراد: " والله مانتي تعبه نفسك ومصدعنا انا هفكك خلاص بس توعديني متفتحيش بوقك لحد ما ننزل مصر
نور هزت راسها
مواد: " لا اوعدي ولا اقولك احلفي
نور وهي تهز راسها ومش عارفه تتكلم من ايده اللي علي بوقها
كيفن: " هتوعدك ازي وانت حاتط ايدك علي بوقها
مراد: " مليش في توعدني من غير ما تتكلم مصدع مش قادر اسمع صوتها
ريان: " انت اهبل
نور كانت بتبصلهم بغيظ وفجأة عيطت
مراد وهو يبعد ايده عنها بصدمه: " انتي بتعيطي والله مكنتش اعرف انك هايفه لدرجادي
ريان اقترب من نور وبعد عنها مراد علشان يفكها
ريان بدهشه وهو شيفها بتعيط: " انتي بتعيطي بجد ... طب خلاص انا اسف مكنتش اعرف انك هتعيطي ده انا كنت بهزر معاكي يا عبيطه
نور كانت بتعيط ومبتردش عليه
ريان بالم وهو شيفها بتعيط: " طب خلاص بطلي عياط بقي علشان افكك
نور سكتت وريان اول ما فكها انقضت عليه وقعدت تصرخ في
نور: " بقي انا هموت واكل وعايزه اخش الحمام ومحدش فيكم عايز يفكني
ريان بصدمه: " انتي كنتي بتمثلي
نور بابتسامة: " اومال فكرني بعيط بجد ولا ايه بس ايه رايك انفع ممثله صح
مراد بدهشه: " ده انتي تخدي جايزه اوسكار
بس تصدقي كنت حاسس انك بتمثلي لانك مبتعيطيش بسهوله وفي الحاجات الهايفه دي
نور بتكبر: " اومال يبني ده اقل حاجه عندي ثم كملت كلمها بغضب بعد ما انتبهت ليه
تعالي بقي عمال تقولي اوعديني واحلفي انت اتجننت عايزني اقعد لحد ما نوصل مصر متكلمش
كيفن بسخرية: " ده كلام برضوا دي تموت يابني لو متكلمتش
ريان بكسوف منها: " الله يسامحك فضحاني وكسفاني في كل مكان
نور: " ما خلاص يابا منك لي اوعي اسلم علي حمايا العزيز
قربت عليه ولسه هتاخده بلحضن ريان جذبها من ملابسها
ريان: " انتي رايحه فين
نور: " اسلم علي والدك
ريان برفعه حاجب: " بلحضن يا مؤمنه يامحترمه ده حتي عيب علي الحجاب اللي انتي لابسه
نور بتزمر: " فيها ايه يعني ده قد والدي واكبر كمان
ريان: " اقسم بالله يا نور لو متلمتيش هرجعك مصر علي نقاله
نور: " خلاص ياعم هسلم بلبوق
السيوفي بضحك: " عامله ايه يابنتي مع الواد ده
نور: " والله يا عمي مستحمله بالعافيه معرفش انتم استحملتوا السنين دي كلها ازاي
ريان برفع حاجب: " انا برضوا اللي مستحمله بالعافيه مش العكس
نور: " ليه يا خويا عايش معايا بالغصب لو مش عجبك مع الف سلامه الباب يفوت حمار
مراد: " حمار!. ... اسمها جمل بت جهله ادام انتي مبتعرفيش تقولي الامثال متقولهاش تاني
نور: " لا هي حمار احلى
ريان بصلها بغضب: " ماشي يانور كلب لما نروح هنشوف الكلام ده
نور: " لما نروح بقي شكلنا قاعدين هنا
مراد: " لي يا فقريه
نور: " انتم شكلكم عجبكم المكان هنا لحد دلوقتي قاعدين ايه خايفين تخرجوا برا
ريان: " قدامي يانور خلصينا خلينا نمشي
نور: " يعني انا الي معطلاكم يعني قالت كلمها وشفتهم كلهم بيخرجوا من الاوضه
نور: " استنوني رايحين فين
خرجت جري وراهم شافتهم وقفين ومبحلقين
نور: " في ايه ...بصت مكان ما بيبصوا واتصدمت
مايكل وهو يصوب السلاح علي راس بانه: " مفاجاه
يتبع...
بقلم نور محمد
•تابع الفصل التالي "رواية صدفة غير متوقعه" اضغط على اسم الرواية