رواية شمس تتحدي الغيوم الفصل الخامس و الاربعون 45 - بقلم عبير سليم
الفصل الخامس والأربعون من رواية شمس تتحدى الغيوم
بقلمي :عبير سليم
🌺🌺🌺🌺🌺🌺🌺🌺
تشرق شمس يوم جديدوهو على عملنا شهيد يحمل للبعض التفاؤل والأمل والرجاء وللبعض الخوف واليأس والرهبه
ولكنه يفرض وجوده على كل من كتب الله له الحياة سواء رضينا ام أبينا فهو ات ات لا محاله.
وكم من اناس يرهبون بدايته خوفا من امر ما وكم من البعض ينتظرونه بلهفه شديده وخاصة وان كان هذا اليوم سيعتبر نقله فى موازين حياتهم وسيغير مجراها
فى تمام الساعه السابعه صباحا حيث الهواء العليل والشمس الحانيه التي تبعث الدفء فى النفوس وتمدها بالنشاط والحيوية
يرتدي ملابسه الرياضيه وحذائه الرياضي ويجري على شاطئ البحر ليستنشق الهواء النقي ويستمتع باشعة الشمس الذهبيه
فيجدها أمامه ترتدي هى الاخرى ملابسها الرياضيه فينبض قلبها له عند رؤيتها المتعمده له حيث لم يكن ذلك اللقاء صدفه وانما كان مرتبا من قبلها لتستطيع التحدث اليه قبل انغماسه فى العمل
تقبل عليه والابتسامه على وجهها:صباح الخير يا حسن
حسن :صباح الفل والياسمين على أجمل ماسه فى الدنيا
ماسه :شكلك كده رايق اوى النهارده
حسن :رايق ومبسوط اوى اوى
ماسه :امممممم وياترى ممكن اعرف سبب هذا الروقان واللا مش حتقوللي
حسن :السبب ياستي عشان انا اخدت اسبوع اجازة من الشغل
ماسه بحزن ظاهر على وجهها:اسبوع اسبوع بحاله ليه ياحسن
حسن :زهقت ياماسه قعدتي هنا لوحدي زهقت منها اه صحيح نص اليوم واكتر بيروح فى الشغل بس بردو بحس اني لوحدي وكمان إيمان وحشتني اوى وعاوز انزل اقعد معاها شويه وافسحها المجنونه دي واشوف الشقه وصلت لفين وماما وبابا واخواتي كلهم وحشوني وانا بقالي فترة أصلا مانزلتش
ماسه:طب انت ممكن تقول انهم وحشوك لكن ليه تقول انك زهقان هو انا مش ماليه عليك وقتك ياحسن
حسن :لا طبعا ازاي انا والله بقضي معاكي وقت جميل جدا خصوصا وانا بعلمك كل حاجه تخص السياح والسياحه ببقى مبسوط جدا خصوصا انك ذكيه ومبتتعبنيش
ماسه: انا بيبقى نفسي افضل معاك بعد التدريب بتاع الصبح مابيخلص ببقى عاوزة مامشيش واسيبك بس انت دايما بتقوللي مشغول فى شغلك وبالليل يابتبقى مع اصحابك يابتكون بتكلم إيمان فى التليفون
حسن :ياسلام يعني انا اقعدك جمبي طول اليوم ومذاكرتك اللي عليكي وكمان باباكي يبيقى عاوزك تتابعي معاه شغل الفنادق
ماسه :بس انا مش حابه شغل الفنادق ده وبزهق
حسن :مينفعش ياماسه انتي لازم تتعلمي الشغل كويس لاحظى ان بابا معندوش غيرك وربنا يخليلك بابا وماما يارب بس كل ده حيبقى ليكي فيوم من الأيام فلازم تعرفي كل حاجه عشان محدش يضحك عليكي ويضيع تعب وشقا بابا السنين دي كلها
ماسه :تقصد بمين ممكن يضحك علية
حسن :مش حد معين يعني بس الدنيا مبقتش امان ياماسه تلاقى واحد كويس وتلاقى عشرة وحشين
وفى ناس عندهم قوة فى التمثيل تخليكي تفتكيريهم ملايكه بجناحات وتلاقي نفسك بتثقي فيهم ثقه عمياء بعد كده تلاقيهم شياطين والله
عشان كده لازم تبقي جدعه كده وتقفي مع بابا وتديري كل حاجه بنفسك وانتي خلاص اهوه فاضلك حاجه بسيطه وتخلصي دراستك
ماسه :لو انت معايا ياحسن انا حبقى مطمنه اوى وحبقى زي مانت عاوز
حسن:بس انا عاوزك تكوني زي مانتي عاوزة مش زي ماحد عاوز
ماسه :بس انت مش اي حد ياحسن
حسن انا انا محتاجاك اوي فحياتي محتاجاك تكون جانبي انا محدش بيفهمني غيرك
حسن :إيه الكلام ده لاطبعا بابا وماما بيحبوكي أوى
ماسه :انا عارفه انهم بيحبوني اوى وانا اهم حاجه فحياتهم لكن انت حاجه تانيه بالنسبه لي
حسن هو مش بابي عرض عليك تشتغل معاه وتساعده فى ادارة الفنادق ماتوافق عشان خاطري ياحسن واوعدك والله انك لو بقيت معانا في الشغل حتشطر واساعد بابي فى الشغل وابقى بيزنس وومان كمان
حسن:ههههه بيزنس وومان مرة واحده والله ده شئ، يسعدنا كلنا ياقمر
بس للأسف مش حينفع والله ياماسه انفذلك طلبك
ماسه :ليه ياحسن وايه المانع
حسن :عشان انا اصلا بعد مااتجوز انا وإيمان احتمال كبير اسيب شرم خالص وانزل اشتغل فى اسكندريه
ماسه :ايه انت عاوز تسيبني ياحسن
حسن:هههههههه اسيبك يخرببيت عقلك ايه الكلام ده
مانتي عندك بابا وماما واصحابك لكن انا مش حقدر ابعد عن إيمان مش حقدر افضل قاعد مستني الاجازة عشان انزل حيبقى صعب علية اوى لازم اسيب هنا واكون معاها هيا
•تابع الفصل التالي "رواية شمس تتحدي الغيوم" اضغط على اسم الرواية