رواية زهرة لكن دميمة الفصل الثالث 3 - بقلم سلمى محمد
الحلقة الثالثة
صغير ياهذا القلب وكبرت من الألم ... زهرة لكن دميمة
تحدث بسام بصوت جهوري:ماهي كوسة هنا في الكافيه
جعلها تنتفض مذعورة تاركة ماتفعله بسرعة...
التفتت له متسائلة بضيق:خير يابسام... حدثت نفسها متمتمة... هو اليوم باين من أوله...الهمني الصبر يارب
رد عليها بتهكم:كل خير طبعا
ردت بحدة :خلاص مادام كل خير... أمشي بقا من هنا عشان اشوف شغلي
بسام بسخرية:ده أحنا طلعلينا صوت وبقينا نتكلم بثقة...اوعي تكوني فاكرة اللي شوفتيه هيخليكي تلوي دارعي
أصابها التعب مما يحدث معاها:انا مش هتكلم وأقول حاجة.. إللي بيحصل بينكم شئ ميخصنيش.. وانتو اللي هتيشلو ذنبه مش أنا... انا علطول ماشية جنب الحيط ومش بتاعت مشاكل فخليك متأكد اني عمري ماهتكلم خالص ولا اقول لحد من أهلها
بسام نظر لها بقسوة: وانتي تعرفي أهلها منين
ردت زهرة مترددة :اخوتها شوفتهم كام مرة هنا في الكافيه... مش هتكلم خالص صدقني وشيلني من دماغك بقا
بسام ضحك بسخرية : مانا متأكد إنك مش هتفتحي بؤك خالص بعد اللي هقوله ليكي
عقدت بين حاجبيها بعبوس :تقصد إيه بكلامك
اجابها بنبرة غليظة:قصدي أنا اللي بقيت لوي دراعك... ولو مسمعتيش كلامي هفضحك
زهرة تشنج جسدها بانفعال... عندما سمعت كلامه.. سألته بقلق:أيه الكلام اللي بتقوله ده.. وفضيحة أيه اللي بتتكلم عليه
اخرج بسام من جيبه عدة أوراق ووضعها أمام عينيها ضاحكا بسخرية :بصي كويس...عارفة دول يبقو أيه
سألت بعدم فهم :عارفة طبعا ودول ايه علاقتهم بالكلام اللي بتقوله
ابتسم بسام بشماته :ماهو الكام ورقة دول اللي هلوي بيهم دراعك
تنهدت بارتياح... لوهلة اعتقدت ان سرها انكشف... ثم تملكها القلق مرة أخرى قائلة له: جيب من الاخر يابسام تقصد ايه بكلامك
بسام بابتسامة خبيثة: دول فواتير انتي مضيتي عليهم
سألت زهرة بحيرة : وهما بيعلمو معاك أيه أصلا ...مش المفروض يكونو في مكتب مدام شهيرة
تحدث بسام ببطء شديد: أه مانا ححطهم...بس بعدين...
زهرة بضيق من تلاعبه معاه :قول اللي أنت عايزه وهات من الاخر
رد عليها بهدوء : بص ياأخ ..زهرة محدثة نفسها اللهم طولك ياروح... الفواتير دي مضروبة
زهرة بصدمة: فواتير أيه اللي مضروبة...أمسكت الفواتير من يده ونظرت فيها بتمعن قائلة ...الفواتيرسليمة
رد عليها بابتسامة صفراء: مضروبة ...عشان أًصل الاسعارمعايا...عندك البن اليمنى العشرين كيلو مكتوب عندك في الفاتورة تلات تلاف وفي الاصل من المصنع بالفين ونص بس...وعندك كل الانواع متزود عليها في الفلوس من خمساية ل ألف...والفواتير بأمضتك
زهرة نظرة له بصدمة: أزاي
- أزاي دي سر المهنة...يعني بؤك ده هيتقفل نهائي
زهرة بانفعال :دي سرقة وبأسمي ...أنا هقول لمدام شهيرة ...ثم تحركت ناحية الخارج
وقبل خروجها أمسكها بسام بعنف ..قائلا ببرود :وانتي متوقعة انها هتصدقك... لما تكتشف ان السرقة دي بقالها شهور أول ماأديتلك الأمان وخلتك المسئولة عن استلام اي طلبية بخصوص الكافيه...واقل حاجة هتعملها انها هتبلغ عنك
نظرت له مذهولة.. هل السيدة شهير من الممكن تصديق هذا وتبلغ عنها... لما لا فالفواتير بامضائها
... سألته وهي تشعر بالانهيار... أنت ليه بتعمل معايا كده... هو أنا عملتلك إيه عشان تعمل فيا كده
رد بحقد :هو حظك اللي خلكي تشتغلي هنا في الكافيه... بعد ماكنت الكل في الكل جيت واحدة زيك ولا تسوى تشد البساط من تحت رجلي...
عيناها لمعت بدموع الظلم:بس ده مش ذنبي...
رد عليها ببرود : ذنبك عشان اخدتي مكاني
_ليه دلوقتي جي تقولي والسرقة بقالها شهور بأسمي
_هو أنا مكنتش ناوي أقول وقولت انتي ونصيبك يتكتشف المدام السرقة وتتحاسبي ويبقا انا خسرت الواجهة اللي بسرق بأسمها أو تفضل على عماها... بس اللي خلني اقولك اللي حصل امبارح واتأكد ان بؤك ده مش هيتفتح تاني...سلااااام يأخ... وقبل خروجه.... اه نسيت اقولك نصيبك هيبقا محفوظ في الطلبيه الجايه
بمجرد خروجه أنهارت جالسه على الأرض... تخفي وجهها بكلتا يديها متمتمه ببكاء : يالهوووي... اروح اقولها ولا مش أروح... أعمل إيه في المصيبة دي... اهدي كده يازهرة وفكري بالعقل... لو رحتي تقولي لمدام شهيرة على اللي بيحصل ممكن مش تصدقك وممكن تصدقك... بس مفيش مجال انها تتهمك عشان انتي مش لوحدك اللي هتروح في الرجلان...نهضت من على الأرض وعينيها لمعت بالعزيمة فهي ستحاول إيجاد حل لتخرج نفسها من هذه الورطة
___________#زهرة_لكن_دميمة
تناول أكنان قهوته في صمت وعندما انتهى.. قرر تنفيذ مايريد.. فقال بتصميم:انا عايز البنت دي
زاهر لم يستوعب كلامه :بنت مين
تحدث بتصميم اكثر : أنا عايز البنت بتاعت القهوة
زاهر فاغر الفاه مصدوم :هااا أنت بتقول أيه
تقصد ايه بأنك عايزها... دي مش من نوعك خالص..دي فرق السما والأرض بين البنات اللي تعرفهم
قطب بين عينيه قائلا بهدوء :مش ده اللي اقصده
رده أثار فضوله : أومال ايه إللي انت عايزه منها
_ هكون عايز ايه من واحدة زي دي يازكي
_ماهو انا لو عارف مكنتش سألت
نظر أكنان إلى فنجان القهوة ومرر ابهامه على حوافه بهدوء مستفز
هتف زاهر مستوعبا : عايزها تعملك القهوة صح الكلام
نظر اليه قائلا بلهجة حازمة:صح الكلام انا عايز البنت دي تعملي قهوتي اول مااصحى من نومي وكمان في الشركة
_ بس إنت عندك طقم طباخين على أعلى مستوى وبشهادات خبرة على مستوى عالمي.. ليه البنت دي بالذات
رد عليه أكنان :قهوتها عاجبتني... روح يلا كلمها واعرض عليها أضعاف أضعاف اللي بتاخده هنا... أنت لسه قاعد... يلا يازاهر روح اتفق معاها دلوقتي
قام زاهر من مجلسه وتوجه إلى حيث توجد زهرة
زاهر مناديا ايها عندما لم ترد عليه من أول مرة:يأنسة
زهرة ردت بشرود :نعم حضرتك
تحدث زاهر بلهجة عملية :عايزك في شغل
زهرة بعبوس: شغل ايه اللي عايزني فيه
رد عليها بلهجة عملية :هو عرض شغل مغري عند أكنان بيه
زهرة باستفسار:عرض ايه ؟
تحدث زاهر :هتسيبي المكان هنا وهتشتغلي عند أكنان بيه هتعملي ليه القهوة بتاعته... ثم قال لها رقم مرتب خيالي لم تكن تحلم بيه
عينيها لمعت عندما قال المرتب... حدثت نفسها... بأن هذا المرتب سيغير حياتها للأحسن... ولن تقلق بعد اليوم عن كيفية سد احتياجات المنزل كل شهر...لكنها لا تستطيع القبول بهذا العرض...وترك المقهى وهي عرضة في أي وقت للحبس بسبب التلاعب في الحسابات...يجب عليها أن تظل في الكافيه حتى تستطيع إثبات برأتها... فهي قررت اقناع بسام إنها تريد المشاركة معاه في سرقة المحل... حتى تستطيع إثبات تورطه
تحدث زاهر بثقة:موافقة طبعا... ثم اخرج من جيبه كارت... الكارت ده في عنوان الشركة اللي هتيجي فيها بكرا الصبح عشان تمضي العقد
تفاجأت زهرة بالكارت موضوع في يديها... رفعت راسها ونظرة له بضيق من ثقة امثاله :انا مش موافقه
ردد كلامها مذهول:مش موافقة ازاي... مفيش حد يرفض عرض زي ده
أجابتها زهرة ببرود :ليه بقا هو الناس اللي زينا مش من حقهم يرفضو
ليرد عليها زاهر بنبرة أشد برودة :على فكرة انتي الخسرانة برفضك العرض ده اللي عمره ماهيتعوض طول حياتك في زيك بآلاف يتمنو الشغل عنده... ثم تحرك ناحية الباب
زهرة مناديه:نسيت الكارت بتاعك
رد بلامبلاة :خليهولك
وصل زاهر عند الطاولة ثم جلس في مقابلة أكنان
سأله أكنان : البنت قولتلها تيجي أمتى
تردد زاهر في الرد عليه: البنت مش هتيجي...رافضة الشغل
أكنان بأنفعال : رفضت أزاي وأزاي ترفض من الاساس
في محاولة لتلطيف الجو : عادي دي بنت اصلا متلقش تيجي تشتغل عندك .
تحدث أكنان بغضب : هي تطول ...هي متعرفش هتشتغل عند مين
رد زاهر بهدوء: وهتعرف أزاي ...هي أخر معلوماتها المكان اللي عايشة فيه
ضرب أكنان بقبضة يده على الطاولة بغضب : أزاي تتجرأ وترفض عرض من عروض القاسى...الاف يتمنو يشتغلو عندي أي حاجة... متجيش بنت ولا تسوى تقول لا
زاهر بلهجة مهدئة: زي مابتقول في منها كتير يتمنو يكونو مكانها
أكنان بقسوة : وانا بقا مش عايزه غير البنت دي
قال زاهر: سيبك منها في غيرها كتير
رد أكنان بغضب: لأ وهتيجي تشتغل عندي وكمان تطلب الشغل وهي مذلولة
أمتلك زاهر أحساس بالعطف تجاه الفتاة...فاكنان لايعرف كلمة لا في قاموسه...ومن يحاول الوقوف أمامه يدمره تماما...قال له: البنت غلبانة...سيبها في حالها
أغتاظ منه أكنان فقال بغضب: أخرج برا الموضوع يازاهر وملكش فيه
زاهر حرك يديه في الهواء بيأس: أنت حر اعمل اللي يريحك ...أنا خارج أستناك فى العربية
__________بقلم سلمى محمد
تحدثت بضيق:بردو صممت على اللي في دماغك وقولتلها على موضوع الفواتير والسرقة اللي بتحصل بأسمها... البت دي مش سهلة وممكن تقول لمدام شهيرة
بسام رد بلامبلاة :هتقولها انا بسرقك بس مش انا اللي بسرقك... مستحيل طبعا هتصدقها... وتودي نفسها في داهية كل حاجة بأسمها... والراجل مندوب المصنع لما اتفقت معاه كنت بداري وشي كل مرة بقابله ومفهمه ان كل اللي بيحصل هي اللي مخططه ليه...ومفهمه انها عايزه كل مايقابلها يتعامل معاه عادي والكلام في الفلوس معايا انا وبس..مستحيل تثبت ان ليا علاقة بالسرقة
سألته بحيرة :ايه بس اللي خلاك تتكلم دلوقتي
رد بسام :عشان اللي حصل امبارح وكمان الراجل مندوب الشركة شكله طمع في فلوس اكتر وباين عليه هيعمل شوشرة.. فانا قررت أضرب عصفورين بحجر واحد وابلغ عنهم وعن السرقة اللي بتحصل والشاطر فيهم يقدر يثبت اني متورط... وهقول برئ يابيه
تحدثت بخوف :ماهي هتتكلم وتفضحني لو اتحبست.. واخواتي هيدبوحني
رد بابتسامة مطنئنة :متخافيش ياسوسو... لما اعمل كده هنكون اتجوزنا
سماح بفرحة :بجد خلاص ناوي تيجي تتقدم ليا
بسام بابتسامة صفراء :طبعا ياسوسو ده انتي روحي
#بقلم_سلمى_محمد
________
بعد فترة كان زاهر يقود السيارة في طريقه الى الشركة ومن خلال المرأة كان يرى الانفعالات على وجه أكنان مابين الغضب والعبوس..ألتزم زاهر الصمت....وظل الصمت سيد الموقف حتى وصولهم أمام باب الشركة
وفي داخل مكتب أكنان
زاهر: أنا هخرج ...أشوف أحوال الامن في الشركة
ملامح أكنان مبهمة عندما تحدث: أستنى يازاهر....
- نعم ياأكنان
-عايزك تشتري الكافيه
نظر زاهر له بدهشة :عايز تشتري كافيه الزنبقة السوداء
هز أكنان رأسه قائلا بلهجة قاسية: أيوه يازاهر...أشتريه بأي طريقة وبأي ثمن
تحدث زاهر بلهجة عملية : أعتبر نفسك من النهاردة صاحب الكافيه
قال أكنان بهدوء : هو ده الكلام النهاردة يكون الكافيه بأسمي
هز زاهر رأسه بالايجاب
نظر لها أكنان قائلا : أشوفك بالليل على خبر أني بقيت صاحب الكافيه
ثم أشار له بالانصراف وبمجرد خروج زاهر ....قام بالاتصال بدينا ...فهو التقها في أخر سهرة له وشعر بانجذاب تجاهها...أزيك يادينا
دينا بلهجة سعيدة :كويسة ...أخيرا أتصلت أنا كنت بحسبك نسيتنى
- لاطبعا أنتي على بالي من أول مرة أتقابلنا فيها
دينا بابتسامة: لو كنت على بالك كنت رديت على مكالمتي ليا
تحدث أكنان بحدة خفيفة :كنت مشغول
عندما لحظت حدة رده قالت بدلع : بس أنت واحشتني اوي
قال أكنان : انا عندي عشاء عمل النهاردة....عايزك معايا النهاردة فاضية
ردت عليه بضحكة خفيفة : لو مش فاضية ..أفضى ليك مخصوص
أخذ ينقر بخفة فوق طاولة مكتبه: هبعت ليكي السواق على تسعة بالليل تكوني جاهزة في الميعاد
دينا بدلع : وقبل الميعاد كمان
أكنان : سلام
دينا بضحكة خفيفة : باي باي ....وضعت دينا الهاتف على الطاولة وانفرجت أساريرها عن ضحكة خفيفة
روجينا بفضول: شكلك كأنك وقعتي على كنز
دنيا بابتسامة: ده أنا الدنيا ضحكت ليا ...مش وقعت على كنز انا وقعت على اللي اكبر من الكنز
روجينا بحب استطلاع:شوقتيني اعرف ايه اللي فرحك كده وكنتي بتكلمي مين
ردت بابتسامة :كنت بكلم أكنان
روجينا بصدمة :أكنان تقصدي أكنان بتاع مجموعة شركات القاسي
هزت دينا رأسها :ايوه هو
روجينا سألتها بلهجة حاسدة :واتقابلتو ازاي...وامتي مقولتليش يعني ياسوسة انك قابلتيه قبل كده
ردت دينا بابتسامة :اتقابلنا في حفلة خاصة كنت بغني فيها... وطول السهرة كنا مع بعض وبعد مالحفلة خلصت طلب مني نكمل السهرة عنده في البيت
سألت روجينا بفضول:وانتي روحتي معاه
ردت دينا نافيه :لا طبعا رفضت... قولت خليكي يابت صعبة عليه عشان تلفتي انتباه أكتر... بس هو من وقتها متصلش وكنت بحسب نفسي خسرته... بس مطلعتش خسرانه وهو اتصل بيا وعايزني اسهر معاه
تحدثت روجينا بغيرة :يابختك... بقولك ياديدي... عايزه منك خدمة صغيرة أوي
دينابسؤال:خدمة ايه اللي عايزها... إنتي عارفني مش بعمل حاجة ببلاش
روجينا قالت :عارفة وخدمتك مردودلك
دينا باستفهام:قوليلي بقا عايزه ايه
روجينا برجاء:عايزكي تعرفيني على المز اللي مع أكنان علطول
_ تقصدي زاهر
_ايوه هو مفيش غيره بصراحة انا معجبة بيه من زمان بشوف صوره علطول مع آكنان... سرحت روجينا في هيئته... وهمست حالمة... ده احلى من نجوم هوليود وبوليود.... إنتي تعرفي أن اللي لون عينيهم عسلي قلبهم طيب اوي وهو طيب بس مش مبين
دينا بفضول:مادام ليكي في ألوان العيون.. لون عينين أكنان الاسود بيحكي بيقول إيه
عدت روجينا على اصابعها وهي تقول:عصبي.. غير صبور.. ثم ضحكت... وكمان وقوة عاطفته
دينا ببتسامة : خلاص انا هتصرف وهخليكي تقابليه... المقابلة عليا والباقي عليكي وانتي وشطارتك... وحقي محفوظ dell
روجينا بابتسامة ماكرة : dell
____________
#بقلم_سلمى_محمد
ذهب زاهر إلى مكتبه وقام بأتصلاته ... وعرف ان المقهي معرض ان يحجز عليه البنك في أي وقت...وانه عليه ديون كثيرة... ارتسمت على وجهه ابتسامة ظافرة... فعمليه الشراء نتيجة هذه المعلومات لن تستغرق عدة ساعات... فقرر الذهاب الآن إلى السيدة شهيرة وان يعرض عليها شراء الكافيه في مقابل تسديد ديونها وأيضا حصولها على شيك بالملايين... وهو في طريقه للخروج من بوابة الشركة....وجدها أمامها تتبختر في مشيتها بأناقة.. مرتدية بدله كريميه اللون مبرزة جمالها أكثر.. تسمر في مكانه للحظات شاردا متأملا أيها باشتياق... وفجأة يتحول وجهه لنيران مشتعلة عند ظهور كريم وقيامه بامساك يديها والضغط عليها
تحدثت بيسان بدلع :يلا بينا ياكيمو
غضب بلا حدود سيطر عليه عند سماعه نطقها لفظ التحبب خارج من شفتيها
بيسان نظرت إلى زاهر الذي مازال واقف مكانه تحدثت ببرود:وسع الطريق عشان نعرف نعدي
زاهر جز على أسنانه بغضب: اتفضلي ياهانم
ثم خرج من بوابة الشركة هو يدق على الأرض بغضب
نظر كريم خلفه وعند تأكده من تمام رحيله....ضحك بنبرة عالية :ههههه شوفتي منظره... الغيرة كانت هتنط من عينيه ....ده كان عامل زي القنبلة الموقوته لما شافني ماسك ايدك
سألت بأمل :بجد ياكريم هو شكله غيران عليا
اجابها كريم بجدية :ايوه يابنتي دي نظرة دنجوان قديم
ضحكت بيسان على رده :طيب ياحضرة الدنجوان بالنسبة لنظرة حضرتك الخبيرة.. ممكن تجاوبني على سؤالي هو منظره دلوقتي بيقولك إيه
تصنع كريم نظرة التفكير العميقة :بالنسبة لنظرة خبير زي متمرس في أمور الحب اقدر اتكلم واقولك
نغزته بيسان بحدة في صدره قائلة بغيظ :هات من الاخر يابارد
كريم بزعل مصطنع:أااه ياقلبي.. القلب اللي كله حيوية وحب يتقال عليه بارد
كلامه أثار سخطها:هات من الاخر بقا... بيحبني ولا لأ
الهزل اختفى ليتكلم بجدية: بيحبك
_بجد ياكريم بيحبني
_ايوه بجد وانا متأكد من كلامي هندرد برسنت
تمتمت بيسان بحزن :بس هو قالي زمان إنه بيحبني زي أخته وعمره ماهيفكر فيا كحبيبه وهو اصلا السبب في سفري واني اكمل دراستي برا
تكلم كريم بحب:كل ده عارفة وانتي قولتيه ليا... بصراحة يابسبوسة انا مش جيت مخصوص عن الصفقة الجديدة كان ممكن اي حد غيري يجي مكاني
سألت بيسان :أومال جيت ليه
نظر لها بحنو :عشانك إنتي يابيسان عشان طول السينين اللي كنتي عايشة فيهم معانا نظرة الحزن مكنتش بتفارق وشك... فانا بقا قررت اشوف البنأدم السبب في حزنك... عشان اخلص عليه وانتقم منه
قالت بذعر : لا مش عايزاك تخلص عليه
نظر لها بابتسامة ماكرة :مادام مش عايزني اخلص عليه... يبقا تخلينا افكر ازاي اخليه يعترف بحبه ليكي
تمتمت بيسان :أنت بتقول أيه ياكريم
رد كريم :اللي سمعتيه.. بس انتي تسمعي كلامي في إللي هقوله ليكي.. هخليه يطلب منك العفو والسماح على اللي عمله معاكي زمان وانتي بقا وقتها تعملي اللي تحبيه
قالت بعدم تصديق : بجد ممكن زاهر يقولي بحبك... ممكن يقولي عايز اتجوزك
رد كريم بثقة:متاكد أوي.. إنتي إزاي مكنتيش شايفة نظراته ليكي... سهل اوي تخليه يرفع المرايا البيضا ويعترف ليكي... زمان كنتي صغيرة دلوقتي لا وهتقدري تخليه يقولك تتجوزيني مش يقولك بحبك... بس انتي اسمعي كلامي..
قطبت بين حاجبيها بتركيز عميق:وانا معاك في اي حاجة... خلينا ورا الفشار لحد باب الدار
كريم بابتسامة :ألفاظ بيئة بيئة
___________
إنتظرت زهرة ميعاد انصرفهم وتحدثت مع بسام بخصوص نسبتها
قالت زهرة بإصرار : نسبة الاتنين في الميه قليل اوي... أنا عايزه خمسة في الميه... بصراحة كلامك معايا جاه في وقته وبعد ما فكرت كويس لقيت المثل والمبادئ مش بتأكل عيش ولا هضمن اجيب بيهم علاج أمي
رد عليها بسام :تمام وانا موافق... الطلبيه الجديدة هتكون ليكي نسبة العشرة في المية
نظرت له برود :تمام.. وتنصرف بعدها مباشرة... حاملة ماشا بين ذراعيها... عائده لمنزلها
وبعد مرور عدة إيام.. اشتغلت بيسان في الشركة تحت إلحاح منها... حتى يكون زاهر أمام عينيها لتستطيع تنفيذ خطتها... وأكنان أستمر بالخروج مع دينا بصفة يومية
_________
تفاجأة زهرة بطلب مادام شهيرة لها وأنها تريد الكلام معاها في أمر هام
تحدثت شهيرة باعصاب ثابته :بصي يازهرة انا المفروض كنت قولتلك الكلام ده من كام يوم... بس مكنتش فاضية بصفي وببيع كل اللي ورايا عشان خلاص ناوية اسافر اعيش مع إختي في إيطاليا
نظرت لها مصدومة:مسافرة طب والكافيه
ردت شهيرة بهدوء :بعته من كام يوم...الكافيه كان عليه ديون كتير وبصراحة جالي في عرض مغري فمصدقت ووافقت على البيع
زهرة تأثرت بشده بخبر البيع :طب وأنا
أجابتها شهيرة متوترة :بصراحة يازهرة الكافيه المالك الجديد قرر يقفله وبيقول هيفتح حاجة تانية... وعشان كده كل اللي شغالين في الكافيه معايا.. كل واحد هياخد شهر مكافأة...ثم أخرجت من درج مكتبها مبلغ مالي... خدي يازهرة ده شهر مكافأة ومع مرتب الشهر ده كمان
نظرت زهرة للمبلغ الموضوع على سطح المكتب بكأبه :خلاص يامدام الكافيه هيتقفل
_ايوه يازهرة خلاص كل الحسابات اتصفت والمالك ناوي يقفله
_والمفروض هتمشي امتى
_من بكرا يازهرة... الكافيه هيتقفل من بكرا
ردت زهرة مذهولة :بكرا بكرا.. حدثت نفسها بهمس...أعمل إيه دلوقتي مع بسام والفواتير.. يا مصيبتك يازهرة
سألت شهيرة :بتقولي حاجة يازهرة
زهرة بغم :مش بقول حاجة يامدام
تحدثت شهيرة قائلة:انا عارفة اللي حصل صدمك...بس العرض كان مغري وكل حاجة جيت مرة واحدة وكنت مشغولة خالص...متزعليش مني يازهرة عشان لسه قايلة ليكي دلوقتي مقولتش من اول مابعت بس زي ماقولتلك كله جاه ورا بعض مرة واحد ة معرفتش اخد نفسي
زهرة تنفست بعمق في محاولة لتقبل كلامها بهدوء.. فالسيدة شهيرة من حقها التصرف في المقهى كما تريد دون أخبارها بشئ.. ردت عليها بهدوء :مش زعلانة... أنا عايزه ليكي كل خير... بعد اذن حضرتك هروح افضي مكان شغلي مادام الكافيه صاحبه هيقفله..
قالت شهيرة بنبرة شجيه: مع السلامة يازهرة
ردت زهرة بحزن :مع السلامة يامدام
خرجت من المكتب تكاد لا ترى امامها من شدة بؤسها...لتصتدم بآخر شخص تتوقع رؤيته...وقبل أن تقع قام بلف إحدى ذراعيه بقسوة على خصرها الغض وضغط اكثر حتى أخرجت تأوه خافتا.. أااه
رمقته بنظره مرعوبة فبادلها بأخرى تنذر بغضبه ولكن سرعان ما تحولت إلى نظرة انتصار تبعتها ابتسامة ماكرة ثم قال بثبات: أنا محدش يقولي لأ
•تابع الفصل التالي "رواية زهرة لكن دميمة" اضغط على اسم الرواية