رواية امرأة في عصمة صعيدي الفصل الثلاثون 30 - بقلم سلسبيل
_عند ديما و جاسر..
ديما بدأت تفتح عينيها و لقت جاسر جمبها..
جاسر(بابتسامة):حمد لله بالسلامة..
ديما(بخفوت):شكرا...
جاسر(بفرحة):عندي ليكي خبر حلو اوي..
ديما(بسخرية):هو في حاجة حلوة في البيت ده..
جاسر دفن وشه في رقبة ديما و غمض عيونه..
جاسر:اه في حاجة حلوة في البيت ده في حاجات في انتي اولهم و بعدين..
ديما(بتعجب):و بعدين؟!!
جاسر:ابني اللي جاي في الطريق..
ديما(برفعة حاجب):نعم!!.
ديما سكتت و فكرت شوية...و بعدها زقت جاسر بعيد عنها بعصبية..
ديما(بعصبية):انت متجوز عليا يا جاسر و مراتك حامل..
جاسر اندهش من تفكيرها..
جاسر:اه مراتي حامل..
ديما(بعصبية):بكرهك يا جاسر بكرهك..
ديما قامت و لبست طرحتها و لسة هتنزل جاسر مسك ايديها..
جاسر:رايحة فين؟؟
ديما(بغضب):شيل ايدك عني..
ديما زقت جاسر و نزلت جري و جاسر نزل وراها و هي بيضحك عليها..
فتحية:مالك يا بنتي؟؟
ديما(بعصبية):الزفت الحيوان متجوز عليا لا و كمان مراته حامل..
جاسر كان واقف وراها و بيشاور ليهم بانهم ميقولوش ليها..
حازم:مين قالك كدة؟؟
ديما:هو ده المهم يعني..ده ده متجوز عليا ده بيخوني..
جاسر مقدرش يمسك نفسهه و قعد يضحك بصوت عالي و الكل بيضحك عليها..
ديما(بغضب):بطل ضحك..
جاسر قرب من ديما و حاوط وشها بأيديه..
جاسر(بضحك):شكلك يا طفلة مش مستوعبة الموضوع..انتي حامل يا طفلة..
ديما(بعصبية):انت بتض..لسة هتكمل كلامها..
بعدها ديما ركزت في كلامه و اتصدمت و بصتله..
ديما(بصدمة):يعني انا حامل؟
اسماء:انتوا بتستغربوا ليه نفسي اعرف؟؟
ديما(بفرحة):عااااااااااااا...انا حامل انا فرحانة..
ديما قعدت تطنطط زي الاطفال و الكل بيضحك عليها..
جاسر(بضحك):خلاص خلاص اهدي..بطلي تطنططي كدة..
حازم:اوعدنا يا رب..
......................................................
-بعد اسبوعين..
دعاء(بدموع):انا مش عايزة اسافر..
حازم:يا رب الصبر..يا بنتي قولتلك هنيجي في اي وقت تكوني عايزة تيجي فيه..
ديما:يا ابني مهما كان برضو صعب..اصبر..
دعاء راحت حضنت ديما و دنيا و فيروز..
دعاء(بدموع):متنسونيش..
دنيا(بلطف):منقدرش اصلا يا روحي..
فيروز:هتوحشينا اوي..
دعاء راحت حضنت جاسر..
جاسر:متعيطيش لو مش عايزة تروحي معاه قولي..
حازم:اه ردي ردي..
دعاء(باحراج):هتوحشوني اوي..
جاسر(بضحك):واضح..لو بس زعلك قوليلي..
حازم:انا اقدر...
خالد:خلي بالك منها..
حازم:في عنيا..
دعاء:امي..
دعاء جريت علي فتحية و حضنتها و سلمت علي عبير و اسماء و جملات...
(سارة مخرجتش من اوضتها و كانت عبير بتدخل توديها الاكل و تخرج و محدش بيعبرها)...
حسن:خلي بالك من نفسك و اسمعي كلام جوزك يا دعاء..
دعاء:حاضر يا بابا...
دعاء سلمت علي اعمامها و راحت وقفت جمب حازم..
حازم:يلا اشوفكوا بخير..
الكل:مع الف سلامة..
-حازم خد دعاء و راحوا للمطار و ركبوا الطيارة و راحوا لسويسرا...
ديما(بابتسامة):ربنا يسعدهم..
جاسر:يا رب..
عبير:يلا علشان نحضر الغداء..
حسن:تعالوا نتكلم..
محسن:اه بقالنا كتير مقعدناش مع بعض..
ايمن:يلا..
علي:عقبال ما يحضروا الغداء..
علاء:عن اذنكوا تعالي يا فيروز...
فيروز:حاضر..
فيروز طلعت مع علاء اوضتهم...
علاء:غمضي عيونك...
فيروز:طيب..
فيروز غمضت عنيها و و هي حاسة بحركة علاء جمبها..
علاء:افتحي عينك..
فيروز فتحت عنيها لقت في سلسلة دهب مكتوب عليها فيروز..
فيروز(بفرحة):حلوة اوي اوي...
علاء:عجبتك؟
فيروز:جدا..
علاء:الحمد لله..
فيروز:شكرا جدا ليك..
علاء:علي ايه انتي مراتي...
_عند الباقي..
خالد:علاء خلع..
جاسر:طب انا كمان هخلع..
خالد:اه يا واطي ما تصبر يا عم..
جاسر:طيب..
خالد:اخبار ديما ايه؟؟.
جاسر:بخير مش شايفها زي القرد...
خالد:طيب...
جاسر:طيب..
خالد:انت شكلك مش طايقني روح يا عم لديما..
جاسر(بضحك):الصراحة ما صدقت...
_عند الستات...
عبير:شاطرة يا دنيا بقيتي بتعرفي تعملي الرز حلو...
دنيا:شكرا يا طنط...
جملات:وريني الملوخية كدة يا ديما..
ديما:اتفضلي يا طنط..
جملات:اه طعمها حلو..
فتحية:انتوا مشغلين ديما ليه؟؟
ديما:لا يا طنط انا اللي عايزة كدة..
فتحية:لا ميصحش يا ديما اقعدي ارتاحي..
جاسر:انا برضو بقولها كدة تقولي لا بحب اشتغل معاهم...
ديما:رزل..
اسماء:روحي يا حبيبتي اسمعي كلام جوزك و ارتاحي...
ديما(بغيظ):حاضر..
جاسر:بتحبي الشغل يا اختي..لما نشوف في رمضان هتعملي ايه...
ديما:هعمل موز بلبن...
جاسر:اتريقي اتريقي هتكوني في الشهر السابع..
ديما:طيب..انا طالعة اغير هدومي..
ديما طلعت غيرت هدومها و راحت لاوضة سارة بتردد و خبطت الباب..
سارة(بخفوت):ادخل..
ديما دخلت بتقدم خطوة و ترجع خطوة و هي خايفة علي نفسها و علي الطفل...
ديما(بتوتر):هاي سارة..عارفة انك يعني مش طايقاني بس و الله العظيم انا معملتش حاجة..
سارة(بتعب):انا بكرهك يا ديما..
ديما:لو سمحت انا معملتش ليكي حاجة و مش عايزاكي تكوني زعلانة مني..اكيد ربنا هيعوضك يا روحي..
سارة(بتعب):خدتي مني ابني..
ديما:و الله انا كنت زعلانة لاني ملحقتكيش..
سارة(بتعب و عياط):انا زعلانة من نفسي و منك يا ديما انا انا اللي موت ابني و ده شئ مأثر فيا اوي انا السبب مش انتي..يا ريتك كنتي انتي يا شيخة يا ريته كنتي انتي..
ديما:انتي ممكن تتجوزي تاني و تحملي عادي يا روحي..
سارة(بدموع):اخرجي بره يا ديما اخرجي..
-ديما خرجت من الاوضة و قفلت الباب وراها و عيطت لقت جاسر واقف و مربع ايده و باصص ليها بشئ من الغضب..
ديما قربت منه و حضنته و هو بادلها الحضن...
ديما:انا زعلانة عليها اوي...
جاسر:هي اللي غلطانة يا ديما سيبيها تأخد جزاءها..يلا تعالي معايا هنسيكي الدنيا...
ديما:ازاي؟؟
جاسر قرب منها اوي..
جاسر:هقولك..
ديما:ابعد يا جاسر انت وحش و رزل تمام بس بقي وسع..
جاسر(بضحك):طيب يا...
جاسر:يا طفلة....
جاسر:تعالي معايا..
جاسر مسك ايد ديما و خرج بره البيت...
دنيا كانت ماشية و طالعة علي السلالم لقت حد بيصفر..
دنيا(باستغراب):مين؟؟
دنيا سمعت صوت الصفير تاني بصت وراها و قدامها ملقتش حد...
خالد:بتدوري علي مين يا جميل؟؟
دنيا:هو انت..
خالد:لا شبحي..
دنيا:طيب...عايز ايه؟؟
خالد:بوسه..
دنيا باست خالد علي خده و لسة هتمشي مسكها و رجعها تاني...
خالد:مش نفسك تحملي زي ديما كدة..
دنيا:ان شاء الله لما ربنا يريد وسع..
خالد:بمزاجي علفكرة ها..
دنيا:طيب يا ابو مزاج..
دنيا طلعت و خالد طلع وراها...
_عند ديما...
ديما:هتوديني لفين؟؟
جاسر:اصبري..
ديما لقت جاسر بيوديها لمكان الخيول..
ديما:جبتني هنا ليه؟؟
جاسر:موحشكيش رعد؟
ديما:اه..
جاسر:ده بيسألني عليكي كل يوم..
ديما:يا سلام..
جاسر:رعد اتجوز علفكرة..
ديما(بفرحة):بجد؟
جاسر:اه و مراته حامل زيك كدة بالظبط..
ديما:بتكدب عليا؟؟
جاسر:لا و هكدب ليه؟؟
جاسر و ديما قعدوا كتير مع الخيول..
...................................................
-عدت فترة طويلة عليهم عدي خمس شهور...
في الصباح الباكر..
جاسر بدأ يفوق من نومه ملقاش ديما جمبه قام و راح اوضة الملابس لقاها واقفة قدام المراية و ماسكة بطنها...
جاسر:حبيبتي بتعمل ايه؟؟
ديما(بحزن):انا بطني كبرت اوي..و فيروز بتفضل تتريق عليا..
جاسر:اتكلمنا في الموضوع ده كتير يا حبيبتي هنعيده تاني..
ديما(بحزن):طبعا ما حزني مش فارق معاك..
جاسر(بهمس):يا رب مش هنخلص من هرمونات الحمل بقي..
جاسر:طيب رمضان داخل علينا يعني متزعليش بقي..
ديما:طيب..
جاسر:اضحكي..
ديما:مش فايقالك..انا نازلة..
جاسر دخل الحمام و خرج غير هدومه و نزل ورا ديما..
دنيا:اهلا..
ديما:اهلا..
دنيا:حبيب خالتو عامل ايه؟؟.
ديما:تاعب امه يا اختي..
دنيا:ليه بس كدة؟؟
ديما:لا و الزفت جاسر بيقولي انا اللي هسمي الولد و مش هقولك اسمه دلوقتي..
خالد:اهلا باللي مخلصين اكل البيت..
ديما:اهلا باللي محزن اهل البيت..
خالد:انا؟!
ديما:لا انا...روح واسي مراتك الغلبانة الحامل..
فتحية:يلا نحضر الغداء..بليل هنتسحر..
ديما:جاية اهو..
جاسر:تعالي هنا راحة فين يا اختي اقعدي مكانك و متتحركيش..
ديما:خلاص يا ريس..آسفين..
جاسر:يلا يا خالد ستات مقرفة..فين الزفت علاء؟؟
علاء:افندم؟؟
خالد:مختفي فين؟؟
علاء:موجود اهو..
ديما:مين دول اللي مقرفين اومال الرجالة تبقي ايه شياطين البيت بقي..
دنيا:عندك حق..
دنيا:يلا يا بنتي الدنيا بقت تخنق..
ديما و دنيا مشيوا راحوا باقي الستات..
فيروز:انا جيت..
دنيا:نورتي يا اختي..
فيروز:حبيب ابن مرات ابن عمي ايه؟؟.
ديما(بضحك):ايه اللفة دي كلها؟؟
فيروز:اضحك يا جميل انت...
سارة:صباح الخير..
جملات(بهمس):دي نزلت ليه دي؟؟
فتحية(بهمس):معرفش..
اسماء(بهمس):شكلها ناوية علي شر..
دنيا(بهمس):دي منزلتش من خمس شهور...
فيروز(بهمس):هي عايزة ايه؟؟
ديما(بهمس):بطلوا همس و اسألوها عادي يعني..
عبير:خير يا سارة؟؟
سارة(بحزن):موحشتكيش يا اما...
عبير:لا..
سارة(بحزن):اسفة..
سارة سابتهم و طلعت علي اوضتها..
فتحية:هي شكلها ناوية علي شر و لا ايه؟؟
اسماء:معرفش..
جملات:احنا مالنا..
ديما خرجت من المطبخ..
محسن:ديما..
ديما:بابا واحشني..
محسن:اه طبعا ما انتي ناسياني بسبب جاسر..
ديما:انا اقدر يا عمري انت...
محسن:وحشتيني اوي بقالي كتير مكلمتكيش..
ديما:و انا و الله..
ديما راحت قعدت جمب محسن و حضنته فضلت قاعدة معاه طول اليوم..
ايمن:اهم حاجة يا حاج انك تكون مقتنع..
حسن:اكيد يا ايمن..هنفتح مصنع تاني و هتكتبه باسم ديما و فيروز و سارة..
ايمن:بلاش سارة يا حاجة خلي دنيا..
حسن:ده حقها يا ايمن..
علي:اهم حاجة انت بس ريح نفسك انت بتتعب جامد..
-بعد فترة الشباب رجعت من الشغل..و جاسر اترمي علي اول كرسي قابله لقي ديما حاضنة محسن و بتشاروله بمعني هاي..
جاسر(بحدة):قومي يا اختي قومي..
محسن:في ايه يا واد قلبت كدة ليه؟؟
جاسر:مفيش حاجة يا عمي...قومي..
ديما(برفعة حاجب):هو حد عملك حاجة ما تسبني في حضن بابا شوية..
خالد(بهمس):لمي الدور و قومي..و انتي عارفة انه غيران..
ديما قامت مع جاسر و جاسر مسك ايديها و طلع اوضته...
خالد(بتعب):انا طالع اغير هدومي اليوم كان متعب..
دنيا:جيت يا حبيبي؟؟
خالد:لا ببعت قريني الاول...
دنيا:الظرافة عايزة منك ايه؟؟
علاء:اومال فين فيروز يا عمي؟؟
محسن:هتلاقيها مع الستات في المطبخ..
علاء:تمام عن اذنكوا...
علاء راح للمطبخ ملقاش فيروز طلع لاوضته لقاها قاعدة بتعيط..
علاء:مالك يا فيروز؟؟
فيروز:مفيش يا علاء..
علاء:مفيش ما هو واضح اوي في ايه اتكلمي..
فيروز:انت لو عايز تتجوز علشان تخلف انا مش معترضة يا علاء...
علاء:انا لو عايز كدة مش هأخد رأيك و كمان الموضوع مسألة وقت احنا بقالنا خمس شهور بس متجوزين...
فيروز(بعياط):ساعات بسمع مرت عمي عبير بتتكلم مع مرات عمي فتحية و مع امي..
علاء:خلاص اهدي مش هيتكلموا تاني بس انتي متزعليش نفسك..
فيروز:بس لو انت عايز تخلف من واحدة تانية انا مش معترضة..
علاء:يا بت انتي لسة مفهمتيش انا بحبك انتي..
فيروز(بخجل):شكرا..
...........................................................
-عدي اليوم و جه الليل..
ديما:جاسر جاسر..
جاسر:خير؟؟
ديما:السحور جاهز..
جاسر:طيب..
ديما:بتعمل ايه عندك في البلكونة؟؟
جاسر:مبعملش يلا ننزل نتسحر..
ديما:طيب..
جاسر:متأكدة انك هتصومي؟؟
ديما:طبعا..
جاسر:لو عايزة تفطري براحتك..
ديما:لا...
و نزلوا لقوا الكل قاعد و السحور قدامهم..
فتحية:هتصومي يا ديما؟؟
ديما:اه ان شاء الله..
جملات:و انتي يا دنيا؟؟
دنيا:اه برضو..
اسماء:ربنا يحميكوا..
و بدأوا يأكلوا...
حسن:ان شاء الله احنا هنسافر مكة و هنرجع بعد العيد الكبير..
جاسر:ان شاء الله يا حاج...
و بعد السحور كانوا جاهزين..
محسن و جملات,عبير و ايمن,حسن و فتحية,علي و اسماء....سافروا لمكة المكرمة..
و الباقي راح ينام...
-و عدت الايام و جاسر كل يوم يروح الشغل هو و خالد و علاء بالنهار و يرجعوا اخر النهار و البنات كانت بتحضر الغداء و يقعدوا يفطروا و يتسحروا مع بعض...و سارة كانت بتحاول تكسب ثقتهم تاني..
عدي شهر رمضان و كانت ليلة العيد...
ديما:ياااااه اخيرا الحمد لله العيد جه..
دنيا:اه كنا بنخرج نصيع يوم العيد ده فاكرة..
جاسر و خالد:لا و النبي..
ديما:كان زمان روق..
دنيا:ايام و راحت لحالها..
فيروز:طبعا العيد جه بقي فايه..
علاء:ايه؟؟
فيروز:ايه؟؟
علاء:ايوه ايه بقي؟؟
ديما:العيدية طبعا انتوا اتهبلتوا..
دنيا:ايديكوا كدة علي money عيدية يلا..
جاسر:انتوا كبرتوا انسوا..
جاسر(و هو بيتاوب):تصبحوا علي خير..
جاسر و خالد و علاء طلعوا اوضهم..
ديما(بحزن):يعني مش هأخد عيدية؟؟
دنيا:و الله اعمل جناية..
فيروز:لا بس ابيه جاسر كان بيودينا عيدية..
سارة:هيوديكي يا ديما متقلقيش..
ديما:انا مش بنام ليلية العيد دي..
دنيا:و لا انا...
فيروز:انا بسهر للصبح..
سارة(باحراج):ممكن اسهر معاكوا..
دنيا:تعالي..
و البنات قعدوا قدام التلفزيون لغاية ما الفجر أذن و قاموا صلوا و قعدوا تاني لغاية ما بدأت التكبيرات تشتغل...
ديما(بفرحة):هطلع البس طقم العيد اللي انا اشتريته انا و جاسر..
دنيا:و انا كمان..
فيروز:اشطا و انا..
سارة:هطلع عن اذنكوا..
و الكل طلع علي اوضته...
_عند علاء و فيروز..
فيروز لبست طقم العيد و راحت تصحي علاء..
فيروز:علاء علاء..
علاء(بنوم):ايه يا فيروز؟؟
فيروز:قوم العيد مش هنروح نصلي..
علاء:نص ساعة..
فيروز:قوم يا ابني بقي..
علاء:طيب ايه ده؟؟
علاء قام و دخل خد دوش و خرج لبس عبايته...
علاء:قدامي يا اخرة صبري..
فيروز(بحزن):مفيش برضو عيدية..
علاء:قدامي يا بنتي..
فيروز:طيب متزقش..
_عند دنيا و خالد..
دنيا خدت دوش و لبست الطقم بتاعها و خرجت صحت خالد...
دنيا:قوم يا ابني بقي..
خالد:طيب قومت مستعجلة علي ايه؟؟
دنيا:هحضر العيد في البلد اول مرة يلا..
خالد:طيب يا ستي..
دنيا:اوكي..
خالد خد دوش و غير هدومه و خرج لدنيا مسك ايديها و نزلوا...
_عند ديما و جاسر..
جاسر كان حاسس بحركة ديما الطفولية حواليه..
ديما كانت بترتب كل حاجة علي السرير الفستان و الطرحة و الشنطة و الكوتشي كانت مبسوطة اوي..
ديما:كدة كل حاجة جاهزة..ايه تاني؟؟
ديما:مفيش نلبس بقي..
ديما بدأت تلبس هدومها و تظبط طرحتها...
ديما:جاسر جاسر..
جاسر:عايزة ايه؟؟
ديما:يلا قوم انت وعدتني هحضر العيد في البلد من الاول و هنصلي يلا..
جاسر:حاضر يا طفلة..
ديما:ايه أيك في فستاني؟؟
جاسر:حلو..
جاسر قام و خد دوش و غير هدومه و خرج لديما..
جاسر:يلا بينا..
ديما:يلا..
جاسر و ديما نزلوا لقي الكل جاهز تحت حتي سارة..
جاسر:يلا بينا..
كل واحد مسك مراته و مشيوا مع بعض و سارة جمبهم..
خالد:روحوا صلوا و نتقابل هنا تاني..
دنيا:تمام...
فيروز:باي..
جاسر:خلي بالك من نفسك و متوطيش..
ديما:حاضر..
البنات راحوا يصلوا مع الستات..و الرجالة راحت تصلي مع الرجالة..
بنت(بهمس):مش دي مرات جاسر بيه؟؟
بنت2(بهمس):اه هي...و كمان حامل..
بنت(بهمس):الحيوانة دي البت المصراوية دي..
سارة:ديما خلي بالك..
ديما:من ايه؟؟
سارة:لا اقصد متوطيش زي ما جاسر قالك..
ديما:شكرا..
ديما قعدت علي الارض و البنات قعدوا جمبها بيسمعوا خطبة العيد..
دنيا:الجو هنا حلو اوي..
ديما:جميل اوي اوي..
فيروز:هنروح بقي و نلعب..
ديما:في مراجيح؟؟
سارة:اه بس انتي مش هتتمرجحي علشان اللي في بطنك..
ديما(بحزن):انت ليه يا حبيب امك جيت في الوقت ده الله..كدة مش هلعب و لا هلعبك معايا يرضيك..
فيروز:و الله مسخرة...
ست:يلا قوموا..
ديما:حد يشدني..
ست2:ليه عجزتي؟؟
دنيا:هو حد كلم حضرتك؟؟
ست2:شوفوا قليلة الادب بترد عليا..
فيروز:هو احنا عملنا ليكوا حاجة ما تسيبونا في حالنا..
ست:طبعا ما هما من مصر..
ديما:لا ثانية بس ثانية ايه مشكلتكوا مع بنات مصر و القاهرة هموت و اعرف ايه ده؟؟
سارة:خلاص خلاص..خدي اهو كرسي يا ديما...
ديما:شكرا..
و بدأوا يصلوا و بعد فترة خلصوا صلاة..
سارة:يلا نطلع من هنا بسرعة..
و الكل كان ماشي..
بنت1:انتي يا بت يا مصراوية...
ديما(بنفاذ صبر):يا رب خلاص زهقت..
ديما:خير افندم؟؟
بنت2:انتي بتقلي ادبك علي امي انا..
دنيا:هو احنا عملنا ليكوا حاجة ما تخرسوا بقي شوية..
فيروز:يلا يا ديما يلا يا دنيا...
ديما لسة بتلف البنت كانت هتزقها بس سارة زقتها..
سارة(بزعيق):ما تبعدوا عننا بقي..احنا عملنا حاجة متخلونيش مخلكوش تسوا شلن في سوق الستات..
سارة:يلا يا ديما يلا يا دنيا يلا يا فيروز..
و الاربع بنات خرجوا لقوا الشباب مستنينهم..
جاسر:اتأخرتوا ليه؟
ديما:عايزة اروح..
جاسر(باستغراب):ليه؟؟
دنيا:اه و انا كمان..
خالد:انتوا مش كنتوا هتموتوا و تشوفوا العيد..
علاء:حصل ايه يا فيروز؟؟
فيروز:في بنات و ستات جروا شكل معانا..
جاسر:وحبيبتي بقي تزعل ليه؟؟سيبك منهم ستات بتحب الكلام الكتير..
سارة(لنفسها):الحمد لله علي كل شئ..
جاسر:تعالي يا جمر..
ديما(بابتسامة و احراج):اسكت بقي..
و جاسر خدها و لف بيها البلد كلها و راحوا لمكان العيد..
ديما:عايزة اعمل زي دول..
جاسر:لا مش هتقدري تشيليها..
دنيا:طب انا..
خالد:حد قالك انك مش حامل..انتي كمان لا..
فيروز:هلعب انا..
فيروز مسكت البندقية و وجهت علي الرسمة اللي قدامها و صوبت...
ديما(بانبهر):واو...
دنيا:و النبي اجرب مرة واحدة بس..
و ودوا فيروز صورة لممثل مشهور..
ديما:و النبي عايزة الهدية اللي هناك دي..
جاسر:هات يا عم البندقية..
ديما:هات..
جاسر:انا يا حبيبتي اللي هعمل مش انتي خليكي انتي في الواد اللي محشور جوا ده..
ديما:رخم..
جاسر صوب في النص بالظبط و ودوه اللعبة اللي كانت ديما عايزاها..
ديما(بفرحة):بحبك اوي..
دنيا:طب و اشمعنا ديما؟؟
خالد:عايزة اي لعبة؟؟
دنيا:الدبدوب ده..
خالد:طيب..الصبر يا رب..
خالد لعب هو كمان و جاب الدبدوب لدنيا..
فيروز:هروح اتمرجح..
ديما:استني جاية معاكي..
ديما لسة هتتحرك لقت اللي بيمسكها من ايديها..
جاسر:اقعدي يا اختي اقعدي هنا..
ديما:يا جاسر..فين بقي متعة العيد؟؟
جاسر:السنة الجاية لما تخلفي كدة و تكوني بعافيتك..
دنيا:متبصليش انا متكلمتش..
علاء:محدش هيلعب يبقي انتي كمان متلعبيش..
فيروز:بس...
ديما:متقيديش حريتها خلي سارة تروح معاها..
علاء:لا تقعد هنا و كمان ممكن و هي بتلعب رجليها تبان او كدة لا..
خالد:عجبتني..
و الكل قعد يضحك..
ديما:طب ركبني خيل..
جاسر(بضحك):معتقدش هيستحملك هيفطس تحتك..
ديما:اضحك اضحك..انا كنت مزة المزز بس منك لله..
جاسر:طب بذمتك انا غصبتك لا يبقي خلاص..
ديما:نينننننننننننننننننننننني...
جاسر:طب يلا بقي نروح و نشوف الموضوع ده..
دنيا:لا دلوقتي لا استنوا شوية..
و البنات قعدوا يتفرجوا علي العيد و يتمشوا و الشباب مبسوطين لفرحهم...
سارة:بصي ده يا ديما للطفل..
ديما:يا اختي كملية الله اللعبة دي حلوة للبيبي..
جاسر:هاتلي يا ابني 3 لعب من دي..
شاب:حاضر يا جاسر بيه..
دنيا:طب و انا...
خالد:انتي طماعة يا بت انتي..
دنيا:انا؟!ده انا طيوبة خالص..
خالد:واضح واضح يا اختي..
خالد:هات يا ابني من دي برضو..
ديما:هي مش طماعة هي عايزة تجيب زيي علشان نبقي زي بعض..
دنيا:شفت فهمتني غلط ازاي؟؟
خالد:يا حرام..
تليفون جاسر رن...الخط اتفتح..
جاسر:اهلا يا حاج..عيد مبارك..
حسن:اهلا يا جاسر اخباركوا كلكوا ايه؟؟
جاسر:الحمد لله..اخباركوا انتوا ايه؟؟
حسن:بص الصراحة كلنا عجبنا المكان هنا..
جاسر:اه يعني؟؟
حسن:يعني جايين السنة الجاية..
جاسر:نعم!!!!!!!
حسن:ايوه كلنا مبسوطين و عايزين نبقي في المكان اللي الرسول(صلي الله عليه و سلم) كان فيه لاطول فترة...
جاسر:تمام يا حاج...خلوا بالكوا من نفسكوا..
علاء:ايه؟؟
جاسر:مش هتصدقوا..
الكل:ايه؟؟
جاسر:ناويين يقعدوا للسنة الجاية..
الكل اتصدم و بعدها اتعودوا..
جاسر:يلا نروح..
جاسر كان ماشي و كل ما يقابل طفل او طفلة يطلع فلوس من جيبه و يديهم عيديه و خالد و علاء زيه..
ديما:طب اعتبرني طفلة و وديني مية جنية طب..
جاسر:علي البيت يا روحي..
ديما(بقرف):طيب...
و البنات دخلوا البيت و بعد فترة الشباب دخلوا..
جاسر:تعالي يا طفلة انتي هنا..
ديما:خير؟؟
جاسر طلع من جيبه فلوس و اداهم لديما..
ديما(بفرحة):و ربي بحبك..
ديما حضنت جاسر و باسته من خده..
خالد:خدي يا زفتة..
دنيا:ربنا يسامحك...
خالد:اهي يا اختي العيدية اللي هتبيضي عليها..
دنيا(بفرحة):الله يا حليوة..
علاء:خدي يا قمر كل سنة و انتي طيبة...
فيروز:شكرا ليك..
علاء:خدي يا سارة كل سنة و انتي طيبة..
سارة(بفرحة):شكرا يا اخوي..
سارة حضنت علاء جامد و قعدت تعيط..
ديما:بتعيطي ليه ده احنا في عيد..
......................................................
-عدي شهرين...و كان ميعاد ولادة ديما..
ديما(بصريخ):عااااااااااااا...انجزوا..
جاسر:اهدي الدكتور قال لسة..
ديما(بصريخ):ده دكتور حماااااار...
دنيا:يا بنتي اهدي..
ديما(بصريخ):طلقني يا جاااااسر طلقني..
جاسر(بضحك):بطلي هبل يا حبيبتي..
ديما بصت يمين و شمال و مسكت علبة الدواء اللي كانت جمبها و رمتها علي جاسر..
ديما(بصريخ):بتضحك و ربي لما اقوملك يا جاسر...
الدكتور:يلا علي اوضة العمليات..
ديما:اهو الدكتور الحمار جه...
الكل ضحك علي كلام ديما..وبعد فترة سمعوا صوت عياط طفل...
ممرضة:يتربي في عزك..
جاسر مسك الطفل بين ايديه براحه و عيونه دمعت و بدأ يكبر في ودنه..
جاسر(بدموع):انت اسمك ادم انت اسمك ادم...
علاء:مبروك يا ابن عمي...
جاسر:الله يبارك فيك...
دنيا:اومال ديما فين؟؟
الدكتور:اه الست المجنونة هتفوق كمان ربع ساعة...
جاسر(بعصبية):ما تحترم نفسك..
خالد:اهدي يا عم اهدي..امشي يا دكتور..
و بعد فترة خرجوا ديما و الكل دخل ليها ما عدا علاء و دنيا و فيروز لانه قلعوها طرحتها و هي بشعرها و مينفعش علاء يشوفها بشعرها..و دنيا هي و فيروز حوامل مينفعش يخشوا عليها(معرفش ليه بس هو ده اللي بيحصل😂💜)...
جاسر:مبروك يا حبيبتي..
ديما(بتعب):سميته ايه؟؟
جاسر:ادم..
ديما(بتعب): يعني اسم مش بطال..
جاسر:ماشي يا قمري..
ديما:شكرا..هخرج امتي؟؟.
جاسر:لسة هسأل الدكتور....
ديما:طيب..
.................................................
-عدي تلات شهور..
كانت دنيا في اواخر ايامها و فيروز في الشهر الخامس..
ديما:اخرس بقي يا زفت شوية..
جاسر:بتعلي صوتك علي الواد ليه؟؟
ديما:مش عارفة انام و عايزة انام..
جاسر:طب هاتيه..
ديما ودته لجاسر سكت في ايد جاسر..
ديما:لا و النبي طيب...انا هنام..
ديما لفت وشها و نامت في اقل من ثانية..
جاسر:بت انتي يا بت..انتي نمتي امتي الله؟؟..
جاسر:اعمل فيك ايه انت بقي؟؟
جاسر شال ادم علي كتفه و خرج بيه..
خالد:فين امه؟؟.
جاسر:نايمة..
دنيا:اه هي نايمة في العسل و انا صاحبتها هولد كمان كام يوم..
جاسر:حرام هي مبتنامش علشان ادم مبيخلهاش تنام بليل..
سارة:هاته..
جاسر بص ليها و مكنش عايز يديها ابنه..
جاسر:لا خليه معايا انا هخرج بيه عن اذنكوا..
جاسر خد ابنه و خرج راح للمصنع...
علاء:معلش بس ليه حق يا سارة..
فيروز:معلش..
خالد:يلا نكلم دعاء..بقالنا شهر مكلمنهاش..
و فتحوا اللاب و بدأوا يكلموا دعاء و حازم..
حازم:ايه نستونا و لا ايه؟؟
خالد:احنا نقدر يا معلم..
حازم:عندي ليكوا خبر حلو اوي..
علاء:قول..
حازم:دعاء حامل في الشهر الاول..
دنيا(بفرحة)مبروك يا اسطا..
دعاء:هاي..
خالد:اتعلمتي ال هاي..
دعاء:ظريف..
و قعدوا يتكلموا كتير..و ديما صحيت..
ديما(بخضة):ابني..
ديما:فين ابني؟؟
دنيا:هو مش انتي سيبتيه مع جاسر؟؟
ديما(بارتياح):اه..هو فين جاسر؟؟
خالد:راح الشغل..
ديما:بابني لا..حرام عليه كدة ابني هيبرد..
فيروز:اهدي مش هيحصله حاجة..
ديما:لا الجو وحش الايام دي..
جاسر:اكبر بس و انا هعملك كل حاجة..
ديما(بعصبية خفيفة):كدة يا جاسر تأخد ابني بره و الجو وحش..
جاسر:معلش يا قطة قولت اسيبك نايمة..
ديما:طيب..هات..
دنيا:آآه بولد..
خالد:دي اتصرف ازاي دي؟؟
ديما:هننقلها المستشفي..
و نقلوا دنيا المستشفي و دخلوها اوضة العمليات..و بعد فترة ولدت مصطفي..
......................................................
-عدي سنة كاملة علي كل ابطالنا...
كان في العيد...
_في مكة المكرمة..
كانوا كلهم حاسين بفرحة لوجودهم بجانب الرسول(صلي الله عليه و سلم) و كانوا مبسوطين و بيطمنوا علي الولاد كل شوية ...
_في سويسرا..
دعاء حازم كانوا عايشين حياتهم بسعادة و مبسوطين و ربنا رزقهم ب محمد و نور تؤام غير متماثل و كانت دعاء بتكمل تعليمها و بتحاول توفق بين الاتنين و حازم بيحاول علي قد ما يقدر يساعدها و نزلوا مصر مرة واحدة من ستة شهور..
_في الصعيد
فيروز جابت ولد اسمه يوسف..
-في يوم العيد بقي..
جاسر كان ماسك كاميرا في ايديه و بيصور..
جاسر:طبعا دلوقتي احنا في العيد التاني بالنسبة لدنيا و ديما..
ديما(بضيق):متجبش سيرتي..
جاسر(بضحك):طب اعملك ايه مش ذنبي..
ديما(بضيق):رزل..
جاسر(بضحك):طب زعلانة ليه طيب؟؟
ديما:تعرف يا جاسر انا بدعي من ربنا انه يهديك و تبعد عني بس..
جاسر(بضحك):هحاول حاضر..
جاسر:طب قولي بقي ايه اللي مزعلك؟؟
ديما:علي اساس انت مش عارف..
دنيا:يا ستي ما تقولي..
ديما:بسببه مش هعرف اتمرجح..
خالد(و هو بيكتم ضحكه):ليه بس كدة؟؟
ديما:انت مش قد وعدك يا جاسر وعدتني السنة اللي فاتت اني هركب المراجيح..
جاسر:بايدي ها ردي بايدي..
ديما:اه..
ديما:بسببك انا حامل اهو و مش هعرف اركب مراجيح..
جاسر(بضحك):السنة الجاية..
ديما(بعصبية):ياض هزعلك ياض..
جاسر:و نروح للعفريت الصغير..
ادم:باباباابابابابا..
ديما:ايه ده و فين ماما؟؟
ادم:ماماماماماماما..
دنيا:و مفيش حاجة لعمتو...
ادم راح لدنيا و ضربها قلم..
خالد(بعصبية خفيفة):لم ابنك يا جاسر..
خالد شال ادم من هدومه و زقه علي ديما..
جاسر:انت غبي يا ابني نسيت انها حامل..
ديما:لما اقوم اكل..
ديما سابتهم و راحت تأكل..
فيروز:خد يا علاء يا حبيبي تصبح علي خير...
فيروز ودت لعلاء ابنهم يوسف و طلعت نامت..
دنيا:و طبعا حبيبي هيأخد مصطفي يلا يا حبيب بابا روح لبابا..
دنيا سابت مصطفي لدنيا وقامت..
جاسر:احنا اضحك علينا..
ادم:بابابابابابابابا..
علاء:يا شيخ اتنيل مش وراك غير بابابابابا و ماماماماما..
جاسر:طب ما تخلي ابنك يتكلم..ده حبيب ابوه ده..
خالد:طيب و ده حبيب عمه..روح يا مصطفي لاعمامك..
خالد:انا طالع لمراتي..
خالد سابهم و خلع..
علاء:ابن ال..
جاسر:ده سابنا نحتاس احنا بقي..
و قعدوا يتكلموا و يضحكوا...
............................................
-بعد مرور خمس سنين..
جاسر:بت يا جودي..جودي..
جودي:نحم..
جاسر:نحم!!!الله يرحم فين امك؟؟
جودي:محرفش و سبني الوح اتلم باتم(معرفش و سبني اروح اكلم باسم)..
جاسر:ماشي..
و بعدها جاسر وقف مكانه بصدمه و لف لجودي..
جاسر:تكلمي مين؟؟
جودي:باتم يا بابا باتم(باسم يا بابا باسم)..
جاسر:لا افتكرته سعاد...مين الزفت باسم ده؟؟
جودي:حبيبي..
جاسر:اه حبيبك اه..و تعرفيه منين يا هانم بقي؟؟
جودي:من الفيث بوت(من الفيس بوك)..
جاسر:فيس بوك اه..فيس بوك في واحدة في سنك يا شيخة عندها فيس بوك.. مين عملهولك؟؟
جودي:اه ل ثحابي عندهم فيث بوت(اه كل صحابي عاملين فيس بوك)..
جاسر:و يا تري مني عملهولك؟؟
جودي:ماما..
جاسر(بصوت عالي):ديما ديما..
ديما:في ايه يا حبيبي؟؟
جاسر:تعالي يا هانم شوفي بنتك..
ديما:مالها جودي؟؟انتي كويسة يا حبيبتي؟؟.
جودي:اه يا ماما..
ديما:في ايه يا ابني؟
جاسر:الهانم مصاحبة واحد علي الفيس زفت ده..
ديما:لسة صغيرة..
جاسر:و النبي..
جاسر(بابتسامة صفراء):تصدقي كنت فاكرها كبيرة..
ديما ضحكت علي منظر جاسر..
ديما:طب تعالي يا حبيبي و نبقي نتكلم بعدين..
جودي:اه يا بابا حد ماما و روحوا الاوضتة(اه يا بابا خد ماما و روحوا الاوضة)..
جاسر:لحظة لحظة دي بتطردني..
جودي:ما انت تلطرنا كتير انا و ادم عثان تعد مع ماما(ما انت طردتنا كتير علشان تقعد مع ماما)..
جاسر:احم ايه ده؟؟انا بعمل كدة؟؟
ديما:هنكدب علي بعض..
جاسر:لا و النبي..طيب يا بنت محسن..
جاسر حضن ديما و باس رأسها...
........................................................
يا رب الرواية تنال إعجابكم مستنية رأيكم🤗💙..
_دلوقتي في ناس كتير معتقدة ان الصعيد و رجالة الصعيد كلهم رجالة قفوشة عندها عادات و صفات سئية كتيرة ناس مختلفين عن العالم كلهم..بس انا بشوف ان الصعيد فيها مميزات كتير و مش كل الرجالة زي بعض مش كلهم عقلهم مقفول لا في رجالة صعيدية حنينة و بتحب بصدق فعلا و لما بتحب مبتسبش اللي قدامها و في ناس معتقدة ان رجالة الصعيد مش بيحبوا و بيرموا بناتهم لاي راجل يجي لا بس ده غلط اينعم في ناس بتعمل كدة بس لا في ناس تانية بتعلم بناتها و الرجالة بتعرف تحب بجد....و الصعيد فيها اشجار و خضرة و جو طبيعي جميل و فيها بساطة و جمال خاص بيها و باهلها و ناسها اهل اصعيد ناس طيبين(اينعم مزورتش الصعيد بس ده حقيقي🤗💜)..
_لو جاتلك فرصة انك تسامح شخص غلط فيك سامح ده مش ضعف بالعكس ده منتهي القوة..رد الاساءة بالحسنة مش هتخسر حاجة بالعكس هتكون احسن الناس خلقا و ادبا...التسامح ده من صفات الاقوياء...
_الحب مش عيب و عمره ما كان عيب و لما بنت تحب شاب ده مش عيب المهم انها تطلبه من ربنا انه يكون حلالها مش تروح تصاحبه و تمشي معاه ده غلط لما تحب حد اطلبه من ربنا بانه يكون حلالك...حب الناس ده نعمة لما تكون محبوب بين الناس افضل من ان الناس تكون بتكرهك و نافرة منك..اعمل دايما للناس و لاهلك..
_لو جاتلك فرصة انك تتغير اتغير هيبقي احسن ليك مش معني اني مش محجبة يبقي انا مش محترمة و قليلة الادب ممكن اكون مش محجبة لكني احسن من مية واحدة بتلبس حجاب احكم علي الشخص من خلال تعامله مش من منظره او شكله.. و لما الاقي حد بيحاول يتغير اساعده يتغير مش اسيبه و مقدمش ليه مساعدة مش اسيبه لوحده لا اروح و اساعده...
_خليك عارف انه مهما حصل ليك من اساءة او اذية هتترد اضعاف و ربنا هيجبلك حقك و الظالم بيأخد جزاءه دنيا و آخره علشان كدة اصبر و اطلب من ربنا حقك و ربنا هيجبلك حقك من الظالم...متعملش نفسك قوي علي الضعيف لانه منتهي الغباء..
- يتبع الفصل التالي اضغط على (امرأة في عصمة صعيدي) اسم الرواية