رواية حبه لا يموت الفصل الثالث 3 - بقلم شفق احمد
الدم نشف جوايا لما شفت ابويا مرمي علي الارض ومش بيتحرك ، حسيت قلبي وقف جمدت في مكاني مش عرفه اعمل ايه كنت مغيبه مش قدرة اتحرك ،لما عقلي استوعب جريت علي بابا وحاولت افوقه بس مفقش سعتها جريت علي فون بابا ورنيت علي ممتي بس مردتش جربت اخويا مردش تفكيري وقف انا جنب ابويا بحاول افوقه وبرن علي حد يجي يتصرف انا مش عرفه المفروض اعمل ايه ؟؟؟
رنيت علي عمي واول ما رد كنت منهارة وهو مش عارف يفهم انا بقول ايه من شهقاتي بس سعتها حاولت اهدي من بكائي
علشان عمي يسمعني عمي كان بيزعق ويقول: في ايه يا بنتي
ردي علياااا؟
– بابا يا عمو طلعت لقيته واقع علي الارض وحاولت افوقه بس مفقش
_ طب اهدي وانا جيلك حالاً
وبما ان عمي مش ساكن بعيد عننا كان خلال ربع ساعه عندي ومعاه ابنو
لما شافوا بابا اخدوه علي المستشفى من غير حتي ما يقولو مال بابا
عده ساعه وانا برن علي عمي بس مش بيرد عليا
ليه محدش راضي يطمني علي ابويا
وبعد مرور ساعه سمعت الباب بيخبط جريت افتح افتكرتوا بابا ،بس لما فتحت
كانت أمي دخلت وقالت : بقلق مال أبوكي؟؟؟؟؟
قلت بانهيار: معرفش برن عليهم مش بيردو
امي لما شافتني كده حضنتني وقالت: متخفيش يا بنتي انشاء الله ابوكي يقوم بالسلامه
اعدت في حضن امي لحد ما نمت معرفش نمت اد ايه بس لما صحيت كان لسه الوقت ليل
اتخضيت لما ملقتش امي جنبي قمت اشوف هي فين ولما رحت عند الاوضة سمعت صوت بكاء مكتوم كان الباب موارب بصيت لقيت امي مسكة صورة لبابا واخويا سمعت صوت همسها وهي بتقول : بقا انتو الاتنين توجعوني كده ليه يا محمد (ابويا) تفرقنا كده هانت عليك العشرة يا حبيبي
بس عارف ان مش زعلانه منك والله ما زعلانه انا بحبك يا محمد متسبنيش يرضيك تسبني ده انت كنت بعد كل جلسه توعدني انك مش هتسبني جي تخلف بوعدك بعد ما تخنقنا سكتت شويه وهي بتبكي بحرقة وبعدها كملت كلام ،
ازاي يا إياد تسيب امك في وقت زي ده….. ازاي تسيب ابوك وهو تعبان …..ليه يا بني مشيت ليه ؟؟؟؟؟
صوت شهقات امي علا دخلت عليها وقلبي وجعني هي دي امي الي كانت بتهدي فيا اخدتها في حضني زي ما عملت معايا
– انشاء الله كل حاجه هتتحل واياد هيرجع متخفيش ادعي وقولي يارب
عده اسبوع وابويا منوم في المستشفى مبقتش عرفه ازعل علي اخويا الي معرفش مكانوا ولا ازعل علي ابويا الي في المستشفى
في ليلة دي كنت تعبانه نفسياً وحسه الدنيا جيا عليا بزيادة صحيح ممتي معايا في البيت بس انا قلبي وجعني سعتها افتكرت كلام اخويا لما كان يقول لما تذهقي وتحسي الدنيا قفلت في وشك افتكري ان ده اختبار ربنا ليكي ولازم تتحملي
ولما تحسي انك بجد تعبانة روحي اتوضي وصلي مش هتلاقي راحه غير عند الي خلقني وخلقك واحسن خلقتنا الرحمن الرحيم الي ارحم عليكي من ابوكي وامك
سعتها قمت توضيت وأعدت اصلي ….اصلي وانا ببكي وادعي من قلبي صليت ومعرفش صليت كام ركعة صليت لحد ما حسيت ام الغمة راحت من علي قلبي
حسيت براحه بعد مت خلصت ورحت نمت
وتاني يوم لقينا انا وامي عمي بيرن ويقول إن بابا هيخرج النهارده…يالله اه الراحه دي
ابويا جه علي الساعة تسعه بليل وكان موجودين عماتي وعماني سعتها اعتذر لأمي علي كلاموا وامي طيبة وسمحتوا
ياربي زرعت حب في قلب امي وابويا يخليهم يعدوا لبعض أخطأ كتيرة بس برضو بابا كان ذو ذوق وجاب لها خاتم يصلحها بيه
انا واعده كان في غصة في قلبي ناقص اخويا يا رب تكون بخير ان شاء الله بخير
عماني وعماتي اعدوا اخدو السهرة معانا
ولما مشيوا انا دخلت أوضة اخويا أقيم الليل ما هو من ساعت ما مشي وانا مش بصلي غير في اوضتوا ورتبت هدوموا في الدولاب زي ما كان بيجبلي حلويات علشان ارتبهم ليه
اعدت علي سجدتي ودعيت يا حي يا قيوم يا ذو العرش العظيم برحمتك استعين وبدأت ادعي ولما خلصت كنت لسه همسك المصحف اقرأ وردي اليومي لقيت الفون بيرن رحت لقيت رقم غريب رديت
– السلام عليكم ورحمة الله وبركاته
– صوتك وحشني يا عيوني
- يتبع الفصل التالي اضغط على ( رواية حبه لا يموت ) اسم الرواية