رواية شمس تتحدي الغيوم الفصل الثالث و الثلاثون 33 - بقلم عبير سليم
الفصل الثالث والثلاثون من رواية شمس تتحدى الغيوم
بقلمي :عبير سليم
💖💖💖💖💖💖💖💖
قبل ماابدا الفصل عاوزة اشكركم من كل قلبي على تعليقاتكم الجميله وبعتذر انى مقدرتش ارد على تعليقاتكم ربنا ميحرمنيش منكم وكل سنه وانتم طيبين وربنا يجعله عيد سعيد عليكم وعلى كل حبايبكم
يارب فصل النهارده يعجبكم وينول رضاكم
فى احدى المستشفيات الخاصه
يدخل يزيد وعلى وعمر ويسألون فى الريسيبشن ليخبروهم عن مكان تواجدهم فيجدون هاله وعليا ومروة فى حالة توتر شديد
يزيد :إيه اللى حصل بابا فين
هاله وهى منهارة :بيعملوله اشعات ورسم قلب جوة
عمر :بابا كان كويس الصبح جراله ايه فهمونى.
هاله :معرفش ياعمر معرفش والله يابني كان كويس جدا صللى العصر وقاللي حستنى الولاد اتغدى معاهم وقعد يتفرج عالماتش وأنس وعشق بيلعبوا جمبه وانا دخلت المطبخ أخلص الغدا مع فاطمه لقيت عشق بتنادي علية
رحتلهم لقيته بيقوللى حاسس ان نفسه بيروح ودراعه واجعه اوى
ناديت على عليا ومروة وحاولنا نفوقه لقيناه مش قادر حتى يرد علينا مروة طلبت الاسعاف وجينا بيه على هنا
يزيد:يارب استر يارب
يخرج الدكتور من الغرفه
عمر :طمنا يادكتور الله يخليك بابا ماله
الدكتور :جلطه فى القلب.
يزيد :جلطه طب وبعدين الحل ايه دكتور لو بابا محتاج يسافر برة اسفره حالا
الدكتور :اطمن احنا ان شاء الله حنسيطر على الحاله هى لسه فى الاول متقلقش
عمر :يعنى بابا حيبقى كويس
الدكتور :ان شاء الله حيبقى كويس ادعوله انتوا بس
هو حيدخل العنايه المركزة وحياخد ادويه تدوب الجلطه وان شاء الله حيبقى كويس
مروة :"ياحبيبى يابابا ربنا يشفيك يارب
على:ان شاء الله ربنا حيشفيه ان شاء الله
يسيطر القلق على كل الموجودين ولما لا وهو الأب والسند لهم مصدر الحب والحنان يعشقه الصغار قبل الكبار الكل يدعو له أن يتم شفاه ويطمئنون عليه
يمر يومان وهو بالعنايه يطمئنون عليه ويطمئنهم الدكتور على استقرار حالته
كانت شمس لا تفارفهم تحاول جاهدة ان تكون بحانبهم فى تلك الطروف خاصة مع سوء حالة عمر النفسيه
كان يزيد وعمر وعلى دائمين الاقامه فى المستشفى بينما كانت شمس وإيمان وسيف هم من يهتمون بالعمل فى الشركه
ولا يتهاونون فى الاطمئنان على حالة شاكر الصحيه
ينتقل شاكر الى غرفه عاديه بعد ان استجاب جسمه للعلاج شاكر نائم على الفراش بينما يجلس عمر بجانبه ويقبل يديه بكل حب :حبيبي يابابا حمد الله على سلامتك يا حبيبي
شاكر :الله يسلمك ياعمر ايه ياحبيبي الدموع دى انت بتعيط ياعمر
عمر :خفت عليك تسيبنى زى ماماما سابتنى زمان
شاكر :الموت علينا حق ياعمر يابنى واللى بييجي اجله مبيستناش
عمر :لا يابابا الله يخليك متقولش كده انا مش حقدر استحمل بعدك عنى انا بحبك اوى يابابا
شاكر :بتحبنى اوى عشان كده سيبتنا زمان ياعمر وقعدت بعيد عن حضنى يابنى
عمر :غصب عنى يابابا وحضرتك عارف اللى كنت بمر بيه
شاكر :عمر ياحبيبي انا عمري ماهونت باللى انت كنت حاسه عشان كده لما اخوك طلب منى اوافق على سفرك وافقت كنت فاكر السفر حيحنن قلبك ويخليك ترجع لكن العكس هو اللى حصل السفر قسا قلبك علينا اوى
عمر :انا قلبي عمره ماقسى على حد يابابا
انا كان جوايا نار مش عاوزة تهدى ابدا والحاجه الوحيده اللى كانت بتهديها البعد انا موت أمي كسرني اوى خلانى اخاف احب تانى او أتعلق بحد تانى يروح منى زى ماامي راحت منى
شاكر : انا عارف ياحبيبي انك كنت اكتر واحد فى اخواتك مرتبط بوالدتك الله يرحمها وهى كانت ونعمه الزوجه ونعمه الأم استحملتني كتير ووقفت معايا لكن قدر ربنا محدش يقدر يقف قصاده يابنى
ربك لما اختارها واسترد وديعته انا فضلت سنه مش عاوز ارتبط بحد وعلى اد ماكنت ببقى قلقان عليكم وخصوصا انى كنت بقضي معظم اليوم فى الشغل.
وكنت عارف انكم محتاجين أم تراعيكم وتخللى بالها منكم على اد ماكنت خايف ادخل عليكم واحده متخافش فيكم ربنا
ولولا عمك الله يرحمه هو اللى طلب منى اشوف هاله والله ماكنت حفكر فى الجواز لكن لما شفتها كانت ضعيفه خايفه مكسورة اوى شابه صغيرة اتحكم عليها تعيش فى عذاب عشان مبتخلفش.
صعبت علية اوى حسيت انى عاوز انقذها من اللى هيا فيه اتجوزتها ومع مرور الوقت حبتها عارف ليه حبتها يابنى حبتها من حبها ليكم وخوفها عليكم.
كانت مراعية ربنا فيكم واخواتك حبوها اوى الا انت كنت طول الوقت كارهها.
وهى كانت دايما بتدعي ربنا انه يحنن قلبك عليها حاولت تقرب منك كتير لكن انت كنت بتنفر منها مسمحتلهاش تقرب منك ولا فكرت تدي لنفسك فرصه انك تقرب منها.
كنت القاضي والجلاد وانا سيبتك مرضتش اضغط عليك ولا اجبرك على وضع انت مش متقبله
.
فاكر لما مرة كانت بتديك كوباية عصير رحت زاقق ايديها والكوبايه اتكسرت وايديها انجرحت يومها انا كنت عاوز اعاقبك على اللى عملته لكن هى اللى وقفلتى وقالتلي اياك تزعله.
ياما سهرت جمبك وانت عيان لكن انت عمرك مااديت لنفسك فرصه حتى انك تشوفها على حقيقتها
عمر :عارف يابابا كل ده وربنا يعلم انى اتغيرت وحضرتك شايفنى دلوقتى بتعامل معاها ازاى
شاكر :شايف ياعمر شايف متزعلش منى يابنى انى اتجوزت بعد المرحومه أمك انا صحيح كنت محتاجها فى حياتى منكرش لكن والله انا لو كان معايا حد يراعيكم لكنت قررت انى مدخلش عليكم واحده غير امكم ابدا.
وكنت استحملت انى اعيش لوحدى
عمر:بابا الله يخليك ملوش لزوم الكلام ده دلوقتى وطنط هاله بقت واقع فى حياتنا وربنا يعلم انى ندمت على كل اللى كنت بعمله معاها
شاكر :عمر انا عاوز اامنك يابنى لو حصللي حاجه هاله امانه فى رقبتكم دى امانتى ليكم اوعوا هاله تتبهدل او تتمرمط من بعدي.
عمر :ألف بعد الشر عنك يابابا متقولش كده
شاكر :عمر اوعدنى يابنى ريح قلبي الله يخليك هاله جت عندنا زرعة دبلانه كبرت الزرعه وزهزهت ونشرت خيرها فى البيت كله اوعى يابنى تيجوا عليها او تكسروها بعد موتى
عمر :اوعدك يابابا وياخذ يديه ويقبلها
يطرق الدكتور على الباب ويدخل ومعه احدى الممرضات :الراجل الطيب بتاعنا عامل ايه
شاكر :الحمد لله يادكتور
الدكتور وهو يتحدث لعمر:ممكن استئذنك شويه لحد مااخلص كشف
عمر :حاضر يخرج عمر فيجد هاله جالسه على الكرسي بالخارج تقرأ القرآن والدموع تملاء وجهها
عمر : ليه مروحتيش البيت ترتاحى شويه حضرتك تعبانه
هاله:لا ياحبيبي انا مش تعبانه مادمت جمب باباك ابقى كويسه
عمر :طب ليه الدموع دى مش الدكتور طمنا الحمد لله
هاله :غصب عنى ياعمر من خوفي عليه
عمر :بتحبيه أوى كده
هاله:بحبه انا مهما دورت على كلمه توصف مشاعري ناحيه ابوك مش حلاقى انا مش بس بحبه انا بتنفسه ابوك هو الهوا اللى بيدخل جسمي عشان اعيش
انا لو شاكر حصلله حاجه انا مش حقدر اعيش بعده انا بدعي ربنا فكل صلاة انى اموت قبله ويجعل يومي قبل يومه لأنى مش حقدر استحمل اى حاجه توجع قلبي عليه.
عمر :ان شاء الله بابا حيخف ويبقى احسن من الأول كمان
بس انا عمري ماشفت دموعك دى قبل كده
هاله وهى تمسح دموعها:انا من يوم ماوعيت عالدنيا وانا مشوفتش الفرح ابدا مشوفتش غير الدموع وعيت على ناس مبيكرهوش فى حياتهم اد خلفة البنات كأنهم عار لازم يخلصوا منه
الولد ليه كل حاجه والبنت تتحرم من كل حاجه تتحرم من التعليم تتحرم انها تاخد ورثها تتحرم من انها تقول اه او لاء على اللى حتتجوزه
ويوم ماقرروا يجوزونى فرحت وقلت اخيرا حخلص من سجن اهلى اتارينى كنت بخرج من سجن عشان ادخل فى سجن اكبر منه بهدله وتعب وقلة قيمه بخدم البيت كله من الصغير للكبير وكنت ساكته ومستحمله
وفى الاخر لما لقونى مش حعرف اخلف حكموا انه يتجوز وانا اقعد مع امه فى شقتها وافضل خدامه ليهم وهو يتهنى مع عروسته الجديده.
لولا عمك الله يرحمه ويغفر له ويسامحه هو اللى حكم انه يطلقني ورجعت بيت اهلى مكسورة بيعاملونى على انى معاقه او عندي عاهه طبعا عشان بقبت متطلقه عار عليهم
شفت اللى محدش شافه تصدق وتأمن بالله ياعمر انى كذه مرة كنت افكر انى اموت نفسي عشان ارتاح مافيش حاجه كانت بتخلينى ارجع فى كلامى غير خوفي من ربنا وانى اضيع كل حاجه من ايدي الدنيا والاخرة
لحد مافاجأة بصيت لقيت طاقة نور بتتفتحلى فى عز الضلمه لقيت ابوك اتجوزني وجابنى معاه شفت معاه السعاده اللى طول عمري كنت بسمع عنها بس.
عرفت معاه يعنى ايه حب يعنى ايه راجل بيخاف على مراته وبيراعيها وياخدها فى حضنه لما تكون تعبانه او مضايقه.
عمري ماحسيت انى بنى ادمه ليها مشاعر وكرامه غير مع ابوك.
اكرمني وعزني عمره مااستخسر فية حاجه بقى كل دنيتي شفت منه الحب والحنان اللى مشفتهمش من ابويا وأمي
عمره ماحسسني انى اقل من اى واحده فى الدنيا حتى لما لقانى نفسي اعرف اقرا واكتب كويس كان بيخللى المدرسه بتاعة مروه تعلمنى انا كمان
وانتوا ياحبايبي كنتوا قطط صغيرة عينيكم لسه بتتفتح للدنيا حزنكم على موت امكم كان مطفي وشوشكم
حبيتكم اوى ياعمر شوفتكم ولادى اللى ربنا ماقدرليش انى اخلفهم
بقى كل همى انى اكرمكم زى ماابوكم اكرمنى كنت بخاف فيكم ربنا لو حد فيكم قال اه كنت بحسها بتقطع فى قلبي
انا عارفه اني مهما عملت مش حكون زى امكم الله يرحمها لكن انا والله حاولت اكونلكم ام كويسه
لكن كل ده كان كوم ووجود ابوكم فى حياتى كوم تانى ياااه ياعمر ياااه على ابوك وحنيته علية ياااه انا لو علية نفسي اقعد تحت رجليه العمر كله المهم ميغيبش عن عينيه لحظه
ااه ياشاكر ياوجع قلبي عليك ياحبيبي
كانت الدموع تنهمر على وجهها ووجه عمر هو الآخر فهو لم يسمعها وهى تتحدث من قبل فهذه اول مرة ينصت لها دائما ماكان ينفر منها ولا يطيق ان يسمع صوتها
هاله :سامحنى ياعمر سامحنى يابنى انى اخدت مكان امك الله يرحمها سامحني ان ابوك واخواتك حبونى
يأخذ عمر يديها ويقبلها :حضرتك اللى لازم تسامحينى مش انا اللى اسامحك حضرتك اللى تسامحينى على قلة تقديري ليكى على جهلي بحبك لينا وخوفك علينا انا اسف اسف بجد انتى احلى واجمل ام فى الدنيا كلها سامحينى ياامى سامحينى ارجوكي اغفريلي كل اللى قاسيتيه منى
هاله وهى غير مصدقه ماتسمعه:امي احقا نطقها كما بنطقها يزيد ومروة
هاله:أمى انت قلت امي
عمر :ايوة امي اللى حرمت نفسي من حضنها سنين طويله امى اللى حفضل طول عمري اعتذرلها عشان تسامحنى
هاله وهى تحتصنه:ياحبيبي ياعمر ياحبيبي يابنى ياااه ياعمر متعرفش فرحتى ازاى يااه انا كنت بدعي ربنا انه يحنن قلبك علية
كان نفسي بس انك تتقبل منى اى كلمه عارف ياعمر لما رجعت من شرم ولقيتك بتسلم علية انا مكنتش مصدقه نفسي كنت خايفه اكون بحلم
ولما يوم خطوبتك حضنتني كان قلبي حيقف من الفرحه كنت حسه انى مش عايزة حاجه تانيه من الدنيا خلاص
كانت تتحدث والدموع تنهمر من عينيها على خدها
عمر وهو يقبل يديها :حقك علية ياماما انا اسف
هاله :قولهالي تاني ياعمر نفسي اسمعها منك كتير
عمر:حاضر ياماما حقولهالك على طول ربنا يخليكى لينا ويطولنا فى عمرك يارب
هاله :ويخليك لية باحبيبي واشيل ولادك زى ماشيلت ولاد اخواتك يارب
ماأجمل الصفح والغفران بعد العتاب كثيرا ما نتقبل امر مفروض علينا دون ان نعترض واحيانا مانخاف من مواجهة احد بشئ يضيق علينا صدورنا رهبة وخوفا من نتيجة العتاب
ولكن عندما تفيض القلوب بما تحويه من مكنوناها وتفك اسر الالسنه ترتاح الانفس تستعد لبدايه جديده لاتعرف سوى الحب🍎
🌹فى اليوم التالي
عشق وأنس وهم فى احضان جدهم
شاكر:وحشتونى اوى ياحبايبي
عشق :انت اللى وحشتنا اوى ياجدو انا خفت عليك تسيبنا وتروح عند ربنا
أنس :بعد الشر عن جدو يا عشق سلامتك ياجدو ياحبيبي
شاكر :الله يسلمك يا روح جدو طمنى على رجلك ياحبيبي
أنس :بقت كويسه اوى ياجدو
مروة:جلسات العلاج الطبيعى اللى بيعملها فرقت معاه اوى محدش تعب فى الموضوع ده غير سيف عهد والله هما اللى كل شويه رايحين جايين بيه
شاكر :سيف ده ابن حلال اوي ربنا يجعله من حظها يارب
مروة :يارب يابابا يارب علي بيتمنى والله بس هى تحس بيه الهانم دى ده الواد متشحتف عليها
شاكر :ومين قالكم انها محستش بيه
مروة:واضح عليها يابابا هى اه بتعامله كويس لكن عادي يعنى
شاكر :جتكم خيبه فخيبتكم انا مش عارف عيالي مش طالعيني ليه مفيش غير يزيد هو اللى طالع لابوه وبيفهمها وهيا طايرة
لكن انتى والاهبل عمر لازم الكلمه تخرم طبلة ودنكم عشان تسمعوها وتصدقوا
مروة :يعنى قصد حضرتك ان عهد بتحب سيف
شاكر :لا انا مقلتش كده انا قلت بتحس بيه لكن حتة الحب دي لسه شويه بس حتصل ان شاء الله
مروة:وحضرتك متاكد كده ليه
شاكر :عشان عهد مولوده على ايدي وانا فاهمها كويس هى لسه بتكون مشاعرها حسه انها تايهه خايفه لكن حب سيف ليها حيقويها ويوقفها على رجليها ويستحوذ على كل مشاعرها
عهد اتيتمت من بدري ياحبيبتى اتحرمت من حنان ابوها وامها مرة واحده ولولا علي وعليا راعوها واخدوها فحضنهم كانت ممكن تطلع معقده محتاجه حد يحتويها يديها الحب والحنان وده اللى حتلاقيه مع سيف ان شاء الله
مروة :يارب يابابا بصراحه انا مستخسرة سيف ادب واخلاق وتربيه مفيش بعد كده
ده حتى كان فى واحد اسمه هيثم ابوه عضو فى مجلس الشعب كان عاوز يتقدم لها لكن علي رفض برغم انهم مستواهم عالي جدا لكن علي رفض تماما وقاللي عهد مش ممكن اامن عليها مع حد ميعرفهوش وان فلوس الدنيا كلها متخليهوش يوافق على حاجه زى دي لكن ييجي عند سيف وياسلام كأن مفيش فى الدنيا غيره
شاكر :عشان علي بيحب اخته يابنتى ونفسه قلبه يبقى مستريح من ناحيتها
مروة :يارب يابابا يارب عهد طول عمرها مؤدبه ومحترمه وفحالها من الكليه للجيم ومن الجيم للبيت اخرها تروح تزور صاحبتها حنين
شاكر :ربنا يقدرلها الخير ان شاء الله
يدقون الباب فتفتح لهم مروة ويدخلون:السلام عليكم ورحمة الله وبركاته
مروة :وعليكم السلام ورحمة الله وبركاته اهلا ياحبايبي اتفضلوا
شمس :ربنا يخليكي يامروة ازى حضرتك ياعمى عامل ايه النهارده
شاكر :الحمد لله ياحبيبتى انتى اللى عامله ايه واخبارك ايه
شمس :الحمد لله والله بخير حضرتك اللى عامل ايه دلوقتي
شاكر :زى الفل والله نعمه وفضل من عند ربنا
وبعدين انتى كل بوم تيجي تعبناكي معانا يابنتى
شمس :ياخبر ابيض تعبك راحه ياعمى اهم حاجه نطمن على صحة حضرتك
شاكر :معلش يابنتى حقك علية تعبي عطل الدنيا
شمس :حضرتك بتقول إيه بس اهم حاجه صحة حضرتك
إيمان :هما وراهم إيه يعنى ميستنوا اهم حاجه حضرتك يابرنس
شاكر :هههههههه العسل هنا ياناس
ايمان :حمد الله على سلامة حضرتك ياعمى معلش والله مافضتش اجي لحضرتك اليومين اللى فاتوا بس كنت بطمن عليك من شمس وعمر والباشا الكبير
شاكر :الله يسلمك ياست البنات ربنا يسعدكم
إيمان :يارب ياعمى احسن انا خلاص عنست
شاكر :مين دي اللى عنست ده انتى فمر ده انا بحسد الواد خطيبك ده عليكى دى امه دعياله فى ليلة القدر
إيمان :يالهوي عالجمال والطعامه ياناس هو فى كده بردو سكر وعسل لسانك بينقط عصير مانجا يالهوي
انا عاوزة اعرف ازاى حضرتك تبقى مز وقمر كده وجايب عيالك دول
مروة :هههههههه سكر يامونى
تدخل هاله على اصوات الضحكات:ماشاء الله صوت ضحكك واصل لبره:لا ده احنا كده خفينا خلاص
شاكر :وهو فى حد يشوف ايمان ويكون تعبان وميخفش
إيمان :برنس وربنا ياللا قوم قوم شكلك كده بتدلع عليهم عشان تعرف غلاوتك عندهم
طنط هاله ممكن بعد اذن حضرتك اسيب الواد حسن اللى روحي فيه واتقدم للبرنس ده اصلي نفسي احسن النسل فى مصر
هاله وهى تجلس بجواره :لو ده حيسعده ويفرح قلبه انا معنديش مانع
شاكر :يااه بسهوله كده ممكن تسيبينى لحد تانى يالولو
هاله :حبيبي انا عمري مااسيبك ابدا ولا اقدر استغنى عن ضوفرك لكن انا عايشه عشان اسعدك وبس واى حاجه فيها سعاده ليك انا مش ممكن اقدر ابعدها عنك
شاكر :انتى بتقولي كده عشان عارفه ان سعادتى معاكي انتى وبس وان لو حطولي كل ستات الدنيا فكفه وانتى فى الكفه التانيه حختارك انتى ياقلب شاكر
هاله :ياحبيبي ياشاكر ربنا يخليك لية يارب
شاكر :معلش بقى ياموني طلبك غالي اوى مش حقدر على تمنه اطلبي اى حاجه تانيه وانا انفذهالك
إيمان :اهئ اهئ بقى كده ترفض حبي ليك ده انا كنت حضحي بالغالي علشانك بس ياللا حنعديها المرة دى عشان خاطر لولو القمر دى مكتوبالك ياحسونتى الجوازة
يضحك الجميع على كلام إيمان
فيدخل يزيد:ياسلام صوتكم جايب لبرة عاملين ازعاج فى المستشفى كلها
إيمان :وهو ينفع بردو اكون موجوده في مكان من غير ازعاج
يزيد :مونى انتى بتنوري اى مكان تكوني فيه مش تعمليله ازعاج بس وطوا الصوت شويه ياجدعان
وانتوا يابهوات قوموا من جمب جدو متتعبهوش
شاكر :يتعبونى ده إيه دول حياتى كلها ربنا يدينى العمر وافرح بيهم
يزيد :ان شاء الله يا بابا
شاكر:امال فين عمر وعلى مش باينين النهارده
يزيد :عمر وعلى وسيف فى الشركه سهرانين النهارده شويه عشان الصفقه الجديده
شاكر :بالتوفيق ياولاد
🌸🌸🌸🌸🌸🌸🌸🌸🌸🌸
بعد مرور عدة أيام
هاله:منورانا والله يا حاجه
سناء :يسمع منك ربنا يارب وابقى حاجه بصحيح
شاكر :ان شاء الله بعد مانفرح بالولاد ونطمن عليهم نقدم فى الحج ونطلع كلنا وتيجي معانا ان شاء الله
سناء:ان شاء الله وألف حمد الله على سلامتك
شاكر :الله يسلمك ياحاجه
بينما كان عمر وشمس جالسين يتحدثان سويا
شاكر :ايه ياعمر مش تاخد شمس بقى وتنزلوا تجيبوا عفشكم يابنى
عمر :يوم الجمعه ان شاء الله حننزل
شاكر :حتروحوا لوحدكم واللا حد حيروح معاكم
عمر:ماما حبيبتى طبعا حتيجى معايا انا وشمس
هاله :انا عاوزنى انا اجي معاكم ياعمر
عمر :طبعا ياماما واللا انتى مش عاوزة تيجي تنقي مع ابنك عفشه.
هاله :ياحبيبي ده يوم المنى ربنا يهنيكم يارب
عمر :وحضرتك ياست الكل تيجي معانا ان شاء الله
سناء :انا لا يابنى مقدرش والله ده انا بمشي خطوتين بتعب روحوا انتوا بألف سلامة
يدخل سيف وأنس يتوكا عليه ومعهما عهد
سيف :مساء الخير ياجماعه
الكل يرد:مساء النور
تسلم عهد على سناء وشمس وتجلس بعيدا عنهم
شاكر :عامل إيه ياانس
أنس :الحمد لله ياجدو
سيف :الحمد لله هو بقى احسن بس الدكتور قاالنا لو بطل يتشاقى حيخف اسرع ان شاء الله
هاله :طب وانت مش بتسمع الكلام ليه ياانس
اتجدعن وشد حيلك كده عشان ترقص فى فرح خالك
سيف:الظاهر كده فى تطورات من ورايا
عمر :حننزل يوم الجمعه ان شاء الله نجيب الموبيليا
والفرح حيكون الجمعه اللى بعديها
سبف وهو يحتضنه:الف الف مبروك ياصاحبي
عمر:الله يبارك فيك ياحبيبي عقبالك يارب
سيف :يارب ياعمر يارب
عهد :مبروك ياعمر مبروك ياشمس
شمس :الله يبارك فيكي يا حبيبتى عقبالك أن شاء الله
فلا ترد عهد وانما تتركهم وتصعد لغرفتها
فينزعج سيف من هذا الأمر ويدرك انه لم ينل بعد من قلبها وان المشوار امامه طويل
تنزل مروة وعليا من الاعلى ويسلمون على سناء وشمس
مروة :بابا احنا ان شاء الله بعد الفرح حنرجع بيتنا
هاله :ليه ياحبيبتى ماتخليكم معانا ده انتوا منورينا والله وماليين علينا البيت
مروة :خلاص بقى ياماما المدارس داخله وحنبدا الدروس ونشوف اللى ورانا لكن طول مااحنا هنا هو مش حيقوم من جمب جده وعشق وعلي حيعمل مشكله
شاكر :لا ياحبيبتى ولا يهمك شوفي اللى يريحكم واعملوه
سيف امال على ويزيد اتاخروا كده ليه
سيف:بيراجعوا التصميمات وجايين
شمس :إيمان معاهم واللا مشيت
سيف :والنبي ماتجيبيلي سيرة ايمان
شمس :ليه بس هو حصل حاجه
سيف:ياااختتى مانتى اصلك كنتى فى الموقع انتى وعمر وماشوفتيش عملت فية إيه
شمس :عملت ايه اوعى تقول انها اتخانقت معاك
سيف :اتخانقت معايا قولي مسحت بكرامتى الأرض خلتنى واقف ادامها زى التلميذ الخايب اللى مش عارف يجاوب عالسؤال وحلفت علية ولا كأنها ولي امري انى ماحتحرك من مكانى غير بعد الشغل مايخلص
شمس:ههههههههه ليه بس ده كله عملتلها ايه
😢😢عمللى ايه عمايله سوده ومهببه
على:ههههههههه حرام عليكى باموني ده انتى بهدلتيه عالاخر
إيمان :أحسن يستاهل هو لسه شاف حاجه ودينى لاربيه
على:ليه بس كده حرام عليكى
ايمان :حرمة عليه عيشته طبعا ماهو مين حيشهد للعروسه
على:يزيد مالك ساكت ليه مبتردش
يزيد :انا مليش دعوة انا خرجت نفسي من الموضوع ده
على :بس ده مكنش اتفاقنا
إيمان :اه اتفاقكم شوف ازاي تتفقوا على دماغي انا مش كده
على:لا والله ياايمان انا قلتله يخلص الشغل الاول وبعدين يمشي
إيمان :يخلص ايه وينيل ايه هو فى فدماغه غير حبيبة القلب اللى عاوز يروحلها جري ويرمي الشغل للخدامه بتاعته
على :ياربي عليكى ياايمان اول مرة احسك زعلانه بجد كده ايمان انتى فيكي حاجه وانتى مش عاوزة تقولي صح
ايمان :فى حاجه حاجة ايه لا مفيش طبعا عن اذنكم ياللا انا ماشيه انا خلصت شغلي واللا فى حاجه تانيه
يأتي لعلي اتصال فيخرج ليرد
يزيد :اقعدي ياايمان متمشيش انا عاوزك
إيمان :فى حاجه يابشمهندس
يزيد :انتى اللى فيكي ايه ومتقوليليش تعبتى من الشغل والكلمتين دول الكلام ده تضحكي بيه على حد غيري انتى فاهمه
إيمان :فى ايه بس ياباشا مالك كل ده عشان هزات سيف
يزيد :لا مش عشان هزاتى سيف لكن عشان انا يزيد وانتى ايمان اللى بنقدر احنا الاتنين نفهم بعض من نظرة
وانتى فاهمه وانا فاهم ان فى حاجه انتي عاوزة تداريها بكل اللى بتعمليه ده
ايمان :لا مفيش حاجه
يزيد :علية انا ياايمان بتخبي عني انا
إيمان :ههههههه فى ايه بس ياباشا انت عاوز تقلبها دراما واللا ايه وبعدين انا من امتى بخبي عنك حاجه ماهو لو فى حقولك على طول
يزيد :حسن مزعلك فى حاجه وديني اولع فيه
إيمان :لا وربنا حسونتى مش ممكن يزعلنى ده حبيبي
يدخل على مرة ثانيه:يزيد قفل الشغل وياللا بينا الجماعه مستنيينا فى البيت وشمس وخالتها هناك
يزيد:اتفضلي ياهانم معانا
إيمان :حاضر
على:عرفت مالها
يزيد :حتيجي وحتقوللى ايه اللى مضايقها دى تربيتى وانا حافظها
😢😢😢😢😢😢😢😢😢😢😢
فى احدى الشقق تجلس مع صديقتها لترتب وتخطط فكل محاولاتها حتى الان باءت بالفشل:تقدري تقوليلي حعمل ايه دلوقتي ده انا سامعه ان فرحهم كمان كام يوم
انجى :يعنى مفيش اى نتيحه من اللى انتى عملتيه
مياده :نهائى كل ماحاول اقرب منه الاقبه حاطط بيننا الف سد ده اتغير نهائى انا مش قادرة اصدق ان ده عمر اللى كان اول مابيشوفنى عينه كانت بتطلع علية
انجى:متقلقيش يابنتى اسمعي كلامى هما كلهم بيبقوا كده فى الاول بتبقى الجلاله واخداهم والاخلاص واخد حقه معاهم بعد كده بترجع ريمه لعادتها القديمه
مياده :وانا حفضل مستنيه لحد امتى ان شاء الله يعنى اللى اسمها شمس دى تتجوز عمر وانا افضل مستنيه حتة موظف كل امله فى الدنيا انه يطلع فى قرعة المصيف لا انا مش حستسلم ابدا وعمر حيبقى لية حتى لو اضطريت اعمل مصيبه
انجي :اهدي كده عشان نعرف نخطط واطمنى كل اللى انتى عاوزاه حيحصل
😢😢😢😢😢😢😢😢😢😢😢
تتوالى الأيام ويتعافى شاكر ويسترد صحته ويفرح الجميع بالتجهيزات لحفل زفاف عمر الذى طالما تمنوا ان يرونه زوجا له اسرة وها قد ان الأوان ليحقق امالهم فيه
تدخل عهد البيت بعد رجوعها من التمرين فتجد الزغاريد تملاء البيت
عهد:هو انتوا جبتوا الموبيليا بتاعة عمر
هاله :ايوة ياحبيبتى جيبناها عقبالك ياعهد لما نفرح بيكي ان شاء الله
عهد :ان شاء الله بعد اذن حضرتك
تصعد عهد إلى غرفتها لتستعيد الحوار الذى دار بينها وبين سيف قبل يومين
تخرج عهد من الجامعه فتجد سيف واقفا منتطرها
عهد :سيف
سيف :انا مستنيكي من بدري ياعهد
عهد :خير ياسيف فى حاجه
سيف :عاوز اتكلم معاكي شويه
عهد :مااحنا بكرة عندنا جيم وحنتكلم
سيف :لا انا مش قادر استنى لبكرة معلش ياعهد اوعدك انى مش حاخرك وعلى فكرة انا مستئذن من علي وهو عارف
عهد :الله ده الموضوع جد بقى
سيف :ايوة ياعهد ممكن تتفضلي
عهد :حاضر يا سيف
يجلسون امام البحر فتبدا عهد بالكلام :ياللا اتفضل اتكلم قول ايه الموضوع الخطير اللى عاوز تكلمني فيه
سيف :عهد انا بحبك
فتسكت عهد ولا ترد
سيف :سكتي ليه ياعهد انا عارف انك اتفاجئتي من كلامي
عهد:لا ياسيف انا متفاجئتش من كلامك اوعى تكون فاكر انى مش حسه بيك ولا بمشاعرك ناحيتى
سيف:بجد ياعهد حسه بحبي ليكى حسه اد ايه بحبك ومبتمناش فى الدنيا دي كلها غيرك
عهد :ايوة ياسيف طبعا بس انا.........
سيف :قلبك مش معايا مش كده انا عارف كل حاجه ياعهد وعارف قلبك مع مين
عهد :سيف انت عارف انى
سيف :عارف عارف ياعهد انك بتحبي عمر بس للأسف مقدرتش امنع نفسي من انى أحبك غصب عنى مش بايدي ياعهد والله غصب عنى بس مش معنى كده انى حفرض نفسي عليكى انا كل اللى بطلبه منك فرصه تديني وتدي نفسك فرصه ياعهد ولو مقدرتيش تحبينى ياعهد عمري ماحفرض مشاعري عليكى وحبعد عنك واتمنالك الخير
عهد :سيف انت فعلا تستحق اني اديك وادي نفسي الفرصه دى عشان انا فعلا محتاجه وجودك في حياتي
سيف :عهد انتى قلتى اي
•تابع الفصل التالي "رواية شمس تتحدي الغيوم" اضغط على اسم الرواية