رواية شمس تتحدي الغيوم الفصل الرابع و الثلاثون 34 - بقلم عبير سليم
الفصل الرابع والثلاثون من رواية شمس تتحدى الغيوم
بقلمي :عبير سليم
💖💖💖💖💖💖💖💖
قال رسول الله صلى الله عليه وسلم :لو انكم تتوكلون على الله حق توكله لرزقكم كما يرزق الطيرتغدو خماصا وتعود بطانا
فلا بد وان نتوكل على الله فى كل امورنا ونكن على اتم اليقين بأنه الرزاق العليم.
فاللهم لك الحمد والشكر فيما أعطيت كم انت كريم يالله ولو نظن بك الخير دائما ولو نتيقن تمام اليقين بأنك أعلم بنا من أنفسنا ماتعبنا عقولنا فى التفكير ولا ارهقنا قلوبنا فى الأحزان
وها قد جاءت الفرحه وان اوان السعاده والأفراح
تنهي صلاتها بهذه الكلمات وهى تسجد لربها شكرا على نعمه التى انعمها عليها
تفتح إيمان عليها الباب فتجدها تنهي صلاتها :ياللا بقى ياشمس حنتاخر
شمس :حاضر يامونتى عقبالك يارب ياقلبي
ايمان :ان شاء الله يا حبيبتي بس ياللا بقى عمر متحنط برة من بدري هو والواد سيف
شمس:حاضر ياحبيبتى انا جهزت خلاص
تخرج إليهم فتاخذها سناء فى احضانها:مبروك ياضنايا مبروك ياحبيبتى اخيرا جه اليوم اللى حشوفك فيه فى ايد عريسك اللهم لك الحمد والشكر
شمس :ياحبيبتى ياخالتو ربنا يخليكي لية يارب
سناء:متنسيش اللى وصيتك بيه ياشمس
شمس :حاضر والله ياخالتو
سناء لعمر :وانت ياعمر شمس أمانه فى رقبتك
عمر:اطمني ياست الكل شمس فعينيه من جوة
ثم تحتضنها أمل :الف مبروك ياحبيبتى ربنا يسعدك ويفرح قلبك يارب ويجعل ايامك كلها هنا ويديكى على اد قلبك الطيب ونيتك الصافيه ويرزقك بالذريه الصالحه يارب
شمس :الله يبارك فيكي يا أمل عقبال ماتفرحي بزياد يارب
اموله مش حوصيكي على خالتو
أمل :خالتي سناء دى فى عينيه من جوة دى امي اللى ربنا عوضني بيها
سناء:والله انا ماكنت عارفه كنت حعمل ايه لو ماكنتش امل جت عندنا ربنا ميحرمنيش منها هى ولامن زيزو حبيبي
شمس :كل شئ بميعاد ياخالتو مانا كنت فين وعمر فين سبحان الله محدش يعرف بكرة فبه إيه
سناء :ربنا يقدرلكم الخير يارب ويجعلكم من السعداء
ثم يقوم وليد وهو يستند على العكاز ليسلم عليها :الف مبروك يابشمهندسه وربنا يهنيكم يارب
شمس :الله يبارك فيك ياوليد عقبال ماتفرح بزياد يارب
وليد :ربنا يخليكي يارب ويسمعنا عنك كل خير
تمسح شمس دموع الفرح التى تنساب على وجهها وتلقي لهم جميعا قبله فى الهواء وتخرج بينما تطلق امل وايمان الزغاريد
تنهار سناء من البكاء عقب نزول شمس فتحتضنها امل وتبكي هى الاخرى:طب لزمتها ايه بقى الدموع دى كلها مش ده اليوم اللى كنتي بتتمنيه طول عمرك وتقولي مش حطمن ولا قلبي يرتاح غير وشمس فبيتها
سناء :غصب عنى ياامل شمس مشيت خلاص ياامل خرجت من حضني خلاص حتوحشني اوى انا مش مصدقه انها مش حتنام معايا فنفس الشقه تانى وانها بعد كده حتجيلي زيارات
انا عمري مااتمنيت غير انى اشوفها فبيت عدلها سعيده ومتهنيه بس حتوحشني اوى والبيت حيبقى فاضي من غيرها
أمل :ربنا يهنيها ويسعدها يارب واطمني ياخالتى احنا مش حنسيبك وحنفضل لزقينلك ليل نهار لحد مانزهقك مننا
سناء :ازهق منكم طب والله انا مافى حاجه مصبراني على بعد شمس غيرك انتى وابنك حبيبي ربنا يحميه وجوزك ابني اللى مخلفتوش ربنا يخليكم لية يارب
سبحان من جمعنا من غير معاد كنا فين وانتوا فين ده زي مايكون ربنا بعتكم لية فى الوقت ده عشان عالم بحالي وعالم اني مليش غيرها.
وربنا يعلم محبتكم فقلبي انتى وجوزك وزياد ربنا يخليكم لية ده انتوا مليتوا علية حياتي
امل وهى تحتضنها :ياحبيبتى ياخالتى ربنا يخليكي لينا يارب والله انا بحمد ربنا إنه جمع بينا ده انا شفت منك حنيه مشوفتهاش من اللى من لحمي ومن دمي وغلاوتك فقلبي ربنا وحده العالم بيها
سناء :هو ينفع تسيبيلي زياد ينام فى حضني عاوزة اتونس بيه
أمل :يالهوي هو انتي بتستئذينبني ده انتى تاخديه من غير استئذان ده انتى جدته ياحبيبتى
سناء :ربنا يجبر بخاطرك ياامل يارب
أمل :خالتي هو انا ممكن اطلب منك طلب
سناء :اطلبي ياامل عينيه ليكي ياحبيبتى
أمل :تسلملي عينيكى يارب هو انا ممكن اقولك ماما اصلي اتحرمت من الكلمه دى من بدري اوى وعمري ماقولتها لحد
ولساني نفسه ينطقها وحسه انه عاوز يقولهالك
سناء :ياحبيبتى ياامل ده انا ياما حلمت انى اسمع كلمة ماما دى حتى لما اختى اتوفت قلت لشمس تقوللي خالتو عشان متنساش امها ابدا وتفضل دايما فاكراها لكن كان نفسي اوى اسمعها
انا ربنا عوضني بيكم ياامل ربنا يخليكم لية يارب
أمل :ويخليكى لينا ياأمي يارب
🌺🌺🌺🌺🌺🌺🌺🌺🌺🌺
في الفيلا
يزيد :اهلا اهلا وسهلا البيت نور والله كده بردو متجوش غير النهارده كان نفسي اوى تقضوا معانا كام يوم قبل الفرح
عمار :معلش بقى يابشمهندس انت عارف الشغل والفندق الجديد واخد كل وقتى والله
عليا:اهلا بيكي يامدام أشرقت عمر وشمس كلمونا كتير عنكم وكان نفسي اوى اشوفكم من زمان
أشرقت :عمر وشمس دول غلاوتهم عندنا ملهاش حدود وربنا يعلم فرحتنا بيهم اد ايه ربنا يسعدهم يارب
عليا:انتي بقى ماسه ماشاء الله ايه الجمال ده كله
ماسه :ميرسي ياطنط واللا حضرتك زى إيمان بتضايقي من كلمة طنط
عليا:ههههههههه لا ياقلبي قولي اللى يريحك وبعدين موني دى عسل وسكر محدش بيزعل منها
ماسه :هو كلكم بتقولوا كده بس انا ليه دايما بحسها مش طايقاني
أشرقت :ههههههه انتوا الاتنين مش ماشيين مع بعض نهائى
لكن إيمان فعلا جميله اوى دى الفترة اللى كانت فيها عندنا فشرم ضحكتنا ضحك مجرمه ملهاش حل
ماسه :يمكن يا مامي انا وايمان مش عارفين نفهم بعض
يزيد:ههههه اوعي تكون عملت معاكي حاجه اصلي عارفها كويس
عليا:تقصد ايه ياحبيبي
يزيد:اصلها احياناتحب تعمل مقالب وتغلس بس والله مبيكونش قصدها غير الهزار
أشرقت :ده حضرتك فاهمها على كده
عليا:يزيد وايمان محدش بيقدر يفهمهم غيرهم هما برغم انهم شخصيتين عكس بعض نهائي بس الهرموني بينهم عالي اوى
عمار :بالاضداد تتمايز الاشياء
أشرقت :هى حتتجوز امتى هى وحسن
يزيد :قريب ان شاء الله
عمار :هو احنا حنروح الاوتيل الساعه كام ان شاء الله
يزيد :احنا حنخرج من هنا عالساعه تمانيه والفرح حيبدا تسعه ان شاء الله
عمار :ان شاء الله ربنا يتمم على خير
يزيد :يارب
🌹🌹🌹🌹🌹🌹🌹🌹🌹🌹🌹🌹
يحل المساء والجميع يستعد للحفل على قدم وساق
يدخل يزيد على عاليه فيجدها امام المرأه تضع بعض مساحيق التجميل التى تزدادها جمالا على جمالها فينبهر بما تراه عينيه:لاء بصي انا مقدرش على كده.
انا كده أنا مش حروح الفرح وحقعد بيكي هنا اه مانا مقدرش اخللي حد يشوف الجمال ده كله غيري
عليا :ههههههههه حبيبي عينيك هى اللى حلوة
يزيد وهو يلف يديه حول وسطها:عينيه عمرها ماشافت ولا حتشوف حد حلو غيرعاليه حبيبتى
عليا:ربنا يخليك لية ياقلب عاليه
تفتح الباب بدون استئذان :لولو السوسته معلقه معايا
انا اسفه والله سوري معرفش ان حضرتك هنا
يزيد :هههههههههه اسفه ايه بس تعالى ياعهد ياحبيبتى عقبال مانفرح بيكي يارب
عهد :ميرسي ياابيه
يزيد:عامله ايه مع الواد سيف
فتنظر عهد فى الأرض ولاتجيب
يزيد :قمر ياناس بنتنا قمر وربنا عهد انتى عارفه غلاوتك عندنا والا عندك شك
عهد :لا طبعا انا عارفه
يزيد:انتى بنتنا كلنا ياعهد وكل املنا فى الدنيا نشوفك سعيده وفرحانه وصدقيني لو قلتلك ان السعاده دى مش حتلاقيها غير مع سيف انا والله مش بقولك كده عشان افرض عليكي رايي لكن الواد بيحبك اوى لدرجة انه مستحمل بهدلة وتهزيئ من ايمان ليه كل شويه عشان خاطر عيونك الحلوه دى
عهد :وهي ايمان بتهزؤه ليه ان شاء الله
يزيد :ههههههههه يعني يرضيكى كل شويه يرميلها شغله تعمله هى عشان يجري وراكي فى الجيمات ويروح يقفلك قدام الكليه ده انا لو سيبتها عليه اقسم بالله ماعارف حتعمل فيه ايه
عهد :طب وهو ليه عامل فنفسه كده
يزيد :عشان بيحب ياعهد والحب بيخللي صاحبه مستعد يوصل لحبيبه باى تمن مش انتى شفتى معانا فيلم ظرف طارق
عهد :اه بتاع احمد حلمي
يزيد :مش فاكرة انه برغم انه كان عنده فوبيا من الاماكن العاليه ومع ذلك طلعلها العمارة من الشباك عشان يشوفها ويمنعها من انها تتخطب لغيره ومهمهوش انه يقع او يحصلله حاجه
عليا:انا فاكرة كان فى اغنيه جميله معموله عالمشهد ده
كانت تقريبا بتقول
حوصلك حتى لو عارف انى ممكن اموت حوصلك ولازم تحسي باللى حبك موت
يزيد :وسيف بيحبك موت ياعهد وانتى كمان بتحبيه متنكريش
عهد :انا لا طبعا انا لسه محبتهوش
يزيد :ههههههههه عيب عليكي ياعهد ده انا يزيد اللى بفهمهما وهى طايرة
عليا:بصراحه يازيزو ياحبيبي انت وعمي ملكمش حل عندكم حاسة الاحساس دى حاجه كده خيال
يزيد :طبعا يابنتي وعهد بنتي حبيبتي اللى غلاوتها من غلاوة عشق وقلبي مش حيرتاح غير وهى مع حد صاينها
عهد :هو ليه كلكم فرحانين اوى بسيف ده كأن مفيش فى الدنيا كلها غيره
يزيد :عشان بيحبك ياهبله ببحبك جدا عهد احنا لو عاوزين نجوزوكي والسلام الف مين يتمناكي ياست البنات ده انتى عهد المهدي ادب واخلاق وتربيه وجمال ونسب اصيل
لكن احنا عاوزين اللى يشتريكي بعنيه
وبعدين ياعهد اطمني لو قلتي لاء مش عاوزاه عمر ماحد فينا حيجبرك على حاجه انتى الأهم عندنا
بس ياريت لو انتى حسه انك مش عاوزاه تقوليله وخليكي صريحه معاه عشان هو كمان يشوف حاله
عهد :يشوف حاله ازاي يعنى مش فاهمه
يزيد :اصل فى مهندسه جديده اتعينت فى الشركه بس ايه طلقه ولا نجوم السنيما وشايف عينها منه فلو كده حرام نديله فرصه يشوفها هو كمان بدل مايفضل معلق نفسه فى حبال الهوا الدايبه
عهد:طب بعد اذنكم انا حروح اكمل لبسي عشان حتاخر
تخرج وتغلق الباب
عليا:هى مين دى بقى ان شاء الله المهندسه القمر دى
يزيد :هى حبيبتي بتغير واللا ايه
عليا:تتغزل فى واحده قدامي وتقولي بغير ده انا اولع فى الدنيا
يزيد :اموت فيك وانت متعصب ياجميل اطمني ياروحى مفيش مهندسه ولا غيره انا كنت بقولها كده بس عشان اخليها تتحرك وتاخد خطوة ايجابيه
يزيد وهى تضربه فى صدره:غلس
يزيد :اه قلبي
عليا :سلامة قلبك ياقلبي
يزيد :قلبي انتى يالولو بموت فيكي ياست الستات
عليا:ههههههه بس تفتكر كلامك ده حيجيب نتيجه
يزيد :حتشوفي وحتقولي يزيد قال مش بيقولوا اللى ربى خير من اللى اشترى بردو
فى غرفة على ومروة
على:اوبا ايه الحلاوة دى كلها يارمانة قلبي
مروة :عجبتك يالولتي
علي:ده انتى تعجبي الباشاياباشا
مروة :طب بقولك ايه خد مليكه وانزل على مااحصلكم
علي :ماشي ياقلبي تعالي ياملوكتي عقبال ماافرح بيكي ياقلب بابي
💜كان الكل يستعد للنزول والتجمع لتحديد كيفية التوجه للقاعه
شاكر :بسم الله ماشاء الله ربنا يديم علينا الفرح دايما يارب
يزيد :بوجودك يابابا ياحبيبي
انس وهو يرتدي بدله رائعه ويمسك عشق من يديها اميرة قلبه:انا وعشق حنركب مع جدو وتيته
يزيد :لا ياانس مش حينفع ياحبيبي جدو تعبان وانا حخاف عليه من السواقه
شاكر :هو مين ده اللى تعبان ياولد ده انا اصبا منك انس عشق حصلوني عالعربيه حطي ايدك ياحياة قلبي
هاله :ههههههههههه حبيبي عقبال ماتفرح بيهم يارب وتزفهم بنفسك
شاكر:ياااه ده يوم المنى
عمار:باباك ده عسل يابشمهندس بجد ملوش حل
يزيد :بابا ده احن واطيب انسان في الدنيا كلها
عمار:طيب انا حاخد اشرقت وماسه ونروح نركب
ماسه :عهد ممكن تيجي تركبي معانا
عهد:مفيش مشكله حبيبتى ياللا بينا بس بعد اذنك يااونكل حنعدي على حنين صاحبتى ناخدها معانا
عمار:تحت امرك ياعهد هانم
عهد وماسه:ههههههههههههه
على :تمام وانا بقى اخد مزتي ونركب سوا
يزيد:لايافالح انت حتاخد داده فاطمه وبنتها معاك وانا حاخد عمى جمال وابنه
البيت كله لازم يفرح النهارده
فاطمه :ربنا يجبر بخاطرك يابني يارب
يزيد :ويباركلنا فى عمرك ياداده ياغاليه
يتوجه كل منهم نحو سيارته للتوجه الى الاوتيل الذي سيعقد فيه الحفل
بينما على الجانب الاخر فى شقة والد شمس:ياللا بقى يانجوى حنتاخر
نجوى:انا مش فاهمه انت متسربع على ايه هو احنا رايحين الجنه
عبدالله:الليله فرح بنتى فاهمه يعني ايه بنتى
نجوى:وهو انا قلت حاجه مااحنا بنلبس اهوه ياللا ياولاد خلصوا ابوكم مستعجل عشان فرح البرنسيسه بتاعته
عبدالله :بقولك ايه انا ساكت بقالي سنين لكن وديني لو مااتلميتى ليكون اخر يوم ليكي معايا النهارده
نجوى :ياسلام وده من ايه ان شاء الله
عبد الله :عشان انتى معندكيش دم انا ابو العروسه يعنى المفروض اكون موجود اول واحد استقبل المعازيم
وبعدين انتى ناسيه اننا لسه حنكتب الكتاب فى القاعه ولازم اكون هناك
نجوى :خلاص انت ايه راديو ياللا ادينا جهزنا
رنا:ايه رايك ياماما حلوة
نجوى :قمر ياقلبي شفتي مقصوفة الرقبه اختك اهي صبرت ونالت بعد ماكانت حتتجوز حتة موظف كحيان اهوالحظ لعب معاها وحتتجوز صاحب الشركه وحتعيش فى فيلا بقولك ايه يابت انتى انا عاوزاكي بعد كده تقربي منها وتكلميها وتروحي تزوريها كمان
رنا :بس انا مبحبهاش ودمها تقيل على قلبي
نجوى:غبيه شبه اللى مخلفك ياعبيطه من جاور السعيد يسعد عاوزة يجيلك عريس حلو ومتريش واللا عاجبك المعفنين اللى ساكنين حوالينا دول
رنا :خلاص اللى حتقوليلي عليه حعمله
نجوى :شاطرة يابت اسمعي كلام امك وانتي حتكسبي
عبدالله :خلصوا بقى انا والولاد واقفين بقالنا ساعه
نجوى :ادينا جايين اهوه جاتك الهم💙
💖💖💖💖💖💖💖💖💖💖
يجلس فى الظلام مغمض عينيه تائه فى بحور ذكريات لم يمر عليها سوى القليل من الوقت
شمس كفايه والله انا شبعت
شمس :شبعت ده ايه هو انت اكلت حاجه وبعدين انت اللى حتاكل الطبق ده كله
عصام :ياسلام ولما اتخن ويبقى عندي كرش
شمس :وماله يبقى عندك كرش وتبقى اقرع كمان ولا يهمني
عصام :يعنى وقتها مش حتضايقي
شمس:اتضايق ده ايه انت حتفضل طول عمرك اجمل راجل فى نظري وعينيه عمرها ماحتشوف غيرك ياقلبي
يفيق وهو يحدث نفسه:واهي شافت غيري اهوه معقوله تكون حبته بالسرعه دى لا لا اكيد هى اتجوزته عشان تغيظنى بس اه ماهو مش معقوله تكون حبته شمس بتحبني انا قلبها مش ممكن يحب غيري هى بس تلاقيها اتجوزته عشان تنساني وتنسى اللى عملته فيها
انا مش عارف عقلي كان فين لما عملت فيها كده
بقى معقوله فرحها النهارده على واحد غيري
يفيق من ذكرياته وهى تفتح الباب عليه:انت حتفضل قاعد فى الضلمه كده كتير
فلا يرد عليها
هاجر :بقولك ايه انت حر بس اعمل حسابك بكرة معاد الدكتور
عصام :يعني عاوزه ايه
هاجر :عاوزة فلوس
عصام :حاضر اى اوامر تانيه
هاجر :غريبه يعني اول مرة اقولك عاوزة فلوس ومتعملش معايا مشكله
عصام :مبقتش فارقه خلاص كل حاجه راحت خلاص والدنيا كلها مبقاش ليها لزمه حديكي اللى انتى عاوزاه بس من فضلك سيبينى لوحدى واخرجي
هاجر :ممكن افهم انت ليه عاوز تعيش نفسك فى دور الضحيه ده
عصام :هاجر انتى عاوزة ايه دلوقتي
هاجر :حعوز ايه يعني خليك قاعد كده
تغلق عليه الباب وترفع هاتفها:ايوة ياسلمى ازيك
سلمى:اهلا ياهاجر الحمد لله انا كويسه انتى عامله ايه ولدتي واللا لسه
هاجر :قربت طمنيني انتى على اخباركم
سلمى :الحمد لله بخير زى الفل خليكي انتى فنفسك
هاجر :سلمى انتى ليه بتكلمينى كده ده انا بنت عمك ومراة اخوكي
سلمى:انتى هبله قصدك كنتى مراة اخويا ودلوقتى انتى على ذمة راجل تانى
هاجر :بس انا لسه بحب اخوكى ياسلمى ونفسي ييجي اليوم اللى نرجع فيه لبعض
سلمى:ههههههههه اقسم بالله انتى انسانه مش طبيعيه والله يكون فى عون اللي معاكي انتي ايه معندكيش دم معجونه من ايه
مش كفاكي اللى عملتيه فعلاء ده انتي كرهتيه فى الدنيا كلها عاوزة منه ايه تاني ابعدي عنه بقى
هاجر :طب طمنينى والنبي وقوليلي هو رجع واللا لسه
سلمى :لاء مرجعش خلاص ارتحتي هاجر انا مضطرة اقفل دلوقتى
هاجر :طيب ياسلمى
تغلق معها الهاتف وتسب وتلعن فيها لتجد من يفتح الباب :سلام عليكم
سلمى:وعليكم السلام ورحمة الله وبركاته اتاخرت كده ليه ياعلاء
علاء:كنت بتفق مع صاحب المحل على التفاصيل
سلمى :ربنا يجعله ادم السعد عليك ويعوضك خير يا حبيبي يارب
علاء :يارب ياسلمى يارب
😥😥😥😥😥😥😥😥😥😥😥
فى داخل قاعه من افخم القاعات بعروس البحر المتوسط التابعه لأحد الاوتيلات تحتفل عائلة المهدي بحفل زفاف نجلها الثاني عمر على شمس تلك البلورة التى اضاءت حياته وملاءتها فرحه ونورا
يجتمع كل افراد العائله والأهل والاصحاب وزملاء العمل
لمشاركتهم فى تلك الفرحه
فى الأعلى بعد الانتهاء من المكياج والشعر
إيمان :بسم الله ماشاء الله قمر ياناس إيه الجمال ده كله شمس مالك ياحبيبتى متلجه كده ليه
شمس :ايمان انا حسه ان قلبي حيقف مش قادرة
إيمان :يخرببيت سنينك فقريه وربنا معلش ياقلبي هى دى اعراض ليلة الدخله سخونيه ورعشه وكرشة نفس
يعلن هاتف إيمان إيمان عن اتصال ليخبرها بصعوده اليهم
إيمان :شمس عمر طالع خلاص
شمس :ايمان انا مش قادرة لا انا عاوزة اروح البيت عند خالتو
إيمان :ههههههههه وربنا عسل هو دخول الحمام زى خروجه انتى خلاص ياقلبي دخلتي القفص برجليكي
شمس :لا والنبي ياايمان انا خايفه اوى
إيمان :هههههههههه عقبالي يارب لما اخاف انا كمان ولو انى معتقدش ان ده حيحصل خالص لووووولي لوووولي
يدخل عمر وفى يديه بوكيه الورد وقد كانت شمس موجهه ظهرها له
يتجه عمر نحوها ويحاول ان يمسك يديها لكنها غير قادرة على النظر اليه فيتجه عمر نحوها
يقف امامها فتاخذه الدهشه من جمالها يالها من حوريه هبطت إليه من السماء اهذا الجمال سيكون له وحده
يرمى البوكيه من يديه ويحتضنها ويلف بها غير مصدق نفسه
ثم يقبلها من جبينها:اهلا بيكي فى حياتي ربنا يقدرني وانور حياتك زى مانتى نورتي حياتى
شمس :فرحان ياعمر
عمر :انا حموت من الفرحه
شمس :الف بعد الشر عنك
بينما كان حسن يتحدث لايمان :ايه يابنتى الجمال ده كله يخرببيت فقرك هو فى كده
إيمان :عجبتك ياحسونتي
حسن :انتي تعجبي الباشا ياباشا عقبالنا ياقلبي
ايمان :يارب ياحسونتي
حسن :خلاص قربنا يامونتي
تطلق ايمان الزغاريد ويأخذ عمر شمس فى يديه ويهبطون السلالم حيث ينتطرهم الجميع
تعلن الكاميرات وشاشات العرض عن نزول العروسين وبدء الزفه فيخرج الكل سريعا لحضور تلك الزفه التى تعلن عن
بدء الليله
تفتتح الزفه باغنيه لعلي الحجار والكل يلتف حولهم واضاءات الكاميرا مصوبه عليهم
ادي الزين وادي الزينه. قالوا الجنه هى جنينه
وعالياسمينا نشوف اسامينا. لو زفينا الزين عالزينا
حلوة عروستي حلوة عروستي. واخدها نقاوة
عين حسادها عين حسادها. تزيدها حلاوة
سموا وصللوا قولوا بهداوة
رشوا العتبه بالفرجاوة
مع انى مملكش بعير وقطيفه ولا تسوى حرير
ولكني فى العشق امير
وادي الزين وادي الزينه
فرحه تعم القلوب الكل يقف ويصفق منبهرين بجمالهم الذي يخطف القلوب والانفاس
أميرة نعم أميرة خطفت قلب الجميع بجمالها الهادئ الذي يبعث الهدوء ولاطمئنان فى النفس
ياله من فستان رائع ترتديه اختارته بعنايه هذه المرة لم تهتم لسعره كما فعلت فى المرة السابقه ولم تحرص على اقتنائه من مكان باخس الثمن حتى لا تكلف نفسها فوق طاقتها
وإنما هذه المرة اصطحبتها عليا ومروة الى اغلى وافخم الاماكن وبصحبتهم وإيمان التى عاهدتها الا يفرق بينهما شئ وان يتشاركا كل شئ فى الحياة
تستمر الزفه عدة دقائق ثم يطلب من الجميع الدخول للقاعه
تغلق أبواب القاعه استعدادا لاستقبال العروسين الكل يجلس في مكانه موسيقى عاليه تشعر الرهبه فى النفس تجعل كل من لم يقدر له الحظ أن يعيش تلك اللحظات ان يحلم ويتمنى ان يعاد به الزمن ليعيشها وكثيرا ما يتخيل البعض نفسه مكانهم
تفتح الابواب ليطل العروسان بشكلهما الذى يخطف الأنفاس
تستقبل القاعه العروسان باغنيه لماجده الرومي التى تبعث السعاده
طللي بالأبيض طللي يازهرة ببسان
طللي ياحلوة وهللي بها الوجه الريان
واميرك ماسك ايديكي وقلوب الكل حواليكي
والحب يشتي عليكي ورد وبيلسان
قلبي بيدعيلك يابنتي بها الليله الشعلاني
يااميرة قلبي انتى سلمنا الامانه
لا تنسي اهلك ياصغيرة بعينينا ماصرتي كبيرة
ضللى معنا وطيري وطيري عجناح اليمام
تضاء الأنوار لتعلن عن بدء الحفل الذي يتم افتتاحه برقصه بين العروسين ثم تجمع الأهل والأصدقاء حولهم لمشاركتهم الرقص والفرحه
ليله من أجمل ليالي العمر تجسدت فيها كل مشاعر الحب والغرام
يتقدم الجميع للسلام على العروسين والتقاط الصور معهم
هاله وهى تحتضن عمر :الف مبروك يا حبيبي
عمر :الله يبارك فيكي ياماما ربنا يخليكي لينا يارب
شاكر :مبروك ياحبيب أبوك
عمر :حبيبي يابابا ربنا يباركلنا فعمرك يارب
ويسلمون على شمس
عمار :الف مبروك ياشمس
شمس :الله يبارك فيك يابشمهندس عقبال ماسه
عمار :يارب ثم يسلم على عمر ويبارك له
تسلم عليها اشرقت وتبارك لها وتدعو لها بالذريه الصالحه
ثم ماسه :الف مبروك يا شموسه
شمس :الله يبارك فيكى ياقلبي عقبالك ياماسه
ماسه :حبيبتى ياشموسه
تنزل فتجد حسن وإيمان يتحدثون سويا فتذهب لتسلم عليهم :حسن ازيك عامل إيه
حسن :تمام ياقمر وانتى عامله إيه
ماسه :انا كويسه اوى ازيك ياموني
إيمان :اهلا ياماسه منورانا ياحبيبتى
ماسه :ميرسي ياموني وعقبالكم انتوا كمان
إيمان وهى تحتصن يد حسن :قريب اوى ان شاء الله
بقولك ايه تعالي نرقص مع العرسان
تفرح ماسه برضا إيمان عنها:بجد ياللا بينا
إيمان :ياللا يااختي
حسن :مونتى خفي عالبنت شويه حرام عليكي
إيمان :ليه بس كده ياحسونتى ده احنا حنريحوها
تاخذ ماسه على البيست ليرقصان مع الجميع فتتعمد ايمان ان تدوس على قدميها بين الحين والآخر
ماسه:اه رجلي ياايمان حاسبي
إيمان :سوري ياقلبي مااخدتش بالي
بعد قليل تتركهم ماسه وتنزل فتجد حسن امامها
حسن :نزلتي ليه بسرعه كده
ماسه :ايمان كل شويه تدوس على رجلي وانا رجلي وجعتني
حسن :ههههههه معلش ياماسه هى أكيد بتهزر معاكي
ماسه:هزار تقيل اوى بعد اذنك
عمار:ازيك ياحسن عامل إيه
حسن :الحمد لله والله وحضرتك عامل ايه
عمار:انا زعلان منك على فكرة
حسن:زعلان مني انا ليه طيب
عمار:عشان انا قلتلك تنزل معانا واحنا جايين النهارده وانت اعتذرت وصممت ترجع لوحدك انت ليه ياحسن مصر تعمل بيننا حدود مع انى والله بعزك اوى
حسن :لا والله مااقصد انا اسف بجد بس انا كان عندي شغل ومكنش ينفع انزل من غير مااخلصه
عمار:حسن احنا بعد مانرجع شرم انا عاوزك فى موضوع مهم
حسن :خير يابشمهندس قلقتني
عمار :مفيش قلق ولا حاجه ياحسن ده ربنا يعلم غلاوتك عندي انت وايمان اد إيه
تأتي إيمان :منورنا والله يابشمهندس
عمار :والله مافي حد منور غيرك ياموني ايه الطعامه والجمال ده كله بجد انا بحسدك ياحسن على ايما عقبالكم لما نفرح بيكم انتوا كمان
حسن :ان شاء الله قريب اوى
إيمان :طب بعد اذنك يابشمهندس انا حاخد حسونتي نرقص شويه
عمار:هههههههه خدي حسونتك ياستي
🌺🌺🌺🌺🌺🌺🌺🌺🌺
يأتي وقت عقد القران فيضع والد شمس يديه فى يد شاكر لعقد قرانهم أمام الجميع والكل يصور هذا الموقف الذي يربطهم بالرباط المقدس
ينتهي عقد القران بقول الماذون بارك الله لكما وبارك عليكما وجمع بينكما فى خير
تنطلق الزغاريد فى المكان ويستمر الحفل
يتجه سامر نحو حنين :القمر قاعد لوحده كده ليه انتى مبتحبيش اللمه
حنين :بالعكس بس اصلي معرفش حد غير عهد بس وهي قالتلي اقوم معاها بس انا اتكسفت
سامر :يعني انا اللى اعرف حد قومي قومي فى الافراح محدش بيسال حد انت مين المهم الكل يفرح وينبسط وبس
ياخذها من يديها لتشاركهم فى الرقص مع العروسين
كانت عهد تشارك الكل فرحتهم وكان سيف بجوارها لا يفارفهامما اشعرها باهميتها عنده حتى انها كلما ابتعدت عنه وجدته يبحث عنهابعينيه
لم يتوانى على ومروة عن الرقص
وكان انس يرقص هو الاخر ممسكا بيد عشق الذى لا يطيق ان يتحدث اليها اى ولد غيره
مازن ابن احد الجيران لهم:فستانك حلو اوى ياعشق وشعرك كمان حلو اوى
عشق :"هههههه بجد شكلي حلو
أنس وهو يحيط كتفيها بذراعه :ايوة طبعا شكلك حلو روح يابنى انت اقعد جمب مامتك
مازن:هو انا كل مااتكلم مع عشق تتخانق معايا
أنس :هو انا اتخانقت معاك انا بقولك اقعد او ارقص براحتك بس بعيد عننا
عشق:جدو ياجدو
شاكر:ايوة ياروح جدو
عشق :انس بيزعق لمازن عشان كان بيكلمني
شاكر :حيجيبه من برة يعني ماابوه كان كده مع عمتك مروة
أنس :لو الواد ده كلمك تاني مترديش عليه انتى فاهمه
عشق :ليه يعني هو مقليش حاجه وحشه
شاكر :مالك بالولد بس ياانس
أنس :مبحبوش واد رخم اوى
يجلس بجوار عشق دون ان يتحدث إليها
عشق :انت مخاصمني ياانس
انس:واخاصمك ليه ياعشق لو عاوزة تروحي تتكلمي معاه او تلعبي معاه روحي
عشق :لاياانس انا عاوزة اقعد جمبك والعب معاك انت
أنس :طب ياللا بينا نرقص مع شمس وخالو
اما عند سناء وامل وزوجها وليد الذى اصر على الحضور لي
•تابع الفصل التالي "رواية شمس تتحدي الغيوم" اضغط على اسم الرواية