رواية شمس تتحدي الغيوم الفصل الحادي و الاربعون 41 - بقلم عبير سليم
الفصل الواحد والأربعون من رواية شمس تتحدى الغيوم
بقلمي :عبير سليم
🌺🌺🌺🌺🌺🌺🌺🌺
مايجب علينا أن نترك عقولنا التي ميزنا الله بها عن سائر مخلوقاته فريسه لأوهام تتمناها قلوبنا
فليس كل ماتتمناه القلوب تصلح لنا فما أكثر من موارد الهلاك التى اوردتها بنا القلوب
لم أقصد أن اتهمك ياقلب بأنك منبع الاهات والآلام بأنك مقصد للضياع والأحزان مورد للهلاك فى بحور الحياة
لا والله كلا وحاشا وانما يجب وضعك فى المكان الذي تستحقه
فمااجمل واعظم من قدراتك الخارقه عندما تؤلف بين حبيبين وبين قلبين فتصبح سيدهما تحركهما كيفما تشاء
ويصبح الحب عالمها الذى يدوران حوله وكوكبهما الذي يستقلان به خارج مجرة الحياة
ولكن عندما نجعل القلوب تتحكم بنا وتطغى على عقولنا وتريد التحرر من كل ما تأباه عاداتنا وتقاليدنا بل واخلاقتا وقيمنا ومبادئنا التي تربينا وكبرنا علينا
فما قيمة عقولنا اذن التى يجب ان تمنعنا عما اوقعنا أنفسنا فيه
وبم ستنفعنا قلوبنا حينما نقع فى يم عميق ياخذنا لابعد مكان حيث الظلمات التى لاتخرج منها سوى بخيبة الآمال
فيا الله وفقنا ووفق قلوبنا لما تحبه وترضاه
😥تتجه لبيت من ضحت من أجله بالدنيا ومافيها ظنا منها أنها قدنالت ماتمنت وحصلت على هدفها الذي ضحت من أجل الوصول إليه بأغلى الأثمان
تفتح لها سلمى الباب فتجدها أمامها :هاجر أهلا ياحبيبتى اتفضلي
تدخل هاجر وهى تبحث بعينها عن علاء :علاء فين ياسلمى
سلمى :شكلك كده فى أخبار حلوه
هاجربفرحه شديده :انا خلاص اتطلقت ياسلمى عصام طلقني خلاص
سلمى :ياااه معقوله بالسرعه دي
هاجر :عشان تعرفي بس غلاوة علاء عندي وتصدقي انا بحبه اد ايه انتي متعرفيش انا عملت إيه عشان يطلقني
سلمى :من غير ماتقولي ياحبيبتى واضح على وشك الظاهر انك اخدتيلك علقه سخنه
هو انتي متعودة كده كل ماتيجي تطلقي لازم تترني علقه الأول
هاجر :انتي قصدك ايه ياسلمى
سلمى :قصدي كل خير ان شاء الله تعالي ياحبيبتي اقعدي متقلقيش علاء جوة بياخد دش بس وجايلك مانتي عارفه بقى انه بيرجع من الشغل تعبان وهلكان طول النهار واقف على رجليه ياحبيبي وبيدخل عالحمام على طول
هاجر :أكيد حيفرح اوى بالخبر ده
سلمى :اكيد طبعا يا حبيبتي هى دى عاوزة كلام
يخرج إليهم وقد سمع صوتها وعلم بوجودها :مساء الخير
مالك ياهاجر ابه اللى عمل فيكي كده
هاجر :اهئ اهئ ضربني لما طلبت منه الطلاق
علاء :ازاي يضربك بالشكل ده
هاجر:اصله اتجنن اول ماقلتله انى مش عاوزاه نزل فية ضرب شفت ياعلاء عمل فية إيه
علاء :ياحبيبتى ياهاجر الف سلامه عليكي ولا يهمك ياقلبي بكرة لما نبقى مع بعض الفرحه اللى حتعيشيها معايا حتنسيكي اي ضربه ضربهالك وأى حاجه وحشه عيشتيها معاه
هاجر :انا متاكده ياحبيبي متاكده جدا من الكلام ده انا اصلا مش عاوزة حاجه غير اني ابقى معاك
علاء:طب وبنتك وحقوقك اللى عنده عملتي ايه فيها
هاجر :اتنازلتله عن كل حاجه
علاء :وحتى بنتك اتنازلتي عنها
هاجر :ايوة اتنازلتله عنها هو بيحبها اوى وحيعرف يربيها كويس
سلمى وهي تطبطب على صدرها لمواساتها:ايه ده ياهاجر هدومك مبلوله كده ليه
هاجر :اه ده لبن البنت اللى كانت بترضعه
قالتها بدون أى إحساس بالذنب تجاه هذه الرضيعه التي تبكي من شدة جوعها واحتياجها لأمها
فلقد شعر صدرها بالحنين لتلك الطفله وافاض لها رزقها علها تجده وتتذوق فيه طعم الحنان
ولكن القدر له رأي اخر فلقد كتب عليها ان تتذوق طعم الغدر وتتجرع كأس الاسى والقسوة من تلك التي جعلها القدر أما وهي لاتستحق ذاك
تذوفته من اقرب الناس إليها من أمها التي ضحت بها ولم تلتفت الى صراخها الذي كانت تصرخه وهى تكتب بايديها تنازلا عنها وتجري وتتركها وكأنها لا تساوي لها شيئا ولاتعني لها امرا
أى نوع من البشر انتي اللهم انا نعوذ بك من قسوة القلوب وجفائها
يشعر كل من سلمى وعلاء بنغزة فى قلبهما:مالهذه القسوة التى بلغت اقصى درجاتها
وتتحدث عيونهما بصمت :كيف لحال تلك الطفله الآن وهي تشتاق لصدر أمها تريد ان ترتوي من رزقها الذي منحه الله لها؟
يحاول علاء كتم غيظه حتى يحقق فيها مااراد وينتقم لنفسه ولطفلته ولعلاء وطفلته:يالك من امراة قاسية القلب تعدت بكى القسوة كل الآفاق
هاجر :انا حعمل ايه دلوقتي واحنا حنتجوز امتى ياعلاء
علاء :جواز إيه بس اللى بتتكلمي عنه دلوقتى ياهاجر
هاجر :انا مش فاهمه تقصد إيه هو مش احنا حنتجوز
علاء:مش لما تبقى قسيمة الطلاق فى ايدك واللا احنا حنتجوز من غير مايكون معاكي قسيمة طلاق
وبعد كده مش فى شهور عدة واللا انتي نسيتي دى كمان؟
هاجر :فرحتي اننا حنرجع لبعض نسيتني كل حاجه ياااه ياعلاء انا مش مصدقه نفسي معقوله انا وانت حنرجع لبعض
علاء:طب ياللا بقى ياهاجر عشان تروحي قبل الوقت مايتاخر أكتر من كده
هاجر :أروح اروح فين ياعلاء
علاء :عند خالك ياحبيبة علاء
هاجر :ليه هو انا مش حفضل هنا عندكم انا قلت اني حقعد هنا لحد مانتجوز
علاء:حبيبتى انا لو علية مش عاوزك تغيبي عن عينيه لحظه واحده ده انا ماصدقت لقيتك بس فى أصول مينفعش نتعداها خالك لازم يعرف باللي حصل ويكون على علم بيه
ولازم تفضلي عنده لغاية ماشهور العده ماتخلص وبعد كده بقى نتجوز على طول
هاجر :ايوة بس انا معملتش حساب خالص لموضوع خالي ده خالص طب انا حروحله اقوله إيه انا اتطلقت تاني ده ممكن يقتلني ياعلاء هو انت مش عارفه ده مفيش حاجه خليتني اتجوز عصام غير عشان اهرب من سجنه
وكمان حقولله اتطلقت تاني ليه وايه الأسباب علاء لا والنبي الله يخليك مترجعنيش عنده بص انا حقعد هنا لحد ماتخلص شهور العده ونتجوز وخالي لما يعرف مش حيقدر يعمل حاجه
علاء :هاجر انا عارف خالك كويس زى مانتي عارفاه ده راجل شراني وانا مش ناقص مشاكل فى حياتي وبعدين جوزك أكيد حيبعتلك ورقة طلاقك على بيت خالك وقتها هو حيعرف انك اتطلقتي والدنيا حتقوم مش حتقعد
بصي ياهاجر متخافيش انتي حتروحى تقوليله اى حاجه اخترعيله اي سبب ياستي هو انتي حتغلبي يعني ده انتي استاذه ورئيس قسم ومحدش يعرف يغلبك وطول مانا وراكي اوعي تقلقي او تخافي أبدا
هاجر :طب انت حتيجي امتى طيب تتكلم مع خالي
علاء :انتي بعد ماتوصلي وتتكلمي معاه بلغيني باللي حصل وانا مش حتاخر اقرب وقت حاكون عندكم
😍تخرج هاجر وداخلها خوف شديد من خالها الذي حتما سيعاقبها على طلاقها للمرة الثانيه تحاول جاهدة التفكير فى كيفية الخروج من ذلك المازق
بينما سرعان مايتصل علاء على عصام ليخبره بما حدث ويعلمه بما سيحدث:فهمتني ياعصام
عصام :انت متأكد ان خالها حيتصل بية ياعلاء
علاء :طبعا متاكد ياعصام بس زى ماقلتلك متقوللهوش حاجه ولو حاول يقنعك انك تروحله عشان يصلح مابينكم تقوله حاضر وبس وتبلغني بقى ونروحله سوى أن شاء الله
عصام :بس انا توقعت ان انا و انت اللى حتنتقم منها ياعلاء مجاش فبالي ابدا انك حتبعتها لخالها
علاء :انا لو علية كنت عاوز اقطعها بسناني واشفي غليلي وانا كفيل اني اعمل كده بس متنساش انها فى الاول وفى الاخر دي بنت عمي وبيننا صلة رحم انا مينفعش اتعدى عليها مهما حصل
و لأن كمان وقتها العيله حينسوا اللى عملوه ويفتكرولي اني جيت على دمي ولحمي
والاكتر من ده وده ان خسارة نضيع نفسنا عشان واحده زي دي
واطمن اوى العقاب اللى تستحقه حتنوله واكتر بكتير مما كنت تتخيل ياعصام
وكل ده حيكون بعيد عني وعنك وحيكون بأيد العيله نفسها اللى حتشهد على قذارتها وهما اللى حيجيبولنا حقنا احنا الاتنين منها وبكده أبقى حافظت على صلة الرحم على اد مااقدر وعملت اللي علية
عصام :بص هو انا شفت خالها ده كام مرة بس لكن معرفش انه قوي كده يعني متأكد انه حيساعدنا ننتقم متها
علاء:راشد خال هاجر ده قوي وقادر ومحدش يقدر عليه غير ربنا لكن فنفس الوقت حقاني وميحبش الظلم م ولاعمره ينصر المظلوم على الظالم ولو اتاكد بالادله انها هيا الظالمه عمرك ماحتتخيل هو ممكن يعمل فيها ايه ووقتهامحدش حيقدر يحوشها من بين ايديه
عصام :يارب ياعلاء يارب ياخدلي حقي انا وبنتي منها ويشفي غليلي انا جوايا نار منها عمرها ماحتهدى ابدا غير لما اشوفها مذلوله
علاء :حيحصل ياعصام حيحصل وبكرة تقول علاء قال
عصام :انا متشكر ليك اوى ياعلاء
علاء:اشكر ربنا ياعصام متشكرنيش وكفايه ياسيدي اننا اتعرفنا على بعض ومش بعيد نبقى صحاب كمان مش بيقولوا مامحبه الا بعد عداوة
عصام :وهو انت لسه مبقتش صاحبي ياعلاء ده ربنا وحده هو العالم انت بقيت عندي ايه واللى انت عملته معايا جميل فى رقبتي العمر كله انت عوضتني عن صاحب عمري اللى خسرته بسبب الحقيره دى
علاء:كل شئ حيتصلح ان شاء الله وكله حيرجع زى الأول واحسن
عصام :ان شاء الله ان شاء الله يا علاء
علاء :بس حتعمل ايه مع دارين بالليل لما تعوز تاكل ده انا فاكر سما الله يرحمها كانت طول الليل عاوزة ترضع
عصام :نيرة مصممه انها تاخدها عندها وانا حنزلها بيها اعدي عالصيدليه اجيبلها لبن صناعي واوديهالها هي حتعرف تراعيها اكتر منى ولواني مش عارف حعرف ابعد عنها ازاي ده انا اتعودت انها متبعدش عن حضني وطول الليل كانت بتبقى نفسها جمبي منك لله ياهاجر
علاء :معلش ياعصام بكرة تتعدل ان شاء الله ومحدش يعرف بكرة فى إيه
عصام :ان شاء الله بس تفتكر حتقولله ايه السبب في طلاقها
علاء :زمانها دلوقتى عماله تعيط وترسم عليه افلام وحوارات دي ممثله مع مرتبة الشرف عشان تبينله طلمك وقسوتك عليها وتلقيها بتقولله دلوقتى
😥اهئ اهئ اهئ والله العظيم انا يا خالي انا ماعملتله حاجه ده هو اللى ضربني وبهدلني طلقني ورماني
راشد :بقى هو طلقك كده من الباب للطاق انتي ايه حكايتك
الله يخرببيتك على بيت خلفتك السوده ماكل بنات العيله اتجوزوا وخلفوا وعايشين ومساويين امورهم وراضيين بنصيبهم
اللى بتقول انا احسن من غيري واللى تقول انا عاوزة اعيش واربي ولادي واللى تقول انا مش حخللي حد يضحك علية ويقول معرفتش تعيش اشمعنى انتي
اشمعنى انتي اللى كل شويه تطلقى ايه اتعودتي تتنقللي بين أحضان الرجاله واللا ايه
هاجر :لا ياخالي طبعا حضرتك بتقول ايه
راشد :بلا خالك بلازفت عليا الطلاق بالتلاته اما قلتي جوزك طلقك ليه لحكون مموتك في ايدي الليلادي ودافنك بايدي
هاجر وهي تمثل البكاء :بخيل علية اوى وبيعاملني وحش وكل شويه يضربني بسبب ومن غير سبب
راشد :بيعاملك وحش ازاي يعني مش ده بردو يبقى عصام اللى كان قاري فاتحتك وانتي فى الكليه وكان حيموت نفسه من الزعل لما عمك صمم يجوزك لابنه علاء ومش ده بردك اللى انتي جيبتيه لينا عشان يتجوزك يبقى ازاي دلوقتي بقي بيعاملك وحش
هاجر :معرفش بقى اهوه اللى حصل
يمسكها خالها من شعرهابقسوة:بقى متعرفيش طب انا بقى اللى حعرف يابت اختي
هاجر :اه شعري ياخالي سيبنى
خالها:اسيبك ده انا حنقطعك ونرميكي للكلاب تاكل من جسمك بس لما اعرف الحكايه بالظبط
ثم ينادي باعلى صوته:ياام حسام انتي ياام حسام
زوجته :ايوة ياحاج اؤمرني ياابن عمي
راشد :خدي البت دي جوة واياكي تغيب عن عينيكي لحظه واحده لغاية اما اعرف حكايتها ايه بالظبط
ام حسام :تعالي يابتي اما نشوف اخرة عمايلك دي حتوديكي وتودينا فين معاكى
هاجر:انتوا حتحبسوني واللا ايه يامراة خالي
ام حسام :اسكتي خالص انتي ليكي عين تتكلمي خليكي بقى هنا لغاية اما نشوف خالك حيعمل ايه
تخرج ام حسام وتتركها فتتصل سريعا على علاء:ايوة ياعلاء تعالى الحقني بسرعه الله يخليك
علاء:هو ايه اللى حصل عندك
هاجر :خالي حبسني فى الأوضة ومعرفش ناوي على إيه
علاء :متخافيش ياحبيبتى بكرة حكون عندك
يغلق معها الهاتف فيجد اتصالا من عصام:ايوة ياعصام ايه الاخبار
عصام :راشد خال هاجركلمني وعاوزني بكرة ضروري
علاء:تمام اوى يبقى بكرة ان شاء الله انا وانت وسلمى اختي حنكون عنده بعد ماتخلص الشغل أن شاء الله
😥😥😥😥😥😥😥😥😥
تشرق الشمس لتعلن عن ميلاد يوم جديد يبعث الأمل والتفاؤل في قلوب البعض ويكون سببا فى الخوف والقلق فى قلوب الآخرين
يستيقظ من نومه على صوت حبيبته :صباح الفل يا قلبي
يزيد :صباح الياسمين ياقلب يزيد
عليا :ايه ده
يزيد :مالك ياحبيبتى فى حاجه
عليا :لا ياحبيبى بس حسيت بحاجه اتحركت كده الظاهر ولادك بدؤا يتحركوا هههههههه
يزيد :بجد هههههههه ربنا يجيبهم بالسلامه يارب والاهم من كده ان مامتهم القمر دي تقوملنا بالف سلامه
عليا :ان شاء الله يا حبيبي طول ماحبك مالي علية حياتي بالشكل ده اكيد ربنا حيديني القوة عشان اقوم بالسلامه
يزيد :يارب ياحبيبتى يارب
ياللا بقى انا حقوم احسن اتاخر عن الشركه
عليا وهى تقوم هى الاخرى:وانا كمان حقوم وانزل معاك
يزيد :حبيبتى خليكي مستريحه عشان متتعبيش
عليا:حبيبي انا راحتي فقربك
يزيد وهو يقبل يديها :ربنا يريح قلبك ويخليكى لية يارب
بعد مرور القليل من الوقت ياخذها من يديها وينزلان فيجدان الكل متجمع على مائدة الافطار
يزيد :بسم الله ماشاء الله ايه التجمع ده عالصبح يكونش فى اجتماع عائلي واللا حاجه
على:ههههههه طب قول صباح الخير يابني
يزيد :صباح خير ايه بقى ده انا اقول صباح الحب ماشاء الله كل اتنين بياكلوا بعض شمس بتاكل عمر وماما بتأكل بابا وانت مروة بتحشرلك البيضه فبؤك ده حتى الكابتن الصغير بتاعنا بيأكل صحبة السعاده الاميرة عشق
هو فى ايه عالصبح قاعدين عمالين تحبوا فبعض
شاكر :هههههههههه ماتسيبهم يايزيدبلاش تبقى من قطاعين الأرزاق
على :يارب مايجعل لنا جار ليه عينين
يزيد وهو يسحب الكرسي لعليا لتجلس عليه ويجلس بجوارها:طب قللي ياابو العينين يعني انت جايب مراتك وابنك عالصبح ونازلين اكل
والاساتذه دول كمان قاعدين يأكللوا فبعض والمفروض ان فى شغل كتير فالشركه مين بقى ان شاء الله اللي حيشوف الشغل ويراجع على شغل امبارح
عمر :خدي دي من ايديا ياقلبي
شمس :مش قادرة والله ياعمور شبعت
عمر :شبعتي ده ايه لابصي انا عاوزك تقلبظي كده شويه عاوزك تبقي كيرفي ياقلبي
يزيد :هو انا مش بكلمكم محدش بيرد ليه مين دلوقتي اللي في الشركه بيراجع على شغل امبارح حد يرد علية
عمر:انا مش عارف انت معصب نفسك كده ليه عالعموم اطمن ايمان وسيف متلقحين هناك بيراجعوا الشغل
يزيد :ايمان وسيف اللى بيراجعوا الشغل والله العطيم تلاقيهم ماسكين فخناق بعض دلوقتى
علي : متقلقش خالص ده انا مروق الجو بينهم عالاخر والشغل بينهم بقى بيتم فى جو يسوده الهدوء والراحه والطمأنينه وبقى شعارهم دعنا نعمل في صمت
يزيد :بقى الشغل بين سيف وايمان بقى بيسوده الهدوء والطمأنينه وصمت كمان طب اتفضلوا قدامي كلكم اشوف الصمت اللي بتقولوا عليه ده
هاله :بس انت ملحقتش تفطر ياحبيبي
عمر :بيفطر فى الشركه ياماما متقلقيش عليه البت منى السكرتيرة بتاعته على طول بتجيبله كيك وحلويات ومظبطاه عالاخر خدي بالك بقى ياام عشق هاه
عليا وهى تحتضن يزيد :بألف هنا وشفا على قلبك ياحبيبي
يزيدوهو يخرج لسانه له :هههههههه مكسوفلك والله شكلك وحش أوي
عمر :اهئ اهئ شفتي ياماما بيضحكوا على ابنك حبيبك ازاي
هاله :لا ياحبيبي دول يهزروا معاك محدش فيكم يضحك على عمر ده الصغير بتاعنا ياولاد
مروة:نعم صغير ده ايه انا الصغيرة مش هو
هاله:عديها يامروة عشان خاطر عمورة ميزعلش
عمر :طول مانتي جمبي محدش يقدر يزعلني ابدا انا معايا حصانه فى البيت ده محدش يقدر يقرب مني
يضحك الجميع فى جو يملؤه الحب والسعاده
فيدعو شاكر الله بدوام السعاده فى حياتهم وينظر تجاه عليا والدموع تملاء عينيه ويدعو لها الله ان ينجيها من كل سوء
ولكن فى نفس الوقت قلبه يرقص من السعاده من التغير الجذري فى علاقة عمر بهاله
عليا :بس قللي بقى ياحبيبي الكيك بتاعها حلو
يزيد :بصراحه تحفه البت منى دي حلوانيه من الدرجه الأولى
عليها شوية حاجات حلوة بتعملها تخليكي لازم تاكلي متقدريش تقاومي ابدا
على :عارفه يالولو لما بيكون فى شغل كتير او صفقه ونتفق قبلها بيوم اننا حناكل كلنا سوى
منى تتبرع انها هى اللى حتعمل الحلويات بصي بجد ملهاش حل كلي من ايديها احلى كيكات اشكال والوان وتورتات وساليزونات بجد تحفه وربنا
عليا :لا انتوا شوقتوني بقى أدوق انا كمان
يزيد:حبيبتى انتي ناسيه الحلويات اللي كانت جيباها معاها لما جت بعد حادثة انس هي وجوزها
عليا :اه فاكرة طبعا دي كانت حلوة اوي انا اكلت منها
يزيد :ماهي اللى كانت عاملاها
عليا:لا وربنا بتهزر مش معقوله طبعا دي أكيد شارياها
يزيد :لا والله هي اللى عملاها بايديها وبتعمل احلى من كده كمان
عليا :دي المفروض تفتح محل حلويات،على كده
علي:يعني انت سايبنا وافقين وانت عمال تحكي مع عليا ياللا بينا
يقبل عليا ويلقي عليهم التحيةويخرج
يدخلون جميعهم الشركه عمر وشمس ويزيد وعلي
يزيد :انا حعدي الأول على مكتب إيمان اشوف الوضع عندها إيه
عمر:انت قلقان ليه بس مش علي قالك عالجو الهادي اللى بيشتغلوا فيه
يزيد وهو يفتح باب المكتب عليهم :اشوف بعيني
فتعمى عيناه عن الرؤيه وهو يجد احد الملفات ملصقا فى وجهه :اه عيني
إيمان :يالهوي البشمهندس هى جت فيك ياباشا حقك علية يابرنس والمصحف مااقصدك انا كنت اقصد البني آدم ده
علي:ههههههه شفت بعينك بقى عشان لما اقولك حاجه تصدقها
يزيد :حسبي الله ونعم الوكيل هاتي شوية ميا من قدامك
إيمان :خد ياباشا اقولك تعالى انفخلك فعينك وهي تخف على طول
علي :طب ماتيجي تنفخيلي انا ياايمان انا حاسس ان عيني وجعاني انا كمان
يزيد :بس بقى تهريج انا عاوز اعرف هو فى ايه وايه الملف ده اللى اتحدف فوشي هو ده مكتب واللا حضانه
وهو ده الجو الهادي اللي بيشتغلوا فيه ياسي علي
سيف :بص يابشمهندس وربنا ايمان دي مفتريه علية طب هى واحده صحتها مساعداها وممكن تشتغل اربعه وعشرين ساعه انا واحد صحتي على ادى وعاوز احافظ عالحبه الباقيين اتجوز بيهم
يزيد :فى ايه ياسيف هببت ايه تاني
سيف :وربنا يابشمهندس خلصت معاها كل الاوراق المطلوبه فمشروع الساحل ولسه بقولها حروح بقى اشربلي حاجه راحت مبهدلاني وقالتلي انت مش نافع انت شبه العيل اللى بيهرب من المذاكرة وبيتحجج بالاكل عشان يزوغ وبتحلف علية اشتغل شغل تاني
طب هي تحلف علية ليه انا خلصت شغلي
إيمان وهي تصفق:برافو برافو عليك ممثل عبقري وربنا ده بيبالغ يابشمهندس ده شغله اللى بيقول خلصه انا مخلصه فيه اكتر من نصه وهو عمال يحب فى التليفون وانا اقول معلش يابت عديها تعالي على نفسك ده حيشلني حيرفعلي الضغط واول ماخلص قال عاوز يشرب حاجه
يزيد :لا الشغل بالمنظر ده مش حينفع الاتنين دول مش نافعين مع بعض
دول شغلهم ينفصل عن بعضه وماشوفهمش فمكان واحد تاني حيفضحونا الله يخرببيتهم
سيف :لا خلاص والله يابشمهندس اخرمرة مش حنعمل مشاكل تاني صح ياموني
يزيد:صبرني يارب هو مش انت لسه بتشتكي منها
سيف :اشتكي متها اه ابعد عنها لاء
على :اه ماهو القط مبيحبش الا خناقه
عمر وشمس :هههههههه مجانين وربنا
إيمان :عاوز تشتغل معايا يبقى من غير مااسمع صوتك واللى اقوله يتنفذ
سيف :حاضر وربنا على راسي ياباشا
يزيد :على راسي ياباشا الله يخرببيتك عديتي الشركه كلها
انا رايح المكتب تجيبيلي الملفات وتحصليني حالا
ايمان وهى ترفع التحيه:تمام يا افندم
ثم توجه كلامها لسيف :اقعد اتلقح ادامي عاجبك كده الراجل عينه كانت حتروح
سيف :مش انتى اللى حدفتي الملف عشان تعرفي بس اني مظلوم
تاخذ الملف من أمامه :جتك الهم كانت معرفه سوده
تترك المكتب وتتجه ليزيد بينما يتحدث اليه عمر:سيف انا ملاحظ ان فى شد بينكم دايما ماتبعدوا عن بعض فى الشغل احسن والله لمصلحتكم ومصلحة الشركه
سيف :لا طبعا ياسيف ده كل ده هزار مش اكتر وانا مبعرفش اشتغل غير مع ايمان
عمر :اشمعنى يعني
سيف :جدعه اوى معايا انت عارف تبان جامده عليا وكل شويه تبهدلني اه بس شايله عني كتير والله وجمايلها علية متتعدش
دايما عامله حسابي معاها فى الفطار تقوللى كل انا عارفه انك متلقح عايش لوحدك يارب تتجوز بقى عشان عهد تشيل عنى
وبرغم انها بتزعقلي عشان الشغل بس والله هى اللى بتداري علية عشان امشي واروح لعهد وبتكمللي معظم شغلي اه بتتنرفز وتتعصب وتزعق وبتشتكيني كمان ليزيد انا عارف
ماهى بعد مابتروح تشتكيني ليكم تيجي تقوللي اه وربنا بزمتك فى نقاء كده لا بصراحه البنت دي ملهاش حل كوكتيل كده غريب معموله بطريقه مشوفتهاش قبل كده حاله خاصه متتكررش مرتين
عندها كل حاجه والعكس فنفس الوقت عشان كده انا مقدرش ابعد عنها ابدا
عمر :هههههههه طب اشبعوا ببعض بقى وتستاهل كل اللى بتعمله فيك يابرنس
شموستي انتي مش بتتكلمي معانا ليه
شمس :لا ياحبيبي بس عندي شوية تصميمات تخص مشروع الساحل عاوزة اجهزها
عمر :طيب انا عندي فمكتبي شوية شغل حروح اخلصه
شمس :ماشي ياروحي
😍😍فى مكتب يزيد تتحدث الى منى
منى :متعرفيش البشمهندس ماله ياايمان
ايمان:ماله ازاي يعني مش فاهمه
منى :عينه وهو بيصبح علية شوفتها مدمعه هو كان بيعيط واللا ايه
إيمان :اه بيعيط من فرحته بية انا وسيف بت انتي اطلعي من دماغي عالصبح وانتى بتفطريه يامنونتي ابقى اعرفي ماله
منى :بفطره ايه يا جذمه هي حتة الكيك اللى بحطهاله مع الشاي بقت فطار
يزيد :بالنسبه لنا لاء طبعا لكن بالنسبه للبشمهندس اه طبعا
بس بصراحه يابت يامنى الكيك بتاعك تحفه بتعمليه ازاي يامقصوفة الرقبه
منى:وانتي خارجه حكتبلك المقادير بس ده لو كان ليكي نفس يعني
ايمان :اشمعنى بعني يااختي
منى:مش كل مرة تطلعي من عنده متهزءه
إيمان :بت انتي انا بحبك متخلينيش اقلب عليكي انا محدش يقدر يهزاني اه
فتسمع من خلفها :هو مين ده اللى ميقدرش يهزاك ياهانم
إيمان :لا ياباشا ده انا كنت بعطس
منى :صوتك الجرس ده حيوديكي فداهيه ههههههههه
ايمان:اتنيللي اكتبيلي طريقة الكيكه ياجذمه عجبك كده
منى :ماشي حكتبهالك تحفه وربنا هههههه
تدخل ليزيد بالأوراق :انا اسفه وربنا يابشمهندس هى عنيك لسه واجعاك
يزيد :غسلت وشي والحمد لله بقت أحسن هاتي الاوراق دي اشوفها
إيمان :احم احم
يزيد :خير ياهمي الكبير فى ايه
إيمان :بص هو يعني حقولك بس خايفه منك
يزيد :والنبي ياايمان ماتقولي اجازة
إيمان :شفت اديك ظلمتني اهوه والله مالية دى لسيف
يزيد :مش فاهم هي ايه دي اللي لسيف
ايمان :الاجازة
يزيد :ايمان انتي عاوزة تشيلليني صح كده
إيمان :الف بعد الشر عنك وربنا مااقصد اشيلك
يزيد :هو انتي مش لسه مبهدلاه دلوقتى اجازة ايه اللي جايه تطلبيهاله دي
ايمان :اصل الواد عاوز ينزل ينقي الموبيليا بتاعته هو واخوه والمزز ويعني انا قلت
يزيد :مايروحوا وانا مالي والشركه مالها
تطرق الباب وتدخل وهى تضحك وتضع امامه الكيك والشاي:اتفضل يابشمهندس ههههه
يزيد :شكرا يامنى تاعبه نفسك دايما وربنا
منى:تعب حضرتك راحه يابشمهندس يارب تعجبك بالف هنا
يزيد :انتي اي حاجه منك حلوةياموني ربنا يخليلك ولادك يارب
منى :ويخليك لينا يابشمهندس
إيمان :ياحلاوة ياولاد شوف ازاي طب اقوم انا بقى واجي وقت تاني واللا تحبوا اطلبلكم اتنين ليمون احسن
يزيد :هههههه مالك بس ياموني
إيمان :لاء، موني مين بقى الهانم دي هي اللى بقت موني انا خلاص راحت علية
يزيد :انتوا الاتنين موني ياقمر
ايمان :ولما هو احنا الاتنين موني اشمعنى بقى البت منى تكلمها بالراحه وبصوت واطى وحنيه وانا كل مااكلمك تفرج علية امة لا اله الا الله هو انا بنت البطه السوده يعني واللا اكمني غلبانه ومبردش
منى:ههههههههه ياعبيطه اللى بيحبك بيناغشك والبشمهندس بيحبك عشان كده بيحب يهزاك قصدي يناغشك صح يابشمهندس
يزيد :صح الصح يامنى
منى:ههههه ايمان انا مستنياكي برة وتخرج من المكتب وتغلق الباب خلفها
إيمان :حلو الكيك بتاع منى صح
يزيد :قومي ابت شوفي شغلك مفيش اجازات لحد غير لما كل الاوراق والتصميمات تخلص هو لعب عيال واللا ايه
إيمان :طب بص بالراحه اهوه فرحهم قرب ياباشا ومحتاجين يومين يلفوا عالموبيليا حرام بردو نديله اليومين واوعدك انا حخلصله شغله
يزيد وهو يشرب الشاي :هو اللى طلب منك تقوليلي
إيمان :وربنا ابدا هو اصلا يجرؤ، يطلب منى طلب زى ده وانا لسه مهزاه بس انا حسيت وانت عارف احساسي عالي ومرهف وهو ده اللى موديني فداهيه
يزيد :هو كل مواليد برج الجوزاء مجانين زيك كده وكل ساعه فحال
إيمان :اه وربنا كلنا مجانين رسمي طب اقولك حاجه فسرك بس اوعى تقول لحد احسن وربنا ازعل منك
يزيد :عيب عليكي قولي وسرك فبير
إيمان :عارف عبير سليم
يز:مين عبير سليم دي
إيمان :يالهوي عليك مش عارف بيرو اللي بتكتب ام الروايه اللى مش عارفه تخلصها دي اللى احنا بنمثل فيها
يزيد :اه طبعا يخرببيتك نسيتيني مالها
إيمان :جوزائيه زيي واقسم بالله مجنونه اكتر مني وهي السبب فجناني ده
يزيد :قولتيلي بقى وانا اقول انتي طالعه مجنونه لمين اتاريكي طالعالها بقى
إيمان :شفت بقى انك ظالمني وبيرو هى السبب
💜بقى كده ياموني تفضحيني ا
•تابع الفصل التالي "رواية شمس تتحدي الغيوم" اضغط على اسم الرواية