رواية صدفة غير متوقعه الفصل العشرون والاخير 20 - بقلم نور محمد
الفصل_العشرون_والاخير
الجزء الاول
اللهم صل وسلم وبارك على سيدنا محمد ❤️
تقى بجنون: " فين البت ودتوها فين
ريان: " اهدي هي مع اخوها
تقى باستغراب: " اخوها مين هي عندها اخ غيرك
ريان: " دي حكايه طويله تبقي بانه تحكيهالك علشان مش فاضي
تقى: "وهي فين بانه
ريان: " قولتلك مع اخوها
فهد: " رياااان ابوص ايدك كفايه بروض شويه
نور: " يلا يا جدعان حد يطلبلي اكل عقبال لما اخد دوش
تقى بجنان: " انتم مش طبعين بجد ايه البرود بتعكم ده البت مخطوفه وانتم قاعدين ولا علي بالكم
نور: " نعمل ايه يعني منكلش ونموت من الجوعه عقبال لما البت تيجي متخفيش الخطف مع الناس دي ممتع هتتبسط اوي اسئليني انا مجربه دول هبل مش مافيا ولا نيله هستني ايه يعني من اخوه ريان التوام ما طبيعي يطلع اهطل زيوا
ريان بصدمه: " اهطل
نور: " لا يا روحي هو مش انت
ريان: " اه بحسب
فهد: " عوضني عوض الصابرين يارب
-----------
في العربيه
بانه بخوف: " انتم موديني علي فين
مايكل بخبث: " متستعجليش هتعرفي دلوقتي يا قطه
بانه بصتلوا بخوف وسكتت
كيفن: " قدمنا قد ايه ونوصل
مايكل: " نصف ساعه بالكتير
كيفن: " انت متاكد ان محدش يعرف المكان ده
مايكل: " عيب عليك
بانه بخوف: " انتم هتعملوا فيا ايه
مايكل بخبث وشر: " بلاش تعرفي خليها مفاجاه احسن
كيفن: " مايكل
مايكل: " في ايه
كيفن ببردو: " مش عايز اسمع صوت لحد ما نوصل
مايكل بسخرية: " ايه صعبانه عليك القطه .... حنتلها
كيفن: " انا قولت ايه
مايكل برفعه حاجب: " انت هتمشيني بمزجك ولا ايه
كيفن بنفاذ صبر: " يااخي انا بقولك تسكت علشان هي هتقعد تسال في اسئله ومش هنخلص فابقولك تسكت ومتردش عليها لحد ما نوصل
مايكل: " اه إذا كان كده ماشي
كيفن بصلو بقرف وسكت
-----------
نور وهي تجلس علي الاريكه بارتياح: " ياااا اخير اكلت ده الواحد مكنش عايش
مراد: " دلوقتي بقي هنعمل ايه
ريان وهو يجلس بجانبه: " ولا حاجه
مراد بدهشه: " ولا حاجه ازي هنسيب اختك يعني
هموت واعرف ايه البرود ده ياخي ازي واثق في مش يمكن يطلع غدار
ريان ببرود: " ممكن
فهد بنرفزه: " ادام هو ممكن لي قعد ببرود كده ومش عايز تتحرك ولا تعمل حاجه.... دي اختك علي فكره
ريان بهدوء: " انت لي متنرفز كده ده هي اختي ومش عامل الي انت عملوا ده
فهد بنفاذ صبر: " ياخي نصف برود انت ايه معندكش قلب انت قولت بنفسك إن ممكن يكون بيضحك علينا لي مطمن كده ده ابوك هيموت ويروح يدول علي بنته
ريان وهو يشرب من فنجان القهوه: " في ايه يا حضرت الظابط... مبقتش عارف تفكر قعدتك مع نور مسحت مخك
نور بتزمر: " مالها نور دلوقتي كل حاجه لازم تجيبوا سيرتي فيها
مراد: " معليش بقي من حبنا فيكي
نور: " نينينيني ... حبك برص يا بعيد
مراد: " اخرسي يا بت
نور: " بت مين يالي مشفتش ريحه الربايه انت
مراد: " اهه البرعه فتحت عجبكم كده
نور: " برعه مين يا معفن انت ... والله لاخلي البت تمارا تقلب عليك
مواد بسرعه: " لا ونبي بلاش ده الفرح فضله شهر حقق عليا
نور: " ايوه كده اتعدل
فهد بزعيق: " بس بقي انتم ايه معندكمش دم خالص
وانت قال ذلك وهو بيشاور علي ريان .. ياريت تقول كل الي عندك ايه الي يخليك واثق إن كيفن مش هيغدر بينا لان اكيد لو مكنتش واثق في مكنتش هتفضل قاعد كده بلبرود ده
ريان بخبث: " هقولك بس قولي الاول انت خايف علي بانه اوي كده لي ده انا اخوها مش قلقاً عليها اكتر منك
فهد بتوتر: "هااا مش انا القائد بتاعها ووعدت اللواء إن احمي البنات كلهم وارجع بيهم سلام .. وكمان غير كده هي اخت صاحبي
ريان بسخرية: " يا راجل .. ده اختك مخفتش عليها كده
فهد: " نور ميتخفش عليها دي يتخاف منها
نور: " هو في ايه بقي مش كل كلمه هتقولوا نور الي هيجيب سيرتي تاني ميلومش غير نفسه انأ حذرت اهو وقد انذر من اعذر
مراد: " بس يا بت
نور: " تاني هيقولي بت .. مرراد
مراد: " قلبه
نور: " اتلم
مراد: " جوزوني وانا اتلم
نور: " ههههه علي يدي ... ده انت هتتنيل اكتر من الاول
مراد: " ده في خيالك بس
نور: " خيالي برضوا... معرفش البت حابه فيك ايه
مراد: " لا كده هنزعل من بعض
نور: " ازعل انت لوحدك انا مبزعلش
مراد: " ....
ريان: " باسسسسس مش عايز اسمع نفس حد فيكم انتم سامعين... كمل بتحزير اسمعوني وانتم ساكتين ومحدش يعلق هاا محدش يعلق قال ذلك وهو بيبص لي نور
نور بتزمر: " محسسني إن انا الي بتكلم لوحدي انتم الي بتجرو شكري
ريان بحده و تحزير: " هااا
نور حاطط ايدها علي بوقها
ريان بنهيده: " اسمعوا بقي
-----------
بعد وقت وصلوا الفيلا كانت في الصحراء مكنش في حد غيلهم في المكان ده
نزلوا من العربيات ودخلوا جوه
كيفن: " روح انت يا مايكل تابع الشغل وانا هتصرف معاها
مايكل: " تمام ساعتين بالكتير وهجي
كيفن باستغراب: " انت هتلحق تخلص الشغل
مايكل: " انت نسيت معادنا مع زاهي ولا ايه انا كلمته وخلتوا يجي علي العنوان ده وساعتين بالكتير هيكون هنا
كيفن: " تمام متتاخرش بس
مايكل: " متقلقش طول عمري ظابط موعيدي
وياريت تفهم بانه بسرعه وتقنعها تشتغل معانا يلا سلام قال ذلك وذهب
كيفن اتنهد تنهيده صعبه وامسك هاتفه واتصل علي حد
كيفن: " التنفيظ هيبقي انهارده
مجهول بخبث: " حلو ابعتلي اللوكيشن والمعاد .... وحاول متخلهمش يشكو فيك
كيفن: " تمام
--------
ريان: " انتم كده عرفتوا كل حاجه
فهد: " انا قولت برضوا ازي قاعد بلبرود ده .. بس برضوا الزفت مايكل ممكن يعملها حاجه
ريان: " متقلقش مش هيقدر يعمل حاجه
يلا اجهزو علشان شويه وهنتحرك
نور: " اه يلا يابنات علشان نلحق نجهز علشان الولاد بيلبسوا اسرع منكم انتم هتقعدو سنه عقبال لما تجهزو
ريان: " ومين قال إن انتم جايين معانا
نور: " يعني ايه
ريان: " الي فهمتي
نور: " نعععم يا خويه
ريان: " نعم الله عليكي انتم مش هتتحركوا من هنا
تقى: " اومال جبتونا من الاول لي طالما هتقعدونا هنا
ريان: " مانتم لو كنتم بشر كنا اخدنكم معانا لكن انتم لو روحتوا معانا المهمه هتبوظ
تمارا: " احسن برضوا انا اصلا مش عايزه اروح
نور: " والله انتي ومراد تستهلوا بعض
يعني انتي سبتي الي قالوا وبتقولى احسن مش عايزه اروح
وانت قصدك ايه بي لو كنتم بشر يعني احنا حيوانات يعني مش بشر ولا ايه مش فاهمه
ريان: " والله كل واحد عارف نفسه ومش هتكلم في الموضوع ده كتير انا قولت الي عندي يلا يا فهد انت ومراد ابقي صح اتصل بي زين وعرفوا كل حاجه وخلي يحصلنا
خرجوا التلاته ومتبقاش غير البنات
تقى: " بقي اخر الزمن شويه ذكور يتحكموا فينا
تمارا: " عادي يا جدعان انتم لي زعلانين انتم يعني عايزين تموتوا خلينا قاعدين في بيتنا احسن
تقى: " انتي من الناس الي بتقول البت ملهاش غير بيت جوزها
تمارا: " اه
تقى: " تتك اوه .... مالك يا بت سكته لي انا مش ملتحالك
نور بخبث: " انا عندي فكره
----------
مايكل: " ازيك حضرتك يا زاهي بيه
زاهي: " بخير
مايكل: " ازي حضرتك يا مدام يارا
يارا بغرور: " كويسه
زاهي: " ايه مش هتسلم يا كيفن بيه
كيفن ببرود: " خلينا في الشغل مش هنقعد نسلم ونضيع وقت
زاهي: " تمام... الشحنه هتوصل مصر انهارده
كيفن: " كويس .. اول لما توصل فلوسك هتوصلك
زاهي: " تمام يا كيفن بيه... بس انا كنت بتصل بي بلاك علشان اقولوا بس تلفونه مقفول
كيفن: " مش محتجين بلاك في حاجه خلاص
زاهي: " لي مش انت الي كنت عايزه يشتغل معانا دلوقتي ايه الي اختلف ده حتي مراتوا قمر خساره في والله ده حتي وهي حامل قمر
مايكل بسخرية: " حامل اه... انت متعرفش ولا ايه
زاهي باستغراب: " اعرف ايه
مايكل: " هقولك وحكاله كل شئ
زاهي بدهشه: " يعني هو مش بلاك وكان بيكذب علينا كل ده
مايكل وهو يهز راسه: " ايوه
زاهي: " ويبقي اخوه كيفن
مايكل: " مكنتش ملاحظ الشبه ولا ايه
زاهي: " كنت ملاحظ بس قولت عادي يخلق من الشبه اربعين
يارا: " يعني هو مش متجوز والبت دي مش مراته
مايكل بنفي: " لا مراته بس مش حامل
يارا: " امممم حلو
زاهي: " هو ايه الي حلو
يارا بتوتر: ' هاا بقول حلو انهم اكتشفوا وكده يعني
زاهى: " تمام يلا انا ماشي بقي
ريان: " علي فين بس ده القعاده لسه مبداتش
مايكل بصدمه: " انت بتعمل ايه هنا وعرف مكانا ازي
ريان بسخرية: " بعمل ايه هنا فدا سؤال غبي ومش هرد علئ انا عرفت مكانا ازي فده هتعرفوا دلوقتي
فهد بغضب: " فين بانه
كيفن: " في الاوضه دي
مايكل بصلوا بصدمه: " انت بتعمل ايه
كيفن وهو يرفع عليه السلاح: " بعمل الي كان المفروض يتعمل
زاهي بصدمه: " بلاك قصدي ريان... انا مليش دعوه بلحولات دي انا هاخد مراتي وهمشي
مراد: " علي فين يا جدع ده اليوم لسه في اوله
يارا بدلع: " رينو احنا ملناش دعوه بكل ده انا بخاف من ضرب النار ينفع تنزل المسدس وتتفهموا مع بعض
ريان: " اخرسي يا بت وبطلي قرف
اقسم بالله الي هيتحرك من هنا لاكون ضارب عليه نار
فهد دخل الاوضه كانت بانه قاعده علي السرير بكل هدوء جري عليها
فهد بخوف: " انتي كويسه حد عملك حاجه
بانه بابتسامه: " متخفش كيفن مسمحش لي حد يدخل حتي الاوضه انا مش ساعه لما جيت وانا قاعده هنا
فهد: " الحمدلله اهم حاجه انك كويسه يلا نخرج من هنا
مايكل بغضب: " ضحك عليك قالك ايه علشان تصدقه كده
كيفن: " قالي الحقيقة
مايكل بزعيق: " حقيقه ايه عرف يضحك عليك صدقتوا ده اكبر عدو لينا
ريان: " اخرس مش عايز اسمع نفسك.... سلم نفسك بهدوء احسن
مايكل وهو يرفع عليه السلاح: " مش هيحصل لا قاتل يا مقتول
ريان: " انت الي جبتوا لي نفسك قال ذلك وبسرعه كبيره كان ضربوا في ايدو ووقع منه السلاح
واشتغل الضرب بين الطرفين وزين انضم إليهم
نور: " هو ده المكان
تقى: " انتي الي بتسئلي مش انتي الي جيبنا هنا
نور: " خلاص ياختي قدامي يلا اما نشوف اخرتها ايه
دخلوه جوه الفيلا كان الحراس وقعين علي الارض والباب مفتوح .. اول لما دخلوا شافوهم وهما مشغولين في الضرب ويارا بتحاول تهرب
نور: " رايحه فين يا ماما ده انا كان نفسي من رمان تقعي في ايدي هاتولي البت دي مش شعرها
تقى: " امر وينفذ يا معلمه
فهد بصدمه: " انتم بتعملوا ايه هنا
تقى: " بانون عامله ايه ياقلبي انتي كويسه حد عملك حاجه حد اتجراء ولمسك قوليلي وانا همسحلك بي الارض
بانه: " اهدي يا مجنونه انتي انا كويسه اهو مفيش حاجه
تقى: " ا... توقفت بصدمه لما شافت واحد من رجاله مايكل مصوب السلاح عليها وضرب نار بس قبل انا تيجي فيها في اخر لحظه زين زقها بسرعه ولحقها
زين بغضب: " انتي مجنونه ايه الي جابك هنا
تقى كانت مصدمه ومبتتكلمش
ريان وهو يضرب مايكل: " والله لاندمك علي كل حاجه عملتها يا ....
نور وهي قعده فوق يارا ومسكه شعرها: " عيب ياض كده مبنقولش الالفاظ دي
ريان التفت بسرعه لما سمع صوتها بصلها بصدمه: " انتي ايه الي جابك هنا
مايكل استغل انسغالوا وقام علشان يجري بس فهد مسكه
فهد: " رايح فين ياعسل ده السهره لسه هتحلو
قال ذلك وانقض علي
نور وهي تجذب يارا من شعرها وتهز فيها: " تعالي يابت هنا تعالي ياختي بقي يا معفنه انتي تبصلي من فوق لي تحت ده انتي شبه عصايه المقشه ده كفايه لبسك لو معكيش فلوس تكملي الفستان الي لبسه قوليلي وانا اكملهولك بدل ما لبسه حاتت من الفستان كده
يارا بصراخ: " ابعدو المجنونه دي عني
نور: " مجنونه ..لا تعاليلي بقي علشان اوريكي الجنان علي اصله
يتبع....
بقلم نور محمد متولى الشعراوى
الفصل العشرون والاخير الجزء الثاني
اللهم صل وسلم وبارك على سيدنا محمد ❤️
نور وهي تجذب يارا من شعرها وتهز فيها: " تعالي يابت هنا تعالي ياختي بقي يا معفنه انتي تبصلي من فوق لي تحت ده انتي شبه عصايه المقشه ده كفايه لبسك لو معكيش فلوس تكملي الفستان الي لبسه قوليلي وانا اكملهولك بدل ما لبسه حاتت من الفستان كده
يارا بصراخ: " ابعدو المجنونه دي عني
نور: " مجنونه ..لا تعاليلي بقي علشان اوريكي الجنان علي اصله ...قالت ذلك وانقضت عليها
زين بغضب: " انتم ايه الي جبكم هنا
تقى: " الي جابك هو الي جبنا
زين بعصبيه: " تقى مش عايز استعبات... اتفضلوا امشوا من هنا
تقى: " مش هنمشي لو عايز امشي انت
زين كان لسه هيتكلم بس شاف واحد ورا تقى ومصوب عليها السلاح جري نحيتها وهو بيزعق
....تقى حاسبي كانت لسه بتستوعب لقت زين بيقرب نحيتها بسرعه وزقها جامد وقعوا هما الاتنين علي الجانب الآخر وزين بسرعه صوب السلاح عليه وضربه
فهد وهو ماسك مايكل: " نور خدي بانه والبنات وأخرجوا بسرعه
نور وهي ماسكه يارا من شعرها
قالت باستغراب: " لي
فهد بزعيق: " من غير لي اخلصي مش كفايه جيتوا من ورانا
نور بغضه: " طب براحه مش لازم تعلي صوتك غضتني
فهد بصراخ: " اخلصييي
نور اخدت البنات وخرجوا برا المكان خالص
فهد: " يلا يا ريان
كان ريان ماسك الزاهي ونازل في ضرب
زين: " يلا يا ريااان بسرعه مش وقته اخلص
كيفن: " يلا يا جدعان بسرعه
مراد راح حاول يبعد ريان عنه : " كفايه يا ريااان كده يلا
اخيرا بعد عنه ... زين دلق الخاز في المكان كله و فهد مسك الولاعه ورامها علي الارض وفي اقل من ثانيه كان المكان كله يشتعل
فهد وهو يجذب مراد: " يلا بسرعه انت هتقعد تتفرج
خرجوا من المكان بسرعه ومعاهم مايكل و زاهي ويارا
نور: " انتم جبتوهم معاكم لي مكنتم سبتوهم يولعو جوه مع رجلتهم
تمارا وهي تنظر إليها: " انتي شريره اوي
نور: " انا! ... ده انا نسمه
ريان بسخرية: " انتي هتقولي
نور بتزمر: " حاسه إنه مش عجبك
ريان: " لا طبعا ازي اكيد عجبني
مراد: " انتي ازي يا هانم تيجي لحد هنا احنا مش قولنا محدش فيكم يتحرك من مكانه
تمارا بتوتر: " دي نور هي الي جبتنا انا مكنتش عايزه اروح حتي اسئلهم
مراد بغضب: " خليكي ماشيه وراها لحد ما هنسيب بعد
نور: " في ايه ياض ماتحترم نفسك وانت بتكلم البت نازل زعيق فيها كده لي
مراد بعصبيه وصوت عالي: " نوووور مش عايز اسمع نفسك ... حسابك معايا لما نروح
نور: " مش هتقدر تعملي حاجه فهود حبيبي هيدافع عني صح يا ابو الفهود
فهد بقرف: " وانا مالي بيكي انا اعرفك اصلا
نور بصدمه: " هي بقت كده
مراد بضحك: " حتي هو بيستعر منك .... محدش دلوقتي هيعرف ينقذك من تحت ايدي
نور وهي تسير الي ريان: " حبيب قلبي وقره عيني مش هيسمح لحد يعملي حاجه مش كده يا رينو
ريان بغمزه: " كده ونصف يا قلب رينو
فهد ببرود: " اظن المهمه خلصت لما نرجع مصر جهز نفسك علشان هطلقها
ريان بصلو بحزن
مراد: " يلا كل واحد يروح يجهز حاجته علشان كلها ساعتين والطياره تتحرك
كيفن بتوتر: " وانا كمان هتروح اجهز حاجتي علشان هنزل معاكم مصر
ريان بابتسامة: " تنور... ماما هتفرح اوي لما تشوفك
كيفن ابتسم ابتسامه حزينه
بعد وقت
وصلوا الفندق وكل واحد دخل اوضه يجهز حاجته
في غرفه ريان ونور
نور بحزن: " انا عارفه اني كنت مستفزه معاك وبسببلك مشاكل بس ببقي قصدها علي فكره... بس بصراحه كانت أحله ايام في حياتي ومبسوطه اني تعرفت عليك كان نفسي اقولك اننا لما نطلق هنفضل اصدقاء لكن للاسف مش هينفع
ريان: " انا برضو سعيد اني تعرفت عاليكي وبالعكس انا كنت بحب مشغباتك وجنانك اكمل بضحك بس برضوا ده ميمنعش انك فعلاً بتعملي مشاكل بس بجد انتي انسانه لطيفه جدا وتتحبي بسرعه ...اعتبريني زي اخوك لو احتاجتي حاجه متتردديش لحظه وكلميني
اخد نفس عميق وأكمل اول لما نرجع مصر همشي في اجراءات الطلاق بتمنلك حياه سعيده واشوف وشك بخير قال ذلك واخد الشنطه وخرج من الاوضه
نور كانت حزينه لانها كانت فاكره أنه بيحبها ومستحيل يفكر يطلقها بس طلع احساسها غلط
مسحت دموعها وقامت تحضر حاجتها
فهد كان مستنيهم برا الفندق شاف بانه وهي بتقرب عليه
فهد: " خلصتي
بانه بحزن: " اه خلصت
فهد بتوتر: " بانه كنت عايز اقولك حاجه
بانه: " اتفضل
فهد بتوتر ومكنش عارف يتكلم : " انا بحبك..
عارف انك هتستغربي لان منعرفش بعد الا فترة قليله بس انا من اول مره شفتك فيها وانا معجب بيكي وبشخصيتك عارف إنه مينفعش لان فرق السن كبير بس غصب عني حبيتك انا عمري في حياتي ما فكرت اني اقول لحد الكلام لاني كنت قافل قلبي كان كل همي الشغل وعيلتي وبس
اتنهد تنهيده عميقه واكمل..... بانه تتجوزيني
بانه: " .....
كانت واقفه مصدومه مبتتكلمش مكنتش متخيله أنه يعترف لها بسرعه دى هي كانت حاسه بمشاعر تجاهو بس مكنتش متخيله أنه بيحبها ويعترفلها بالسرعه كده
فهد: " مش عايز اسمع ردك دلوقتي فكري وردي عليا وصدقيني انا هحترم قرارك
شاف ريان بيقرب عليهم
ريان بشك: " انتم واقفين لي هنا
فهد: " مستنينكم
ريان: " امممم كنتم بتتكلموا في ايه
فهد: " هو تحقيق علي العموم هبقي اقولك بعدين
يلا نتحرك .. اومال فين نور
ريان: " بتحضر حاجتها وجايه
بعد خمس ساعات كانوا في مطار القاهرة
فهد وهو بيسلم علي ريان: " هنتقابل قريب إن شاء الله
ريان وهو فاكره يقصد علي الطلاق قال بحزن: "
أن شاء الله
بعد عنه وراح لي نور
ريان بحزن: " مش هتسلمي عليا
نور بحزن وهي بتمد ايدها: " اشوفك وشك بخير
ريان بص لي أيدها ثواني وبدون تفكير شدها لي حضنه: " التسليم بيبقي كده يا بشمهندسه
نور بمرح: " يااا اخر مره سمعت الكلمه دي من عشر سنين
ريان بضحك: " عشر سنين يا مفتريه ده المهمه بقالها كام شهر بس
نور بضحك: " بس يرضوا نسيت اني مهندسه
يلا بقي هرجع لي الكليه وقرفها تاني
ريان بابتسامة: "لو احتاجتي اي حاجه كلميني
نور بحزن: " تمام... يلا بقي سلام علشان مامي وبابا وحشوني اوي وعايزه اروح اشوفهم
ريان بضحك: " مامي وبابا طب لي ميبقاش ماما وبابا أو مامي وبابي لي التنوع ده
نور بضحك: " لو قولتلوا بابي مش بعيد يعلقني
يلا سلام يا بوص
ريان بضحك: " سلام يا مصيبه
كيفن: " احم
ريان باستغراب: " في حاجه ولا ايه
كيفن بإحراج: " انا بقالي كتير مجتش مصر ومش عارف حاجه فيها فالوا مش هتعبك يعني شوفلي اي فندق اقعد في اليومين دول لحد ما اشوف شقه
ريان برفعه حاجب: " لي هو انت ناوي تبعد عننا ولا ايه
كيفن: " اكيد لا يعني بالعكس عايز اقرب منكم
ريان: " وهو في واحد عايز يقرب من عيلتوا يبعد عنهم ويشوف مكان يقعد في غير بيته
كيفن باستغراب: " بيته
ريان: " ايوه بيتنا هو بيتك انت اخونا يا كيفن وواحد مننا اتفضل بقي قدامي ومش عايز اسمع منك نفس لحد لما نوصل قال عايزه يروح فندق قال
دي ماما لما تصدق تشوفك
كيفن بابتسامة: " انا بجد مش عارف اقولك ايه واودي وشي فين
ريان بابتسامة: " تقول ايه يا عبيط احنا اخوات يلا بقي نروح لحسن الحاجه عامله كل انواع الاكل ليك عارف لو انا مكنتش هتعمل ربع الاكل الي عملتهولك
كيفن بضحك: " شوقتني اشوفها .. اه صح هو بابا جاه امتي مصر
ريان: " امبارح بليل
كيفن: " اوك... يلا لحسن انا ميت من الجوع
ريان بضحك: " يلا
بعد مرور شهرين
في قاعه الافراح
كانت القاعة تلمع ببريق خاص، مزينة بزهور بيضاء وذهبية تتدلى من السقف في تنسيق فاخر. الأضواء الناعمة تنعكس على الجدران المزخرفة بنقوش أنيقة، بينما تتدلى ثريات كريستالية ضخمة تضيف لمسة من الفخامة..
كل شيء كان مثاليًا، يوحي بأن هذه الليلة ستكون استثنائية، محفورة في الذاكرة للأبد.
كانت الفتيات في الغرفه المخصص ليهم
تقى: " يلا يا بانه اخلصي
بانه: " لا مش عايزه خلاص رجعت في كلامي بصوا اطلعوا قولوا لي فهد أن انا مش عايزه اتجوز خلاص
تمارا: " انتي مجنونه يا حبيبتي انتي مستوعبه الي بتقولي القاعه اتحجزت خلاص وعزمنا ناس وكلهم مستنين برا وفي الاخر تقولي مش عايزه اتجوز هو لعب عيال ولا ايه
نور وهي تاكل موز: " الله ما تسيبي البت في حالها هي اذكى منك وفكرت في اخر لحظه انها متتجوزش واذا كان علي الناس ياستي فإنتي كده كده هتتجوزي ولا انتي ناويه انتي كمان تخلعي مانا عارفه اخواتي محدش يقدر يستحملهم اسمعوا مني هتشوفوا ايام ما يعلم بيها الا ربنا انا قولت اهو وحذرت وقد اعذر من انذر
تمارا: " خلاص مش عايزه اتجوز معنديش مزاج اتجوز انهارده
نور بسخرية: " مزاج... ومالو يا حبيبتي لما يجيلك مزاج ابقوا اتجوزو محدش مسكم يعني
بانه: " طب هو مفيهوش ضمان علشان لو معجبنيش اقدر ارجعوا
تقى: " هو غساله ياختي بقولكم ايه انتم جايين انتم الاتنين في فرحكم وتستهبلوا في اقل من ثانيه تكونوا مخلصين انتم فاهمين
تمارا وبانه بخوف: " فاهمين
تقى: " وانتي كانت بتشاور علي نور
نور بتعجب: " انا! ... انا والله اتجوزت وخلصت من الهم ده ولسه مطلقه من شهر عايزين مني ايه تاني عملت كل حاجه انتم عايزنها مش عارفه اعمل ايه اكتر من كده
تقى بسخرية: " معليش هنتقل عليكي عايزين حضرتك تلبسي الفستان ده بدل الترنج الي حضرتك رايحه تحضري في فرح اخواتك ده
نور: " انتي عارفه يا بومه الترنج الي مش عجبك ده بكام
تقى: " بكام يا قلب اختك
نور: " ٢٥٠ ... بس انا علشان شاطر ومش بسمح لحد يضحك عليها اخته بي ١٥٠ شوفتي انا شطوره ازي
تقى بتشنج: " ١٥٠ .. كملت بزعيق خمس دقائق وتكوين لابسه الفستان وتخلي الميكب ارتست تعملك الزفت والا
نور بمقاطعة وخوف: " متكمليش انا هتروح البس اهو راحت فتحت الصندوق الي في الفستان و الهيلز والطرحه بس اتفجأت لما لاقت لون الفستان ابيض
نور باستغراب: " مين الي جايب الفستان ده
تقى: " اخواتك
نور: " وهما لي جيبينوا ابيض
تقى: " معرفش يا نور ابقي اسئليهم بقي بعدين اخلصي يلا بسرعه البسي
نور: " لا البس ايه انتي عايزني البس فستان فرح زي العروسه انتي اتجننتي
بانه: " وايه يعني يانور بعدين انتي اللون الابيض تحفه عاليكي علشان كده جبنالك فستان ابيض
نور: " انتي كنتي معاهم وهما بيجيبوا
بانه: " ياقلبي انا اختارتهولك اصلا
نور: " بس برضوا مستحيل البسوا
تمارا: " اخلصي بقي يا نور إذا كان احنا العرايس وموفقين
تقى: " هعد لحد خمسه لو مقومتيش ولبستي هلبسهولك انا ١.٢ مكملتش ولاقت نور بتجري بسرعه وتلبس الفستان
تقى: " ايوه كده ناس مبتجيش الا بالعين الحمره
بعد وقت انتهت الفتيات مع استغراب نور لأنها شكلها زي العروسه وكمان الميكب ارتست عملتلها ميكب بتاع العرايس غير الفستان الي كان يشبه الاميرات
وقفت قدام المرايا وعيونها دمعت لما شافت نفسها كان نفسها تلبس الفستان الابيض ده اوي وكانت مستغربه لانه نفس الفستان الي كان عندها في الصور لانه كان عجبها وكانت عايزه تلبسوا في فرحها
سمعت خبط علي الباب وتقى راحت فتحت
وكان الشباب واول لما شافت ريان عيونها دمعت اكتر وهو اول لما شافها فضل مبحلق فيها ومش قادر يشيل عينه من عليها قطعهم صوت تقى
تقى: " احم احم العرايس جاهزة يلا كل واحد ياخد اخته ويسلمها لي عريسها
اتجاه ريان لي بانه وقبل راسها بحب اخوي: " مبروك يا روحي
بانه بخجل: "الله يبارك فيك
فهد وهو يقبل خد نور: " مبروك يا قلبي
نور باستغراب: " مبروك علي ايه
فهد بابتسامة: " هتعرفي دلوقتي
حازم ويبقي اخوه تمارا: " يااا اخير مشيتي علشان اخد اوضتك
تمارا بغيظ: " لو اخدتها هموتك انت سامع اوضي متقربش ناحيتها انت سامع ولا مش سامع
حازم بغمزه: " سامع يا كبير
كل واحد اخد اخته ونزلوا تحت
ريان وهو بيسلم بانه لي فهد: " خد بالك منها لو اشتكت منك
فهد بمقاطعة: " متخفش مش هتشتكي أن شاء الله
ريان بابتسامة: " ربنا يسعدكم يارب
حازم سلم تمارا لي مراد ووصا عليها
النصراوي(والد نور) ذهب الي نور ومسك أيدها
ومشي بيها علشان يسلمها لي ريان
نور باستغراب: " في ايه يا بابا وخدني علي فين
النصراوي: " هسلمك لي عريسك
نور بصتلوا بصدمه وكانت لسه بتستوعب لقت ابوها بيسلمها لي ريان
النصراوي: " مش هوصيك عليها
ريان بابتسامة: " دي في عيني يا انكل
مشي النصراوي وسبهم لي وحدهم
نور كانت لسه مصدومه
ريان بابتسامة: " هنفضل كده كتير ... بس ايه القمر ده
نور بصدمه: " ازي
ريان: " هو ايه الي ازي
نور: " مش انت طلقتني
ريان: " تؤتؤ حتي لو طلقتك كان ممكن اردك عادي
بس انا اصلا مطلقتيكيش
نور: " ازي
ريان: " انتي معاكي ورقه الطلاق
نور بدهشه: " لا
ريان: " طب هو انا طلقتك شفوي
نور: " لا
ريان: " اومال اكون طلقتك امتي بقي
نور: " يعني انت مطلقتنيش اومال لي فهد قالي إن خلاص أطلقت
ريان بضحك: " كانوا بيمثلوا عليكي بصراحه انا الي قولتلهم يقولوا كده علشان اعملهالك مفاجأة
نور بضيق: " تصدقم انتم تنحين
ريان: " شكرا يا قلبي ده من زوقك
نور: " مستفز
ريان: " تعالي يلا نروح نقعد
نور بتزمر: " لا علشان محدش قالي
ريان: " اقلبي الفرح نكد بقي
نور: " خلاص ياعم هيبقي انكد بعدين بقي انهارده فىكي أكيد من هنكد علي نفسي في يوم زي ده
تعالي نروح نرقص زيهم
ريان: " لا انا مقبلش إن حد يشوفك وانتي في حضني ويقعد يتفرج علينا واحنا بنرقص لما نروح ابقي ارقصي برحتك
نور بحب: " ماشي
بعد فتره من الوقت اشتغلت اغنيه لي الإخوات
كل واحد اخد اخته وقعد يرقص معاها
ريان بحب : " كبرتي يا بنون وبقيتي عروسه ... بس برضوا هتفضلي في نظري صغيره
بانه بابتسامة: " بجد انت اجمل اخ في الدنيا ربنا يخليك ليا يارب
فهد وهو يضحك: " مكنتش متخيل ان احنا التلاته نتجوز في يوم واحد
نور بابتسامة: " ولا انا والله يابني
مراد: " هتوحشني مصايبك يا نوري مش عارف هقدر اعيش من غير مصابب ازي
نور: " متقلقش نبقي نتقابل كل يوم جمعه عند ماما وابقي اعمالكم الي انتم عايزينوا مقدرش احلمكم من المصايب حتي ممكن ابقي اجي لكل واحد في بيته يوم في الاسبوع ايه رايكم انا عارفه اني هوحشكم بسرعه وتبقم منتظرين اليوم ده بفارغ الصبر
اه صحيح الي حصل ده مش هيعدي علي خير بقي تضحكوا عليا وتقولوا اني أطلقت ماشي ماشي
فهد: " يا ساتر يارب .... بعدين انتي الي غبيه لو كنتي اطلقتي بجد كنتي مضيتي علي ورقت طلاقك لكن انتي بقي الي مخك صغير
مراد بتهرب: " انا هاروح اشوف تمارا
فهد بسرعه: " وانا كمان هتروح اشوف بانه
نور: " اه يا معفنين ماشي
ريان: " كفايه كده يلا نروح نقعد
نور بابتسامة: " يلا
راحوا قعدوا في الكوشه
ريان بحب وهو يقابل ايدها: "وأخيرًا، بقيتِ ملكي، رسمي، قدام العالم كله، بس الحقيقة إنك كنتِ ملكي من أول لحظة شوفتك فيها. نور، أنا مش بس بحبك، أنا بتنفسك، بعيش بيكِ، وكل دقة في قلبي بتنادي باسمك. النهارده مش بس يوم فرحنا، ده اليوم اللي بدأت فيه حياتي بجد وأوعدك هفضل أحبك وأحميكِ وأعيشكِ الحب بكل لحظة لحد آخر نفس في عمري انا تخطيت الحب انا بقيت بعشقق وبعشق كل تفصيله فيكي بعشقق جنونك ومصايبك وعنادك انتي الي جيتي نورتي حياتي يا نوري
نور بخجل: "وانا كمان بحبك وبعشقق
ريان: " ياخلصي علي قلبي الي بتتكسف
نور بخجل: " بس بقي يا ريان
----------
عند فهد: "
فهد بحب: " مش عارف أوصف لكِ إحساسي النهارده، كأني كنت تايه ولقَيت بيتي أخيرًا. مفيش كلام يقدر يشرح قد إيه بحبك، بس اللي أقدر أوعدك بيه، إن كل يوم هيكون شهادة حب جديدة ليكِ. هحطك في عيوني، وهحميكِ من أي وجع، وهعيشك الحب بكل لحظة. كنتِ حلمي، وبقيتِ حقيقتي، وأجمل حقيقة في حياتي انا بعشقق يا شجرة غصن البان ❤️
بانه بخجل مفرت: " وانا بعشقق
------------
مراد بعشق: " يمكن الحياة كلها ما كفتنيش عشان أقول لك بحبك قد إيه، بس النهارده، قدام الدنيا كلها، بوعدك إن عمري هيكون شاهد على حبي ليكِ. انتي الحلم اللي ما كنتش عارف إنه جوايا، ولما لقيتك، حسيت إن روحي لقت نصها التاني. هفضل جنبك، أحبك، وأعيشك كل لحظة حب تستحقيها، لأنك ببساطة… أجمل حاجة حصلت لي."
----------
تقى وهي تمسع دموعها من الفرحه
زين: " عقبالنا
تقى بتزمر: " عقبالك إن شاء الله
زين: " انا بقول عقبالنا
تقى: " ايوه يعني عايز ايه دلوقتي
زين: " مش عايز غير رقم الحج بس
تقى: " لي
زين: " هاخد معاه معاد
تقى: " معاد ايه
زين: " معاد قتلك
تقى: " انت رخم علي فكره
زين بغمزه: " اعلم ذلك
-----------
نور بجوع: " هو فين البوفيه
ريان: " لا ابوس ايدك مش عايزين فضايح هنا
نور: " قصدق ايه
ريان: " مش قاصدي يا حياتي كلها نصف ساعه ونروح وكلي برحتك
نور: " وانا لسه هستني نصف ساعه بعدين ايه الفرح المعفن ده الي مفيهوش اكل
ريان بياس منها: " في ياحبيبتي بس لو اكلنا ممكن توقعي علي الفستان وتمشي بي مبقع استني لما نروح احسن علشان ناخد راحتنا
نور: " قصدك اني طفله وبوقع علي نفسي
ريان: " لا يا حياتي مش انتي انا الي هوقع علي نفسي
نور: " ايوه كده يلا اتفضل روح هاتلي اكل من البوفيه
ريان: " عوضني عوض الصابرين يارب
نور: " سمعتك علي فكره
ريان وهو بيبوس أيدها: " ابوس ايدك متنكديش عليا في يوم زي ده
نور بابتسامة: " متقلقلش مانا قولتلك بعدين لكن انهارده لا وقولك علي حاجه كمان شهر العسل كله مش هنكد عليك شوفت انا طيبه ازي
ريان: " مهما طال العمر، هفضل أحبك وكأنها أول مرة يا نور عيني ❤️
تمت
حابه اعرف رايكم في الروايه وشكراً لكل الناس الي دعمتني في اول روايه ليا عايزه اعرف رايكم ايه اكتر شخصيه حبيتوها وهرد علي كل التعليقات ❤️
دمتم سالمين 🥰
يتبع الفصل كاملا اضغط هنا ملحوظه اكتب في جوجل "رواية صدفة غير متوقعه دليل الروايات" لكي تظهر لك كاملة
•تابع الفصل التالي "رواية صدفة غير متوقعه" اضغط على اسم الرواية