رواية شمس تتحدي الغيوم الفصل الثاني و الثلاثون 32 - بقلم عبير سليم

 رواية شمس تتحدي الغيوم الفصل الثاني و الثلاثون 32 - بقلم عبير سليم 

الفصل الثانى والثلاثون من رواية شمس تتحدى

بقلمي :عبير سليم

💖💖💖💖💖💖💖💖

قد تمر بنا من المواقف مانظن أنها نهاية الحياة ولكن الذى لايغفل ولاينام لا تنام اعينه عما يفعل الجبناء.

يسخر لنا من يخرجونا من غياهب الظلمات إلى النور يدركوننا ونحن فى أشد لحظات ضعفنا.

ليسوا لأنهم أقوى منا او أشد منا بأسا وانما يضع الله فيهم من القوة ليستعينوا بضعفهم على ضعفنا فيصبحون اكثر قوة. 

تعود إلى بيتها حتى تطمئن على سلامة جارها ثم تعاود الرجوع عند امها ثانية وقدتركت طفلتها مع إحدى أخواتها على أمل العوده سريعا.

تطرق عليها الباب فلا تجد ردا

فتحدث نفسها :انا غبيه وربنا ماهى أكيد مع جوزها فى المستشفى بس انا موضوع أمى نسانى اسألها عن اسم المستشفى

وانا معييش تليفون جوزها  يادى النيله علية يعنى انا جيت عالفاضي

تفتح باب شقتها الذى يواجه شقة جارتهم وتقرر ان تاخذ حماما وتستريح قليلا ثم ترى ماذا ستفعل

بينما فى شقة أمل

كانت تحاول ان تتحرك من أمامه لترى من الطارق الذى أرسله الله لها لينقذها مما هى فيه

فيمسك يديها بكل قوة :مش حتتحركي من ادامي انتى فاهمه

امل :انت اتجنيت واللا شارب حاجه انت عاوز منى ايه

فتحى :عاوزك انتى ياامل انا بحبك ياامل بحبك

أمل :يالهوى انت اتجننت واللا ايه ايه الكلام الفارغ ده اطلع برة والا ودينى حصوت والم عليك الناس

فتحى :اسمعينى ياامل انا عاوزك فى الحلال

أمل :حلال ايه  الله يخرببيتك انت شكلك اتجنيت امشي اطلع برة امشي احسن لك اخرج الله يخليك حرام عليك ده انا زى اختك 

فتحى وهو يتفحصها بنظرة شيطانيه :زى اختى ده إيه ده انا مبنامش من كتر التفكير فيكى بقى مش حرام الجمال ده كله يتدفن فى مكان زى ده ومع واحد مشلول

أمل :جاك قطع لسانك انا جوزى سيد الرجاله وحيخف ان شاء الله

فيمسك يديها بقوة :ههههههههه سيد الرجاله اه هو انتى  صدقتى انه حيقف على رجله تانى وحتى لو حصل خليه فى فقره لكن انتى ليه تعيشي فى الفقر ده

 انتى مش حسه بقيمة نفسك انتى عاوزة اللى يقدرك ومحدش حيعرف يقدرك غيري 

انا معايا فلوس كتير حاخدك ونمشي من هنا حشتريلك شقه كبيرة انا مردتش اشتري شقه حلوة لحبيبه خسارة فيها لكن انتى حجيبلك حته من السما

حعيشك ملكه حجيبلك كل اللى نفسك فيه مش حخللى نفسك فحاجه

تحاول ان تنزع يدها من بين يديه ولكنه اقوى منها فهى امرأة ضعيفة والفقر الذي تعيش فيه زادها ضعفا ووهنا على صعفها.:فلوس ايه ياابو فلوس انا ولا مال الدنيا كله يبعدونى عن جوزى منك لله ربنا ينتقم منك ابعد عنى يابن ال....... 

تسحب احدى يديها وتمدها وتأخذ السكينه لتضربه بها ولكنه سرعان مايضرب يديها فتقع السكين من يدها

تفلت يدها منه وتحاول  الهروب من امامه فيمسكها بكل

 قوه:انتى فاكرة ان فى حد حينجدك منى النهارده انتى لية يعنى لية بالذوق او بالعافية واللى مش حعرف اخده منك بالجواز حاخده من غير جواز

أمل :الحقونى يانا

فيكتم فمها حتى لا يسمعها أحد فتعضه من يديه وتفلت منه وتجري لتفتح باب الشقه الذى اغلقه لتهرب منه وتستنجد بأحد

ولكنه اسرع منها يشدها من ملابسها ويحاول تمزيقها

أمل :ابعد عنى يابن ال

فيكتم فمها حتى لا تصرخ ويسمعها احد

يستيقظ الصغير من نومه فيبكى بصوت عال يمزق القلب وكأنه يعلم بما يحدث لأمه انه رجل المستقبل أما الآن فهو طفل صغير لايعي مايحدث ولكن احساسه بامه يشعره بأنها فى خطر فيعلي صوته بالبكاء على أمل ان يكون صوته هو المنقذ لها يصرخ وكانما يستنجد بأحد لإنقاذ امه من براثن ذلك الوحش

كان يكتم فمها بيد ويستبيح ليده الثانيه ان تمزق ملابسها وتظهر عورتها. 

كانت تحاول أن تستنجد بأحد تحاول الاستغاثة تحاول ان تصرخ ولكنه سرعان مايكتم أنفاسها 

بينما الاخرى وهى فى شقتها:انا متهيألي زى مااكون سمعت صوت صرخه وبعدين مش ده صوت زياد

بس صوت زياد ازاي يعنى وهو أكيد مع أمه فى المستشفى وبعدين البيت مليان عيال صغيرة

ايوة بس الصوت جاى من شقة امل انا متاكده

مش عارفه ليه قلبي مش مطمن. 

تنظر من المنور الذى يجمع بين شقتها وشقة امل فلا ترى شيئا

هو انا اتهبلت واللا ايه تتحرك لتدخل الحمام فتسمع صوت صرخه مكتومه

بالفعل هى تحاول ان تدفعه عنها تحاول ان تدافع عن نفسها لا لن تنال مني مهما كلفنى الأمر فعندي اموت وانا ادافع عن عرضي واكتب مع الشهداء أرحم من ان يمسنى رجلا غير زوجى.

فلقد عزمت أمرها على الدفاع عن عرضها حتى لو كلفها الأمر حياتها

كلما ابعدت وجهها عنه كلما زادت رغبته فيها أكثر فلقد تملكه شيطانه لدرجة انه تجرد نهائيا من الانسانيه

غرزت اصابعها فى وجهه:آه

فأخذ يصفعها على وجهها ليستطيع النيل منها

اما الاخرى :لا وربنا فى حاجه فى شقة امل ايوة ده صوت زياد هو انا حتوه عنه يالهوي ليكون حرامى اتهجم عليهم فى الشقه واللا يكون حصلتلها حاجه وتعبانه والولد ياضنايا

 لوحده طب وبعدين هو انا حفضل اكلم نفسي زى المجانين كده لا انا لازم اتصرف

 فقررت ان تفهم ماذا يحدث بداخل شقة جارتها وصديقتها وجدت نفسها تخلع احدى الواح الدولاب وتضعه مابين شقتها وشقة صديقتها لترى مايحدث بالداخل

لم تخش السقوط  وانما كل خوفها على جارتها وصديقتها التى لم تر منها غير كل خير واحساسها بأن هناك شئ ما

كانت تتحرك ببطء على ذلك اللوح الخشبي حتى لايميل بها واخيرا استطاعت ان تصل بأمان استدارت بجسمها وانزلت قدماها حتى وصلت لارض المطبخ

نظرت فوجدت مفتاح الانبوبه امام اعينها فالتقتطه سريعا فقد ظنت بأن هناك أحد اللصوص بداخل الشقه

حرام عليك سيبنى حرام عليك لاءة

وصلت هذه الكلمات الى مسامعها اضافة الى صوت الصغير الذي مزق قلبها.

كانت الاخرى فى حالة انهيار حتى ان دموعها حجبت عنها الرؤيه لم تنتبه سوى على صوت اتى منه:اه ثم ارتطم بالأرض

ابتعدت بجسمها عنه تنظر إلى ملابسها التى اصبحت تكشف اكثر مماتخفي غير مصدقه ان هناك من أرسله الله لها لانقاذها

أمل وهى ترتعش من الخوف :حبيبه حبيبه الحقينى ياحبيبه والله ماعملت حاجه والله هو جه هنا هو  اللى اتهجم علية ابنى ابني بيعيط هو مات مات

كانت تهذى بالكلمات بينما الاخرى فى حالة من الصدمه لا يكاد عقلها يستوعب ما يحدث زوجها انه زوجها لم يكن لصا بل كان زوجها ذلك اللص الذى اباح لنفسه أن يعتدى على عرض جاره المريض فبدلا من ان يكون بجانبه فى تلك اللحظات العصيبه ينتهز عدم وجوده ويحاول ان ينهش فى عرضه

اى نوع من البشر هذا لا فهو حيوان لا والله فالحيوان برئ مما فعله هذا الذى يلقب بإنسان وهو قد انعدمت منه المروءة والإنسانية

حبيبه وهى تمسك بملابسه التى امتلأت بالدماء وقد غاب عن الوعى:اه يابن ال....... اه يابن ال........ ياواطى  يازباله

امل :خلاص ياحبيبه حنروح فى داهيه ياحبيبه

حبيبه :داهيه لما تاخده الله يحرقه حسبي الله ونعم الوكيل فيه الواطى عديم الضمير

امل طمنينى عملك حاجه الحيوان ده

امل وهى منهارة :ربنا يخليكى ياحبيبه ربنا يسترك زى ماسترتينى لحقتينى ياحبيبه انا كنت حموت نفسي لو كان عمل فية حاجه 

انا والله اتفاجئت بيه قدامى بيقوللى عاوز مفتاح الأنبوبه دخلت المطبخ لقيته ورايا والله انا عمري مااتكلمت معاه غير بأدب معرفش ليه فكر فية كده

حبيبه :عشان ابن....... واطى كنتى اديله بالمفتاح فى دماغه الكلب ده

أمل :طب هو مات طمنيني الله يخليكى

حبيبه :ان شالله يموت واللا يروح فى داهيه تاخده انتى ملكيش دعوة انا اللى ضربته على دماغه عشان لقانى عندك وضربنى انتى فاهمه اوعي تقولي انه كان عاوز يعتدي عليكى

مش عشان ابن ال...... ده ده ميسواش ويستاهل الشنق لكن عشان سمعة الراجل الغلبان المرمي فى المستشفى وعشان الشك ميروحش معاه لحته بعيده ومهما كان بيحبك هو راجل

امل وهى تحتضن طفلها وتبكي :لا لا ياحبيبه انتى كده حتودي نفسك فداهيه لا انا لازم اقول الحقيقه وبعدين يعنى هو مات هو عايش واللا مات ياحبيبه

حبيبه: فيه نفس لسه  هو عايش بس مغمى عليه مماتش متخافيش ياامل متخافيش ياحبيبتى انا معاكى

امل :ربنا يخليكى ياحبيبه ربنا يخليكى ياحبيبتى كنت حضيع من غيرك ياحبيبه كنت حوري وشي لجوزي ازاى حرفع عينى فى عين ابنى ازاى ابنى حبيبي اللى كان شايف كل حاجه ياحبيبي يابنى ياضنايا يابنى

فجاة يسمعون طرقا على الباب

امل :يالهوي يامصيبتى مين اللى جه احنا رحنا فى داهيه

حبيبة :بس متخافيش اهدي انا حفتح الباب واشوف مين ان شاء الله ربنا حيقف معانا

تجري على الباب فتفتحهه فتتفاجا بوجودهم أمامها 

💖💖💖💖💖💖💖💖💖💖💖💖💖💖💖

فى المستشفى في غرفة وليد

الدكتور الالمانى:هاه وليد ايه اخبارك النهارده

وليد :الحمد لله والشكر لله يادكتور 

الدكتور :شاطر وليد لازم احمد ربنا لازم قول حمد الله

وليد :يعنى انا بجد حرجع امشي تانى انا خايف وقلقان

الدكتور :هههههههههه لا انا بضحك عليك وليد هو انتوا ليه مصريين مش تقتنعوا بحاجه ليه دايما مش تصدقوا اللى دكتور قول عليه انا اقول انت خف يعني خف وليد

انا مش هزر انااتكلم جد وليد

وليد :يااه انا مش مصدق انى حقدر اقف على رجلي تانى

الدكتور :اهم حاجه وليد علاج طبيعى من غيره نبقى مش عملنا حاجه وعمليه مش تنفع وكمان وليد اوعى ازعل من حاجه او ابقى مضايق ده يبقى مش كويس عشانك

وليد :حاضر حاضر يا دكتور حنفذ كل اللى حضرتك قلت عليه

الدكتور :تمام وليد انا اقول زى ماانتوا قولوا اشوف وشك بخير

وليد :حضرتك مسافر خلاص

الدكتور :اه شويه كده اطمن على مريض عمل عمليه واسافر بس اطمن وليد انا تابع مع دكتور حالتك

وليد :ربنا يكرمك يادكتور يارب ويرزقك ويعللي مراتبك كمان وكمان ويديك على اد نيتك 

الدكتور :ايه وليد كلام ده انت قوله

وليد :بدعيلك ربنا يادكتور عشان انت طيب اوى بتحس بالعيان وبتخليه ميخافش مش بتكشر فى وشنا

الدكتور :ده واجبي وليد انا دكتور عشان اعالج مريض لازم اديه امل لازم اخليه مش يخاف او يقلق لازم احس بيه وليد مش ينفع دكتور يكون قاسي يكون مش حاسس بمريض ده يخللى مريض يتعب اكتر

وليد :نفسي اشوف زياد ابنى زيك يادكتور

الدكتور :ليه لاء وليد انتوا عباقرة مصريين عقلكم قنبله بس لازم يكون فى مكان صح مش فى حاجات وحشه انت ربي ابنك كويس علمه قوله اعتمد على نفسه

 وليد انا كنت اشتغل واتعلم فى وقت واحد

هو يبقى كويس ويبقى دكتور كبير تبقى انت مبسوط بيه وليد وهو يبقى مشهور ومرضى ادعوله زى ماانت دعيتلي وليد

وليد :كلامك جميل اوى يادكتور انا فرحان اوى انى اتكلمت معاك انا نفسي اشوفك تانى يادكتور ربنا يخليك يارب

الدكتور :ايه يخلينى دى خلينى فين وليد

وليد واحمد :هههههههههه

أحمد :وليد يعنى يقصد ان ربنا يطول فى عمرك

الدكتور :اه عيش كتير يعنى مش مهم عيش اد ايه المهم اكون عملت حاجه كويسه وانا عايش ناس افتكرونى بيها

وادعولي وليد

يمد يده له :مع السلامه وليد

وليد :مع ألف سلامة يادكتور

يخرج الدكتور من غرفة وليد للاطمئنان على المريض الآخر

أحمد :ياااه ايه الدكتور ده هو فى كده ده احنا بنتعامل كتير مع دكاترة متعرفش تتكلم معاهم كلمه واحده

ورافعين مناخيرهم فى السما وعمرهم مايريحوك ابدا

وليد :فعلا والله يااحمد معاك حقوفى منهم جزارين ميهمهمش غير الفلوس وبس لكن بردو فى منهم طيبين وولاد حلال

بس بجد الدكتور ده انا عمري ماشفت زيه ربنا يكرمه يارب

💖💖💖💖💖💖💖💖💖

مكبل الأيدي والارجل لا يستطيع الحركه يجلس امامهم فى خزي وعار كانوا ينظرون إليه ولا يعرفون ماذا سيفعلون مع ذلك الذي انعدمت من قلبه كل مشاعر الانسانيه

بينما هى تبكي ومنهارة رضيعها فى حضنها لا تريد ان ينتزعه احد من بين ضلوعها احضرت لها حبيبه ماترتديه لتستر نفسها امام الحاضرين

هؤلاء الذين ارسلهم الله كما ارسهلها هى الاخرى لانقاذ تلك البريئه من ذلك الذئب

هاه فرحان بنفسك كده انت ايه انت معدوم الانسانيه يعنى بدل ماتروح لجارك  المستشفى وتقف معاه وتقويه عاوز تهده عاوز تخليه ميقدرش يىفع عينه فى عين حد ليه كل ده عشان إيه تعمل كده يعنى انت كنت فاكر انك لما تعتدي عليها حقها كان حيروح

أكيد طبعا شيطانك صورلك انها يعينى حتسكت عشان متفضحش نفسها مش كده

نسيت ان ربنا شايفك ومطلع على كل اللى بتعمله ولازم يقف جمبها ويبعتلها اللى يساعدها ومين يااخى اللى تنقذها منك وتساعدها مراتك شوف سبحان الله مراتك

اخي عليك مش عيب عليك لما مراتك تشوفك فى وضع زى ده تفرق ايه هى عن مراتك ماهى الست زى الفل اهيه وصغيرة وحلوة يبقى ليه كده

فترد حبيبه:دناوة وفراغة عين بعيد عنك اخس عليك ياراجل ياواطي والله العظيم انا قايداله صوابعي العشرة شمع ومش مخلياه عاوز حاجه بس حنقول إيه

منك لله ياشيخ لاء وميلاقيش غير الغلبانه دى اللى بتقول ياحيطه دارينى طب كنت روح للزباله اللى تعرفهم اوعى تكون فاكر انى مش عارفه اللى بتعمله من ورايا وساكته وكنت بقول بكرة يعقل لكن الظاهر ان ديل الكلب عمره مايتعدل طب مش خايف على نفسك من عقاب ربنا خاف على بنتك يتعمل فيها اللى بتعمله منك لله حسبي الله ونعم الوكيل فيك ربنا ينتقم منك

كانوا غير مدركين مايحدث بينما كانت امل منهاره :بس ازاى جيتوا هنا وانتوا عارفين انى فى المستشفي

فلاش باك

عمر وشمس فى السيارة في طريقهم للمستشفى

تتصل شمس على وليد للاطمئنان عليه وقد كانت متوقعه ان أمل هى من سترد عليها

وليد :سلام عليكم

شمس :وعليكم السلام ازيك ياوليد عامل إيه النهارده

وليد :فى نعمه الحمد لله والله

شمس :امال فين امل مردتش علية ليه

وليد:امل روحت البيت وحتيجى كمان شويه

شمس :وانت لوحدك مفيش طبعا حد معاك

وليد :احمد صاحبي معايا ومش حيمشي غير لما امل ترجع

شمس :ماشي ياوليد احنا ان شاء الله حنعدي عليك بعد مانخلص شغل ولو احتاجت اى حاجه كلمنى

وليد:ربنا يخليكى يارب ويتمم فرحتكم على خير

تغلق معه الهاتف بقولك ايه ياحبيبي

عمر:قولي ياحبيبة قلبي

شمس :انا مش عاوزة اديهم الفلوس فى المستشفى إيه رايك نعدي على امل نديها الفلوس وتشتري اللى هى عاوزاه وتشيل الباقي فى البيت اضمن بدل ماتضيع منها فى المستشفي

عمر :مفيش مشكله اللى انتى عاوزاه

شمس :خلاص ياللا نروحلها بسرعه عشان نروح عالشركه وبعد كده نبقى نروحلهم على مهلنا

أمل :الحمد لله احمدك يارب واشكر فضلك يعنى ربنا بعتكم لية زى مابعتلي حبيبه

عمر :بصراحه حبيبه هى اللى قامت بالواجب وعملت الصح والله انا مش مصدق اللى انتى عملتيه ده تعرضي نفسك للموت وانك ممكن تقعى فى المنور عشان قلقتى على صاحبتك

فى نفس الوقت اللى جوزك مهنش عليه صريخها ودموعها ولا دموع العيل الصغير ده

حبيبه :حنقول ايه حسبي الله ونعم الوكيل 

شمس:وانتى ايه اللى مصبرك على واحد زى ده

حبيبه :اهلي ربنا يسامحهم عيشي ربي بنتك كل الرجاله كده معندناش حاجه اسمها طلاق ضرب واهانه وقلة ادب وبخل علية وعلى بنته مشوفتش معاه يوم حلو واخرة المتمه بعد كل القرف ده يبقى عاوز كمان يعتدي على جارتى وصاحبتى الوحيده اللى مبتكلمش غير معاها

ده انا والله العظيم كنت حطه فقلبي وساكته ومتكلمتش غير بعد مافاض بية

حقك علية ياامل حقك علية ياحبيبتى

أمل :وانتى ذنبك ايه بس ياحبيبه والله انا ماصعبان علية غيرك ازاى حتعاشري بنى ادم زى ده

حبيبه :لا وربنا ماحعيش معاه يوم واحد بعد النهارده ولو حمد ايدي فى الشارع واقول يامحسنين احسنلي مااعيش مع حيوان زى ده

فتحي:فكوني بدل مااوديكم فى داهيه كلكم اه انتوا بتتبلوا علية ده انا حبلغ عنكم واوديكم السجن

وانتى يابت ال..... تخللي صاحبتك تجرجرني عندها البيت عشان تسرقونى وتقتلونى وتجيبوا ناس وتقولولهم انى كنت عاوز اعتدي عليها عشان تطلعوا منها زى الشعرة ده انا اوديكم فداهيه

دى مين دي عشان ابصلها ده انا لو عاوز من بكرة اتجوز عليكى واجيبلك اللى تذلك

أمل :كداب والله العظيم كداب ربنا ينتقم منك

حبيبه وهى تتوجه بالحديث لعمر وشمس:ربنا يخليكم انا محتاجه حد يقف معايا يقنع اهلى انى مينفعش اعيش تانى مع الراجل ده والنبي ربنا يسعدكم ويهنيكم يارب ويكتبلكم السعاده تقفوا جمبي شايفين بيقول ايه عاوز يطلعنا احنا اللى شياطين وهو اللى ملاك ربنا ينتقم منك يابعيد

عمر:حاضر اللى تطلبيه ممكن تروحي تجيبي حد من اهلك بس يكون ليه كلمه وتكوني واثقه فيه وانا حتكلم معاه

حبيبه :ايوة مفيش غير منعم اخويا الكبير هو ده اللى محدش يقدر يكسرله كلمه وراجل واد كلمته

انا حروح اجيبه من محله واجي حالا

عمر وهو يتوجه بالحديث لفتحي:حتطلق مراتك وتبعد عنها نهائي انت فاهم والا حسجنك طول عمرك

فتحى بعيون كلها شر:تغور فى داهيه تاخدها بس مش حسيبكم وحاخد حقى منكم اه مش فتحى اللى يتكتف زى النسوان كده 

كانت شمس تحتضن امل وتبكي معها فلقد مرت من قبل بما مرت به أمل الان تذكرت كيف كان يحاول ذلك الوحش الاخر ان ينتهك عرضها 

بعد مرور القليل من الوقت يدخل منعم اخو حبيبه معها ومعه صديق مقرب منه يظهر عليه الاحترام فيراه وهو مقيد ومربوط الراس

فيقدم عليه ويمسكه من ملابسه :اه ياواطى بقى احنا مستحملين قرفك من سنين وغاصبين عليها تعيش معاك عشان خاطر العيله الصغيرة وانت تعمل كده

فتحي :انت حتصدقهم ده ملعوب عملته علية هى وصاحبتها عشان عرفت انها بتسرقنى وكانوا عاوزين يقتلونى وبيتبلوا علية انا معملتش حاجه

يكيل له منعم الضربات فى وجهه:ياكداب ياواطي

ثم يتوجه بالحديث لصديقه :ماهر روح هات المأذون بسرعه

يتوجه صديقه لاحضار الماذون

ثم يتوجه منعم بالحديث لفتحي :انا حاخد اختى بعفشها بكل حاجتها وانت حتدفع نفقتها ونفقة البت كل شهر زى الجذمه والا ودينى لخللي صحابي اللى اد شعر راسك يقلعوك فى الشارع ويخلوك مسخرة قدام الحته كلها

وانت تغور فداهيه تاخدك منشوفش وشك تانى ولا عاوزين نعرف عنك حاجه وتنسى ان ليك بنت انت فاهم انت اللى زيك عار على اي حد وانا ميشرفنيش ان ابو بنت اختى يبقى واطي وخسيس  زيك

فتحى :بقولكم ايخ هو انا عشان مربوط حتستقوواو علية وتطلعونى انا اللى فية ل العيوب لا انا مفيش حاجه تثبتوها علية انى عملت حاجه اه كل ده كدب وتلفيق وانا مش حطلق بقى ايه رايك واعلى ماخيلك اركبه

منعم وهو ينهال عليه ضربا فى وجهه :وكمان ليك عين تتكلم تمام احنا بقى حناخد الغلبانه دى ونعملك محضر والشهود موجودين وابقى ورينى حتخرج منها ازاي

ياتى ماهر ومعه المأذون وينتهى الموضوع ويلقي عليها يمين الطلاق. 

منعم :دلوقتى بقى جه الوقت عشان اصفي حسابنا معاك اخذ بكيل له الضربات فى كل انحاء جسمه:ده اقل واجب يتردلك على العيشه السوده اللى اختي كانت عايشاها معاك

احنا كنا ساكتين كنا فاكرينك حتتعدل وينصلح حالك لكن واضح ان ديل الكلب عمره ماينعدل

انت مش حتدخل الشقه برجليك غير بعد ماخد كل حاجة اختى انت فاهم انا كان ممكن اطردك انت برة الشقه وهى اللى تقعد لكن انا مش حسيبها لوحدها وحاخدها عندنا وابقى ورينا وشك عشان اشرحهولك

ياخذون منه المفتاح ويرمونه خارج البيت

عمر:حنعمل إيه دلوقتي

منعم :الجماعه دول مينفعش يعيشوا هنا لازم يمشوا من هنا

عمر :ازاي الكلام ده يعنى يسيبوا بيتهم

ماهر:منعم بيتكلم صح فتحي لسانه طويل ومش حيسكت وحيلسن على ام زياد فى كل مكان وممكن يقول كلام وحش عليها وده يخللي الناس تطمع فيها وكمان انا خايف يتهم ام زياد ومراته باى تهمه.

عمر:البلد فيها قانون

منعم :قانون ايه صللي عالنبي ده مصاحب امناء شرطه ليهم كلمه اكتر من الظباط نفسهم بص يااستاذ انا اختى قادر احميها منه ومن شره لكن الغلبانه دى هى وجوزها مين حيحميهم منه

عمر :انا اللى عاوز افهمه انت ازاي عارف ده كله وجوزته لاختك

منعم:مكناش نعرفه ولما جه واتقدم رحت سالت عنه الحيران قالوا كويس قلنا خلاص تمام نتوكل على الله وبعد مااتجوزوا وهى بقت تشتكى منه حنقول ايه اتكلمنا معاه مفيش فايده قلنالها نعيش عشان خاطر البنت لكن لحد كده وخلاص مكنش ينفع نصبر عليه

امل وهى تبكي:طب وبعدين حروح فين انا وجوزي وابنى وحقول لجوزي نمشي ليه ده الدكتور قال ممنوع عليه الزعل والا ممكن يحصلله حاجه

منعم :وعشان السبب ده كمان لازم تاخدي جوزك وتمشي والا حتلاقى سيرتك على كل لسان والكلام حيوصل لجوزك

لازم تبعدوا وتروحوا اى مكان بعيد عنه وهو شويه وبتلهي فى اى حاجه وينسى

عمر :ايوة بس احنامحتاجين ندبر مكان الأول

شمس :المكان موجود

امل :فين ده

شمس :الشقه اللى جمبنا

عمر :اللى جمب خالتك قصدك

شمس :ايوة الشقه دى كانت بتاعة شاب الله يرحمه  ابوه اشترهاله ووضبهاله وكان خاطب وقبل فرحه بيوم واحد مات فجأة

العروسه جت اخدت حاجتها والشقه اتقفلت الكلام ده من ييجي سنه كده وابوه اتقهر عليه المهم يعنى هو زعل اوى لما لقى خطيبة ابنه اتجوزت بعديها على طول الراجل جتله جلطه وبقى بيتكلم بالعافيه

من اسبوعين كده سالنى لو اعرف حد معندوش مكان يعيش فيه عشان يديله الشقه وتبقى صدقه على روح ابنه وانا طبعا مكنتش اعرف حد قلتله حشوف الظاهر كده انها حتبقى من نصيبكم انتم وتبقوا جمب خالتى وتاخدى بالك منها بعد مااتجوز

وعلى فكرة بعد عمارتنا بعمارتين فى مركز علاج طبيعى كويس يعني كده حتبقى كل حاجه تمام

أمل :ايوة بس انا حقول لوليد ايه حنسيب بيتنا ليه

عمر :حنقولله ان الشقه عندكم مفيهاش هوا ومش صحيه ودى هدية ماربنا قومك بالسلامه

بصي ملكيش دعوة انا حتصرف المهم اتاكديلنا ياشمس ان الشقه موجوده وحتى لو ماكنش ليهم نصيب فيها من بكرة تكون الشقه الجديده جاهزة

امل :بس كده كتيرعلينا اوى

عمر :اللى عند ربنا مبيروحش ياام زياد

منعم:ربنا يبارك فى امثالكم يارب انا حقوم اجيب عربيه وننقل العفش بتاع اختى

الله يخليكم تفضلوا بس هنا معاهم لحد ماننقل حاجتنا

حبيبه :حتوحشينى ياامل منه لله اللى فرقنا عن بعض

شمس :ليه ياحبيبتى احنا عمارتنا متوهش تعاليلها واقعدوا سوا

حبيله:اكيد طبعا دى امل غاليه علية اوى وزياد حبيبي حيوحشنى

أمل :ربنا يجازي اللى كان السبب 

💖💖💖💖💖💖💖💖💖💖💖

تمر أيام وأيام سعيده على البعض وحزينه على البعض الآخر

يحاول كل قلب ان يجمع شتات قلبه يحاول كل حبيب ان ينعم باحضان احبابه يحاول كل قلب خال ان ينعش قلبه بحب يملؤه ويجعله يدق بكل حب

يخرج وليد من المستشفى ويبدأ فى تلقي جلسات العلاج الطبيعى وتتحسن حالته ويطيب لهم العيش فى السكن الجديد الذى جعلهم مقربين من شمس وخالتها

خالتها التى سعدت بهم كثيرا واعتبرتهم مثل ابنائها فكثيرا ماكانت تجلس معها امل وكانت سناء تلعب مع صغيرها الذى احبته وتعلق قلبها به

احست امل تجاهها بالعاطفه والحب الذي حرمت منهم شعرت وكانها امها التى حرمت منها منذ صغرها

ولم يتحدث احد امام وليد فيما حدث حتى لا تتاثر حالته الصحيه 

بينما حبيبه قد استقرت فى بيت امهاولقد غمرها الكل هى وابنتها بالحب والحنان فكفاها ماتحملته من العيش مع ذاك الذي انعدمت منه المشاعر

ولكنها لم تنس صديقتها فكثيرا ماكانت تتصل بها لتعرف اخبارها وتطمئن عليها

اما عمر وشمس فلقد اصبحاعاشقين جمع بينهما القدر كل يوم يكبر حبهما اكثر واكثر تزداد ثقة شمس فيرتاح قلبها وتشعر بالرضا ترفع يديها للسماء لتشكر ربها على تلك النعمه التى انعم بها عليها 

يجلس عمر وشمس يتحدثان سويا:شموستى

شمس :ياروح شموستك

عمر:يالهوي ياناس بكرة ان شاء الله حننزل نشتري الموبيليا

شمس :تمام ياقلبي

عمر:موني

ايمان :عاوز ايه من زفته

عمر:ياما مالها دى بقولك حتجي معانا واحنابنختار الموبيليا

ايمان :.................

عمر :مالك يابتى

شمس :مونتى مالك ياقلبي فى ايه

ايمان وهى تهب واقفه :انا بقى اللى لازم افهم فى ايه بالظبط

وتخرج من المكتب

عمر:انتى فاهمه حاجه

شمس :لاء بس ايمان مبتعملش كده الا اذا كانت ناويه على مصيبه

عمر:ربنا يقويك يا يزيد يااخويا على المصيبه اللى داخله عليك

تفتح الباب :انا عاوزة افهم فى ايه بالظبط اه مانامش مركبه اريال

يزيد :سلام قول من رب رحيم فى ايه يابنتى مالك

إيمان :انا عاوزة اعرف انا وظيفتي ايه هنا بالظبط

يزيد :ست الكل طبعا

إيمان :قصدك خدامة الكل يابشمهندس

يزيد:لا ده احنا زعلانين بجد بقى مالك يامونتى فى ايه

إيمان :فى انى تعبت حرام عليكم انتوا ليه بتعملوا  فية كده هو انا لقيطه مليش أهل 

فينك ياحسن يا حبيبي تيجى تشوف اللي بيحصللي

يزيد :ياسلام بقى سي حسن ده حيخاف عليكى اكتر مننا

إيمان :انا المفروض بشتغل حاجه بقيت بشتغل عشر حاجات هو فى ايه الرحمه ياناس ده انا ناقص امسح بلاط الشركة والسلالم حرام عليكم ده انا خسيت النص

يزيد :خسيتى ايه بس ده انتى بطه اهوه

إيمان :بطه مكسحه

يزيد :طب اقعدي بس وروقى كده يابطتى وفهمينى بالراحه مالك فى ايه يخرببيتك

ايمان :استغفر الله العظيم ياربي اطلبلي كابتشينو يروق دمي

يزيد :هو مش المفروض الليمون هو اللي بيروق الدم

إيمان :انا عاوزة كابتش

عشاق الروايات

 •تابع الفصل التالي "رواية شمس تتحدي الغيوم" اضغط على اسم الرواية