رواية شمس تتحدي الغيوم الفصل الخامس و العشرون 25 - بقلم عبير سليم
الفصل الخامس والعشرون من رواية شمس تتحدى الغيوم
بقلمي :عبير سليم
💖💖💖💖💖💖💖💖
عجبا لك ياحب من أين أتيت إلينا ونحن لم نعد لك العده وكيف تسللت الى قلوبنا ونحن فى غفوة من امرك.
نعم فلقد عزمت القلوب على عدم الخوض فى تلك المعركه التى غالبا ماتؤدى بصاحبها الى الهلاك.
ولكن ماذا علينا أن نفعل والأمر ليس بأيدينا وليس لناعلى قلوبنا سطوة
تلك القلوب التى تتقلب كيفما تشاء وقتما تريد فهل نترك لها العنان أم نشد عليها ونفيقها مما هى فيه من سكرات الحب؟
فى داخل الشركه
على:يعنى انت وعمر وشمس وايمان تعيشوا حياتكم وتسيبونى انا هنا لوحدى مش كده ياسي يزيد.
يزيد :لوحدك ليه ياعلى ماعندك سيف بيساعدك و سيف ماشاء الله عليه بيشتغل كويس ده غير موظفين الشركه كل واحد فيهم بيقوم بعمله على أكمل وجه يبقى فين المشكله
على :ايوة يايزيد بس دلوقتى فى تصميمات لازم تخلص والمشروع بتاع العجمى محتاج حد يشرف عليه والموجودين هنا انت عارفهم ماشيين زى الاله كل واحد فيهم مبيعرفش يعمل غير اللى متعود عليه وبس
يزيد :اتصرف بقى ياعلى هو انت صغير
على:ماشي يايزيد موافق بس على شرط
يزيد :شرط ايه ان شاء الله
على:بعد ماترجع انا كمان حاخد مروة ونروح نظبط نفسنا
احنا كمان يعنى هى جت علينا
يزيد :والله انت ماعندك دم يعنى ابنك يبقى لسه فى الجبس وانت عاوز تروح تدلع نفسك ياخى حس على دمك.
على :ماهى كده كده طنط هاله هى اللى مهتميه بيه وعاليه وعهد حياخدوا بالهم من مليكه يبقى فين المشكله
يزيد مروة كل شويه تقوللى مبتخرجنيش انا زهقت وانا طهقت
يزيد :وانت قرفت منكم انتوا الاتنين انتوا عالم معندكمش دم ده انا وربنا مكسوف انى حاخد عاليه ونمشي فى الظروف بس بقول عشان دى عاده كل سنه ومبحبش ازعلها لكن انت والست مروة مش حارمين نفسكم من حاجه وكل يوم فى حته.
على :ياربي عليك انت حتنوء حتروحوا امتى طيب
يزيد :بعد بكرة ان شاء الله
على:تروحوا وتيجوا بألف سلامه
💖💖💖💖💖💖💖💖💖💖💖
بينما فى داخل المكتب الذي يجمع بين عصام ومياده
عصام :مالك يامياده مسهمه كده ليه؟
مياده :هه انت بتقول حاجه ياعصام
عصام :اه بقولك فى موضوع كده كنت عاوز اتكلم معاكى فيه
مياده :موضوع ايه ده قول ياعصام
عصام :هشام زميلنا اللى فقسم الحسابات عارفاه طبعا
مياده :ايوة طبعا عارفاه ماله ده حصلتله حاجه وعاوزين تلموله فلوس مثلا
عصام :لا خالص الموضوع حاجه تانيه
مياده :انجز ياعصام وجيب مالاخر فى إيه
عصام :عاوز يتقدملك
مياده :عاوز ايه يتقدملى انا عبيط ده واللا إيه
عصام :ليه بس يامياده ده الراجل كويس والله وبيحبك وعنده شقه وجاهز
مياده :لا ده اكيد اتجنن هو ازاى اصلا يفكر يتقدملى وازاى ممكن ييجى فباله انى ممكن اوافق بيه
عصام :ليه ومتوافقيش بيه ليه هو ايه اللى ناقصه
مياده :انا يوم ماحتجوز عمرى ماحفكر اتجوز موظف بيستنى كل اول شهر عشان يقبض مرتبه ويستنى من السنه للسنه عشان مرتبه يزبد مية جنيه لا انا لازم اتجوز واحد ينقلنى نقله تانيه ابقى ليدي هانم
عصام :انا مش معاكى فى التفكير ده لان دلوقتى معظم الشباب على اد حالهم وبعدين مانا موظف زيه والحمد لله فاتح بيت ومستني بيبي كمان
مياده :اه صحيح مقولتليش حتجيبوا ولد واللا بنت
عصام:بنوته ان شاء الله
مياده:بجد طيب الف مبروك تيجى بالسلامه
عصام :الله يسلمك يا مياده
مياده:طبعا تلاقيك مبسوط اوى مع مراتك
عصام :مبسوط اه طبعا مبسوط يامياده المهم دلوقتي قوليلي أرد عالراجل اقوله ايه
مياده:تقولله الشركه عندك مليانه بنات يروح يتقدم لحد فيهم انما انا يبعد عنى نهائى مكنتش ناقصه غير سى هشام ده كمان بلاهم
ثم تحدث نفسها:انا وراك وراك ياعمر ومش حسيبك ومش حتجوز حد فى يوم من الايام غيرك
بس لما ترجع من شرم وانا لازم اكلبشك من حديد
ايوة ماهو مش معقول جمالى ده كله وفى الاخر اتجوز واحد كحيان محيلتوش غير مرتبه بلا خيبه
💖💖💖💖💖💖💖💖💖💖💖💖
فى شرم الشيخ
يعمل الجميع بكل همه ونشاط شمس وعمر يعملان بكل جد ولا يخلو العمل من تلك النظرات التى كان يختلسها عمر لشمس نظرات تفضح صاحبها نظرات لا تحمل سوى العشق والغرام بكل معانيه.
كانت شمس تلاحظ تلك النظرات ولكنها دائما ماكانت تكذب نفسها وايضا كانت لاتترك لقلبها اية فرصه للتفكير فى ذلك الامر فكفاها ماحدث لها فى الماضي
عمر
عمر:نعم ياشمس
شمس :انا عاوزة ارجع الاوتيل
عمر :بس الشغل لسه مخلصش هو فى حاجه
شمس :معلش ياعمر عندى صداع والله وحسه انى تعبانه شويه
عمر بلهفه:الف سلامه عليكى ياشمس بس انتى كنتى لسه كويسه ايه اللى حصل
شمس :مش عارفه يمكن اخدت ضربة شمس واللا حاجه انا حرجع انام شويه معلش ياعمر انا آسفه والله
عمر:ايه الكلام ده طب اجى اوصلك
شمس :لا لا مفيش داعى انا حركب اى عربيه هنا وارجع
عمر:طب من فضلك خدي بالك من نفسك
شمس :حاضر
ترجع شمس على الاوتيل وتصعد لغرفتها حيث كانت إيمان مع حسن تلعب معه راكت على الشاطئ
إيمان :حاسب يابنى الكورة حتدخل فى عينى
حسن:انتى اللى مش عارفه تلعبي كويس
إيمان :شوف ازاى انا مش عارفه العب لكن الهانم ام شعر اصفر دى هى اللى بتعرف مش كده
حسن :ياربي عليكى ايمان احنا اتفقنا على ايه
إيمان :مانا مش طايقه اشوفك بتكلم حد من السياح دول ياحسن
حسن:بتغيري علية يامونى
إيمان :يالهوى وهو انا لو مغرتش عليك حغير على مين ياقلب مونى
حسن :بت انتى انتى تروحى تمشي من قدامى حالا احسن وربي حاخدك على اقرب ماذون واكتب عليكى ونتم الدخله هنا
ايمان :ياريت والنبي ياسونه انا موافقه ياقلبي
حسن:امشي يامجنونه قدامى ياللا
يقوم حسن بتوصيلها فيلتقيان بعمر وهو عائد هو الاخر
عمر:ازيك ياحسن عامل ايه
حسن:الحمد لله والله ياعمر خد المجنونه دى معاك عشان ارجع شغلى انا حاسس وربنا ان رفدى حيكون على ايدها
عمر:ههههههههه ماشي ياسيدي امشي ياست هانم قدامى
ايمان :امال فين شمس
عمر:رجعت من شويه بتقول مصدعه
ايمان :اه ياحبيبتى هى اصلها مبتستحملش الشمس الجامده
عمر:هاه مش حتعترفي بقى
ايمان:اعترف بايه ان شاء الله تكونش ماسك علية ذله وانا معرفش
عمر:بمكالماتك ليزيد اللى كل شويه تكلميهاله دى
إيمان :وانت مالك ياعمر شاغل نفسك ليه واحده ومديرها بيتكلموا مع بعض ايه مشكلتلك
عمر:وهى المكالمات دى لازم تكون على جنب وبعيد عشان محدش يسمعك
إيمان :اسرار ياحبيبي وانت صغير عالكلام ده
عمر:اسرار ايه يعنى ممكن اعرف
ايمان :يالهوى عالذكاء يعنى انا اقولك اسرار تقوللى عاوز تعرف طب ازاى
عمر:لا ماهو انا لازم افهم اللى بيحصل حواليه
ايمان :والله عندك اخوك روح اسأله هو
عمر:بقى كده يامونى ماشي براحتك وانا اللى كنت فاكر اننا بقينا صحاب خلاص
إيمان :ياعينى تصدق الدمعه حتفر من عينى انت فاكرنى هبله وعاوز تجرجرنى فى الكلام بعينك
عمر:عالعموم انا عارف كويس انتوا بتتكلموا فى ايه
ايمان :عارف عارف ايه وعرفت ازاى
عمر:امال انتى فاكرانى اهبل واللا ايه انا سمعتك ياهانم وانتى بتنقلي اخبارنا انا وشمس ليزيد
إيمان :وفيها ايه ان شاء الله هو مش صاحب الشركه ولازم اعرفه بكل كبيرة وصغيره
عمر:اه بس لما يكون الكلام فى الشغل مش فى حاجه تانيه
إيمان :بقولك ايه انا مش ناقصاك اه متشتغلنيش انا بقولك اهوه انت حتطلعهم علية واللا ايه واللا تكون الشمس لحست مخك ياللا يابابا بيتك بيتك مش ناقصه لعب عيال
ده ايه ده ياربي حاجه تشل
عمر:بقى كده طب ماشي ياايمان
إيمان :ماشي واللا راكب ياللا ورينا عرض قفاك
ثم تحدث نفسها وهى تفتح الغرفه:يادى النيله ليكون سمعنى اه ممكن ليه لاء مانتى اصلك صوتك جرس كذا مرة اقولك وطى صوتك ايه مركبه اذاعه يخرببيتك
تدخل فتجد شمس نائمه ويبدو على وجهها التعب فتذهب ناحيتها وتقبلها من جبهتها
بينما يدخل عمر غرفته ويبدا فى خلع ملابسه لياخذ حماما فيجد طرقا شديدا على الباب فيذهب لفتحه فيجد ايمان امامه
عمر:ايه نويتى تعترفي خلاص
ايمان:الحقنى ياعمر
عمر:فى ايه ياايمان
ايمان:شمس تعبانه اوى مولعه نار عاوزاك تجيب دكتور الله يخليك
عمر:اتصليلي بحسن حالا
بعد قليل فى غرفة شمس
الدكتور:اطمنوا ياجماعه واضح انه دور برد شديد وكمان شكلها اخدت ضربة شمس ومصاحبه ارتفاع جامد فى درجة الحرارة هى دلوقتى اهم حاجه الراحه والعلاج وكمادات مياه سخنه باستمرار وتاكل مسلوق وتشرب سوايل كتير
ياخذ حسن الروشته ليحضر الدواء بينما تجلس ايمان بجانبها لتعمل لها الكمادات
بينما كانت شمس شبه مغمى عليها تائهه لا تدرى بشئ مما يحيط بها كانت شفاهها ترتعش حمراء مثل الجمر تتمتم ببعض الكلمات المتقطعه التى تعبر عما تكنه بداخلها ومما تعانيه:خالتو خالتو ماما فين ياخالتو ماما متسيبينيش ياماما بابا بابا انت نسيتنى خلاص فرحى فستاني لا مش مسامحاك ايمان ايمان متسيبينيش تعبانه تعبانه
كانت تهلوس ببعض الكلمات التى تكنها فى باطنها وتحاول الا تظهرها
كانت إيمان تضع الكمادات على وجهها:حبيبتى ياشمس الف سلامه عليكي يا قلبي انا جمبك ياحبيبتى جمبك ياروح قلبي
لم يشعر عمر سوى بالدموع تجري على وجنتيه اثر هذه الكلمات التى سمعتها اذنه من فمها وخاصة عندما انهتها وهى تذكر اسمه بين تلك الاسماء التى ذكرتها:عمر عمر
نعم فلقد سمع اسمه من بين شفاهها التى ان وضع الثقاب بالقرب منها اشعلت الدنيا نارا نار ا تاكل قلبه من الحب الذى أشعل قلبه و بات يكنه ويسيطر عليه دون وعى منه او اراده
وأخذ يحدث نفسه وهو يجلس بالقرب منها :الف سلامه عليكى ياحبيبتى ايوة حبيبتى انتى حبيبتى ياشمس انا خلاص مبقتش قادر اخبي مشاعري ولا انكرها اكتر من كده
انا مش حسيبك ياشمس مش حسيبك زى ماباباكى سابك وزى ماخطيبك سابك اوعدك ياشمس اوعدك انى حعوضك عن كل شئ، اوعدك انى حنسيكى كل اللى حصل
يمر اليوم وإيمان لا تقوم من جانبها وعمر يجلس معهم لا يود فراقهم لحظه لا يبعد عينبه عنها يذهب الى غرفته قليلا ليسيطر على مشاعره تجاهها ويعود اليهم ثانيه ليجد الوضع كما هو
ياتى الليل ويحل الظلام وتبدا درجة الحرارة فى الانخفاض بالتدريج
إيمان :الحمد لله ياعمر الحرارة نزلت شويه
عمر:الحمد لله طب انا حنزل تحت اخليهم يعملولها شوربه دافيه على ماتديها العلاج
إيمان :عمر
عمر:نعم ياايمان
إيمان :انا مش عارفه اقولك ايه تعبناك معانا اوى النهارده
عمر:تعبتونى معاكم انتى مش عارفه
إيمان :لاء عارفه ياعمر عارفه وفاهمه كل حاجه عيونك بتقول اللى بتحاول مينطقهوش لسانك
عمر:..........................
إيمان :صدق قلبك ياعمر قلبك اختار الشخص الصح شمس محتاجه وقوفك جمبها شمس شافت كتير اوى اكتر مماتتخيل ومفيش حد فىالدنيا ممكن يعوضها بالحب والحنان اللى اتحرمت منه غيرك انت ياعمر
عمر:بحبها بحبها ياايمان ايوة بحبها ومش قادر اخبي ولا انكر اكتر من كده
ايمان :عارفه ومتاكده كمان زى مانا متاكده انها بتبادلك نفس المشاعر
عمر بفرحه:بجد بجد ياايمان انتى متاكده
إيمان :شمس دى مش صاحبتى دى بنتى اللى اقدر افهمها من نظرة عينيها من غير ماتتكلم بتحبك ياعمر اطمن وطمن قلبك
عمر :ربنا يخليكى ياايمان يارب انا بجد مش عارف اقولك ايه
ايمان :توعدنى انك تكون لها العوض عن كل اللى حصلها
عمر:اوعدك ياايمان اوعدك ايمان انتى جميله اوى انا عمرى مااتعاملت مع حد زيك قبل كده يابخت حسن بيكى والله
إيمان :طبعا يابنى ده انا عسل وسكر امال ايه وبصراحه حسن ده احلى حاجه حصلتلي فى حياتى كلها
عمر:ههههههههههههه عارفه اللى يشوفك وانتى بتضحكى وبتهزرى وداخله فى الكل بقلب جامد ميقولش انك ممكن تتكلمى جد
إيمان :معلش بقى ياعمورة حظكم كده تتعاملوا مع واحده مجنونه كل شويه بشخصيه ههههههههه
عمر:احلى مجنونه فى الدنيا
إيمان :طب ياللا بقى انزل هاتلنا الاكل على مااحاول افوقها وادخلها تاخد دش
ينزل عمر سريعا وهو فى داخل يشعر بسعادة الدنيا كلها
يمر الليل ويذهب عمر الى غرفته ولكنه يتصل على ايمان كل عشرة دقائق ليطمئن عليها
إيمان :ماترحمنى وارحم شبابك بقى يااستاذ انت نام يابنى نام
عمر :يالهوى عليكى بتقلبي فثانيه
ايمان :بقولك ايه روح بقى معايا تليفون
عمر :ومين اللى بيرن عليكى دلوقتى ياهانم
إيمان :ياربي وانت مالك
عمر:مالى ازاى انتى عبيطه انتوا مسئولين منى لحد مانروحوا
إيمان :ماشي ياللا بقى عاوزة ارد فتغلق فى وجهه لتفتح الخط:منور يابرنس
يزيد :ايه ياايمان فينك يابنتى النهارده مكلمتنيش ولامرة وانا انشغلت طول اليوم
إيمان :استنى حخرج برة الاوضه واحكيلك على كل حاجه
(طبعا ايمان حكتله على كل حاجه بالتفصيل وكلامها اللى كلمته لعمر بالحرف الواحد وطبعا يزيد الدنيا مكنتش سايعاه من الفرحه خصوصا بعد ماعرف ان عمر اعترف بلسانه بحبه لشمس لكن طبعا هو زعل جدا عشان شمس ووصى ايمان عليها
يزيد :ماشي يامونى حكلمك الصبح وانا رايح الشركه تطمنيني
إيمان :ده لو كنت صاحيه مكدبش عليك انا منمتش ولا ثانيه لغاية دلوقتي وحسه انى حموت من قلة النوم
يزيد :ربنا يخليكم لبعض
إيمان :ويخليك لينا يارب مننحرموش منك ابدا
يزيد :صحيح طب وخالتها عرفت ان شمس تعبانه
ايمان :يالهوى دى كانت لبست وجاتلنا لا طبعا انا فهمتها انها كويسه بس نايمه
يزيد :تصبحي على خير يامونتى
تلتفت فتجد عمر يفتح الباب ومقبل عليها فترد بصوت عال حتى تسمعه:وانت من أهل الخير ياحبيبي خللى بالك من نفسك ياحسونتى اوعى عينك تروح كده واللا كده لافقعهم لك
يزيد :ههههههههه ماشي ياستى سلام
عمر:نفسي افهم بتخرجى تتكلمى برة الاوضه ليه
ايمان :انت مش سامع صوتى جرس والبت نايمه مش عاوزة اقلقها
عمر:ماشي ياحنينه
إيمان :طول عمري وربنا وبعدين مش قلتلك مية مره ماتقفش معايا كده احسن تشبهني ياللا اتطرق من هنا ده ايه ده مفيش خصوصيه خالص وتدخل وتغلق فى وجهه الباب
عمر:مجنونه وربنا بس عسل الصراحه
يأتى الصباح وتغمر الشمس الغرفه بنورهاوتبدأ شمس فى استعادة اتزانها ولكنها مازالت تعانى من ارتفاع فى درجة الحرارة واحساس بالالم الشديد فى جسمها
تتحسس بيديها فتجد الكمادات على رأسها وتجد ايمان نائمه على الكرسي امامها
فتنادي عليها :ايمان ياايمان
إيمان :شمس حبيبتى انتى صحيتى حمد الله على سلامتك ياشموستى
شمس :الله يسلمك يا قلبي هو ايه اللى حصل
إيمان :حسه بايه طمنينى
شمس :دماغى وجعانى وريقى ناشف فتحضر لها ايمان الماء، لتشرب
وتحكى لها عن كل ماحدث ومكوث عمر معهم
شمس :يعنى عمر كان هنا وانا نايمه مش حسه
إيمان :اه وربنا كان هنا يااختى واقولله امشي يابنى روح اوضتك قرفتنى وطهقتنى وهو على نبرة واحده مش ممكن يعنى مش ممكن.
فتبتسم شمس لسماع هذا الكلام بينما تتنهد ايمان
وتظل شمس فى الغرفه هكذا تشعر بالتحسن ولكنه بطئ، وكان عمر يذهب للموقع وإيمان لا تفارق شمس ويعود عمر للاطمئنان عليهم والجلوس معهم بعض الوقت والحديث فى الكثير من الموضوعات واحيانا كانت شمس لا تستطيع الكلام من شدة التعب.
💔💔💔💔💔💔💔💔💔💔
بعد مرور يومين
فى احدى الفنادق بإحدى البلاد الاوروبيه يدخلان الجناح الخاص بهما وهو يضع يديه على عينيها ثم يزيح يديه لتفتحهما ببطء وتندهش مما تراه عينها:ورد احمر وشموع فى كل مكان تتناثر الورود كما لو كانت حديقه جميله
تذهب ناحية ذلك الفراش لتجد عليه هاله من الورود الجميله وصندوقا كبيرا تجلس على حرف الفراش لتفتح ذلك الصندوق
فتجد فيه هديتها ومعه كارت كتب عليه:زوجتى وحبيبتى ورفيقة عمري اليكى كل الحب يامن ملكتى الفؤاد وعشقكى القلب دمتى فى حياتى ياأجمل من رأت عينى
تهرول إليه وتحتضنه بشده والدموع تجري على وجنتيها:مش معقول كل ده عشانى انا ده كتير علية اوى ياحبيبي
فيجيبها بكل حب:حبك ده وقلبك الأبيض ده هو اللى كتير علية اوى يانور عينى
بتحبنى اوى كده يايزيد
يزيد :بعشقك ياقلب يزيد انتى روحى ونبض قلبي
عاليه :انا كل يوم بيعدي بحبك فيه اكتر من اليوم اللى قبله اوعدنى يايزيد ان ميجيش يوم تروح فيه منى
يزيد : اروح فيه منك فين وازاى وانتى سكنى وموطنى والدايرة اللى معرفش اولها من آخرها
انتى النفس اللى بتنفسه ياعاليه انا روحى متعلقه بوجودك فدنيتى
عاليه :دنيتى عمرها قليل اوى ياحبيبي وحييجى اليوم اللى حفارق فيه دنيتك ووقتها عيش يايزيد وحب واتمتع بالدنيا اللى انت عيشتهالى و اللى انا حرمتك منها
يزيد وهو يحتضنها بشده وكأنه خائف من ان ياخذها احد من بين احضانه:لاء انا مش حسمحلك مهما حصل انك تفارقينى انتى فاهمه انا عشت معاكى اجمل سنين عمري وعمري ماحسيت باللى بتقولي عليه ده بالعكس ياحبيبتى انادقت معاكى الحب وعرفت طعمه الحقيقى
عاليه :خايفه اكون ظالماك يايزيد انا عارفه انى انانيه بس اعمل ايه بحبك بحبك اوى انت اول واحد عينى فتحت عليه
يزيد :اطمنى ياقلبي مفيش حاجه فى الدنيا كلها ممكن تاخدنى منك ابدا انتى روحى وانتى عمري وانتى كل حياتى والباقى فى عمري كله محدش حيشاركك فيه ابدا
عاليه:بحبك بحبك اوى
يحتصنها يزيد ويلف بها فى الغرفه كما لو كانت عصفورة بين يديه ليعيشا معا أسعد لحظات حياتهم تلك اللحظات الجميله التى يختلساها من الزمن
💔💔💔💔💔💔💔💔💔💔💔💔
يذهب عمار الى الموقع وبصحبته أشرقت
عمار:ازيك ياعمر اخباركم ايه وايه اخبار الشغل طمنى
عمر:اطمن يابشمهندس كله تمام والعمال شغالين بكل طاقتهم
أشرقت :امال فين شمس مش شايفاها
عمر:شمس تعبانه شويه
عمار:تعبانه ازاى يعنى
عمر:من يومين جاتلها ضربة شمس ودور برد جامد وتعبت اوى
عمار:الف سلامه عليها وهى عامله ايه دلوقتي
عمر :الحمد لله والله احسن وايمان قاعده معاها مبتسيبهاش واطمن حضرتك انا قايم بالشغل كله متقلقش
عمار :اقلق ايه بس ياعمر اهم حاجه دلوقتى نطمن عليها
أشرقت :طب ياجماعه انا حروح اطمن عليها
عمار:ماشي يا حبيبتي اتفضلي
عمار:معلش ياعمر والله اشرقت كانت عاوزة تقعد فى الفيلا اصلها مبتحبش جو الاوتيلات فمحستش باللى بيحصل وانا لما كنت بتصل بيك انت مقلتليش حاجه
عمر:ولا يهمك يابشمهندس هى بقت احسن والله
بس انا شايف مدام اشرقت طيبه اوى
عمار:عارف ايمان نسخه منها بالظبط اوقات تضحك وتفرفش وتتريق واوقات تقلب ويكفيك شر قلبتها هما اصلهم جوزائيين زى بعض
عمر:بس عيونكم كلها حب لبعض بس مش عارف ليه حاسس انكم زى ماتكونوا بتداروا الحب ده او مش عاوزين تبينوا ضعفكم ادام بعض
انا اسف والله مقصدتش اتدخل فى خصوصياتكم بس ده اللى انا حسيت بيه
عمار:احساسك صح ياعمر مكدبش عليك
عمر:طب ليه انا اللى فهمته انكم بتحبوا بعض وعندكم بنوته يبقى ليه تداروا حبوا عن بعض الكلام ده بيحصل لما يكونوا اتنين مش مرتبطين رسمى لكن اتنين متجوزين ايه اللى بوصلهم لكده
عمار:احيانا القدر بيحطنا فى اختبارات صعبه اوى بتحس وفتها ان كل حاجه بتتغير من عير ماتحس
عمر:طبعا انا مش حسالك لان ده مش من حقى لكن لو حابب تحكيلي ده شئ بشرفنى
عمار:صدقنى ياعمر لو قلتلك انى فعلا محتاج اتكلم مع حد واحكيله كل اللى جوايا واللى تاعبنى من سنين بس مش عاوز اتقل عليك
عمر:لا يابشمهندس حضرتك ليك كل احترام
عمار:وطبعا الاحترام ده محصلش غير لما اتاكدت من ان نظرتي لشمس واعحابي بيها لسبب غير اللى كان فدماغك خالص مش كده
عمر:مقدرش اقول لاء
عمار :ولا بهمك ياعمر ربنا يسعدكم ويفرح قلوبكم
عمر:طب ايه رأيك نقعد فى الكافيه ده وحنبقى قريبين من الموقع ونتكلم براحتنا
عمار:اتفضل ياعمر
(قعد عمار مع عمر وحكاله كل حاجه تخصه هو واشرقت وقصة حبهم اللى اتوجت بجوازهم وزاد الحب بينهم اكتر لما ربنا رزقهم ببنتهم ماسه لكن كل حاجه اتغيرت بعد الحادثة وبتر رجله اليمنى من الركبه حتى القدم وتاثير ذلك بشكل سلبي على علاقتهم وده اللى خللى أشرقت تاخد بنتها وتسافر بحجة تعليمها وبتيجى زيارات على فترات طويله عشان تتجنب اى مشاكل بينهم)
تأثر عمر بشده لكلام عمار وتعاطف معه جدا :يااه معقوله مع ان والله العظيم ماباين حاجه خالص صحيح انا فعلا لفت نظرى ان حركتك بطيئه شويه بس مجاش فى دماغى ابدا ان يكون ده بتر
عمار:عشان انامتعود على الرجل الصناعيه اللى مركبها وعملت بيها تمارين كتير لحد مابقت بالنسبه لى عادي ومحدش يعرف غير اللى عايشوا معايا الموقف بس
عمر:طب بص يابشمهندس اولا كده انا مقدرش احمل واحد فيكم بس المسئوليه من غير التانى انتوا الاتنين مسئولين عن اللى حصل واللى وصلتوا ليه
عمار :بس انا ماارغمتهاش انها تكمل معايا بالعكس انا قلتلها لو عاوزة
عمر:عاوزة ايه حضرتك تنفصل يعنى طبعا استحاله كانت حتوافق عالكلام ده لكن للاسف انت طول الوقت بقيت حاسس قدامها بالعجز وانك مبقتش عمار بتاع زمان
حسستها بضعفك والست بتحب الراجل القوي اللى يبقى هو اللى ليه القوامه عليها مش الضعيف المستسلم
انت كبرت جواها الاحساس ده وخلتها مع الوقت تبصلك نظرة شفقه وعطف واى كلمه هى تقولها طبعا بقت بتتاخد باحراج وكسوف وبمحمل تانى خالص
اتبنت بينكم الحواجز مع الوقت ماده طبعا لازم يحصل لكن انت لو مكنتش بينتلها عجزك وانك طبيعى جدا وتقدر تعمل كل اللى كنت بتعمله عمر ماكان كل ده حصل
لكن دور الضحيه اللى عيشت نفسك فيه وانها دايما حسه انها السبب فى اللى حصلك خلاها تحس انك متضايق منها لانها السبب وهى كمان مع الوقت بقت تحس انها مش عاوزة تحتك بيك ولا تتكلم معاك عشان اى كلمه انت بتاخدها بمحمل تانى
انت عارف يابشمهندس انا كان معايا واحد فى لندن كان مرتبط ببنت من وجهة نظره حلوة ومفيهاش عيب هى بقى كانت قلبوطه شويه فكانت كل شويه انا حعمل دايت عاوزة اخس انا تخينه انا مش عاجبنى شكلى
عارف ايه اللى حصل مع الوقت بقى فعلا متضايق من شكلها اظهرتله عيوبها بكل غباء ومكملوش مع بعض
اوعى تظهر عيوبك لحد اتعامل عادى وبشكل طبيعى جدا
حاولوا تنسوا اللى فات وتبدءوا مع بعض من جديد عشان خاطر بنتكم ترجع وتعيش وسطكم تانى وكمان خسارة اوى ان الحب اللى بينكم ده يروح بالسهوله دى
عمار:يااه ياعمر انا اول مرة اشوف الموضوع من زاويه تانيه غير اللى كنت دايما حاطط نفسي فيها
انت فتحت عيونى على حاجات عمرى مااخدت بالى منها
عمر:على فكرة انا مقدرش احملك لوحدك المسئوليه ممكن هى كمان يكون ليها يد لانها للاسف استسلمت للوضع وخوفها من انها تفقدك خلاها تاخد قرار البعد كانت فاكرة ان ده فى صالحكم انتوا الاتنين
بشمهندس عمار انت بتحبها؟
عمار :بحبها ياااه اشرقت دى عشقى حبي الوحيد
عمر:يبقى تستاهل انك ترجعه لحضنك تانى
💔💔💔💔💔💔💔💔💔💔💔
فى غرفة شمس وإيمان
أشرقت :ازيك ياشمس الف سلامه عليكي
شمس :الله يسلمك يامدام اشرقت و ازى حضرتك
أشرقت :انا بقولك ياشمس انتى قوليلي اشرقت او شوشو زى ايمان مابتقوللى
اه صحيح امال هى فين مش شايفاها
شمس :بقالها تلت ايام مبتسيبنيش لحظه الحيت عليها تروح تشوف خطيبها
أشرقت :ربنا يسعد قلوبهم واضح انهم بيحبوا بعض أوى
شمس :ايوة فعلا بيحبوا بعض اوى ربنا بسعدهم ويهنيهم
أشرقت :وانتى ياشموسه مفيش حد في حياتك
شمس :انا.........
أشرقت :ههههههه مالك ياحبيبتى سكتى ليه انا بدردش معاكي بس
وبعدين ازاى يعنى الجمال ده كله وميكونش حب
شمس :لا لو عالحب فانا للاسف حبيت فعلا
أشرقت :وليه للأسف ياشمس
تجري الدموع فى عيون شمس دون أن تشعر:عشان حبيت وانجرحت أوى
أشرقت :ومين فينا مش مجروح ياشمس كل واحد فينا جواه جرح كبير بيحاول يداريه ممكن بعناد وممكن يغلفه بقسوة وممكن ببعاد لكن فى النهايه كلنا مجروحين
شمس :بس انا شايفه انك والبشمهندس بتحبوا بعض اوى عيونكم كلها حب لبعض ده لما كنا بناكل مع بعض اخر مرة وقلتى انك حسه انك تعبتى
البشمهندس كان حيموت عليكى من الخوف
أشرقت :احنا فعلا بنحب بعض ياشمس بس للاسف الحب اللى بيننا بقى مخنوق اوى حاسس انه مقيد بقيد من حديد لا قادرة تفكيه ولا قادرة تستحمليه
شمس :وليه كل ده احكيلي يااشرقت اعتبرينى زى اختك واحكيلي يمكن ترتاحى
أشرقت :انا فعلا بعتبرك اختى والله وربنا يعلم انكم دخلتم قلبي ححكيلك ياشمس بس توعدينى ان اللى حقوله يبقى سر بيننا عشان ده شئ مايخصنيش لوحدى
شمس :اطمنى وطمنى قلبك مفيش حد حيعرف حاجه
(حكت اشرقت لشمس نفس اللى حكاه عمار لعمر بالحرف)
شمس :معقول مع ان والله مااخدت بالي نهائى وقلت يمكن حركته الضعيفه تيكون ليها اى سبب تانى
طيب بصي حبيبتى متزعليش منى انتى غلطانه
أشرقت :ليه ياشمس
شمس :تخيللى كده راجل فى كامل رجولته معيشك الحياه كلها بكل لحظاتها الحلوة فجاة يلاقى نفسه مركب طرف صناعى وطبعا ده ضايقه جدا نفسي
كان المفروض تفضلي معاه وتقويه وتاخدى بايده وتحسسيه ان اللى حصل ده عمره ماحياثر على حبك ليه وانه مش ممكن يكونله تاثير على حياتكم
لكن انتى اختارتي الأسهل اختارتي تستسلمى وتسيبيه لاحزانه يعيش فيها لوحده وتقرري البعد عنه بحجة انك م
•تابع الفصل التالي "رواية شمس تتحدي الغيوم" اضغط على اسم الرواية