رواية شمس تتحدي الغيوم الفصل الحادي و العشرون 21 - بقلم عبير سليم
الفصل الواحد والعشرون من رواية شمس تتحدى الغيوم
بقلمي :عبير سليم
💖💖💖💖💖💖💖💖
مرت عدة أيام وبدأت الحياة تسير فى مجراها الطبيعى وبدأت شمس تتعافى وتقرر الرجوع الى عملها الذى غابت عنه عدة أيام.
هذا الغياب الذى لم يعتاده احد من قبل الا فى اضيق الحدود فشمس مثال للالتزام فى عملها.
ولقد برره يزيد للجميع بأنه ارهاق واحتياج الى الراحه بعض الوقت. ولكن اليوم تقوم شمس من نومها فى نشاط وحيويه تصلي وتدعو ربها ان يزيح عنها الهم والحزن وان يكتب لها نصيبا من الفرح تقبل خالتها حبيبتها وتخرج لعملها الذى أصبح كل شئ بالنسبه لها تظل تفكر طوال الطريق الى ماوصلت اليه حياتها وكيف مرت باحداث لم تكن تتوقع يوما ان تمر بها ولكن لامفر فقد حدث ماحدث ولا بد من الرضا بقضاء الله وقدره.
تتنفس الصعداء على باب الشركه تأخذ نفسا عميقا يساعدها على التخلى عن كل مامرت به ومايطاردها من ذكريات لا تحمل لها سوى الهم والحزن والإحساس بالظلم الذى خلفه لها ذلك الزمان.
تدخل مكتبها فتقابلها إيمان بكل حب وتاخذ شمس منها اعمالها المعطله خلال هذه الفترة وتبدا فى ممارسة عملها
يدق الباب ويدخل بابتسامه جميله لم يعهداها من قبل :صباح الخير يابنات
إيمان وشمس:صباح النور يابشمهندس
يتقدم نحو شمس:عامله ايه ياشمس بقيتى كويسه
شمس:الحمد لله والله أحسن
إيمان :ماشاء الله ده انت بتضحك زينا اهوه
عمر:ايمان انا مليش مزاج اتخانق عالصبح
إيمان :خناق ايه بس يابشمهندس ربنا ميجيبش خناق يارب
بس يعنى مستغربه شويه طب انت سخن واللا فيك حاجه يعنى فتلاحظ الغضب على وجهه
فتبادر بالكلام :طب ايه رايك اجيب قهوة نشربها كلنا سوى مع انى مبحبهاش بس ياللا ميضرش.
عمر:ياريت والله ده لو مكنش يتعب سيادتك يعنى
إيمان :لا هو حضرتك متاكد انك بشمهندس عمر لا اقسم بالله انا مامصدفه
تخرج ايمان وهى تتحدث لنفسها بينما شمس تضحك على منظرها:ههههههههههه
يلتفت عمر الى ضحكة شمس التى تخطف القلوب وتذيب الحجر ولكن سرعان مايطرد عن تفكيره اى شئ يجعله ينجذب إليها يتحدث معها فى أمور العمل على الفور حتى لا يترك لقلبه اية مساحه للتفكير فيها
تخرج ايمان وهى تدندن باغنيه :اه يااسمرانى اللون حياتى لاسمرانى
ثم تقول لنفسها: اسمر ايه بس ده حتى حسونتى ابيضانى وزى القمر وحشنى ابن الجذمه ده . فجأة تجدها فى وجهها
ايمان:ياصباح ياعليم يافتاح ياكريم
مياده:ليه شفتى بعبع واللا ايه ياحبيبتى
إيمان :بت انتى تعرفى تبعدى وتمشي من ادامى واللا تحبي اخليكى تعرفى بطريقتى؟
مياده:هو فى ايه ياايمان هو انتى ماشيه تقولى شكل للبيع واللا ايه هو انا جيت جمبك ولا لمستك ياباي عليكى ده انتى بنى ادمه لاتطاق انا مش عارفه خطيبك ده واخدك على ايه
إيمان :بيحبنى وبيموت فية مش زى ناس مش لاقيين حد يلمهم
مياده:بيحبك وبيموت فيكى ماغيرك كان بيقول كده وبعدين اخد بمبه
إيمان :ياخى بمبه لما تفرقع فيكى ياشيخه وتريح الشركه من امثالك امشي ابت غورى من قدامى بدل ودينى لحجيبك من شعرك ده جتك مصيبه وانتى عامله شبه امنا الغوله
مياده:انا عارفه انك متكاده ومتغاظه منى عشان انا اجمل منك واصغر منك واشيك منك.
ايمان:استغفر الله العظيم يابنتى ابعدى من ادام وشي واشتري نفسك احسن
مياده:وان مبعدتش يعنى حتعمليلي ايه
ايمان:حعملك ايه طب تعالى بقى وانا حقولك حعملك ايه تسحبها من شعرها وتضربها. فتصرخ مياده
فيخرج عمر وشمس وبعض الموظفين على الصوت و يحاولون فك الشباك بينهم
مياده:الحقنى يابشمهندس المتوحشه دى بهدلتنى اهئ اهئ
عمر:فى ايه ياايمان هو انتى محدش عارف يلمك فى الشركه دى واللا ايه مالك طايحه فى الكل كده ليه انتى فاكرة نفسك مين ان شاء الله عشان تبهدلى موظفه زيك بالمنظر ده انتى زيك زيها بالظبط وانا ممكن ارفدك حالا دلوقتى واخليكى عبرة لكل فى الشركه.
ولأول مرة تجرى الدموع فى اعين إيمان ويعجز لسانها عن الرد امام ذلك الكم من الاهانات الذى وجهه عمر اليها
بينما كانت مياده تنظر اليها بتشفي
عمر:مياده تعالى ورايا على المكتب
ايمان وهى تنظر لايمان بتشفى:حاضر
يدخل مكتبه بينما تتبعه مياده:ايوة يابشمهمدس
عمر:ممكن تقوليلي ايه اللى حصل ده وازاى تمسكوا فبعض بالشكل ده انتوا فاكرين نفسكم فى الشارع احنا فشركه محترمه ياهانم
مياده :والله ماعملتلها حاجه هى اللى بتكرهنى من غير سبب دايما تتشاكل معايا وتجر شكلي وبعدين تضربنى
عمر:تضربك هى ضربتك قبل كده؟
مياده:ايوة يابشمهندس ضربتنى عشان خاطر صاحبتها والبشمهندس يزيد بدل مايعاقبها هى عاقبنى انا
هو انا ليه حظى كده دايما الكل ظالمنى وجاى علية مع انى والله مالية دعوة بحد ودايما فحالى وبحب الخير للناس كلها
اهئ اهئ اهئ
عمر:خلاص يامياده معلش حقك علية انا حشوف الموضوع ده وحوقف البنت دى عند حدها
مباده وهى تقرب خدها منه:شوف يابشمهندس بهدلت خدى ازاى ومسكت فية زى الكلبه انا عارفاها هى متغاظه منى
عمر وهو يتماسك أعصابه فمنذ وصوله مصر وهو قد انهى كل علاقاته السابقه ولم يقم باى فعل بسئ له او لأهله
بمصر :خلاص معلش يامياده انا حجيبلك حقك
مياده:طب بزمتك يابشمهندس انا وحشه
عمر:وحشه هى مين اللى وحشه ده انتى زى القمر
مياده بدلع:اصلها بتقوللى انى وحشه وانى بايرة ومش لاقيه حد يعبرني تصدق مع انها داخله فى التلاتين ولسه يادوب مخطوبه.
عمر:ههههههه لا طبعا وحشه ده ايه ده انتى اجمل واحده فى الشركه
مياده :بجد يابشمهندس حضرتك شايف كده
عمر:طبعا امال ايه دى غيرة بنات مش اكتر وياللا بقى روحى مكتبك ونبقى نكمل كلامنا بعدين.
مياده:حاضر يا بشمهندس ثم تخرج من أمامه ببطء
بينما هو يتماسك اعصابه:الله يخرببيتك ياشيخه.
بينما فى مكتب يزيد تبكى بحرقه وقهرة لم يعهدها عليها يزيد من قبل
يزيد:ايمان عشان خاطرى انتى عارفه ان دموعك دى غاليه عندى هو احنا حسدناكى على ضحكتك واللا ايه بس
إيمان :بهدلنى قدام الحيوانه دى وخلاها تشمت فية ويقوللى انا ممكن اطردك واخليكى عبرة
يزيد:هو مين ده اللى يطردك وانا موجود انتى عبيطه واللا إيه وبعدين تعالي هنا قوليلي مش انا قلتلك قبل كده مالكيش دعوة بيها خالص كأنها مش موجوده بتحتكى بيها ليه؟
إيمان :والمصحف ماجيت ناحيتها انا بس لما شفتها قلت يافتاح عليم بصراحه كده بتشائم لما بشوفها هى اللى استفزتنى بكلامها اللى زى السم.
يزيد :هى جابت سيرة شمس تانى
إيمان :لقحت بالكلام من غير ماتقول اسمها بس طبعا الكلام واضح انه على شمس
يزيد:والله انا ماحايشنى عنها غير انى مش عاوز اقطع رزقها من الشركه.
يفتح الباب فتدير وجهها عنه
يزيد :عاوز ايه سايب مكتبك وشغلك وجاى ليه
عمر:وهى الاستاذه دى سايبه شغلها وقعده هنا ليه طبعا عشان تشتكيلك وتمثل دور الضحيه مش كده؟
فسكت إيمان ولاترد عليه
عمر:غريبه يعنى اول مرة تسكتى ومترديش ده انتى مفيش أطول من لسانك واللا عشان عارفه انك غلطانه ملكيش عين تردى
إيمان وهى تقف دون ان تعيره اى اهتمام :بعد اذنك يابشمهندس
يزيد:اتفضلي يا ايمان
تخرج ايمان دون ان تعيره اى اهتمام وتنجه الى مكتبها مباشرة.
شمس :ايمان انتى رحتى فين ياحبيبتى انا دورت عليكى ورحت التويلت اشوفك ملقتكيش
إيمان :كنت عند البشمهمدس يزيد ياشمس
شمس :ايمان مالك ياقلبي انا اول مرة اشوفك كده هى الجذمه دى ضايقتك اوى كده؟ يابنتى ملكيش دعوة بيها دى مش شبهنا
إيمان :مفيش حاجه ياشمس عادى كبري دماغك
شمس :اكبر دماغى عنك انتى ياايمان ده انتى اختى ياايمان
تحتضنها شمس بكل حب فتبكى ايمان فى حضنها وكانها ام لها تبكى بقهرة مما قاله لها عمر.
بينما فى الداخل كان يزيد يتحدث لعمر
عمر:يزيد انا لو وجودى فى الشركه مش مرغوب فيه انا ممكن امشي واشتغل فى اى مكان لكن مينفعش ان موظفه فى الشركه اكلمها ومتردش علية مينفعش ابقى قليل اوى كده ومليش وجود
يزيد:اقعد ياعمر بص ياعمر انا عاوز افهمك حاجه انت زيك زيي انا وعلى بالظبط لكن انت هنا لسه جديد ملحقتش تعرف مين الكويس ومين الوحش.
انا مش بدافع عن ايمان لكن انا بقول الحقيقه ايمان موجوده فى الشركه من سنين طويله يعنى بنت الشركه زى مابيقولو عمرها مااذت حد ولا زعلت حد منها بالعكس دى خدومه جدا ومتقدرش تشوف حد فيه حاجه او محتاج مساعده وتبخل عليه وياما اشتغلت حاجات مش من اختصاصها لمجرد انها بتحب الشغل وبتحب تقدم المساعده لكل اللى حواليها.
قلبها أبيض زى الحليب عمرها ماشالت من حد ولا كرهت حد عسل وسكر وخفة دمها مش على حد يمكن بس انت واخد منها موقف عشان دايما تغلس عليك لكن صدقنى لو قلتلك انها بتعمل كده من باب الدعابه مش اكتر مش حتصدقنى
اما بالنسبه لمياده فهى مش ملاك زى مانت فاكر بالعكس دى بتفكر فى كل خطوة بتخطوها كويس اوى وعارفه هى بتعمل ايه بالظبط ولو مكنتش هى اللى جرت شكلها ايمان عمرها ماكانت ابدا حتمد ايدها عليها
ولو فى حد المفروض انه يمشي من المكان ده تبقى مياده مش ايمان
انا بس صابر عليها لكن ودينى لو حطتها فى دماغى ماحخليها تفضل فيها يوم واحد.
عمر:يعنى انت عاوز تقول انى ظلمت ايمان
يزيد:ظلمتها وهينتها وجرحت كرامتها اوى
وايمان على الرغم من انها بتموت فى الضحك والهزار لكن بتصعب عليها نفسها اوى لو حد لمس كبرياءها او هان كرامتها وخصوصا لو كان ادام حد.
انت لسه ماعرفتش مين هى ايمان ياعمر وصدقنى يوم ماتعرف ايمان انت نفسك حتعزها زى انا مابعزها واكتر كمان
ايمان اللى زيها عمله نادرة مش موجوده فى زماننا ده
🌺فى داخل مكتب ايمان وشمس🌺
يدخل عليهم وهو حامل مج كابتشينو:ممكن العسل بتاعنا يتنازل ويتواضع ويقبل يشرب مج الكابتشينو ده من ايدي
كانت شمس وايمان غير مدركتين لما يحدث
إيمان :حضرتك بتكلمنى انا
عمر:وهو احنا عندنا عسل فى الشركه غيرك اكلمه
ايمان وهى مقموصه:لا شكرا مش عاوزة وبعدين حضرتك صاحب الشركه اللى من حقك تطردنى ميصحش تقدملى حاجه.
عمر:حقك علية متزعليش والله ماكنت فاهم اللى حصل خلاص بقى ميبقاش قلبك اسود انا لما شفت البنت متبهدله فى ايدك طبيعى جدا اقول انك انتى الظالمه.
انا اسف ياستى متزعليش بقى وبعدين هو احنا لينا بركه فى الشركه غيرك يامضحكانا ومشهيصانا
شمس:خلاص بقى ياايمان البشمهندس جايبلك الكابتشينو لحد عندك قلبك ابيض بقى
ولو انى بقى زعلانه منك يابشمهندس
عمر :ليه بس ياشمس
شمس:يعنى الكابتشينو لايمان بس طب وانا يعنى مليش نفس انا كمان
عمر:لا ياستى انا وانتى وسيف اللى حيدخل علينا حالا:القهوه بتاعتنا جايه دلوقتى
إيمان :امال اشمعنى انا اللى جبتلى كابتشينو
عمر:عشان انا سالت فى البوفيه وعرفت انك اكتر حاجه بتحبيها الكابتشينو
إيمان وهى تبتسم وكأن شيئا لم يحدث:ماشي مننحرمش شكرا ياباشا
عمر:يعنى صافى يالبن
إيمان :حليب ياقشطه بس عارف وربنا لو هزاتنى قدام حد تانى ماحيحصل كويس
عمر:خلاص خلاص ياربي عليكى بتقلبي فثانيه.
شمس:حبيبتى يامونى ياعسل انتى فتضحك الاثنتان فيتاكد عمر من كلام يزيد عن طبيعة إيمان التى لاتحمل ضغينه ولا يعرف الحقد طريقا لقلبها
💖💖💖💖💖💖💖💖💖💖💖💖
فى داخل الجامعه
عهد:بقولك إيه يانونتى ماتيجى نغير النادى اللى رحناه ده
حنين :تصدقى كنت حقولك كده بردو مش عارفه مش عاجبنى مش حسه انى لقية نفسي فيه
بس خفت اقولك تقولى انى بقول كده عشان عاوزة ارجع عند كمال تانى
عهد:والله العظيم انتى هبله
حنين :طب حنروح فين طيب ده احنا لفينا على معظم الجيمات وكابتن كمال هو الوحيد اللى ارتاحنا عنده.
عهد :مش عارفه حشوف بصي حدور كده واسأل ويمكن ربنا يسهل ونلاقى جيم كويس
حنين:طب قوليلي مفيش عندك اخبار جديدة
عهد :ولا قديمه ولا جديده عاليه مش مديانى فرصه اقرب من عمر نهائى ودايما معايا وبصراحه كده انا حسه ان عاليه معاها حق وانى مش فى دماغه خالص نادر لما بيفتح معايا كلام ولا مرة سالنى عامله ايه اخبار المذاكرة إيه
ده انا حتى مرة بقولله ماتيجى معايا الجيم قاللى انا عندى اجهزة رياضيه بلعب عليها وخلاص احرجنى اوى
حنين :طب وانتى ياعهد متضايقه
عهد :امال حفرح يعنى ياحنين ده انا كل مابشوفه قلبي بيرفرف كده ببقى عاوزة اجرى عليه واقولله بحبك وربنا بحبك بس حعمل ايه انا كان كل املى انه حتى ياخد باله منى ويبقى فيه بريق امل لكن ده مفيش نهائي وانا تعبت ومش عارفه اعمل ايه
ماتقوليلي اعمل ايه ياحنين؟
حنين :مش لما اعرف انا الاول اعمل ايه فى اللى انا فيه
عهد:انتى لسه بتفكرى في كمال ياحنين؟
حنين:ايوة ياعهد بفكر فيه ومش قادرة انساه غصب عنى مش بايدي كمال فيه كل المواصفات اللى بتمناها بجد بس للاسف هو مش بيحبنى ولا حتى شايفنى
عهد:معلش حبيبتى كلنا فى الهوا سوا
وياعالم بكرة ربنا كاتبلنا ايه؟
💖💖💖💖💖💖💖💖💖💖💖💖
بعد مرور عدة ايام تسير الأمور بشكل هادئ وتبدأ العلاقه فى التحسن بين عمر و شمس وإيمان وتبدأ بعض الامور تتضح أمامه
بدأ عمر يشعر بالالفه بينهم وفى وجودهم حتى انهم احيانا كانوا يتناولون الفطور سويا
فى داخل الشركه فى أحد الايام
تحديدا فى غرفة الاجتماعات يتواجد يزيد وعلى وعمر وسيف وشمس وعمار الكاشف
حيث يتم توقيع العقود بين الطرفين والاتفاق على ميعاد بدء تنفيذ المشروع الخاص بعمار الكاشف
يزيد :مبروك يابشمهندس عمار
عمار:مبروك لينا كلنا يابشمهندس يزيد وان شاء الله تكون فاتحة خير بيننا وميكونش اخر مرة
يزيد:ده أكيد طبعا
عمار:تمام يعنى ان شاء حنبدا الشغل بعد شهر بالظبط
يزيد :ان شاء الله يا بشمهندس نكون خلصنا التصميمات وبقى كل شئ جاهز ان شاء الله وفى الوقت المحدد حنبدا فى التنفيذ بأمر الله
عمار:تمام ومين من مهندسين الشركه اللى حيكون موجود اثناء العمل بالمشروع
يزيد:البشمهندس عمر والبشمهندسه شمس ان شاء الله.
يتفاجا عمر وشمس من هذا الأمر الذى لم يعلم عنه شئ احد من قبل
شمس :أيوة يابشمهندس بس مش حينفع
عمار:ليه يابشمهندسه ده شغل
شمس: اصل انا عمري ماخرجت برة اسكندريه وكل المواقع اللى كنت بشرف عليها كانت بتكون هنا فى اسكندريه.
يزيد :وجه الأوان انك تخرجى وتتعلمى ياشمس يبقى ايه المشكله
شمس:المشكله ان خالتو ممكن متوافقش
فيضحك عليها الجميع
على:ايه العسل والبراءة دى ياناس ثم يتحدث الى عمار بزمتك يابشمهندس عمرك شفت ادب وأخلاق بالشكل ده
عمار وهو ينظر لشمس باعجاب :بصراحه لاء
كاد عمر ان ينفجر من الغيظ ومن نظرة عمار واعجابه الواضح على معالم وجهه بها
شمس :بشمهندس حضرتك عارف انى مقدرش اخطو اى خطوه من غير موافقة خالتو ولو هى قالت لاء، يبقى اسفه لحضرتك مش حينفع وبعدين ممكن اوى البشمهندس سيف يسافر مع البشمهندس عمر وانا افضل هنا
عمار وقد شعر بانفعال شمس فى الحوار:بشمهندسه شمس معقوله تبقى مهندسه وناجحه ومجتهده كده وعمرك مااتحركتى غير باذن خالتك يعنى مكنتيش بتسافري فى رحلات مع اصحابك فى الجامعه مثلا
شمس :انا لا وربنا عمر ده ماحصل انا عمرى مااتحركت خطوة من غير اذنها وهى طول عمرها بتخاف علية اوى ولما كنت ببقى عاوزه اتفسح كانت دايما تاخدنى انا وايمان وتفسحنا المهم تكون معانا وانا كبرت على كده وعمرى مابيت برة البيت ومش عارفه بس اكيد هى مش حتوافق
عمار:تسلم خالتك وتسلم تربيتها ليكى وربنا يحميكى من كل شر
يزيد :ايوة بس احنا لسه بردو موصلناش لحل
شمس :مانا قلت لحضرتك سيف يروح مع البشمهمدس عمر
يزيد:سيف مينفعش ياشمس سيف ملوش علاقه بالتنفيذ وبعدين انا بحتاجه معايا هنا فى الشركه
على:طب ممكن نأجل الكلام فى الموضوع ده بعدين المهم بقى نحتفل بتوقيع العقود واللا ايه
عمار:ان شاء الله ححتفل بيكم لما تشرفونا فى شرم
على:لا ده احنا حنقوم كلنا عشان انا حاجز الغدا فى اوتيل
عمار:مفيش داعى لده كله انا لازم ارجع شرم انا بقالي فترة هنا فى اسكندريه والأمور هناك محتاجه وجودى
يزيد:تأخير ساعتين مش حيضر يابشمهندس
عمار:والله مش حينفع يابشمهمدس وبعدين خيرك سابق
انا حستئذنكم وعلى اتصال ان شاء الله
واتمنى يابشمهندسه انك تغيري رايك وتشرفينا مع البشمهندس عمر
يسلم على الجميع ويقوم على ويزيد بتوصيله الى باب سيارته الخاصه
ثم يعودان الى داخل الشركه
على:شكل فكرتك مش نافعه
يزيد:متبقاش متشائم اصبر بس
على :يابنى انت مشوفتش اصرارها ازاى انها مش حينفع تسافر
يزيد :انا عارفك لما بتنوء فى حاجه اهدى كده وان شاء الله مش حيحصل غير اللى فى دماغى
بس بقولك ايه تعالى نقعد فى مكتبك وناديلي إيمان
على:ماشي يامعلم
بينما داخل غرفة الاجتماعات
شمس:مالك يابشمهندس شايفاك ساكت من وقت الاجتماع ومتكلمتش ولا كلمه
عمر:ايه لا والله بس لقيت مفيش داعى للكلام
يعنى انتى ياشمس كل مشكلتك ان خالتك متوافقش بس
شمس:بص يابشمهندس انا والدتى اتوفت وانا صغيرة وربنا عوضنى عنها بخالتو
عمر:واضح انك بتحبيها أوى
شمس :لولا وجودها فى حياتى الله أعلم كان حصللى إيه
المهم دلوقتي انا مش عاوزة البشمهندس يزيد يزعل منى ومش عارفه اعمل إيه
عمر:سيبيها على ربنا انا متاكد انه حيلاقيلها حل
شمس :طب تمام وانا حقوم ابدا فى التصميمات
عمر:ماشي ياشمس وانا حعمل تليفون واحصلك
تخرج شمس بينما يسرح عمر فى التفكير فيها:ياااه معقوله لسه فى حد بيعمل حساب اهله بالشكل ده
انتى ليه مصرة تخلينى كل يوم اتعلق بيكى اكتر من اليوم اللى قبله لا لا اتعلق بيها ده ايه من امتى عمر المهدى فى واحده قدرت تعلقه بيها
بينما فى مكتب على
تجلس ايمان امامهم وهم منتظرون ردها
يزيد:مالك ساكته ليه ماتردى
إيمان :وانا اعملكم ايه خالتها استحاله توافق انا عارفاها كويس استحاله حترضى ان شمس تسافر وتقعد كذا يوم لوحدها دى ممكن يحصللها حاجه
على:يادى النيله يعنى الترتيبات باظت بقى كده واحنا اللى بنقول عليكى حلالة العقد
إيمان :طب انا اعملكم ايه هو انا كنت شارلك هولمز واللا المفتش كرومبو انتوا فاكرنى ايه
مانا عماله اهوه اشتغل على اخرى واسيبلهم المكتب واطلع برة واشوف وش اللى متتسمى قدامى كل شويه واقول ماشى معلش عشان خاطر عيونهم واروح اجيب فى قهوة ونسكافيه لما قربت اشتغل فى البوفيه مع العمال اعملكم ايه اكتر من كده
قربى بينهم ياايمان حاضر
سيبيهم يقعدوا مع بعض شويه ياايمان حاضر
اعملكم ايه تانى
كان يزيد ينظر اليها وهو منتظرها تنهى حديثها
يزيد:هاه خلصتى الشويتين بتوعك
إيمان :اه
يزيد :قولى اللى عندك ياايمان
ايمان :لا حول ولا قوة الا بالله والله خااتها ماحتوافق سناء، دى انا حفظاها
يزيد:ايمان اخلصى واتكلمى حتشلينى
ايمان:يالهوي الف بعد الشر عنك ان شاالله مياده
على :ههههههههههه
يزيد:قومى ياايمان من وشي مش عاوز اشوفك
ايمان:فى حل واحد مفيش غيره هو اللى حيخللى سناء توافق على سفر شمس
على:ولما هو كده ساكته ليه من الصبح
يزيد:مكنتش جبتك وقعدتك قدامى لو مش متأكد انك حتحليها
ايمان :انى اسافر معاها
على:نعم يااختى تسافري معاها ايمان متستعبطيش انتى عارفه ان مفيش بديل ليكى فى الشركه ومينفعش نستغنى عنك ده انتى لما بتغيبي الشغل بيقف
إيمان :لاء سيف بيفهم فى شغلى كويس
يزيد:استنى انت بس ياعلى عاوزة تسافري مع شمس ليه ياايمان
ايمان:حسن وحشنى وهو بيشتغل فى شرم وبكده حقدر اشوفه وكمان لما عمر وشمس يشوفونا انا وحسن واحنا هايمانين فى بعض والحب مولع فى الدرا اكيد حيغيروا ومشاعرهم تتحرك صح واللا انا غلطانه
فيقذفها يزيد بعلبة المناديل الموجوده امامه: ودينى انا اللى حولع فيكى امشي ابت اطلعى برة انا غلطان انى بعتمد على عيلة زيك
إيمان :ماشي انا غلطانه بس حتلف تلف وترجعلى ياباشا.
💖💖💖💖💖💖💖💖💖💖💖
بعد مرور ثلاثة أسابيع
فى شقة هاجر وعصام
عصام:هاجر انتى ياهانم فوقى كده وردى علية
هاجر:ايه ياحبيبي فى ايه عالصبح
عصام :انا لو حبيبك زى مابتقولى كنت تهتمى بحاجاتى ياهاجر لكن انا ولا فى دماغك
هاجر:ليه بس ياعصومتى هو حصل ايه لده كله
عصام :اللى حصل انى مش لاقى حاجه نضيفه البسها اروح بيها الشغل
هاجر:ازاى يعنى ماالدولاب عندك مليان هدوم
عصام :لا وربنا الدولاب فاضي ياهانم والهدوم كلها فى سبت الغسيل والقميص اليتيم اللى فى الدولاب فيه زرار مكسور اصلا وقلتلك كذا مرة عليه وانتى مطنشه
هاجر:حقك علية ياحبيبي انا اسفه الحمل مش مخلينى مركزة خالص والله هات القميص اركبلك الزرار بسرعه على ماتفطر
عصام :اتفضلي القميص اهوه وبسرعه حتاخر
هاجر:حاضر ياعصام اهوه انت بتزعق كده ليه حغسلك كل حاجتك ياسيدي خلاص.
عصام وهو يأخذ منها القميص:هاتى ولما ارجع حيكون لينا كلام تانى مع بعض عشان الوضع ده مش عاجبنى.
هاجر:وضع ايه اللى مش عاجبك ليه يعنى عملتلك إيه انا كل ده عشان خاطر القمصان حاضر ياسيدي حغسلهوملك ده بدل ماتقوللى ارتاحى متعمليش حاجه وانتى شايفنى تعبانه ومش قادرة
عصام :لا ياهاجر الموضوع مش موضوع هدوم بس الوضع كله مش عاجبنى انتي من وقت ماحملتى مبتعمليش حاجه خالص الأكل بيتعمل يوم وعشرة لاء البيت بقى زريبه بزمتك دى منظر شقة عرسان لسه فى اول جوازهم.
كل ده عشان حامل امال لو كنتي بتشتغلى كنتى عملتى إيه مانا بشوف الستات ماشيين فى الشارع ورايحين شغلهم وحوامل.
هاجر:بقى كده ياعصام يعنى انت مش قادر تستحملنى وانا حامل وتعبانه
عصام :لا ياهاجر انا مستعد استحملك العمر كله بس انتى بتبقى تعبانه فحاجات حاجات اشمعنى مبتبقيش تعبانه لما بتكونى عاوزة تخرجى وتتفسحى وقتها بتبقي رهوان مش كده
هاجر :اهئ اهئ اهئ حاضر ياعصام انا حاجى على نفسي وحقوم اعمل كل حاجه حتى لو حموت وان شالله يارب اموت واريحك منى
عصام :ياسلام وتفتكرى لما انتى تموتى انا حرتاح يعنى هاجر الله يخليكى افهمى انا بحبك بس حياتنا مش عجبانى حاسس ان فيها حاجه غلط
هاجر:كل ده عشان مش قادر تستحملنى شويه
عصام :لا حستحملك ياهاجر بمزاجى غصب عنى لازم حستحملك ياهاجر
هاتى القميص خلينى اتنيل اروح شغلى وياترى حتحنى علينا وتعمليلنا حاجه ناكلها واللا حتتصلي بية تقوليلي انا تعبانه ودايخه وهات معاك اى حاجه جاهزة
هاجر:حقوم اعمل اكل ياعصام مبسوط كده
عصام:والله مانا عارف انا ماشي
يخرج عصام من المنزل وهو حزين من قلبه على ماوصل إليه
💖💖💖💖💖💖💖💖💖
بينما فى الشركه
يعمل جميع الموظفين فى همه ونشاط الكل يعمل لصالح الشركه فهم يعتبرونها أكبر همهم وخاصة وان رب العمل لايحرمهم ثمرة تعبهم ودائما يقدر مجهودهم فى العمل
تجلس أمامه لتوفيه اخر واهم الأخبار
يزيد:قولي يااخرة صبري فى جديد
إيمان :زى ماهما الشغل واخد كل الوقت ياباشا يعنى يرضيك نقعد للحب والسهوكه ونسيب الشغل عشان بدل ماناخد مكافاة نتجازى يعنى واللا إيه
يزيد :والحل ياهانم
إيمان :مفيش غير الحل اللى قلتلك عليه
على:يعنى المعجزة حتحصل لما يكونوا مع بعض فى شرم الموقع هناك مش محتاجهم اكتر من شهر وممكن اقل كمان
تفتكر يعنى يايزيد المعجزه حتحصل فى الوقت ده
يزيد:ايوة ياعلى انا متاكد المشكله عند عمر مش فى الوقت المشكله فى المكان نفسه طول ماهما هنا عمرهم ماحيحسوا ببعض ولا مشاعرهم حتتحرك لكن المكان هناك ليه سحره الخاص وكمان لما يكونوا لوحديهم ده حيديهم فرصه يقربوا من بعض و ونحط قرار نهائى للموضوع ده يااما يبقى فيه امل يااما خلاص نقفل عالموضوع ده نهائى
إيمان :طب إيه الحل دلوقتى حضرتك شفت بنفسك لما حضرتك كلمت خالتها اعتذرتلك
يزيد :للأسف الشديد حضطر أقبل اقتراحك ياهمى الكبير
إيمان :مااحنا قلنا كده من الأول قلتوا اطلعوا من البلد
اعتبر شمس في شرم ياباشا
يزيد :ماشي ياايمان اما اشوف اخرتها معاكى ايه ياهانم
إيمان :اخرتها شربات وجاتوه بس عايزين حاجه نضيفه بقى احسن انا تعبت من الجاتوه اللى بجيبه من المخبز اللى جمب البيت ردئ اوى والله بس حعمل ايه اصلي بموت فيه
يزيد :على شيل البت دى من قدامى ضغطى حيعلى
إيمان :الف بعد الشر عنك يا أصيل ان شالله مياده يارب هى اللى ضغطها يعلى ويشيلوها على نقاله ياقادر ياكريم
على:ههههههههههه ههههههههههه
💖💖💖💖💖💖💖💖💖💖💖💖💖💖
انتهى الفصل يارب يكون عجبكم ومتنسوش تعليقاتكم وتوقعاتكم بقى ياقمرات
القصه هنا فقط اعمل متابعة ليصلك كل جديد 👇
عشاق الروايات
•تابع الفصل التالي "رواية شمس تتحدي الغيوم" اضغط على اسم الرواية