رواية شمس تتحدي الغيوم الفصل الثالث 3 - بقلم عبير سليم
الفصل الثالث من رواية شمس تتحدى الغيوم
بقلمي: عبير سليم
❤️❤️❤️❤️❤️❤️❤️❤️
شاشه كبيرة تظهر امام الجميع تغمر المكان المظلم بالنور الشديد ينتبه الجميع لما يحدث والكل ينظر لتلك الشاشه وماتحمل فى دهشه شديدة
يظهر مجموعة أشخاص وهم يحتفلون بعيد ميلاد وأنوار وصواريخ عاليه تبعث البهجه فى النفوس
اغانى أجنبيه عن أعياد الميلاد بأصوات عاليه تشع الفرحه فى جميع الارجاء
الجميع حائر ماهذا وماالذى يحدث ومن هؤلاء الأشخاص
وفجأة يظهر أمامهم على الشاشه بضحكته الجميله التى قلما ماتظهر على وجهه والتى تظهر وسامته الرجوليه التى تأسر القلوب
بزيد:مش ممكن مش معقول عمر آخر حاجه كنت ممكن اتوقعها
عمر:عشق حبيبة قلب عمو كل سنه وانتي طيبة ياحبيبة قلبي
معرفتش أكون معاكى العيد ده بس ان شاء الله العيد الجاى حكون معاكى ياأميرة قلوبنا كلنا
مكنش ينفع مااشارككمش الفرحه حتى لو كنت بعيد حاولت اكون موجود وسطكم حتى لو كان بيننا بلاد وبلاد
كل صحابي دول بيقولولك كل سنه وانتي طيبه وربنا يجعل ايامك كلها هنا ياحياتى أنا
بصى وراكى كده ياعشق
تنظر عشق خلفها وينظر معها الجميع فيجدون عربة كبيرة تدار بالكهرباء تدخل إليهم مليئه بالعرايس والعلب المغلقه
عشق:الله بابى يابابي هى دى العربيه اللى كان نفسي فيها
تجرى عشق وتكاد أن تطير من الفرحه بالهدايا التى ارسلها عمها لها
عشق:عمو عمر انا بحبك أوى ياعمو
عمر:يارب تكون هديتى عجبتك ياحبيبة عمو
كان نفسي اقدمهالك بنفسي ياعروستى الحلوة
سلامى وتحيتى للجميع وربنا يديم الفرحه فى قلوبنا كلنا
وان شاء الله حنتقابل قريب بس مش حيكون من خلال شاشه لاء، حيكون وجها لوجه ان شاء الله
بحبكم كلكم ياللا اتفضلوا طفوا الشمع واستمتعوا بأجمل ليله فى حياتنا كلنا
ثم تنطفئ الشاشه وتعود الأنوار مرة أخرى
يزيد :مين اللى ساعد عمر يعمل كل ده
مروة:ههههههه ههههههههه
يزيد:مش ممكن انتى يامروة
مروة:طبعا انا امال تفتكر حيكون مين يعنى
على:يخرببيت سنينك من ورايا يامروة
مروة:عمر فهمنى أعمل ايه وانا عملت زى ماقاللى بالظبط
على :لوحدك مش ممكن
مروة:لاء بصراحه مش لوحدى فى واحده صاحبتى ساعدتنى
بس إيه رأيكم فى المفاجأة دى
عاليه :مفاجأة جميله طبعا ربنا يرجعه بألف سلامه
يزيد:ان شاء الله عمر حيرجع وحيستقر معانا وقريب أوى
شاكر:يارب يايزيد نفسي عمر يرجع يعيش بيننا زى زمان
مروة:ان شاء الله يا بابا عمر حيرجع
عهد:بجد عمر حيرجع انا مبسوطه اوى
عاليه:وانتى مالك بعمر يرجع واللا لاء ياعهد
عهد:ايه لاء ابدا مفيش يالولو
عاليه:طيب ياعهد ماشي يا حبيبتي
كان الحديث عن عمر والدعوات له بالرجوع بالسلامه هو محور الحديث.
على:طب ياللا بقى الكل يتجمع عاوزين نطفى الشمع ياجماعه
وقف يزيد وهو يحتضن زوجته عاليه ويحملان عشق التى قامت باطفاء الشمع ثم تم إطلاق الأهل والأصدقاء للصواريخ الناريه فى سماء الاسكندريه فى ليلة يملؤها الدفء والشعور بالحب والأمان تعبيرا عن فرحتهم بتلك الأميرة الصغيرة
يتقدم الجميع بالهدايا إلى الملكه المتوجه على عرش القلوب
وياتى دور العاشق الصغير لتقديم هديته أمام الجميع
يفتح العلبه :خالو ممكن تسمحلى أقدم هديتى لعشق
يزيد:اتفضل ياحبيبي اديها هديتها
أنس :أصلي جبتلها الشبكه ياخالو وعاوز البسهالها فممكن تسمحلى البسهلها ده بعد اذنك طبعا
يزيد :شبكه شبكة إيه ياانس انت ناوى تجننى يابنى
أنس :خالو متزعلنيش منك انا جايب الشبكه لعشق عشان كل الناس تعرف ان عشق بقت خطيبتي ومحدش يكلمها تانى وخصوصا الواد زين ده
يزيد:لاء كده كتير والله انا اعصابي تعبت خلاص ومين اللى طاوعك جابلك الشبكه دى ياانس
مروة وهى تاكل الجاتوه:انا اللى جبتها يايزيد
يزيد:كده من نفسك ياست مروة
مروة:لاطبعا انا استئذنت بابا الأول وهو وافق وبعدين ده أنس الواد اللى حيلتى انتوا عاوزيننى ازعله واللا إيه
يزيد:ازاى حضرتك يابابا توافق على لعب العيال ده؟
شاكر:انا جدهم وده حقى واللا عند مانع
وقبل ان يرد يزيد يجد اميرته الصغيرة تتكلم
عشق:بابي يابابي
يزيد:نعم ياعيون بابي
عشق:عاوزة البس الشبكه اللى انس جابهالى يابابي
الجميع يضحكون :هههههه هههههه
يزيد:الصبر من عندك يارب الولاد دول حيشيللونى
عاليه:بعد الشر عنك يا قلبي
يزيد:اتفضل ورينى يافالح الشبكه اللى جبتها
يفتح أنس العلبه فيجد يزيد فيها
خاتم صغير واسورة جميله منقوش عليها اسم عشق وأنس
وسلسله عليها اسم عشق وانس
يزيد:ايه ياحبيبي ده كله انت عايش الدور كده ليه دى أمك مجاتلهاش الشبكه دى
أنس :دى عشان عشق ياخالو
خالو:شكرا ياسيدي ياللا هات العلبه
أنس :تاخدها ليه ياخالو انا عاوز البسهلها بنفسي
عاليه:خليه يلبسهلها عشان خاطري
يزيد:خاطرك غالي عندى أوى ياعاليه
اتفضل لبسها وخلصنى عشان أنا خلاص حجيب أخرى وبعد الناس ماتمشي حيبقى لينا كلام تانى عشان اللى بيحصل ده تهريج
يقوم أنس بوضع الخاتم فى يدها ويلبسها الاسورة والسلسله
والكل يصور ويضحك على هذين العاشقين الصغيرين
أنس :شكرا ياخالو بس انا عاوز اتصور مع عشق
مروة:اتصوروا ياحبيبي وماله
وتقوم مروة بتصوريهم عدة صور
على:ياحبيبي يابنى الواد بيفكرنى بطفولتى البائسه سبحان الله الأيام بتعيد نفسها فاكرة يا رمانه
مروة:طبعا يا لولتى فاكرة لما كنت لازقلي وكنت بتضرب اى ولد يلعب معايا
شاكر:تفتكرى ياهاله ربنا حيدينى العمر لحد ماافرح بيهم واشوفهم وهما عرسان
هاله:ربنا يديك الصحه يارب ويطول فى عمرك ياحبيبي
شاكر:طب وليه الدموع دى بس ياهاله ده احنا الليلادى مبسوطين
هاله:خايفه عليك اوى ياشاكر انا مليش غيرك ومقدرش اعيش من غيرك لحظه وبدعى ربنا يجعل يومى قبل يومك
شاكر:ربنا يخليكى لية يااطيب واحن قلب فى الدنيا
ينتهى الحفل ويغادر الجميع المكان ويحمل يزيد صغيرته الى غرفتها بعد أن ذهبت فى سبات عميق
يضعها فى فراشها ويقبلها من جبينها ويدعو لها الله أن تصبح أيامها كلها جميله ويملؤها الحب
يدخل غرفته ليجد عاليه فى انتطاره بثوبها الرقيق الذى يوحى له بأنها تريد أن يكمل سهرته معها تلك الليله لتكتمل سعادتها
عاليه:بتبصلى كده ليه ياحبيبي
يزيد:إيه الجمال ده كله كل يوم بتحلوى اكتر من اليوم اللى قبله ياعاليه
عاليه:عجبتك يايزيد
يزيد وهو يرفع شعرها الحريري عن وجهها:طول عمرك عجبانى يااحلى وأجمل وأرق عاليه في الدنيا
عاليه:بحبك يايزيد
يزيد:حبيبتى ياعاليه ربنا يخليكى لية ياأغلى الناس
ثم يأخذها الى عالم لاتتحدث فيه الألسنه وانما القلوب هى التى تطلق العنان لما تريده
على الجانب الآخر
يدخل المنزل وهو يحمل طفلته الصغيرة
مروة:هات مليكه انيمها فى اوضتها
على:لاء انا اللى حدخل انيمها.
مروة:مالك ياعلى حساك متغير من ساعة ماكنا فى الحفله
على:بقيتى بتخططى وترتبي من ورايا يامروة واتفاجئ زيي زى كل الناس.
مروة:ايه ياعلى مالك فى ايه كل ده عشان المفاجأه اللى عملها عمر وانا ساعدته فيها
على:مروة انتى عارفه ان المفاجأة فرحتنى جدا لكن ازاى تتصرفى من غير ماتقوليلي وتخلينى اتفاجئ زى الكل
مروة:خفت اقلك تقول ليزيد والمفاجاة تبوظ
على:ياسلام على أساس انى عيل مش كده
مروة:لولتى متزعلش بقى ياقلبي خلاص ياحبيبي اوعدك مش حخبي عنك حاجه تانى
على:ماشي ياست مروة حروح انيم مليكه واجيلك عشان لازم تتعاقبي على اللى انتى عملتيه ده
مروة:وانا حستناك ياقلبي اصلي بحب عقابك اوى هههههههههه
أنس :بابا يابابا
على:نعم عاوز ايه يابنى ادم انت كمان
أنس :انا حنام مع عهد فى اوضتها
على:انا مش قايل قبل كده تنام فى اوضتك
أنس :بابا فى موضوع مهم عاوز اتكلم فيه مع عهد لو سمحت انا قلت اعرفك عشان متزعلش
على:روح اتفضل يافالح وانتى مالك ياعهد فى حاجه
عهد:حاجه حاجة ايه ياابيه لا مفيش حاجه
على:مش عارف حسك متغيرة من ساعة ماكنا فى الحفله سرحانه ومش معانا خالص
عهد:لا ابدا ياابيه بس يمكن صدعت شويه من الدوشه أنا حطلع اوضتى عاوزة انام
أنس :تنامى ايه بس ياعهد انا عاوز اتكلم معاكى
عهد :أنس حبيبي ممكن نتكلم بكرة انا بجد تعبانه وعاوزه انام
أنس :حاضر ياعهد
تصعد عهد الى غرفتها بينما يتعقبها على بنظراته
على: هو فى ايه انا مش مرتاح عهد مالها يامروة
مروة:حيكون مالها يعني يا على هى مش قالتلك مصدعه شويه.
على:مروة انتى عارفه ان عهد مش مجرد اخت عهد بنتى انا اللى ربيتها وكبرتها بعد وفاة بابا وماما بفهمها من نظرة وانا متأكد ان فى حاجه ولازم اعرف هى إيه
مروة:وعهد عمرها ماخبت عليك حاجه ياحبيبي
على:بس عهد كبرت وبقى عمرها ٢٠سنه واكيد فى حاجات مش حتقدر تحكيهالي لكن ممكن تحكيهالك انتى
عشان خاطري يامروة قربي منها واعرفى مالها.
مروة:على انت عارف غلاوة عهد عندى وانا والله ححاول اعرف مالها
على:ماشي انا حطلع مليكه دراعى وجعنى وجايلك ياهانم
مروة:تمام ياقلبي
🌸🌸🌸🌸🌸🌸🌸🌸🌸🌸🌸🌸🌸🌸🌸
فى اليوم التالي
فى منزل شمس
سناء:منورنا والله ياحبيبي
عصام :البيت منور بصحابه ياطنط
سناء:بسأل عنك شمس دايما وكان نفسي اشوفك من فترة والله
عصام :معلش والله ياطنط بس حضرتك عارفه الشغل ومشاكله
سناء:ربنا يقويك يابنى بس عاوزين نفرح بيكم بقى انتوا طولتوا اوى يابنى وكل الناس بتسال عن الفرح
ووالد شمس كل شويه يسالنى
عصام :مفيش مشكله ياطنط شوفوا عاوزين تعملوا الفرح امتى وانا ان شاء الله حجهز كل حاجه
سناء:والله انا لو علية عاوزاه النهارده قبل بكرة
عصام :خلاص ياطنط نخليه الشهر الجاي ان شاء الله
نكون جبنا الموبيليا وفرشنا الشقه وحجزنا مكان نعمل فيه الفرح
سناء:على بركة الله يابنى وانا حبلغ أبوها عشان تحدد معاه المعاد
الف مبروك ياولاد ربنا يتمم فرحتنا على خير يارب
يكاد قلب شمس ان يقف من شدة فرحته فهى لاتصدق انها اخيرا ستجتمع بحبيبها الذى يعشقها قلبه تود لو تخبر العالم اجمعه ليشاركها الجميع فرحتها
💗💗💗💗💗💗💗💗💗💗💗💗
فى الشركه
يزيد وهو يتحدث إلى شمس
فرحتينى والله ياشمس اخيرا حنفرح بيكم
شمس:كل شئ باوان يابشمهندس
يزيد:اكيد طبعا ياشمس وربنا يتمم فرحتك على خير ان شاء الله
شمس:يارب
يزيد:طب قوليلي بقى مش ناقصك حاجه
شمس:ربنا يخليك يارب حضرتك مغرقنى بجمايلك
يزيد:عيب عليكى والله ياشمس اولا انتى عارفه غلاوتك عندى اد ايه وانك عندى زى مروة اختى
شمس:ده شرف لية والله حضرتك
يزيد:الشرف لية أنا ياشمس انتى مثال للأدب والأخلاق والإخلاص بجد انا فخور بيكى جدا من ايام ماكنتى بتتدربي فى الشركه وانتى لسه فى الجامعه ولحد دلوقتي
وثانيا بقى انا مليش جمايل عليكى فى حاجه انتى مجتهدة فى شغلك وكل اللى بتاخديه ده حقك محدش بيتفضل عليكى بحاجه
شمس:ربنا يخليك يارب يابشمهندس
يفتح على الباب ويدخل
على:ازيك ياشمس عامله إيه
يزيد:بارك لشمس ياعلى فرحها الشهر الجاي ان شاء الله
على:بجد الف مبروك يا شمس ربنا يتمم على خير ان شاء الله
شمس:الله يبارك فى حضرتك يابشمهندس عقبال ولادك ان شاء الله
على :طب قوليلي بقى ياست البنات ناقصك ايه عشان اجيبهولك
شمس:خلصت كل حاجه والله ربنا يخليك يارب
على:مش بعزم عليكى والله ده انتى اختنا
شمس:عارفه والله حضرتك ربنا يخليك يا رب
بعد اذن حضرتك عشان اشوف شغلي
يزيد :اتفضلي يا شمس
على:عندها عزة نفس عمرى ماشفتها عند حد
يزيد :شمس بنت ناس ومحترمه ربنا يهنيها يارب
تذهب شمس الى المكتب الخاص بعملها هى وعصام
عصام :اتاخرتى اوى جوة كده ليه
شمس :كنت بقولله على الفرح عشان اجازتنا ان شاء الله
عصام :ماشي يا شمس
مياده :مبروك ياجماعه سمعت انكم حتتجوزوا قريب
شمس:الله يبارك فيكى يامياده عقبالك
مياده:ان شاء الله ياحبيبتى
عصام:انا رايح قسم الحسابات وجاى
شمس :ماشي حبيبي
يخرج عصام فيجد إيمان امامه
إيمان :ازيك يا عصام
عصام :اهلا ياايمان
ايمان:خلاص حتتجوز انت وشمس ياعصام
عصام :ايه عندك شك فكده
إيمان :معرفش ياعصام بس كل اللى اعرفه ان شمس لازم تكون سعيده وماشوفش فى عينها نظرة حزن واحده فى يوم من الأيام
عصام :ممكن اعرف انتى عاوزة ايه بالظبط رايحه جاية تبصيلي بصات غريبه وكل شويه ترمى كلام انا مش فاهم تقصدى بيه ايه ممكن توضحيلي كلامك
إيمان :انا سمعتك وانت بتتكلم فى المكتب ياعصام وانا لازم اعرف حكايتك ايه بالظبط
عصام :انتى بتتجسسي علية ياايمان
ايمان:لاء ياعصام مبتجسسش عليك انا سمعتك بالصدفه بص ياعصام انا اهم حاجه عندى شمس انت فاهم
انا مارضتش اقول حاجه لشمس لانى مفهمتش حاجه من اللى سمعته وقلت يمكن فهمت غلط
عصام :ايمان انا مبعملش حاجه غلط وانتى ملكيش فيه ياايمان وانا معنديش حاجه اخاف منها ومبحبش التهديد لو نفسك فحاجه قوليها
ايمان:عصام انت عندك شك فى حبي لشمس وانى بتمنى لها كل خير
عصام :لاء طبعا انا عارف قوة الصداقة اللى بينكم
إيمان :وده السبب اللى بيخلينى أكلمك بالطريقه دى خايفه على صاحبتى فاهمنى ياعصام
شمس طيبه اوى عمله نادرة مبقتش موجوده فى الزمن ده أدب واحترام وأخلاق وتربيه وفوق كل ده بتحبك بتحبك اوى ياعصام عنيها عمرها ماشافت حد غيرك وقلبها عمره مادق لحد قبلك كل أملها فى الدنيا انها تكون معاك
عشان كده انا خايفه عليها اوى ونفسي مااشوفش دمعه فى عينها فى يوم من الأيام.
عصام وهو يشعر بتأنيب الضمير تجاه شمس:فاهمك ياايمان
وان شاء الله مش حيحصل غير كل خير وانا مش حظلمها بعد اذنك ياايمان
إيمان :ماشي يا عصام اتفضل
يتحرك عصام من أمام ايمان بينما تدعو الله ان تكون قد اساءت الظن به
🌺🌺🌺🌺🌺🌺🌺🌺🌺
فى لندن
عمر وهو يتحدث الى أحد اصدقائه
سيف:وانت حتعمل ايه دلوقتي ياعمر
عمر:مش عارف ياسيف انا بقالي سنين هنا وخلاص اتعودت عالحياة هنا نزولى مصر كان مجرد زيارات وبس لكن انى ارجع اعيش تانى فيها دى حاجه مش فدماغى اصلا
سيف:خلاص يبقى طنش ياعمر وكبر دماغك
عمر:لا ياسيف يزيد المرة دى مصر اصرار غريب انى انزل ومش حيرتاح غير لما ينفذ كلامه انا عارفه ده لما بيحط حاجه في دماغه مبيرتاحش غير لما تحصل
سيف:وانت نويت على إيه ياعمر
عمر:مش عارف مش عارف ياسيف بقولك ايه ياللا بينا نروح نسهر فى أى مكان انا زهقان
سيف:اه صحيح هو انت مش بترد على جينا ليه
عمر:وانت عرفت منين هى كلمتك
سيف:ايوة كلمتنى وقالتلي انك مش بترد عليها وكانت بتعيط
عمر :كبر دماغك ياسيف منها عاشتلها يومين حلوين
سيف :اه كده وصلت يامعلم تبقى حصلت اللى قبلها بس خد بالك جينا مش حتسكت وحتعملك مشاكل جامده
عمر:ياعم تعمل اللى هى عاوزاه ياللا بينا بقى
يذهب عمر وصديقه الى احد الملاهى الليليه
سيف:الحق يامعلم دى جينا هنا
عمر:سيبك منها ولا تعبرها
يبدأ عمر فى الشرب والرقص مع الفتيات اللاتى يتقربن إليه من اجل امواله
جينا وهى تذهب اليه:? where are you omar
عمر : Jina please l, am tired
جينا:ok omar
تتركه جينا وترحل بعد أن أدركت ان عمر لايريد ان يتحدث إليها فتذهب الى احد الأشخاص وتعطيه مالا لينفذ لها ماتريد.
💖💖💖💖💖💖💖💖
بعد مرور عدة أيام
فى إحدى محلات الموبيليا
شمس :الله اوضة النوم دى جميله اوى ايه رأيك ياحبيبي
عصام :اه كويسه مفيش مشكله لو عاوزاها ناخدوها
شمس:عصام هو انا كل مااقولك على حاجه تقوللي لو عاوزاها لو عجباكى فى ايه ياعصام هو انا حعيش فيها لوحدى ممكن تشاركنى الراى
عصام :يعني انا غلطان اني عاوزك تجيبي اللى نفسك فيه ومش بدقق معاكى
شمس :حبيبي ربنا يخليك لية يارب بس احنا لازم نشارك بعض فى الراى دى حاجتنا احنا
عصام :ماشي يا شمس شوفى ايه اللى انتى عاوزاه وانا حقولك رايي فيه
شمس :بص ايه رايك ناخد اوضة النوم الروز واللا البنى انا شايفه ان البنى عمليه اكتر بس الروز جميله ورومانسيه اوى وتحسها مريحه للاعصاب هاه قولت ايه؟
عصام :ناخد الروز شكلها فعلا جميل أوى
شمس :بااه ياعصام انا مش مصدقه اننا خلاص حنتجوز انا مبسوطه اوى
عصام :للدرجه دي بتحبينى ياشمس
شمس:معقوله تكون لسه بتسأل عن مشاعرى ناحيتك ياعصام معقوله تكون مش عارف انت ايه بالنسبه لى
عصام انا بحبك اوى وكل اللى اقدر اوعدك بيه انك حتكون معايا أسعد انسان فى الدنيا
عصام مالك ياحبيبي سرحت فى إيه
عصام :هاه لا ابدا بقولك ايه ياللا بقى نكمل اللى ورانا عشان نلحق نروح قبل الليل
🌺🌺🌺🌺🌺🌺🌺🌺🌺🌺
فى أحد النوادى الرياضيه
كابتن كمال :انتى مش عجبانى النهارده ياعهد
عهد:ليه بس ياكابتن مانا شغاله اهوه
كابتن كمال:انتى كنتى بتلعبي بحماس اكتر من كده لكن النهارده حاسس انك بتلعبي والسلام
عهد: اجهاد من المذاكرة بس ياكابتن.
كابتن كمال:ماشي ياعهد حنعديها المرة دى بس المرة الجايه عاوزك احسن تمام
عهد:تمام ياكابتن بعد اذنك حروح اغير عشان أروح
كابتن كمال:تمام اتفضلي ياعهد
تدخل عهد غرفة تغيير الملابس لتبديل ملابسها
حنين :مالك ياعهد فى حاجه
عهد :كابتن كمال لسه مهزانى
حنين :ليه عملتى ايه ده حتى بيعزك اوى
عهد:بيقوللى انى النهارده وحشه فى التمرينات
حنين:بصراحه ياعهد هو معاه حق انتى فعلا متغيرة اوى النهارده وانا كنت ناويه اتكلم معاكى واحنا مروحين فى السكه
عهد:إجهاد من المذاكرة بس ياحنين
حنين:مذاكرة انتى متاكده من الكلام ده حتخبي على صاحبتك
عهد:لا مش حخبي عليكى ياحنين لأنى مخنوقه فعلا ومحتاجه اتكلم مع حد احنا نروح نقعد شويه عالبحر وححكيلك كل حاجه.
حنين:تمام ياللا بينا يامزتى
تتحرك عهد وحنين للخروج من باب الجيم
كابتن كمال:عهد
عهد:نعم ياكابتن
كابتن كمال:مش عاوزك تزعلى منى انتى عارفه غلاوتك عندى اد إيه ياعهد
عهد:انا مقدرش ازعل من حضرتك ياكابتن عن اذنك وان شاء الله المرة الجاية حكون أحسن
كابتن كمال:ان شاء الله يا عهد اتفضلي
تخرج عهد وصديقتها حنين بينما أعين كمال لا تفارقها
كابتن معتز وهو يضع يديه على كتف كمال:مالك ياصاحبي فيك إيه اول مرة اشوفك كده ماالبنات كلها بتتمنى منك نظرة او حتى إشارة اشمعنى دى يعنى
كمال:بحبها بحبها اوى يامعتز
معتز:ليه اشمعنى هى بالذات تفرق إيه هى عن بقية البنات اللى حواليك
كمال:تفرق كتير اوى يامعتز ايه جابهم ليها عهد أدب وأخلاق وجمال وتربيه
معتز:بس انا ملاحظ انها بتعاملك عادى جدا ومتأكد ان مفيش حاجه من ناحيتها تجاهك
كمال :عارف يامعتز عارف بس اعمل إيه مش بايدى غصب عنى الحب مش بايدنا ياصاحبي.
معتز:مش عاوزك تعلق نفسك بحبال الهوا الدايبه انت فين وهى فين الفرق بينكم كبير اوى ياكمال وانا خايف عليك ياصاحبي
كمال:متخافش يامعتز انا بعرف اسيطر على مشاعرى كويس ومش انا اللى اقلل من نفسي او كرامتى حتى لو كنت بموت فيها
معتز:ماشي ياكمال
على الجانب الآخر عهد تجلس فى احد الكافيهات التى تطل على البحر مع صديقتها حنين
حنين:اتفضلي اتكلمى بقى ياست هانم احكيلي بقى عن اللى جواكى
عهد:عمر
حنين:عمر مين
عهد:عمرابن عمى شاكر
حنين:مش ده اللى عايش برة
عهد:أيوة هو ياحنين بحبه ومش عارفه اعمل ايه والمشكله انى بدأت انكشف قدام الكل ومشاعرى بدات تبان علية وتفضحنى ادامهم وانا مش عارفه اعمل إيه
حنين:طب وهو يا عهد بيحبك زى مابتحبيه
عهد:معرفش ياحنين بس بردو معتقدش حيحبنى امتى ازاى ده بيجيي كل سنتين تلاته مرة
حنين:طب وانتى حبيتيه واتعلقتى بيه امتى ياعهد وانتى بتقولى انه بينزل كل كام سنه مرة
عهد:بحبه من زمان من زمان اوى ياحنين أول مابعرف انه نزل مصر قلبي بيرفرف من الفرحه ببقى مش حسه باى حد حواليه بس اول ما بتيجى عينه فى عينى بحس ان نظرته لية نظرة اخ لاخته
حنين:هو عنده كام سنه ياعهد
عهد:اد اخويا على عنده ٣٥ سنه
حنين:يانهارك اسود ده ومنيل ده اكبر منك ب١٥سنه انتى اتجننتى يابنتى ومستغربه انه بيعاملك زى اخته ده لازم يعاملك زى اخته الصغيرة كمان
عهد اعقلي ياحبيبتى وفوقى كده ده أكيد مش حب هو بس ممكن يكون اعجاب او انبهار بيه لكن انتى لازم تفوقى عشان محدش حيسمحلك ان المشاعر دى تتجسد وتبقى حقيقه
عهد:لاء ياحنين انا مش حستسلم انا عرفت انه خلاص حينزل مصر قريب ولازم اخليه يحس بية وبمشاعرى ناحيته انا بحبه بحبه اوى ياحنين
🌸🌸🌸🌸🌸🌸🌸🌸🌸🌸
انتهى الفصل يارب يكون عجبكم ومتنسوش تعليقاتكم وتوقعاتكم الجميله
واشوفكم الفصل الجاى ان شاء
القصه هنا فقط اعمل متابعة ليصلك كل جديد 👇
عشاق الروايات
•تابع الفصل التالي "رواية شمس تتحدي الغيوم" اضغط على اسم الرواية