رواية شمس تتحدي الغيوم الفصل الاربعون 40 - بقلم عبير سليم
عصام :ده لو دارين حصللها حاجه ده انا مش حيكفيني اني اخنقها بايديه
والده :وتضيع نفسك يابني وتيتم بنتك وكل ده عشان واحده متستهلش تغور فداهيه تاخدها لكن انت لازم تقف على رجليك عشان بنتك اللى محتاجاك
سلمى :والله العظيم انا كنت بتكلم معاها وانا نفسي انها ترجع عن اللى فدماغها كان نفسي اوى انها تدي لنفسها فرصه وتقوللي حتى حفكر كنت حفرح اوى كتت حخبي عليكم انها جت كنت حمسح التسجيل واقول يمكن تفوق قبل فوات الاوان لكن ياخسارة لقيتها مصممه على اللى فدماغها
لا فى دماغها جوزها ولا بنتها مبتفكرش غير فى نفسها وبس
علاء:هى دي هاجر اللى انا عاشرتها سنين طويله سرقت فلوسي وقتلت بنتي دي المفروض تتعدم دي متنفعش تكون ام ابدا ده الحيوان عنده مشاعر عنها
عصام انا عاوزك تفكر بالراحه وتقوللي قرارك لو ناوي نكمل اللى احنا بنعمله يبقى تمام ولو ليك راي تاني قللي
عصام :رأي تاني ايه حننفذ اللى اتفقنا عليه طبعا انا اهم حاجه عندي بنتي وبس اخدها واطمن انها بقت فحضني مش عاوز اكتر من كده
وبعد كده انتقم منها على اللى عملته فية والله لاخد حق نفسي وحق شمس منها
علاء:سيبلي انا الطلعه دي دى الفرصه اللى كنت بستناها طول عمري اني اخد حقي وحق بنتي سما منها واتشفى فيها
انا جوايا نار قايده من ساعة ماسما ماتت
نار مبتنطفيش ابدا كل عيني مابتقع على طفله بحس انى عاوزة اصرخ بعلو صوتي بحس انى عاوز اغرز فقلبها سكينه يمكن ناري تبرد
واطمن اللى حيحصللها حيكون اكبر من اللى كنت ناوي عليه اوعدك انك حتشوفها وهى مذلوله وبتتمنى الموت ومش حتلاقيه من غير ماتاذى نفسك ولاتحرم بنتك منك كفايه انا اتحرمت من بنتي
عصام :انا مش عارف اقولك ايه ولا اشكرك ازاى
انت ربنا بعتك لية نجده من السما
علاء :متقولش حاجه ياعصام واضح ان ابوك راجل طيب ودعالك كتير وربنا استجاب لدعاؤه احمد ربنا انه كشفهالك بدري قبل ماتندم ندم عمرك
عصام :ندم وهو انا لسه مندمتش ماندمت خلاص وكل حاجه راحت
علاء :مفيش حاجه راحت وكفايه ان بنتك تبقى فحضنك عاوز ايه تاني واتاكد ان خطيبتك اللى سيبتها مش نصيبك ومكنتوش حتتجوزوا حتى لو مكنتش هاجر دخلت بينكم
كان ممكن تحصل اى حاجه تفرق بينكم اللى يزعل انك انت اللى سيبتها وده اللى واجعك ومخللى ضميرك مش مستريح
ومتكدبش على نفسك انت لو كنت بتحبها بجد لا هاجر ولا عشرة زبها كانوا حيقدروا يبعدوك عنها لكن انت مكنتش
بتحبها وكل اللى جواك تانيب ضمير مش اكتر انت ادعيلها ان ربنا يوفقها فحياتها وبس وان شاء الله ربنا حيعوضك خير
اما بقى لو عاوز تشكر حد يبقى تشكر هاجر انها هيا اللى كشفت نفسها بنفسها وكان ليها الفضل انها تعرفنا ببعض
زى المثل مابيقول دبور وزن على خراب عشه
سلمى :فعلا والله ياجماعه انا كل مرة كانت تجيلي فيها البيت أقولها خليكى فبيتك ركزي فحياتك لكن مفيش فايده فيها ابدا
نيرة :مش وش نعمه
عصام:انا حاسس اني تايه ومضروب على دماغي مش قادر استوعب اللى انا فيه نفسي اغمض عيني وافتحها الاقيها اختفت من حياتي للأبد
علاء :حيحصل ان شاء الله بس تنفذ اللى حقولك عليه بالحرف عشان هاجر متشكش فى حاجه وتخطيطنا كله يبوظ
عصام :حاضر
😥😥😥😥😥😥😥😥😥😥
فى شرم حيث يجلس على الشاطئ يتحدث الى حبيبته:هههههههههه وبعدين ايه اللى حصل
إيمان :اقولها ياطنط كفايه هما يعني حياكلوا الأكل ده كله
تقوللي اه طبعا لازم اعمل اكل كتير عشان ياكلوا ويفرحوا والمثل بيقول اطعم الفم تستحي العين
حسستني انهم واخدين بسمه خلاصة حق
وبسمه تقوللها:على فكرة بقى ياماما لو حتى عملتي لهم شوربة عدس بيحبني وبيموت فية
ومامتك تقوللي :ايمان شيلي البت دى من ادامي البت دى حتشلنى
حسن :ههههههههه مجانين وربنا ماما وبسمه دول مجانين
إيمان :ملهمش حل انت متأكد انها امها
حسن :اه وربنا امها
إيمان :واللا تشوف بسمه وهى بتضحك معاه مامتك تقوللي والله عشت وشفتك يابسمه وانتي بتضحكي امال لو كان حلو شويه كنتي عملتي ايه
اقولها بس ياطنط حيسمعوكي تقوللي ماهو بصراحه شكله عجيب كده مش عارفه مناخيره معووجه واللا بؤه فيه حاجه غلط بس مش المهم المهم ياخدها من ادامي ده انا مستعده اديله فلوس بس ياخدها ويمشي
بالهوي ياحسن لو كنت موجود انا كنت ماسكه نفسي بالعافيه وربنا
وكل مااقولله منور يااحمد
مامتك تقوللي ياكدابه ده نور اللمبه وبعدين تقولله كل ياحبيبي دي بسمه هى اللى عاملالك الاكل ده كله بايديها وانا وغلاوتك ياحسونتي اللى عامله كل حاجه موقفاني على رجلي طول النهار لما كسحتني وكل مااقولها تعبت منك لله ياسماح تقوللى اخرسي يابت انتى عاوزاهم يقولوا علينا بخلا واللا ايه
ومتقلقيش حديكي حمامايه وصوباعين كفته وانتي ماشيه
قلتلها لا انا مليش دعوة انا عاوزة حته من البطه قالتلي ماشي حديكي بس اشتغلي بلقمة عيشك
قلتلها و وعاوزة جاتوه تقوللي لا بقولك ايه الجاتوه ده من الغالي يادوب على اد الموجودين ابقي خدي من الجاتوه اللى هما جايبينه اقولك خدي العلبه كلها
حسن :ههههههه هههههه لا وربنا مش قادر انتى وماما حتموتوني من الضحك
ايمان :هى امك بس امال لو شفت ام احمد حتقول ايه طول مااحنا بناكل تحط الأكل فى بؤه وتقول هفتان ضعفان كل ياحبيبي وتبوسه من خده مش عارفين جايين يوحشوا بعض ادامنا واللا إيه
حسن :ربنا يخليكي لية يامنتي انتي عارفه ماما بتموت فيكي
ايمان :وانا بموت في ابنها ياللا بقى حسيبك شمس بترن علية من بدري
حسن :ماشي يامونى سلام ياقلبي
يغلق معها الهاتف فينصدم بوجودها امامه:ماسه خير فى إيه
إيه اللي جايبك فى الوقت ده حصل حاجه
ماسه :مالك ياحسن انت اتضايقت انك شفتني واللا إيه
حسن :لا طبعا انا مش مضايق ولا حاجه بس مستغرب الوقت اتأخر ازاي تنزلي لوحدك وايه اللى عرفك اساسا انى هنا
ماسه :أولا الوقت مش متأخر ولا حاجه وثانيا انا عارفه انك هنا
حسن :وانتي عارفه انى هنا منين وازاي
ماسه :عشان انا كل يوم بشوفك بالليل وانت قاعد هنا بتكلم ايمان فى التليفون انت بتحبها اوى كده ياحسن
حسن:انتي تقصدي ايه من سؤالك ده ياماسه هو فى ايه بالظبط
والله انا اللى ماعارفه فى ايه هو ايه اللى جاب دى دلوقتى فى البارت دى مكنتش فدماغي خالص ولا محضرة حتقول ايه يخرببيتك ده وقته
لا مش حينفع خالص التليفون حيفصل وجوزى اقسم بالله حيولع فية الراجل بقاله ساعه عاوز كوباية شاي وانا اقوله اصبر اصبر
عيني عليك ياجوزي والله صعبان علية الراجل ده
بصي خليكي بقى متلقحه كده ان شالله حتى تنشفى من الوقفه عالبحر تستاهلي بقى حد قالك تروحيله دلوقتى ده انا ياشيخه اللى بكتب الروايه اتفاجئت بيكي طب استذنيني حتى بدل مااقلب عليكي انا كمان
حقولكم سلام واشوفكم البارت الجاي احسن ايمان خلتني نفسي فى الجاتوه
حقوم لجوزي حبيبي الشاي واعمل صينية كيكه للولاد واكل نصها كالعاده لزوم الدايت واهي تبقى حاجه من ريحة الجاتوه هههههههه
على مااعمل الكيكه عاوزاكم تولعوا الفيس والواتباد بتعليقاتكم ارفعوا راسي ياجماعه فوسط الكاتبات انا بتباهى بيكم ياحبايبي اوعوا تتنطشوا حزعل وربنا واجيب ناس تزعل معايا ولو يخلصكم زعلي اعملوا اللى يرضيه عليه ضميركم
باي باي
😂😂😂😂😂😂😂😂😂😂😂😂😂😂😂
•تابع الفصل التالي "رواية شمس تتحدي الغيوم" اضغط على اسم الرواية