رواية شمس تتحدي الغيوم الفصل الثلاثون 30 - بقلم عبير سليم
الفصل الثلاثون من رواية شمس تتحدى الغيوم
بقلمي :عبير سليم
💖💖💖💖💖💖💖💖
فى احدى المستشفيات الخاصه يقف عصام أمام غرفة العمليات وهو قلق للغايه فهو لا يعلم ماذا حدث لزوجته ولجنينها
يمر الوقت دون أن يطمئنه أحد
يخرج الدكتور إليه
عصام :خير يادكتور طمنى الله يخليك
الدكتور : اطمن الأم والجنين بخير
عصام :بجد يادكتور يعنى الجنين محصلوش حاجه
الدكتور: الحمد لله النزيف وقف وقدرنا نسيطر على الوضع بس الأم تعبانه ومحتاجه للراحه التامه
عصام :حاضر يا دكتور
بعد قليل فى احدى غرف المستشفى يجلس بجوارها حيث كانت صامته لا تتحدث إليه
عصام :حمد الله على سلامتك يا هاجر
يدق الدكتور على الباب ويدخل:السلام عليكم
عصام :وعليكم السلام
الدكتور :حمد الله على سلامتك يامدام
هاجر :الله يسلمك يا دكتور
الدكتور :مدام انتى محتاجه الراحه التامه مفيش مجهود نهائى ولا تتحركى لمدة شهر عالاقل لحد ماالمشيمه ترجع لوضعها الطبيعى المرة دي ربنا ستر لكن مرة تانيه معتقدش انها ممكن تعدي على خير
عصام :حاضر يا دكتور ان شاء الله مش حتعمل اى مجهود
الدكتور :مدام دلوقتى احنا المفروض نبلغ البوليس عشان ييجى يحقق
عصام :بوليس بوليس ليه
الدكتور :واضح تعرضها للاجهاض حصل بسبب ضرب هى اتعرضتله وده طبعا ظاهر جدا على جسمها من كمية الكدمات اللى منتشرة فى كل اجزاء جسمها
يعنى لو اتحولت لقضيه ممكن تبقى شروع فى قتل
تزوغ عينا عصام يمينا ويسارا ولا يستطيع الرد وبما سيقول
الدكتور :هاه يامدام حضرتك تحبي نبلغ
لو اى حد مكانى كان بلغ على طول واخلى مسئوليته
لكن انا مردتش اتخذ اى قرار من نفسي قلت لما أسألك الأول وانتى وراحتك
تسكت هاجر وتنظر ناحية عصام الذى كان يترجاها بعينيه الا تقل شيئا ثم تتحدث للدكتور :مفيش حد عمللى حاجه يادكتور انا كنت نازله عالسلم ووقعت
الدكتور :متاكده من الكلام ده
هاجر :ايوة طبعا متأكده وشكرآ لاهتمام حضرتك يادكتور
الدكتور :عفوا يامدام وحمد الله على سلامتك مرة تانيه
عصام :دكتور هى ممكن تخرج امتى من هنا
الدكتور :على بكرة بالليل ان شاء الله بعد اذنكم
يخرج الدكتور فيلتفت عصام لهاجر:هاجر انا آسف انا والله مش عارف عملت كده ازاى حقك علية
هاجر :طلقنى ياعصام
عصام :انتى مجنونه إيه اللى بتقوليه ده
هاجر :أنا ابقى مجنونه فعلا لو عشت معاك يوم واحد انت كنت حتقتلنى انا وبنتك طب انا وبقيت بتكرهنى ومش طايقنى لكن بنتك هانت عليك انك تقتلها
عصام :غصب عني والله ياهاجر انتى اللى عصبتينى وخليتينى أخرج عن شعوري
هاجر :غصب عنك كنت حتقلتنا وتقوللى غصب عنك لا والله
عصام من فضلك انا عاوزة اتطلق
عصام :طب ممكن تهدي بس ولما تخرجى بالسلامه نتكلم براحتنا
فتسكت هاجر ولا ترد عليه
🌸🌸🌸🌸🌸🌸🌸🌸🌸🌸🌸
فى أحد المطاعم الفاخرة يجلسان بجوار بعضهما والحب يغمر قلوبهم
عمر :حبيبي ياكل ايه
شمس باحراج :اى حاجه
عمر :إيه اى حاجه دى حبيبتى تختار اللى هى عاوزاه والدنيا كلها تبقى تحت أمرها
شمس :ربنا يخليك لية ياعمر
عمر وهو يقبل يدها :ويخليكى لية ياست البنات هاه بقى قوليلي حتاكلي إيه
شمس :طب اطلب انت اى حاجه على ذوقك
عمر :ماشي ياستى حطلبك المرة دى بس اعملي حسابك بعد كده كل حياتنا حتكون على ذوقك انتى
شمس :اممممم طب مش يمكن ذوقى ميعجبكش
عمر :ياسلام شوف ازاى اذا كنتى انتى عجبانى يبقى ازاى ذوقك مش حيعجبنى انتى اى حاجه منك بتعجبنى ياشموستى
شمس :ربنا يقدرنى يارب واقدر أسعدك ياعمر
عمر :انا متأكد انك حتسعدينى ياقلبي انا اللى بدعي ربنا انى اقدر افرحك واسعدك واعوضك عن اى اى حاجه وحشه حصلتلك فى حياتك
شمس :متوجعنيش ياعمر اوعدنى انك متوجعنيش انا اتوجعت كتيييير اوى ومش حمل اى وجع تانى صدقنى لو قلتلك حتبقى دى النهايه بالنسبه لي
قلبي تعب خلاص استحمل كتير أوى ومش حيقدر والله ماحيقدر اكيد حينتهي بس المرة دى حيبقى بيدبح بايد أغلى انسان عندي
عمر :الف بعد الشر عنك ياحبيبتى اوعي تقولى كده تانى شمس انتى النور اللى ظهرلي فى عز العتمه انتى نعمه من عند ربنا لازم افضل اشكره عليها العمر كله واحافظ عليها عشان ربنا يحميهالي ويخليهالي
انا لو وجعتك ابقى بوجع قلبي قبل مااوجعك انتى.
شمس :وعد ياعمر
عمر :وعد ياقلب عمر
شمس :بتحبنى اوى كده ياعمر
عمر:لا على فكرة انا مش بحبك خالص ده بابا هو اللى اجبرنى اتجوزك وقاللى لو مااتجوزتش البنت اللى اسمها شمس دي انا ححرمك من الميراث
واطردك برة البيت واخليك تشحت
وحتبقى لقيط عارف يعنى ايه لقيط يعنى مش ابنى وحسن يوسف هو اللى ابنى
شمس :هههههه هههههه هههههه
عمر :ضحكتك حلوة اوى اوعدينى انك متحرمنيش منها وتفضل منورة وشك على طول
شمس انا بعشقك بموت فيكى انا اذاكنت بدعي ربنا بحاجه فانا بدعيه انك تفضلي فحياتى شمس انا محتاجك قوى فى حياتى اوعي تفكري انك تحرمينى منك فيوم من الأيام
انا بحس معاكى بالامان بحس ان حبك محاوطنى ومخلينى حاسس انى مش عاوز ولا محتاج غيره
حاسس ان ربنا عوضنى بيكى عن حاجات كتير راحت منى عن عمري اللى كان حيضيع لولا انه جمعنا ببعض
شمس :الكلام ده كتير علية اوى
عمر:كتير عليكى انتى بتقولى ايه انا مهما قلت مش ممكن حوفيكي حقك ابدا
شمس انتى متعرفيش حبك عمل فية إيه غيرنى وغير فية حاجات كتير أوى وأهم حاجه علاقتى بربنا انا مش مصدق نفسي انى الحمد لله بقيت بصلي كل الفروض بعد ماكنت مبصليش غير الجمعه بس.
دول فى البيت مش مصدقين نفسهم وبيقولوا الحب يصنع المعجزات لأن بصراحه كل اللى فى البيت بيصلوا انا الوحيد اللى كنت بعيد اوى عن ربنا
انا خجلان اوى من نفسي ياشمس مكسوف من ربنا اوى كل مااقف بين ايديه عشان اصلي بقول ازاى كنت حارم نفسي من لذة القرب من ربنا بالشكل ده
شمس :المهم انك رجعتله ياعمر وانت مش وحش ياعمر انت بس كنت محتاج زقه محتاج حد ياخد بايدك مش اكتر
عمر:انتى اللى ليكى الفضل فكده لولا وجودك فحياتى كنت حفضل زى مانا شمس خليكى جمبي متسيبينيش ارجوكى
شمس :معاك ياحبيبي طول مافية نفس فى الدنيا حفضل معاك وعمري ماحتخللى عنك ابدا انت بقيت كل حياتى ياعمر
عمر :انتى قلتي ايه دلوقتي
شمس :قلت انى حفضل معاك
عمر :لأ اللى قبل كده
شمس :قبل كده ايه انا مش فاكرة والله
عمر:يالهوى بموت فى براءتك قلتى حبيبي عاوز اسمعها تانى
تنظر شمس في الأرض خجلا ويصبح وجهها احمر كالجمر
عمر :لاء لاء، وربنا انا مش حقدر على كده حرام عليكى يابنتى انتى عاوزة تعملى فية ايه اكتر من كده حتموتينى
شمس :بعد الشر عنك
عمر:احلى بعد الشر عنك فى الدنيا كلها بحبك بحبك بحببببك
شمس :عمر بس الله يخليك الناس حوالينا
عمر:واحنا مالنا بالناس وبعدين اللى متغاظ مننا يعمل زينا خليهم يتعلموا ياقلبي ازاى يحبوا بجد ويقدروا الناس اللى بيحبوهم
شمس :انت جتني منين
عمر:كنت فين وانا فين جتني منين والايام دى كانت غايبه عنى فين
شمس :ههههههه انت قلبت النهارده على عبدالحليم حافظ كده ليه
عمر:حبيبتى نور عيوني انتي اللى جيتيني منين طلعتيلي من البحر زى الجنيه خطفتينى سحبتينى لتحت لتحت لأبعد مكان فى الدنيا خليتينى مش شايف ولا سامع غيرك اسرتينى بحبك مليتى علية حياتي كلها
انا عمري ماتخيلت انى ممكن احب بالشكل ده بقى انا عمر اللى كان مقطع السمكه وديلها يقع على بوزه كده بس ايه مش قادر اقولك مش قادر اوصفلك احلى وقعه فى الدنيا ياباشا
شمس :انت اللى وجودك رجعلي ثقتى فنفسي وفكل الناس اللى حواليه بعد ما كنت خلاص قررت اقفل على قلبي رجعت فتحته للدنيا تانى
ثم تغنى بصوت عذب
ورجعت تانى اعيش نفس الحياة من تانى افتح لقلبي الدنيا واخدها بين احضانى هى الحياة كده ليه بقى ليها لون تانى بقى ليها طعم جديد غيرلي ايامى
حب ولمسة ايد ادونى عمر جديد ادونى لحظة حب بالف عمر تاااانى
عمر :ههههههه حبيبتى اتعدت منى ياناس صوتك حلو اوى عاوزك تغنيلي على طول متحرمنيش من صوتك ابدا عاوزه يملى علية حياتى
شمس :من عينيه ياعمر ربنا يديم بيننا المحبه يارب
بحبك بحبك بحبببك فيجدون كل من بالمكان ينظرون عليهم
عمر:اتفضلوا معانا ياجماعه ده احنا بس مخطوبين جديد وبنعمل بروفه يعنى وكده شباب بقى مانتوا اكيد كنتوا شباب وفاهمين يعنى
الكل :ههههههه ههههههه ربنا يسعدكم
شمس :عمر بس بقى كسفتنا
عمر :كسفتك ليه بس ياقلب عمر هما اصلا تلاقيهم غيرانين واللى مش عارف يحب ييجي واحنا نعلمه ازاى يحب
شمس :ربنا يخليك ليا يا رب
عمر :ويخليكى ليه يا نور عيوني
🌹🌹🌹🌹🌹🌹🌹🌹🌹🌹🌹🌹
فى مطعم اخر نجده يجلس معها ليتناولا الغداء سويا:ماكنش ليه لزوم تتعب نفسك كده ياابيه
على :تعبك راحه يابنوتى الحلوة وبعدين ياستى وحشتينى وعاوز استفرد بيكى قلت بقى نبعد شويه عن جو البيت وناكل انا وانتى لوحدينا
عهد :ربنا يخليك لية ياابيه انا كويسه والله متقلقش علية ياحبيبي
على:بنتى حبيبتى لازم طبعا تبقى كويسه عهد المهدي متتهزش ابدا ولازم تبقى قويه
يعلن هاتفه عن اتصال:سيف ازيك ياحبيبي عامل ايه
الشغل خلص خلاص تمام اوى وانت فين مروح طب بقولك انا وعهد بنتغدى فى مطعم.............. ماتيجى تاكل معانا باعم متعملش تكليف تعالى بس دى القعده عالبحر تحفه ياللا لف بالعربيه وتعالى بسرعه الحق السمك قبل مايخلص
على :ابن حلال اوى سيف ده
عهد :ايوة هو فعلا كويس
على:قوليلي بقى حنين صاحبتك اخبارها ايه
تظل عهد تتحدث عن حنين حتى يجدون من يدخل
عليهم :السلام عليكم
عهد وعلى :وعليكم السلام ورحمة الله وبركاته
يشاور له على بالجلوس بجوار عهد :ازيك يا عهد عامله ايه
عهد :"الحمد لله والله بخير
علي :ممكن ناكل الأول وبعد كده نتكلم براحتنا
يبدءون فى تناول الطعام والتحدث فى بعض الموضوعات
ثم يعلن هاتف على عن اتصال فيرد:ايوة ياابنى في ايه
ايه ده معقول لا انا حاجي حالا
يقوم سريعا ويأخذ مفاتيحه:عهد حبيبتى معلش مشكله كبيرة اوى ولازم امشي حالا
تقوم عهد :ماشي ياللا بينا
على:ياللا بينا فين بس لا انتوا تفضلوا هنا متتحركوش من مكانكم انتوا فاهمين اوعوا تتحركوا ساعة زمن وحكون رجعتلكم تانى
عهد:طب مشكلة ايه طمنى
على:مشكلة مشكلة ايه والله مانا عارف اهي اي مشكله وخلاص المهم متتحركوش انتوا فاهمين
ويتركهم ويخرج
سيف وعهد ينظرون لبعضهم:ههههههههههه
عهد:انت فهمت حاجه
سيف :انتى فهمتى حاجه
عهد :لاء
سيف :ولا انا والله هههههههههه
عهد :هههههههه
سيف :تعرفي ان ضحكتك حلوة اوى
عهد :ميرسي ياسيف ربنا يخليك يا رب
سيف :لا ميرسي ايه بس انا بقول الحقيقه والله
عهد : سيف كنت عاوزة اسالك عن حاجه
سيف :اتفضلي طبعا انا تحت امرك اسالى في اى حاجه تخطر على بالك
عهد :ماشي اصلي ملاحظه انك عمرك ماجبت سيرة اى حد يقربلك هو انت ملكش حد فى اسكندريه يعنى انت من اسكندريه اصلا واللا لاء
سيف :بصراحه احنا اصلا من الشرقيه مش من اسكندريه
عهد :وبعدين
سيف :لو حابه تعرفي كل حاجه عنى احكيلك
عهد :انا مقصدش والله افرض نفسي عليك انا قصدى
سيف :تفرضى نفسك علية انتى بتقولي ايه بس ياريتك تفرضى نفسك علية على طول
عهد :مش فاهمه
سيف :لا ولا حاجه انا حفهمك بصي ياعهد انا والدى الله يرحمه كان موظف فى شركه حكوميه فى القاهرة اتوفى وانا صغير وماما كانت لسه صغيرة فى السن اشتغلت فى شركه عشان المصاريف
اعجب بيها واحد زميلها كان بيشتغل معاها بس لما حب يتقدم لها أهله عارضوه بشده ازاي يتجوز واحده ارمله وعندها طفل وهو ممكن يرتبط ببنت لسه بتبتدي حياتها
لكن هو أصر جدا على قراره ده لدرجة ان أهله هددوه انهم حيقاطعوه وهو مهمهوش وقاللهم ده قراري وانا اللى حتحمل نتيجته وكان كل هدفه انه يتجوز ماما
وفعلا اتجوزها ونقل شغله اسكندريه هنا واخدونى معاهم عمري ماحسيت فى وجوده انى يتيم بالعكس كان بيحبنى جدا وبيجيبلي كل اللى انا محتاجه وحتى لما ماما جابت اخويا سامر عمره مافرق بيننا فى المعامله ابدا
وشاء القدر ان والدته تتعب جدا وابوه ميقدرش على خدمتها واخواته كل واحد فيهم يقول بيتى وولادى ومش فاضي
راحتلها ماما وخدمتها برموش عينيها وسبحان الله حبوها جدا وعرفوا ان ابنهم كان عنده حق فى اختياره ليها وعلاقتهم اتحسنت ببعض جدا بس كنا خلاص استقرينا هنا
كنا بنروح عندهم فى البيت بتاعهم ونلعب فى الأرض كنت شايف الحب فى عينيهم اوى وكل ماكنت اكبر كنت بتمنى انى اعيش الحب اللى شايف بابا وماما عايشين فيه
مرت الايام والسنين وكبرنا وعلى فكرة سامر اصغر منى بخمس سنين وانا بعد ماخلصت الجامعه كان حلمي انى اسافر برة وبابا هو اللى ساعدنى وسفرنى وساعدنى كمان اشتري الشقه بتاعتي
من تلت سنين ماما تعبت اوى واتوفت وبابا ليه اخت مش متجوزه طلب منها تروح تقعد معاه هو وسامر عشان تراعيهم وفعلا قعدت معاهم وهو مرضاش يتجوز ابدا اتحايلت عليه كتير والله وقلتله ده حقك واحنا والله مش حنزعل خصوصا انه مش كبير بس هو قاللنا عمره ماحيلاقى واحده تعوصه عن امنا الله يرحمها
انا طبعا كنت بنزل فى الاجازات اقعد معاهم وهو اللي كان بيقف مع العمال فى الشقه لحد ماخلصت
وبصراحه بقيت بحس باحراج فى فكرة انى اقيم معاهم خصوصا مع وجود عمة سامر بحسها بتكون مكسوفه ومش واخده راحتها مع انى بقولها ياعمتى زى ماسامر بيقوللها بس بردو قررت استقل فى شقتى بس مبعدتش عنهم بروحلهم على طول وهما دايما معايا وسامر ده بقى حبيب قلبي الصغير اتخرج من كلية تجارة وكان كل حلمه يشتغل فى بنك
والحمد لله البشمهندس يزيد ساعده فى الموضوع ده وهو محترم جدا ومحبوب من كل زمايله طيب وحنين اوى جمع بين صفات ماما وباباه ودمه زى السكر تقعدى معاه متبطليش ضحك ربنا يفرحنى بيه يارب
هى دى حكايتى باختصار معلش بقى صدعتك
عهد :لا والله ابدا بس اصلي عمرى ماسمعتك بتجيب سيرتهم قبل كده فحاجه
سيف :يمكن ماجاتش مناسبه واللا حاجه لكن الجماعه عندك عارفين كل حاجه عنى حتى فى وفاة امى عمر وعلى ويزيد كلهم كانوا معايا وماسابونيش
عهد :بس انا مستغربه أوى
سيف :مستغربه من إيه
عهد : معقوله فى إخلاص كده يعنى باباك مرضاش يتجوز تانى انا اعرف ان اى واحد مراته بتموت بيتجوز لكن لو واحده جوزها مات واتجوزت المجتمع بيقول عليها ست مش كويسه
سيف :احنا عايشين فى مجتمع مريض بيدي الحق للراجل فى كل حاجه ويحرم الست من كل حاجه
يدي الحق للراجل اللى مراته تتعب بس مش تموت انه يتجوز ويسيبها لكن لوحصل العكس يقولوا عليها ست مش أصيله واتخلت عن جوزها
لو واحده انفصلت عن جوزها هو عادى والدنيا معاه تمشي وتبقى زى الفل لكن هى يتقال عيها مش محترمه واكيد العيب منها
لكن الاحترام بيبقى موجود عند الراجل والست والانسان لما بيسيب ذكرى حلوة ليه فى قلوب الناس بيجبر الكل على احترام الذكرى دي
انتى عارفه لحد النهارده كل مااكون قاعد مع بابا لازم يقعد يحكيلي مواقف بينه وبين ماما الله يرحمها،دايما فاكرها بالخير ووقفتها مع والدته وانها راعتها برغم انهم كانوا معترضين عليها فاكرهالها ومش ناسيها
عهد :تصدق انك خلتنى نفسي اشوفه واتعرف عليه من كلامك عنه
سيف :على فكرة هو يعرفك كويس اوى
عهد :يعرفني انا
عهد :قصدي يعنى يعرفكم كلكم اصلي دايما بحكيله عنكم وعن شمس وبقعد اضحكه عالمواقف اللى بتعملها ايمان فى الشركه
ولكن يتغير وجه عهد عند ذكره لاسم شمس ولما لا وهى من احتلت قلب من كان يعشقه قلبها
سيف :عهد رحتى فين
عهد :هاه لا ابدا معاك
سيف وهو يحدث نفسه :انا بحبك اوى ياعهد وعارف انى ححتاج كتير عشان اقدر اوصل لقلبك وانسيكى عمر ولما تسمعي اسمه او اسم شمس يبقى شئ عادى بالنسبه لك يارب ساعدنى انا بحبها اوى وكل املى فى الدنيا انها تحس بمشاعري ناحيتها
عهد :ايه ياعم انت اللى رحت فين
سيف :معقوله بردو اروح فحته والقمر معايا
عهد :هههههه
سيف :قوليلي انتى بقى اخبار دراستك إيه
عهد :الحمد لله والله تمام
سيف :لسه بتروحى الجيم
عهد :ايوة طبعا الجيم ده حياتي مقدرش أعيش من غيره ابدا بس مفيش جيم عارفين نستقر عليه كل شويه نغير جيم
سيف :طب بقولك ايه سامر اخويا بيروح جيم هو بعيد شويه عن هنا بس بيفول عليه حلو اوى وانا بفكر بردو اروحه لان بردو الجيم اللى انا فيه الكابتن جاله عقد عمل وطار على برة وانا مش مرتاح مع اللى فيه ايه رايك تجيبي حنين صاحبتك ونروح كلنا فيه مع الواد سامر اخويا
عهد :معنديش مشكله واكيد حنين مش حتقول حاجه
سيف :عمر جه اهوه
عمر:اتاخرت عليكم
يأتى لعهد مكالمه من حنين فتبتعد عنهم قليلا لترد عليها
سيف وهو يهمس له :ياريتك كنت اتاخرت شويه كمان
عمر :عمال الف فى الشوارع زهقت اسكت ده انا كنت خايف التليفون يرن وانا عامل نفسي بتكلم ذذ كان حيبقى شكلي زباله ادام اختى الصغيره
المهم طمنى يافالح ايه الاخبار فى امل والا امل ماتت
سيف :مش عارف والله ياعمر انا حكتلها قصة حياتى
عمر :حكتلها ايه ياعنيه قصة حياتك ياخيبتك القويه ياللا اما نشوف وبعدين
سيف :طلبت منها تجيب صاحبتها ونروح الجيم مع سامر اخويا
على:تمام سيبها علية انا الطالعه دى انا حقنعهالك
تغلق عهد الهاتف وتتكلم اليهم :سوري كنت بكلم حنين حمد الله على السلامة يا ابيه
عمر:الله يسلمك ياقلب ابيه
عهد :سيف انا قلت لحنين وهى موافقه
سبف بلهفه :بجد
على وهو يمسك يديه :اهدى الله يخرببيتك متدلقش كده خليك تقيل
عمر:موافقه على ايه ياحبيبتى متفهمونى
🌹🌹🌹🌹🌹🌹🌹🌹🌹🌹
فى سيارة عمر وبجواره شمس :يعنى لازم المشوار ده ياحبيبتى كنا عملناه وقت تانى
شمس :معلش ياعمر وحشونى اوى ومن وقت ماسافرنا مشوفتهومش ومكلمتهمش غير مرة واحده وكمان لازم ياكلوا جاتوه خطوبتنا واللا ايه
عمر :لا لو على جاتوه الخطوبه نروحلهم طبعا
بعد قليل من الوقت يدقون عليهم الباب
شمس والضحكه على وجهها :سلام عليكم
أمل :وعليكم السلام ورحمة الله وبركاته حبيبتى وحشتينى اوى
شمس :وانتى والله يااموله وحشتينى اوى
تحكم امل الحجاب على رأسها :تشرفنا اتفضلوا
شمس :اعرفك بخطيبي البشمهندس عمر اخو البشمهندس يزيد
أمل :ياحبيبة قلبي الف الف مبروك ربنا يتمم لكم على خير ياقادر ياكريم يارب
اتفضلوا اتفضلوا ده البيت نور والله
تدخلهم ليجلسوا بينما تدخل لزوجها لتساعده على الجلوس على الكرسي والخروج اليهم فيجدان من ياتى إليهم
شمس :زيزو حبيبي تعالى ياروحى
فيتحرك ناحيتها ويضحك لها
فتحتضنه شمس وتقبله:شفت ياعمر زياد وطعامته وجماله
عمر:فعلا ماشاء الله عليه امور اوى ربنا يحميه
فيضحك له زياد اهئ اهئ
فيمد عمر يديه وياخذه منها ويهدهده:انت جميل وطعم خالص
وليد :اهلا اهلا البيت نور والله
عمر وهو يمد له يديه :البيت منور باصحابه
وليد :الف مبروك ربنا يتمم لكم على خير يارب
عمر :ان شاء الله احنا المرة دى جينالكم الجاتوه بتاع الخطوبه لكن فى الفرح ان شاء الله انتوا اللى حتيجوا بنفسكم وتشرفونا بوجودكم
امل :واحنا نيجي لأعز منكم دى البشمهندسه شمس غاليه اوى علينا
شمس :ربنا يخليكى يااموله
هاه ياوليد جاهز للعمليه ان شاء الله
وليد :ان شاء الله بس انا خايف أوى
عمر :خايف ليه ياوليد ده اللى حيعملك العمليه دكتور المانى تخصصه فى حالتك ده وبعدين فين ايمانك وثقتك فربنا
وليد :والله انا واثق ومتاكد انى مش حيحصللي غير اللى ربنا كاتبهولى بس خايف اوى على امل وزياد
امانه عليكم لو حصللي حاجه تراعوها وتخللوا بالكم منها احنا غلابه ملناش حد فى الدنيا
أمل :الف بعد الشر عنك يا حبيبي يااخويا
شمس :ان شاء الله حتعمل العمليه وتخرج بألف سلامه وترجع شغلك وتنور بيتك ومحدش يربي ابنك غيرك
عمر :وان شاء الله بعد ماتخف وتقوم بالف سلامه وتسترد صحتك حتساعد ريس العمال فى الموقع يعنى كل شغلك حيكون وانت تحت مفيش طلوع فى ادوار عاليه تانى خلاص
وليد :ربنا يجبر بخاطرك يابشمهندس ويكرمك ويزيدك من نعيمه يارب
شمس :ملوش لزوم التعب ده والله هو احنا غرب
أمل :غرب ده ايه ده انا لو علية نفسي ادبحلكم عجل دى مجيتكم عزيزة علينا اوى
عمر :الله احلى كوباية شاي شربتها تسلم ايديكى ياام زياد
امل :تسلم من كل شر يابشمهندس
يدق الباب فتذهب أمل لفتحه فتجد حبيبه تبكي بشده:مالك ياحبيبه فى ايه
حبيبه :معلش ياامل جتلك فوقت مش مناسب حقك علية
امل :وقت مش مناسب ده ايه أدخلي ياحبيبه
حبيبة :سلام عليكم
فيردون:وعليكم السلام ورحمة الله وبركاته
حبيبه :امى تعبانه اوى ياامل
امل:الف سلامه عليها ياحبيبتى
حبيبة :معلش ياامل حقك علية حسيبلك جنى لحد ماييجى ابوها من الشغل وياخدها منك اصلي رايحه المستشفى ومش حعرف اخد بالى منها هناك
امل :اخس عليكى ياحبيبه وانتى محتاجه تستئذنى بردو هاتى جنى عنك
حبيبه :ربنا يخليكي ليا ومنحرمش منك يارب
عمر :تحبي نوصلك اى مكان
حبيبه :ربنا يخليك يارب ويسترها معاك المستشفى قريبه من هنا خطوتين
أمل :حبقى اكلمك وربنا يطمنك على امك ياحبيبتى يارب
تغلق خلفها الباب:لا مؤاخذه ياجماعه دوشناكم
شمس :لا طبعا مفيش حاجه وبعدين ايه البنوته القمر دى
أمل :جنى دى حبيبة قلبي مولوده على ايديا
عمر:وليد بعد بكرة الساعه سبعه الصبح حنكون عندكم ان شاء الله تكونوا جاهزين
وليد :بس احنا كده حنتعبكم اوى احنا حناخد تاكسي ونروح
شمس :لا طبعا مفيش تعب ولا حاجه المهم ربنا يقومك بالف سلامه
أمل :يارب يابشمهندسه يارب
يخرجان من بيتهم:ناس طيبين اوى ياشمس
شمس :اوى ياعمر عارف تحس فى وسطهم بالدفا
عمر :لاء وشوفي برغم انها مش فايقه بس استقبلت بنت جارتها بكل حب
شمس :الجيران لبعضيها ياعمر
عمر:مش دايما والله ياشموستى في جيران بتبقي عاوزة تولعى فيهم
شمس :وصلنا ياعمر
عمر:بسرعه كده
يصعد معها عمر ليسلم على خالتها
سناء :ألف حمد الله على السلامة يا ولاد
عمر:الله يسلمك ياست الكل
حمد الله على السلامة يا حلوين كل ده تأخير
عمر وهو يلتفت لها:يخرببيت سنينك انتى عامله شبه عفريت العلبه
إيمان :عفريت فى عينك ده انا زى القمر
سناء :بت اتلمي معلش ياعمر يابنى
عمر :لا ياحبيبتى ولا يهمك اصلها لسانها مسحوب منها علطول
وبعدين انا عاوز اعرف انتى اهلك سايبينك كده علطول
ايمان :اه اصلهم راميين طوبتى ومستعوضين ربنا فية ولولا سناء حبيبتى مش عارفه كنت حروح فين
عمر :هههههه
شمس :ده انتى منورانا يامونتى
إيمان :ياللا قوم وحياة ابوك وصلنى انا رجلي وجعانى مش قادرة امشي
عمر:منك لله ياايمان انت فين ياحسن تيجى تخلصنا من البلوة دى
إيمان :جاي حبيبي جاي الاسبوع الجاى ان شاء الله
بس والنبي تقول للباشا بتاعنا يدينى اجازة يومين
عمر:على اساس ان يزيد يقدر يرفضلك طلب
ايمان :لا طبعا بس بردو ان كان حبيبك عسل متلحسوش كله وانا بصراحه مسحت الطبق وغسلته
عمر :ههههههه طب قومي قدامى
يقبل يد سناء ويخرج مع إيمان
بينما تفتح سناء احضانها لشمس :مبسوطه ياشموستى
شمس :عمري ماكنت مبسوطه زى النهارده ياخالتو
سناء :ربنا يسعدكم ويحفظكم من العين يارب
على فكرة مراة ابوكى كلمتنى بتقولى معلش مقدرتش اجى الخطوبه كنت تعبانه
بينى وبينك انا كان نفسي اقولها بركه يااختى انك مجيتيش
🌹🌹🌹🌹🌹🌹🌹🌹🌹
فى اليوم التالي بداخل الشركه
تجلس منى السكرتيرة وتمارس عملها فتجدايمان أمامها: صباح الخير يامنى
منى :صباح النور يا ايمان
إيمان :عاوزة ادخل للباشا
منى:ادخلى ياقلبي
إيمان :مانا قلت استئذنك بردو عشان شكلك ميبقاش وحش
منى :هههههه لاياقلبي خدى راحتك عالاخر وبعدين البشمهندس انتى الوحيده اللى سامحلها تقتحم عليه المكتب من غير اذن بس على الله ماسمعش ضرب وخبط بعد ماتدخلى ويطلب منى برشام للصداع زى كل مرة ههههههه
إيمان :لا اطمنى عالاخر ده انتى حتلاقينى انا شخصيا بترمي قدامك عالمكتب هنا
منى :ههههه ربنا معاكى
وبعدين قوليلي صحيح الطقم بتاع امبارح جايباه منين
إيمان :عجبك
منى:تحفه يابت اللذينه حياكل منك حته بصراحه اللبس عليكى بيبقى حلو اوى
انتى عارفه الفستان الشتوى اللى سألتك عليه تسنيم وراحت جابت زيه بصراحه مكنش حلو عليها زيك يامضروبه
إيمان :الرك عالقالب يابنتى القالب غالب وبعدين اصلها ياعينى رفيعه اوى لكن انامقلوظه والفستان ملفوف علية هههههههه
منى :انا كنت عاوزة اسالك امبارح بس انتى كنتى مشغوله ومعرفتش اسالك
إيمان :ده محل فاتح جديد فى وسط البلد مش حعرف اوصفهولك شوفى نفسك فاضيه امتة ونروح سوا وكمان عنده حاجات تانيه كتير حتعجبك اوى
منى :ماشي اسيب بكرة الولاد عند ماما ونروح بعد الشغل ماشي
إيمان :ماشي يامزة حدخل بقى استعنى عالشقا بالله
تدق المكتب وتدخل :صباح الفل والياسمين على الباشا الكبير بتاعنا
يزيد :الدخله دى مش برتاحلها خير اللهم اجعله خير
إيمان :بقى كده بردو مكنش العشم يابرنس
يزيد :إيمان ادخلى فى الموضوع وانجزى عندى شغل
ايمان :اه ماهى خلصت حاجتى من جارتى خلاص اخدتنى لحم ورمتنى عضم اروح ان
•تابع الفصل التالي "رواية شمس تتحدي الغيوم" اضغط على اسم الرواية