رواية عشق الفيروز "لا تظلمني" الفصل الثاني 2 - بقلم ولاء رفعت
$$ فلااااااااش باك $$
مع بدء يوم جديد كانت فيروز تجلس أمام احدي المدرجات بالجامعه فهي طالبة بالسنة الاخيرة بكلية تجارة انجليزي ...
- فيروز : الو ياماما ياحبيبتي اخدتي الدوا في ميعاده؟
- آمال : اها يابنتي متقلقيش عليا خلي بالك من نفسك كويس يافيروز وخلصي محضراتك وروحي ع طول
- فيروز : متقلقيش عليا ياست الكل بنتك بميت راجل
- آمال : ربنا يباركلي فيكي ويحفظك يابنتي
- فيروز : ويخليكي ليا يا امي ... سلام
* انتهت مكالمتها ودلفت لقاعة المحاضرات لتجد حشد من الطلاب يبدو علي معظمهم من الطبقات المخمليه فظلت تنظر الي مظهرهم الخارجي وهي تحدث نفسها : الحمد لله ربنا انعم عليا بنعم كتير ولامال الدنيا يسوي ادام نعمه واحده فيهم ... صعدت لإحدي المقاعد وجلست بدون ان تنتبه للجالسين بجوارها ...
- سيلين : شوفتو يابنات لسه مبدأناش دراسة والجامعه لمت اوووووف
- هايدي : هي عملتلك حاجه ولا اي؟
- سيلين : هي مين دي! هي تقدر اصلا ؟!
بس عايزه اعرفها مقامها كويس
- مايا : خلاص ياسيلي سبيها حرام دي بنت غلبانه
* فكانت تستمع لحوارهم ثم التفتت اليهم قائله : علي فكرة انا معايا كارت لدكتور امراض نفسيه شاطر اوي بيعالج النفوس المريضه الي زي حضرتك انتي وهي ... قالتها بنظرة سخريه وتركتهم
- سيلين : انتي يابتاع انتي حد كلمك ؟
- فيروز : اسمي فيروز ع فكره ياسيلين وكفايه كده مش كل سنة نبتديها مشاكل مالك بيا؟ حطاني في دماغك ليه ؟
- سيلين : عشان بسببك اتعملي محضر غش ولا ناسيه
- فيروز : وانا مالي انتي واحده مستهتره وعايزه تنجحي ع حساب غيرك ومن جبروتك كنتي عايزه تبدلي معايا شيت الاجابه وخليتي هايدي تلهيني عشان تبدلي الورق فسبحان الله ربنا كشفك في وقتها والمراقب مسكك مين بقي الي غلطان؟!
- سيلين : طب خدي بالك بقي يا حلوه عشان مش سيلين السويفي الي بتسيب حقها وبكره هتشوفي
نظرت اليها فيروز بنظرة احتقار ردا علي حديثها .. وتركتها لتجلس في مقعد اخر وحينها دلف الدكتور للقاعه وبدء في القاء المحاضره .... فانتهي اليوم الدراسي وعادت فيروز لمنزلها فكانت تجلس مع والدتها وصديقتها ليلي علي مائدة الطعام يتناولون وجبة الغداء
- ليلي : اسكتي يافيرو لسه بقول ياهادي ف الكلية النهاردة وقولت الدنيا رايقه ومفيش محاضرات اتاريها سنة زي الخروب وشكلي هيضيع شبابي في الكليه دي تدريب وسكاشن وحاجه ارف
- فيروز : ههههههههههههه اومال انتي فاكره اي ان الحياه هتبقي وردي انتي كليه علمية وعمليه كمان اي نعم هي طب بيطري 😛 بس مش بطال
- ليلي : نعم نعم نعم يا ماما .. بتتريئي يابت ده أنا دخلها مخصوص عشان اعالجك
- فيروز : الله يسامحك مش هرد عليكي ... بس ويارب وانتي بتعالجي كلب يطلع سعران وياكل لسانك عشان تخرصي وتريحنا 😛😛😂
- ليلي : شوفتي يا آموله بنتك بتدعي عليا ازاي
- آمال : بس يابنات الاكل ليه احترامه ولو خلصتو اكل قومو شيلو الاطباق عقبال ما اعملكو الشاي
- فيروز : لا يا ماما انا هاخد ليلي ونازله عند طنط حنان عشان متأخرش
- آمال : برضو يافيروز هتكملي شغل وانتي عندك دراسه ازاي هتوفقي بين الاتنين ؟
- فيروز : متشليش انتي هم ياحبي ربك بييسرها من عندو وبعدين المصاريف كتير وعشان عالجك
- ليلي : وبعدين يا طنط خليها تعتمد ع نفسها الي اداها متجوزين ومخلفين عشر عيال 😜😜😜
- فيروز : ماتلمي لسانك احسنلك
- ليلي : ولو ملمتوش هتعملي اي ؟
- فيروز : بلاش احسنلك ده كنتي هتموتي من يومين وانا كنت بزغزغ فيكي
- ليلي : لا بالله عليكي بلاش ده انتي صوابعك بتتقابل جوه ضلوعي مش بتزغزغزني
- فيروز : طب اتلمي بقي وتعالي معايا
********************************
* في الناحيه الاخري يقف بسيارته امام قسم الشرطة حيث عمله ونزل من السياره بكل شموخ مرتديا نظارة شمسية تجعله اكثر وسامه
- العسكري : تمام ياصقر باشا البيه المأمور عايزك في مكتبه
- صقر : ازيك ياصبحي اخبارك اي؟
- صبحي : في نعمه الحمد لله
يقابله إياس : ايوه ياعم اترقينا ومحدش بقي قدك
صقر : بتتكلم جد؟
إياس : ماهو منصور باشا مستنيك جوه يبلغك
صقر : ماهو أنا رايح له
إياس : لما تخرج من عندو ابقي عدي عليا ع المكتب
صقر : طيب
طرق صقر الباب فيأذن له المأمور بالدخول
صقر : تمام يافندم صبحي وإياس بلغوني ان حضرتك عايزني
منصور : اتفضل ياصقر .... يشير اليه بالجلوس
صقر : هو صحيح الي انا سمعته؟
منصور : هم لحقو يبلغوك أنا كنت عايز اعملهالك مفجاءه عموما الجايات اكتر من الرايحات مبروك ياحضرة الملازم اول
صقر : الله يبارك فيك يافندم
منصور : والله ياصقر لما جالي الجواب بترقيتك فرحتلك اوي انت عارف انا مش بعتبرك ظابط بيشتغل عندي ف القسم بس انت معزتك زي ابني واكتر
صقر : عارف والله يافندم وحضرتك ف مقام والدي الله يرحمه
منصور : الله يرحمه كان من اشرف وانزه رجال الاعمال
يدلف إياس بدون استئذان : سمو عليكووووو
منصور : هو مش فيه باب يا استاذ تخبط عليه قبل ماتدخل ولا دي عزبة الوالد
إياس : انا اسف يافندم بس انا فرحان لصقر اعذرني معلش
منصور : طب تعالي اقعد عشان عيزكو في مهمه
صقر وإياس : خير يافندم
منصور : الناس بتاعتنا بلغوني ان شوقي ضرغام وسع نشاطه ومبقاش مخدرات بس ودعاره كمان واحتمال تكون شبكه كبيره
إياس : يا ابن ال*** سبهولي انا بقي يافندم
صقر : ده من اكبر تجار المخدرات والسلاح واحنا بقالنا شهور بنرقبه ونخطط له عشان نمسكه هو ورجالته متلبسين .. بس كده يافندم لو قبضنا عليه دلوقت مش هنعرف شركاؤه
منصور : ماهو عشان كده عايزك ياصقر تتولي موضوع المخدرات والسلاح وانت يا إياس تراقب الشقق الي شغاله لحسابه والناس الي بتتردد عليها
صقر : تمام يافندم ده مطلع عنينا بقالو شهور وكل ما نمسكله عمليه يقوم مشيل الليله لواحد من العيال الديلرز الي بيشتغلو عندو وهو بيطلع منها زي الشعره من العجين
إياس : وانا يافندم متقلقش هنقبض ع كل الشبكه الي بيديرها
منصور : ورينا مهمتكو يارجاله واسيبكو تتفضلو دلوقت ع مكتباكم
يقف صقر وإياس انتباه قبل خروجهم : تمام يافندم
************************************
في محل التجميل
حنان : بنت حلال يافيروز كنت لسه هتصل بيكي دلوقت
فيروز : خير يا حنون عندنا عروسه جديده النهارده ولا اي ؟
حنان : لا يا حبيبتي ده راجل جالي النهارده كده شكله ابن ناس اوي ومن طريقه لهجتهةشكله سوري بيقول ان عنده بيوتي سنتر كبير ومشهور ف مصر الجديده وان لما شاف شغلك عجبو اوي وعايزك تشتغلي عندو
فيروز : وهو شاف شغلي فين ده؟
حنان : ما انا مش بصور شغلك مع العرايس وبخلي ندا بنتي تنزلو ع صفحه عملها باسم الكوافير
ليلي : اشطا عليكي يافيرو هتبقي زي منير
حنان : منير مين ده
فيروز : سيبك منها ياطنط ده واحد مشهور ف عمل صبغات وقصات للشعر بس لبناني
حنان : عموما يابنتي هو ادالي الكارت بتاعه عشان اديهولك ويارب يجعلو قدم السعد عليكي يابنتي
فيروز : يااااارب
**********************************
في منزل سيلين .... كانت تقف ف حديقة المنزل تهمس لأحدهم
الشخص: ها يامزه عجبك المزاج؟
سيلين : مزه ف عينك ياسافل انا اسمي سيلين هانم نسيت نفسك ولا اي
الشخص : طب هاتي بقي الحاجه وسلامه ف خير وابقي دوري ع ديلر غير يا قطه
سيلين : تعالي هنا يخربيتك ده لو حد شافك هيروح يقول لداد وهنروح ف داهيه
الشخص : لا ميرضنيش ان القمر ده يروح ف داهية
سيلين : طب اخلص وهات الحاجه عايزه كام ؟
الشخص : تلاتيه
سيلين : ٣٠٠ جنيه يعني
الشخص : نعم ياحلوة ٣٠٠٠ جندي ياحبيبة دادك سلين : خلاص انت هتردحلي خد الفلوس اهي ومش عايزه اشوف وشك غير لما اتصل عليك فاهم !
الشخص : اوك ... تشاوو يامزه
تمسك بهاتفها وتجري مكالمه
سيلين : الو هاي سيفو انت موجود ف المكان بتاعنا؟
سيف : اه فيه حاجه ؟
سيلين : اصل الزفت الي اسمو توني الديلر الي تابعك جبلي حتة صنف شكلو من الاخر واحسن من بتاع اخر مره
سيف : اشطا تعالي مستنيكي
استعدت للذهاب وهمت بالخروج ليقابلها شهاب ابن عمها علي البوابه
شهاب : ع فين كدهةياسلي ؟
سيلين بتوتر : شهاب !! انت وصلت امتي ؟
شهاب : لسه واصل دلوقت المفروض كنت وصلت من كام يوم بس كان ورايا حاجات تبع الشغل ولازم اخلصها
سيلين : حمدالله ع سلامتك طب اسيبك انا وهاروح لاصحابي
شهاب : اصحابك الساعه ١١ بلليل !!
سيلين : وفيها اي انا حره وبعدين انت بتحاسبني بصفتك اي ؟
عشان انا ابن عمك يا هانم ومن دمي قالها شهاب
سيلين بسخريه : تصدق مكنتش اعرف
شهاب : الصبر يارب اطلعي فوق ياسيلي بدل ما اتصل ع عمي وهخليه يتصرف معاكي
سيلين : لا والله بجد! تصدق خوفتني يامامي .. اي شغل الكي جي بتاعك ده
اقترب منها شهاب وهو غاضبا ويمسك بذراعها ليصرخ بها بصوت مرعب : هو انتي محدش مالي عينك ولا اي ؟! بس الحق مش عليكي الحق ع عمي الي سايبك تروحي وتيجي براحتك
سيلين : اوعي سيب دراعي ياحيوان هيتكسر ف ايدك
فكان غير مدرك وهي كانت تحاول ان تتخلص من قبضة يده فوقعت للخلف مما دفعته للوقوع فوقها فظل محدق بعينيها وهو ف ذلك الوضع
سيلين : اي هتفضل كده كتير ؟
بعدما ادرك الموقف اعتدل واقفا : اااحم سوري مكنتش اقصد انتي الي وقعتي وشدتيني معاكي
سيلين : ماااشي ياشهاب انا طالعه اوضتي وهبقي اشوف حل لخنقتك دي ومش عايزه وشك ف الفيلا طول ما انا موجوده
كانويستمع لها وهو كان هائما في نظرات عيونها التي كان التوتر والارتباك يملؤها ... ولما لا وهو يعشقها ويريدها له هو فقط لكن كانت له حسابات اخري سنعرفها ف الحلقات القادمه
***"*************************
& بااااااااااااااك &
* كانت شاردة تتطلع للطريق عبر نافذه صغبيره مغطاه بشبكة حديديه فهي في عربة الترحيلات وكان توجد فتاتان يراقبها
الفتاة ١ : وهي مالها دي من ساعة ماركبت وسهم الله نازل عليها
الفتاة ٢: هتلاقيها لسه جديده ف الكار هيهيهيهيييي
الفتاه ١ : بس البت دي صاروخ وخساره ف الشغلانه دي والحبس كمان
الفتاه ٢ : بالعكس ياهبله ده الجمال ده بالذات زبونه بيبقي عيلوي اوي ايشي رجال اعمال وغيرهم وبيدفعلوهم بالدولارات كمان
الفتاه ١ : ياعيني علينا كتنا نيلهةف حظنا الهباب مبنوقعش غير مع ال برشمجيه والشمامين وبيرمولنا ملاليم متجبش حق المواصلات
تتوقف العربة امام بوابة سجن النساء بالقناطر الخيرية وتفتح احداهم الباب الذي يقف عليه حارسان فتنادي السجانه : يالا ياحلوه منك ليها انزلو واحده واحده واقفو طابور وانتباه
كانت شارده ولا تسمع النداء فعيونها كالشلال المنهمره مياهه التي تسيل علي وجنتيها التي اخذت اللون الاصفر الشاحب فلا تتوقع انها وصلت لمكان يكرهه جميع الناس واخر ما تتوقعه انها ستذهب اليه يوما من الايام فما اصعب الاحساس بالظلم ..... تقاطع لحظاتةشرودها السجانه : انتي ياسنيوره مش ناويه تنزلي ولا نجبلك العنبر لحد عندك ؟
فيروز : اسفه مأخدتش بالي
السجانه : طب يلا ياختي انزلي واقفي ف الطابور
فيروز : والله مظلومه ومعملتش حاجه
السجانه : كلهم بيقولو كده وف الاخر بتطلعو اوسخ من الوساخه نفسها اتجري يابت ويلا اتجري روحي اقفي ف الطابور
كان بداخل البوابه يقف حراس السجن وسيدة تجلس بمكتب لتسجيل النزيلات بالسجن فجاء الدور ع فيروز لتقول لها السيده : انتي فيروز احمد سراج الدين ؟
فيروز : اه انا
السيده : تعالي ياسعاد خديها للباشا المأمور عايزاها دلوقت
فيروز بخوف : هو انا عملت حاجه ؟
سعاد وهي تمسكها : تعالي عشان اوديكي ياتري مهببه اي ربنا يستر
فيروز : هو عايزني ليه ؟
سعاد : دلوقت هنعرف ..... لتطرق باب مكتب مأمور السجن مستأذنه : تمام يافندم اهي المستجده فيروز
المأمور : سبيها ياسعاد وروحي انتي انصراف ... وانتي تعالي يافيروز اقعدي هنا وهو يشير ع احدي المقاعد امام مكتبه ... ليقوم من مكتبه ويهم بالخروج : اسيبكو بقي شويه وراجع
خرج لتنتبه الي الذي يجلس امامها مباشره لتتفاجاء وجسدها يرتجف من الخوف وهي تقول : .........
•تابع الفصل التالي "رواية عشق الفيروز" لا تظلمني" اضغط على اسم الرواية