رواية شمس تتحدي الغيوم الفصل الثالث و الاربعون 43 - بقلم عبير سليم

 رواية شمس تتحدي الغيوم الفصل الثالث و الاربعون 43 - بقلم عبير سليم 

الفصل الثالث والأربعون من رواية شمس تتحدى الغيوم

بقلمي :عبير سليم

🌺🌺🌺🌺🌺🌺🌺🌺

يقول الله تعالى فى كتابه الكريم

 "واذ قال ربك للملائكة إنى جاعل فى الأرض خليفه قالوا اتجعل فيها من يفسد فيها ويسفك الدماء ونحن نسبح بحمدك ونقدس لك قال اني اعلم مالا تعلمون"

                  صدق الله العظيم

صدقت ياالله ياعلي ياعظيم يالطيف ياخبير فمن نحن لنكن على علم بما تعلمه فأنت خالق هذا الكون بما فيه من ملائكه وجان من بحار وانهار من جبال واراض

الملائكه مخلوقون من نور مفطورون على الطاعه لله رب العالمين لا يعصون لله أمرا يسبحون بحمد ربهم بكرة وأصيلا

ولذا وقتما اعلمهم العلي العظيم بخلق الإنسان لم يقولوا عنا غير اننا نفسد فى الأرض ونطغى ونظلم ونقتل وننشر الفساد

الهذا الحد فسادنا يعلمه أهل السماء قبل أهل الأرض

الهذا الحد أبت الملائكه أن نكن خلق الله وخلفائه فى الأرض لسبق معرفتهم بطغياننا وكفرنا وكثرة معاصينا

الهذا الحد معروفون من القدم بفسادنا وانحلال اخلاقنا

لما هذا لما لانرضى بنصيبنا لما نسع دائمآ لأخذ مافى يد غيرنا

الم يسمعوا هذا القول(ارض بما قسمه الله لك تكن أغنى الناس)

ولكن كيف لهم ان يرضوا وقد سيطرت عليهم شياطينهم وتمكنت مهنم حتى أصبحوا عبيدا لشهواتهم

التي يحللون لنفسهم الوسائل التي يصلون بها الى غاياتهم

يخططون وينفذون خططهم الشريرة يسعون فى الأرض فسادا وهم موقنون بأنهم سيحققون مايسعون إليه

ينسيهم شيطانهم ان هناك عين تراقبهم ترونهم لا تغفل عنهم وانهم مهما بلغت تدابيرهم لن يفعلوا الا ماقدره الله للبشر

فقد كتب كل شئ فى اللوح المحفوظ منذ القدم ولن يستطع احد تغيير القدر فاللهم اجعل لنا من القدر مايوفقنا لطاعتك يا رب العالمين

😥نائمه على فراشها فقد غفت عينها دون اراده منها فقد كانت تود و تسعى إلى ان تنتظر عودته وترحب بقدومه ولكنها رغما عنها استسلمت عيناها للنوم بعد يوم شاق ما بين العمل بالشركه والاطمئنان على خالتها

وها هي ألان ترتدي ثوبا احمر حريريا يبرز جمالها الهادئ موقده نورا خافتا يبعث فى نفسها الطمأنينه أثناء غياب عاشقها

 تبتسم وهى نائمه لاحلامها الجميله التي تجمعها بحبيبها الذي أرسله القدر لها والذى اصبح لا يفارقها لحظه واحده فى يقظتها ومنامها

تستيقظ من نومها واحلامها فجأة على صوت نحيب بصوت هادئ بجوارها ولكنها سرعان ما تدرك انه ليس حلما وانما واقعا

تفتح اعينها لتجده جالس امام الفراش يفترش الأرض على ركبتيه يبكي بصوت ضعيف كالاطفال فى ايام ولادتهم الأولى

 يحرك جسدها بحركه خفيفه لايقاظها من نومها

ينتفض قلبها من القلق والخوف عليه او على ان يكون قد حدث مكروه لعليا تقوم من على الفراش وتاخذه بيديها وتجلسه بجوارها وتجلس هى مكانه ارضه عى ركبتيها

ترفع وجهه بايديها فتجده لايقدر على النظر فى وجهها يبعد عيناه عنها لا يريد ان تتقابل اعينهما

مما اصاب شمس بالخوف والفزع:حبيبي مالك ياعمر فى ايه اوعى تقول ان عليا حصللها حاجه

عمر بصوت مختنق لا يخرج من الجوف : لاء عليا كويسه

شمس :طب فى ايه حد حصلله حاجه اتكلم ياعمر الله يخليك

عمر :كلهم بخير اطمني

شمس :امال مالك فى ايه حصل ايه مالك يا عمر اتكلم انا اول مرة اشوفك فى الحاله دى

يبكى عمر ولا يتحدث بكلمه

تهزه شمس بقوه:عمر الله يخليك رد علية فى ايه انا قلبي حيقف من الخوف اتكلم ياعمر اتكلم هى الساعه كام

الساعه تلاته ايه اللي اخرك ده كله انت كنت فين ياعمر وايه اللى حصل وليه راجع بالشكل ده

في ايه وايه اللي حصل طمني عليك انت بخير صح قول ان انت بخير

عمر:معرفش معرفش ياشمس معرفش فى ايه ولا ايه اللى حصل معرفش

شمس :يعني انت جاي البيت الساعه تلاته الفجر وبتصحيني وشكلك متبهدل كانك طالع من خناقه وبتعيط وتقوللى معرفش ايه اللى حصل

امال إيه اللي تعرفه يخليك فى الحاله دي

عمر ياحبيبي متموتنيش عليك ياعمر كله الا انت ياحبيبي ده انا مليش غيرك ده انت اللى لية فى دنيتي اتكلم ياعمر ابوس ايدك انطق اتكلم قللي فى إيه وليه انت فى الحاله دي

اتكلم بقى

عمر :شمس انا انا

شمس:انت ايه اتكلم انت إيه فى ايه حصل إيه 

عمر:انا خن خن خنتك ياشمس

😥ماهذه الكلمه التى نطقها بفمه لا لا بالتأكيد ماسمعته اذناي ليس حقيقه انما هو الحلم الذي كنت احلمه ولكن كيف ان يكون حلما وقد كنت  الان فى دنيا جميله عالم خاص ليس به سوانا أعيش فيه أجمل لحظات الحب نختلس من الزمن ماسرقته منا الأيام 

ولكن ماهذا الذي سمعته اذناي الآن ماهذه الكلمه التي نطقها من عشقه الفؤاد وأصبح يثق به ثقه عمياء

عن اى شئ يتحدث خيانة

لا لا بالتأكيد هناك خطأ ما. ولكنه بالفعل قالها وهي سمعتها

😢شمس:انت خنتني ياعمر لا مش ممكن مستحيل انا استحاله اصدق ان عمر جوزي حبيبي ممكن يكون خاني خان شمس حبيبته شمس اللى بتعشقه اللي مفيش فحياتها ودنيتها غيره 

صح ياعمر صح ياحبيبي انت قلت ايه دلوقتي انا مش عارفه هو انت قلت ايه ياعمر قلت ايه عيد اللى قلته كده تانى

عيده تاني ياعمر انت خنتني خنتني انا خنت شمس مراتك حبيبتك طب ليه ليه ياعمر ليه ومع مين ياعمر مين دي اللى ممكن تخللي عمر يخونى معاها

كانت تتحدث اليه وهي تهزه والدموع تتساقط بغزارة من عيونها لا تقدر على ايقافها فالامر خرج عن سيطرتها

فلم يتخيل عقلها أن تسمع ماسمعته فى يوم من الأيام

كان عمر لا يرد عليها كأنه تائه لايدري اين هو لا يستطع الرد بكلمه شفتاه ترتعش بشده لايدري مايحدث حوله لايعلم بما يجيبها

😥جرت على الحمام وضعت راسها تحت صنبور الماء جعلت الماء يتخلل كل راسها رفعت راسها لأعلى واخذت تغسل وجهها مرارا وتكرارا ترمي الماء على وجهها تريد ان تفيق نفسها مما حل بها من اوهام وتهيؤات قد تودي بها الى موارد الهلاك

خرجت سريعا من الحمام لعلها لاتجده امامها لعلها تكون قد كانت تحلم  وماحدث الآن ليس له أساس من الصحه انما هى مجرد أحلام

خرجت تنظر وتتمنى وتأمل الا تجده أمامها وانه لم يعد بعد حتى الآن لعلها تصدق ان ماسمعته ليس حقيقه وانما حلما لا لا بل كابوسا كابوسا لم تتصور ان يزور احلامها فى يوم من الأيام فهل يعقل ان يتجسد ويصبح واقعا ملموسا أمامها 

ولكن للأسف انها خرجت فوجدته جالسا على نفس هيئته لم يتحرك بعد جلست امامه والدموع تنهمر من عينيها تتوسله تترجاه تستعطفه ان يقول لها انه يمزح معها وان ماقاله منذ قليل كان دعابه ليس اكثر

😥بتهزر صح انت بتهزر معايا صح بطل بقى ياعمر ايه الهزار اللي دمه تقيل ده يعني عشان انت عارف انى بعشقك وقلبي مش حيستحمل كلمه زي اللى قلتها دى تقوم تضحك علية كده ومتلاقيش غير الهزار البايخ ده

طب اختار اى حاجه تانيه تهزر بيها معايا وانا حصدق لكن الا دي ياعمر انا مقدرش أقبل هزار فى حاجه زى دي

كان عمر لا بتكلم فقط يبكي لا يعي مايحدث ليس لديه ردا عليها 

شمس وهى تلمس وجهه:عمر ماتعيطش ياحبيبي اوعى تفتكر اني ممكن اصدق انك خنتني لا مش ممكن ده انا لو شفتك بعنيه وانت قلتلي كدب معملتش كده حكدب عينيه واصدقك ياعمر حصدق قلبي قلبي حصدقه أكيد 

قلبي اللى حبك ووثق فيك اكتر من اى حد فى الدنيا متأكد ان عمر ميعملش كده ابدا مش ممكن يخون شمس لو اتحطت قدامه كل ستات الدنيا صح صح ياعمر

 قول والنبي رد علية ياعمر وحياة شمس عندك قول انك بتهزر معايا قول بقى ياعمر قول بقى انك بتهزر قول انك بتكدب قول قول قول انك مخنتنيش قول انك مجتش قول ان مش انت اللى قاعد ادامي قول ان كل ده مش حقيقه كدب كدب قول انه كدب  اتكلم اتكلم قول

نطقت اخر كلماتها وهي تضرب بيديها على صدره بكل قوة

نهضت مرة اخرى ووجدت نفسها تمسك السكين الموضوع فى طبق الفاكهة أمامها وصوبت السكبنه نحو قلبها

وديني وايماني لو ماقلتلي ان  اللى انت قلته ده كدب لحكون مموته نفسي ياعمر

يرفع وجهه إليها فينخلع قلبه على حبيبته كيف لها ان تنهي حياتها التى وهبته الحياة كبف لها ان تختفى من الوجود هى من اعادت له النبض من جديد

يجري عليها ليأخذه منها:متقربش ياعمر لو قربت مني خطوة واحده حموت نفسي ياعمر

عمر :وتهون عليكي نفسك ياشمس تهون عليكي نفسك تقتليها

😢شمس :زي مانا هنت عليك وخنتني ياعمر😢😢  انا راهنت عليك قلبي وعقلي  ودنيتي راهنت عليك الدنيا كلها

راهنت عليك حياتي اللى سلمتهالك بايدية وقلت عمر مش زي اى حد وثقت فيك وللأسف خسرت الرهان ياعمر خسرته خلاص 😢

قلت انت عوضي اللى ربنا عوضني بيه بعد كل اللى حصللي تيجي كده بسهوله وتهد كل ده فلحظه مستني مني ايه

أعيش تاني ليه كفابة بقى اللى بيحصللي كفايه بقى

يحرك السكين نحو قلبه:اقتليني اقتليني انا باشمس اقتليني انا اللى استاهل الموت مش انتي انا اللى خنت مش انتي اقتليني اقتليني وريحيني

تقع السكين فى الارض فما كان منه الا ان وجد نفسه ياخذها فى احضانه ويبكيان بقوه يبكيان هما الاثنان بقهرة لم يشعران بها من قبل

عمر وهو يرفع وجهها بايديها:والله ماعارف ده حصل ازاى ولا امتى ولا انا مافاهم حاجه

شمس :يعني ايه مش عارف ليه اغتصبوك وانت مش حاسس واللا كنت نايم

ومين دي مين دي ياعمر اللي انت عملت معاها كده مين ياعمر مين اللى قدرت تاخدك مني

عمر:مياده

شمس:مياده اللي فى الشركه

عمر:ايوة ايوة ياشمس هى مياده

شمس :وده حصل امتى وفين وازاي

عمر :مش عارف اقسملك بالله العظيم ماعارف ولا فاهم حاجه ولا قادر أصلا استوعب اللى حصل 

تجلس شمس ارضا تحتضن ركبتيها تبكي بكاء مريرا

تبعده عنها تركله كلما تقدم نحوها كان يستعطفها بكل كلمه ممكن ان تقال  ولكن كيف لامراة فى مثل هذا الموقف ان  تغفر وتصفح وتسامح

ابعد عني ابعد عني سيبنى لوحدي مش عاوزة اسمع اى كلمه تانيه مش قادرة اسمع اى حاجه ابعد عني والا وربي حرمي نفسي من البلكونه

كانت تتحدث وهي تضع اصابعها فى اذانها فهي لم تعد قادرة على سماع اكثر مما سمعته يكفيها ماتفوه به فمه

عشان كده عشان كده ياعمر ماكنتش عاوزني ارجعلك عالشركه صح عشان كده اكدت علية انى اروح البيت صح صح واللا انا غلطانه طبعا عشان الجو يخلالك انت والهانم وفين فى الشركه واللا ياترى روحتوا مكان تاخدوا فيه راحتكم

عمر:انا والله العظيم ابدا انا قلتلك كده عشان خفت عليكي تيجي لوحدك يتحدث وهو يحاول الاقتراب منها

شمس :ابعد عني متلمسنيش

عمر :حاضر حبعد عنك حاضر بس اوعديني انك متبعديش عني متسيبينيش ياشمس انتي وعدتيني انك مش حتسيبيني وعدتيني انك حتتحدي معايا اى غيمه تقف فى طريق سعادتنا صح ياشمس

اعملي فية اللى انتي عاوزاه حستحمل اى عقاب بس وانتي معايا قدام عينبه ياشمس

انا بحبك ياشمس بحبك

شمس وهي تبكي بانهيار وتكاد أنفاسها ان تختنق ولا تقدر على الكلام:كداب  ياعمر انت كداب كداب اللى بيحب مبيخونش ياعمر ابعد عني ياعمر من فضلك ابعد

تظل جالسه مكانها لا يتحرك لها ساكن لاتشعر باي شئ عقلها متوقف تماما عن التفكير تتخيله وهو فى احضان غيرها تراه كيف يقبلها وكيف يضع عليها لمساته كيف يتنفسها مثلما يحدث معها هي

يمر الليل بطيئا كأنه سنوات طوال لم يشعر بهم احد فالكل يشغله التفكير بعاليه

غفت عيناه قليلا رغما عنه لم يعرف كيف ومتى فلم يعتقد لثانيه واحده  انه يقدر على النوم

ولكن شاء له الله أن يريح عيناه ولو قليلا يريح عقله من التفكير الذي سيودي به حتما الى الجحيم

يفتح عيناه فجاة فيجد نفسه على الفراش بملابسه

 بحث عنها بعينيه فلم يجدها امامه وجد المكان الذي افترشته ارضا خاليا منها

 قام سريعا فتح الحمام خرج خارج شقتهم اخذ يبحث عنها فلم يجدها نزل للأسفل سريعا وهو ينادي:داده فاطمه ياداده

فاطمه:صباح الخير ياحبيبي

عمر :صباح النور ياداده مشوفتيش شمس

فاطمه :ايوة ياحبيبي خرجت من يبجي ساعه كده وانا حتى جيت اكلمها لقيتها خرجت بسرعه

هو مش النهارده الجمعه واجازة تكونش رايحه للست عليا المستشفى

عمر :طيب روحي انتي ياداده

فاطمه :تحب اعملك حاجه ياحبيبي

عمر :تسلمي ياداده

يتركها ويصعد غرفته يحاول الاتصال عليها  يعطيه جرسا ولا ترد انتي فين ياشمس مشيتي سيبتيني خلاص سيبتينى حتى من غير ماتسمعيني ازاي تصدقى اني ممكن اخونك

بس انتي معاكي حق اذا كنت انا قلتلك اني خنتك مستني منك إيه ارجعيلي انا بحبك بحبك اوى انتي فين ياحبيبتي

😢شفتي ياأمي شفتي اللي بيحصل لبنتك هو انا ليه ينكتب علية أعيش حزينه العمر كله ليه مش مكتوب لي  الفرح ليه الكل بيخونني ليه انا عمري مااذيت حد عشان يؤذوني كده 

يعني انا قدرت استحمل واعدي اللى حصللي مع عصام وقلت عمر لا يمكن يغدر بقلبي قلبي اللى حبه ووثق فيه فيوم من الأيام

ازاي قدر يخونني ازاي قلبه طاوعه يجرحني بالشكل ده ازاي ازاي ياماما

وجاي بكل بساطه يعترفلي طب مستني منى إيه اطبطب عليه واقولله معلش ياحبيبي واللا اقولله برافو عليك انك خنت ثقتي فيك ياعمر

انا تعبانه اوى ياماما خديني عندك انا مش عاوزه اعيش كفايه بقى انا خلاص تعبت ومبقتش قادرة استحمل اكتر من كده كتير علية والله كتير علية كل اللى بيحصللي ده

فجاة تشعر بيد وضعت على كتفها التفتت لهذه اليد وهى خائفه:اطمني يابنتي اطمني ومتوجعيش قلب ميت عليكي

شمس :انت مين

الرجل :متخافيش انا التربي بحرس المقابر من الشر اللي بيحاوطهم من شياطين الإنس اللى مش عاوزين يسيبوهم فحالهم وبرشلهم شوية مياه ترطب عليهم وتخفف عذابهم

شمس :شر بس دول ميتين ايه الشر اللى يحاوطهم وهما ميتين حيحصللهم إيه اكتر من انهم ماتوا

الرجل :ياااه كتير اوى انتي مسمعتيش عن هباشين الترب اللى بيفتحوا التربه ويسرقوا اى حاجه من الميت بيستغلوا انه مش حيعرف يدافع عن نفسه 

شمس :معقوله دي بس دي حرمة ميت ازاي يتعدوا عليها كده

الرجل :ياااه شكلك متعرفيش حاجه فيه اللى بيسرقوها وفيه ولعيذ بالله اللي بيستخدموها فى اي شر و بيعملوا اسحار واعمال للناس وييجوا يدفنوها هنا مع الميت ويحطوها فجسمه عشان يضمنوا ان السحر مفعوله يفضل مستمر

شمس :ياساتر يارب معقوله في حد يقدر يعمل كده وياذي الناس بالشكل ده ده كفر

الرجل :ماهو اللي بيعمل كده بيبقى ساحر وعشان يبقى ساحر لازم يكفر الأول بربنا ويسجد للشيطان

واللي يعمل كده يابنتي مايجيش من وراه غير الخراب 

ودول شياطين الإنس اللى بيسعوا فى الارض ويفسدوا فيها

وانتي جايه الصبح كده ليه وبتبكي على قبر مين

شمس :امي امي اللى محدش حيقدر يحس بوجيعتي ادها

الرجل :معقوله مفيش حد حي تحكيله وجايه تحكى للأموات

شمس :مش عاوزة احمل حد مشاكلي اكتر من كده لحد امتى حفضل تعباهم معايا وجعتلهم قلبهم بما فيه الكفايه

الرجل:ومتوجعيش قلب الاموات الله اعلم هما ايه اللى فيهم واكيد مش ناقصين همومنا احنا كمان

وكل مشكله وليها حل يابنتي متياسيش من رحمة ربنا ارفعي ايدك للسما وقولي يارب

شمس :يارب انت العالم بحالي يارب وعالم انى عمري مااذيت حد

هو معقول اللي بيحب يقدر يخون

الرجل :اللي بيحب مش ممكن يخون

شمس :بس ده اعترفلي بنفسه بخيانته  لية

الرجل:شفتي بعنيكي

شمس :لاء

الرجل :يبقى متصدقيش

شمس :مصدقش ازاي وهو قاللي بلسانه

الرجل :ياما فى السجن مظاليم يابنتي وياما ناس اعترفوا بجرايم معملوهاش وراحوا بلاش

الشيبه اللى قدامك دي شافت كتير وكتير ومفيش حاجه تبعد عن شياطين الإنس 

شمس :بس ازاي مش ممكن هو صحيح قاللى انه مش عارف ده حصل ازاي ولا فين بس قال انه خاني ايوة قال والله

الرجل:ولاد الحرام مسابوش لولاد الحلال حاجه ومادام قالك انه مش فاهم ولا عارف يبقى اكيد فى حاجه غلط ياما ناس ارتكبت مصايب وهى لاهي فاهمه ولا عارفه ليه ده حصل وكان ايه الداعي ان كل ده يحصل اصلا

شمس :هو ليه حضرتك بتتكلم كده

الرجل:عشان اللى قدامك ده راجل كبير والشيبه ملت وشه وشعره وكل ده مش ببلاش ده انا دفعت تمنه كتير اوى بس اللى شفته واللى بسمعه من ناس بتعمل زيك كده بالظبط وتيجي وتقعد تبكي بالساعات لا يتصدق ولا يعقله عقل

 اللى قتل اخوه واللى قتل امه واللا ابوه واللى قتل مراته عشان الشك ملى قلبه وسمع لاصدقاء السوء ياااه ححكيلك ايه واللا ايه يابنتي 

اسمعي يابنتي واوزني الامور وحكميها كويس سلمي امرك للى لا بيغفل ولا بينام ارفعي ايدك للسما وارمي حمولك عليها وكليه أمرك 

متقوليش يارب لية هم كبير

قولي ياهم لية رب كبير

اسمعي كلام واحد دارت ولفت بيه الأيام متصدقيش اى حاجه تتقال وخلاص ده مفيش اسهل من الكلام

ولو قادرة تسامحي سامحي يابنتي من عفا واصلح فاجره على الله لكن اياكي تعملي حاجه وترجعي تندمي عليها العمر مفيهوش يابنتي وبيخلص فلحظه

انا تربي هنا من وانا عيل صغير شفت اللى محدش شافه وسمعت اللى محدش يتخيله

صحيح انا عايش فى وسط اموات ملهومش حول ولا قوة لكن الشر اللى حواليهم موجود ومحاوطهم حتى وهما ميتين

ومش ناقصين همومنا احنا كمان

قومي يابنتي قومي استهدي بالله وروحي وشوفي اللى انتي فيه حاولي تفكري وتحكمي عقلك كويس ساعات بتبقي الحقيقه تحت رجلينا واحنا بنتعمي عنها ونرجع نندم

متديش فرصه للشيطان يخرب عليكم حياتكم وشياطين الانس بقوا اكتر من شياطين الجن ربنا يحميكي منهم يارب

قومي يابنتي خليني ارش التربه خلي نارها عليكى تبرد

اتوكلي على الله يابنتي ربنا يبعد عنك شر الانس يارب العالمين

توجه له شمس الشكر على هذه النصيحه متعجبه مما سمعته منه متوكله على الله

😢😢😢😢😢😢😢😢

تفتح عليه باب الغرفه فتجده كما تركته جالسا على طرف الفراش واضعا راسه بين كفيه تكاد رأسه ان تنفجر من الصداع

ترفع راسه بيديها فتجد اعينه محمرة من شدة البكاء

عمر :مشيتي وسيبتيني ياشمس طب راجعه تاني ليه

تأخذه من يديه وتجلسه أمامها على الكنبه وتجلس بجواره

صللى عالنبي ياعمر. عمر :عليه افضل الصلاة والسلام

شمس :احكيلي كل اللى حصل بالتفصيل من وقت ماسيبناك كلنا ومشينا لحد مادخلت علية بالليل واياك متقولش حاجه من اللى حصلت قلبي ده قلبي اللى حبك الحب ده كله حيعرف انك بتكدب ياعمر ووقتها مفيش حاجه ممكن تشفعلك عندي

عمر:حاضر يا شمس حقولك على كل حاجه بس قوليلي الاول انتى رحتي فين

شمس :كنت عند ماما ورجعت ياعمر رجعت لحبنا اللى مش حقدر افرط فيه بسهوله كده

 رجعت لوعدنا اننا حنقوي بعض ونقف فى وش اى موجه تحاول انها تهدم حبنا

رجعت لوعدك لية ووعدي ليك اننا حنتحدى اى غيوم تقف فى طريق سعادتنا وانا حتحدى ياعمر حتحدى الغيوم دي

شمس حتتحدى الغيوم ياعمر

عمر:بجد بجد ياشمس 

شمس :بس متخبيش وتحكي كل اللي حصل

عمر :بعد مانتم مشيتم كلكم انا قعدت اشتغل لدرجة انى كنت مش قادر حموت وانام لحد انتي مااتصلتي بية وطمنتيني على خالتك وانا قلتلك ياتباتي ياتروحي

شمس:وبعدين كمل ايه اللى حصل

عمر:لقيت مياده داخله علية انا استغربت من وجودها لحد الوقت ده خصوصا انهم سلموا الشغل اللى عندهم  ومعندهمش اى شغل متاخر بس هى قالتلي انها حبه تساعدني وكانت مصممه اوى ولما شكرتها لقيتها بتتحايل علية مرضتش اكسفها بالاضافه اني فعلا كنت خلاص وحسيتها جاتلي نجده 

اديتلها شغل تنفذه عالمكتب اللى قدامي وانا قعدت اشتغل لحد ماالصداع بدا يتملك مني

😍فلاش باك😍

مياده:مالك يابشمهندس انت تعبان

عمر:اوى تعبان اوي والله يامياده

مياده :ألف سلامه عليك يابشمهندس وهى مدام عليا عامله ايه انا سمعت انها تعبانه

عمر :الحمل تاعبها شويه ربنا يقومها بالسلامه

مياده :ان شاء الله تقوم بالف سلامه يدخل الساعي وقد كان الباب مفتوحا:بشمهندس

عمر:ايوة يا مجدي

مجدي:حضرتك انا كنت بسألك لو حابب اعملك اى حاجه تشربها قبل ماامشي

عمر :انت خلاص حتمشي

مجدى:اه يابشمهندس العيال فى البيت دوشوني كل شويه ياللا يابابا

عمر:ربنا يخليهوملك يارب

مجدى :ربنا يخليك يارب عقبال ماربنا يرزقك انت والبشهندسه بالذريه الصالحه ان شاء الله

عمر:ان شاء الله يامجدي ثم يخرج من جيبه نقودا ويعطيها له

مجدى :خير حضرتك سابق والله يابشمهندس

عمر:امسك يامجدي هات حاجه حلوى للولاد وانت مروح

مجدي:ربنا يكرمك يارب ويزيدك من نعيمه

عمر:مياده تشربي ايه

مياده :اي حاجه

عمر:فنجانين قهوة كده من ايديك الحلوين قبل ماتمشي

مجدى :دقايق ويكونوا عندكم

يخرج مجدي لتحضير القهوة

بعد ثواني يرن هاتف مياده فتفتح الخط وتأخذ هاتفها وتخرج لترد على المكالمه 

وتعود بعد قليل وتجلس مكانها

يدخل بعدها مجدى بالقهوة ويضعها أمامهم ويستئذن ويمشي

بينما يبدأ عمر فى تناول القهوة

يشعر بثقل فى راسه فيضع راسه على المكتب لعله يستريح قليلا فلا يشعر بشئ مما حوله

بعد مرور عدة ساعات يفيق على صداع شديد براسه والم بذراعه يجد عيناه مسلطه على سقف المكتب

يهب جالسا سريعا ليتفاجا بنومه على الارض عاريا الصدر مجردا من معظم ملابسه

ماهذا كيف لى ان انام بهذه الهيئه فجأة تقع عيناه على تلك النائمه على بعد عنه بخطوات قليله

ولكن يأخذه الذعر ممايرى فهيئتها لاتبشر بالخير

كانت نائمه وملابسها ممزقه تكشف اكثر مماتخفي

كان عمر غير مستوعب مايحدث ماهذا ماذا حدث وماالذي فعل فيها هكذا ادخل احد ما عليهم وفعل بها مافعل ام ماذا

:مياده يامياده

مياده :اه اه تفتح اعينها ابعد عني حرام عليك عاوز مني ايه تاني مش كفايه اللى عملته فية حرام عليك انا عملتلك ايه عشان تعمل فية كده

عمر :مياده مالك فى ايه وايه اللي انتي بتقوليه ده ومين اللى عمل فيكي كده

مياده وهى تحاول ان تضم ملابسها الممزقه الى صدرها :يعني مش عارف مش عارف مين اللى عمل فية كده حرام عليك انا عملت فيك ايه عشان تعمل فية كده انا اذيتك فايه ده جزاء، اني كنت بساعدك

عمر:انتي اتجننتي بتقولي ايه انا اللى عملت فيكي كده انتي اتهبلتي

مياده :امال انا اللى عملت فنفسي مش انت اللي بعد مامجدي مامشى اتهجمت علية وقطعتلي هدومي بص شوف مين اللى بهدلني كده مين اللى ضربني بالشكل ده

انا حاولت ابعدك عني على اد مااقدر لكن انت كنت اقوى منى مرحمتنيش ولا رحمت دموعي

اعمل ايه انا دلوقتى اتصرف ازاي اوري وشي لاهلي ازاي انا اتفضحت خلاص ومستقبلي راح منك لله منك لله وتبكي بانهيار

عمر :مياده انا مش فاكر اى حاجه مش فاكر غير اني كنت بشرب فنجان القهوة وبعد كده مش فاكر اي حاجه

مياده :طبعا لازم تقول كده امال تهرب من عملتك ازاي تقدر تقوللى مين كان فى المكتب غيرنا انا وانت

عمر :مياده الكلام ده خطير انتي بتقولي ايه انا ملمستكيش انا مش أهبل

فتريه مياده ماينزل على قدميها جراء ماحدث بينهما لتؤكد له انه قد نال منها واضاع مستقبلها:بص شوف امال ايه ده معناه ايه ده

عمر :لا مش ممكن استحاله انا مش ممكن اعمل كده ده انا معملتهاش لما كنت عايش حياتي بالطول والعرض وعمري مااخدت حاجه من واحده غصب عنها اعملها دلوقتى وانا متجوز وبحب مراتي لا مش ممكن انا لا يمكن اصدق لا مش معقول مياده انطقى قولي الحقيقه وايه اللى حصل ومين اللى عمل كده

مياده :انا قلتلك كل اللى حصل قول انك عاوز تهرب قول انك مش عاوز تتحمل نتيجة اللى حصل بص شوف

ينظر لنفسه فيجد علامات اظافر فى صدره

عمر:ايه ده

مياده :دى ضوافري اللى كنت بحاول ادافع بيها عن نفسي وانت مش راحمني

ثم تنهار بشده وتبكى على حالها

عمر :طب اهدي اهدي الله يخليكي احنا لازم نفكر حنتصرف ازاي فى المشكله دي

مياده :وهي دي فيها تفكير انا ضعت ضعت ومستقبلي راح وسمعتي حتبقى فى الأرض اعمل ايه انا دلوقتى اروح فين اقول ايه لاهلي ادخل البيت ازاي وانا بالمنظر ده

عمر :ياربي دي الساعه داخله على  اتتين طب تعالي اشتريلك اى حاجه تروحي بيها بس يارب نلاقى محل فاتح ومتعيطيش انا ححل كل حاجه ومش ممكن حهرب من حاجه انا عملتها

مياده :بجد بجد مش حتسيبني ولا تتخللى عنى حتتجوزني

عمر :ايه اتجوزك

مياده :امال حتصلح غلطتك ازاي هاه ايه عاوز تاخدني عند دكتور يعمللي عمليه واللا تضحك علية بقرشين

هو عشان انا بنت غلبانه ومليش حد تقوم عاوز تضحك علية باى حاجه وخلاص

عمر :مياده من فضلك اتفضلي دلوقتى قدامى والحمد لله ان بكرة الجمعه عشان نعرف نفكر كويس ومتخافيش قلتلك مش عمر المهدي اللي يهرب من حاجه عملها

ياخدها عمر ومن حسن الحظ يلاقوا محل ملابس ينزل بسرعه يشتريلها حاجه تلبسها ويقف على جمب لحد مالبست واخدها ووصلها لحد البيت وفضل قاعد فى العربيه يبكي ومش عارف يعمل ايه بس قرر انه لازم يعترف لشمس باللي عمله مهما كان التمن 

باك

هو ده كل اللي حصل اكتر من كده مش فاكر اى حاجه

شمس :يعني انت مش فاكر انك عملت معاها اى حاجه

عمر :أقسم بالله العظيم مافاكر حاجه وحياة حبنا مافاكر ولاعارف غير اللي قلتهولك ده

شمس:ياللا بينا ياعمر

عمر:على فين ياشمس

شمس :عالشركه ياعمر

عمر:الشركه دلوقتى ليه

شمس :هناك حتعرف كل حاجه

😢😢😢😢😢😢😢😢😢

فى داخل المكتب يجلس عمر بينما تتحرك شمس فى المكتب وتحاول ان تجد مخرجا لحبها الذي قد يضيع

انت قلت انك كنت قاعد هنا صح

عمر:ايوة والله مقمتش انا فاكر اني كنت بشرب فنجان القهوة وبعد كده مش فاكر اى حاجه تانيه

شمس :تمام وفين فنجان القهوة بقى

عمر :مش عارف وفنجان القهوة بتاعها كمان مش موجود يبقى أكيد هى غسلتهم

شمس :انت متأكد ان مجدي مشى بعد مااقدملكم القهوة

عمر :ايوة مشى متأكد

شمس :يعني معنى كده انها هي اللى اخدت فناجين القهوة وراحت تغلسهم بنفسها

غمر:اكيد طبعا

شمس احنا محيرين نفسنا ليه احنا نشوف كاميرات المراقبه ونعرف كل حاجه حصلت هنا

شمس :تفتكر ان حاجه زى دي مجتش فبالي دي اول حاجه جت فى بالي واحنا جايين بس مش بالسهوله اللى انت  فاكرها دي

عمر:ليه ياشمس انتي خايفه ان يكون حصل بينا حاجه زي مابتقول صح انا عارف انك مش حتقدري تستحملي موقف زى ده

شمس:عمر انا ممكن استحمل ان سيف ينغرز فقلبي ولا انى اشوفك فحضن واحده غيري وانا فعلا مقدرش اشوفك فى وضع زى ده بس بردو مش هو ده السبب 

عمر :امال ايه  السيب فهميني

شمس :مش اللى حصل كان هنا فى مكتبك ده

عمر:هى قالت كده

شمس :تمام يبقى حنعرف بقى اللى حصل ازاي وهنا مفيش كاميرا مراقبه اصلا

عمر :نعم يعني مكتب المدير وميكنش فيه كاميرات مراقبه طب ازاي

شمس :عشان زى ماقلت مكتب مدير ازاى مكتب المدير يكون فيه كاميرات مراقبه وفيه اسرار كتير عن الشركه المفروض محدش يطلع عليها وبتكون فيه اجتماعات وكلام سري مينفعش يخرج اصلا والكاميرات هنا صوت وصورة يعني كل حاجه حتكون مكشوفه

الكاميرات بتكون فى مكاتب الموظفين والطرقات والعهده والخزنه

عمر :ماشي بس عالاقل حنعرف هى خرجت تكلم مين فى التليفون اى حاجه ياشمس

شمس :كاميرات المراقبه عشان تتفرغ لازم ندخل حجرة الامن والمراقبه وكمان لازم يكون معانا الباث وورد اللى تقدر نفتح بيه الكاميرات

وده محدش يعرفه غير السكيورتي نفسه والبشمهندس يزيد هو الوحيد فى الشركه اللى معاه الباث وورد لانه بيفتحه على الكمبيوتر عنده عشان يراقب حركة الشغل وهو فمكتبه وده طبعا مبيحصلش فكل الاوقات لما بيكون فاضي بس او كل فترة يعني مبيكونش بشكل يومي

عمر:طب والحل دلوقتى نعمل إيه

شمس :مفيش ادامنا غير انك تتصل بيه وتتحججله باى حجه عشان يقولك الباث وورد ونقدر نفتح الكاميرات غير كده انسى

عمر :طب وايمان تفتكري ميكونش عندها علم بحاجه زى دي

شمس :عمر ماتشيلينيش ايمان موظفه ياعمر ومهما كانت غلاوتها عند يزيد بس دى حاجه خاصه بالمدير محدش يقدر يعرفها غيره

عمر :طيب انا حتصل بيه بس يارب يقتنع انا خايف اوى ميصدقنيش وتحصل مشكله ماتكلميه انتي 

شمس بصوت عالي:خلص ياعمر

يتصل عمر بيزيد ويحاول يفهمه ان فيه ملف ضايع ومش عارف راح فين ومحتاج يشوف اذا كان فيه حداخده وخرج بيه من المكتب

طبعا يزيد سمعه كلمتين وحذره لو حاجه حصلت واداله الباث وورد قالله على مكان مفاتيح مكتبه وراحوا بسرعه فتحوا المكتب والكمبيوتر وبداوا يشغلوا كاميرات المراقبة عشان يشوفوا اللى حصل فى اليوم ده

فجأة يشعر بألم فى ذراعه:اه دراعي مش قادر

شمس :ماله انت قلت كذا مرة انه واجعك

عمر :مش عارف من وقت مافتحت عيني  وانا حاسس انه واجعني

شمس :وارد تكون اتخبطت فيه او وقعت عليه انت ناسي انها بتقول انها كانت بتقاومك خلص ياعمر انجز

عاوزين نكسب وقت

تبدا الكاميرات فى التشغيل يجرون باحداث اليوم حتى يصلون الى لحظة دخول مجدي المكتب

شمس:بس اهدى بقى كده وخللي الكاميرا تتحرك بالبطئ عشان نفهم دلوقتى مجدي دخل عندكم صح

عمر:ايوة وقت مااستئذن وراح يعمل القهوة

شمس:تمام واهوه خرج راح يعمل القهوة

عمر :بصي اهيه خرجت ترد عالتليفون زى ماقلتلك

شمس :لحظه واحده كده انا مش شايفاها بترد على تليفون

التليفون فايدها اهوه رايحه فين دي الله دي دخلت البوفيه خرجت اهيه بسرعه اوى ده مفاتش ثواني

طب المفروض ان مجدي جوة هو في ايه بالظبط ايه ده بص كده مجدي مكنش جوة فى البوفيه شكله جاي من الحمام وهيا واقفه بتتكلم معاه اهوه وبيضحكوا

بعد كده شافوها داخله البوفيه تاني مع مجدي وخرجت بعديها بوقت قليل وفايدها كيك

وراحت عاالمكتب وبعديها بشويه صغيرين دخل مجدي وخرج فى ثواني

وبعديها بحوالي نص ساعه خرجت ومعاها فنجانين القهوة وغابت اوي بعد مادخلت بيهم البوفيه لحد ماخرجت  وبعد كده دخلت المكتب وقفلت الباب كويس ومفيش حاجه تاني ظهرت قدامهم غير بعد ماخرجوا هما الاتنين وهي ماسكه هدومها بايدها

قفلوا الشاشه وبدات شمس تتحرك فى المكتب

عمر :ايه رايك فى اللى شفتيه ياشمس

سمس:مياده مجالهاش تليفون ولا حاجه هى عملت كأن فى حد بيرن عليها عشان تاخدالتليفون وتخرج من غير ما تشك فيها او تلفت نظرك لخروجها من غير سبب

 خرجت وراحت على البوفيه ومن حسن حظها انها ملقتش مجدي جوة  بس للأسف معرفتش تحط اللى ناويه عليه فين

 لان واضح انه مكنش لسه عملها وهى مش حتقدر تحط حاجه تبان وهو بيحط القهوة فى الفنجان وكمان مش حتعرف تحدد الفنجان اللى انت حتشربه

خرجت اوام ولما لقت مجدي فوشها وارد تكون كلمته فاي حاجه ودخلت معاه تاني ممكن تكون لخمته عشان تعرف تحط اللى هي عاوزاه بسرعه من غير ماياخد باله

 شكلها كده كانت بتطلب منه يجيبلها كيك على ماتحط اللى هي عاوزاه في الفنجان بعد ماصبه وعرفت انه الفنجان اللى يخصك

وخرجت وطبعا شكلها كان متوتر وبعدها مجدي جابلكم القهوة وخرج واهوه ماشي من الشركه وهي بعد انت ماشربت القهوه اخدت الفناجين وراحت تغسلهم ماهي مش غبيه ومش حتسيب عليها دليل يثبت انها حتطلك حاجه فى القهوة تنكشف بيه وواضح انها كانت خايفه اوى بدليل انها غابت فى البوفيه عشان تضمن انها غسلته كويس

ولما رجعت قفلت المكتب عشان يبانلك انها حاولت تخرج من المكتب وهي بتقاومك وانت اللي قفلته عليهم لأنك لو كنت مدرك للي بيحصل مكنتش حتقدر تقفل الباب ولو انت اللى قفلته كان حيبقى بعد شويه مش بمجرد دخولها المكتب

عمر :بجد تفتكري ياشمس ده اللى حصل

شمس :ومالك فرحان اوى كده ليه

عمر:ماهو ده معناه اني برئ ومعملتش حاجه وهي اللى خططت ورتبت

شمس :ده مجرد تخمين ياعمر مش اكتر وحتى لو كان ده حقيقى فعلا حصل فده مش دليل على ان ماحصلش بينكم حاجه الله اعلم ايه اللي حصل فى المكتب بينكم

ووارد جدا ان يكون فعلا حصلت بينكم حاجه بدليل انها اثبتتلك ده وشفته بعنيك

عمر :بس والله العظيم انا متأكد اني ممش ممكن اكون عملت كده

شمس :مااحنا منعرفش هي حطتلك ايه بالظبط منوم مخدر حبوب هلوسة منشط قوى يخليك تعمل اى حاجه وانت مش فوعيك

وكل ده مش بسهوله اننا نتاكد منه

عمر :انا كل ده  ميهمنيش ياشمس انا كل اللي يهمني اني مخنتكيش ياشمس كل اللي يهمني اني معملتش حاجه بارادتي ياشمس مغضبتش ربنا بعد ماعاهدته اني عمري ماحعمل حاجه تغضبه تاني مهما حصل

شمس :ولو كان فى حاجه فعلا حصلت بينكم يبقى ايه الحل

عمر :الحل ده انا حخرب بيتها على بيت اللى خلفوها

شمس :اهدى ياعمر لاحظ ان كل ده مجرد تخمينات مش اكتر وممكن تكون الحقيقه حاجه تانيه خالص ومش بسهوله نتاكد من اللى حصل ده انتوا كنتوا  جوة المكتب عندك يعني حاجه احنا مش ممكن ابدا نعرفها او نتاكد منها بالبساطه دى

عمر:شمس انا عاوز ايمان دلوقتى حالا

😥يادي إيمان ووقعة إيمان السوده هو مفيش غير ايمان اللى كل ماتحصل مشكله واللا مصيبه تجيبوني حرام عليكم ياناس ده اليوم الوحيد اللى انا  برتاح فيه شويه هو انا خلاص اتكتب علية قلة الراحه

سماح :ماتخرسي بقى وتتكتمي شويه من  ساعة مادخلتي وانتي لوكلوك لوكلوك ايه فى ايه يخرببيتك اهدي بقى واخرسي  شويه

إيمان :مانتوا زهقتوني هو فى كده الا مافى مرة تتصلي بية تقوليلي حنتفسح ومهانش علية اتفسح من غيرك يامنتي ولا فى مرة تقوليلي دبحه دكر بط ومقدرتش اكله من غيرك ياخطيبة ابني ياغاليه مابتتصليش غير فى المصايب وبس

قرفتوني وزهقتوني فعيشتي

سماح:بقى احنا قرفناكي ياجذمه ياخبتي السوده فخطيبة ابني عيني علية وعلى بختي الأسود امشي يابت مش عاوزة منك حاجه ده بدل ماتفرحي ان كل مابتحصل مصيبه بجيبك تحليهالنا ياوش الهم مكبراكي وعاملالك قيمه ده بدل ماتفرحي

إيمان :افرح وده  ليه يااختي حد قالكم انى سفيرة النوايا الحسنه واللا مبعوث من الامم المتحده لتهدئة النفوس الغاضبه

وبعدين انا عاوزة اعرف انتي ايه اللى تاعبك واحده وخطيبها مش عاوزين يعملوا فرح وعاوزين يعملوا حاجه على الاد وياخدوا الفلوس دي يقضوا بيها شهر العسل ايه اللى مضايقك طب والله عين العقل وانا حعمل زيهم

سناء:عملكم اسود ومنيل انتوا عاوزين تشلوني بقى كده ياايمان وانا اللي بقول مليش غيرك ومفيش حد حيعقل الهبله دي غيرك

إيمان :طب انتي عاوزة تعملي بالفرح إيه

سماح:افرح يابت وارقص وأكيد العوازل

إيمان :وافرضي بقى خادولهم عين وروحوا اتخانقوا واللا الفرح قلب بخناقه وطلقها وهما فى الكوشه ورجعت معاكي بفستان فرحها حتعملي ايه بقى

سماح :اعمل ايه يالهوي ده انا كنت اتشل فيها فال الله ولا فالك ياجذمه انتي بتفولي على بتي يازفته

إيمان :مش  انتي اللى كل شويه تقولي خايفه من العين وربنا يستر والبت تروح بيتها وارتاح منها خلاص خليها تروح بالسلامه تعمله فى جامع فى شارع فى بير السلم حتى انتي مالك زعلانه ليه ماتسيبيها

 وليكي علية نعمللها حتة حنه ليلة الفرح محصلتش وترقصي لما تشبعي رقص ايه رأيك بقى

وحسن يجيب صحابه بقى وتبقى ليله قلتي إيه

واللا تخليها قاعده جمبك

سماح :قاعده جمبي يالهوي ده انا نفسي تمشي وارتاح منها

إيمان :يبقى تسيبيها تعمل اللى هى عاوزاه كبري دماغك وليكي علية بعد الفرح اخدك كده اصبغلك شعرك وادلعك قلتي ايه بقى

سماح :تصدقي اقنعتيني يابت ياايمان هاتي بوسه يابت والله انتي حبيبتى وربنا العالم غلاوتك من غلاوة الحيوانه دى

إيمان :لا لو كده يبقى ربنا يستر بقى

يعلن هاتفها عن اتصال تفتح الخط :شموستي صباح الفل ياقمر

شمس :انتي فين ياايمان 

إيمان :انا عند ام حسن بلحق الفرح قبل مايبوظ والبت قبل ما تطلق قبل ماتتجوز

شمس :طب تيجي الشركه دلوقتى حالا قبل مانا وعمر اللى حنطلق

تهب ايمان واقفه:فى ايه ياشمس مالك

شمس:من فضلك ياايمان تعالي الشركه حالا انا وعمر هنا ولماتيجي حتعرفي كل حاجه

إيمان :وايه اللي موديكم الشركه النهارده يابنتي

شمس:ايمان الله يخليكي انا مفييش حيل للكلام لما تيجي حتعرفي كل حاجه

سماح:فى إيه ياايمان مالها صاحبتك

إيمان :شكلها كده فى مصيبه وعاوزاني ضروري

سماح :ربنا يستر أن شاء الله شفتي بقى اننا كلنا بنجيبك فالمصايب فقريه

إيمان :ماشي ياام حسن سلام 

😢😢😢😢😢😢😢

تقف امام الشركه فينزل اليها عمر ويفتح لها :تعالي ياايمان

إيمان :فى ايه ياعمر ايه اللي حصل

عمر:تعالي بس وانتي حتعرفي كل حاجه

تدخل معه المكتب فتجد شمس جالسه ووجهها لا يبشر بالخير

إيمان :شمس مالك ياشمس

فلا تشعر بشمس الا وهي ترتمي فى احضانها ولما لاوهى صديقتها واختها ورفيقتها وملاذها فى هذه الحياة

إيمان :فى ايه مالكم فهموني ايه اللى حصل

تنظر شمس لعمر ولا تعلم بما تجيب صديقتها

عمر:انا حقولك على كل حاجه ياايمان

حكى عمر لايمان كل اللى حكاه لشمس بالحرف وفتحلها الكاميرات مرة تانيه وشافت كل اللى هما شافوه

إيمان :اه يامياده يابت ال........ يازبالة

شمس متصدقيش ياحبيبتي اوعي تصدقى اللى حكهولك عمر جوزك برئ ياشمس دى مكيده من بنت الجذمه دي عشان تخطف منك جوزك

دي حربايه ومحدش يعرفها ادي وانا كنت متاكده انها بتخطط لحاجه واخر مرة شفتها شفت فعينيها التحدي وهي قالتلي بلسانها انها حتنفذ اللى فدماغها

شمس :انا متأكده ياايمان متاكده من ان عمر لايمكن يكون خاني وهو واعي ومدركه لده انا كل خوفي ان يكون حصل بينهم يكون وهو مش فى وعيه ووقتها يبقى خلاص كل حاجه راحت

عمر:انتي قصدك ايه ياشمس

شمس:قصدي انك لو فعلا كنت عملت اللى عملته حتتجوزها ياعمر فاهم لازم تتجوزها

عمر :انتي بتقولي ايه ده لايمكن يحصل على جثتي انى اتجوز واحده غيرك ده يبقى اخر يوم فعمري لما اسمي يرتبط باسم واحده تانيه

وانتي ساكته ليه ماتتكلمي هو انا جايبك عشان تسمعينا سكوتك

إيمان :استغفرك ياربي واتوب اليك ممكن تهدوا كده وتسيبوني افكر

شمس :تفكري فايه ياايمان تفتكري اللى احنا فيه ده ليه حل

إيمان :بصوا بقى كل اللى حكاه عمر ميدخلش العقل ابدا وعلى رأي المثل اذا كان اللي بيتكلم مجنون يبقى المستمع عاقل

عمر:انتي قصدك اني كداب ياايمان

إيمان :الموقف كله كدب فكدب ياعمر قهوة ايه دي اللي بعد ماتشربها تنام تقوم تلاقي نفسك ارتكبت جريمة اغتصاب

ياسلام شوف ازاي واشمعنى المرة دي يعني

الموضوع بياكد ان فى حاجه اتحطتلك فالقهوة واللى شوفناه فى الكاميرات بياكد انها هى اللى عملت كده عشان هى دي الحاجه الوحيده اللى ممكن تجبرك انك تتجوزها

شمس :ايمان مااحنا تقريبا متاكدين من ده احنا دلوقتي عاوزين نعرف هل حصل بينهم علاقه زى ماهي قالت  واللا لاء

إيمان :والله بقى ياجماعه انا لسه انسه ومعرفش بقى احنا ممكن ازاي  نعرف اذا كان حصل واللا لاء واللا انت ايه رايك ياعمر

عمر:مش انا قلتلك على اللى هيا وريتهولي يثبت اني اعتديت عليها

إيمان :وعاملي نفسك مقطع السمكه وديلها جتك خيبه ماهي ممكن يافالح تكون عورت نفسها صعبه دي يعني واللا جابت اى لون ورمته على رجلها مش دليل ياعمر

عمر:وبردو مش اكيد اللى بتقوليه احنا لازم نتأكد ياايمان

ايمان:ودي حنتاكد منها ازاي تحب امسكهالك واكتفها واجيبلك الدايه تكشف عليها وتاكدلنا ان كنت ارتكبت هذه الفحشاء واللا لاء وفى اى منطقه

شمس :يعني بزمتك ياايمان شايفه ان ده وقت تريقه

إيمان :لا والله مااقصد ياقلبي اقسم بالله انا ممكن اروحلها البيت واجيبها من شعرها وارنها علقه ادام اهلهالحد ماتقر وتعترف

عمر:ايمان انا محتاج اراقب تليفونها اسجل مكالماتها اعرف بتقول ايه يمكن ده يساعدنا نوصل لحاجه

إيمان :نراقب تليفونها تمام اوى ممكن بقى تطلعوا انتواالاتنين برة الموضوع ده خالص وتسيبوهولي بقى

عمر :انتي متأكده انك حتقدري ياايمان

ايمان:وحياتك عندي وغلاوتكم انتم الاتنين ماحخللي حاجه تفرق بينكم ومفيش حد حيجيب ارار الموضوع ده غيري

 وهي كده جت لحد عندي ورمت الكورة فى ملعبي  وانا بقى حشوطها فكل حتة لحد مااكسر لها عضمها واخليها عبرة الكلبه دي

وحعملكم منها كفته وبطاطس محمرة ايه ده تصدقوا انى مفطرتش وجوعت انا عاوزة اكل

عمر:حتاكلي ياايمان وحتشربي وحدلعك اخر دلع بس تشوفيلي حل فى المصيبه اللى انا فيها دي

إيمان :عيب عليك ياعمر ده انا ايمان صانعة المعجزات

اطمن مع برسيل مفيش مستحيل ومع بيوكلينا مفيش بقعه تستعصى علينا

وبكرة تشوفوا ايمان حتعمل ايه وديني لجيبهالك ركعه على اديها ورجليها بتطلب العفو وساعتها بقى حتبقى جاتلي الفرصه اني اعمل فيها اللى كان نفسي فيه

ادعولي بس وقولوا يارب

وانتوا كمان ياللي بتقروا البارت ادعولي ربنا يقدرني واساعدهم مش دول حبايبكم ادعولي بقى ربنا يوفقني احسن انا خايفه اوى معرفش اساعدهم تبقى خيبه ويبقى شكلي وحش

حسيبكم بقى واروح افكر وادبر حعمل ايه فى المصيبه دي الله يحرقك يامياده الكلب كنت ناقصاكي يابت الجذمه حلاقيها منك واللا من سماح دى كمان

مع تحيات المفتش كرومبو والمعلم رشدان 

😎😎😎😎😎😎😎😎😎😎😎😎😭😭

 •تابع الفصل التالي "رواية شمس تتحدي الغيوم" اضغط على اسم الرواية